යුද්ධයෙන් මිය ගිය පිරිස් වෙනුවෙන් ජනසංහාර සතියක්.

0
98

යුද්ධය හේතුවෙන් මිය ගිය උතුරු නැගෙනහිර සාමාන්‍ය වැසියන් වෙනුවෙන් ජනසංහාර සතියක් නම්කොට උතුරු නැගෙනහිර ස්ථාන කිහිපයකදී ඔවුන් සිහිපත් කිරීමේ වැඩසටහන ආරම්භ කළ බවට දෙමළ ජාතික සන්ධානයේ හිටපු පළාත් සභා මන්ත්‍රී එම්.කේ සිවාජිලිංගම් පවසනවා.

හිටපු මන්ත්‍රීවරයා මේ බව කියා සිටියේ ජනසංහාර සතිය ඊයේ (12) දිනයෙන් ආරම්භ කරමින් මුලතිව් වෙල්ලමුල්ලි වයික්කාල්හි යුද්ධය හේතුවෙන් මිය ගිය වැසියන් වෙනුවෙන් මල් පහන් දල්වා මිය ගිය වැසියන්ට ගරු බුහුමන් දැක්වීමට සහභාගී වූ අවස්ථාවේදීයී.

මේ අනුව මැයි 12 වනදා සිට 18 වනදා දක්වා ජනසංහාර සතිය ලෙසින් නම් කොට ඇති බවටත් ඊයේ දිනයේදී අවසන් යුද්ධය පැවති මුලතිව් මුල්ලි වයික්කාල් ප්‍රදේශයෙන් ආරම්භ කිලිනොච්චිය කන්දසාමී කෝවිල ඉදිරිපිටදී මිය ගිය වැසියන් සිහිපත් කිරීම සිදු කළ අතර අනතුරුව වවුනියාව බණ්ඩාර වන්නියන් ප්‍රතිමාව ඉදිරිපිටදීද සිහිපත් කිරීම සිදු කරනු ලැබුවා.

අනතුරුව අද (13) දිනය වනවිට මන්නාරම දිස්ත්‍රීක්කයන්හි ජනසංහාර සතිය සිහිපත් කොට හෙට (14) දිනයේදී යාපනය දිස්ත්‍රීක්කයේ සිදු කිරීමට නියමිත බවටද සිවාජිලිංගම් මන්ත්‍රීවරයා වැඩිදුරටත් කියා සිටියා.

රටේ පවතින අයහපත් වාතාවරණය අනුව ජනසංහාර සතිය සිහිපත් කිරීමේදී වැඩි පිරිසක් එක්රැස් නොකරගෙන ඉතා කුඩා කණ්ඩායම් රැස් වී මෙම සැමරීම් සිදු කිරීමට පියවර ගෙන තිබෙනවා.

LEAVE A REPLY

Please enter your comment!
Please enter your name here