March 18 (Citizen.lk News) - ශ්රී ලංකාව තුළ දේශීය හා විදේශීය පුද්ගලයින් විසින් නිසි අවසරයකින් තොරව ඩ්රෝන යානා පියාසර කිරීම තහනම් බව ශ්රී ලංකා ගුවන් හමුදාව විසින් මහජනතාවට දැනුම් දී තිබෙනවා.
ඒ අනුව, මීට පෙරද අධි ආරක්ෂිත කලාපයන් තුළ අවසර රහිතව ඩ්රෝන යානා ක්රියාත්මක කළ පුද්ගලයින්ට නීත්යානුකූල ක්රියාමාර්ග ගෙන ඇති අතර ශ්රී ලංකාව තුළ ඩ්රෝන යානා පියාසර කිරීමට අදහස් කරන සියලු පුද්ගලයින් අදාළ නීති හා රෙගුලාසි පිළිපදිමින්, නිසි අවසර ලබාගෙන පමණක් එම ක්රියාකාරකම් සිදුකරන ලෙස ශ්රී ලංකා ගුවන් හමුදාව අවධාරණය කරනවා.
මෙම දැනුම්වත් කිරීම, ජාතික ආරක්ෂාව තහවුරු කිරීම සහ ඩ්රෝන යානා භාවිතාකරුවන්ට ඇතිවිය හැකි නීතිමය ගැටලු හා අපහසුතා වළක්වා ගැනීම අරමුණු කරගෙන සිදුකරනු බව ගුවන් හමුදාව වැඩිදුරටත් සඳහන් කරනවා.
