සහරාන්ගේ බිරිඳ – දියණිය CIDයට.

0
285

තවුහීත් ජමාත් සංවිධානයේ නායකයා මෙන්ම ෂැංගි‍්‍රලා හෝටලයේ බෝම්බකරුවකු වන මොහොමඩ් සහරාන් හසීම් නැමැත්තාගේ බිරිඳ වන අබ්දුල් කාදර් ෆාතිමා කාදර් නැමැත්තිය අපරාධ පරීක්ෂණ දෙපාර්තමේන්තුව බාරයට ගෙන ඇති බව පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර මහතා සඳහන් කළා.

ඔවුන්ගේ සිව් හැවිරිදි දියණියට ද බාරකරුවකු නොමැතිකමින් මව බාරයේ සිටින බවද රුවන් ගුණසේකර මහතා කියා සිටියා.

පසුගිය (26) දින කාත්කත්කුඩි සයින්දමරුදු ප‍්‍රදේශයේ නිවසක් තුළ අන්තවාදීන් පිරිසක් බෝම්බ පුපුරවා ගැනීමෙන් පසු ඇය සහ දියණිය බරපතල තුවාල ලබා සිටියදී යුද හමුදාව විසින් බේරාගෙන අම්පාර මුලික රෝහලට ඇතුළත් කර තිබුණා.

අම්පාර රෝහලින් ඇය මීට දින කිහිපයකට පෙර කොළඹ ජාතික රෝහල වෙත මාරුකර එහි ප‍්‍රතිකාර ලබමින් සිටියදී ඇය අපරාධ පරීක්ෂණ දෙපාර්තමේන්තුව බාරයට ගත් බව පොලිස් මාධ්‍ය ප‍්‍රකාශවරයා පැවසුවා.

අපරාධ පරීක්ෂණ දෙපාර්තමේන්තුව බාරයේ සිටින ඇය අවශ්‍ය වෛද්‍ය ප‍්‍රතිකාර සඳහා යොමු කරන බවද පොලිස් මාධ්‍ය ප‍්‍රකාශකවරයා කියා සිටියා.

අපේ‍්‍රල් 21 දින සිදුවු ප‍්‍රහාර මාලාවෙන් පසු අද (15) වන විට සිද්ධිය සම්බන්ධයෙන් සැකකරුවන් සහ සැකකාරියන් 85 දෙනෙකු අත්අඩංගුවට ගෙන රඳවා සිටින බව රුවන් ගුණසේකර මහතා සඳහන් කළා.

මින් 65 දෙනෙකු අපරාධ පරීක්ෂණ දෙපාර්තමේන්තුවේ ද, තවත් 20 දෙනෙකු ත‍්‍රස්තවාදී විමර්ශන කොට්ඨාසය බාරයේ ද සිටින බව ඒ මහතා වැඩිදුරටත් ප්‍රකාශ කළා.

මෙම පිරිස අතරින් 10 දෙනෙකු සැකකාරියන් බව ද පොලිස් මාධ්‍ය ප‍්‍රකාශකවරයා පැවසුවා.

LEAVE A REPLY

Please enter your comment!
Please enter your name here