June 25 (Citizen News) - මාර්ගත ක්රමවේදයන් ඔස්සේ සිදු කරනු ලබන ව්යාපාර නිසි ලෙස නියාමනය කළ යුතු බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ සඳහන් කරනවා.
අමාත්යවරයා මේ බව ප්රකාශ කළේ, ශ්රී ලංකා සිල්ලර වෙළෙඳුන්ගේ සංගමයේ 09 වැනි වාර්ෂික මහා සභා රැස්වීමට එක්වෙමින්.
අන්තර්ජාල වෙළෙඳපොළ හරහා සිදුකෙරෙන ඇතැම් ව්යාපාර නිසි පරිදි ලියාපදිංචි නොවීම සහ බදු නොගෙවීම නිසා, නීත්යානුකූලව බදු ගෙවන ව්යාපාරිකයන් දැඩි අපහසුතාවයට පත්වන බව ද ඔහු සඳහන් කර සිටියා.
පසුගිය කාලයේ මෙවැනි අවධිමත් ක්රම ඔස්සේ ඩොලර් මිලියන 780ක් වැනි විශාල මුදලක් රටින් පිටවී ඇති බව නිරීක්ෂණයවී ඇති බව ද අමාත්යවරයා පෙන්වා දුන්නා.
දැනට රටේ ලියාපදිංචිවී ඇති ව්යාපාර ප්රමාණය 65,000ක් පමණ යැයි උපකල්පනය කළ හැකි වුවත්, ඇතැම් විශාල සමාගම් සතු නියෝජිතයන් සහ බෙදාහරින්නන් ප්රමාණය ලක්ෂ දෙකකට වඩා අධික බව ව ඔහු සඳහන් කර සිටියා.
ඉන් ගමේ කුඩා සිල්ලර කඩයේ සිට ජාතික මට්ටමේ B2C ව්යාපාර දක්වා විශාල පිරිසක් නිසි පරිදි ලියාපදිංචි වී නොමැති බව අමාත්යවරයා මෙහිදී පෙන්වා දෙන ලදී.
සිල්ලර වෙළෙඳාම යනු විශාල වශයෙන් සේවා හා රැකියා උත්පාදනය කරමින් රටේ ආර්ථිකයට දැවැන්ත දායකත්වයක් සපයන ප්රධාන ක්ෂේත්රයකි.
එය දළ දේශීය නිෂ්පාදිතයෙන් 20%කට වඩා වැඩි ප්රමාණයක් ආවරණය කරන අතර, මිලියන දෙකකට ආසන්න පිරිසකට රැකියා අවස්ථා උදාකරදී ඇති බව වසන්ත සමරසිංහ මහතා වැඩිදුරටත් සඳහන් කර සිටියා.
