# Citizen News
> Citizen.lk delivers fact-checked news, real-time public updates and critical developments shaping Sri Lanka — without exaggeration, bias or misinformation.
Public Ghost content for AI and LLM tooling. This file includes a bounded export of public pages first, then recent public posts.
Append `.md` to any post or page URL to get the content in Markdown (for example, `/example-post.md`).
## Pages
### About us
URL: https://www.citizen.lk/about-us/
Last updated: 2026-01-23T02:04:47.000Z
Citizen Fact Check, dedicated to fact checking, is the first of its kind in Sri Lanka to be established by a local media network. Citizen Fact Check launched its beta version on March 1, 2021 to scrutinize and research for veracity and identify the context of viral social media posts on various platforms. These include but are not limited to statements made by individuals in public life and other data that is in the public domain. By April 2, 2021 Citizen Fact Check became a separate website apart from its sister site Citizen.lk which earlier hosted the Citizen Fact Check widget.

> Citizen Fact Check (www.citizenfactcheck.lk) is an initiative and fact checking unit of Sri Lankan digital media house Citizen Media Network, which also holds ownership of Citizen.lk and Your News.

Citizen Media Network is located at 96, 8A Kottanuwatta Road, Nugegoda 10250 , Sri Lanka and is registered as a private limited company (Company Registration No. PV 00240614) under the Sri Lanka Companies Act No 7 of 2007.

#### Funding

**March 2020** – Citizen Fact Check was launched last year and the initial funding required was provided by Digital Content (Pvt) Ltd a Creative, Digital Content, Video Production & Digital Marketing Communications Agency which previously held ownership of its media arm the Citizen.lk website. The company provided 100 per cent of the funding without any conditions to commence the operations of Citizen Fact Check and maintain its operations for a period of two year after being convinced of the merits of the new service. The funding support extended to all costs relating to hiring and salaries of staff. Initial Citizen Fact Check operations were also supported by staff from Citizen.lk.

Digital Content is registered as a private limited company (Company Registration No. PV 114736) under the Sri Lanka Companies Act No 7 of 2007\. Its directors are Arjun Jeger and Chamila Prasad Karunarathne . Its accounts are audited by an external auditor annually and any public who is interested can be access via registered of companies.

**June 2021** – Citizen Media Network was formed and was registered as a private limited company (Company Registration No. PV 00240614) under the Sri Lanka Companies Act No 7 of 2007 bringing in all media related units under the ownership Digital Content (Pvt) Ltd. under the banner of Citizen Media Network and making it a distinct company from Digital Content (Pvt) Ltd. This was done to ensure better transparency and editorial independence. All editorial decisions are made by the Editor in Chief. Any attempt to exert undue influence is not tolerated. One additional staff member has joined the team since.

#### Going Forward

While initial funding provided by Digital Content (Pvt) Ltd is set to end in March 2023, Citizen Media Network expects to adopt a model of funding where 50 per cent of the necessary funds will be borne by Digital Content (Pvt) Ltd. while the remainder will be secured through various grant opportunities, third party fact checking service , public funding and advertising.
### Trustees & Patrons
URL: https://www.citizen.lk/trustees-and-patrons/
Last updated: 2026-01-13T05:12:48.000Z
###### TRUSTEE

Citizen Media Network (CMN) is the sole trustee of Citizen Fact Check. The CMN consisting of new media outlets Esana, Your News, Citizen Wrap, Citizen News Agency and Citizen Fact Check was founded and is managed by its directors Chamila Prasad Karunarathne, Arjun Jeger .

> CMN is headed by its Editor, Arunasiri Udayakanta, an experienced digital media journalist. He previously worked as an associate editor of Esana News Service which is a sister company of CMN.

Email: arunasiri@citizen.lk

![](https://www.citizen.lk/content/images/2026/01/CMN-footer.d9a7a34c0e42d6a75d8f.webp)

Citizen Media Network

The Citizen Media Network consisting of new media outlets Esana, Your News, Citizen Wrap, Citizen Fact Check & Citizen News Agency

###### PATRON

Digital Content (Private) Limited (DC) is a fully Integrated Creative, Digital Content, Video Production & Digital Marketing Communications Agency. DC was co-founded by Chamila Prasad Karunarathne and Arjun Jeger in 2017\. The duo have over 15 years of experience in the field of digital media.

Visit www.digitalcontent.lk for more information on Digital Content (Private) Limited.

Email : arjun@digitalcontent.lk / chamila@digitalcontent.lk
### Non-Partisanship Policy
URL: https://www.citizen.lk/non-partisanship-policy/
Last updated: 2026-01-05T03:40:48.000Z
Citizen Fact Check strives to ensure it practises unbiased and objective journalism. While CFC understands each individual may have their own political views, team members are expected to adhere to these ethics and values of the organisation. The fact checks should reflect impartiality, fairness and independence and therefore all articles are scrutinised for any forms of bias or political advocacy.

How CFC ensures non-partisanship of team members :

- Team members are not allowed to be members of any political party or movement or to be affiliated with any such organizations.
- Political campaigning or other related activities within the organization or outside are not tolerated.
- Use of company property for political activities or advocacy is not allowed.
- Team members are not allowed to hold positions in government, political parties or organizations while employed at CFC.
- Team members are expected to sign a non-partisanship agreement during the on-boarding process.
### Contact Us
URL: https://www.citizen.lk/contact-us/
Last updated: 2026-01-21T06:50:17.000Z
Our team would love to hear from you. Mail us at hello@citizen.lk or the address below if you wish to contribute (knowledge, insights et al) or join our team or just tell us how we can do better.

- Citizen Media Network (Pvt) Ltd
- Address : 123 , Kynsey Rd, Colombo 00700
- M: +94764412285
- Using this Website to engage in any advertising or marketing.

Send us WhatsApp message [here](https://wa.me/qr/Z66O4ARGOTPEL1?ref=citizen.lk)
### Privacy Policy
URL: https://www.citizen.lk/privacy-policy/
Last updated: 2026-01-05T03:39:57.000Z
At Citizen.lk one of our main priorities is the privacy of our visitors. This Privacy Policy document contains types of information that is collected and recorded by Citizen Fact Check and how we use it.

If you have additional questions or require more information about our Privacy Policy, do not hesitate to contact us.

This Privacy Policy applies only to our online activities and is valid for visitors to our website with regards to the information that they shared and/or collected in Citizen Fact Check. This policy is not applicable to any information collected offline or via channels other than this website.

###### CONSENT

By using our website, you hereby consent to our Privacy Policy and agree to its terms. For our Terms and Conditions, please visit the Terms & Conditions Generator.

###### INFORMATION WE COLLECT

The personal information that you are asked to provide, and the reasons why you are asked to provide it, will be made clear to you at the point we ask you to provide your personal information.

If you contact us directly, we may receive additional information about you such as your name, email address, phone number, the contents of the message and/or attachments you may send us, and any other information you may choose to provide.

When you register for an Account or subscribe to us, we may ask for your contact information, including items such as name, company name, address, email address, and telephone number.

###### HOW WE USE YOUR INFORMATION

We use the information we collect in various ways, including to:

- Provide, operate, and maintain our website
- Improve, personalize, and expand our website
- Understand and analyze how you use our website
- Develop new products, services, features, and functionality
- Communicate with you, either directly or through one of our partners, including for customer service, to provide you with updates and other information relating to the website, and for marketing and promotional purposes
- Send you emails
- Find and prevent fraud

###### LOG FILES

Citizen Fact Check follows a standard procedure of using log files. These files log visitors when they visit websites. All hosting companies do this and a part of hosting services’ analytics. The information collected by log files include internet protocol (IP) addresses, browser type, Internet Service Provider (ISP), date and time stamp, referring/exit pages, and possibly the number of clicks. These are not linked to any information that is personally identifiable. The purpose of the information is for analyzing trends, administering the site, tracking users’ movement on the website, and gathering demographic information.

###### COOKIES AND WEB BEACONS

Like any other website, Citizen Fact Check uses ‘cookies’. These cookies are used to store information including visitors’ preferences, and the pages on the website that the visitor accessed or visited. The information is used to optimize the users’ experience by customizing our web page content based on visitors’ browser type and/or other information.

For more general information on cookies, please read “[What Are Cookies](https://www.cookieconsent.com/what-are-cookies/?ref=citizen.lk)“.

###### GOOGLE DOUBLECLICK DART COOKIE

Google is one of a third-party vendor on our site. It also uses cookies, known as DART cookies, to serve ads to our site visitors based upon their visit to www.website.com and other sites on the internet. However, visitors may choose to decline the use of DART cookies by visiting the Google ad and content network Privacy Policy at the following URL – https://policies.google.com/technologies/ads

###### OUR ADVERTISING PARTNERS

Some advertisers on our site may use cookies and web beacons. Our advertising partners are listed below. Each of our advertising partners has their own Privacy Policy for their policies on user data. For easier access, we hyperlinked to their Privacy Policies below.

###### Google

[https://policies.google.com/technologies/ads](https://policies.google.com/technologies/ads?ref=citizen.lk)

###### Advertising Partners Privacy Policies

You may consult this list to find the Privacy Policy for each of the advertising partners of Citizen Fact Check.

Third-party ad servers or ad networks use technologies like cookies, JavaScript, or Web Beacons that are used in their respective advertisements and links that appear on Citizen Fact Check, which are sent directly to users’ browsers. They automatically receive your IP address when this occurs. These technologies are used to measure the effectiveness of their advertising campaigns and/or to personalize the advertising content that you see on websites that you visit.

Note that Citizen Fact Check has no access to or control over these cookies that are used by third-party advertisers.

Third Party Privacy Policies

Citizen Fact Check’s Privacy Policy does not apply to other advertisers or websites. Thus, we are advising you to consult the respective Privacy Policies of these third-party ad servers for more detailed information. It may include their practices and instructions about how to opt-out of certain options.

You can choose to disable cookies through your individual browser options. To know more detailed information about cookie management with specific web browsers, it can be found at the browsers’ respective websites.

###### CCPA Privacy Rights (Do Not Sell My Personal Information)

Under the CCPA, among other rights, California consumers have the right to: Request that a business that collects a consumer’s personal data disclose the categories and specific pieces of personal data that a business has collected about consumers. Request that a business delete any personal data about the consumer that a business has collected. Request that a business that sells a consumer’s personal data, not sell the consumer’s personal data. If you make a request, we have one month to respond to you. If you would like to exercise any of these rights, please contact us.

###### GDPR Data Protection Rights (For those in the EU)

We would like to make sure you are fully aware of all of your data protection rights. Every user is entitled to the following:

- The right to access – You have the right to request copies of your personal data. We may charge you a small fee for this service.
- The right to rectification – You have the right to request that we correct any information you believe is inaccurate. You also have the right to request that we complete the information you believe is incomplete.
- The right to erasure – You have the right to request that we erase your personal data, under certain conditions.
- The right to restrict processing – You have the right to request that we restrict the processing of your personal data, under certain conditions.
- The right to object to processing – You have the right to object to our processing of your personal data, under certain conditions.
- The right to data portability – You have the right to request that we transfer the data that we have collected to another organization, or directly to you, under certain conditions.

If you make a request, we have one month to respond to you. If you would like to exercise any of these rights, please contact us.

###### Children’s Information

Another part of our priority is adding protection for children while using the internet. We encourage parents and guardians to observe, participate in, and/or monitor and guide their online activity.

Citizen Fact Check does not knowingly collect any Personal Identifiable Information from children under the age of 13\. If you think that your child provided this kind of information on our website, we strongly encourage you to contact us immediately and we will do our best efforts to promptly remove such information from our records
### Methodology
URL: https://www.citizen.lk/methodology/
Last updated: 2026-01-23T01:33:32.000Z
As an organisation dedicated to fact checking, Citizen Fact Check deals with information in the public domain covering a range of topics including but not limited to politics, health, law and justice, education, environment, employment, innovation, science and the general public.

The methodology is used in the widget and we believe gives clarity to visitors to the website.

Citizen Fact Check is committed to abiding by the International Fact Checking Network (IFCN) guidelines. The team strives to strictly follow the guidelines when fact checking and verifying claims.

We are also committed to be non-partisan and fair. To this end Citizen Fact Check maintains a claims registry to review and analyse the claims and to ensure it gives fair coverage while not giving prominence to any particular individual or party. At Citizen Fact Check we give prominence to facts, data and reportage.

###### Intellectual Property Rights

Other than the content you own, under these Terms, Citizen Fact Check and/or its licensors own all the intellectual property rights and materials contained in this Website.

You are granted limited license only for purposes of viewing the material contained on this Website.

###### Restrictions

You are specifically restricted from all of the following:

- ● Publishing any Website material in any other media;
- ● Selling, sublicensing and/or otherwise commercializing any Website material;
- ● Publicly performing and/or showing any Website material;
- ● Using this Website in any way that is or may be damaging to this Website;
- ● Using this Website in any way that impacts user access to this Website;
- ● Using this Website contrary to applicable laws and regulations, or in any way may cause harm to the Website, or to any person or business entity;
- ● Engaging in any data mining, data harvesting, data extracting or any other similar activity in relation to this Website;
- ● Using this Website to engage in any advertising or marketing.

Certain areas of this Website are restricted from being accessed by you and Citizen Fact Check may further restrict access by you to any areas of this Website, at any time, in absolute discretion. Any user ID and password you may have for this Website are confidential and you must maintain confidentiality as well.

###### Your Content

In these Website Standard Terms and Conditions, “Your Content” shall mean any audio, video text, images or other material you choose to display on this Website. By displaying Your Content, you grant Citizen Fact Check a non-exclusive, worldwide irrevocable, sub-licensable license to use, reproduce, adapt, publish, translate and distribute it in any and all media.

Your Content must be your own and must not be invading any third-party’s rights. Citizen Fact Check reserves the right to remove any of Your Content from this Website at any time without notice.

###### Your Privacy

Please read [Privacy Policy](https://www.citizen.lk/privacy-policy/).

###### No Warranties

This Website is provided “as is,” with all faults, and Citizen Fact Check express no representations or warranties, of any kind related to this Website or the materials contained on this Website. Also, nothing contained on this Website shall be interpreted as advising you.

###### Limitation of Liability

In no event shall Citizen Fact Check, nor any of its officers, directors and employees, shall be held liable for anything arising out of or in any way connected with your use of this Website whether such liability is under contract. Citizen Fact Check, including its officers, directors and employees shall not be held liable for any indirect, consequential or special liability arising out of or in any way related to your use of this Website.

###### Indemnification

You hereby indemnify to the fullest extent Citizen Fact Check from and against any and/or all liabilities, costs, demands, causes of action, damages and expenses arising in any way related to your breach of any of the provisions of these Terms.

###### Severability

If any provision of these Terms is found to be invalid under any applicable law, such provisions shall be deleted without affecting the remaining provisions herein.

###### Variation of Terms

Citizen Fact Check is permitted to revise these Terms at any time as it sees fit, and by using this Website you are expected to review these Terms on a regular basis.

###### Assignment

The Citizen Fact Check is allowed to assign, transfer, and subcontract its rights and/or obligations under these Terms without any notification. However, you are not allowed to assign, transfer, or subcontract any of your rights and/or obligations under these Terms.

###### Entire Agreement

These Terms constitute the entire agreement between Citizen Fact Check and you in relation to your use of this Website, and supersede all prior agreements and understandings.

###### Governing Law & Jurisdiction

These Terms will be governed by and interpreted in accordance with the laws of Sri Lanka and you submit to the non-exclusive jurisdiction of the courts located in Sri Lanka for the resolution of any disputes.
### Corrections And Complaints Policy
URL: https://www.citizen.lk/corrections-and-complaints-policy/
Last updated: 2026-01-23T02:02:32.000Z
Mistakes happen. Fact Checkers are not an exception to this universal truth. Honest errors are a part of publishing even after the application of due diligence procedures.

While at Citizen Fact Check every effort is made to ensure that our fact-checks represent correct, latest and the most relevant data, we believe how we deal with errors in our fact checks is important to maintaining our integrity and the trust of our readers and sources.

When Citizen Fact Check publishes an error and it is brought to our notice whether by our staffers or our readers, we will acknowledge it and take appropriate steps to correct it right away on all platforms Citizen Fact Check has a presence on.

Readers are also welcome to submit any complaints on our editorial material. We are also open to constructive feedback and criticism.

In case you find a discrepancy or an error, please write to our editors at hello@citizen.lk or maneshka@citizen.lk with CORRECTION or COMPLAINT as the subject line.

Alternately members of the public can also forward any requests for review of published information by contacting us through WhatsApp on +94 76 693 2784 or through any of our social media accounts.

The team will address any bona fide requests for corrections or complaints right away, and provide an update to the complainant.

In addition, if any new information comes to light after we publish a Fact Check that materially changes that story, we will clarify, correct or update our story. In all cases, we will provide a note to readers that explains the change, why it was made and the date it was made.

Any corrections we make to fact-checks are prominently acknowledged and will feature the tags CORRECTION or UPDATE within the article and on new social media posts relating to the correction or update.
### llms
URL: https://www.citizen.lk/llms/
Last updated: 2026-02-25T23:09:42.000Z
_No content available._
### Terms and Conditions
URL: https://www.citizen.lk/terms-and-conditions/
Last updated: 2026-06-11T11:46:52.000Z
Welcome to Citizen ("we", "our", "us"). These Terms and Conditions govern your access to and use of the website citizen.lk (the "Site"), operated by Digital Content Private Limited, 123 Kynsey Rd, Colombo 00700, Sri Lanka.

By accessing or using the Site, you agree to be bound by these Terms and Conditions. If you do not agree with any part of these terms, please do not use the Site.

## 1\. Use of the Site

You agree to use the Site only for lawful purposes. You must not:

- Use the Site in any way that breaches any applicable local, national, or international law or regulation.
- Attempt to gain unauthorised access to the Site, its servers, or any connected databases.
- Use automated systems (bots, scrapers) to extract content from the Site in bulk without our prior written consent.
- Transmit any material that is defamatory, offensive, or otherwise objectionable.

## 2\. Intellectual Property

All content published on the Site — including articles, photographs, graphics, logos, and videos — is the property of Digital Content Private Limited or its licensors and is protected by copyright and other intellectual property laws.

You may share links to our articles and quote brief excerpts with clear attribution to Citizen. Republishing full articles, in print or online, requires our prior written permission. To request permission, contact us at [hello@citizen.lk](mailto:hello@citizen.lk).

## 3\. Editorial Independence and Accuracy

We strive for accuracy and fairness in our reporting, guided by our [Methodology](http://localhost:2368/methodology/?ref=citizen.lk) and [Corrections and Complaints Policy](http://localhost:2368/corrections-and-complaints-policy/?ref=citizen.lk). If you believe any content on the Site is inaccurate, please contact us at [news@citizen.lk](mailto:news@citizen.lk).

## 4\. Memberships and Subscriptions

Certain content or features on the Site may require a free or paid membership. By signing up, you agree to provide accurate registration information and to keep your account credentials secure. Paid subscriptions, where offered, renew automatically unless cancelled before the renewal date. You may manage or cancel your membership at any time through your account settings.

## 5\. User Contributions

Where the Site allows comments or other user contributions, you remain responsible for the content you submit. You grant us a non-exclusive, royalty-free licence to use, reproduce, and display such contributions in connection with the Site. We reserve the right to remove any contribution that violates these terms or our community standards.

## 6\. Third-Party Links and Advertising

The Site may contain links to third-party websites and may display advertising served by third parties. We are not responsible for the content, accuracy, or practices of third-party websites, and the inclusion of a link does not imply endorsement.

## 7\. Disclaimer

The Site and its content are provided on an "as is" and "as available" basis. While we make every effort to ensure the accuracy of the information we publish, we make no warranties, express or implied, regarding the completeness, reliability, or availability of the Site or its content. Nothing on the Site constitutes legal, financial, medical, or other professional advice.

## 8\. Limitation of Liability

To the fullest extent permitted by law, Digital Content Private Limited shall not be liable for any indirect, incidental, or consequential loss or damage arising out of or in connection with your use of, or inability to use, the Site or its content.

## 9\. Privacy

Your use of the Site is also governed by our [Privacy Policy](http://localhost:2368/privacy-policy/?ref=citizen.lk), which explains how we collect, use, and protect your personal information.

## 10\. Changes to These Terms

We may revise these Terms and Conditions from time to time. The updated version will be posted on this page with a revised "Last updated" date. Your continued use of the Site after changes are posted constitutes acceptance of the revised terms.

## 11\. Governing Law

These Terms and Conditions are governed by and construed in accordance with the laws of the Democratic Socialist Republic of Sri Lanka, and any disputes shall be subject to the exclusive jurisdiction of the courts of Sri Lanka.

## 12\. Contact Us

If you have any questions about these Terms and Conditions, please contact us:

- General inquiries: [hello@citizen.lk](mailto:hello@citizen.lk)
- News related: [news@citizen.lk](mailto:news@citizen.lk)
- Post: Digital Content Private Limited, 123 Kynsey Rd, Colombo 00700, Sri Lanka
## Posts
### Surrey – IIHS හවුල්කාරිත්වයෙන් ජාත්‍යන්තර මට්ටමේ බ්‍රිතාන්‍ය උසස් අධ්‍යාපනයට නව මං පෙත්
URL: https://www.citizen.lk/surrey-iihs-partnership-paves-way-for-world-class-british-higher-education/
Last updated: 2026-09-11T05:37:14.000Z
September 11 (Citizen News) - ශ්‍රී ලාංකික සිසුන්ට සහ වෘත්තිකයන්ට ජාත්‍යන්තරව පිළිගත් බ්‍රිතාන්‍ය උසස් අධ්‍යාපනය සඳහා වැඩි ප්‍රවේශයක් දෙමින් එක්සත් රාජධානියේ University of Surrey සහ ශ්‍රී ලංකාවේ IIHS Multiversity අතර අධ්‍යයන හවුල්කාරිත්වය යටතේ නව අධ්‍යාපන මං පෙත් පුළුල් කර තිබේ. University of Surrey සතු ජාත්‍යන්තර අධ්‍යයන හා පර්යේෂණ විශේෂඥතාව IIHS Multiversity සතු වසර 25කට අධික සෞඛ්‍ය අධ්‍යාපන, වෘත්තීය පුහුණු සහ ජාත්‍යන්තර හවුල්කාරිත්ව අත්දැකීම් සමඟ ඒකාබද්ධ කිරීම මෙම සහයෝගීතාවේ විශේෂත්වයකි. මෙම වැඩපිළිවෙළ ශ්‍රී ලාංකික සිසුන්ට සහ වෘත්තිකයන්ට පමණක් නොව සිය රටවලට සමීපව අධ්‍යාපනය ලබමින් ජාත්‍යන්තර වශයෙන් අදාළ සුදුසුකම් ලැබීමට අපේක්ෂා කරන දකුණු ආසියානු සිසුන්ට සහ වෘත්තිකයන්ට නව අවස්ථා නිර්මාණය කරයි. ගෝලීය සෞඛ්‍ය ක්ෂේත්‍රයේ වෙනස් වන අවශ්‍යතා සැලකිල්ලට ගනිමින් IIHS සිය අධ්‍යයන සංවර්ධනය ප්‍රධාන ක්ෂේත්‍ර හතරක් ඔස්සේ ගොඩ නඟා ඇත. ඒ Clinical Sciences, Health Management Sciences, Lifestyle, Nutrition & Sport Sciences සහ Digital Health Sciences යන ක්ෂේත්‍රය. Clinical Sciences ක්ෂේත්‍රයට හෙද සේවය, ජෛව වෛද්‍ය විද්‍යාව, ඖෂධවේදය, රසායනාගාර විද්‍යාව, වෛද්‍ය විද්‍යාව, දෘෂ්ටි විද්‍යාව, විකිරණවේදය සහ වෛද්‍ය රූපකරණය, මනෝ විද්‍යාව, භෞත චිකිත්සාව සහ පුනරුත්ථාපනය ඇතුළත් වේ.

QA ශේණිගත කිරීම් අනුව 262 ස්ථානයේ සිටින ලොව ප්‍රමුඛ විශ්ව විද්‍යාලයක් වන University of Surrey සමඟ සම්බන්ධ අධ්‍යයන මං පෙත් අතර BSc (Hons) Nursing Studies, MSc Nursing සහ BSc (Hons) Biomedical Sciences ඇතුළත් වන අතර සිසුන්ට මෙන්ම දැනටමත් සෞඛ්‍ය ක්ෂේත්‍රයේ සේවය කරන වෘත්තිකයන්ට ඉදිරි අධ්‍යාපන අවස්ථා සළසා දෙයි. Health Management Sciences ක්ෂේත්‍රය වඩාත් සංකීර්ණ වෙමින් පවතින සෞඛ්‍ය ආයතන සහ පද්ධති මෙහෙයවීමට අවශ්‍ය අනාගත නායකයන් බිහි කිරීම කෙරෙහි අවධානය යොමු කරයි. Global Health Management, Public Health, Healthcare Administration, Leadership, Health Policy, Quality and Patient Safety සහ Aged and Social Care Management වැනි විෂය ක්ෂේත්‍ර ඊට ඇතුළත් වේ. රෝහල්, රාජ්‍ය ආයතන, පෞද්ගලික සෞඛ්‍ය සේවා ආයතන සහ ජාත්‍යන්තර සංවිධාන සඳහා සෞඛ්‍ය ක්ෂේත්‍රයේ දැනුම සමඟ නායකත්ව සහ කළමනාකරණ හැකියා ඒකාබද්ධ කළ හැකි වෘත්තිකයන්ගේ අවශ්‍යතාව ඉහළ යමින් පවතින පසුබිමක මෙම විෂය ක්ෂේත්‍රවල වැදගත්කම වැඩි වෙමින් පවතී. Lifestyle, Nutrition & Sport Sciences ක්ෂේත්‍ර සෞඛ්‍ය සේවාවේ සිදු වන තවත් ප්‍රධාන පරිවර්තනයක් වන රෝගවලට ප්‍රතිකාර කිරීමේ සිට ඒවා වැළැක්වීම කෙරෙහි වැඩි අවධානයක් යොමු කරයි. දියවැඩියාව, හෘද හා රුධිර වාහිනී රෝග, ස්ථූලතාව සහ අනෙකුත් ජීවන රටාව ආශ්‍රිත රෝග සෞඛ්‍ය පද්ධති මත වැඩි පීඩනයක් ඇති කරන පසුබිමක පෝෂණය, ශාරීරික ක්‍රියාකාරකම්, චර්යාත්මක වෙනස්කම් සහ රෝග නිවාරණ සෞඛ්‍යය කෙරෙහි වැඩි අවධානයක් යොමු වෙමින් පවතී. මෙම ක්ෂේත්‍රයේ ප්‍රධාන පශ්චාත් උපාධි අධ්‍යයන මං පෙත් අතර MSc Lifestyle Medicine, MSc Nutritional Medicine සහ MSc Sport & Exercise Science ඇතුළත් වේ. රෝග නිවාරණ සෞඛ්‍ය සේවා, සුවතා ක්ෂේත්‍රය, පුනරුත්ථාපනය සහ මානව කාර්යසාධනය පිළිබඳ උනන්දුවක් දක්වන වෘත්තිකයන්ට මෙම වැඩසටහන් වැදගත් අවස්ථා සළසයි. සිව් වන ක්ෂේත්‍රය වන Digital Health Sciences කෘත්‍රිම බුද්ධිය, ඉලෙක්ට්‍රොනික සෞඛ්‍ය වාර්තා, දුරස්ථ වෛද්‍ය සේවා, සෞඛ්‍ය තොරතුරු විද්‍යාව සහ සෞඛ්‍ය දත්ත භාවිතයේ ශීඝ්‍ර වර්ධනයට ප්‍රතිචාර දක්වයි. MSc Digital Health වැඩසටහන සෞඛ්‍ය සහ තාක්ෂණ ක්ෂේත්‍ර එකිනෙක හමු වන නව වෘත්තීය අවස්ථා සඳහා අවශ්‍ය දැනුම හා හැකියා වර්ධනය කිරීමට සැළැසුම් කර ඇති අතර වෛද්‍යවරුන්, හෙද වෘත්තිකයන්, අනුබද්ධ සෞඛ්‍ය වෘත්තිකයන්, පරිපාලකයන්, මහජන සෞඛ්‍ය වෘත්තිකයන්, ඉංජිනේරුවන් සහ තොරතුරු තාක්ෂණ වෘත්තිකයන් සඳහා අදාළ වේ.

මෙම වැඩපිළිවෙළ පිළිබඳ අදහස් දක්වමින් IIHS Multiversity සම-නිර්මාතෘ සහ ප්‍රධාන විධායක නිලධාරී වෛද්‍ය කිත්සිරි එදිරිසිංහ මහතා පැවසුවේ මෙම හවුල්කාරිත්වය ශ්‍රී ලංකාවට වැදගත් අවස්ථාවක් උදා කරන බවයි. “මෙම හවුල්කාරිත්වය තුළින් අපගේ තරුණ තරුණියන්ට සහ වෘත්තිකයන්ට ජාත්‍යන්තර මට්ටමේ බ්‍රිතාන්‍ය උසස් අධ්‍යාපනය සිය රටට සමීපව ලැබීමට අවස්ථාව හිමි වෙනවා. එයටත් වඩා වැදගත් වන්නේ ගෝලීය වශයෙන් අදාළ සෞඛ්‍ය අධ්‍යාපනය ලබා ජාත්‍යන්තර වෘත්තීය මං පෙත් ගොඩ නඟා ගැනීමට අපේක්ෂා කරන දකුණු ආසියානු සිසුන් සඳහා ශ්‍රී ලංකාව ප්‍රවේශ දොරටුවක් බවට පත් කිරීමේ හැකියාවයි.” ඔහු පැවසීය. මෙම සහයෝගීතාව පුළුල් ජාතික අවස්ථාවක කොටසක් ලෙස IIHS දකින බව වෛද්‍ය එදිරිසිංහ මහතා සඳහන් කළේය. “අපගේ අරමුණ ජාත්‍යන්තර උපාධි පිරිනැමීමට පමණක් සීමා වන්නේ නැහැ. ශ්‍රී ලාංකික දක්ෂතා ගෝලීය දැනුම, වෘත්තීය සංවර්ධනය, පර්යේෂණ, නවෝත්පාදන සහ රැකියා අවස්ථා සමඟ සම්බන්ධ කරන අධ්‍යාපන පරිසර පද්ධතියක් නිර්මාණය කිරීම අපගේ අභිලාෂයයි.” ඔහු වැඩි දුරටත් පැවසීය. University of Surrey සතු ජාත්‍යන්තර අධ්‍යයන විශේෂඥතාව සහ IIHS සතු දේශීය අත්දැකීම් හා සෞඛ්‍ය අධ්‍යාපන කේන්ද්‍රීය ප්‍රවේශය ඒකාබද්ධ කිරීම තුළින් පාසල් අධ්‍යාපනය අවසන් කළ තරුණ තරුණියන්, උපාධිධාරීන් සහ පළපුරුදු වෘත්තිකයන් ඇතුළු විවිධ වෘත්තීය අදියරවල සිටින පිරිස් සඳහා අධ්‍යාපන මං පෙත් නිර්මාණය කිරීමට මෙම හවුල්කාරිත්වය අපේක්ෂා කරයි. එමෙන්ම සෞඛ්‍ය අධ්‍යාපනය, පර්යේෂණ, වෘත්තීය සංවර්ධනය සහ නවෝත්පාදනය සඳහා ශ්‍රී ලංකාව දකුණු ආසියාවේ ප්‍රමුඛ කළාපීය අධ්‍යාපන මධ්‍යස්ථානයක් බවට පත් කිරීමේ දිගු කාලීන අරමුණට මෙම හවුල්කාරිත්වය සහාය වනු ඇත.
### 2026 EducationUSA නොමිලේ පැවැත්වෙන විශ්වවිද්‍යාල ප්‍රදර්ශනයේදී එක්සත් ජනපදයේ උසස් අධ්‍යාපන අවස්ථා ගවේෂණය කරන්න
URL: https://www.citizen.lk/explore-higher-education-opportunities-in-the-united-states-at-the-free-2026-educationusa-university-fair/
Last updated: 2026-09-10T11:03:54.000Z
September 10, (Citizen News) - එක්සත් ජනපද-ශ්‍රී ලංකා ෆුල්බ්‍රයිට් කොමිසම (US-SLFC), ශ්‍රී ලංකාවේ එක්සත් ජනපද තානාපති කාර්යාලය සමඟ එක්ව, 2026 EducationUSA විශ්වවිද්‍යාල ප්‍රදර්ශනය සැප්තැම්බර් 14 සිට 18 දක්වා කොළඹ, කුරුණෑගල සහ මහනුවර යන නගරවලදී පැවැත්වීමට කටයුතු යොදා ඇත. නොමිලේ පැවැත්වෙන මෙම ප්‍රදර්ශන මගින් ශ්‍රී ලාංකික සිසුන්ට පිළිගත් එක්සත් ජනපද විද්‍යාල සහ විශ්වවිද්‍යාල එකොළහක නියෝජිතයින් සමඟ සෘජුවම සම්බන්ධ වී, ඇතුළත් වීමේ අවශ්‍යතා, ශිෂ්‍යත්ව සහ අධ්‍යයන වැඩසටහන් පිළිබඳව සාකච්ඡා කිරීමට අවස්ථාව සලසා දෙනු ඇත. කෘත්‍රිම බුද්ධිය සහ යන්ත්‍ර ඉගෙනුම (machine learning), පරිගණක විද්‍යාව සහ සයිබර් ආරක්ෂාව, ජෛව තාක්ෂණය මෙන්ම වෙනත් අධ්‍යයන ක්ෂේත්‍ර ඇතුළු ඉහළ ඉල්ලුමක් පවතින ක්ෂේත්‍රවල අධ්‍යයන වැඩසටහන් පිළිබඳව දැනුවත් වීමට සිසුන්ට මෙහිදී අවස්ථාව හිමිවනු ඇත. 

එක්සත් ජනපදයේ උසස් අධ්‍යාපනය පිළිබඳ තොරතුරු සපයන එක්සත් ජනපද රජයේ නිල මූලාශ්‍රය වන EducationUSA, එක්සත් ජනපදයේ අධ්‍යාපනය ලැබීම සම්බන්ධයෙන් සිසුන්ට සහ ඔවුන්ගේ පවුල්වලට විශ්වාසනීය මගපෙන්වීම් සහ සම්පත් ද ලබා දෙනු ඇත.

 උපාධි, පශ්චාත් උපාධි සහ ආචාර්ය උපාධි වැඩසටහන් පිළිබඳ උනන්දුවක් දක්වන සිසුන් මෙන්ම දෙමාපියන්, අධ්‍යාපනඥයින් සහ පාසල් පරිපාලකයින්ට ද මෙම අවස්ථාවට සහභාගී වන ලෙස දිරිමත් කරනු ලැබේ. US-SLFC නියෝජිතයින් ශ්‍රී ලාංකික පුරවැසියන් සඳහා ලබා ගත හැකි ෆුල්බ්‍රයිට් (Fulbright) ශිෂ්‍යත්ව සහ අධ්‍යන අවස්ථා (fellowships) පිළිබඳ තොරතුරු බෙදා ගනු ඇත. මෙයට සහභාගී වීම නොමිලේ වුවද, පැමිණීමට පෙර ලියාපදිංචි වීම අනිවාර්ය වේ. වැඩි විස්තර සහ ලියාපදිංචිය සඳහා fulbrightsrilanka.org/universityfair වෙත පිවිසෙන්න.

ශ්‍රී ලංකාවේ එක්සත් ජනපද තානාපති එරික් මයර් මහතා, එක්සත් ජනපද විශ්වවිද්‍යාලවල හැකියාවන් සහ නව තාක්ෂණයන් ඉදිරියට ගෙන යාම සඳහා ඒවා ඉටු කරන කාර්යභාරය අවධාරණය කරමින් මෙසේ පැවසීය: “විශේෂයෙන්ම කෘත්‍රිම බුද්ධිය, සයිබර් ආරක්ෂාව සහ ජෛව තාක්ෂණය වැනි ක්ෂේත්‍රවල උසස් අධ්‍යාපනය සහ නවෝත්පාදනය සම්බන්ධයෙන් එක්සත් ජනපදය ගෝලීය වශයෙන් ප්‍රමුඛ ස්ථානයක සිටී. මෙම ප්‍රදර්ශනයට සහභාගී වන එක්සත් ජනපද විශ්වවිද්‍යාල සහ ඒවා නියෝජනය කරන මෙම නැගී එන ක්ෂේත්‍රවල ඇමරිකානු විශේෂඥ දැනුම හරහා එම නායකත්වය විදහා දැක්වීමට අපි බලාපොරොත්තු වෙමු.”

 US-SLFC හි විධායක අධ්‍යක්ෂ ආචාර්ය පැට්‍රික් මැක්නමාරා මහතා මෙසේ පැවසීය: “මෙම අධ්‍යාපන ප්‍රදර්ශන මගින් ශ්‍රී ලාංකික සිසුන්ට එක්සත් ජනපද විශ්වවිද්‍යාල සමඟ සෘජුව සම්බන්ධ වීමට අවස්ථාව සලසා දෙමින්, අධ්‍යාපනය සඳහා නව අවස්ථා විවෘත කරන අතරම අප දෙරට අතර අධ්‍යාපන සබඳතා ද ශක්තිමත් කරයි.”

සහභාගී වන එක්සත් ජනපද විශ්වවිද්‍යාල

මෙයට සහභාගී වන ආයතන එකොළහ, එක්සත් ජනපදය පුරා පිහිටි විශ්වවිද්‍යාල සහ විද්‍යාල නියෝජනය කරයි:

1\. එල් පාසෝහි ටෙක්සාස් විශ්වවිද්‍යාලය — එල් පාසෝ, ටෙක්සාස්

**University of Texas at El Paso — El Paso, Texas** 

2\. නෝර්ත් ඩැකෝටා ප්‍රාන්ත විශ්වවිද්‍යාලය — ෆාගෝ, නෝර්ත් ඩැකෝටා

**North Dakota State University — Fargo, North Dakota** 

3\. ආර්කන්සාස් විශ්වවිද්‍යාලය — ෆේයට්විල්, ආර්කන්සාස්

**University of Arkansas — Fayetteville, Arkansas** 

4\. වර්මොන්ට් විශ්වවිද්‍යාලය — බර්ලින්ටන්, වර්මොන්ට්

**University of Vermont — Burlington, Vermont** 

5\. බෝලිං ග්‍රීන් ප්‍රාන්ත විශ්වවිද්‍යාලය — බෝලිං ග්‍රීන්, ඔහයෝ

**Bowling Green State University — Bowling Green, Ohio** 

6\. ටෙනසි විශ්වවිද්‍යාලය, නොක්ස්විල් — නොක්ස්විල්, ටෙනසි

**University of Tennessee, Knoxville — Knoxville, Tennessee** 

7\. ෆිෂර් විද්‍යාලය — බොස්ටන්, මැසචුසෙට්ස්

**Fisher College — Boston, Massachusetts** 

8\. මිචිගන් ප්‍රාන්ත විශ්වවිද්‍යාලය — ඊස්ට් ලැන්සිං, මිචිගන්

**Michigan State University — East Lansing, Michigan** 

9\. නිව් යෝර්ක් විශ්වවිද්‍යාලය — නිව් යෝර්ක් නගරය, නිව් යෝර්ක්

**New York University — New York City, New York** 

10\. බේලර් විශ්වවිද්‍යාලය — වේකෝ, ටෙක්සාස්

**Baylor University – Waco, Texas** 

11\. ඔල්බ්‍රයිට් විද්‍යාලය — රීඩිං, පෙන්සිල්වේනියා

**Albright College – Reading, Pennsylvania** 

**ප්‍රදර්ශන කාලසටහන**

| දිනය           | නගරය     | ස්ථානය                                                               | වේලාව            |
| -------------- | -------- | -------------------------------------------------------------------- | ---------------- |
| සැප්තැම්බර් 14 | කොළඹ     | කොර්ට්යාඩ් බයි මැරියට් හෝටලය, කොළඹ (ග්‍රෑන්ඩ් සැෆයර් බෝල්රූම් ශාලාව) | ප.ව. 1:00 – 4:00 |
| සැප්තැම්බර් 16 | කුරුණෑගල | රෝයල් ඉන්ටර්නැෂනල් පාසල                                              | ප.ව. 2:15 – 3:15 |
| සැප්තැම්බර් 17 | මහනුවර   | කැන්ඩි සිටි සෙන්ටර් (බැන්ක්වට් ශාලාව)                                | ප.ව. 1:00 – 4:00 |

**EducationUSA පිළිබඳව**: එක්සත් ජනපදයේ උසස් අධ්‍යාපනය ලැබීමට අපේක්ෂා කරන ශ්‍රී ලංකාවේ සිසුන් සඳහා EducationUSA විසින් නොමිලේ උපදේශන සේවා සපයනු ලබයි. මෙය US-SLFC හි පිහිටුවා ඇත. EducationUSA ශ්‍රී ලංකා, EducationUSA උපදේශකවරයා හරහා මගපෙන්වීම් ලබා දෙන අතර, එක්සත් ජනපදයේ පිළිගත් අධ්‍යාපන ආයතන 4,000කට අධික සංඛ්‍යාවකට අයදුම් කිරීමේ ක්‍රියාවලිය සම්බන්ධයෙන් මගපෙන්වීම ලබා දීමටත්, ඔවුන්ගේ අධ්‍යාපන ගමන් මග සැලසුම් කර ගැනීමටත් පුද්ගලයන්ට සහාය වේ. ශ්‍රී ලංකාව තුළ එක්සත් ජනපදයේ උසස් අධ්‍යාපනය පිළිබඳ තොරතුරු සපයන එකම නිල මූලාශ්‍රය මෙයයි. ශ්‍රී ලංකාවේ EducationUSA පිළිබඳ වැඩිදුර තොරතුරු සඳහා fulbrightsrilanka.org/educationusa-advising වෙත පිවිසෙන්න.

**එක්සත් ජනපද-ශ්‍රී ලංකා ෆුල්බ්‍රයිට් කොමිසම පිළිබඳව:** US-SLFC යනු 1952 දී පිහිටුවන ලද, එක්සත් ජනපද රාජ්‍ය දෙපාර්තමේන්තුව මගින් අරමුදල් සපයනු ලබන ස්වාධීන ද්විජාතික සංවිධානයකි. පසුගිය දශක හතක කාලය තුළ, ෆුල්බ්‍රයිට් ශ්‍රී ලංකා වැඩසටහන ශ්‍රී ලාංකිකයන් සහ ඇමරිකානුවන් 2,000කට අධික පිරිසක් සඳහා අධ්‍යාපනික හුවමාරු අවස්ථා සලසා දෙමින්, දෙරට අතර අන්‍යෝන්‍ය අවබෝධය වර්ධනය කිරීමට දායක වී ඇත. US-SLFC පිළිබඳ වැඩිදුර තොරතුරු දැනගැනීම සඳහා fulbrightsrilanka.org වෙත පිවිසෙන්න.

මෙම විශ්වවිද්‍යාල ප්‍රදර්ශනය පිළිබඳව වාර්තා කිරීමට උනන්දුවක් දක්වන මාධ්‍යවේදීන් කරුණාකර [ispoerry@EducationUSA.org](mailto:ispoerry@EducationUSA.org) ඔස්සේ සම්බන්ධ වන්න.
### ශ්‍රී ලාංකික හෙද වෘත්තිකයන්ට ඔස්ට්‍රේලියාවෙන් නව වෘත්තීය අවස්ථා
URL: https://www.citizen.lk/australia-is-calling-sri-lankan-nurses/
Last updated: 2026-09-09T08:32:23.000Z
September 09 (Citizen News) - ***ඔස්ට්‍රේලියානු හෙද වෘත්තියට ලියාපදිංචිය, රැකියා සහ සංක්‍රමණ අවස්ථා ඉලක්ක කර ගත් මාස හයක Nursing Australia Programme වැඩසටහන IIHS වෙතින්***

ජාත්‍යන්තර වෘත්තීය ජීවිතයක් ගොඩ නඟා ගැනීමට අපේක්ෂා කරන ශ්‍රී ලාංකික හෙද වෘත්තිකයන්ට වෘත්තීය පිළිගැනීම, වෘත්තීය ප්‍රගතිය සහ දිගු කාලීන ජාත්‍යන්තර අවස්ථා සඳහා ඔස්ට්‍රේලියාව වැදගත් ගමනාන්තයක් බවට පත් වෙමින් තිබේ. ඉදිරි වසර කිහිපය තුළ ඔස්ට්‍රේලියාවේ හෙද වෘත්තිකයන්ට සැළැකිය යුතු ඉල්ලුමක් ඇති වනු ඇතැයි එරට රාජ්‍ය ශ්‍රම බල පුරෝකථන පෙන්වා දෙයි. ප්‍රමාණවත් ක්‍රියාමාර්ග නොගතහොත් 2035 වන විට පූර්ණ කාලීන හෙද වෘත්තිකයන් 70,000කට අධික හිඟයක් ඇති විය හැකි අතර පුරෝකථනය කර ඇති එම පරතරය පියවීමට හෙද වෘත්තිකයන් 79,000කට ආසන්න සංඛ්‍යාවක් අවශ්‍ය විය හැකි බව එම දත්ත පෙන්වා දෙයි. මෙම වර්ධනය වන ඉල්ලුම ඔස්ට්‍රේලියාවේ වෘත්තීය ලියාපදිංචි, රැකියා සහ ආගමන අවශ්‍යතා සැපිරිය හැකි සුදුසුකම් සහිත ජාත්‍යන්තර හෙද වෘත්තිකයන්ට සැළැකිය යුතු වෘත්තීය අවස්ථා නිර්මාණය කරයි. වසර 25කට අධික කාලයක් පුරා IIHS ආයතනය ජාත්‍යන්තර හෙද අධ්‍යාපනය සහ ජාත්‍යන්තර වෘත්තීය මං පෙත් සම්බන්ධයෙන් පිළිගත් අධ්‍යාපන ආයතනයක් ලෙස කටයුතු කරමින් ශ්‍රී ලාංකික හෙද වෘත්තිකයන්ට ජාත්‍යන්තරව පිළිගත් සුදුසුකම් ලැබීමට සහ විදේශීය වෘත්තීය අවස්ථා කරා පිවිසීමට සහාය වී ඇත. එම අත්දැකීම් මත පදනම්ව IIHS Nursing Australia Programme නමින් මාස හයක විශේෂ වෘත්තීය වැඩසටහනක් හඳුන්වා දී තිබේ. ඔස්ට්‍රේලියානු හෙද වෘත්තියට ලියාපදිංචිය සඳහා සූදානම් වීමට සහ ඉදිරි රැකියා හා සංක්‍රමණ අවස්ථා කරා යොමු වීමට අපේක්ෂා කරන සුදුසුකම් ලත් හෙද වෘත්තිකයන් වෙනුවෙන් මෙම වැඩසටහන සැළැසුම් කර ඇත. පිළිගත් ජාත්‍යන්තර උපාධි මට්ටමේ හෙද සුදුසුකම් හිමි සහ ඔස්ට්‍රේලියාවේ සිය වෘත්තීය ජීවිතයේ මීළඟ පියවර තැබීමට සූදානම් හෙද වෘත්තිකයන් සඳහා මෙම වැඩසටහන වඩාත් යෝග්‍ය වේ.

මේ පිළිබඳ අදහස් දක්වමින් IIHS සම-නිර්මාතෘ සහ ප්‍රධාන විධායක නිලධාරී ආචාර්ය කිත්සිරි එදිරිසිංහ මහතා මෙසේ පැවසීය. “IIHS ආරම්භ කළේ ශ්‍රී ලාංකික කාන්තාවන් නුපුහුණු ගෘහ සේවිකාවන් ලෙස විදේශගත වීම වෙනුවට ගෞරවනීය වෘත්තීය හෙදියන් ලෙස ලෝකයට පිවිසීමට අවස්ථා නිර්මාණය කිරීමේ පුළුල් දැක්මක් සමඟයි. වසර 25කට අධික කාලයකට පසුව අද ජාත්‍යන්තර සුදුසුකම් ලත් ශ්‍රී ලාංකික හෙද වෘත්තිකයන්ට ඔස්ට්‍රේලියානු හෙද වෘත්තියට ලියාපදිංචිය වී ගෞරවනීය ජාත්‍යන්තර වෘත්තීය ජීවිතයක් ගොඩ නඟා ගැනීමට අවස්ථාව උදා වී තිබෙනවා.” ඔස්ට්‍රේලියාවේ දැනට ක්‍රියාත්මක වෘත්තීය ලියාපදිංචි සහ නිපුණතා අවශ්‍යතා අවබෝධ කර ගැනීමට සහ ඒවා සැපිරීම සඳහා සූදානම් වීමට අවශ්‍ය ක්‍රමානුකූල මාර්ගෝපදේශනය සහ වෘත්තීය සහාය මෙම වැඩසටහන මඟින් සැපැයීමට අපේක්ෂා කරයි. සෞඛ්‍ය වෘත්තිකයන්ගේ ජාත්‍යන්තර සංක්‍රමණය ආචාරධාර්මික, විනිවිදභාවයෙන් යුතු සහ වෘත්තීයමය පදනමක් මත සිදු විය යුතු බව IIHS විශ්වාස කරයි. එම ප්‍රවේශය වගකීම් සහගත සෞඛ්‍ය ශ්‍රම බල සංචලනය පිළිබඳ ජාත්‍යන්තරව පිළිගත් මූලධර්ම සමඟ අනුකූල වේ. ඒ අනුව සුදුසුකම් ලත් ශ්‍රී ලාංකික හෙද වෘත්තිකයන්ට ඔස්ට්‍රේලියාව හුදෙක් සංක්‍රමණ ගමනාන්තයක් පමණක් නොව තම අධ්‍යාපන සුදුසුකම් සහ සායනික අත්දැකීම් හරහා ජාත්‍යන්තරව පිළිගත් සෞඛ්‍ය වෘත්තියක් බවට පත් වීමට ඇති වැදගත් අවස්ථාවක් වේ. ඔස්ට්‍රේලියාවේ හෙද වෘත්තියට ලියාපදිංචිය, රැකියා සහ සංක්‍රමණ අවස්ථාවලට අදාළ ඔස්ට්‍රේලියානු නියාමන ආගමන සහ සේවායෝජක ආයතනවල පවතින නීති, නිර්ණායක සහ අවශ්‍යතාවලට යටත් වේ.
### වැල්ලවත්ත නිත්‍යකල්‍යාණි ජුවලරි අඛණ්ඩව 10 වැනි වරටත් ලේ දන් දීමේ වැඩසටහන සාර්ථකව පවත්වයි
URL: https://www.citizen.lk/wellawatte-nithyakalyani-jewellery-successfully-conducts-its-blood-donation-program-for-the-10th-consecutive-time/
Last updated: 2026-09-06T02:23:26.000Z
September 06 (Citizen News) **\-** වැල්ලවත්ත නිත්‍යකල්‍යාණි ජුවලරි Rotary Colombo East සමඟ එක් වී සංවිධානය කළ වාර්ෂික ලේ දන් දීමේ වැඩසටහන අඛණ්ඩව 10 වැනි වරටත් සාර්ථකව පැවැත්විණි. ප්‍රජා සුබසාධනය සහ ජීවිත සුරැකීමේ මානුෂීය මෙහෙවර වෙනුවෙන් සමාගම දිගු කාලීනව දක්වන කැපවීම මෙම වැඩසටහන තුළින් තව දුරටත් තහවුරු විය. අගෝස්තු 16 වැනිදා පෙරවරු 9.00 සිට පස්වරු 3.00 දක්වා කොළඹ 06, ගාලු පාර, අංක 541 දරන ස්ථානයේ පැවැති මෙම ලේ දන් දීමේ වැඩසටහන සඳහා රුධිර පරිත්‍යාගශීලීන්, ස්වේච්ඡා සේවකයන්, වැල්ලවත්ත නිත්‍යකල්‍යාණි කාර්ය මණ්ඩලය ඇතුළු විශාල පිරිසක් එක් වී සිටියහ. ‘Let’s Donate Blood – #BeAHero’ තේමාව යටතේ සංවිධානය කළ මෙම වැඩසටහනේ ප්‍රධාන අරමුණ වූයේ ස්වේච්ඡාවෙන් ලේ දන් දීමේ වැදගත්කම පිළිබඳ මහජන අවධානය වැඩි කිරීම සහ ජීවිත බේරා ගැනීමේ උතුම් මෙහෙවරට වැඩි පිරිසක් දායක කර ගැනීමයි. 2026 වසරේ පැවැති මෙම වැඩසටහන නිත්‍යකල්‍යාණි ජුවලරි ආයතනයට සුවිශේෂ අවස්ථාවක් විය. තමන් සේවය සපයන ප්‍රජාවට යහපත් බලපෑමක් ඇති කිරීම සහ සමාජ වගකීම සිය ආයතනික වටිනාකම්වල අත්‍යවශ්‍ය අංගයක් ලෙස පවත්වා ගෙන යාම සඳහා වන කැපවීම මෙම වැඩසටහන මඟින් පිළිබිඹු වන බව සමාගම සඳහන් කරයි.

![](https://www.citizen.lk/content/images/2026/09/B--1-.jpg)

***(වැල්ලවත්ත නිත්‍යකල්‍යාණි ජුවලරි Rotary Colombo East සමඟ එක් වී සංවිධානය කළ වාර්ෂික ලේ දන් දීමේ වැඩසටහන)**

ප්‍රජා සේවා සහ මානුෂීය වැඩසටහන් පිළිබඳ පුළුල් අත්දැකීම් සහිත Rotary Colombo East වැල්ලවත්ත නිත්‍යකල්‍යාණි ජුවලරි සමඟ එක් වී මෙවර වැඩසටහන සංවිධානය කිරීමට දායක විය. වැදගත් සමාජීය සහ සෞඛ්‍ය අවශ්‍යතා සැපිරීම සඳහා ව්‍යාපාර ආයතන සහ සේවා සංවිධාන අතර ඇති සහයෝගීතාවේ වැදගත්කම මෙම හවුල්කාරිත්වය තුළින් තව දුරටත් ඉස්මතු විය. වීරකේසරි පුවත්පත මෙම වැඩසටහනේ මුද්‍රිත හා ඩිජිටල් මාධ්‍ය සහකරු ලෙස එක් විය. ලේ දන් දීමේ වැදගත්කම පිළිබඳ පුළුල් මහජන දැනුවත්භාවයක් ඇති කිරීම සහ වැඩසටහන පිළිබඳ තොරතුරු ජනතාව අතරට ගෙන යාමට වීරකේසරි සිය දායකත්වය සැපැයීය. හදිසි ප්‍රතිකාර, ශල්‍යකර්ම සහ වෙනත් අත්‍යවශ්‍ය වෛද්‍ය අවශ්‍යතා සඳහා ලේ සංචිත අතිශය වැදගත් වේ. සිය වාර්ෂික ලේ දන් දීමේ වැඩසටහන හරහා ස්වේච්ඡා ලේ දන් දීම පිළිබඳ වඩාත් ශක්තිමත් සංස්කෘතියක් රට තුළ ගොඩ නැගීමට දායක වීම මෙන්ම ජීවිතයක් බේරා ගැනීමට සෑම පුද්ගලයෙකුටම අර්ථවත් දායකත්වයක් දීමට අවස්ථාව සළසා දීම වැල්ලවත්ත නිත්‍යකල්‍යාණි ජුවලරිහි අපේක්ෂාවයි. වැඩසටහන සාර්ථක කර ගැනීමට දායක වූ Rotary Colombo East, වීරකේසරි, රුධිර පරිත්‍යාගශීලීන්, ස්වේච්ඡා සේවකයන් සහ සහයෝගය දුන් සියල්ලන්ට වැල්ලවත්ත නිත්‍යකල්‍යාණි ජුවලරි සිය කෘතඥතාව පළ කළේය. අඛණ්ඩව වසර 10ක් පුරා මෙම මානුෂීය මෙහෙවර ඉදිරියට ගෙන යමින් සුවිශේෂ සන්ධිස්ථානයක් සනිටුහන් කළ වැල්ලවත්ත නිත්‍යකල්‍යාණි ජුවලරි ඉදිරියේදීත් ස්වේච්ඡා සේවය සහ සාමූහික සමාජ වගකීම ප්‍රවර්ධනය කරන ප්‍රජා කේන්ද්‍රීය වැඩසටහන් අඛණ්ඩව ක්‍රියාත්මක කිරීමට අපේක්ෂා කරයි.
### Tiara රස හර යාත්‍රා - සිව් දෙසේ රස හදවත් යා කරමින් මහනුවර ඇසළ පෙරහැර වන්දනාව සාර්ථකව නිම කරයි.
URL: https://www.citizen.lk/tiara-rasa-hara-yathra-successfully-concludes-the-kandy-esala-perahera-pilgrimage/
Last updated: 2026-09-04T13:27:32.000Z
September 04 (Citizen News) - සිලෝන් බිස්කට් සමාගමේ (CBL), ප්‍රමුඛ පෙළේ කේක් සන්නාමය වන ටියාරා (Tiara) අඛණ්ඩව 2 වන වරටත් සංවිධානය කළ 'ටියාරා රස හර යාත්‍රා' මහනුවර ඇසළ පෙරහැර වන්දනාව, අගෝස්තු මස 27 වන දින සාර්ථකව නිම කෙරුණි.

Tiara සැමවිටම සිය ආයතනික සාමාජීය වගකීම හා සන්නාම විශ්වාසනීයත්වය මත පදනම්ව අර්ථවත් පාරිභෝගික සබඳතා ගොඩනැගීම සිදු කරන අතර 'Tiara රස හර යාත්‍රා' සංකල්පය ඒ අතර ප්‍රධාන තැනක් ගෙන ඇත.

මහනුවර ඇසළ පෙරහැරට සමගාමීව කෙතරම් ප්‍රවාහන පහසුකම් තිබුනද අධික මගී තදබදයක් දක්නට ලැබීම සුලබ කරුණකි. එපමණක් නොව මේ උතුම් කටයුත්තට සහභාගී වීමට ගමන් වියදම් සපුරාගැනීමට නොහැකි වීම වැනි ආර්ථික අපහසුතා වලින් සමන්විත පිරිසක් ද මේ අතර වීම උතුම් දළදා පෙරහැර වන්දනා කිරීමට 'Tiara රස හර යාත්‍රා' දියත් කිරීමට බල පෑ ප්‍රධාන හේතුන් වේ.

![](https://www.citizen.lk/content/images/2026/09/_DSC0590.jpg.jpeg)

***('ටියාරා රස හර යාත්‍රා' මහනුවර ඇසළ පෙරහැර වන්දනාව සඳහා එක් වූ බැතිමතුන්ට ටියාරා වෙතින් රසවත් සංග්‍රහයක්)**

මෙම සුවිශේෂී වැඩසටහන හරහා උතුම් දළදා පෙරහැර නැරඹීම සඳහා ප්‍රධාන දිස්ත්‍රික්ක කිහිපයක් ආවරණය වන පරිදි කොළඹ කොටුව, මාකුඹුර, පානදුර, ගාල්ල, අනුරාධපුර, පොළොන්නරුව සහ මහියංගණය යන ප්‍රදේශවලින් ඓතිහාසික ඇසළ පෙරහැර වන්දනාමාන කිරීමට ප්‍රවාහන පහසුකම් ලබා දීම සිදු කරනු ලැබු අතර, එය ඉතා ක්‍රමවත්, ආගන්තුක සත්කාරයෙන් පිරි, ආරක්ෂාව හා සුවපහසුව මුසු වූ අත්දැකීමක් විය.

![](https://www.citizen.lk/content/images/2026/09/EWF06431.jpg--1-.jpeg)

***('ටියාරා රස හර යාත්‍රා' මහනුවර ඇසළ පෙරහැර වන්දනාව සඳහා සුදානම් වෙමින්)**

Tiara යනු තවත් සන්නාමයක්‌ පමණක් නොවී පාරිභෝගිකයින්ගේ රුචිඅරුචිකම් හඳුනා ගැනීමෙන් ඔබ්බට ගොස් ඔවුන්ගේ අධ්‍යාත්මික වටිනාකම් හඳුනාගෙන එයට වටිනාකමක් එක් කිරීමට නිරන්තරයෙන් කැපවන සහ පාරිභෝගිකයන් ආදරය කරන සන්නාමයක් බවට පත් වී ඇත.
### අහස ජයගත් පියාසර උරුමයේ හෘදස්පන්දනය: අංක 01 පියාසර පුහුණු පක්ෂාංගයේ 75 වන සංවත්සරය උත්කර්ෂවත් ලෙස සැමරෙයි
URL: https://www.citizen.lk/heartbeat-of-sky-conquering-flying-heritage-75th-anniversary-of-no-01-flying-training-wing/
Last updated: 2026-09-02T07:26:20.000Z
September 02 (Citizen News) - ශ්‍රී ලංකා ගුවන් හමුදාවේ අභිමානවත් පියාසර උරුමයේ හෘදස්පන්දනය බඳු, "ගුවන් නියමුවන්ගේ තිඹිරිගෙය" ලෙස විරුදාවලිය ලත් අංක 01 පියාසර පුහුණු පක්ෂාංගය සිය 75 වන සංවත්සරය ඊයේ (01) චීන වරාය ශ්‍රී ලංකා ගුවන් හමුදා විද්‍යාපීඨයේදී අතිඋත්කර්ෂවත් ලෙස සමරනු ලැබීය.

දශක හතහමාරක දීර්ඝ ඉතිහාසයක් පුරා හමුදා පියාසර පුහුණු ක්ෂේත්‍රයේ විශිෂ්ටත්වය සනාථ කරමින් සිදු කළ අසමසම මෙහෙවර මෙහිදී මහත් අභිමානයෙන් සිහිපත් කෙරිණි.

1951 සැප්තැම්බර් 01 වන දින රාජකීය ගුවන් හමුදාවේ ෆ්ලයින් ලෙෆ්ටිනන්ට් නොර්මන් ලූෂ්ගේ නායකත්වයෙන් කටුනායකදී ආරම්භ වූ මෙම පක්ෂාංගය, පසුකාලීනව හමුදා පියාසර පුහුණුවීම් සඳහා වඩාත් සුදුසු පරිසරයක් සහිත චීන වරාය පරිශ්‍රය වෙත ස්ථාපිත කෙරිණි. මූලික පියාසර පුහුණුවෙන් ඇරඹි මෙම ගමන කාලයත් සමඟ මෙහෙයුම් අවශ්‍යතාවන්ට අනුකූලව අඛණ්ඩව යාවත්කාලීන වූ අතර, අද වන විට එය PT-6 සහ සෙස්නා-150 වැනි යානා බලඝණයකින් සන්නද්ධව, මූලික සහ මධ්‍යම මට්ටමේ පියාසර පුහුණුවීම් ලබා දෙන ප්‍රමුඛතම ආයතනය ලෙස ක්‍රියාත්මක වේ.

![](https://www.citizen.lk/content/images/2026/09/b6199408-89c4-4762-a37c-bb75e6d59799.jpg)

***(මෙම 75 වන සංවත්සරයට සමගාමීව පැවැත් වූ ගුවන් යානා සහ ඒ හා සබැඳි නවීන තාක්ෂණය පිළිබඳ විශේෂ වැඩසටහනක්)**

මෙම 75 වන සංවත්සරයට සමගාමීව ප්‍රජා සත්කාර සහ සමාජ සේවා වැඩසටහන් රැසක් ද සංවිධානය කර තිබූ අතර, ප්‍රධාන සංවත්සර උත්සවය අණදෙන නිලධාරී ගෲප් කැප්ටන් ඉර්ෂාඩ් මුතාලිෆ් මහතාගේ ප්‍රධානත්වයෙන් පැවැත්විණි. මෙම අවස්ථාව සඳහා සේවා පුද්ගලයින්ගේ පවුල්වල සාමාජිකයන්ට ද ආරාධනා කර තිබූ අතර, ඔවුන් වෙනුවෙන් ගුවන් යානා සහ ඒ හා සබැඳි නවීන තාක්ෂණය පිළිබඳ විශේෂ වැඩසටහනක් ද ඉදිරිපත් කෙරිණි.

![](https://www.citizen.lk/content/images/2026/09/image.png)

***(මෙම 75 වන සංවත්සරයට සමගාමීව පැවැත් වූ ප්‍රජා සත්කාර සහ සමාජ සේවා වැඩසටහනක්)**

දශක හතකට වැඩි කාලයක් මුළුල්ලේ මව්බිම වෙනුවෙන් වෘත්තීය මට්ටමේ දක්ෂ, විනයගරුක සහ මෙහෙයුම් හැකියාවෙන් පූරණය වූ ගුවන් නියමුවන් පරම්පරාවක් දායාද කළ අංක 01 පියාසර පුහුණු පක්ෂාංගය, සිය අභිමානවත් උරුමය ඉදිරියටත් සුරකිමින් ලක් ගුවන් ගැබ සුරක්ෂිත කිරීමේ උතුම් මෙහෙවරට සැමදා කැපවී සිටියි.
### ඉතිහාසයේ ප්‍රථම වරට ජපන් සංචාරකයින් 250 දෙනෙකුගෙන් යුත් කණ්ඩායමක් ශ්‍රී ලංකාවට
URL: https://www.citizen.lk/for-the-first-time-in-history-a-group-of-250-japanese-tourists-has-arrived-in-sri-lanka/
Last updated: 2026-09-01T04:50:29.000Z
September 01 (Citizen News) - ජපන් සංචාරකයින් 250 දෙනෙකුගෙන් යුත් කණ්ඩායමක් ඉතිහාසයේ ප්‍රථම වරට ශ්‍රී ලංකාවට පැමිණ තිබේ. 

මෙය ශ්‍රී ලංකාවේ සංචාරක ක්ෂේත්‍රයේ කැපී පෙනෙන සංධිස්ථානයක් ලෙස සනිටුහන් වේ.

![](https://www.citizen.lk/content/images/2026/09/789425148_27799492603086567_8886026834155591205_n.jpg)

***(ප්‍රථම වරට ජපන් සංචාරකයින් 250 දෙනෙකුගෙන් යුත් කණ්ඩායමක් ශ්‍රී ලංකාවට)**

ශ්‍රී ලංකා සංචාරක ප්‍රවර්ධන කාර්යාංශය (SLTPB) විසින් සංවිධාන කරන ලද විචිත්‍රවත් සාම්ප්‍රදායික උඩරට නර්තන අංගයකින් ජපන් සංචාරක කණ්ඩායම උණුසුම් ලෙස පිළිගනු ලැබීය.

මෙම සංචාරක කණ්ඩායම වෙත ශ්‍රී ලංකා තේ මණ්ඩලයේ අනුග්‍රහයෙන් ලංකා තේ පැකට් ප්‍රදානය කිරීම ද සිදු විය.
### මුහුදුබඩ දුම්රිය මාර්ගයේ මග්ගොන ද්විත්ව පාලම ඉදිකිරීම් ඇරඹේ
URL: https://www.citizen.lk/construction-begins-on-the-maggona-twin-bridge-on-the-coastal-railway-line/
Last updated: 2026-09-01T06:40:57.000Z
September (Citizen News) - මුහුදුබඩ දුම්රිය මාර්ගය ප්‍රතිසංස්කරණය කිරීමේ ව්‍යාපෘතිය යටතේ කළුතර, මග්ගොන ද්විත්ව දුම්රිය පාලමේ ඉදිකිරීම් නිල වශයෙන් ආරම්භ කිරීම ප්‍රවාහන හා මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේනගේ ප්‍රධානත්වයෙන් ඊයේ දින (31) සිදුකෙරිණි.

මුහුදුබඩ දුම්රිය මාර්ගය (අංක සැතපුම් 33, දම්වැල් 43 ස්ථානයේ පිහිටි මග්ගොන දුම්රිය පාලම ඉදිකිරීම සදහා රාජ්‍ය මූල්‍ය ප්‍රතිපාදන මගින් රුපියල් මිලියන 401.03 ක් වැයකෙරෙන අතර ශ්‍රී ලංකා දුම්රිය දෙපාර්තමේන්තුවේ සේවා යෝජකත්වයෙන් ආර්.ආර්. කන්ස්ට්‍රක්ෂන් ආයතනය මගින් මෙහි ඉදිකිරීම් වසරක් ඇතුලත නිමකිරීමට සැලසුම් කර ඇත.

දැනට පවතින පැරණි යකඩ පාලමට සමාන්තරව කොන්ක්‍රීට් පාලමක් ලෙස නිර්මාණය කෙරෙන මෙම නව පාලමේ දිග මීටර් 26.0 කි. පළල මීටර් 10.5 කි. 2004 වසරේ ඇතිවූ සුනාමි ව්‍යසනයෙන් හානියට පත්වූ දැනට පවතින යකඩ පාලම නිසි ප්‍රතිසංස්කරණයට ලක් නොකිරීම හේතුවෙන් දැඩි අනාරක්ෂිත තත්ත්වයක පවතී. ඒ හේතුවෙන් මෙම මාර්ගයේ ධාවන වේගය ද සීමාකර ඇත. 

මේ තත්ත්වය සැලකිල්ලට ගෙන මාර්ගයේ ඉදිකිරීම් කඩිනමින් අවසන් කිරීමට දුම්රිය දෙපාර්තමේන්තුවේ මාර්ග හා කර්මාන්ත අංශය කටයුතු කරමින් සිටියි.
### IMF වැඩසටහන අවසන් වීමේදී ශ්‍රී ලංකාවේ ආර්ථිකය කොයිබටද?
URL: https://www.citizen.lk/where-is-sri-lankas-economy-headed-as-the-imf-program-concludes/
Last updated: 2026-08-29T15:51:01.000Z
August 29 (Citizen News) - ජාත්‍යන්තර මූල්‍ය අරමුදලේ (IMF) වැඩසටහන අවසන් වීමෙන් පසු ශ්‍රී ලංකාවේ ආර්ථිකයේ ඉදිරි ගමන සහ අනාගත අභියෝග පිළිබඳව ක්ෂේත්‍රයේ ප්‍රවීණයන්ගේ සහභාගීත්වයෙන් පැවැත්වෙන විශේෂ මාර්ගගත (Zoom) සංවාදයක් සාධාරණ සමාජයක් සඳහා වන ජාතික ව්‍යාපාරය මගින් සංවිධානය කර තිබේ.

​මෙම විශේෂ සංවාදය 2026 අගෝස්තු 30 වන හෙට දින පස්වරු 05.00 සිට 07.00 දක්වා මාර්ගගතව පැවැත්වීමට කටයුතු යොදා ඇත.

සංවාදය සඳහා පහත Zoom සබැඳිය (Link) හරහා සජීවීව සම්බන්ධ විය හැකි ය.

Zoom Link: [https://us06web.zoom.us/j/87353643742?pwd=T1bisMXaQsXX7Wv6fraAKBR1duvbON.1](https://us06web.zoom.us/j/87353643742?pwd=T1bisMXaQsXX7Wv6fraAKBR1duvbON.1&ref=citizen.lk)

Meeting ID: 873 5364 3742  
Passcode: 448013

මෙම වැඩසටහන නැරඹීමට නොහැකි වන පිරිස් සඳහා "Sadharana Samajayak" නිල Facebook පිටුව, YouTube නාලිකාව සහ Sadharana.org වෙබ් අඩවිය ඔස්සේ පසුව වීඩියෝව ශ්‍රවණය කිරීමට පහසුකම් සලසා ඇත.

- Facebook - <https://www.facebook.com/nationalmovementforsocialjustice>
- Youtube - [https://www.youtube.com/@sadharanasamajayak4511](https://www.youtube.com/@sadharanasamajayak4511?ref=citizen.lk)
- Web - [https://sadharana.org/](https://sadharana.org/?ref=citizen.lk)
### ශ්‍රී ලංකාව සඳහා නම් කරන ලද එක්සත් ජනපද තානාපති එරික් මයර් මහතා දිවයිනට පැමිණෙයි
URL: https://www.citizen.lk/mr-eric-meyer-the-u-s-ambassador-designate-to-sri-lanka-arrives-in-the-country/
Last updated: 2026-08-25T10:19:19.000Z
**August 25 (Citizen News)** – ශ්‍රී ලංකාවේ එක්සත් ජනපද තානාපතිවරයා ලෙස සිය රාජකාරි භාර ගැනීම සඳහා එක්සත් ජනපද තානාපති ලෙස නම් කර ඇති එරික් මයර් මහතා 2026 අගෝස්තු 22 වන දින සන්ධ්‍යාවේ කොළඹට පැමිණියේය.

 ශ්‍රී ලංකාවේ 29 වැනි එක්සත් ජනපද තානාපතිවරයා ලෙස සේවය කිරීමට ලැබීම පිළිබඳව සිය උද්‍යෝගය පළ කරමින්, තානාපති ධුරය සඳහා නම් කරන ලද මයර් මහතා මෙසේ ප්‍රකාශ කළේය: “ශ්‍රී ලංකාව තුළ එක්සත් ජනපදය නියෝජනය කිරීමට ලැබීම මට මහත් ගෞරවයකි. අප දෙරටේ ප්‍රජාතන්ත්‍රවාදී රාජ්‍යයන් අතර පවතින ශක්තිමත් පදනම තවදුරටත් ගොඩනඟමින්, ඇමරිකානු ව්‍යාපාර සඳහා නව අවස්ථා නිර්මාණය කරන, අපගේ පොදු ආරක්ෂක අවශ්‍යතා තවදුරටත් ඉදිරියට ගෙන යන සහ ඇමරිකානුවන්ට මෙන්ම ශ්‍රී ලාංකිකයන්ටද වඩාත් ඉහළ සෞභාග්‍යයක් උදා කරන එක්සත් ජනපද-ශ්‍රී ලංකා හවුල්කාරිත්වයක් ඉදිරියට ගෙන යාමට මම බලාපොරොත්තු වෙමි.”

ශ්‍රී ලංකාවේ මෙම රාජකාරිය භාර ගැනීමට පෙර, ඔහු නෝර්වේ රාජ්‍යයේ එක්සත් ජනපද දූත මණ්ඩලයේ වැඩබලන තානාපතිවරයා ලෙස කටයුතු කළ අතර, ඊට පෙර එක්සත් ජනපද රාජ්‍ය දෙපාර්තමේන්තුවේ දකුණු සහ මධ්‍යම ආසියානු කටයුතු පිළිබඳ කාර්යාංශයේ ජ්‍යෙෂ්ඨ කාර්යාංශ නිලධාරියා ලෙස සේවය කළේය.

**තානාපති ධුරය සඳහා නම් කරන ලද මයර් මහතා පිළිබඳ වැඩිදුර තොරතුරු දැන ගැනීම සඳහා:**

එක්සත් ජනපද තානාපති කාර්යාලය සහ තානාපති මයර් මහතා සමාජ මාධ්‍ය ඔස්සේ අනුගමනය කරන්න:

නිල ජීව දත්ත විස්තරය**:** [https://lk.usembassy.gov/ambassador](https://lk.usembassy.gov/ambassador?ref=citizen.lk)

සෙනෙට් සභාවේ අනුමැතිය සඳහා පැවැත්වෙන විභාගයේ ආරම්භක ප්‍රකාශය:

ලිඛිත ප්‍රකාශය**:** [https://share.google/ng2b1x5hMr4yLz5be](https://share.google/ng2b1x5hMr4yLz5be?ref=citizen.lk)

වීඩියෝ**:** [https://www.foreign.senate.gov/hearings/nominations-12-11-2025](https://www.foreign.senate.gov/hearings/nominations-12-11-2025?ref=citizen.lk)
### University of West London ශ්‍රී ලංකා උපාධි ප්‍රදානෝත්සවය අභිමානවත් ලෙස පැවැත්වේ
URL: https://www.citizen.lk/university-of-west-london-celebrates-graduates-in-sri-lanka-at-graduation-ceremony-2026/
Last updated: 2026-08-25T08:01:05.000Z
August 25 (Citizen News) - බ්‍රිතාන්‍යයේ ප්‍රමුඛ විශ්ව විද්‍යාලයක් වන University of West London (UWL) සිය ශ්‍රී ලාංකික උපාධිධාරීන්ගේ අධ්‍යයන ජයග්‍රහණ ඇගැයීමට සංවිධානය කළ 2026 උපාධි ප්‍රදානෝත්සවය බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී උත්කර්ෂවත් ලෙස පැවැත්විණි. උපාධිධාරීන්ගේ, ඔවුන්ගේ දෙමාපියන්ගේ හා පවුල්වල සාමාජිකයන්ගේ, ආචාර්ය මණ්ඩලයේ සහ විශ්ව විද්‍යාල නියෝජිතයන්ගේ සහභාගිත්වයෙන් පැවැති මෙම උත්සවයේදී විවිධ උපාධි සහ පශ්චාත් උපාධි අධ්‍යයන ක්ෂේත්‍ර සාර්ථකව සම්පූර්ණ කළ University of West London ශ්‍රී ලාංකික උපාධිධාරීහු ඇගැයීමට ලක් වූහ. වසර ගණනාවක අධ්‍යයන කැපවීම, අඛණ්ඩ උත්සාහය සහ පෞද්ගලික අභියෝග ජය ගනිමින් සිය අධ්‍යාපන ඉලක්ක සපුරා ගත් සිසුන්ට මෙය සුවිශේෂ අවස්ථාවක් විය. විශේෂයෙන්ම වෘත්තීය සහ පවුල් වගකීම් සමඟ උසස් අධ්‍යාපනය සමබරව පවත්වා ගෙන ගිය බොහෝ උපාධිධාරීන්ට මෙම උපාධි ප්‍රදානෝත්සවය ඔවුන්ගේ කැප වීමේ සුවිශේෂ සන්ධිස්ථානයක් සනිටුහන් කළේය. ඔවුන්ගේ අධ්‍යාපන ගමනට නිරන්තර සහයෝගය දුන් පවුල්වල සාමාජිකයන්ද මෙම අවස්ථාවට එක් වීම උත්සවයට තවත් සුවිශේෂත්වයක් එක් කළේය.

![](https://www.citizen.lk/content/images/2026/08/image-3.png)

***(ANC Education හි 2026 උපාධිධාරී කණ්ඩායම, BMICH හි පැවති උපාධි ප්‍රදානෝත්සවය**

මෙවර උපාධි ප්‍රදානෝත්සවය පැවැත්වුණේ University of West London ශ්‍රී ලංකාව තුළ තව දුරටත් ශක්තිමත් වෙමින් සිටින අවස්ථාවකදීය. කොළඹ ස්ථාපිත කර ඇති University of West London Sri Lanka Branch Campus හරහා තෝරා ගත් UWL පාඨමාලා ශ්‍රී ලංකාවේ සිටම හැදෑරීමේ අවස්ථාව සිසුන්ට හිමි වී තිබේ. ව්‍යාපාර කළමනාකරණය, නීතිය, පරිගණක අධ්‍යයනය සහ මනෝ විද්‍යාව ඇතුළු ක්ෂේත්‍ර රැසක උපාධි සහ පශ්චාත් උපාධි අධ්‍යයන අවස්ථා මෙම ශාඛා මණ්ඩපය සපයයි. ඒ අනුව විදේශගත නොවී ශ්‍රී ලංකාවේ සිටම බ්‍රිතාන්‍ය විශ්ව විද්‍යාල අධ්‍යාපනයකට ප්‍රවේශ වීමට සිසුන්ට මාර්ගයක් විවෘත වී ඇත. එමෙන්ම සිය පවුල්, රැකියා සහ වෘත්තීය සබඳතා සමඟ සමීප වී සිටිමින් University of West London සුදුසුකමක් සම්පූර්ණ කිරීමට හැකිවීමද ශ්‍රී ලාංකික සිසුන්ට ලැබෙන වැදගත් අවස්ථාවකි. ඒ අනුව 2026 උපාධි ප්‍රදානෝත්සවය උපාධිධාරීන්ගේ පෞද්ගලික ජයග්‍රහණ සැමරීමට පමණක් සීමා නොවී ශ්‍රී ලංකාව තුළ වර්ධනය වෙමින් පවතින University of West London අධ්‍යාපන ප්‍රජාව නියෝජනය කළ සුවිශේෂ අවස්ථාවක්ද විය. උපාධිධාරීන් සිය ජීවිතයේ නව පරිච්ඡේදයක් ආරම්භ කරමින් රැකියා, උසස් අධ්‍යාපනය, වෘත්තීය සංවර්ධනය සහ නව අවස්ථා කරා පිය නඟන අතර University of West Londonද සිය ශ්‍රී ලංකා ශාඛා මණ්ඩපය සමඟ මෙරට සිය අධ්‍යාපන ගමනේ නව පරිච්ඡේදයක් ආරම්භ කර තිබේ. University of West London Sri Lanka Branch Campus පිළිබඳ වැඩි විස්තර සඳහා www.uwl.lk වෙත පිවිසිය හැකි අතර 0773514415 දුරකථන අංකය ඔස්සේද සම්බන්ධ විය හැකිය. එහි මෙහෙයුම් හවුල්කරු ලෙස ANC Education කටයුතු කරයි.
### Phoenix IT Lanka අඛණ්ඩව දෙවැනි වරටත් Check Point Best Performance SMB සම්මානය දිනයි
URL: https://www.citizen.lk/phoenix-it-lanka-wins-the-check-point-best-performance-smb-award-for-the-second-consecutive-time/
Last updated: 2026-08-25T07:45:09.000Z
August 25 (Citizen News) - ශ්‍රී ලංකාවේ සයිබර් ආරක්ෂණ ක්ෂේත්‍රයේ සිය ස්ථාවරත්වය තව දුරටත් තහවුරු කරමින් Phoenix IT Lanka (Pvt) Ltd අඛණ්ඩව දෙවැනි වරටත් Check Point Best Performance SMB Winner 2026 සම්මානයෙන් පිදුම් ලැබීය. සමාගමේ පස් වසරක ගමන් මඟේ සුවිශේෂ සන්ධිස්ථානයක් සනිටුහන් කරන මෙම සම්මානය South Asia Technologies (Pvt) Ltd සංවිධානය කළ Check Point Award Night 2026හිදී පිරිනමන ලදී. ශ්‍රී ලංකාවේ තාක්ෂණ හා සයිබර් ආරක්ෂණ ක්ෂේත්‍රයට අර්ථවත් දායකත්වයක් දැක්වීමේ දැක්ම ඇතිව වසර පහකට පෙර ආරම්භ වූ Phoenix IT Lanka ආරම්භක ව්‍යාපාරවල සිට ව්‍යාපාරවල විශ්වාසනීය සයිබර් ආරක්ෂණ හවුල්කරුවෙකු දක්වා වර්ධනය වී තිබේ. පාරිභෝගික විශ්වාසය, විශ්වාසනීය සයිබර් ආරක්ෂණ විසඳුම්, තාක්ෂණ විශේෂඥතාව සහ දිගු කාලීන සහාය කෙරෙහි දක්වන දැඩි අවධානය සිය වර්ධනයට ප්‍රධාන හේතු වූ බව සමාගම සඳහන් කරයි. ව්‍යාපාර ආයතන සංකීර්ණ සයිබර් තර්ජන, තාක්ෂණ අවදානම් සහ අනුකූලතා අවශ්‍යතාවලට මුහුණ දෙන පසුබිමක දුර්වලතා හඳුනා ගැනීම, අත්‍යවශ්‍ය තොරතුරු හා පද්ධති ආරක්ෂා කිරීම සහ සමස්ත සයිබර් ආරක්ෂණ මට්ටම ශක්තිමත් කිරීම සඳහා Phoenix IT Lanka සිය සේවා පුළුල් කර තිබේ.

සයිබර් ආරක්ෂණ ඇගැයීම්, Firewall & Network Security, Endpoint Protection, Cloud Security, Information Security Consulting, Security Implementation, Configuration සහ Optimization, AI Security, Compliance සහ අඛණ්ඩ තාක්ෂණ සහාය ඇතුළු පුළුල් සයිබර් සහ IT ආරක්ෂණ සේවා රැසක් සමාගම සපයයි. ඒ අනුව තනි ආරක්ෂණ නිෂ්පාදනයකට සීමා නොවී ආයතනයක සයිබර් ආරක්ෂණ ගමන් මඟේ විවිධ අදියර සඳහා අවශ්‍ය විසඳුම් සහ සහාය එකම හවුල්කරුවෙකු හරහා ගැනීමට Phoenix IT Lanka අවස්ථාව සළසා දෙයි. ගෝලීය වශයෙන් පිළිගත් සයිබර් ආරක්ෂණ තාක්ෂණය දේශීය තාක්ෂණ විශේෂඥතාව සමඟ ඒකාබද්ධ කිරීම Phoenix IT Lankaහි ප්‍රධාන ශක්තියකි. Check Point Software Technologies සමඟ ඇති හවුල්කාරිත්වය ඔස්සේ ශ්‍රී ලාංකික ආයතන වෙත උසස් සයිබර් ආරක්ෂණ තාක්ෂණය සපයන අතර ඒවා ක්‍රියාත්මක කිරීම, වින්‍යාසගත කිරීම, ප්‍රශස්තකරණය සහ අඛණ්ඩ සහාය සඳහා අවශ්‍ය දේශීය තාක්ෂණ හැකියාව සැපැයීම සමාගම සිදු කරයි. ශ්‍රී ලංකාවේ කුඩා හා මධ්‍ය පරිමාණ ව්‍යාපාර (SME) සඳහා මෙම ප්‍රවේශය වැදගත් වන අතර එම ආයතනවලට සිය මෙහෙයුම් පරිසරයට ගැළැපෙන දේශීය විශේෂඥ සහාය සමඟ Enterprise-level සයිබර් ආරක්ෂණ හැකියා සපයා ගැනීමට එමගින් අවස්ථාව සැළැසේ.

තාක්ෂණ විසඳුම් ක්‍රියාත්මක කිරීමට පමණක් සීමා නොවී ආයතනවලට සයිබර් අවදානම් නිවැරැදිව අවබෝධ කර ගැනීමට, අත්‍යවශ්‍ය වත්කම් ආරක්ෂා කිරීමට, ආරක්ෂණ පාලන ශක්තිමත් කිරීමට සහ දිගු කාලීන සයිබර් ප්‍රතිරෝධී හැකියාව ගොඩ නැගීමට සහාය වීම Phoenix IT Lankaහි ප්‍රධාන අරමුණු වේ. සයිබර් ආරක්ෂණය හුදෙක් තවත් IT ආයෝජනයක් ලෙස නොව ව්‍යාපාරයේ අඛණ්ඩතාව සහ වත්කම් ආරක්ෂා කරන දිගු කාලීන උපාය මාර්ගයක් ලෙස සමාගම සළකයි. Phoenix IT Lanka (Pvt) Ltdහි කළමනාකරණ අධ්‍යක්ෂ ප්‍රභාත් අමිල පෙරේරාගේ නායකත්වය යටතේ වෙනස් වන තාක්ෂණ පරිසර සහ සයිබර් ආරක්ෂණ අවශ්‍යතාවලට මුහුණ දීමට ශ්‍රී ලාංකික ව්‍යාපාරවලට සහාය වන විශ්වාසනීය දේශීය සයිබර් ආරක්ෂණ ආයතනයක් ගොඩ නැගීමේ දිගු කාලීන දැක්ම සමාගම අඛණ්ඩව ඉදිරියට ගෙන යමින් සිටී. අඛණ්ඩව දෙවැනි වරටත් හිමි වූ Check Point සම්මානය Phoenix IT Lankaහි ස්ථාවර කාර්යසාධනය, පාරිභෝගික විශ්වාසය, තාක්ෂණ විශේෂඥතාව සහ ශක්තිමත් තාක්ෂණ හවුල්කාරිත්ව පිළිබිඹු කරන බව සමාගම පවසයි. South Asia Technologies (Pvt) Ltd සහ Orin Corporation (Pvt) Ltd ඇතුළු සිය තාක්ෂණ හවුල්කරුවන්ගේ අඛණ්ඩ සහයෝගය සමාගම මෙහිදී ඇගැයීමට ලක් කළ අතර සිය තාක්ෂණ පරිසර ආරක්ෂා කිරීමට Phoenix IT Lanka කෙරෙහි විශ්වාසය තැබූ පාරිභෝගිකයන් වෙත මෙම ජයග්‍රහණය කැප කරන බව සඳහන් කළේය. පස් වසරක අඛණ්ඩ වර්ධනය, පිට පිට දෙවරක් හිමි වූ මෙම ක්ෂේත්‍ර සම්මානය සහ පුළුල් වෙමින් පවතින සයිබර් ආරක්ෂණ සේවා කළඹ සමඟ Phoenix IT Lanka ගෝලීය සයිබර් ආරක්ෂණ තාක්ෂණය, දේශීය විශේෂඥතාව සහ විශ්වාසනීය ආරක්ෂාව ශ්‍රී ලාංකික ව්‍යාපාර වෙත සැපැයීමේ සිය මෙහෙවර තව දුරටත් ශක්තිමත්ව ඉදිරියට ගෙන යමින් සිටී.
### ජාතියේ යශෝරාවය: විශාරද නන්දා මාලිනී
URL: https://www.citizen.lk/the-nations-renowned-voice-visharada-nanda-malini/
Last updated: 2026-08-21T12:34:10.000Z
August 21 (Citizen News) - විශාරද නන්දා මාලිනිය, ශ්‍රී ලාංකේය සංගීත ක්ෂේත්‍රය තුළ තමන්ගේම අනන්‍යතාවයක් සහ පූර්ණ සලකුණක් තැබූ අසහාය ගායන ශිල්පිනියක වූවාය. දශක හයකටත් වඩා වැඩි කාලයක් පුරා ඇය පිනවූයේ ලාංකේය රසික හදවත් පමණක් නොව, සමාජයේ අසාධාරණයට සහ අයුක්තියට එරෙහිව හඬ නැගූ ශක්තිමත් සංගීත ප්‍රවාහයක්ද ගොඩනැගුවාය.

1943 අගෝස්තු 23 වන දින අලව්වේදී උපත ලද ඇය, පසුව කොළඹ කොටහේන ශ්‍රී ගුණානන්ද විද්‍යාලයෙන් අධ්‍යාපනය ලැබුවාය. කුඩා කල සිටම සහජ ගායන හැකියාවක් ප්‍රදර්ශනය කළ ඇගේ කුසලතාව හඳුනාගත් ගුරුවරුන්ගේ මඟපෙන්වීම යටතේ ඇයට සංගීත ක්ෂේත්‍රයට යොමු වීමට මංපෙත් විවර විය.

කාව්‍ය තරගයකදී ඇගේ හැකියාව දුටු ගුරුවරියක් විසින් ඇයව කරුණාරත්න අබේසේකර මහතා මෙහෙයවූ "ළමා මණ්ඩපය" වැඩසටහනට හඳුන්වා දෙන ලදී. එහිදී ඇය ගායනා කළ "බුදු සාදු" ගීතය අතිශය ජනප්‍රියත්වයට පත් විය.  
1961 වසරේ නිෂ්පාදනය කළ "රන්මුතු දූව" චිත්‍රපටයේ පණ්ඩිත් ඩබ්ලිව්. ඩී. අමරදේවයන්ගේ සංගීත අධ්‍යක්ෂණයෙන් නාරද දිසාසේකර මහතා සමඟ "ගලන ගඟකි ජීවිතේ" ගීතය ගායනා කරමින් ඇය සිනමා පසුබිම් ගායනයට පිවිසුණාය. පසුව ඉන්දියාවේ ලක්නව්හි භාත්ඛණ්ඩේ සංගීත විද්‍යාපීඨයට ගොස් ශාස්ත්‍රීය සංගීතය හදාරා විශාරද උපාධිය ලබාගත්තාය.

නන්දා මාලිනියගේ ගීත කලාත්මක භාවයෙන් මෙන්ම ප්‍රබල පදමාලාවලින්ද සමන්විත විය. ප්‍රේමය, භක්තිය, දේශවාත්සල්‍යය මෙන්ම සමාජ-දේශපාලන අර්බුදයන් තේමා කරගනිමින් ඇය ගීත ගායනා කළාය.

'ශ්‍රාවණ ආරාධනා', 'සත්‍යයේ ගීතය', 'පවන' වැනි ඒකපුද්ගල ගීත ප්‍රසංග ලාංකේය වේදිකා සංගීතයේ දැවැන්ත පෙරළියක් ඇති කළේය. විශේෂයෙන්ම 'පවන' ප්‍රසංගය එකල පැවැති සමාජීය හා දේශපාලනික අයුක්තියට එරෙහිව හඬ නැගූ ප්‍රබලතම කලාත්මක මෙවලමක් විය. ජනප්‍රිය ගීත: "අම්මාවරුනේ", "මා නිවන් දැක අතහැර ආවා", "රුක් අත්තන මල මුදුනේ", "සාරද මෑණියන්", "වෘක්ඛදේවතා" සහ කුඩා දරුවන් උදෙසා කළ "සින්දු හෝඩිය" ඇල්බමය ඇගේ නිර්මාණ පරාසය මැනවින් පෙන්වයි.

දශක ගණනාවක් පුරා ශ්‍රී ලාංකීය සංගීත ක්ෂේත්‍රයට කළ අසමසම මෙහෙවර වෙනුවෙන් නන්දා මාලිනී මහත්මිය හොඳම ගායිකාවට හිමි සරසවිය සම්මාන 12ක්, ජනාධිපති සම්මාන 10ක් ඇතුළුව දේශීය හා විදේශීය සම්මාන රැසකින් පිදුම් ලැබුවාය.

එමෙන්ම විශ්වවිද්‍යාලයකින් ආචාර්ය උපාධියකින් පිදුම් ලැබූ ශ්‍රී ලංකාවේ ප්‍රථම කාන්තා ගායන ශිල්පිනිය වන්නේද ඇයයි.

  
අඩසියවසකට අධික කාලයක් මුළුල්ලේ සිය අසමසම ස්වර මංජරියෙන් හෙළ සංගීත අඹර ඒකාලෝක කළ මෙම අසහාය කලාකාරිනිය, ඊයේ (20) දින සිය ජීවන ගමනට සමුදුන්නාය. ඇගේ නික්ම යාම ශ්‍රී ලාංකේය කලා කෙතට පිරවිය නොහැකි මහත් පාඩුවක් වුවද, ඇය ගායනා කළ ඒ අමරණීය ගීත රාවයත්, නිර්භීත හඬත් සමස්ත ලාංකේය ජනතාවගේ හදවත් තුළ සදාතනිකවම ජීවමාන වනු ඇත.
### ආචාර්ය නන්දා මාලනියන්ගේ අභාවය වෙනුවෙන් අගෝස්තු 21, 22 සහ 23 තෙදින ජාතික ශෝක දින ලෙස ප්‍රකාශයට පත්කෙරේ
URL: https://www.citizen.lk/august-21-22-and-23-have-been-declared-days-of-national-mourning-following-the-passing-of-nanda-malini/
Last updated: 2026-08-21T03:23:59.000Z
August 21 (Citizen News) - ප්‍රවීණ සංගීතවේදිනී, ආචාර්ය නන්දා මාලනී මහත්මියගේ අභාවය වෙනුවෙන් ගෞරව පිණිස අගෝස්තු 21, 22 සහ 23 යන තෙදින ජාතික ශෝක දින ලෙස නම් කිරීමට රජය තීරණය කර තිබේ.
### කටුනායක අත්තනෝමතික ස්ථාන මාරුවට විරෝධය පා මහජන සෞඛ්‍ය පරීක්ෂකවරුන් අද සංකේත වැඩවර්ජනයක
URL: https://www.citizen.lk/public-health-inspectors-are-staging-a-token-strike-today-in-protest-against-an-arbitrary-transfer-in-katunayake/
Last updated: 2026-08-21T03:20:56.000Z
August (Citizen News) - කටුනායක ගුවන්තොටුපොළ සෞඛ්‍ය කාර්යාලයේ ජ්‍යෙෂ්ඨතම සෞඛ්‍ය වෛද්‍ය නිලධාරීවරයා අත්තනෝමතික ලෙස ස්ථාන මාරු කිරීමට විරෝධය පළ කරමින්, දිවයින පුරා සිටින සියලුම මහජන සෞඛ්‍ය පරීක්ෂකවරුන් (PHI) අද (21) අසනීප නිවාඩු වාර්තා කරමින් සංකේත වැඩවර්ජනයක නිරත වෙති.

  
පෙරේදා (19) රාත්‍රියේ රැස්වූ ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ කෘත්‍යාධිකාරී මණ්ඩලය විසින් මෙම තීරණය ගත් බව එහි ප්‍රධාන ලේකම් චමිල් මුතුකුඩ ප්‍රකාශ කළේය.

  
මෙම වෘත්තීය සමුළු තීරණයත් සමඟ ඊයේ (20) සිට දිවයින පුරා සියලුම ඩෙංගු මර්දන රාජකාරී කටයුතුවලින් ඉවත් වීමටද මහජන සෞඛ්‍ය පරීක්ෂකවරුන් පියවර ගෙන තිබේ.

  
මේ අතර, සිදුව ඇති මෙම ගැටලුව සම්බන්ධයෙන් වහාම මැදිහත් වන ලෙස ඉල්ලමින් ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය විසින් සෞඛ්‍ය හා ජනමාධ්‍ය අමාත්‍යාංශයේ ලේකම්වරයා වෙත ලිඛිතව දැනුම්දීමක්ද සිදුකර ඇත.
### පොලිස් නිෂ්කාශන සහතික නිකුත් කරන දත්ත පද්ධතිය අක්‍රිය වෙයි – යථාවත් වන තෙක් අයදුම් නොකරන්නැයි ඉල්ලීමක්
URL: https://www.citizen.lk/police-clearance-certificate-issuance-system-down-request-not-to-apply-until-restored/
Last updated: 2026-08-21T03:17:30.000Z
August 21 (Citizen News) - පොලිස් මූලස්ථානය මගින් නිකුත් කරනු ලබන පොලිස් නිෂ්කාශන සහතිකපත්වලට අදාළ දත්ත පද්ධතිය අක්‍රිය වී ඇති බව පොලිස් මාධ්‍ය කොට්ඨාසය නිවේදනය කරයි.

  
බත්තරමුල්ල, සුහුරුපාය ගොඩනැඟිල්ලේ 17 වන මහලේ පිහිටි නිෂ්කාශන අංශය හරහා සිදුකෙරෙන අයදුම්පත් භාරගැනීම, වාර්තා කැඳවීම සහ සහතිකපත් මුද්‍රණය කිරීමේ කටයුතු මෙම දත්ත පද්ධතිය ඔස්සේ සංවිධානය කර තිබුණි. කෙසේවෙතත්, ඊයේ (20) දහවල් 12.50 සිට මෙම පද්ධතියේ හදිසි තාක්ෂණික දෝෂයක් මතුව ඇත.

  
දත්ත පද්ධතිය නැවත යථාවත් කිරීම සඳහා ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) දැනුවත් කර ඇති අතර, මේ වන විටත් ඒ සඳහා වන පිළිසකර කිරීමේ කටයුතු ආරම්භ කර ඇති බව පොලීසිය සඳහන් කරයි.

  
එබැවින් පද්ධතියේ වැඩකටයුතු යථා තත්ත්වයට පත් වන තෙක් අලුතින් නිෂ්කාශන වාර්තා සඳහා අයදුම් කිරීමෙන් වළකින ලෙස පොලිස් මූලස්ථානය මහජනතාවගෙන් ඉල්ලා සිටී. තාක්ෂණික දෝෂය නිරවුල් කළ වහාම නැවත අයදුම්පත් ඉදිරිපත් කිරීමට පහසුකම් සැලසෙන බවද පොලිස් මාධ්‍ය කොට්ඨාසය වැඩිදුරටත් අදහස් දක්වමින් පැවසීය.
### ANC Education 2026 උපාධි ප්‍රදානෝත්සවය උත්කර්ෂවත් ලෙස පැවැත්වෙයි
URL: https://www.citizen.lk/anc-education-celebrates-the-class-of-2026-at-graduation-ceremony-in-colombo/
Last updated: 2026-08-20T07:38:35.000Z
August 20 (Citizen News) - ශ්‍රී ලංකාවේ ජාත්‍යන්තර උසස් අධ්‍යාපන ක්ෂේත්‍රයේ ප්‍රමුඛ ආයතනයක් වන ANC Education සිය 2026 උපාධිධාරී කණ්ඩායමේ අධ්‍යාපන ජයග්‍රහණ සැමැරීමට සංවිධානය කළ උපාධි ප්‍රදානෝත්සවය බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී උත්කර්ෂවත් ලෙස පැවැත්විණි. උපාධිධාරීන්ගේ, ඔවුන්ගේ දෙමාපියන්ගේ හා පවුල්වල සාමාජිකයන්ගේ, ආචාර්ය මණ්ඩලයේ, ජාත්‍යන්තර විශ්ව විද්‍යාල නියෝජිතයන්ගේ සහ ක්ෂේත්‍රයේ ආරාධිතයන් රැසකගේ සහභාගිත්වයෙන් පැවැති මෙම උත්සවය ANC Educationහි වාර්ෂික අධ්‍යාපන දින දර්ශනයේ සුවිශේෂ අවස්ථාවක් විය. මෙවර උපාධිධාරී කණ්ඩායමට ජාත්‍යන්තරව පිළිගත් උසස් අධ්‍යාපන වැඩසටහන් සහ අධ්‍යයන මාර්ග රැසක් සාර්ථකව සම්පූර්ණ කළ සිසුහු ඇතුළත් වූහ. ඒ අතර Northwood Universityහි Business Administration උපාධිය සම්පූර්ණ කළ සිසුහු 53ක් සහ Northern Arizona Universityහි Science in Psychological Sciences උපාධිය සම්පූර්ණ කළ සිසුහු 22ක් වූහ.

මීට අමතරව Pearson BTEC Higher National Diploma වැඩසටහන් සාර්ථකව නිම කළ සිසුහු 320ක් සහ Pearson BTEC Level 7 වැඩසටහන් සම්පූර්ණ කළ සිසුහු 29ක් මෙහිදී සිය ජයග්‍රහණ සැමැරූහ. Foundation සහ Diploma වැඩසටහන් සම්පූර්ණ කළ සිසුන් මෙන්ම ANC Educationහි ඇමෙරිකා එක්සත් ජනපද සහ කැනඩා අධ්‍යාපන හුවමාරු වැඩසටහන් ඔස්සේ ජාත්‍යන්තර උසස් අධ්‍යාපනයෙන් ඉදිරියට ගිය සිසුන්ගේ ජයග්‍රහණද මෙහිදී ඇගැයීමට ලක් කෙරිණි. ANC Education සමඟ එක් වී කටයුතු කරන Northwood University, Northern Arizona University සහ Pearson ඇතුළු ජාත්‍යන්තර අධ්‍යාපන හවුල්කරුවන් නියෝජනය කරමින් ජ්‍යෙෂ්ඨ නියෝජිතයෝද මෙම අවස්ථාවට එක් වූහ. එම සහභාගිත්වය හේතුවෙන් උපාධිධාරීන්ට සහ ඔවුන්ගේ පවුල්වල සාමාජිකයන්ට තම සුදුසුකම් පිරිනමන විශ්ව විද්‍යාලවල සහ අධ්‍යාපන ආයතනවල නියෝජිතයන් සමඟ සිය ජයග්‍රහණ සැමැරීමට සුවිශේෂ අවස්ථාවක් හිමි විය. මෙහිදී විශිෂ්ට අධ්‍යයන දක්ෂතා දැක්වූ සිසුන් ඇගැයීමට Best Performer Awards 2026 සම්මාන පිරිනැමිණි. විවිධ අධ්‍යයන වැඩසටහන්වල ඉහළම දක්ෂතා දැක්වූ උපාධිධාරීහු එම සම්මානවලින් පිදුම් ලැබූහ. 2002 සිට ශ්‍රී ලංකාවේ ක්‍රියාත්මක වන ANC Education ජාත්‍යන්තර විශ්ව විද්‍යාල සහ අධ්‍යාපන සුදුසුකම් පිරිනමන ආයතන සමඟ ඇති හවුල්කාරිත්ව ඔස්සේ දේශීය හා ජාත්‍යන්තර උසස් අධ්‍යාපන අවස්ථා රැසක් ශ්‍රී ලාංකික සිසුන්ට සපයයි. 2026 උපාධි ප්‍රදානෝත්සවය උපාධිධාරීන්ගේ අධ්‍යාපන ගමනේ සුවිශේෂ පරිච්ඡේදයක අවසානය සහ ඔවුන්ගේ වෘත්තීය හා අධ්‍යාපන ජීවිතයේ නව පරිච්ඡේදයක ආරම්භය සනිටුහන් කළේය. ඇතැම් උපාධිධාරීන් වෘත්තීය ක්ෂේත්‍රයට පිවිසෙද්දී තවත් පිරිසක් උසස් අධ්‍යාපනය වෙත යොමු වන අතර තවත් සිසුහු ජාත්‍යන්තර අධ්‍යාපන අවස්ථා කරා පිය නඟති. ඒ සියලු දෙනාගේ කැපවීම, ප්‍රගතිය සහ අනාගත ගමන සැමැරීම මෙම උපාධි ප්‍රදානෝත්සවයේ මූලික අරමුණ විය. ANC Education පිළිබඳ වැඩි දුර තොරතුරු සඳහා www.ancedu.com වෙත පිවිසිය හැකි අතර 0777449955 දුරකථන අංකය ඔස්සේද සම්බන්ධ විය හැකිය.
### ආචාර්ය නන්දා මාලනී මහත්මිය අභාවප්‍රාප්ත වෙයි
URL: https://www.citizen.lk/nanda-malini-passes-away/
Last updated: 2026-08-21T03:29:04.000Z
August 20 (Citizen News) - ශ්‍රී ලාංකීය සංගීත ක්ෂේත්‍රයට අසමසම මෙහෙවරක් ඉටු කළ ප්‍රවීණ ගායන ශිල්පිනී, ආචාර්ය නන්දා මාලනී මහත්මිය අභාවප්‍රාප්ත වී තිබේ.

මියයන විට ඇය 82 හැවිරිදි වියේ පසුවූවාය.

නාවල ප්‍රදේශයේ පිහිටි සිය නිවසේදී ඇය අභාවප්‍රාප්ත වූ බව පවුලේ ආරංචි මාර්ග තහවුරු කරයි.
### විනිසුරුවන්ගේ විශ්‍රාම වයස: පොදු යහපතද?  බලය පිළිබඳ පරීක්ෂණයක්ද?
URL: https://www.citizen.lk/judges-retirement-age-public-good-or-a-test-of-power/
Last updated: 2026-08-18T06:04:42.000Z
August 18 (Citizen News) - ශ්‍රී ලංකාවේ විනිසුරුවරුන්ගේ විශ්‍රාම වයස සම්බන්ධයෙන් මේ දිනවල මතුව ඇති විවාදය බැලූ බැල්මට තවත් එක් ව්‍යවස්ථා සංශෝධනයක් පිළිබඳ සාකච්ඡාවක් ලෙස පෙනියා හැකිය. එහෙත් එයට යටින් ඇත්තේ ඊට වඩා බරපතළ ප්‍රශ්නයකි.

ආණ්ඩුවක් අලුත් ජනවරමක් මත රාජ්‍ය පද්ධතිය වෙනස් කරන විට, එම යෝජිත වෙනස පොදු යහපත සඳහාම බව තීරණය කරන්නේ කෙසේද? එම පොදු යහපත ආරක්ෂා කරන අතරම ආණ්ඩුවේ බලය සහ අධිකරණයේ ස්වාධීනත්වය අතර සීමාව පවත්වා ගන්නේ කෙසේද?

විනිසුරුවරුන්ගේ විශ්‍රාම වයස වසර දෙකකින් ඉහළ නැංවීමට වත්මන් ආණ්ඩුව ගෙන ඇති පියවර මේ ප්‍රශ්නය දේශපාලන හා නීතිමය සංවාදයේ මධ්‍යයට ගෙනැවිත් තිබේ. ආණ්ඩුවේ අදහස අනුව මෙය කිසිදු පුද්ගලයෙකුට හෝ දේශපාලන පක්ෂයකට වාසි සැලසීම සඳහා ගෙන එන වෙනසක් නොව, “පොදු යහපත” common good සඳහා අවශ්‍ය ප්‍රතිසංස්කරණයකි. මෙම තර්කය සරලව බැහැර කළ නොහැක. එහෙත් එය සරලව පිළිගත හැකිද යන්නද වෙනම ප්‍රශ්නයකි.

### පොදු යහපත යනු කුමක්ද?

ප්‍රජාතන්ත්‍රවාදී දේශපාලනයේ වඩාත්ම බලවත් වචනවලින් එකක් වන්නේ “පොදු යහපත” යන්නයි. ආණ්ඩුවක් යම් ප්‍රතිපත්තියක් හඳුන්වා දෙමින් එය පොදු යහපත සඳහා යැයි පැවසූ විට, එම අරමුණ ප්‍රතික්ෂේප කිරීම පහසු නැත. ජනතාවට කඩිනම් යුක්තිය අවශ්‍යය. නඩු වසර ගණනාවක් ඇදී යාම වැළැක්වීම පොදු යහපතකි. අධිකරණ පද්ධතිය කාර්යක්ෂම කිරීම පොදු යහපතකි. පළපුරුදු විනිසුරුවරුන්ගේ සේවය රඳවා ගැනීම ඇතැම් අවස්ථාවල පොදු යහපතකට හේතු විය හැකිය.

එහෙත් මෙහි වැදගත් ප්‍රශ්නය වන්නේ: පොදු යහපතක් ඇති බව පෙන්වීම පමණක් ප්‍රමාණවත්ද? නැත. ප්‍රජාතන්ත්‍රවාදයේදී පොදු යහපතක් සාධනය කිරීම සඳහා යොදා ගන්නා මාර්ගයද පරීක්ෂාවට ලක් විය යුතුය.

එබැවින් අද අප ඇසිය යුත්තේ “විනිසුරුවන්ගේ විශ්‍රාම වයස වැඩි කිරීම පොදු යහපතක්ද?” යන්න පමණක් නොවේ. “එය පොදු යහපත සාක්ෂාත් කර ගැනීමට අවශ්‍යම, සුදුසුම සහ ආයතනික වශයෙන් ආරක්ෂිතම ක්‍රමවේදයද?” යන්නයි.

### ආණ්ඩුවේ තර්කය

ආණ්ඩුව ඉදිරිපත් කරන මූලික තර්කය සරලය. ශ්‍රී ලංකාවේ අධිකරණවල නඩු විශාල ප්‍රමාණයක් ගොඩගැසී තිබේ. විනිසුරුවරුන්ගේ හිඟයක්ද පවතී. ඒ අතර පළපුරුදු විනිසුරුවරුන් නියමිත විශ්‍රාම වයසට පැමිණීමෙන් පද්ධතියට ඇති අත්දැකීම් සහ ධාරිතාව අහිමි වේ. එබැවින් වසර දෙකක සේවා දිගුවක් ලබාදීමෙන් පළපුරුදු විනිසුරුවරුන්ගේ සේවය තවදුරටත් ලබාගත හැකි අතර, නඩු කඩිනම් කිරීමට එය දායක විය හැකි බව ආණ්ඩුව පෙන්වා දෙයි.

මෙය සම්පූර්ණයෙන්ම අතාර්කික තර්කයක් නොවේ. යුක්තිය ප්‍රමාද වීමෙන් වින්දිතයාටත්, විත්තිකරුටත්, සමාජයටත් හානියක් සිදුවේ. අධිකරණ පද්ධතියේ අකාර්යක්ෂමතාවය ආර්ථික සංවර්ධනයටත්, ආයෝජනයටත්, නීතියේ ආධිපත්‍යයටත් බලපායි. එබැවින් “නඩු ඉක්මනින් අවසන් කිරීම” යනු නිසැකවම පොදු යහපතකි.

නමුත් මෙහිදී තවත් ප්‍රශ්නයක් පැන නගී. නඩු ප්‍රමාදයට මූලික හේතුව විනිසුරුවරුන්ගේ විශ්‍රාම වයසද? නඩු ගොඩගැසීමේ රෝගයට විශ්‍රාම වයස එකම ඖෂධයද? අධිකරණ පද්ධතියේ නඩු ප්‍රමාදය ඇති වන්නේ විනිසුරුවරුන්ගේ සංඛ්‍යාව අඩු වීමෙන් පමණක් නොවේ.පොලිස් විමර්ශනවල ප්‍රමාදය, රජයේ විශ්ලේෂණාගාර හා විශේෂඥ වාර්තා ප්‍රමාද වීම, නීතිඥයන් විසින් නඩු කල්දැමීමට කරන ඉල්ලීම්, නඩු කළමනාකරණයේ දුර්වලතා, අධිකරණ යටිතල පහසුකම්, තාක්ෂණික පහසුකම් හා නීතිමය ක්‍රියාපටිපාටි යන සියල්ල ඒ සඳහා බලපායි.

එසේ නම් විශ්‍රාම වයස වැඩි කිරීම විසඳුමේ එක් කොටසක් විය හැකි නමුත්, එය සමස්ත ගැටලුවේ විසඳුමක් නොවේ. ආණ්ඩුවේ “පොදු යහපත” තර්කය සැබවින්ම ශක්තිමත් වීමට නම්, එය දත්ත මගින් පෙන්විය යුතුය.

දැනට පවතින විනිසුරු පුරප්පාඩු කොපමණද එම පුරප්පාඩු පිරවිය නොහැක්කේ ඇයි? විශ්‍රාම වයස වසර දෙකකින් වැඩි කිරීමෙන් වසරකට නඩු කොපමණ ප්‍රමාණයක් අමතරව විසඳිය හැකිද?

නඩු ප්‍රමාදයට විනිසුරු හිඟය කොපමණ ප්‍රමාණයකින් දායක වේද? මෙම ප්‍රශ්නවලට පිළිතුරු නොමැතිව “පොදු යහපත” යන වචනය පමණක් ප්‍රමාණවත් සාධාරණීකරණයක් නොවේ.

### 22 වන සංශෝධනය සහ පොදු යහපත

ආණ්ඩුව මෙම වෙනස 22 වන ආණ්ඩුක්‍රම ව්‍යවස්ථා සංශෝධනයක් මගින් සිදු කිරීමට අදහස් කරන බව පවසයි. මෙහිදී තවත් මූලික ප්‍රශ්නයක් පැන නගී. ව්‍යවස්ථාව සංශෝධනය කිරීමට පාර්ලිමේන්තුවට බලය තිබීම සහ එම බලය යම් නිශ්චිත අවස්ථාවක භාවිත කිරීම සාධාරණ වීම එකම දෙයක් නොවේ.

ආණ්ඩුවට ජනවරමක් ඇත. පාර්ලිමේන්තුවේ බහුතර බලයක් ඇත. එබැවින් අවශ්‍ය ව්‍යවස්ථාමය ක්‍රියාමාර්ග ගෙන ප්‍රතිසංස්කරණ ඉදිරිපත් කිරීමට එයට නීත්‍යානුකූල බලය තිබිය හැකිය. එහෙත් ජනවරම යනු සීමා රහිත බලපත්‍රයක් නොවේ.

ප්‍රජාතන්ත්‍රවාදයේ වටිනාකම පවතින්නේ බහුතරයට අවශ්‍ය ඕනෑම දෙයක් කළ හැකි වීම තුළ නොව, බහුතරය පවා ව්‍යවස්ථාමය හා ආයතනික සීමාවන්ට යටත් වීම තුළය.එබැවින් 22 වන සංශෝධනය පිළිබඳ විවාදය “ආණ්ඩුවට මේක කරන්න පුළුවන්ද?” යන්නෙන් අවසන් නොවිය යුතුය. එහිදි ඇසිය යුතු වඩා වැදගත් ප්‍රශ්නය වන්නේ: “මෙය කිරීමට අවශ්‍ය තරම් ප්‍රජාතන්ත්‍රවාදී හා ආයතනික සාධාරණීකරණයක් ආණ්ඩුව විසින් ඉදිරිපත් කර තිබේද?” යන්නයි.

### “පොදු යහපත” සහ “දේශපාලන අභිලාෂය” අතර සීමාව

මෙහි ඇති ඉතා සංවේදී ප්‍රශ්නය වන්නේ ආණ්ඩුවේ අභිලාෂයයි. ආණ්ඩුව මෙම සංශෝධනය ගෙන එන්නේ යම් විනිසුරුවරයෙකුගේ සේවා කාලය දීර්ඝ කිරීමට හෝ අධිකරණයට දේශපාලන බලපෑමක් ඇති කිරීමට බව කියා නිශ්චිත සාක්ෂියක් නොමැති අවස්ථාවක, එවැනි චෝදනාවක් කිරීම සාධාරණ නොවේ. එහෙත් ප්‍රජාතන්ත්‍රවාදයේදී අභිලාෂය පමණක් නොව, අභිලාෂයක් ඇති බවට පෙනී යා හැකි අවකාශයද වැදගත්ය.

අධිකරණය සම්බන්ධයෙන් මහජන විශ්වාසය රඳා පවතින්නේ විනිසුරුවරුන් සැබවින්ම ස්වාධීන වීම මත පමණක් නොවේ. ඔවුන් ස්වාධීන බවට මහජනයාට ඇති විශ්වාසය මතද එය රඳා පවතී. එබැවින් ආණ්ඩුවේ අභිලාෂය සැකයට භාජනය නොවන ආකාරයට මෙම ප්‍රතිසංස්කරණය සැලසුම් කිරීම ආණ්ඩුවේම වගකීමකි.

### විපක්ෂයේ අභිලාෂය ගැනද ප්‍රශ්නයක් තිබේ

ඒ සමඟම විපක්ෂය සම්බන්ධයෙන්ද ඉහත මිනුමම යෙදිය යුතුය. අධිකරණයේ ස්වාධීනත්වය ආරක්ෂා කිරීම විපක්ෂයේ වැදගත් ප්‍රජාතන්ත්‍රවාදී වගකීමකි. නමුත් සෑම ආණ්ඩු ප්‍රතිසංස්කරණයක්ම ආණ්ඩුවේ බල අභිලාෂයක් ලෙස හඳුන්වා දීමෙන් පමණක් විපක්ෂයට තම වගකීම ඉටු කළ නොහැක.

නඩු ගොඩගැසීම සැබෑ ප්‍රශ්නයක් නම් එයට විසඳුමක් අවශ්‍යය. විනිසුරුවරුන්ගේ හිඟයක් තිබේ නම් එය පිරවිය යුතුය. පළපුරුදු විනිසුරුවරුන්ගේ සේවය තවදුරටත් ලබාගැනීම ප්‍රයෝජනවත් නම්, එයද සාකච්ඡා කළ හැකිය.එබැවින් විපක්ෂයේ වගකීම වන්නේ විරුද්ධයි යනුවෙන් කීම පමණක් නොව, පොදු යහපත ආරක්ෂා කරන විකල්ප අධිකරණ ප්‍රතිසංස්කරණයක් ඉදිරිපත් කිරීමය.

### 2024 ජනවරම මෙහිදී වැදගත්ය.

වත්මන් ආණ්ඩුව බලයට පැමිණියේ දේශපාලන පද්ධතියේ වෙනසක් පිළිබඳ දැවැන්ත මහජන අපේක්ෂාවක් සමඟය. එබැවින් ආණ්ඩුවට අද ඇති විශාලම දේශපාලන ප්‍රාග්ධනය වන්නේ එහි පාර්ලිමේන්තු ආසන සංඛ්‍යාව පමණක් නොවේ. “වෙනස් ආකාරයකට පාලනය කරන්නෙමු” යනුවෙන් එය ජනතාව තුල ඇතිකල විශ්වාසයයි.

එම නිසා විනිසුරුවන්ගේ විශ්‍රාම වයස වෙනස් කිරීමේදී ආණ්ඩුවෙන් ජනතාවට වඩාත් පැහැදිලි සාධාරණීකරණයක් අවශ්‍ය වීම ස්වාභාවිකය.ජනතාව අසන්නේ, “ආණ්ඩුවට මෙය කළ හැකිද?”යන්න පමණක් නොවේ. ඔවුන් අසන්නේ, “ආණ්ඩුව මෙය කරන්නේ ඇයි, මෙය කිරීමෙන් පොදු යහපතට ලැබෙන නිශ්චිත ප්‍රතිලාභය කුමක්ද, සහ අධිකරණ ස්වාධීනත්වය ආරක්ෂා කරන්නේ කෙසේද?” යන්නයි.

සැබෑ පොදු යහපත කුමක්ද? පොදු යහපත යනු ආණ්ඩුව විසින් අර්ථ දක්වන දෙයක් පමණක් නොවේ. එය මහජනයා, විපක්ෂය, වෘත්තීය සංවිධාන, නීති විශාරදයන් සහ ස්වාධීන ආයතන සමඟ සංවාදයෙන් පරීක්ෂා කළ යුතු සංකල්පයකි.

ආණ්ඩුව කියන “පොදු යහපත” විය හැක්කේ කාර්යක්ෂම අධිකරණයකි. නීතිඥ සංගමය කියන “පොදු යහපත” විය හැක්කේ ස්වාධීන අධිකරණයකි. විපක්ෂය කියන “පොදු යහපත” විය හැක්කේ බලය සීමා කිරීමයි. ජනතාවගේ “පොදු යහපත” විය හැක්කේ කඩිනම් හා සාධාරණ යුක්තියයි. ඇත්ත වශයෙන්ම ප්‍රජාතන්ත්‍රවාදී රාජ්‍යයක මේ සියල්ලම පොදු යහපතේ කොටස්ය.

එබැවින් එක් අංගයක් සාක්ෂාත් කර ගැනීමට තවත් අංගයක් විනාශ නොකළ යුතුය. අපට අවශ්‍ය වන්නේ කුමන ආකාරයේ අධිකරණයක්ද?ශ්‍රී ලංකාවට අවශ්‍ය වන්නේ ආණ්ඩුවට පහසු අධිකරණයක් නොවේ. විපක්ෂයට පහසු අධිකරණයක්ද නොවේ. අපට අවශ්‍ය වන්නේ නීතියට පක්ෂපාතී, ස්වාධීන, කාර්යක්ෂම හා මහජන විශ්වාසය දිනාගත් අධිකරණයකි.

ඒ සඳහා විශ්‍රාම වයස වෙනස් කිරීම අවශ්‍ය නම්, එය පුළුල් අධිකරණ ප්‍රතිසංස්කරණ පැකේජයක කොටසක් විය හැකිය. එහෙත් එය පමණක් ප්‍රතිසංස්කරණය ලෙස ඉදිරිපත් කිරීම ප්‍රමාණවත් නොවේ.

නඩු කළමනාකරණය, ඩිජිටල්කරණය, විනිසුරු පුරප්පාඩු පිරවීම, අධිකරණ යටිතල පහසුකම්, නීතිඥයන්ගේ කල්දැමීම්, පොලිස් විමර්ශන, රජයේ විශ්ලේෂණාගාර සේවා සහ විකල්ප ආරවුල් විසඳීම යන සියල්ල එකට සම්බන්ධ කළ යුතුය. එවිට 22 වන සංශෝධනය විනිසුරුවරුන්ගේ සේවා කාලය දිගු කිරීමේ පනතක් නොව, අධිකරණ පද්ධතිය ප්‍රතිසංස්කරණය කිරීමේ විශාල ව්‍යාපෘතියක එක් අංගයක් බව ජනතාවට පැහැදිලි කළ හැකිය.

### අවසාන පරීක්ෂණය

අවසානයේ මෙම විවාදයේදී වැදගත්ම ප්‍රශ්නය වන්නේ 65 ද 67 ද? යන්න නොවේ. වැදගත් ප්‍රශ්නය වන්නේ: පොදු යහපත නමින් රාජ්‍ය බලය භාවිත කරන විට, එම පොදු යහපත සැබවින්ම පොදුද, එය සාක්ෂාත් කර ගැනීමට යොදාගන්නා ක්‍රමය සාධාරණද, සහ එම ක්‍රියාවලිය අනාගතයේ බලය අයුතු ලෙස භාවිත කිරීමේ දොරටුවක් විවෘත නොකරන්නේද? යන්නයි. ආණ්ඩුවේ “පොදු යහපත” තර්කය සම්පූර්ණයෙන්ම ප්‍රතික්ෂේප කිරීමත් වැරදිය. එය කිසිදු ප්‍රශ්නයක් නොමැතිව පිළිගැනීමත් ඊට වඩා භයානකය.

![](https://www.citizen.lk/content/images/2026/05/athulasiri_samarakoon--1-.jpg)

ආචාර්ය අතුලසිරි සමරකෝන්

Digital creator Lecturer at Open University of Sri Lanka

Former Teaching Assistant at University of Colombo 

***මෙම ලිපිය නිදහස් ලේඛකයෙකු/ලේඛිකාවක විසින් සම්පාදනය කර ඇති අතර ලිපියේ අන්තර්ගත කරුණු, තොරතුරු, සංඛ්‍යාලේඛන සහ මූලාශ්‍ර වල නිරදව්‍යතාවය පිළිබඳව වගකීම එම ලේඛකයා/ලේඛිකාව විසින් දරනු ලබයි.***
### අධ්‍යාපනය ප්‍රතිසංස්කරණය කිරීමේ අභියෝගය: කන්නන්ගර සිට ජාතික ජන බලවේගය දක්වා
URL: https://www.citizen.lk/the-challenge-of-reforming-education-from-kannangara-to-the-national-peoples-power/
Last updated: 2026-08-18T05:44:59.000Z
August 18 (Citizen News) - ප්‍රතිසංස්කරණවලට විරුද්ධ වීම පහසුය. එහෙත් අධ්‍යාපනය වෙනස් නොකර රටක් වෙනස් කළ හැකිද? ශ්‍රී ලංකාවේ අධ්‍යාපනය යනු පාසල්, විභාග, ගුරුවරුන් සහ විශ්වවිද්‍යාල පිළිබඳ පමණක් වූ ප්‍රශ්නයක් නොවේ. එය ශ්‍රී ලංකාවේ සමාජ සාධාරණත්වය, පන්තිමය සංචලනය, රාජ්‍යයේ වගකීම, මධ්‍යම පන්තියේ බලාපොරොත්තු සහ රටේ අනාගතය පිළිබඳ ප්‍රශ්නයකි. එබැවින් අධ්‍යාපනය වෙනස් කිරීමට උත්සාහ කරන සෑම ආණ්ඩුවක්ම අවසානයේ දේශපාලන ප්‍රශ්නයකට මුහුණ දෙයි.

අධ්‍යාපනය ප්‍රතිසංස්කරණය කළ යුතු බව කවුරුත් කියති. එහෙත් කුමක් වෙනස් කළ යුතුද, කෙසේ වෙනස් කළ යුතුද, කවුරුන් සඳහා වෙනස් කළ යුතුද සහ ඒ සඳහා වියදම් කරන්නේ කෙසේද යන ප්‍රශ්න මතු වූ විට එකඟතාවය බිඳ වැටෙයි.

අද ජාතික ජන බලවේග ආණ්ඩුව මුහුණ දෙන්නේ ද එම පැරණි ප්‍රශ්නයටය. එහෙත් මෙවර තත්ත්වය මීට පෙරට වඩා වෙනස්ය. ලෝකය කෘත්‍රිම බුද්ධිය, ඩිජිටල් ආර්ථිකය, ස්වයංක්‍රීයකරණය සහ නව දැනුම් ආර්ථිකයක් දෙස වේගයෙන් ගමන් කරමින් සිටියදී, ශ්‍රී ලංකාව තවමත් විභාග කේන්ද්‍රගත, මතකය මත පදනම් වූ අධ්‍යාපන පද්ධතියක් තුළ සිරවී සිටී. (ඩිජිටල් පරිවර්තනය හරහා දරුවන්ගේ කායික මානසික තත්ත්වය ට සිදුවන දැඩි බලපෑම වෙනම සාකච්ඡා කරමු).

එබැවින් ප්‍රශ්නය දැන් "අධ්‍යාපන ප්‍රතිසංස්කරණ කළ යුතුද?" යන්න නොවේ. ප්‍රශ්නය වන්නේ අප ප්‍රතිසංස්කරණ නොකළහොත් කුමක් සිදුවේද යන්නයි.

### කන්නන්ගරගේ විප්ලවයෙන් පසු

ශ්‍රී ලංකාවේ නවීන අධ්‍යාපන ඉතිහාසය ගැන කතා කරන විට සී. ඩබ්ලිව්. ඩබ්ලිව්. කන්නන්ගර නාමය මඟහැරිය නොහැක. 1940 දශකයේ ඇති වූ නිදහස් අධ්‍යාපන ප්‍රතිසංස්කරණය ශ්‍රී ලංකාවේ සමාජ ව්‍යුහය වෙනස් කළ දැවැන්ත මැදිහත්වීමකි.

එය හුදෙක් "නොමිලේ අධ්‍යාපනය" ලබාදීමක් නොවීය. එය සමාජයේ පහළ ස්ථරවල දරුවන්ට ඉහළට නැගීමට දොරටුවක් විවෘත කළ සමාජ ප්‍රතිසංස්කරණයකි. ගමේ දරුවාට වෛද්‍යවරයෙකු වීමටත්, ගොවියාගේ දරුවාට විශ්වවිද්‍යාලයට යාමටත්, දුප්පත් පවුලක දරුවෙකුට රාජ්‍ය සේවයට ඇතුළුවීමටත් හැකි වූයේ මේ අධ්‍යාපන පද්ධතිය හරහාය.

එබැවින් ශ්‍රී ලංකාවේ නිදහස් අධ්‍යාපනය ආර්ථික ප්‍රතිපත්තියකට වඩා වැඩි දෙයකි. එය සමාජ ගිවිසුමකි. එය තේරුම් නොගෙන ශ්‍රී ලංකාවේ අධ්‍යාපන ප්‍රතිසංස්කරණ පිළිබඳ සංවාදය කළ නොහැක.

### ප්‍රතිසංස්කරණවලට එරෙහි ප්‍රතිරෝධය ඇතිවන්නේ ඇයි?

නිදහස් අධ්‍යාපනයේ ජයග්‍රහණය සමඟම එහි සීමාවන්ද වර්ධනය විය. ජනගහනය වැඩි විය. විශ්වවිද්‍යාල ප්‍රවේශය පුළුල් විය. රැකියා වෙළෙඳපොළ වෙනස් විය. තාක්ෂණය වේගයෙන් ඉදිරියට ගියේය. නමුත් අධ්‍යාපන පද්ධතිය ඒ වේගයෙන් වෙනස් වූයේ නැත.

ඒ නිසා විවිධ ආණ්ඩු විවිධ අවස්ථාවල ප්‍රතිසංස්කරණ ගෙන ආවේය. නමුත් සෑම අවස්ථාවකම එකම දේශපාලන රටාවක් දක්නට ලැබුණි. ප්‍රතිසංස්කරණ යෝජනා වේ. විරෝධය ඇතිවේ. දේශපාලන විවාදය උණුසුම් වේ.  
ප්‍රතිසංස්කරණ දුර්වල වේ. අවසානයේ පද්ධතිය බොහෝ දුරට පෙර තිබූ ආකාරයටම පවතී. මෙය ගුරුවරුන්ගේ හෝ ශිෂ්‍යයන්ගේ වරදක් පමණක් නොවේ.

අධ්‍යාපන ප්‍රතිසංස්කරණවලට විරෝධය දැක්වීමට සැබෑ හේතු තිබේ. ප්‍රතිසංස්කරණයක් මඟින් ගුරුවරයාගේ සේවා කොන්දේසි වෙනස් විය හැකිය. විෂය නිර්දේශ වෙනස් වීමෙන් ගුරුවරුන්ට නව පුහුණුවක් අවශ්‍ය විය හැකිය. විභාග ක්‍රමය වෙනස් කිරීමෙන් සිසුන්ගේ අනාගතය පිළිබඳ දෙමාපියන්ට අවිනිශ්චිතතාවයක් ඇති විය හැකිය. එබැවින් ප්‍රතිරෝධය සම්පූර්ණයෙන්ම ප්‍රතිගාමී දෙයක් ලෙස බැහැර කිරීමද වැරදිය. එහෙත් අනෙක් අන්තයට යාමද එතරම්ම භයානකය. වෙනස්කමක් ඇති වූ සෑම අවස්ථාවකම එය "නිදහස් අධ්‍යාපනය විනාශ කිරීමක්" ලෙස හැඳින්වීමෙන් රටකට අනාගතයක් ගොඩනැගිය නොහැක.

### NPP පැමිණෙන්නේ වෙනස් පොරොන්දුවක් සමඟය

ජාතික ජන බලවේගය බලයට පැමිණීමට පෙර ඉදිරිපත් කළ අධ්‍යාපන දැක්ම තුළ වැදගත් කරුණු කිහිපයක් තිබුණි. රාජ්‍ය අධ්‍යාපනය ශක්තිමත් කිරීම, අධ්‍යාපනය සඳහා රාජ්‍ය ආයෝජනය වැඩි කිරීම, පාසල් අතර ඇති විෂමතාව අඩු කිරීම, ගුරු වෘත්තිය ශක්තිමත් කිරීම, පර්යේෂණ හා නවෝත්පාදනය ප්‍රවර්ධනය කිරීම, වෘත්තීය අධ්‍යාපනය පුළුල් කිරීම සහ තාක්ෂණික දැනුම වැඩි කිරීම එහි ප්‍රධාන අදහස් අතර විය.

එය වැදගත් දේශපාලන වෙනසකි. මන්ද NPP දේශපාලනයේ මූලික අදහසක් වන්නේ රාජ්‍යය විසින් අධ්‍යාපනයේ ප්‍රධාන වගකීම භාරගත යුතු බවයි. එහෙත් බලයට පැමිණි පසු ආණ්ඩුවට හමුවූයේ ප්‍රතිපත්ති ලේඛනයකින් විසඳිය නොහැකි යථාර්ථයකි.

රට ආර්ථික අර්බුදයකින් ගොඩ එමින් සිටී. රාජ්‍ය ආදායම සීමිතය. රාජ්‍ය වියදම් පාලනය කළ යුතුය. ජාත්‍යන්තර මූල්‍ය අරමුදල සමඟ ඇති ගිවිසුම් සහ ණය ප්‍රතිව්‍යුහගත කිරීමේ ක්‍රියාවලිය රජයේ මූල්‍ය අවකාශය සීමා කරයි. එබැවින් මෙහි මූලික ප්‍රශ්නය වන්නේ: NPP තමන්ගේ ප්‍රතිපත්තිය අත්හැර තිබේද? නැත.  
එහෙත් එය තම මුල් ප්‍රතිපත්තිය යථාර්ථයේ සීමාවන් තුළ නැවත හැඩගැසෙමින් සිටින බවක් පෙනේ.

### පෙර ආණ්ඩුවේ ප්‍රතිපත්තිය NPP විසින් අත්හැර තිබේද?

මෙහි තවත් වැදගත් කරුණක් ඇත. වර්තමාන අධ්‍යාපන ප්‍රතිසංස්කරණ සියල්ල NPP විසින් 2024 දී ආරම්භ කළ ඒවා නොවේ. ජාතික අධ්‍යාපන කොමිෂන් සභාව හරහාත්, පසුගිය ආණ්ඩු හරහාත්, 2019 පමණ සිටම විෂයමාලා, නිපුණතා, තාක්ෂණය සහ අධ්‍යාපන ප්‍රතිසංස්කරණ පිළිබඳ විවිධ වැඩසටහන් සකස් වෙමින් තිබුණි.

මෙය දේශපාලන වශයෙන් වැදගත් කරුණකි.  
NPP ආණ්ඩුව බලයට පැමිණි පසු එම සියලු වැඩසටහන් ඉවත දමා "අපේ අධ්‍යාපන ප්‍රතිපත්තිය පමණක්" ක්‍රියාත්මක කළේ නැත.  
ඒ වෙනුවට පෙර පැවති ප්‍රතිසංස්කරණ රාමුවේ කොටස්ද තම දේශපාලන දැක්ම සමඟ සම්බන්ධ කරගෙන ඉදිරියට ගෙන යන බවක් පෙනේ.  
මෙය එක් අතකින් ප්‍රතිපත්ති අඛණ්ඩතාවකි.  
අධ්‍යාපනය වැනි ක්ෂේත්‍රයක එය අත්‍යවශ්‍යය.

ආණ්ඩුවක් මාරු වන සෑම අවස්ථාවකම අධ්‍යාපන ප්‍රතිපත්තිය අලුතින් ලියන්නේ නම්, දරුවෙකුට වසර 13ක අධ්‍යාපනයක් ලැබෙන අතර ඔහුට ආණ්ඩු පහක අධ්‍යාපන ප්‍රතිපත්ති අත්විඳීමට සිදුවනු ඇත.

නමුත් NPP ආණ්ඩුවේ අධ්‍යාපන ප්‍රත්පත්තියට විරෝධතාව එල්ලවුනේ ඇයි? අද NPP ආණ්ඩුවට එරෙහි අධ්‍යාපන ප්‍රතිරෝධය තේරුම් ගැනීමට නම් එය දේශපාලනිකව පමණක් නොව සමාජීය වශයෙන්ද කියවිය යුතුය. ගුරුවරුන්ට ප්‍රශ්න තිබේ. දෙමාපියන්ට ප්‍රශ්න තිබේ. විශ්වවිද්‍යාල ආචාර්යවරුන්ට ප්‍රශ්න තිබේ. ශිෂ්‍යයන්ට ප්‍රශ්න තිබේ.

විෂයමාලා වෙනස්කම්, නව ඇගයීම් ක්‍රම, තාක්ෂණික අධ්‍යාපනය, වෘත්තීය මාර්ග සහ ඩිජිටල් පරිවර්තනය පිළිබඳ සාධාරණ ප්‍රශ්න ඉදිරිපත් වෙමින් තිබේ. ආණ්ඩුවේ අභියෝගය වන්නේ මේ විරෝධතා සියල්ල "පරණ ක්‍රමයට ඇලී සිටින පිරිස්වල විරෝධයක්" ලෙස හෝ දේශපාලන විපක්ෂයේ විරෝධතාවක් ලෙස සරලව ගැනීම නොවේ. ඒ වෙනුවට ප්‍රතිසංස්කරණවල සමාජ හිමිකාරීත්වය ගොඩනැගීමයි. ප්‍රතිසංස්කරණය ආණ්ඩුවේ ව්‍යාපෘතියක් නොව, රටේ ව්‍යාපෘතියක් බවට පත් කළ යුතුය.

### අධ්‍යාපනයට 6%ක් – පොරොන්දුව සහ යථාර්ථය

NPP අධ්‍යාපන දැක්මේ වැදගත්ම දේශපාලන පොරොන්දුවක් වූයේ අධ්‍යාපනය සඳහා රාජ්‍ය ආයෝජනය සැලකිය යුතු ලෙස වැඩි කිරීමයි.  
මෙය අත්‍යවශ්‍ය ඉල්ලීමකි. එහෙත් "GDPයෙන් 6%" යන ඉලක්කය දේශපාලන සටන් පාඨයක් බවට පත් කර ගැනීමෙන් පමණක් ගැටලුව විසඳෙන්නේ නැත.

අප ඇසිය යුතු ප්‍රශ්නය වන්නේ: එම මුදල වියදම් කරන්නේ කෙසේද? ගුරුවරුන්ගේ වැටුප් සඳහාද?  
පාසල් ගොඩනැගිලි සඳහාද? ඩිජිටල් උපකරණ සඳහාද? විශ්වවිද්‍යාල පර්යේෂණ සඳහාද? ශිෂ්‍ය ආධාර සඳහාද? නැතහොත් පරිපාලන වියදම් සඳහාද? අධ්‍යාපනයේ මුදල් වැඩි කිරීම පමණක් නොව එම මුදල් දැනුම නිෂ්පාදනය කරන ආකාරයට භාවිත කිරීම වඩාත් වැදගත්ය.

### අපේ සැබෑ අර්බුදය: පාසලෙන් පසු සිදුවන්නේ කුමක්ද?

ශ්‍රී ලංකාවේ අධ්‍යාපන සංවාදය බොහෝ විට පාසල වටා ගොඩනැගී ඇත. නමුත් අධ්‍යාපන පද්ධතියේ ඊළඟ විශාල අර්බුදය ඇත්තේ විශ්වවිද්‍යාලයේය. විශ්වවිද්‍යාල ප්‍රවේශය සීමිතය. පර්යේෂණ සඳහා සම්පත් සීමිතය. විශ්වවිද්‍යාල පද්ධතිය තුළ නවෝත්පාදන සංස්කෘතිය ප්‍රමාණවත් තරම් ශක්තිමත් නැත. ඉහළම දක්ෂතා ඇති තරුණයන් විශාල සංඛ්‍යාවක් රට හැර යති. මේ තත්ත්වය "brain drain" ලෙස හඳුන්වා අවසන් කළ නොහැක. එය රටේ දැනුම් ප්‍රාග්ධනය අහිමි වීමකි.

රජයක් වසර ගණනාවක් මුදල් වැය කර වෛද්‍යවරයෙකු, ඉංජිනේරුවෙකු, විද්‍යාඥයෙකු, විශ්වවිද්‍යාල ආචාර්යවරයෙකු හෝ තාක්ෂණික විශේෂඥයෙකු බිහිකරයි. ඔහු හෝ ඇය අවසානයේ වෙනත් රටකට ගියහොත් ශ්‍රී ලංකාවට අහිමි වන්නේ පුද්ගලයෙකු පමණක් නොවේ. අහිමි වන්නේ දැනුමයි.

### 21 වැනි සියවසේ විශ්වවිද්‍යාලය කුමක් විය යුතුද?

අපේ විශ්වවිද්‍යාලය තවමත් 20 වැනි සියවසේ ආකෘතියකින් ක්‍රියාත්මක වන්නේ නම් 21 වැනි සියවසේ ආර්ථිකයකට අවශ්‍ය මානව සම්පත නිර්මාණය කළ නොහැක. අද විශ්වවිද්‍යාලය විය යුත්තේ දැනුම බෙදා දෙන ස්ථානයක් පමණක් නොවේ.

එය, දැනුම නිෂ්පාදනය කරන ස්ථානයකි. නවෝත්පාදනය කරන ස්ථානයකි. ප්‍රශ්න විසඳන ස්ථානයකි. ප්‍රතිපත්ති සකස් කිරීමට දැනුම සපයන ස්ථානයකි. කර්මාන්ත සමඟ සම්බන්ධ වන ස්ථානයකි.

මෙහිදී Open and Distance Learning වැනි ආකෘතිවලටද විශාල අවකාශයක් තිබේ. ශ්‍රී ලංකාව වැනි රටකට සෑම දරුවෙකුම සාම්ප්‍රදායික විශ්වවිද්‍යාලයකට රැගෙන යාම ප්‍රායෝගික නොවේ. තාක්ෂණය භාවිත කරමින් ජීවිත කාලය පුරා ඉගෙනීමට අවස්ථාව ලබාදීම අනාගතයේ අධ්‍යාපනයේ මූලික ලක්ෂණයක් විය යුතුය.

### AI පැමිණ ඇති විට අපි තවමත් මතකය පරීක්ෂා කරන්නේ ඇයි?

21 වැනි සියවසේ අධ්‍යාපන ප්‍රතිසංස්කරණයේ මූලික ප්‍රශ්නය මෙයයි. කෘත්‍රිම බුද්ධිය තත්පර කිහිපයකින් තොරතුරු සොයාගත හැකි ලෝකයක, ශිෂ්‍යයාගේ මතක ශක්තිය පමණක් පරීක්ෂා කිරීමේ අර්ථය කුමක්ද? AI මගින් රචනා ලිවිය හැකි ලෝකයක, රචනා මත පදනම් වූ ඇගයීම් පද්ධතිය කෙසේ වෙනස් කළ යුතුද? AI විසින් භාෂා පරිවර්තනය කළ හැකි ලෝකයක, භාෂා අධ්‍යාපනයේ අරමුණ කුමක් විය යුතුද?

  
AI විසින් දත්ත විශ්ලේෂණය කළ හැකි ලෝකයක, අපේ සිසුන්ට දත්ත කියවීම, ප්‍රශ්න කිරීම සහ තීරණ ගැනීම ඉගැන්විය යුතු නොවේද?  
එබැවින් 21 වැනි සියවසේ අධ්‍යාපනයේ අවධානය "දැනුම මතක තබා ගැනීමෙන්" "දැනුම භාවිත කිරීම" වෙත මාරු විය යුතුය. AI මිනිසා වෙනුවට පත් කිරීමට නොව, මිනිසාගේ හැකියාව වැඩි කිරීමට භාවිත කළ යුතුය.

### විභාග යනු අධ්‍යාපනය නොවේ

ශ්‍රී ලංකාවේ අධ්‍යාපන පද්ධතියේ තවත් ගැඹුරු ගැටලුවක් වන්නේ විභාගය සාර්ථකත්වයේ ප්‍රධාන මිනුම බවට පත්වීමයි. දරුවාට "දරැවන්ට කොච්චර ලකුණු ලැබුණාද?" යන්න අසනවා මිස,  
"දරුවා මොනවාද නිර්මාණය කළේ?" "ඇයට ප්‍රශ්නයක් විසඳන්න පුළුවන්ද?" "ඔහුට කණ්ඩායමක් සමඟ වැඩ කරන්න පුළුවන්ද?"  
"දරුවාට වෙනත් කෙනෙකුගේ අදහසකට ගරු කරමින් තර්ක කරන්න පුළුවන්ද?" යන ප්‍රශ්න අසන්නේ කලාතුරකිනි. ඒ නිසා අනාගත අධ්‍යාපනයේදී විභාගය තිබිය යුතු නමුත් විභාගය අධ්‍යාපනය නොවිය යුතුය.

### වෘත්තීය අධ්‍යාපනයට අලුත් ගෞරවයක්

ශ්‍රී ලංකාවේ සමාජයේ තවත් ගැඹුරු ගැටලුවක් වන්නේ විශ්වවිද්‍යාල උපාධියට අධික සමාජ ගෞරවයක් ලබාදීම සහ වෘත්තීය හා තාක්ෂණික අධ්‍යාපනය පහළ මට්ටමකට තැබීමයි. මෙය වෙනස් කළ යුතුය.

21 වැනි සියවසේ රටකට අවශ්‍ය වන්නේ උපාධිධාරීන් පමණක් නොවේ. හොඳ තාක්ෂණික ශිල්පීන් අවශ්‍යය. විදුලි ඉංජිනේරු තාක්ෂණිකයන් අවශ්‍යය. සෞඛ්‍ය තාක්ෂණිකයන් අවශ්‍යය. AI සහ data technicians අවශ්‍යය. නවීන කෘෂිකර්මාන්තය දන්නා වෘත්තීයවේදීන් අවශ්‍යය.  
එබැවින් වෘත්තීය අධ්‍යාපනය "විශ්වවිද්‍යාලයට යාමට නොහැකි අය සඳහා" වූ මාර්ගයක් ලෙස නොව, ආර්ථිකයට අවශ්‍ය ඉහළ නිපුණතා ඇති වෘත්තීය මාර්ගයක් ලෙස සැලකිය යුතුය.

නිදහස් අධ්‍යාපනය රැකීම යනු වෙනස්කමට විරුද්ධ වීම නොවේ මෙය ශ්‍රී ලංකාවේ අධ්‍යාපන සංවාදයේ වඩාත් වැදගත් වෙනසක් විය යුතුය.  
නිදහස් අධ්‍යාපනය රැකීම යනු අධ්‍යාපන පද්ධතියේ කිසිදු වෙනසකට විරුද්ධ වීම නොවේ. ඒ වෙනුවට එහි සැබෑ අර්ථය වන්නේ සෑම දරුවෙකුටම ගුණාත්මක අධ්‍යාපනයක් ලැබීමට සමාන අවස්ථාවක් තහවුරු කිරීමයි.

ගමේ දරුවාට ලැබෙන්නේ නගරයේ දරුවාට ලැබෙන තාක්ෂණික අවස්ථාවට සමාන අවස්ථාවක් නොවේ නම්, නිදහස් අධ්‍යාපනයේ නීතිමය සමානතාවක් තිබුණත් ප්‍රායෝගික සමානතාවක් නැත.

ඒ නිසා අද අධ්‍යාපනයේ ප්‍රශ්නය "නිදහස්" ද "නැද්ද" යන්න පමණක් නොවේ. එය "සමානාත්මතාව සිතද" "එසේ නොමැතිද" යන්නයි.

### ඉදිරි ජාතික අධ්‍යාපන සම්මුතිය

ශ්‍රී ලංකාවට අවශ්‍ය වන්නේ තවත් එක් අධ්‍යාපන ප්‍රතිසංස්කරණ පැකේජයක් නොවේ. අවශ්‍ය වන්නේ අවුරුදු 20–25ක ජාතික අධ්‍යාපන සම්මුතියකි. ආණ්ඩු මාරු වුවත් මූලික ප්‍රතිපත්ති නොවෙනස් වන සම්මුතියකි.

එහි මූලික කරුණු විය හැක්කේ:

- ගුණාත්මක නිදහස් පාසල් අධ්‍යාපනය;
- පාසල් අතර ඇති සමාජ හා භූගෝලීය විෂමතා අවම කිරීම;
- ගුරු වෘත්තිය ඉහළම වෘත්තීය මට්ටමකට ගෙන ඒම;
- පර්යේෂණ සඳහා විශාල ජාතික ආයෝජනයක්;
- AI සහ ඩිජිටල් සාක්ෂරතාව;
- වෘත්තීය අධ්‍යාපනයේ සමාජ ගෞරවය ඉහළ නැංවීම;
- විශ්වවිද්‍යාලවල පර්යේෂණ හා නවෝත්පාදනය ශක්තිමත් කිරීම;
- ODL සහ ජීවිත කාලීන lifelong අධ්‍යාපනය පුළුල් කිරීම;
- පෞද්ගලික හා රාජ්‍ය අංශ අතර දැනුම් හවුල්කාරිත්වය;
- ජාත්‍යන්තර විශ්වවිද්‍යාල සහ පර්යේෂණ ජාල සමඟ සම්බන්ධ වීම;
- අධ්‍යාපනයට කරන ආයෝජනයට පැහැදිලි ප්‍රතිඵල මැනීම.

මේවා කිසිදු තනි පක්ෂයක ප්‍රතිපත්ති විය යුතු නැත. ඒවා ශ්‍රී ලංකාවේ ජාතික ප්‍රතිපත්ති විය යුතුය.

### NPP ආණ්ඩුවට ඇති ඓතිහාසික අවස්ථාව

ජාතික ජන බලවේග ආණ්ඩුවට මෙහිදී සුවිශේෂී අවස්ථාවක් තිබේ. එය තමන්ට පෙර ආණ්ඩු කළ දේවල් සියල්ල ප්‍රතික්ෂේප කිරීමේ දේශපාලනයකට නොයා, හොඳ ප්‍රතිපත්ති අඛණ්ඩව පවත්වාගෙන යාමට හැකියාව පෙන්විය යුතුය. ඒ සමඟම තමන් පොරොන්දු වූ රාජ්‍ය ආයෝජනය, සමානාත්මතාව, ගුරු වෘත්තීය සංවර්ධනය, පර්යේෂණ සහ තාක්ෂණය සම්බන්ධයෙන් ප්‍රායෝගික ප්‍රගතියක් පෙන්විය යුතුය.

වඩාත් වැදගත් වන්නේ ප්‍රතිසංස්කරණ ජනතාවට පැහැදිලි කිරීමයි. ප්‍රතිසංස්කරණයක් කරන්නේ ඇයි? එයින් දරුවාට ලැබෙන ප්‍රයෝජනය කුමක්ද?  
ගුරුවරයාට සිදුවන වෙනස කුමක්ද? විශ්වවිද්‍යාලයට ලැබෙන වෙනස කුමක්ද?  
රටේ ආර්ථිකයට එයින් ලැබෙන ප්‍රතිලාභය කුමක්ද? මෙවැනි ප්‍රශ්නවලට පැහැදිලි පිළිතුරු නොමැති නම්, හොඳම ප්‍රතිසංස්කරණයකට වුවද ජනතා විශ්වාසය ලබා ගැනීම අපහසුය.

අවසානයේ ප්‍රශ්නය වන්නේ අධ්‍යාපනය නොවේ.  
අපි අධ්‍යාපන ප්‍රතිසංස්කරණ ගැන කතා කරන විට අවසානයේ කතා කරන්නේ රටේ අනාගතය ගැනයි. අද පළමු ශ්‍රේණියට ඇතුළත් වන දරුවා 2040 දශකයේ රැකියා වෙළෙඳපොළට පිවිසෙනු ඇත. එදා ඔහු හෝ ඇය කරන රැකියාව අද අප දන්නා රැකියාවක් නොවිය හැකිය. එබැවින් 2026 දී අපේ දරුවන්ට 1990 දශකයේ ලෝකය සඳහා නිර්මාණය කළ අධ්‍යාපනය ලබා දිය නොහැක.

කන්නන්ගර අපට ලබා දුන්නේ සමාජ සාධාරණත්වය මත පදනම් වූ අධ්‍යාපනයකි.

21 වැනි සියවස අපෙන් ඉල්ලා සිටින්නේ එම සාධාරණත්වය නව දැනුම, තාක්ෂණය, නිර්මාණශීලීත්වය සහ ගෝලීය තරඟකාරීත්වය සමඟ සම්බන්ධ කරන නව අධ්‍යාපන ගිවිසුමකි.

  
එබැවින් අධ්‍යාපන ප්‍රතිසංස්කරණවලට එරෙහි වීමෙන් පමණක් නිදහස් අධ්‍යාපනය රැකෙන්නේ නැත. ප්‍රතිසංස්කරණය නොකිරීමෙන් අවසානයේ සිදුවන්නේ නිදහස් අධ්‍යාපනයේ අර්ථයම දුර්වල වීමයි. අපට අවශ්‍ය වන්නේ පැරණි අධ්‍යාපන පද්ධතිය ආරක්ෂා කිරීම නොවේ. කන්නන්ගරගේ සමාජ සාධාරණත්වයේ ආත්මය රැකගෙන, 21 වැනි සියවසට ගැළපෙන අලුත් අධ්‍යාපන පද්ධතියක් නිර්මාණය කිරීමයි.

එය කළ හැකි නම්, NPP ආණ්ඩුවේ අධ්‍යාපන ප්‍රතිසංස්කරණය තවත් එක් ආණ්ඩුවක ප්‍රතිපත්ති මාලාවක් නොවනු ඇත.  
එය ශ්‍රී ලංකාවේ නිදහස් අධ්‍යාපනයේ දෙවන විප්ලවය විය හැකිය. එය අසාර්ථක වුවහොත්, අපට තවත් වසර ගණනාවක් "අධ්‍යාපනය වෙනස් කළ යුතුය" යන එකම වාක්‍යය නැවත නැවතත් කියමින් සිටීමට සිදුවනු ඇත.

![](https://www.citizen.lk/content/images/2026/05/athulasiri_samarakoon--1-.jpg)

ආචාර්ය අතුලසිරි සමරකෝන් 

Digital creator Lecturer at Open University of Sri Lanka

 Former Teaching Assistant at University of Colombo 

***මෙම ලිපිය නිදහස් ලේඛකයෙකු/ලේඛිකාවක විසින් සම්පාදනය කර ඇති අතර ලිපියේ අන්තර්ගත කරුණු, තොරතුරු, සංඛ්‍යාලේඛන සහ මූලාශ්‍ර වල නිරදව්‍යතාවය පිළිබඳව වගකීම එම ලේඛකයා/ලේඛිකාව විසින් දරනු ලබයි.***
### දකුණු ආසියාවේ විශාලම වැඩිහිටි සත්කාර සේවා ආයතනය වන රෝයල් නර්සින් හෝම්හි ප්‍රධාන කාර්යාලය බාන්ස් පෙදෙසේ විවෘත වේ
URL: https://www.citizen.lk/royal-nursing-home-opens-new-corporate-head-office-in-colombo-07-marking-new-chapter-in-regional-growth/
Last updated: 2026-08-17T09:36:34.000Z
August 17 (Citizen News) - දකුණු ආසියාවේ වැඩිහිටි සත්කාර සේවා ක්ෂේත්‍රයේ ප්‍රමුඛ ආයතනයක් වන රෝයල් නර්සින් හෝම් (පෞද්ගලික) සමාගමේ නව ප්‍රධාන කාර්යාලය අංක 82, බාන්ස් පෙදෙස, කොළඹ 07 යන ස්ථානයේදී විවෘත කෙරිණි. ඉන්දියාවේ පෝර්ටියා වෛද්‍ය ආයතනය අභිබවා යමින් ස්ථිර සෞඛ්‍ය සේවකයන් 1,600කට අධික සංඛ්‍යාවක් සේවයේ නිරත රෝයල් නර්සින් හෝම් සමාගම ගල්කිස්ස, මහරගම, පන්නිපිටිය, කඩුවෙල, මාලඹේ, හංවැල්ල, අතුරුගිරිය සහ එක්සත් රාජධානියේ ලන්ඩන් නගරය ආශ්‍රිතව හෙද නිවාස අටකින් සමන්විත පුළුල් සේවා ජාලයක් පවත්වා ගෙන යයි. ශ්‍රී ලංකාවේ පෞද්ගලික අංශයට අයත් විශාලම ගිලන් රථ සේවා ජාලයටද හිමිකම් කියන රෝයල් නර්සින් හෝම් සමාගම මෙම සුවිශේෂ වර්ධනයත් සමඟ දකුණු ආසියාවේ විශාලම වැඩිහිටි සත්කාර සේවා ආයතනය බවට පත් වී ඇත.

හෙද සේවකයන් 25 දෙනෙකුගෙන් සමන්විත කණ්ඩායමක් සමඟ 2007දී සභාපති මනුජ හේවාවසම් මහතාගේ නායකත්වයෙන් ආරම්භ කරන ලද රෝයල් නර්සින් හෝම් (පෞද්ගලික) සමාගම දශක දෙකකට ආසන්න කාලයක් පුරා ශ්‍රී ලංකාවේ වැඩිහිටි හා රෝගී සත්කාර සේවා ක්ෂේත්‍රයට සුවිශේෂ දායකත්වයක් සපයා තිබේ. ISO 9001:2015 ජාත්‍යන්තර තත්ත්ව කළමනාකරණ සහතිකයෙන් පිදුම් ලැබූ ශ්‍රී ලංකාවේ ප්‍රථම සහ එකම වැඩිහිටි සත්කාර සේවා ආයතනය වන එය සෞඛ්‍ය අමාත්‍යාංශය යටතේ ක්‍රියාත්මක පෞද්ගලික සෞඛ්‍ය සේවා නියාමන සභාවේ අනුමැතිය ලත් ආයතනයක්ද වේ. කොළඹ 07 ස්ථාපිත නව ප්‍රධාන කාර්යාලය විවෘත කිරීම ආයතනයේ වසර 19ක අඛණ්ඩ සේවා ගමන් මඟේ සුවිශේෂ සන්ධිස්ථානයක් මෙන්ම ජාතික හා ජාත්‍යන්තර මට්ටමින් වැඩිහිටි සත්කාර සේවා තව දුරටත් පුළුල් කිරීමේ නව පරිච්ඡේදයක ආරම්භයක් සනිටුහන් කරයි.

![](https://www.citizen.lk/content/images/2026/08/B--1-.JPG)

***(දකුණු ආසියාවේ විශාලම වැඩිහිටි සත්කාර සේවා ආයතනය: රෝයල් නර්සින් හෝම්හි ප්‍රධාන කාර්යාලය)**
### ශ්‍රී ලංකාවේ සත්කාරක උරුමයට නව ආයෝජන සමඟ Ceylon Hotels Corporation 60 වසර සමරයි
URL: https://www.citizen.lk/ceylon-hotels-corporation-marks-60-years-with-renewed-focus-on-sri-lankas-hospitality-heritage/
Last updated: 2026-08-17T03:22:15.000Z
August 17 (Citizen News) - ශ්‍රී ලංකාවේ සත්කාරක ක්ෂේත්‍රයේ දිගු කාලීන හා සුවිශේෂ නාමයක් වන Ceylon Hotels Corporation PLC (CHC) සිය 60 වැනි සංවත්සරය 2026දී සමරමින් මෙරට සත්කාරක උරුමය සුරැකීම සහ නව පරපුරේ සංචාරකයන්ගේ අපේක්ෂාවලට ගැළැපෙන අත්දැකීම් නිර්මාණය කිරීම අරමුණු කර ගත් නව ආයෝජන හා සංවර්ධන වැඩපිළිවෙලක් සමඟ සිය ඉදිරි ගමන ශක්තිමත් කරයි. 1966 අංක 14 දරන Ceylon Hotels Corporation පනත යටතේ 1966දී ස්ථාපිත වූ CHC ශ්‍රී ලංකාව ජාත්‍යන්තර සංචාරක ගමනාන්තයක් ලෙස ගොඩ නැගෙමින් පැවැති තීරණාත්මක අවධියක සිය මෙහෙයුම් ආරම්භ කළේය. එතැන් සිට දශක හයක් පුරා මෙරට සංචාරක කර්මාන්තයේ වර්ධනය හා පරිණාමය සමග සමීප වී සිටි CHC ශ්‍රී ලංකාවේ සත්කාරක ක්ෂේත්‍රයේ වැදගත් පරිච්ඡේද රැසකට දායක වී ඇත. ආරම්භයේ සිටම ප්‍රධාන නගරවලින් ඔබ්බට කඳුකරය, පුරාණ රාජධානි, වන ජීවී කළාප සහ වෙරළබඩ ප්‍රදේශ දක්වා සත්කාරක සේවා ව්‍යාප්ත කිරීමට CHC වැදගත් කාර්යභාරයක් ඉටු කළේය. එහි ඓතිහාසික තානායම් දේශීය හා විදේශීය සංචාරක පරම්පරා රැසක මතක හා බැඳුණු සුවිශේෂ ස්ථාන බවට පත් වූ අතර නවාතැන් පහසුකම්වලින් ඔබ්බට ශ්‍රී ලාංකේය ආහාර, සංස්කෘතිය සහ සත්කාරකත්වය අත්විඳීමටද සංචාරකයන්ට අවස්ථාව සැළැසීය.

අද වන විට CHCහි හෝටල් එකතුවට EKHO Hotels & Resorts, මහනුවර Queen’s Hotel සහ Hotel Suisse මෙන්ම Heritage Collection යටතේ ක්‍රියාත්මක ඓතිහාසික තානායම්ද ඇතුළත් වේ. මෙම හෝටල් හා තානායම් ශ්‍රී ලංකාවේ සංස්කෘතික, ඓතිහාසික හා ස්වභාවික වශයෙන් වැදගත් ගමනාන්ත රැසක පිහිටා තිබීම CHC සතු සුවිශේෂ ශක්තියකි. සිය 60 වැනි සංවත්සරයට සමගාමීව CHC නව ආයෝජන සහ සංවර්ධන අදියරකට පිවිස ඇති අතර සිය ඓතිහාසික හෝටල්වල හා තානායම්වල අනන්‍යතාව සුරකිමින් ඒවා වර්තමාන සංචාරකයන්ගේ අවශ්‍යතාවලට ගැළැපෙන උසස් සත්කාරක අත්දැකීම් බවට පත් කිරීම එහි ප්‍රධාන අරමුණකි. මෙම වැඩපිළිවෙළ යටතේ ඓතිහාසික පුස්සැල්ලාව තානායම ප්‍රතිසංස්කරණය කර ඇති අතර බෙලිහුල්ඔය සහ කිතුල්ගල තානායම්ද ඒවා පිහිටි ගමනාන්තවල ස්වභාවික අනන්‍යතාව සහ උරුමය සුරකිමින් වඩාත් උසස් හා ගමනාන්ත කේන්ද්‍රීය සත්කාරක අත්දැකීමක් සපයන ආකාරයෙන් නව මුහුණුවරකින් සංවර්ධනය කෙරෙමින් පවතී. මෙම තානායම් දෙකම 2026 ඔක්තෝබර් මාසයේදී නැවත ජනතාවට විවෘත කිරීමට නියමිතය. මහනුවර පිහිටි Hotel Suisseද පුළුල් ප්‍රතිසංස්කරණයකට ලක් කර ඇති අතර නගරයේ දිගු ඉතිහාසය සමග යා වුණු එහි ඓතිහාසික වටිනාකම සහ සුවිශේෂ අනන්‍යතාව ආරක්ෂා කරමින් නව ජීවයක් එක් කර තිබේ. මෙම සංවර්ධන ව්‍යාපෘති හරහා CHC අරමුණු කරන්නේ සිය හෝටල් හා තානායම් සමග බැඳුණු ඉතිහාසය, කතාන්දර හා අනන්‍යතාව අනාගත පරපුර වෙත රැගෙන යන අතරම ඒවා වර්තමාන සංචාරකයන් අපේක්ෂා කරන සුව පහසුව හා අත්දැකීම් සමග සම්බන්ධ කිරීමයි.

CHCහි දශක හයක ගමන් මඟ ගොඩ නැගී ඇත්තේ එහි හෝටල් හා තානායම් මත පමණක් නොවේ. පරම්පරා ගණනාවක් පුරා අමුත්තන් පිළිගත්, ආහාර සකස් කළ මෙම ඓතිහාසික ස්ථාන රැක බලා ගත් සහ ඒ ඒ ගමනාන්තවල කතාන්දර සංචාරකයන් සමඟ බෙදා ගත් සේවකයන් මෙම ගමනේ ප්‍රධාන ශක්තියක් වී ඇත. එසේම ව්‍යාපාර හවුල්කරුවන්, අවට ප්‍රජාව සහ පරම්පරා ගණනාවක සංචාරකයන්ද ශ්‍රී ලංකාවේ සත්කාරක ක්ෂේත්‍රය තුළ CHCහි අනන්‍ය ස්ථානය ගොඩ නැගීමට වැදගත් දායකත්වයක් සපයා තිබේ. වර්තමාන සංචාරකයන් වඩාත් අව්‍යාජ අත්දැකීම් සහ තමන් සංචාරය කරන ගමනාන්ත සමඟ ගැඹුරු සබඳතාවක් අපේක්ෂා කරන පසුබිමක CHC සිය සුවිශේෂ උරුමය ඉදිරි ගමනේ ප්‍රබල පදනමක් බවට පත් කරමින් සිටී. සමාගම සතු හෝටල් හා තානායම් එකතුව හරහා එක් එක් ගමනාන්තයේ ඉතිහාසය, සංස්කෘතිය හා අනන්‍යතාව නවීන සත්කාරක අත්දැකීම් සමග ඒකාබද්ධ කිරීමට CHCට සුවිශේෂ අවස්ථාවක් හිමි වී තිබේ. දිවයින පුරා ගමන් කළ සංචාරකයන්ට නවාතැන් සැපයූ ඓතිහාසික තානායම්වල සිට වර්තමානයේ ගමනාන්ත කේන්ද්‍රීය සත්කාරක අත්දැකීම් දක්වා Ceylon Hotels Corporation ශ්‍රී ලංකාවේ සංචාරක කර්මාන්තය සමඟ අඛණ්ඩව පරිණාමය වී තිබේ. වසර 60ක අභිමානවත් ගමන් මඟ සනිටුහන් කරන CHC සිය උරුමය සුරකිමින් එයට නව ජීවයක් එක් කිරීම, අමුත්තන්ගේ අත්දැකීම තව දුරටත් උසස් කිරීමේ සහ අනාගත සංචාරක පරම්පරා වෙනුවෙන් නව මතක හා කතාන්දර නිර්මාණය කිරීමේ කැපවීම සමග සිය මිළග පරිච්ඡේදයට පිවිසෙයි.

1966දී ආරම්භ කළ Ceylon Hotels Corporation PLC ශ්‍රී ලංකාවේ දිගු ඉතිහාසයක් සහිත ප්‍රමුඛ සත්කාරක සමාගමකි. EKHO Hotels & Resorts, Queen’s Hotel, Hotel Suisse සහ Heritage Collection එහි හෝටල් හා තානායම් එකතුවට අයත් වන අතර Ceylon Hotels Corporation PLCහි කළමනාකරණ කටයුතු Galle Face Group (Pvt) Limited විසින් සිදු කරනු ලබයි.

![](https://www.citizen.lk/content/images/2026/08/Ambepussa-Rest-House---Then-and-Now.png)

 **(Ambepussa Resthouse: එදා සහ අද)**

![](https://www.citizen.lk/content/images/2026/08/Hotel-Suisse---Then-and-Now.png)

***(Hotel Suisse: එදා සහ අද)**

![](https://www.citizen.lk/content/images/2026/08/Queens-Hotel---Then-and-Now.png)

***(Queen's Hotel: එදා සහ අද)**
### ඉන්දියාවට එරෙහි ශ්‍රී ලංකා ටෙස්ට් සංචිතය නම් කෙරේ: නිරෝෂන් දික්වැල්ල වසර 3කට පසු නැවතත් කණ්ඩායමට
URL: https://www.citizen.lk/sri-lanka-test-squad-for-india-series-named-niroshan-dickwella-returns-to-the-team-after-three-years/
Last updated: 2026-08-13T05:59:26.000Z
August 12 (Citizen News) - සංචාරක ඉන්දීය කණ්ඩායම සමඟ පැවැත්වීමට නියමිත තරග දෙකකින් සමන්විත ටෙස්ට් ක්‍රිකට් තරගාවලියේ පළමු තරගය සඳහා වන ශ්‍රී ලංකා සංචිතය අද (12) ප්‍රකාශයට පත් කර තිබේ.

  
ධනංජය ද සිල්වාගේ නායකත්වයෙන් යුත් මෙම සංචිතයේ උපනායක ලෙස කමිඳු මෙන්ඩිස් නම් කර ඇත. ආබාධ තත්ත්වයක් හේතුවෙන් කුසල් මෙන්ඩිස් මෙම සංචිතයට ඇතුළත් කර නොමැති අතර, ඒ හේතුවෙන් පළමු තරගයේ උපනායකත්වය කමිඳු මෙන්ඩිස් වෙත හිමිව තිබේ.

  
කුසල් මෙන්ඩිස් වෙනුවට කඩුලු රකින ක්‍රීඩක නිරෝෂන් දික්වැල්ල නැවතත් සංචිතයට කැඳවා තිබීම විශේෂත්වයකි. 2023 වසරේ මාර්තු මාසයේ දකුණු අප්‍රිකාවට එරෙහිව පැවැති තරගයෙන් පසුව ඔහු ශ්‍රී ලංකා ටෙස්ට් කණ්ඩායම නියෝජනය කර නොමැති අතර, ඒ අනුව ඔහු වසර 3කට පසුව මෙලෙස නැවතත් ටෙස්ට් සංචිතයකට ඇතුළත්ව සිටියි.

  
මීට අමතරව, අවසන් වරට පැවැති බටහිර ඉන්දීය කොදෙව් තරගාවලියට ක්‍රීඩා නොකළ ක්‍රීඩකයින් කිහිපදෙනෙකු මෙන්ම නවක ක්‍රීඩකයින් දෙදෙනෙකු ද මෙම සංචිතයට එක්කර ඇත. ඒ අනුව මෙතෙක් කිසිදු ජාත්‍යන්තර ක්‍රිකට් තරගයක් ක්‍රීඩා කර නොමැති පිතිකරු පසිඳු සූරියබණ්ඩාර සහ තුන්ඉරියව් ක්‍රීඩක කේෂර නුවන්ත මුල් වරට ශ්‍රී ලංකා සංචිතයට කැඳවා තිබේ.

  
ශ්‍රී ලංකාව සහ ඉන්දියාව අතර පැවැත්වෙන මෙම ටෙස්ට් තරගාවලියේ පළමු තරගය අගෝස්තු 15 වනදා ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතය.

  
**ශ්‍රී ලංකා ටෙස්ට් සංචිතය:**

ධනංජය ද සිල්වා (නායක)  
කමිඳු මෙන්ඩිස් (උපනායක)  
ළහිරු උදාර  
නිශාන් මධුෂ්ක  
දිනේෂ් චන්දිමාල්  
පසිඳු සූරියබණ්ඩාර  
සොනාල් දිනූෂ  
නිරෝෂන් දික්වැල්ල (කඩුලු රකින්නා)  
රමේෂ් මෙන්ඩිස්  
ප්‍රභාත් ජයසූරිය  
කේශර නුවන්ත  
මිලාන් රත්නායක  
අසිත ප්‍රනාන්දු  
ළහිරු කුමාර  
විශ්ව ප්‍රනාන්දු  
දිල්ෂාන් මධුෂංක

![](https://www.citizen.lk/content/images/2026/08/341810.6.webp)
### වියළි කාලගුණය හේතුවෙන් වනෝද්‍යානවල සිටින සතුන්ට බවුසර් මගින් ජලය ලබා දීමට පියවර
URL: https://www.citizen.lk/measures-taken-to-supply-water-via-bowsers-to-animals-in-national-parks-due-to-dry-weather/
Last updated: 2026-08-12T05:04:48.000Z
August 12 (Citizen News) - වියළි කාලගුණය හේතුවෙන් වනෝද්‍යානවල සිටින සතුන්ට බවුසර් මගින් ජලය ලබා දීම ආරම්භ කර ඇති බව වනජීවි දෙපාර්තමේන්තුව සඳහන් කරනවා.

පවතින අධික වියළි කාලගුණයත් සමඟ යාල, විල්පත්තුව, කුමන සහ බූන්දල යන වනෝද්‍යානවල ජලය එක්රැස්වන ස්ථාන සිදීයමින් පැවතීම හේතුවෙන් මෙලෙස බවුසර් මගින් ජලය සැපයීම ආරම්භ කර ඇත.
### 22 වැනි ව්‍යවස්ථා සංශෝධනය සම්බන්ධයෙන් ශ්‍රී ලංකා නීතිඥ සංගමයෙන් නිවේදනයක්
URL: https://www.citizen.lk/22-vaeni-vyvsthaa-snshoodhny-smbndhyen-shrii-lnkaa-niitijny-sngmyen-niveednyk/
Last updated: 2026-08-12T05:00:44.000Z
August 12 (Citizen news) - අගෝස්තු 7 වැනිදා රජය විසින් ගැසට් පත්‍රයේ පළ කරන ලද ආණ්ඩුක්‍රම ව්‍යවස්ථාවේ 22 වැනි සංශෝධනයට අදාළ පනත් කෙටුම්පත සම්බන්ධයෙන් ශ්‍රී ලංකා නීතිඥ සංගමය නිවේදනයක් නිකුත් කර තිබෙනවා.

යෝජිත සංශෝධනය මඟින් නඩු විභාග කඩිනම් කර අධිකරණ පද්ධතියේ කාර්යක්ෂමතාව වැඩි කිරීම අරමුණු කරන බව රජය ප්‍රකාශ කර ඇතත්, ගරු විනිසුරුවරුන්ගේ විශ්‍රාම වයස දීර්ඝ කිරීම සහ එම ප්‍රකාශිත අරමුණු අතර ඇති සම්බන්ධතාවය පැහැදිලි නොවන බව එම නිවේදනය මඟින් පෙන්වා දී ඇත,

ශ්‍රී ලංකා නීතිඥ සංගමය සහ අධිකරණ සේවා සංගමය ඇතුළු නීති ක්ෂේත්‍රයේ පාර්ශ්වකරුවන් මෙම සංශෝධනයට ඒකමතිකව විරෝධය පළ කර ඇත්තේ එය අධිකරණයේ ස්වාධීනත්වයට සෘජු මැදිහත්වීමක් වන බැවින් යැයි අදාළ නිවේදනය මඟින් අවධාරණය කරයි.

එමෙන්ම ආගමික නායකයන්, පුළුල් පරාසයක සිවිල් සමාජ සංවිධාන මෙන්ම විදේශයන්හි ප්‍රමුඛ නීතිඥ සංගම් සහ විනිසුරු සංගම් ද මෙම විරෝධතාවයට එක්වී ඇති බවත් එමඟින් පෙන්වා දී තිබෙනවා.

ඒ අනුව යෝජිත ආණ්ඩුක්‍රම ව්‍යවස්ථා සංශෝධනය සම්බන්ධයෙන් පවත්නා දැඩි විරෝධය ශ්‍රී ලංකා නීතිඥ සංගමය මෙම නිවේදනය මඟින් නැවත අවධාරණය කර තිබෙනවා.

එම සම්පූර්ණ නිවේදනය පහතින්,

![](https://www.citizen.lk/content/images/2026/08/image.png)

![](https://www.citizen.lk/content/images/2026/08/image-1.png)

![](https://www.citizen.lk/content/images/2026/08/image-2.png)
### මෙල්වා චැලෙන්ජ් ට්‍රොෆි 2026 දිවයින පුරා අරඹමින් ගම්පහ දිස්ත්‍රික් ශූරතාව සාර්ථකව නිම වේ
URL: https://www.citizen.lk/melwa-launches-islandwide-challenge-trophy-with-successful-gampaha-district-championship/
Last updated: 2026-08-10T05:27:31.000Z
August 10 (Citizen News) - ශ්‍රී ලංකාවේ ඉදි කිරීම් ක්ෂේත්‍රයේ ප්‍රමුඛ සන්නාමයක් වන මෙල්වා සමූහය ගොඩනැගිලි ද්‍රව්‍ය සැපයුම්කරුවන්, පෙදරේරුවන් සහ වෙල්ඩින් ශිල්පීන් අතර සහයෝගීතාව සහ මිත්‍රත්වය ශක්තිමත් කිරීමේ අරමුණෙන් සංවිධානය කරන මෙල්වා චැලෙන්ජ් ට්‍රොෆි 2026 ක්‍රිකට් තරගාවලිය ගම්පහ වලසිංහ හරිශ්චන්ද්‍ර ක්‍රීඩාංගණයේදී පැවති ගම්පහ දිස්ත්‍රික් ශූරතාවලියෙන් සාර්ථකව ආරම්භ විය. මෙම ආරම්භක තරගාවලියට ගම්පහ දිස්ත්‍රික්කය නියෝජනය කරමින් කණ්ඩායම් 15ක් සහභාගී වූ අතර එම කණ්ඩායම් අතරට වජිර හාඩ්වෙයාර්, සැනසුම හාඩ්වෙයාර්, මයිල්ස්ටෝන් හාඩ්වෙයාර්, වීරවර්ධන හාඩ්වෙයාර්, අරුණ හාඩ්වෙයාර්, ESS හාඩ්වෙයාර්, ලියනගේ හාඩ්වෙයාර්, මීගමුව කම්බි සෙන්ටර් හාඩ්වෙයාර්, රණසිංහ හාඩ්වෙයාර්, St. Antony's Hardware, චාරුකා හාඩ්වෙයාර්, UL Iron හාඩ්වෙයාර්, ජෙනරල් හාඩ්වෙයාර්, TNR හාඩ්වෙයාර් සහ සංජීව හාඩ්වෙයාර් ඇතුළත් විය. දිනය පුරා පැවති උණුසුම් තරගාවලිය අවසානයේ වජිර හාඩ්වෙයාර් කණ්ඩායම ගම්පහ දිස්ත්‍රික් ශූරතාව දිනා ගත් අතර මීගමුව කම්බි සෙන්ටර් හාඩ්වෙයාර් කණ්ඩායම අනුශූරතාව හිමි කර ගත්තේය.

පෞද්ගලික දක්ෂතාද මෙහිදී ඇගැයීමට ලක් වූ අතර වජිර හාඩ්වෙයාර් කණ්ඩායමේ චෙරංග තරගාවලියේ දක්ෂම ක්‍රීඩකයා ලෙස නම් කෙරිණි. එම කණ්ඩායමේම නදුන් අවසන් තරගයේ දක්ෂම ක්‍රීඩකයා සහ දක්ෂම පන්දු යවන්නා ලෙස සම්මාන දිනා ගත් අතර මීගමුව කම්බි සෙන්ටර් හාඩ්වෙයාර් කණ්ඩායමේ ජනක දක්ෂම පිතිකරු ලෙසත්, දයාන් දක්ෂතම පන්දු රකින්නා ලෙසත් ඇගැයීමට ලක් විය. ගම්පහ දිස්ත්‍රික් තරගාවලිය මෙල්වා චැලෙන්ජ් ට්‍රොෆි 2026 තරග මාලාවේ පළමු අදියර වන අතර මීළඟ තරගාවලිය රත්නපුර දිස්ත්‍රික්කයේ පැවැත්වීමට නියමිතය. ඉන් අනතුරුව දිවයිනේ අනෙකුත් දිස්ත්‍රික්කවලද තරගාවලි පැවැත්වෙන අතර එක් එක් දිස්ත්‍රික් ශූර කණ්ඩායම් අවසන් තරගාවලියට සුදුසුකම් ලබමින් දිවයිනේ ශූරතාව සඳහා තරග වදිනු ඇත. මෙල්වා සමූහය මෙම තරගාවලිය සංවිධානය කරන්නේ දිවයින පුරා සිටින සිය අලෙවි නියෝජිතයන්, කොන්ත්‍රාත්කරුවන් සහ ඉදි කිරීම් ක්ෂේත්‍රයේ වෘත්තිකයන් සමඟ ඇති සබඳතා ශක්තිමත් කිරීමේ අරමුණෙනි. ව්‍යාපාර සබඳතාවලින් ඔබ්බට ගොස් කණ්ඩායම් හැඟීම, ක්‍රීඩාශීලීත්වය සහ සහයෝගීතාව ප්‍රවර්ධනය කිරීම මෙන්ම ශ්‍රී ලංකාවේ සංවර්ධනයට සුවිශේෂ දායකත්වයක් දෙන ඉදි කිරීම් ක්ෂේත්‍රයේ වෘත්තිකයන්ගේ කැපවීම ඇගැයීමද මෙම වැඩසටහනේ ප්‍රධාන අරමුණකි. දිවයින පුරා දිස්ත්‍රික් මට්ටමින් මෙම තරගාවලිය පුළුල් කිරීමට සැළැසුම් කර ඇති අතර මෙල්වා චැලෙන්ජ් ට්‍රොෆි ඉදිරියේදී ශ්‍රී ලංකාවේ ඉදි කිරීම් ක්ෂේත්‍රය එක් කරන ප්‍රමුඛ වාර්ෂික ක්‍රීඩා උළෙලක් බවට පත් වනු ඇතැයි අපේක්ෂා කෙරේ.
### LPL අවසන් මහා තරගය නැරඹීමට ක්‍රීඩාලෝලීන්ට නොමිලේ ඇතුළුවීමේ අවස්ථාවක්
URL: https://www.citizen.lk/an-opportunity-for-sports-fans-to-enter-the-lpl-final-for-free/
Last updated: 2026-08-13T06:05:24.000Z
August 08 (Citizen News) - ලංකා ප්‍රිමියර් ලීග් (LPL) ක්‍රිකට් තරගාවලියේ කොළඹ ආර්. ප්‍රේමදාස ක්‍රීඩාංගණයේදී අද (8) පැවැත්වෙන අවසන් මහා තරගය නොමිලේ නැරඹීම සඳහා ක්‍රීඩාලෝලීන්ට අවස්ථාව ලබාදීමට ශ්‍රී ලංකා ක්‍රිකට් ආයතනය තීරණය කර තිබේ.

ශ්‍රී ලංකා ක්‍රිකට් ආයතනය නිවේදනයක් නිකුත් කරමින් සඳහන් කරන්නේ, ක්‍රීඩාංගණයේ 'C' Upper and Lower මෙන්ම 'D' Upper and Lower යන ප්‍රේක්ෂක නැරඹුම් ස්ථාන ඒ සඳහා වෙන් කර ඇති බවයි.

ගෝල් ගැලන්ට්ස් සහ ජැෆ්නා කිංග්ස් කණ්ඩායම් අතර පැවැත්වෙන මෙම අවසන් මහා තරගය අද රාත්‍රී 7.30ට ආරම්භ වීමට නියමිත අතර, ප්‍රේක්ෂකයින් උදෙසා ක්‍රීඩාංගණයේ සියලුම දොරටු සවස 5.30 සිට විවෘත කිරීමට කටයුතු යොදා ඇත.

තරගයට පෙර ක්‍රීඩාලෝලීන් වෙනුවෙන් විශේෂ විනෝදාස්වාද අංග මාලාවක් සහ ආකර්ෂණීය සමාප්ති උත්සවයක් ද පැවැත්වීමට සංවිධායකයින් සැලසුම් කර තිබේ.
### ඊජිප්තුවට භූකම්පනයක්
URL: https://www.citizen.lk/earthquake-hits-egypt/
Last updated: 2026-08-03T10:28:50.000Z
**August 03 (Citizen News)**  ඊසානදිග ඊජිප්තුවේ ඉස්මයිලියා පළාතේ ප්‍රබල භූකම්පනයක් සිදුව තිබෙනවා.

රිච්ටර් මාපාංක ඒකක 5.3ක ප්‍රබලත්වයකින් මෙම භූකම්පනය හටගෙන ඇති බව විදෙස් මාධ්‍ය වාර්තා කරනවා.

භූකම්පනය පොළොව මට්ටමේ සිට කිලෝමීටර් 5.47ක ගැඹුරකින් හටගෙන ඇත.

භූකම්පනය ඊජිප්තුවේ කයිරෝ අගනුවර ඇතුළු නගර කිහිපයකට දැනී ඇති අතර ජීවිත හෝ දේපළ හානි පිළිබඳව මෙතෙක් වාර්තා වී නොමැති බවයි විදෙස් මාධ්‍ය සඳහන් කරන්නේ.
### මහවැලි ගඟ ආශ්‍රිත පහත් බිම්වලට ගංවතුර අනතුරු ඇඟවීමේ රතු නිවේදනයක්
URL: https://www.citizen.lk/red-flood-warning-for-low-lying-areas-along-the-mahaweli-river/
Last updated: 2026-08-03T10:24:30.000Z
**August 03 (Citizen News) -** මහවැලි ගඟ ආශ්‍රිත පහත් බිම් ප්‍රදේශවලට ඉදිරි පැය 48 ක කාලය තුළ මහ ගංවතුර තත්ත්වයක් ඇතිවීමේ රතු නිවේදනයක් නිකුත් කර තිබෙනවා.

ඒ අනුව, මහවැලි ගඟෙහි ඉහළ ධාරා ප්‍රදේශවලට පසුගිය පැය කිහිපය තුළ ලැබුණු වර්ෂාපතනය ද, ඉදිරියේදී වර්ෂාපතනය තවත් ලැබිය හැකි බවට වන පුරෝකථන හා කොත්මලේ ජලාශයේ වාන් දොරටු විවර කිරීමේ අවදානම ද හේතුවෙන්, මහවැලි ගංගා ද්‍රෝණියේ උඩුනුවර, උඩපළාත, යටිනුවර, දොලුව, කොත්මලේ, පස්බාගේ කෝරළේ, ගඟඉහළ කෝරළය, ගඟවට කෝරළය, හාරිස්පත්තුව සහ පාතදුම්බර යන ප්‍රාදේශීය ලේකම් කොට්ඨාසවලට අයත් මහවැලි ගඟ ආශ්‍රිත පහත් බිම් ප්‍රදේශවලට මෙම මහ ගංවතුර තත්ත්වය පිළිබඳව අවදානම් නිවේදනය නිකුත් කර ඇත.
### පවතින අයහපත් කාලගුණික තත්ත්වය හේතුවෙන්  පේරාදෙණිය විශ්වවිද්‍යාලයේ සියලුම අධ්‍යයන කටයුතු නැවත දැනුම් දෙන තුරු තාවකාලිකව අත්හිටුවයි
URL: https://www.citizen.lk/due-to-the-prevailing-adverse-weather-conditions-all-academic-activities-at-the-university-of-peradeniya-have-been-temporarily-suspended-until-further-notice/
Last updated: 2026-08-03T10:21:25.000Z
**August 03 (Citizen News) -** පවතින අයහපත් කාලගුණික තත්ත්වය සැලකිල්ලට ගනිමින්, පේරාදෙණිය විශ්වවිද්‍යාලයේ සියලුම අධ්‍යයන කටයුතු සහ විභාග, නැවත දැනුම් දෙන තුරු තාවකාලිකව අත්හිටුවීමට පේරාදෙණිය විශ්වවිද්‍යාල පාලනාධිකාරිය තීරණය කර තිබෙනවා.

සිය ගම් ප්‍රදේශ වෙත ආරක්ෂිතව ගමන් කළ හැකි සිසුන්ට එසේ පිටත්ව යා හැකි අතර, අයහපත් කාලගුණ තත්ත්වය හේතුවෙන් නිවෙස් වෙත යාමට නොහැකි සිසුන්ට සරසවි මැදුර නේවාසිකාගාරය හැර වෙනත් නේවාසිකාගාරයක විශ්වවිද්‍යාල නේවාසිකාගාර පරිපාලනය දැනුවත් කර රැඳී සිටිය හැකි බව ද සඳහන් කර තිබෙනවා.

එසේම අවදානම් සහිත පෞද්ගලික නේවාසික ස්ථානවල (boarding places) රැඳී සිටින සිසුන් ආරක්ෂාව සඳහා විශ්වවිද්‍යාල නේවාසිකාගාර වෙත පැමිණෙන්නේ නම්, ඔවුන් පිළිගෙන අවශ්‍ය වාර්තා පවත්වා ගන්නා ලෙස ද නේවාසිකාගාර පාලනාධිකාරියට උපදෙස් ලබා දී ඇති බව විශ්වවිද්‍යාල පාලනාධිකාරිය සඳහන් කර තිබෙනවා.

කිසිදු සිසුවෙකුට නේවාසිකාගාරවලින් පිටව යාමට බල නොකරන බවත්, විශ්වවිද්‍යාලයේ අත්‍යවශ්‍ය සේවාවන් තවදුරටත් අඛණ්ඩව පවත්වාගෙන යාමට පියවර ගෙන ඇති බවයි පේරාදෙණිය විශ්වවිද්‍යාල පාලනාධිකාරිය වැඩිදුරටත් සඳහන් කර ඇත.
### විනිසුරු විශ්‍රාම වයස දීර්ඝ කිරීමේ පනත් කෙටුම්පතට නීතිපතිවරයාගේ අනුමැතිය හිමි වෙයි
URL: https://www.citizen.lk/attorney-general-approves-bill-to-extend-judges-retirement-age/
Last updated: 2026-08-02T14:00:50.000Z
**July 02 (Citizen News) -** විනිසුරුවරුන්ගේ විශ්‍රාම වයස දීර්ඝ කිරීම සඳහා වන පනත් කෙටුම්පතට නීතිපතිවරයාගේ අනුමැතිය හිමිව තිබේ.

අදාළ පනත් කෙටුම්පතට අදාළ නීත්‍යානූකූල විවරණය අධිකරණ අමාත්‍යාංශය වෙත ලබා දී ඇති බව නීතිපති දෙපාර්තමේන්තුව සඳහන් කරයි. ඒ අනුව, අධිකරණ අමාත්‍යාංශය මගින් අදාළ පනත් කෙටුම්පත සකස් කර ඉදිරියේදී ගැසට් පත්‍රය ඔස්සේ ප්‍රකාශයට පත් කිරීමට නියමිතය.

විනිසුරුවරුන්ගේ විශ්‍රාම යෑමේ වයස අවුරුදු 02කින් දීර්ඝ කිරීම සඳහා වූ යෝජනාව අධිකරණ අමාත්‍යාංශය විසින් මීට පෙර අමාත්‍ය මණ්ඩලය වෙත ඉදිරිපත් කරන ලද අතර, ඊට කැබිනට් අනුමැතිය හිමිවිය.

දිවයින පුරා පිහිටි අධිකරණවල දැනට නඩු 1,100,000කට (ලක්ෂ 11කට) අධික සංඛ්‍යාවක් ගොඩගැසී ඇති අතර, එම නඩු කටයුතු කඩිනමින් විභාග කර අවසන් කිරීමේ අරමුණින් රජය මෙම තීරණය ගෙන ඇත.
### Vito Wood Fired Pizza City of Dreamsහි The Shoppes වෙත පිවිසේ
URL: https://www.citizen.lk/visit-vito-wood-fired-pizza-at-the-shoppes-city-of-dreams/
Last updated: 2026-07-30T04:02:50.000Z
July 30 (Citizen News) - ශ්‍රී ලංකාවේ වේගයෙන් වර්ධනය වන ආපනශාලා ක්ෂේත්‍රයේ සිය සන්නාම ව්‍යාප්තිය තව දුරටත් ශක්තිමත් කරමින් Vito Wood Fired Pizza (www.vitopizza.lk) 6 වැනි ශාඛාව City of Dreamsහි The Shoppesහි විවෘත කර තිබේ. මෙම නව ශාඛාව විවෘත කිරීමත් සමඟ ලොව පිළිගත් ඉතාලි දැව උඳුනේ පිසූ පීසා රසය ශ්‍රී ලංකාවේ ප්‍රමුඛ සුඛෝපභෝගී සාප්පු සවාරි, විනෝදාස්වාද හා ආහාර පාන ගමනාන්තයකට රැගෙන ඒමට Vito Pizza සමත් වී ඇත. 2017දී මහනුවර නගරයේ සේවකයන් දෙදෙනෙකුගෙන් ආරම්භ වූ Vito Wood Fired Pizza වර්තමානයේදී මෙරට ප්‍රමුඛ දර පෝරණු පීට්සා අවන්හල් සන්නාමයක් බවට පත් වී ඇත. සාම්ප්‍රදායික දැව උඳුන්වල පිසූ ඉතාලි තුනී පීසා දේශීය රස සමඟ නවීන ආකාරයෙන් ඉදිරිපත් කිරීම හේතුවෙන් Vito Pizza සන්නාමය පාරිභෝගිකයන් අතර සුවිශේෂ ජනප්‍රියත්වයක් දිනා තිබේ.

![](https://www.citizen.lk/content/images/2026/07/A--1--1.jpg)

මෙම නව අවන්හල තුළ අතින් සකස් කළ පීසා පිටි, උසස් තත්ත්වයේ චීස්, දේශීයව සපයා ගන්නා නැවුම් අමුද්‍රව්‍ය සහ සාම්ප්‍රදායික ඉතාලි ආහාර පිසීමේ ක්‍රමවේද යොදා ගනිමින් සකස් කළ ආහාර පාරිභෝගිකයන්ට පිරිනැමේ. පීසා වර්ග රැසකට අමතරව ලසඤ්ඤා, කැල්සෝන්, පැස්ටා, නැවුම් සලාද, අතුරුපස, මිල්ක්ෂේක්, මොක්ටේල් සහ විවිධ පාන වර්ගද මෙනුවට ඇතුළත් වේ. නව ශාඛාව විවෘත කිරීමේ උත්සවයට පාරිභෝගිකයෝ, ව්‍යාපාර හවුල්කරුවෝ සහ ආරාධිත අමුත්තෝ රැසක් එක් වී සිටියහ. එහිදී Vito Pizza කළමනාකාරිත්වය පසුගිය වසර අටක කාලය තුළ සන්නාමයේ වර්ධනයට දායක වූ සිය විශ්වාසවන්ත පාරිභෝගිකයන්, කැප වූ සේවකයන් සහ ව්‍යාපාර හවුල්කරුවන් වෙත සිය කෘතඥතාව පළ කළේය. මෙම නව ශාඛාව විවෘත කිරීමත් සමඟ City of Dreamsහි ආහාර පාන අත්දැකීම තව දුරටත් ශක්තිමත් වන අතර එහි සුඛෝපභෝගී හෝටල්, ජාත්‍යන්තර මට්ටමේ සාප්පු සංකීර්ණ, විනෝදාස්වාද පහසුකම් සහ ආහාර පාන සේවාවලට නව වටිනාකමක් එක් වේ. මහනුවර, කොළඹ, පේරාදෙණිය, මීගමුව, ගාල්ල සහ දැන් City of Dreamsහි ශාඛා හයකින් සමන්විත Vito Wood Fired Pizza ඉදිරියේදීත් ශ්‍රී ලංකාව පුරා සිය ව්‍යාප්තිය තව දුරටත් පුළුල් කරමින් උසස් තත්ත්වයේ ආහාර, සත්‍ය ඉතාලි රසය සහ විශිෂ්ට පාරිභෝගික සේවාව සමඟ අමතක නොවන ආහාර පාන අත්දැකීම් පිරිනැමීමට සූදානමින් සිටී.
### Care England  ප්‍රධාන විධායකගෙන් IIHS වෙත ඉහළ ඇගැයීමක්
URL: https://www.citizen.lk/uk-social-care-leader-professor-martin-green-obe-chief-executive-of-care-england-commends-iihs-for-developing-a-globally-ready-care-workforce/
Last updated: 2026-07-30T03:50:38.000Z
**July 30 -** එක්සත් රාජධානියේ සමාජ සත්කාර ක්ෂේත්‍රයේ ප්‍රමුඛතම සංවිධානය වන Care Englandහි ප්‍රධාන විධායක නිලධාරී මහාචාර්ය මාටින් ග්‍රීන් ඔබේ මහතා ශ්‍රී ලංකාවේ International Institute of Health Sciences (IIHS) ජාත්‍යන්තර සෞඛ්‍ය හා සමාජ සත්කාර ක්ෂේත්‍රයට සුදුසු වෘත්තිකයන් බිහි කිරීමට ගෙන යන වැඩපිළිවෙළ ඉහළින් අගය කර තිබේ. IIHS වෙත කළ සංචාරයකින් අනතුරුව අදහස් දක්වමින් මහාචාර්ය ග්‍රීන් මහතා සඳහන් කළේ නූතන සමාජ සත්කාර ක්ෂේත්‍රයට අවශ්‍ය දැනුම, ප්‍රායෝගික කුසලතා හා මානව හිතවාදී වටිනාකම්වලින් සමන්විත වෘත්තිකයන් බිහි කිරීමට IIHS ගෙන යන අධ්‍යාපන ප්‍රවේශය ඉතා වැදගත් බවයි. එක්සත් රාජධානියේ ස්වාධීන වැඩිහිටි සමාජ සත්කාර සේවා සපයන්නන්ගේ ප්‍රධාන නියෝජිත ආයතනය වන Care Englandහි නායකත්වය දරන මහාචාර්ය ග්‍රීන් මහතා සමාජ සත්කාර ප්‍රතිපත්ති, සේවක සංවර්ධනය, ඩිමෙන්ෂියා සත්කාර සහ පුද්ගල කේන්ද්‍රීය සත්කාර සේවා පිළිබඳ ජාත්‍යන්තරව පිළිගත් විශේෂඥයෙකි.

![](https://www.citizen.lk/content/images/2026/07/Professor-Martin-Green-OBE---Chief-Executive-of-Care-England.jpg)

***(මහාචාර්ය මාර්ටින් ග්‍රීන් (OBE) - Care England හි ප්‍රධාන විධායක)**

ලොව පුරා වයස්ගත ජනගහණය ඉහළ යාමත් සමඟ සුදුසුකම් ලත් සෞඛ්‍ය හා සමාජ සත්කාර වෘත්තිකයන්ට ඇති ඉල්ලුම වේගයෙන් ඉහළ යමින් පවතී. එම අවශ්‍යතාවට ගැළැපෙන ලෙස IIHS සිය අධ්‍යාපන වැඩසටහන් සැළැසුම් කර ඇති අතර න්‍යායාත්මක දැනුමට අමතරව ප්‍රායෝගික පුහුණුව, වෘත්තීය ආචාරධර්ම, සන්නිවේදන කුසලතා සහ රෝගීන් කේන්ද්‍ර කර ගත් සත්කාර සේවා පිළිබඳ පුළුල් පුහුණුවක්ද සිසුන්ට සපයයි. IIHSහි Certificate in Health and Social Care Assistance පාඨමාලාව එක්සත් රාජධානියේ සත්කාර ක්ෂේත්‍රයේ නියෝජිතයන්ගේ අවධානයට ලක් වී ඇති අතර ජාත්‍යන්තර රැකියා වෙළෙඳපොළේ අවශ්‍යතා සැපිරිය හැකි වෘත්තිකයන් බිහි කිරීම එහි අරමුණ බව ආයතනය සඳහන් කරයි. වසර 20කට අධික සෞඛ්‍ය අධ්‍යාපන අත්දැකීම් සහිත IIHS ආයතනය ජාත්‍යන්තර අධ්‍යාපන සහයෝගීතා ඔස්සේ ශ්‍රී ලංකාවේ මෙන්ම විදේශවලද රැකියා අවස්ථා සඳහා සිසුන් සූදානම් කරමින් සිටී. මේ වන විට එහි උපාධිධාරීහු හා ආදි සිසුහු දහස් ගණනක් ශ්‍රී ලංකාව ඇතුළු රටවල් රැසක සෞඛ්‍ය හා සමාජ සත්කාර ක්ෂේත්‍රයේ සේවය කරති. මහාචාර්ය මාටින් ග්‍රීන් මහතාගේ මෙම ඇගැයීම ජාත්‍යන්තර ප්‍රමිතිවලට අනුකූල සෞඛ්‍ය හා සමාජ සත්කාර අධ්‍යාපනයක් සැපැයීමට IIHS ගෙන යන උත්සාහයට ලැබුණු වැදගත් පිළිගැනීමකි.
### සිලෝන් එනර්ජි Energize 2026 සාර්ථකව පවත්වමින් ඇමරිකාවේ Delawareහි Apollo Energy ආයෝජන වෙබ් අඩවිය එළි දක්වයි
URL: https://www.citizen.lk/ceylon-energy-hosts-energize-2026-and-launches-apollo-energy-delaware-usa-investment-platform/
Last updated: 2026-07-28T04:16:00.000Z
**July 28 (Citizen News) -** ශ්‍රී ලංකාවේ බල ශක්ති ක්ෂේත්‍රයේ නවෝත්පාදනය හා ජාත්‍යන්තර තාක්ෂණ සහයෝගීතාව ශක්තිමත් කිරීමේ වැදගත් පියවරක් තබමින් සිලෝන් එනර්ජි සමාගම Energize 2026 ජාත්‍යන්තර දැනුම් හුවමාරු සමුළුව සාර්ථකව සංවිධානය කළ අතර එහිදී ඇමරිකා එක්සත් ජනපදයේ Delaware ප්‍රාන්තයෙහි ස්ථාපිත Apollo Energy නව ආයෝජන වෙබ් අඩවිය නිල වශයෙන් එළි දැක්වීය. Latest Industrial Developments in the Energy Sector තේමාව යටතේ පැවති මෙම සමුළුවට ලොව ප්‍රමුඛ බල ශක්ති තාක්ෂණ සමාගම් නියෝජනය කළ විශේෂඥයෝ, ඉංජිනේරුවෝ, ආයෝජකයෝ, ව්‍යාපාර නායකයෝ, මූල්‍ය ආයතන නියෝජිතයෝ හා බල ශක්ති ක්ෂේත්‍රයේ පාර්ශ්වකරුවෝ රැසක් එක් වූහ. නවීන බල ශක්ති පද්ධති, ස්මාර්ට් ග්‍රිඩ් තාක්ෂණය, සම්ප්‍රේෂණ හා බෙදා හැරීමේ නවෝත්පාදන මෙන්ම ඩිජිටල් බල ශක්ති යටිතල පහසුකම් පිළිබඳව නවතම ගෝලීය ප්‍රවණතා මෙහිදී සාකච්ඡා කෙරිණි. මෙම වැඩමුළුවට සිලෝන් එනර්ජි සමඟ ජාත්‍යන්තරව කටයුතු කරන Hubbell Power Systems, CTC Global, Aclara Technologies යන ප්‍රමුඛ සමාගම්වල විශේෂඥයන් සම්පත් දායකයන් ලෙස එක් වූ අතර අනාගත බල ශක්ති පද්ධති වඩාත් කාර්යක්ෂම, ආරක්ෂිත හා තිරසාර ලෙස සංවර්ධනය කිරීමට අවශ්‍ය නවීන තාක්ෂණ විසඳුම් පිළිබඳ දැනුම බෙදා ගත්හ. සමුළුවේ විශේෂ අවස්ථාවක් වූයේ “Shaping the Future of Energy” මැයෙන් පැවති විද්වත් සංවාදයයි. එහිදී Fabio C. Faria, Julian Roteta, Dr. Timothy See Thoe, Jeff Butler, Hitesh Mundhada යන ජාත්‍යන්තර බල ශක්ති විශේෂඥයන් අනාගත බල ශක්ති පද්ධති, තාක්ෂණ නවෝත්පාදන, ගෝලීය ආයෝජන ප්‍රවණතා හා කර්මාන්තයේ ඉදිරි දිශානතිය පිළිබඳ අදහස් ඉදිරිපත් කළහ.

මෙම අවස්ථාවේදී සිලෝන් එනර්ජි සභාපති හා නිර්මාතෘ මධූ ප්‍රනාන්දු Apollo Energy, Delaware USA නව ආයෝජන වෙබ් අඩවිය නිල වශයෙන් එළි දැක්වීය. ශ්‍රී ලංකාව හා කළාපීය රටවල ක්‍රියාත්මක ඉහළ ප්‍රතිලාභ දෙන බල ශක්ති හා යටිතල පහසුකම් ව්‍යාපෘතිවලට දේශීය හා ජාත්‍යන්තර ආයෝජකයන් සම්බන්ධ කරමින් විනිවිදභාවයෙන් යුතු ආයෝජන පරිසරයක් ගොඩ නැගීම මෙම වෙබ් අඩවියේ ප්‍රධාන අරමුණ වේ. පෞද්ගලික, ආයතනික හා ආයෝජන අරමුදල් ඇතුළු විවිධ මට්ටම්වල ආයෝජකයන්ට මෙම වෙබ් අඩවිය ඔස්සේ තිරසාර බල ශක්ති ව්‍යාපෘතිවලට ආයෝජනය කිරීමේ අවස්ථාව උදා වන අතර ව්‍යාපෘති සංවර්ධකයන් හා ආයෝජකයන් අතර පවතින පරතරය අවම කරමින් නව මූල්‍ය ප්‍රවාහ නිර්මාණය කිරීමට මෙය දායක වනු ඇතැයි අපේක්ෂා කෙරේ. මෙහිදී මධූ ප්‍රනාන්දු මෙසේ පැවැසීය. “අපගේ සියලු වැඩසටහන් Lighting People’s Lives යන දැක්ම වටා ගොඩ නැගී තිබෙනවා. Apollo Energy හා Energize යන දෙකම දැනුම, නවෝත්පාදනය, සහයෝගීතාව හා නව අවස්ථා තුළින් බල ශක්ති ක්ෂේත්‍රය සවිබල ගැන්වීමට නිර්මාණය කළ වේදිකා දෙකක්.” Lighting People’s Lives යන දැක්මට අනුව ක්‍රියාත්මක වන සිලෝන් එනර්ජි ඉංජිනේරු විශිෂ්ටත්වය පමණක් නොව දැනුම, නවෝත්පාදනය හා තිරසාර ආයෝජන හරහා ශ්‍රී ලංකාවේ හා කළාපයේ බල ශක්ති පරිසර පද්ධතිය ශක්තිමත් කිරීමට අඛණ්ඩව දායක වෙමින් සිටී. Energize 2026 හා Apollo Energy දියත් කිරීම එම ගමන් මඟේ නව සන්ධිස්ථානයකි.
### අනුරාධපුර බාලවයස්කාර දැරිය අපයෝජන සිද්ධිය : පාර්ලිමේන්තු මන්ත්‍රීවරියන්ගේ සංසදයේ සාකච්ඡාව වාර්තා කළ බීබිසියට පාර්ලිමේන්තු වරප්‍රසාද කමිටුවෙන් කැදවීමක්
URL: https://www.citizen.lk/bbc-summoned-before-the-parliamentary-committee-on-privileges-for-revealing-details-of-the-confidential-discussion-regarding-the-anuradhapura-underage-girls-case/
Last updated: 2026-07-22T02:21:06.000Z
**July 21 (Citizen News) - අනුරාධපුරයේ බාලවයස්කාර දැරියක බරපතළ ලෙස අපයෝජනයට ලක් කිරීමේ සිද්ධියට අදාළව පැවැති පාර්ලිමේන්තු මන්ත්‍රීවරියන්ගේ සංසදයේ සාකච්ඡාවක් පිළිබඳ තොරතුරු වාර්තා කිරීම මුල්කරගනිමින්, BBC සිංහල සේවයේ මාධ්‍යවේදින් ලබන ජූලි 23 වන බ්‍රහස්පතින්දා පස්වරු 2:00 ට පාර්ලිමේන්තු වරප්‍රසාද කමිටුව හමුවට කැඳවා ඇති බව පාර්ශව කිහිපයක් Citizen.lk පුවත් වෙත තහවුරු කළා.**

මෙලෙස කැඳවීමට හේතු වී ඇත්තේ, පූජ්‍ය පල්ලේගම හේමරතන හිමියන්ට එරෙහිව පැවැත්වෙන විමර්ශන සම්බන්ධයෙන් ජාතික ළමාරක්ෂක අධිකාරිය අධිකරණයේදී දැක්වූ කරුණු සහ ඒ සම්බන්ධයෙන් මන්ත්‍රී සංසදයේදී ඇති වූ සංවාදය පිළිබඳව BBC සිංහල සේවය විසින් පළ කරන ලද විශේෂ අනාවරණයයි.

BBC සිංහල සේවය විසින් පළ කරන ලද ලිපිය පහතින්:

උපුටා ගැනීම.

## බාලවයස්කාර දැරියක අපයෝජන සිද්ධිය: මන්ත්‍රිනී සංසදයේදී ළමාරක්ෂක අධිකාරියට දොස් නැගුවා ද ?

පල්ලේගම හේමරතන හිමියන් විසින් බාලවයස්කාර දැරියක බරපතළ අපයෝජනයකට ලක් කරනු ලැබූ බව කියන සිද්ධියට අදාළ නඩුවේදී ඊට අදාළ විමර්ශන සම්බන්ධයෙන් පොලිසිය ක්‍රියා කළ ආකාරය පිළිබඳව ජාතික ළමාරක්ෂක අධිකාරිය අධිකරණය හමුවේ කළ කරුණු දැක්වීම දැඩි දෝෂ දර්ශනයට ලක් කොට ඇති බවට බීබීසීයට විශ්වසනීය මූලාශ්‍රයකින් තොරතුරු ලැබී තිබේ.

චෝදනා එල්ල වන හිමිනම අත්අඩංගුවට නොගැනීම ගැන අප්‍රසාදයක්  
මෙලෙස ජාතික ළමාරක්ෂක අධිකාරියේ ක්‍රියා කලාපය බරපතළ ලෙස විවේචනය කරමින් දෝෂදර්ශනයට ලක් කර ඇත්තේ අදාළ නඩුවේ විමර්ශන කටයුතුවල ප්‍රගතිය සහ ඉදිරි කටයුතු විමසා බැලීමට පාර්ලිමේන්තු මන්ත්‍රීවරියන්ගේ සංසදය පාර්ලිමේන්තු සංකිර්ණයේදී රැස්වූ අවස්ථාවේදී ය.

එම සංසදයේ සභාපතිනි කාන්තා හා ළමා කටයුතු පිළිබඳ අමාත්‍ය සරෝජා සාවිත්‍රි පෝල්රාජ්ගේ ප්‍රධානත්වයෙන් අදාළ රැස්වීම ජූනි 5 වන දා පවත්වා ඇති අතර ඒ සඳහා බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති සජීව මැදවත්ත, කොළඹ දිසාව භාර නියෝජ්‍ය පොලිස්පති කාලිංග අමරසිංහ, ජාතික ළමාරක්ෂක අධිකාරියේ සභාපතිනි විශ්‍රාමික මහාධිකරණ විනිසුරු ඉනෝකා රණසිංහ, එම අධිකාරියේ නීතිය බලගැන්වීමේ අධ්‍යක්ෂ නීතීඥ සජීවනී අබේකෝන්, උතුරු මැද පළාත් පරිවාස කොමසාරිස් නිර්මාණී අමරතුංග, බස්නාහිර පළාත් පරිවාස කොමසාරිස්වරිය සහ අත්තනගල්ල සහකාර පොලිස් අධිකාරිවරයා ඇතුළු බස්නාහිර පළාතේ උසස් නිලධාරින් රැසක් මෙන් ම නීතීපති දෙපාර්තමේන්තුවේ නිලධාරීන් ද කැඳවා තිබිණ.

### 'කෙවිටක් අරගෙන පොලිසිය පසුපස යාමට සිදුවූ බව ප්‍රකාශ කළේ කුමන පදනමකින් ද?'

මෙම රැස්වීම ආරම්භයේදී ම ජාතික ජන බලවේගයේ පාර්ලිමේන්තු මන්ත්‍රිනී නීතීඥ ලක්මාලි හේමචන්ද්‍ර ජාතික ළමාරක්ෂක අධිකාරියේ සභාපතිනිය සහ නීතීය බලගැන්වීමේ අධ්‍යක්ෂකවරිය අමතමින් පවසා ඇත්තේ, දැරියක දූෂණය කිරීමේ මෙම සිද්ධියට අදාළ නඩුව කැඳවූ අවස්ථාවේ ජාතික ළමාරක්ෂක අධිකාරියේ නීතීය බලගැන්වීමේ අධ්‍යක්ෂකවරිය පොලිසියේ විමර්ශන පිළිබඳව විවේචනය කරමින් කරුණු දැක්වීම තුළින් විමර්ශන නිලධාරීන් අධෛර්යවත් කර ඇති බව ය.

ආවට ගියාට කරන්න බැහැ. මොකද සාක්ෂිත් එක්ක යන්න ඕනේ' - පොලිසිය  
තමන් ද මෙම විෂය පිළිබඳව හොඳින් දන්නා බව ද ප්‍රකාශ කර ඇති නීතීඥ ලක්මාලි හේමචන්ද්‍ර මන්ත්‍රීවරිය, මසක් වැනි කෙටි කලක් තුළ සැකකරු අත්අඩංගුවට ගැනීමේ වරදක් නැති බව ප්‍රකාශ කර තිබේ.  
සැකකාර හිමි නම අත්අඩංගුවට ගැනීමට 'කෙවිටක් අරගෙන පොලිසිය පසුපස යාමට සිදුවූ' බව ප්‍රකාශ කළේ කුමන පදනමක් මත දැයි ජාතික ළමාරක්ෂක අධිකාරියේ නීතිය බලගැන්වීමේ අධ්‍යක්ෂවරියගෙන් ප්‍රශ්න කර ඇති මන්ත්‍රීවරිය සැකකාර හිමිනම අත්අඩංගුවට ගැනීම සම්බන්ධයෙන් පොලිසියට බලපෑම් එල්ල වූයේ නම් එසේ බලපෑම් කළේ කවුරුන් ද යන්න හෙළි කරන ලෙස ද ඉල්ලා තිබිණි.

ජාතික ළමාරක්ෂක අධිකාරියේ නීතීය බලගැන්වීමේ අධ්‍යෂකවරිය පොලිසියේ ක්‍රියාකලාපය විවේචනය කරමින් කළ කරුණු දැක්වීම මෙම සිද්ධිය සම්බන්ධයෙන් නිල මාධ්‍ය නිහඬ වී ඇති පසුබිමක යූටියුබ්කරුවන්ට ආයුධ සපයමින් රජය සහ පොලිසිය පිළිබඳව සමාජය තුළ වැරදි මතයක් ජනගත කිරීමට වෙර දරා ඇති බව ද ප්‍රකාශ කොට තිබේ.

### ළමාරක්ෂක අධිකාරියේ නීති අධ්‍යක්ෂවරිය චෝදනාවලට දැක්වූ ප්‍රතිචාරය

මන්ත්‍රීවරියගේ චෝදනාවලට ප්‍රතිචාර දක්වමින් ජාතික ළමාරක්ෂක අධිකාරියේ නීතිය බලගැන්වීමේ අධ්‍යක්ෂවරිය පවසා ඇත්තේ, ළමාරක්ෂක ආඥා පනතට අනුව, මෙවැනි සිද්ධියකදී වින්දිත පාර්ශවයට නිසි අයුරින් යුක්තිය ඉටු වන්නේ ද යන්න විමසා බැලීම සහ එලෙස යුක්තිය ඉටු නොවන අවස්ථාවකදී ඊට මැදිහත්වීම ජාතික ළමාරක්ෂක අධිකාරියේ ව්‍යවස්ථාපිත වගකීමක් බව ය. මෙම සිද්ධියේදී තම අධිකාරිය ඉටු කළේ එම රාජාකාරි නිල කටයුත්ත පමණක් බව ද අධ්‍යක්ෂවරිය පවසා තිබේ. සැකකාර හිමනම අත්අඩංගුවට ගැනීම සම්බන්ධයෙන් බලපෑම් කළේ කවුරුන් දැයි මන්ත්‍රී ලක්මාලි හේමචන්ද්‍ර කළ ප්‍රශ්න කිරීමට ප්‍රතිචාර දක්වමින් නීතිය බලගැන්වීමේ අධ්‍යක්ෂ සජීවනී අබේකෝන් පවසා තිබුණේ, බලපෑම් එල්ල කළේ කවුරුන් ද යන්න තමන් නොදන්නා බවත්, එහෙත්, තම අධිකාරිය මෝසමක් මගින් අධිකරණයට කරුණු දක්වා සැකකරු අත්අඩංගුවට ගන්නා ලෙස නියෝගයක් ලබාගන්නා තුරු පොලිසිය සැකකරු අත්අඩංගුවට නොගත් බවත් ය.

### බරපතළ ලිංගික අපරාධයකට ලක්වූ බව කියන 15 හැවිරිදි දැරියගේ ඇඳුම් රස පරීක්ෂක වෙත; චෝදනා එල්ලවන හිමි නම අත්අඩංගුවට නොගැනීම ගැන පොලිසිය කියන්නේ කුමක් ද?

සැකකාර හිමිනම අත්අඩංගුවට ගන්නා ලෙසට ජාතික ළමාරක්ෂක අධිකාරිය අධිකරණ නියෝග ලබා ගන්නා තුරු පොලිසිය මෙම අත්අඩංගුවට ගැනීම මසක කාලයක් මග හැරියේ යම් බලපෑමක් නිසා විය හැකි බව ද ඇය සඳහන් කර තිබේ.  
උපුටා ගැනිම අවසන්.

*මෙම ලිපිය කියවීමට පහත සබැඳිය ක්ලික් කරන්න:* [https://www.bbc.com/sinhala/articles/c621g9e5ek2o](https://www.bbc.com/sinhala/articles/c621g9e5ek2o?ref=citizen.lk)

මේ අතර BBC සිංහල සේවයේ මාධ්‍යවේදීන් පාර්ලිමේන්තු වරප්‍රසාද කමිටුවට කැඳවීමට ගෙන ඇති පියවර සහ මාධ්‍ය මර්දනයට එරෙහිව ශ්‍රී ලංකා වෘත්තීය ජනමාධ්‍යවේදීන්ගේ සංගමය (SLWJA) විසින් සිය දැඩි පිළිකුල සහ හෙළා දැකීම සම්බන්ධයෙන් මෙලෙස මාධ්‍ය නිවේදනයක් නිකුත් කර ඇත.

![](https://www.citizen.lk/content/images/2026/07/image-3.png)
### Odiliya Homes & Residencies සමූහයේ සන්නාම තානාපතිවරයා ලෙස ලසිත් මාලිංග එක් වෙයි
URL: https://www.citizen.lk/lasith-malinga-joins-the-odiliya-homes-residencies-group-as-brand-ambassador/
Last updated: 2026-07-16T06:34:08.000Z
**July 17 (Citizen News) -** ශ්‍රී ලංකාවේ සුඛෝපභෝගී නේවාසික හා දේපොළ වෙළෙදාම් ක්ෂේත්‍රයේ ප්‍රමුඛ සන්නාමයක් වන Odiliya Homes & Residencies සමූහයේ සිය නිල සන්නාම තානාපතිවරයා ලෙස ලෝක ක්‍රිකට් ක්ෂේත්‍රයේ අතිශය ජනප්‍රිය චරිතයක් වන ලසිත් මාලිංග පත් කර තිබේ. සමාගමේ ඉදිරි ප්‍රවර්ධන සැළැසුම්, ජාත්‍යන්තර වෙළෙඳපොළ ආකර්ෂණය හා සන්නාම ප්‍රතිරූපය තව දුරටත් ශක්තිමත් කිරීමේ අරමුණෙන් මෙම පත්වීම සිදු කළ බව සමාගම පවසයි. ලෝක ක්‍රිකට් ඉතිහාසයේ සුවිශේෂ පන්දු යවන්නෙකු ලෙස තම නම රන් අකුරෙන් සටහන් කළ ලසිත් මාලිංග ජයග්‍රාහී මානසිකත්වය, නවෝත්පාදනශීලී දැක්ම සහ සුවිශේෂ පෞරුෂය හේතුවෙන් ශ්‍රී ලංකාව ජාත්‍යන්තරය තුළ නියෝජනය කළ ප්‍රබල ක්‍රීඩා සන්නාමයකි. එම වටිනාකම් Odiliya Homes & Residencies සන්නාමයේ විශිෂ්ටත්වය, විශ්වාසනීයත්වය හා නවීන ජීවන රටාව පිළිබඳ දැක්ම සමඟ මනා ලෙස ගැළැපෙන බව සමාගම සඳහන් කරයි.

 "Icon යනු ශ්‍රී ලංකාවේ ප්‍රථම වතාවට දේපොළ වෙළෙදාම් සමාගමක් විසින් නිර්මාණය කරන ලද සුවිශේෂ හෝටල් ජාලයක්. මෙම Icon සන්නාමය ලෝකය පුරා රැගෙන යාමේ කාර්යභාරය සඳහා මාලිංග මහතා අප සමඟ අත් වැල් බැඳ ගෙන සිටිනවා. Icon මිරිස්ස, Icon V ගාල්ල, Icon තල්පේ යන මෙම හෝටල් ජාලය ඉදිරියේදී රට පුරා ව්‍යාප්ත වෙනවා. ක්‍රිකට් ක්‍රීඩාව තුළ Icon එකක් වූ ලසිත් මාලිංග මෙරට Icon හෝටල් ජාලයේ කීර්තිය ගෝලීයව රැගෙන යාමට එක් වීම විශේෂත්වයක්. එමඟින් ශ්‍රී ලංකාවේ දේපොළ වෙළෙඳපොළට විදේශ ආයෝජන හා විදේශ විනිමය ආකර්ෂණය වීමට වැදගත් දායකත්වයක් සැළැසෙනු ඇතැයි අපේක්ෂා කරනවා. විශිෂ්ටත්වය, නවෝත්පාදනය හා විශ්වාසනීයත්වය මූලික කර ගත් දේපොළ සංවර්ධන සන්නාමයක් ලෙස Odiliya Homes & Residencies ඉදිරියටත් ශ්‍රී ලංකාවේ සුඛෝපභෝගී ඉදි කිරීම් ක්ෂේත්‍රයට නව ප්‍රමිති හඳුන්වා දෙමින් ජාත්‍යන්තර මට්ටමේ ජීවන අත්දැකීම් සහ ඉහළ ආයෝජන අවස්ථා නිර්මාණය කිරීමේ සිය මෙහෙවර තව දුරටත් ශක්තිමත් කිරීමට බලාපොරොත්තු වෙනවා.’’ Odiliya Homes & Residencies සභාපති ජනාත් රෝහිත මහතා පැවසීය.
### කොළඹ නගරයේ Parking Fees අයකිරීම් සාමාන්‍ය පරිදි සිදුවෙනවා: සමාජ මාධ්‍ය ප්‍රචාර අසත්‍යයි - කොළඹ මහා නගර සභාව
URL: https://www.citizen.lk/parking-fees-in-the-city-of-colombo-are-being-charged-as-usual-statements-circulating-on-social-media-regarding-this-are-false-colombo-municipal-council/
Last updated: 2026-07-16T03:58:56.000Z
**July 16 (Citizen News) -** කොළඹ නගර සභා බලප්‍රදේශය තුළ වාහන නැවැතුම් ගාස්තු (Parking Fees) අයකිරීම් සිදු නොකරන බවට සමාජ මාධ්‍ය ජාලාවල සංසරණය වන ප්‍රචාර සම්පූර්ණයෙන්ම අසත්‍ය බව කොළඹ මහා නගර සභාව නිවේදනය කරයි.

පසුගියදා ඉන්ධන පිරවුම්හල් අසල පැවති අධික වාහන තදබදය හේතුවෙන් ජනතාවට සහනයක් සැලසීම පිණිස 2026 මාර්තු 18 වනදා සිට ක්‍රියාත්මක වන පරිදි වාහන නැවැතුම් ගාස්තු අයකිරීම තාවකාලිකව අත්හිටුවීමට පියවර ගෙන තිබුණි. කෙසේ වෙතත්, රජය විසින් හඳුන්වා දුන් QR කේත ක්‍රමය සහ ඔත්තේ/ඉරට්ටේ අංක ක්‍රමවේදය යටතේ ඉන්ධන බෙදාහැරීම සාර්ථක වීමත් සමඟ එම ඉන්ධන පෝලිම් මේ වන විට අවසන් වී ඇත.

මුදල් කාරක සභාවේ අනුමැතිය ඇතිව, 2026 මාර්තු 23 වනදා පෙරවරු 6.00 සිට ක්‍රියාත්මක වන පරිදි කොළඹ නගරය තුළ සාමාන්‍ය පරිදි වාහන නැවැතුම් කළමනාකරණය සහ ගාස්තු අයකිරීම් කටයුතු නැවත ආරම්භ කර ඇති බව නගර සභාව වැඩිදුරටත් දන්වා සිටියි.

### 

![](https://www.citizen.lk/content/images/2026/07/image-2.png)

***කොළඹ මහා නගර සභාවේ නිල ෆේස්බුක් පිටුවේ තබා ඇති සටහන ( ඡායාරූපය: කොළඹ මහා නගර සභාවේ නිල ෆේස්බුක් පිටුව)**

ඒ අනුව, අසත්‍ය ප්‍රචාරයන්ට නොරැවටී කොළඹ නගර සභා බලප්‍රදේශය තුළ වාහන නැවැත්වීමේ පහසුකම් භාවිතා කිරීමේදී අදාළ නියමිත නැවැතුම් ගාස්තු ගෙවීමට කටයුතු කරන ලෙස කොළඹ මහා නගර සභාව මහජනතාවගෙන් කාරුණිකව ඉල්ලා සිටීයි.
### 'Media Fest Sri Lanka 2026' කොළඹදී අති උත්කර්ෂවත් අන්දමින් පැවැත්වෙයි
URL: https://www.citizen.lk/media-fest-sri-lanka-2026/
Last updated: 2026-07-12T15:15:36.000Z
July 12 (Citizen News) -ශ්‍රී ලංකාවේ සහ ඉන්දියාවේ මාධ්‍ය ක්ෂේත්‍රයේ ප්‍රමුඛයින් රැසකගේ සහභාගීත්වයෙන් සංවිධානය කරන ලද 'Media Fest Sri Lanka 2026' මාධ්‍ය සමුළුව ඊයේ (ජූලි 11) කොළඹ, තාජ් සමුද්‍රා හෝටලයේ Grand Marquee පරිශ්‍රයේදී උත්කර්ෂවත් අන්දමින් පැවැත්විණි.

'Staying relevant in a changing world'යන තේමාව යටතේ මෙම සමුළුව සංවිධානය කර තිබුණේ ශ්‍රී ලංකා - ඉන්දු මාධ්‍ය මිත්‍රත්ව සංගමය (Sri Lanka India Media Friendship Association - SLIMFA) විසිනි.

'Media Fest Sri Lanka 2026' හි සමාරම්භක අවස්ථාව සඳහා ප්‍රධාන ආරාධිතයන් ලෙස ජනමාධ්‍ය නියෝජ්‍ය අමාත්‍ය ආචාර්ය කෞෂල්‍යා ආරියරත්න සහ ශ්‍රී ලංකාවේ ඉන්දීය මහ කොමසාරිස් සන්තෝෂ් ජා (Santosh Jha) යන මහත්ම මහත්මීන් සහභාගී වූහ. මීට අමතරව ශ්‍රී ලංකාවේ සහ ඉන්දියාවේ ජ්‍යෙෂ්ඨ මාධ්‍යවේදීන් මෙන්ම ක්ෂේත්‍රයේ ප්‍රවීණයන් රැසක් ද මෙම අවස්ථාවට එක්ව සිටියහ.

ජනමාධ්‍ය නියෝජ්‍ය අමාත්‍ය ආචාර්ය කෞෂල්‍යා ආරියරත්න මාධ්‍ය වෙත අදහස් දක්වමින්: 

> **''රජය බලාපොරොත්තු වන්නේ, ශ්‍රී ලංකාවේ ජනමාධ්‍යවේදීන්ට තම ජනමාධ්‍ය කර්මාන්තය තුළ ඉතාමත් ගෞරවනීය අන්දමින් නියැලීමට හැකි සුදුසු වටපිටාවක් සහ පරිසරයක් උදා කර දීමටයි. ශක්තිමත් ප්‍රජාතන්ත්‍රවාදයක් සඳහා වගකීම් සහගත, ස්වාධීන සහ වෘත්තීයමය මාධ්‍ය ක්ෂේත්‍රයක් අත්‍යවශ්‍ය බව අප තරයේ විශ්වාස කරනවා. අපගේ වගකීම වන්නේ ගුණාත්මක මාධ්‍ය කලාවකට වර්ධනය විය හැකි, මාධ්‍යවේදීන්ට ආරක්ෂිතව වැඩ කළ හැකි, නවෝත්පාදනයන් දිරිමත් කරන සහ නිදහස වගකීම සමඟ සමපාත වන පරිසරයක් නිර්මාණය කිරීමයි."**

 'Media Fest Sri Lanka 2026' හි ප්‍රධාන දේශකයන් ලෙස ඉන්දියාවේ ආසියානු නිව්ස් ඉන්ටර්නැෂනල් (ANI) හි ප්‍රධාන කර්තෘ සහ නියෝජ්‍ය ප්‍රධාන විධායක නිලධාරිනී ස්මිතා ප්‍රකාශ් (Smitha Prakash), ඒෂියා ගෲප් (The Asia Group) හි හවුල්කරු සහ ඉන්දීය කටයුතු අංශයේ සභාපති අශෝක් මලික් (Ashok Malik) සහ ඉන්ඩියා ටුඩේ (India Today) හි කළමනාකාර කර්තෘ මරියා ශකීල් (Maria Shakil) යන මහත්ම මහත්මීන් එක්ව සිටියහ.

කෘතිම බුද්ධිය (Artificial Intelligence) සහ සමාජ මාධ්‍ය හේතුවෙන් සමස්ත මාධ්‍ය කර්මාන්තයම ඉතිහාසයේ විශාලතම පරිවර්තනයකට ලක්වෙමින් පවතින බව මෙම උළෙලේදී දීර්ඝ ලෙස සාකච්ඡා විය. එහිදී ප්‍රවීණයන් පෙන්වා දුන්නේ, තාක්ෂණය මඟින් තොරතුරු වාර්තාකරණයේ සීමාවන් පුළුල් කර තිබුණද, "විශ්වාසනීයත්වය" (Credibility) යනු සෑම මාධ්‍ය ආයතනයකම වටිනාම වත්කම වන බවයි. තාක්ෂණික දියුණුව හමුවේ වුවද නිවැරදිභාවය (Accuracy), සාධාරණත්වය (Fairness) සහ මහජන විශ්වාසය (Public Trust) වැනි මාධ්‍ය ක්ෂේත්‍රයේ මූලික සදාචාරයන් කිසිසේත් වෙනස් නොවන බව සමුළුවේදී පැහැදිලි කෙරිණි.

CWIT, කොමර්ෂල් බැංකුව, තාජ් සමුද්‍රා හෝටලය සහ 'Media Fest Sri Lanka 2026' හි නිර්මාණශිලි සහ මහජන සබඳතා සහකරු (Creative & PR Partner) ලෙස CMN Agency ඇතුළු ප්‍රමුඛ පෙළේ ආයතන රැසක අනුග්‍රහකත්වය ඇතිව මෙම සමුළුව සාර්ථකව සංවිධානය කර තිබුණි.
### BWIO සම්මාන උළෙලේදී ආචාර්ය කේ.ඒ. බුද්ධිමා ඉන්දු අබේගුණවර්ධන Women Icon of the Year සම්මානය දිනයි
URL: https://www.citizen.lk/bwio-honours-dr-k-a-buddhima-indu-abeygunawardena-as-women-icon-of-the-year-2026/
Last updated: 2026-07-12T13:24:54.000Z
**July 12 (Citizen News)** \- ශ්‍රී ලංකාවේ ඇගැලුම් කර්මාන්තයට, මෙහෙයුම් විශිෂ්ටත්වයට, නවෝත්පාදනයට හා ආයතනික නායකත්වයට දුන් සුවිශේෂ දායකත්වය අගයමින් ආචාර්ය කේ. ඒ. බුද්ධිමා ඉන්දු අබේගුණවර්ධන Business World International Organization සංවිධානය කළ ගල්කිස්ස හෝටලයේදී පැවති BWIO 2026 සම්මාන උළෙලේදී Women Icon of the Year 2026 සම්මානයෙන් පිදුම් ලැබුවාය. වසර 25කට අධික ඇගැලුම් කර්මාන්ත අත්දැකීම් සහිත ආචාර්ය අබේගුණවර්ධන වෙළෙඳ භාණ්ඩ කළමනාකරණය, මූලාශ්‍ර කළමනාකරණය, මෙහෙයුම්, සැපැයුම් දාම කළමනාකරණය, Lean Enterprise, ක්‍රියාවලි විශිෂ්ටත්වය, Customer Interface හා ව්‍යාපාර පරිවර්තනය යන ක්ෂේත්‍රවලට කැපී පෙනෙන දායකත්වයක් සපයා තිබේ. වර්තමානයේදී ඇය ප්‍රකට ඇගැලුම් සමාගමක Consultant – Process Excellence, Customer Interface ලෙස කටයුතු කරයි.

ඇය වසර දෙකක් AIA Sri Lankaහි District Wealth Planner ලෙස MDRT ජාත්‍යන්තර පිළිගැනීම හිමි කර ගෙන ඇති අතර Blues of Natureහි සම-නිර්මාතෘවරියක ලෙස කටයුතු කරමින් තිරසාර ව්‍යාපාර සංකල්ප ප්‍රවර්ධනය කරයි. ඇය Diploma in Childcare and Psychology පාඨමාලාව විශිෂ්ට සාමාර්ථ සහිතව සම්පූර්ණ කර ඇත. ඇමරිකා එක්සත් ජනපදයේ Abraham Lincoln University වෙතින් ගෞරව ආචාර්ය උපාධියක් (ව්‍යාපාර පරිපාලනය) ලබා ඇත. Sri Lanka Institute of Apparel and Textile Technology (SLITA) වෙතින් ඩිප්ලෝමාවක්, Edith Cowan University වෙතින් MBA (International) උපාධියක්, ශ්‍රී ජයවර්ධනපුර විශ්ව විද්‍යාලයෙන් ව්‍යාපාර පරිපාලනය පිළිබඳ විද්‍යාවේදී උපාධියක් සහ Chartered Institute of Marketing (CIM–UK) වෙතින් පශ්චාත් උපාධි ඩිප්ලෝමාවක් ලබා ඇත. ඇය Chartered Marketer තත්ත්වයද හිමි කර ගෙන ඇති අතර Lean Enterprise, Supply Chain Management හා Quality Improvement සම්බන්ධ වෘත්තීය සහතික රැසක් ලබා ඇත. ඇයගේ වෘත්තීය ජීවිතය තුළ MAS Game Changer Innovation Award, Kaizen Awards කිහිපයක්, National Gold Awards for Quality and Productivity හා MDRT ජාත්‍යන්තර පිළිගැනීම ඇතුළු සම්මාන රැසක් ලබා ඇත. BWIO Women Icon of the Year 2026 සම්මානය ඇයගේ විශිෂ්ට වෘත්තීය ගමන් මඟේ තවත් සුවිශේෂ සන්ධිස්ථානයකි.
### මෙයා තමයි මාළිමාවේ 'ගෙවල් හදන පප්පා'
URL: https://www.citizen.lk/interview-dr-susil-ranasinghe/
Last updated: 2026-07-07T05:24:43.000Z
July 07 (Citizen News) - වත්මන් රජය යටතේ නිවාස හා ඉදිකිරීම් ක්ෂේත්‍රයේ පවතින ගැටලු සහ ඉදිරි ප්‍රතිසංස්කරණ පිළිබඳව ප්‍රවාහන, මහාමාර්ග හා නාගරික සංවර්ධන නියෝජ්‍ය අමාත්‍ය වෛද්‍ය සුසිල් රණසිංහ අදහස් පළ කරයි. අමාත්‍යවරයා මෙම අදහස් පල කළේ, මාධ්‍යවේදී නයන තරංග ගමගේ සමඟ පැවති සම්මුඛ සාකච්ඡාවකට එක්වෙමින්.

### අක්‍රමවත් නිවාස ව්‍යාපෘතිවල සත්‍ය තත්ත්වය

නිවාස ක්ෂේත්‍රයේ පැවති අකාර්යක්ෂමතාව සහ හිටපු අමාත්‍යවරුන්ගේ දේශපාලන ක්‍රියාකලාපය පිළිබඳව කරුණු දක්වමින් අමාත්‍යවරයා සඳහන් කළේ, පසුගිය කාලසීමාවේදී ව්‍යාපෘති 2,500ක් යටතේ නිවාස 64,000ක් ඉලක්ක කරගෙන ආරම්භ කළද, ඉන් සම්පූර්ණ කර ඇත්තේ නිවාස 11,000ක් පමණක් බවයි. විශේෂයෙන්ම නිවාස 5,000කට වැඩි ප්‍රමාණයක් අඩක් ඉදි කර අතහැර දමා ඇති බවත්, මින් බොහෝමයක් වනජීවී හා වන සංරක්ෂණ භූමිවල ඉදි කිරීම නිසා නීතිමය සහ පාරිසරික ගැටලු මතු වී ඇති බවත් ඔහු පැවසීය. මෙම ව්‍යාපෘති හරහා ජනතාව ණය බරට පත් කිරීම හැර සැබෑ නිවාස ප්‍රශ්නයට විසඳුමක් ලැබී නොමැති බව හෙතෙම අවධාරණය කළේය.

### "දේශපාලනය වරප්‍රසාදයක් නොව වගකීමක්"

තම දේශපාලන භූමිකාව සහ පෞද්ගලික ජීවිතය පිළිබඳව අදහස් දක්වමින් අමාත්‍යවරයා අවධාරණය කළේ, තමන් කිසිවිටෙකත් දේශපාලනය වරප්‍රසාදයක් ලෙස නොදකින බවයි. පක්ෂයක් විසින් පවරන ලද වගකීමක් ඉටු කිරීමට කැපවී සිටින තමන්, ඇමති ධූරය ලැබුණද තවමත් සාමාන්‍ය පුරවැසියෙකු ලෙස සරල ජීවිතයක් ගත කිරීමට ප්‍රිය කරන බව පැවසීය.

> **"දේශපාලනය කියන්නේ වරප්‍රසාදයක් නෙවෙයි, ඒක පක්ෂයක් විසින් පවරපු වගකීමක්. අපි දේශපාලනයට ආවේ පුද්ගලික වරප්‍රසාද හෝ සුඛෝපභෝගී ජීවිතයක් අපේක්ෂාවෙන් නෙවෙයි, ජනතාව වෙනුවෙන් වැඩ කරන්න."**

 දේශපාලනය යනු මීඩියා සංදර්ශනයක් නොව, ජනතාවගේ ගැටලු හඳුනාගෙන ඔවුන් සමඟ එක්ව වැඩ කිරීම බවත්, මාලිමාවේ දේශපාලන සංස්කෘතිය තුළ විනිවිදභාවය සහ ජනතා විශ්වාසය රඳවා ගැනීම අතිශය වැදගත් බවත් වෛද්‍ය සුසිල් රණසිංහ වැඩිදුරටත් පැවසීය.

**එම සංවාදය නැරඹීම සඳහා පහත සබැඳිය ක්ලික් කරන්න*:*[https://www.youtube.com/watch?v=TiOIPEywnu4&t=291s](https://www.youtube.com/watch?v=TiOIPEywnu4&t=291s&ref=citizen.lk)
### IIHS Biological Foundation Programme සාමාන්‍ය පෙළෙන් පසු ගෝලීය සෞඛ්‍ය වෘත්තිවලට නව මාවතක් විවර කරයි
URL: https://www.citizen.lk/iihs-biological-foundation-programme-opens-multiple-global-pathways-after-o-ls/
Last updated: 2026-07-07T04:21:28.000Z
**July 07 (Citizen News) -** සාමාන්‍ය පෙළ විභාගයෙන් පසු අධ්‍යාපන හා වෘත්තීය ගමන් මඟ පිළිබඳව නිවැරැදි තීරණයක් ගැනීම සිසුන්ට හා දෙමාපියන්ට ඇති ප්‍රධාන අභියෝගයකි. එවැනි පසුබිමක සෞඛ්‍යය, ජීව විද්‍යාව, ක්‍රීඩා විද්‍යාව, සෞඛ්‍ය කළමනාකරණය හා සෞඛ්‍ය තාක්ෂණය පිළිබඳ වෘත්තියක් අපේක්ෂා කරන සිසුන්ට International Institute of Health Sciences (IIHS) හඳුන්වා දෙන Biological Foundation Programme ගෝලීය අධ්‍යාපන හා වෘත්තීය අවස්ථා වෙත යොමු කරන සැළැසුම්සහගත ආරම්භක මාවතක් ලෙස සැළැකේ. වසර 20කට අධික කාලයක් පුරා දේශීය හා ජාත්‍යන්තර සෞඛ්‍ය ක්ෂේත්‍රයට දක්ෂ වෘත්තිකයන් බිහි කර ඇති IIHS මෙම වැඩසටහන හරහා සාමාන්‍ය පෙළෙන් පසු උපාධි අධ්‍යාපනය, උසස් අධ්‍යාපනය හා ජාත්‍යන්තර රැකියා අවස්ථා ඉලක්ක කර ගත් ක්‍රමානුකූල අධ්‍යාපනික ගමන් මඟක් සිසුන්ට සපයයි.

මෙම වැඩසටහන සෞඛ්‍ය සේවය, ක්‍රීඩා විද්‍යාව, සෞඛ්‍ය කළමනාකරණය හා සෞඛ්‍ය තොරතුරු තාක්ෂණය යන ප්‍රධාන ක්ෂේත්‍ර හතර ආවරණය කරයි. Nursing, Biomedical Sciences, Physiotherapy, Psychology, Pharmacy, Paramedical Sciences, Nutritional Medicine, Lifestyle Medicine හා Aged Care මෙන්ම Sport and Exercise Science, Sports Nutrition, Sports Psychology, Public Health, Global Health Management, Health Administration, Digital Health, Health Informatics හා Big Data Analysis වැනි අනාගතයට වැඩි ඉල්ලුමක් ඇති විෂය ක්ෂේත්‍ර රැසකට මෙම වැඩසටහනෙන් පදනම සකසයි. IIHS Multiversityහි උපකුලපතිනි ආචාර්ය රේණුකා ජයතිස්ස සඳහන් කළේ සෞඛ්‍ය ක්ෂේත්‍රයේ අනාගතය තනි වෘත්තියකට සීමා නොවන බවත්, ගෝලීය සෞඛ්‍ය පද්ධතිවලට බහුවිධ දැනුමෙන් සන්නද්ධ වෘත්තිකයන්ගේ ඉල්ලුම වේගයෙන් ඉහළ යන බවත්ය. එම නිසා සාමාන්‍ය පෙළෙන් පසු නිවැරැදි අධ්‍යාපන මාවතකට පිවිසීමෙන් සිසුන්ට කාලය ඉතිරි කර ගනිමින් සාමාන්‍ය හා ගෞරව උපාධි, ශාස්ත්‍රපති හා ආචාර්ය උපාධි දක්වා අධ්‍යාපන ප්‍රගතියක් අත්කර ගැනීමට හැකි බව ඇය පැවසුවාය. IIHS Biological Foundation Programme මඟින් ඇමරිකා එක්සත් ජනපදය, එක්සත් රාජධානිය, ඕස්ට්‍රේලියාව, කැනඩාව, නවසීලන්තය, යුරෝපය හා මැද පෙරදිග ඇතුළු රටවල අධ්‍යාපනය හා වෘත්තීය අවස්ථා සඳහා මං විවර වන අතර සෞඛ්‍ය හා විද්‍යා ක්ෂේත්‍රයේ ජාත්‍යන්තර වෘත්තීය ජීවිතයක් අපේක්ෂා කරන තරුණ පරපුරට අනාගතය ගොඩ නගා ගැනීමට ශක්තිමත් පදනමක් සපයන වැඩසටහනක් ලෙස IIHS එය හඳුන්වා දෙයි.
### මන්නාරම මෙගාවොට් 50ක සුළං විදුලි බලාගාරයේ අවසාන ටර්බයින තොගය  දිවයිනට
URL: https://www.citizen.lk/final-batch-of-turbines-for-the-50mw-mannar-wind-power-plant-arrives-in-the-country/
Last updated: 2026-07-06T07:41:35.000Z
**July 06 (Citizen News) -** මන්නාරම 50 MW HayWind සුළං විදුලි බලාගාරයට අවශ්‍ය අවසාන ටර්බයින තොගය ත්‍රිකුණාමල වරායට ළඟා වී තිබෙනවා.

2026 ජනවාරි මාසයේදී ජනපති අනුර කුමාර දිසානායකගේ ප්‍රධානත්වයෙන් මෙහි ඉදිකිරීම් කටයුතු නිල වශයෙන් ආරම්භ කෙරුණු අතර, සැලසුම් කර ඇති පරිදි 2027 මාර්තු වන විට මෙහි සමස්ත ඉදිකිරීම් අවසන් කර මෙගාවොට් 50ක ධාරිතාවක් ජාතික විදුලිබල පද්ධතියට එක් කිරීමට නියමිත බවයි වාර්තා වන්නේ.

ඒ අනුව වාර්ෂිකව රුපියල් බිලියන 4.7ක පමණ විදේශ විනිමය රටට ඉතිරි කර ගැනීමට හැකි වන අතර 2030 වසර වන විට මෙරට ජාතික විදුලිබල පද්ධතියෙන් 70%ක් පුනර්ජනනීය බලශක්ති ප්‍රභවයන්ගෙන් සපුරා ගැනීමේ ජාතික ඉලක්කය සපුරා ගැනීමට මෙම ව්‍යාපෘතිය විශාල පිටුවහලක් වන බව වැඩිදුරටත් වාර්තා වනවා.
### මීගමුව බන්ධනාගාරයේ ඇති වූ නොසන්සුන්තාවයෙන් 25 දෙනෙකු මිය ගොස් 100 කට වැඩි පිරිසක් තුවාල ලබයි
URL: https://www.citizen.lk/nineteen-people-died-and-over-60-were-injured-in-the-unrest-at-negombo-prison/
Last updated: 2026-07-06T07:35:29.000Z
**July 06 (Citizen News) -** මීගමුව බන්ධනාගාරයේ අද උදෑසන ඇති වූ නොසන්සුන්තාවයෙන් මියගිය සංඛ්‍යාව 25 දක්වා ඉහළ ගොස් ඇති අතර මියගිය අය අතර බන්ධනාගාර නිලධාරීන් සිව්දෙනෙකු සහ රැඳවියන් සිව්දෙනෙකු ඇතුළත් වන බවයි වාර්තා වන්නේ.

100 කට වැඩි පිරිසක් තුවාල ලබා ඇති බවත්, ඒ අතර වැඩි දෙනෙක් බන්ධනාගාර සහ ආරක්ෂක නිලධාරීන් වනවා.

මේ වන විට බන්ධනාගාර නිලධාරීන්, පොලීසිය සහ විශේෂ කාර්ය සාධක බලකායේ නිලධාරීන් එක්ව තත්ත්වය සම්පූර්ණයෙන්ම පාලනය කර ඇති බවයි වාර්තා වන්නේ.
### IIHS වසර 25ක සෞඛ්‍ය අධ්‍යාපන විශිෂ්ටත්වය සමරමින් සෞඛ්‍ය වෘත්තිකයන් 650කට අධික පිරිසකට උපාධි පිරිනමයි
URL: https://www.citizen.lk/iihs-celebrates-graduation-of-650-healthcare-professionals-marking-25-years-of-healthcare-training-excellence/
Last updated: 2026-07-04T07:06:13.000Z
**July 04 (Citizen News) -** ශ්‍රී ලංකාවේ ප්‍රමුඛතම සෞඛ්‍ය අධ්‍යාපන ආයතනයක් වන International Institute of Health Sciences (IIHS) සිය 2026 උපාධි ප්‍රදානෝත්සවයේදී සෞඛ්‍ය වෘත්තිකයන් 650කට අධික පිරිසකට උපාධි හා වෘත්තීය සුදුසුකම් පිරිනමමින් සෞඛ්‍ය අධ්‍යාපන ක්ෂේත්‍රයේ වසර 25ක සුවිශේෂ ගමන් මඟ සනිටුහන් කළේය. මෙම උත්සවය ජූනි 24 රාගම Wave & Lake Banquet Hallහිදී උත්කර්ෂවත් ලෙස පැවැත්විණි. උත්සවයේ ප්‍රධාන ආරාධිතයා ලෙස එක්සත් රාජධානියේ University of Surreyහි Health and Biomedical Informaties පිළිබඳ මහාචාර්ය නොෆාර් ගයිෆ්මන් සහභාගි වූ අතර අනාගත සෞඛ්‍ය සේවාව ගොඩ නැගීමට නවෝත්පාදනය, තතාක්ෂණය, පර්යේෂණ සහ බහුවිෂය සහයෝගීතාවේ වැදගත්කම ඔහු අවධාරණය කළේය. මෙවර උපාධි ප්‍රදානයේදී Foundation, Diploma, Advanced Diploma, Bachelor's සහ Master's මට්ටමේ වැඩසටහන් සාර්ථකව නිම කළ සිසුන්ට සුදුසුකම් පිරිනැමිණි. Foundation in Biological Sciences, Diploma in General Nursing, Biomedical Sciences, Physiotherapy හා General Nursing පිළිබඳ Advanced Diploma මෙන්ම ජාත්‍යන්තර විශ්ව විද්‍යාල සමඟ අනුබද්ධ උපාධි හා පශ්චාත් උපාධි වැඩසටහන්ද ඊට ඇතුළත් විය. 

![](https://www.citizen.lk/content/images/2026/07/C--1-.jpg)

මෙවර උපාධි ප්‍රදානෝත්සවයේ කැපී පෙනෙන සන්ධිස්ථානය වූයේ IIHS Professional Bachelor's වැඩසටහන්වල පළමු කණ්ඩායම් උපාධි ලැබීමයි. Nursing, Public Health, Dertal Therapy and Oral Hygiene හා Public Health and Midwifery යන ක්ෂේත්‍රවල සිසුහු 227 දෙනෙක් Professional Bachelor's උපාධි හිමි කර ගත්හ. පසුගිය වසර 25 තුළ IIHS සාම්ප්‍රදායික සෞඛ්‍ය අධ්‍යාපන ආයතනයක් ඉක්මවා ගොස් Global Airport for Healthcare Careers ලෙස ගෝලීය සෞඛ්‍ය වෘත්ති සඳහා පිවිසුම් දොරටුවක් බවට පත් වී ඇත. එහි ජාත්‍යන්තර ප්‍රමිතියේ අධ්‍යාපන වැඩසටහන්, ගෝලීය විශ්ව විද්‍යාල හවුල්කාරිත්ව හා කර්මාන්තය පිළිගත් සුදුසුකම් හේතුවෙන් IIHS සහතික ලොව පුරා උසස් අධ්‍යාපනය, වෘත්තීය ලියාපදිංචිය, රැකියා සහ සංක්‍රමණ අවස්ථා සඳහා පිළිගැනෙන “ගෝලීය ගමන් බලපත්‍රයක්" බවට පත් වී තිබේ. මේ වන විට IIHS රාජ්‍ය හා පෞද්ගලික සෞඛ්‍ය අංශ සඳහා හෙද හා සෞඛ්‍ය වෘත්තිකයන් 5,000කට අධික පිරිසක් පුහුණු කර ඇති අතර එහි උපාධිධාරීහු 2,500කට වැඩි පිරිසක් එක්සත් රාජධානිය, ඕස්ට්‍රේලියාව, නවසීලන්තය, කැනඩාව, ඇමරිකා එක්සත් ජනපදය, මැද පෙරදිග ඇතුළු රටවල සෞඛ්‍ය සේවාවල නිරත වී සිටිති. උත්සවය අමතමින් IIHS සම-නිර්මාතෘ සහ ප්‍රධාන විධායක නිලධාරී වෛද්‍ය කිත්සිරි එදිරිසිංහ සඳහන් කළේ වසර 25ක් පුරා IIHS ආයතනය සෞඛ්‍ය අධ්‍යාපනය තුළ නවෝත්පාදනයට නායකත්වය දෙමින් සිසුන්ට ලෝකය ජය ගැනීමට අවශ්‍ය දැනුම, කුසලතා හා ජාත්යන්තර අවස්ථා සපයන ගෝලීය වේදිකාවක් බවට පත් වී ඇති බවයි. IIHS Graduation 2026 එම ගමන් මඟේ තවත් සුවිශේෂ සන්ධිස්ථානයක් ලෙස සනිටුහන් වූ අතර නව උපාධිධාරීන් ලොව පුරා සෞඛ්‍ය සේවාවට, අධ්‍යාපනයට හා ප්‍රජා සංවර්ධනයට දායක වන IIHS ගෝලීය පවුලට එක් වීමද එමඟින් සනිටුහන් විය.
### හිටපු නාවික හමුදාපති වසන්ත කරන්නාගොඩ අත්අඩංගුවට
URL: https://www.citizen.lk/former-navy-commander-wasantha-karannagoda-arrested/
Last updated: 2026-07-03T08:24:30.000Z
July 03 (Citizen News) - හිටපු නාවික හමුදාපති අද්මිරාල් ඔෆ් ද ෆ්ලීට් වසන්ත කරන්නාගොඩ අල්ලස් කොමිසම මගින් අත්අඩංගුවට ගෙන තිබෙනවා.

ඒ 2006 දී ශ්‍රී ලංකා නාවික හමුදාවට යෝෂිත රාජපක්ෂ බඳවා ගැනීම සම්බන්ධ චෝදනා මත වන බවයි වාර්තා වන්නේ. 

ඒ අනුව යෝෂිත රාජපක්ෂ කැඩෙට් විධායක නිලධාරියෙකු ලෙස බඳවා ගැනීම සඳහා අවශ්‍ය සුදුසුකම් සපුරා නොතිබුණද, එම තනතුරට බඳවා ගැනීම සම්බන්ධයෙන් කරන ලද චෝදනා මත සහ ස්ථාපිත බඳවා ගැනීමේ ක්‍රියා පටිපාටිවලින් බැහැරව, පසුව රාජ්‍ය වියදමින් එක්සත් රාජධානියේ රාජකීය නාවික ඇකඩමියේ පුහුණු වැඩසටහනකට සහභාගී වීමට රාජපක්ෂට පහසුකම් සැලසීම යන චෝදනා මත මෙලෙස අත්අඩංගුවට ගෙන ඇති අතර ඔහු කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමට නියමිතය.
### කොළඹ ප්‍රාදේශීය ලේකම් කාර්යාල සඳහා විද්‍යුත් ගෙවීම් පහසුකම්
URL: https://www.citizen.lk/electronic-payment-facilities-for-colombo-divisional-secretariat-offices/
Last updated: 2026-07-03T08:16:30.000Z
July 02 (Citizen News) - රජයේ ඩිජිටල්කරණ ව්‍යාපෘතීන්ට අනුව අද සිට කොළඹ දිස්ත්‍රික්කයේ සියලුම ප්‍රාදේශීය ලේකම් කාර්යාලවලදී මහජනතාවට ක්‍රෙඩිට් සහ ඩෙබිට් කාඩ්පත් භාවිතයෙන් ගෙවීම් සිදු කළ හැකි වන පරිදි පහසුකම හඳුන්වා දී තිබෙනවා.

අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් මෙම නව පහසුකම තිඹිරිගස්යාය ප්‍රාදේශීය ලේකම් කාර්යාලයේදී නිල වශයෙන් දියත් කර ඇති බවයි වාර්තා වන්නේ.
### සීනි අන්තර්ගත පාන සඳහා වර්ණ සංකේත ලේබල් කිරීමේ නව සංශෝධන ගැසට් කෙරේ
URL: https://www.citizen.lk/new-amendments-regarding-color-coded-labeling-for-sugar-sweetened-beverages-have-been-gazetted/
Last updated: 2026-07-03T08:08:35.000Z
July 02 (Citizen News) - 1980 අංක 26 දරන ආහාර පනතේ 32 වන වගන්තිය යටතේ සීනි අන්තර්ගත දියර ආහාර සඳහා වර්ණ සංකේත ලේබල් කිරීමේ නියෝග සංශෝධනය කරමින්, අතිවිශේෂ ගැසට් නිවේදනයක් නිකුත් කර තිබෙනවා.

ඒ අනුව මිලිලීටර් 100 ක සීනි ග්‍රෑම් 08කට වැඩි බීම සඳහා රතු වර්ණයත්, ග්‍රෑම් 2.5 සිට 8.0 දක්වා ඇම්බර් වර්ණයත්, ග්‍රෑම් 2.5 ට අඩු බීම සඳහා කොළ වර්ණයත් යොදාගත යුතු බවට නව උපලේඛනයේ සඳහන් වනවා.

මෙහිදී සීනි අන්තර්ගත දියර ආහාරවල ඇසුරුම් මත ප්‍රදර්ශනය කළ යුතු රතු, ඇම්බර් සහ කොළ වර්ණ සංකේත ලාංඡනවල සැලසුම සහ ප්‍රදර්ශන ආකාරය පිළිබඳ නව නියමයන්ද හඳුන්වා දී තිබෙනවා.

![](https://www.citizen.lk/content/images/2026/07/6a470e58bf2d6pdf_page_2.jpeg)
### ජූලි 6 සිට බස් ගාස්තු ඉහළට
URL: https://www.citizen.lk/bus-fares-to-increase-from-july-6/
Last updated: 2026-07-01T15:05:17.000Z
​July 01 (Citizen News) - ජූලි 6 වන දින සිට අවම පෞද්ගලික බස් ගාස්තුව ඉහළ නැංවීමට ජාතික ගමනාගමන කොමිෂන් සභාව සහ ලංකා පෞද්ගලික බස් හිමියන්ගේ සංගමය එකඟ වී තිබෙනවා. 

ඒ අනුව අවම පෞද්ගලික බස් ගාස්තුව රුපියල් 30 සිට 34 දක්වා වැඩි කරන බව LPBOA සභාපති ගැමුණු විජේරත්න ප්‍රකාශ කර තිබෙනවා.

කිලෝමීටර 100 දක්වා ගමන් සඳහා ගාස්තු 12% කින් වැඩි කිරීමත්, කිලෝමීටර 100 ඉක්මවන ගමන් සඳහා වන ගාස්තු 20% කින් වැඩි කිරීමටත් එකඟ වූ බවයි වාර්තා වන්නේ.

තවද සුඛෝපභෝගී බස් සේවා සඳහා, කිලෝමීටර 100 ට අඩු ගමනාන්ත සඳහා වූ බස් ගාස්තු 12% කින් සහ කිලෝමීටර 100 ට වැඩි ගමනාන්ත සඳහා 15% කින්ද වැඩි කෙරෙන බව වැඩිදුරටත් සඳහන්.
### තහනම් පිරමීඩ සමාගම් පිළිබඳව ශ්‍රී ලංකා මහ බැංකුවෙන් නිවේදනයක්
URL: https://www.citizen.lk/central-bank-of-sri-lanka-issues-statement-on-banned-pyramid-schemes/
Last updated: 2026-07-01T14:44:30.000Z
​July 01 (Citizen News) - 1988 අංක 30 දරන බැංකු පනතේ 83 (C) වගන්තියට අනුව, සංශෝධිත පරිදි, ශ්‍රී ලංකා මහ බැංකුව පරීක්ෂණයක් පවත්වා, “ඉන්ෆිනිටි රෝවර් (පුද්ගලික) සමාගම” තහනම් යෝජනා ක්‍රමයක නියැලී, මෙහෙයවා සහ ප්‍රවර්ධනය කර ඇති බවට මහ බැංකුව නිවේදනය කර තිබෙනවා.

ඒ අනුව සංශෝධිත 1988 අංක 30 දරන බැංකු පනතේ 83 (C) වගන්තිය යටතේ පහත සඳහන් සමාගම් තහනම් යෝජනා ක්‍රම ලෙස හඳුනාගෙන ඇති බවටත් එලෙස තහනම් කර ඇති සහ එවැනි තහනම් යෝජනා ක්‍රමවලට සහභාගී වීමෙන් වැළකී සිටින ලෙසත්, ප්‍රවේශම් වන ලෙසත් මහ බැංකුව මහජනතාවගෙන් ඉල්ලා සිටිනවා.

1. Tiens Lanka Health Care (Pvt) Ltd
2. Best Life International (Pvt) Ltd
3. Mark – Wo International (Pvt) Ltd
4. V M L International (Pvt) Ltd
5. Global Lifestyle Lanka (Pvt) Ltd
6. Fast3Cycle International (Pvt) Ltd
7. Sport Chain app, Sport Chain zs society Sri Lanka
8. OnmaxDT
9. MTFE App, MTFE SL Group, MTFE Success Lanka, MTFE DSCC Group
10. Fastwin (Pvt) Ltd
11. Fruugo Oline App/ Fruugo Oline (Pvt) Ltd
12. Ride to Three Freedom (Pvt) Ltd
13. Qnet/ Questnet
14. Era Miracle (Pvt) Ltd. And Genesis Business School
15. Ledger Block
16. Isimaga International (Pvt) Ltd
17. Beecoin App and Sunbird Foundation
18. Windex Trading
19. The Enrich Life (Pvt) Ltd
20. Smart Win Entrepreneur (Pvt) Ltd
21. Net Fore International (Pvt) Ltd./ Netrrix
22. Pro Care (Pvt) Ltd., Shade of Procare (Pvt) Ltd
23. SGO/sgomine.com
24. I.C.A.N. Advertising (Pvt) Ltd and its affiliates icanonlineadvertising.com/bannercuts.com/bannercuts.lk/bannercusts.net/bannercuts.org
25. Infinity Rover (Pvt) Ltd
### මතින් මිදුණු තරුණ පරපුරට පෞද්ගලික අංශයේ ස්ථීර රැකියා අවස්ථා
URL: https://www.citizen.lk/an-opportunity-for-rehabilitated-youth-to-replace-400-000-foreign-labor-vacancies/
Last updated: 2026-07-01T14:23:12.000Z
​July 01 (Citizen News) - මත්ද්‍රව්‍ය වලට ඇබ්බැහි වී, ඉන් පූර්ණ ලෙස පුනරුත්ථාපනය වූ තරුණ තරුණියන් වෘත්තීමය ශ්‍රමිකයන් ලෙස පෞද්ගලික අංශයේ ස්ථීර රැකියා සඳහා යොමු කිරීමේ විශේෂ ඒකාබද්ධ වැඩසටහනක් කර්මාන්ත සහ ව්‍යවසායකත්ව සංවර්ධන අමාත්‍යාංශය අද (30) නිල වශයෙන් ආරම්භ කර තිබෙනවා.

​ඒ අනුව මේ වනවිට දේශීය කර්මාන්ත ක්ෂේත්‍රයේ (ඉදිකිරීම්, ටයිල්, පාවහන්, සම්භාණ්ඩ, ඔටෝ මොබයිල් ඇතුළු) පවතින ලක්ෂ හතරකට අධික රැකියා පුරප්පාඩු සඳහා විදේශීය ශ්‍රමිකයන් ගෙන්වනවා වෙනුවට, අපේම රටේ පුනරුත්ථාපනය වූ තරුණ ශ්‍රම බලකාය ක්‍රමවත් පුහුණුවක් යටතේ මේ සඳහා දායක කරගැනීම මෙම වැඩසටහනේ අරමුණ වනවා.

පුනරුත්ථාපනය කරන ලද තරුණ තරුණියන්ට ව්‍යුහගත වෘත්තීය පුහුණුවක් සහ රැකියා අවස්ථා ලබා දීමෙන්, විදේශීය ශ්‍රමය මත යැපීම වෙනුවට ශ්‍රී ලාංකික ශ්‍රමිකයන් යොදා ගනිමින් පවතින පුරප්පාඩු පිරවීමට මෙම වැඩසටහන අපේක්ෂා කරන බව අමාත්‍යවරයා වැඩිදුරටත් සඳහන් කර තිබෙනවා.

මෙම මුලපිරීම ජාතික අන්තරායකර ඖෂධ පාලන මණ්ඩලය, පුනරුත්ථාපන කාර්යාංශය, තෘතීයික හා වෘත්තීය අධ්‍යාපන හා පුහුණු අංශය සහ කර්මාන්ත අමාත්‍යාංශය සමඟ ඒකාබද්ධව ක්‍රියාත්මක කෙරේ.
### රාජ්‍ය නිලධාරීන්ට, සිය වත්කම් හා බැරකම් වාර්තා ඉදිරිපත් කිරීමට ලබා දී තිබූ කාලය දීර්ඝ කෙරේ
URL: https://www.citizen.lk/the-time-given-to-public-officials-to-submit-their-assets-and-liabilities-reports-has-been-extended/
Last updated: 2026-06-30T11:07:15.000Z
June 30 (Citizen News) - වත්කම් සහ බැරකම් ප්‍රකාශ ඉදිරිපත් කිරීමට නොහැකි වූ රාජ්‍ය නිලධාරීන් සඳහා එම වාර්තා ඉදිරිපත් කිරීමට ලබා දී තිබූ කාලය සතියකින් දීර්ඝ කර ඇති බවට අල්ලස් හෝ දූෂණ චෝදනා විමර්ශන කොමිෂන් සභාව අද නිවේදනය කර තිබෙනවා.

ඒ අනුව ජූලි 7 වන දින මධ්‍යම රාත්‍රි 12.00 දක්වා අදාළ ප්‍රකාශ ගොනු කළ හැකි බවත් අදාළ කාලය තුළ දඩ අය කිරීමක් සිදු නොකරන බවයි එම කොමිෂන් සභාව සඳහන් කරන්නේ.

තාක්ෂණික දෝෂ හේතුවෙන් ලියාපදිංචි වීමේ ක්‍රියාවලිය සම්පූර්ණ කිරීමට නොහැකි වූ රාජ්‍ය නිලධාරීන්ට ඔවුන්ගේ වත්කම් සහ බැරකම් ප්‍රකාශ සම්පූර්ණ කිරීම සඳහා මෙලෙස සහන කාලයක් හඳුන්වා දුන් බව අල්ලස් කොමිසම වැඩිදුරටත් නිවේදනය කර තිබෙනවා.
### NLB හිටපු සභාපතිනිය අත්අඩංගුවට
URL: https://www.citizen.lk/former-nlb-chairwoman-arrested/
Last updated: 2026-06-30T10:38:24.000Z
June 30 (Citizen News) - ජාතික ලොතරැයි මණ්ඩලයේ හිටපු සභාපතිවරියක වන ශ්‍යාමිලා පෙරේරා අල්ලස් හෝ දුෂණ චෝදනා විමර්ශන කොමෂන් සභාව මඟින් මීට සුළු මොහොතකට පෙර අත්අඩංගුවට ගෙන තිබේ. 

ඒ ඇය ජාතික ලොතරැයි මණ්ඩලයේ සභාපතිවරියව සිටි සමයේ සේවයට බඳවාගන්නා ලද නිලධාරීන් තිදෙනෙකු එම ආයතනයේ සේවයට නොයොදවා එවකට අමාත්‍ය රවී කරුණානායකගේ කාර්යාල මණ්ඩලයේ සේවයට යෙදවීම තුළින් දුෂණය නැමැති වරද සිදුකිරීමේ චෝදනාවට අදාළවය.
### දේශපාලන (පක්ෂ) අවකාශ අපරාධකරුවන් අතට පත්වීම සහ ප්‍රජාතන්ත්‍රවාදයේ අපරාධීය ස්වරූප
URL: https://www.citizen.lk/the-capture-of-political-party-spaces-by-criminals-and-the-criminal-forms-of-democracy/
Last updated: 2026-06-30T06:33:01.000Z
June 30 (Citizen News) - ප්‍රජාතන්ත්‍රවාදයක මූලික පදනම වන්නේ නිදහස් හා සාධාරණ මැතිවරණ, නීතියේ ආධිපත්‍ය, සහ දේශපාලන පක්ෂ අතර සාමකාමී තරගයකි. එහෙත් ශ්‍රී ලංකාවේ දේශපාලන ඉතිහාසය විමසා බැලූ විට, මෙම ප්‍රජාතන්ත්‍රවාදී පදනම් බොහෝ අවස්ථාවල බිඳ වැටුණු බව පැහැදිලි වේ. මැතිවරණ යනු ජනතා කැමැත්ත ප්‍රකාශ කරන ක්‍රියාවලියක් විය යුතු වුවද, දීර්ඝ කාලයක් එය බලය සඳහා වූ ප්‍රචණ්ඩ ගැටුමක් බවට පත්ව තිබුණි.

විශේෂයෙන් 1977 න් පසු දේශපාලන තරගය වඩාත් ප්‍රචණ්ඩ ස්වභාවයක් ගත්තේය. මැතිවරණ ප්‍රචණ්ඩත්වය, ඡන්ද මංකොල්ලය, විරුද්ධ පක්ෂ ක්‍රියාකාරීන්ට පහරදීම, නිවාස ගිනි තැබීම, රාජ්‍ය සම්පත් දේශපාලන වාසිය සඳහා යොදා ගැනීම සහ බලයට පත් පක්ෂය විසින් විරුද්ධ මතධාරීන්ට රාජ්‍ය සේවා හා වරප්‍රසාද අහිමි කිරීම සාමාන්‍ය දේශපාලන සංසිද්ධි බවට පත් විය. 1982 ජනමත විචාරණය, 1988–89 කාලය සහ 1999 වයඹ පළාත් සභා මැතිවරණය වැනි අවස්ථා ශ්‍රී ලංකාවේ මැතිවරණ ඉතිහාසයේ අඳුරු පරිච්ඡේද ලෙස සැලකේ.

2015 න් පසු පැවති මැතිවරණ කිහිපයකදී සාපේක්ෂව නිදහස් හා සාමකාමී තත්ත්වයක් වර්ධනය වූ බව පිළිගත හැකිය. එය මැතිවරණ කොමිෂන් සභාවේ ස්වාධීනත්වය, සිවිල් සමාජීය ක්‍රියාකාරීත්වය සහ ජනමාධ්‍ය සහ සමාජ මාධ්‍ය වැනි සාධකවල ප්‍රතිඵලයකි. එහෙත්, මැතිවරණ ප්‍රචණ්ඩත්වය අඩුවීමෙන් පමණක් දේශපාලන පද්ධතියේ ගැඹුරු අර්බුදය විසඳී නොමැති බව පෙනෙයි.

අද වන විට වඩාත් බරපතළ ගැටලුව වන්නේ දේශපාලන පක්ෂ අපරාධකරණයට (criminalization of political parties) ලක්වීම ය. මෙය නූතන දේශපාලන විද්‍යාවේ පුළුල් ලෙස සාකච්ඡා වන සංකල්පයකි. එහි අර්ථය වන්නේ සංවිධානාත්මක අපරාධකරුවන්, මත්ද්‍රව්‍ය ජාවාරම්කරුවන්, කප්පම්කරුවන්, මූල්‍ය වංචාකරුවන් සහ ප්‍රචණ්ඩ කණ්ඩායම් දේශපාලන පක්ෂවලට ඇතුළුවී, ඒවායේ තීරණ ගැනීමේ බලයට හා අපේක්ෂකයන් තේරීමේ ක්‍රියාවලියට බලපෑම් කිරීමයි. මෙහිදී දේශපාලන පක්ෂ යනු අපරාධකරුවන් විසින් පාලනය කරනු ලබන ක්ෂේත්‍රයක් බවට පත්වන අතර, අනෙක් අතට අපරාධකරුවන් දේශපාලනය සිය ස්වයං ආරක්ෂාව සඳහා භාවිතා කරන බව පෙනෙයි. .

මෙය එක් පක්ෂයකට පමණක් සීමා වූ ගැටලුවක් නොවේ. ඉතිහාසය පුරාම විවිධ ප්‍රධාන පක්ෂ අපරාධ චෝදනා ලැබූ පුද්ගලයන්ට නාමයෝජනා ලබා දී තිබේ. ප්‍රාදේශීය මට්ටමේ සිට ජාතික මට්ටම දක්වා "ජයග්‍රහණය කළ හැකි" පුද්ගලයා යන නිර්ණායකය, එම පූද්ගලයන් ගේ නීතිගරුකභාවය හෝ සදාචාරය ඉක්මවා ගොස් ඇත. මේ හේතුවෙන් දේශපාලනයේ සදාචාරාත්මක පදනම ක්‍රමයෙන් දුර්වල වී තිබේ.

අදවන විට අපට දකින්නට අසන්නට ලැබෙන, ඇතැම් දේශපාලනඥයන්ට සම්බන්ධ පුද්ගලයන්, දේශපාලන නායකයන් සහ පාතාල කණ්ඩායම් අතර පැවති බව කියන මූල්‍ය ගනුදෙනු පිළිබඳ පරීක්ෂණ සහ මාධ්‍ය වාර්තා, දේශපාලනය සහ සංවිධානාත්මක අපරාධ අතර සම්බන්ධතා පිළිබඳ බරපතළ ප්‍රශ්න මතු කරයි. කෙසේ වෙතත්, එවැනි සිද්ධීන් සම්බන්ධයෙන් අවසාන අධිකරණ තීරණයක් හෝ නිල විමර්ශන නිගමනයක් ලැබෙන තුරු කිසිදු පුද්ගලයෙකු වරදකරු ලෙස සැලකිය නොහැකි බව නීතියේ මූලධර්මය අනුව සිහිපත් කළ යුතුය. එහෙත්, එවැනි චෝදනා නැවත නැවතත් මතුවීම පවා දේශපාලන පද්ධතියේ පවතින ව්‍යුහාත්මක දුර්වලතාවය පිළිබඳ සංඥා ලබා දෙයි.

ඉතාලි දේශපාලන විද්‍යාඥයන් සහ අපරාධ විද්‍යා පර්යේෂකයන් පෙන්වා දෙන්නේ, අපරාධකරුවන්ගේ සංවිධාන දේශපාලනයට ඇතුළු වන්නේ නීතියෙන් ආරක්ෂාවීමට, රාජ්‍ය කොන්ත්‍රාත්තු ලබාගැනීමට, පොලිස් බලපෑම් වලින් බේරීමට සහ ආර්ථික වාසි ලබා ගැනීම සඳහා බවයි. අනෙක් අතට, දේශපාලනඥයන් ද ඔවුන්ගේ මුදල්, ප්‍රචණ්ඩ බලය සහ ඡන්ද සංවිධාන කිරීමේ හැකියාව භාවිත කරති. මෙය දෙපාර්ශ්වයටම ප්‍රයෝජනවත් සන්ධානයක් බවට පත්වේ.

මෙවැනි තත්ත්වයක් දිගටම පැවතුණහොත්, ජනතාවගේ දේශපාලන පක්ෂ පිළිබඳ විශ්වාසය බිඳ වැටේ. ප්‍රජාතන්ත්‍රවාදය පිළිබඳ විශ්වාසය අඩුවන විට, ජනතාව ශක්තිමත් නායකත්වය, හමුදා මැදිහත්වීම් හෝ ප්‍රජාතන්ත්‍රවාදයට එරෙහිව පවතින විකල්ප පාලන ක්‍රම පිළිබඳ ආකර්ෂණය වීමට ඉඩ ඇත. එය ප්‍රජාතන්ත්‍රවාදයට ඇති විශාලතම තර්ජනයකි.

එබැවින් මෙම ගැටලුවට විසඳුම් වන්නේ පුද්ගලයන් අත්අඩංගුවට ගැනීම පමණක් නොවේ. දේශපාලන පක්ෂ තුළ ප්‍රජාතන්ත්‍රවාදී අභ්‍යන්තර ව්‍යුහයන් ගොඩනැගීම, අපේක්ෂකයන් තෝරා ගැනීමේ විනිවිදභාවය, දේශපාලන මුදල් (political finance) නියාමනය, අපරාධ චෝදනා ඇති පුද්ගලයන්ට නාමයෝජනා ලබාදීම සම්බන්ධ දැඩි ප්‍රමිතීන් ඇතිකිරීම, නීතිය ක්‍රියාත්මක කරන ආයතනවල ස්වාධීනත්වය සහ අධිකරණයේ කාර්යක්ෂමතාව ශක්තිමත් කිරීමයි. ඒ සදහා වන කෙටුම්පත් වහාම සැකසීම වත්මන් ආණ්ඩුවේ වගකීමකි.

සෑමවිටම, ප්‍රජාතන්ත්‍රවාදය විනාශ කරන්නේ හමුදා කුමන්ත්‍රණකරුවන් හෝ ඒකාධිපති නායකයන් විසින් පමණක් නොවේ. දේශපාලන පක්ෂ ඇතුළතින් අපරාධකරණයට ලක්වීමද ප්‍රජාතන්ත්‍රවාදය ක්‍රමයෙන් දුර්වල කරන නිහඬ ක්‍රියාවලියකි. එබැවින් ශ්‍රී ලංකාවේ දේශපාලන ප්‍රතිසංස්කරණ පිළිබඳ ඕනෑම සංවාදයක මූලික අවධානය යොමු විය යුත්තේ දේශපාලන පක්ෂවල ගුණාත්මකභාවය, වගවීම සහ අපරාධ බලවේගවලින් ඒවා නිදහස් කිරීම කෙරෙහිය. ප්‍රජාතන්ත්‍රවාදයේ අනාගතය තීරණය වන්නේ මැතිවරණ දිනයේ පමණක් නොව, දේශපාලන පක්ෂ කෙතරම් නීතිගරුක, විනිවිදභාවයෙන් යුතු සහ අපරාධ බලපෑම්වලින් තොර ආයතන බවට පත්වන්නේද යන්න මතය.

![](https://www.citizen.lk/content/images/2026/05/athulasiri_samarakoon--1-.jpg)

> ආචාර්ය අතුලසිරි සමරකෝන් Digital creator Lecturer at Open University of Sri Lanka Former Teaching Assistant at University of Colombo 

***මෙම ලිපිය නිදහස් ලේඛකයෙකු/ලේඛිකාවක විසින් සම්පාදනය කර ඇති අතර ලිපියේ අන්තර්ගත කරුණු, තොරතුරු, සංඛ්‍යාලේඛන සහ මූලාශ්‍ර වල නිරදව්‍යතාවය පිළිබඳව වගකීම එම ලේඛකයා/ලේඛිකාව විසින් දරනු ලබයි.***
### වෙනිසියුලා භූමිකම්පාවෙන් ආර්ජන්ටිනා පාපන්දු ක්‍රීඩක ලූකස් ට්‍රෙජෝගේ බිරිඳ සහ දරුවන් මියයයි.
URL: https://www.citizen.lk/the-wife-and-children-of-argentine-footballer-lucas-trejo-die-in-the-venezuelan-earthquake/
Last updated: 2026-06-29T15:11:59.000Z
June 29 (Citizen News) - වෙනිසියුලාවේ ඇති වූ දරුණු භූමිකම්පාව හේතුවෙන් ආර්ජන්ටිනාවේ පාපන්දු ක්‍රීඩක ලූකස් ට්‍රෙජෝගේ බිරිඳ සහ දරුවන් මියගොස් සිටියදී සොයාගෙන තිබෙනවා.

රික්ටර් මාපක 7.2 සහ 7.5 ක ප්‍රබලත්වයෙන් යුක්ත මෙම භූමිකම්පාවෙන් පුද්ගලයින් 1,430 ක් මිය ගොස් ඇති බවයි වාර්තා වන්නේ.

සෝදිසි මෙහෙයුම් අඛණ්ඩව ක්‍රියාත්මක වන අතර භූමිකම්පාව හේතුවෙන් අවම වශයෙන් පුද්ගලයින් 68,900 ක් පමණ අතුරුදන් වී ඇති බවයි විදෙස් මාධ්‍ය වාර්තා කරන්නේ.
### මෙරට ඩෙංගු රෝගීන් සංඛ්‍යාව 53,000 ඉක්මවයි
URL: https://www.citizen.lk/the-number-of-dengue-patients-in-the-country-exceeds-53-000/
Last updated: 2026-06-29T14:58:30.000Z
June 29 (Citizen News) - මේ වසරේ මෙරට ඩෙංගු රෝගීන් 53,000 ඉක්මවා ගොස් ඇති අතර ජාතික ඩෙංගු පාලන ඒකකයට අනුව ජුනි මාසයේදී පමණක් රෝගීන් 19,318 ක් වාර්තා වී තිබෙනවා.

ජුනි මාසයේ පවත්නා වැසි සහිත කාලගුණය තුළ අනතුරුදායක ලෙස ඩෙංගු රෝගයේ ව්‍යාප්තියක් සිදුවිය හැකි බවට සෞඛ්‍ය බලධාරීන් අනතුරු අඟවන අතර මේ දක්වා ජීවිත 31 ක්ද අහිමි වී තිබෙන බවයි වාර්තා වන්නේ.

වැඩිම රෝගීන් සංඛ්‍යාවක් වාර්තා වී ඇත්තේ බස්නාහිර පළාතෙන් වන අතර එය රෝගීන් 27,833 ක් වනවා. ඒ අනුව එය ජාතික සංඛ්‍යාවෙන් 52.36% කි. 

ඒ අනුව සමස්තයක් වශයෙන් සෞඛ්‍ය වෛද්‍ය නිලධාරී කොට්ඨාශ 124 ක් අධි අවදානම් කලාප ලෙස නම් කර ඇති අතර සෞඛ්‍ය බලධාරීන් මහජනතාවගෙන් ඉල්ලා සිටින්නේ අවට පරිසරය පිරිසිදුව තබා ගැනීමට, මදුරුවන් බෝවන ස්ථාන විනාශ කිරීමට සහ බෝවීම වැළැක්වීම සඳහා අවශ්‍ය කටයුතු සිදුකරන ලෙසයි.
### පොසොන් දන්සල් මහජන සෞඛ්‍ය පරීක්ෂකවරුන්ගේ පරීක්ෂාවට
URL: https://www.citizen.lk/poson-dansal-to-be-inspected-by-public-health-inspectors/
Last updated: 2026-06-29T14:51:48.000Z
[](https://www.facebook.com/sharer/sharer.php?u=https%3A%2F%2Fwww.newswire.lk%2F7051)[](https://twitter.com/intent/tweet?text=PHIs%20inspect%20over%207%2C200%20Poson%20dansals%2C%20shut%20down%20four%20beverage%20stalls&url=https%3A%2F%2Fwww.newswire.lk%2F7051&ref=citizen.lk)[](https://api.whatsapp.com/send?text=PHIs%20inspect%20over%207%2C200%20Poson%20dansals%2C%20shut%20down%20four%20beverage%20stalls%20https%3A%2F%2Fwww.newswire.lk%2F7051&ref=citizen.lk)

June 29 (Citizen News) - මහජන සෞඛ්‍ය පරීක්ෂකවරුන් (PHIs) දිවයින පුරා පොසොන් දන්සැල් 7,215 කට ආසන්න ප්‍රමාණයක් පරීක්ෂාවට ලක් කර තිබෙනවා.

ඒ අනුව නියමිත සෞඛ්‍ය ප්‍රමිතීන්ට අනුකූල නොවීම හේතුවෙන් දන්සැල් හතරක් වසා දැමීමට නියෝග කර තිබෙනවා.

මහජන සෞඛ්‍ය පරීක්ෂකවරුන්ගේ සංගමය සඳහන් කරන ආකාරයට හඳුනාගත් අඩුපාඩු සහිත දන්සල් 131 ක්, ගැටළු නිවැරදි කරන ලෙස උපදෙස් දීමෙන් පසු අවසර ලබා දී ඇති අතර, අවශ්‍ය ප්‍රමිතීන් සපුරාලීමට අපොහොසත් වූ සිසිල් පැන් දන්සල් හතරක් වසා දමා තිබෙනවා.

මෙම වසරේ පොසොන් දන්සල් 18,412ක් ලියාපදිංචි කර ඇති බවත්, අද(29) සහ හෙට(30) ක්‍රියාත්මක වන දන්සල් පරීක්ෂා කිරීම් අඛණ්ඩව සිදුවන බවත්, උත්සව කාලය පුරාම පොසොන් කලාපවල සහ ඒ අවට පිහිටි ස්ථිර සහ තාවකාලික වෙළඳසැල්වලද පරීක්ෂණ සිදු කරන බවත් එම සංගමය සඳහන් කර තිබෙනවා.
### වත්කම් බැරකම් ප්‍රකාශ ඉදිරිපත් කිරීමේ කාලය හෙටින් අවසන්
URL: https://www.citizen.lk/the-deadline-for-submitting-asset-and-liability-declarations-ends-tomorrow/
Last updated: 2026-06-29T14:40:16.000Z
June 29 (Citizen News) - අල්ලස් හෝ දූෂණ චෝදනා විමර්ශන කොමිෂන් සභාව (CIABOC) සඳහන් කරන්නේ රාජ්‍ය නිලධාරීන්ට සහ අනෙකුත් පුද්ගලයින්ට දඬුවම් නොමැතිව වත්කම් හා බැරකම් ප්‍රකාශ ඉදිරිපත් කිරීමට නීතියෙන් නියම කර ඇති අවසාන දිනය හෙට (30) දිනෙන් අවසන් වන බවයි.

ඒ අනුව එම සභාව සඳහන් කරන්නේ 2023 අංක 9 දරන දූෂණ විරෝධී පනතට අනුව අදාල ප්‍රකාශන ඉදිරිපත් කිරීමට අපොහොසත් වන අයට එරෙහිව නීතිමය පියවර ගන්නා බවයි.

සියලුම ප්‍රකාශන https://ald.ciaboc.gov.lk/ හි ඇති ඉලෙක්ට්‍රොනික වත්කම් ප්‍රකාශන පද්ධතිය හරහා මාර්ගගතව ඉදිරිපත් කළ යුතු බවත් ,කඩදාසි මත පදනම් වූ ඉදිරිපත් කිරීම් තවදුරටත් පිළිගනු නොලබන බවත් වැඩිදුරටත් සඳහන්.
### ඉන්ධන මිල පහළට
URL: https://www.citizen.lk/fuel-prices-down/
Last updated: 2026-06-30T06:43:32.000Z
June 29 (Citizen News) - අද (29) මධ්‍යම රාත්‍රියේ සිට බලපැවැත්වෙන පරිදි ඉන්ධන වර්ග කිහිපයක මිල පහළ දැමීමට ලංකා ඛනිජ තෙල් නීතිගත සංස්ථාව පියවර ගෙන තිබෙනවා.

ඔක්ටේන් 92 පෙට්‍රල් ලීටරයක මිල රුපියල් 20කින් පහළ දමා ඇති අතර එහි නව මිල රුපියල් 414කි.

ලංකා සුදු ඩීසල් ලීටරයක මිල රුපියල් 25කින් පහළ දමා ඇති අතර එහි නව මිල රුපියල් 382ක් වේ.

ඔක්ටේන් 95 පෙට්‍රල්, සුපර් ඩීසල් සහ භූමිතෙල් මිලෙහි කිසිඳු වෙනසක් සිදුකර නැත.

මේ අතර ලංකා ඛනිජ තෙල් නීතිගත සංස්ථාවේ ඉන්ධන මිල සංශෝධනයට සමගාමීව ලංකා IOC සහ සයිනොපෙක් ඉන්ධන මිල ගණන් ද සංශෝධනය කර ඇති බව සඳහන්ය.

ඒ අනුව එම සමාගම් ද ඔක්ටේන් 92 වර්ගයේ පෙට්‍රල් ලීටරයක් රුපියල් 20කින් සහ ඔටෝ ඩීසල් ලිටරයක් රුපියල් 25කින් අඩුකර තිබේ. -Derana
### බෙන් ස්ටෝක්ස් ජාත්‍යන්තර ක්‍රිකට් පිටියෙන් සමුගන්නා බවට නිවේදනයක්
URL: https://www.citizen.lk/announcement-of-ben-stokes-retirement-from-international-cricket/
Last updated: 2026-06-28T17:06:07.000Z
June 28 (Citizen News) - නවසීලන්තයට එරෙහිව පැවැත්වෙන ටෙස්ට් තරගාවලිය අවසානයේ එංගලන්ත පිරිමි ටෙස්ට් නායකත්වයෙන් සහ ජාත්‍යන්තර ක්‍රිකට් පිටියෙන් සමුගන්නා බව බෙන් ස්ටෝක්ස් නිවේදනය කර තිබෙනවා.

35 හැවිරිදි මෙම තුන් ඉරියව් ක්‍රීඩකයා ට්‍රෙන්ට් බ්‍රිජ් හි පැවැත්වෙන තුන්වන සහ අවසාන ටෙස්ට් තරගයෙන් පසුව ඔහුගේ එංගලන්ත ක්‍රිකට් දිවිය අවසන් කරනු ඇත. තරගාවලියේ තීරණාත්මක තරගයේ සිව්වන දිනයේදී ස්ටෝක්ස් පන්දු යවමින් සිටියදී මෙම නිවේදනය නිකුත් කර තිබෙනවා.

ස්ටෝක්ස් 2022 අප්‍රේල් මාසයේ සිට එංගලන්ත ටෙස්ට් කණ්ඩායමට නායකත්වය ලබා දී තිබෙනවා.

+
### අනුරාධපුර බහුවිධ ප්‍රවාහන මධ්‍යස්ථානයේ පළමු අදියර මහජනතාව සඳහා විවෘත වේ
URL: https://www.citizen.lk/the-first-phase-of-the-anuradhapura-multimodal-transport-center-opens-to-the-public/
Last updated: 2026-06-28T17:05:57.000Z
June 28 (Citizen News) - ඉදිකිරීම් ඇණහිට තිබූ අනුරාධපුර බහු-මාදිලි ප්‍රවාහන මධ්‍යස්ථානයේ පළමු අදියර සෙනසුරාදා මහජනතාව සඳහා විවෘත කර තිබෙනවා.

පොසොන් උත්සවය සඳහා අනුරාධපුරයට පැමිණෙන දහස් ගණනක් බැතිමතුන්ගේ ප්‍රවාහනය පහසු කිරීම මෙන්ම නගරයේ රථවාහන තදබදය අවම කිරීම මෙහි අරමුණ වේ.

සම්පූර්ණ ව්‍යාපෘතිය සැප්තැම්බර් මාසය වන විට අවසන් කිරීමට අපේක්ෂා කරන බවයි වාර්තා වන්නේ.

ප්‍රවාහන මධ්‍යස්ථානයට නවීන මගී පහසුකම්, ආබාධ සහිත පුද්ගලයින් සඳහා ප්‍රවේශ්‍යතා පහසුකම්, බස් පර්යන්තය සහ දුම්රිය ස්ථානය සම්බන්ධ කරන පදික පාලමක්, සෝපාන, ස්වයංක්‍රීය ටෙලර් යන්ත්‍ර, විවේක ස්ථාන, සාප්පු සහ අවන්හල් ඇතුළත් වන බවයි වාර්තා වන්නේ.
### සර්බියාවේ ජනාධිපති ඉල්ලා අස්වීමේ තීරණයක
URL: https://www.citizen.lk/srbiyaavee-jnaadhipti-illaa-asviimee-tiirnnyk/
Last updated: 2026-06-28T13:34:25.000Z
June 28 (Citizen News) - සති කිහිපය තුළ තමන් ධුරයෙන් ඉල්ලා අස්වන බව සර්බියානු ජනාධිපති ඇලෙක්සැන්ඩර් වුචික් පවසා තිබෙනවා.

එලෙසම රට තුළ කඩිනම් ජනාධිපති සහ පාර්ලිමේන්තු මැතිවරණ පවත්වන බවත් ඔහු ප්‍රකාශ කර ඇත.

ඔහු මේ බව කියා සිටියේ වසර එකහමාරක් තිස්සේ පවතින රාජ්‍ය විරෝධී උද්ඝෝෂණ මාලාවකින් අනතුරුවයි.

මෙම තීරණයට ප්‍රධානතම හේතුවක් වී ඇත්තේ, 2024 නොවැම්බර් මාසයේදී නොවි සාඩ් (Novi Sad) නගරයේ දුම්රිය ස්ථානයක වහලක් කඩා වැටී පුද්ගලයන් 16 දෙනෙකු මියයෑමේ සිද්ධියයි. 

එම අනතුර රජයේ දූෂණය සහ වැරදි කළමනාකරණය නිසා සිදුවූවක් බව පවසමින් සිසුන් ඇතුළු විපක්ෂ කණ්ඩායම් දිගින් දිගටම විරෝධතාවල නිරත විය.

ඔහුගේ දෙවන සහ අවසන් ජනාධිපති ධුර කාලය අවසන් වීමට නියමිතව තිබුණේ 2027 වසරේ මැද භාගයේදීය.

ඔහු සිය 'සර්බියානු ප්‍රගතිශීලී පක්ෂයට'ඉදිරි මැතිවරණ ජයග්‍රහණය කිරීමට උදව් කරන බවත්, ඔවුන්ගේ මැතිවරණ ලැයිස්තුව "එක්සත් සර්බියාව" (United Serbia) ලෙස නම් කිරීමට යෝජනා කරන බවත් සඳහන් කර තිබෙනවා.
### ''AI යුගයේ වැඩෙන දරුවන් සඳහා අධ්‍යාපනය” යන මැයෙන් ජුලි 02 වෙනිදාට විශේෂ සාකඡාවක්
URL: https://www.citizen.lk/education-for-children-growing-up-in-the-ai-era/
Last updated: 2026-06-29T08:39:57.000Z
June 28 (Citizen News) - කෘත්‍රිම බුද්ධිය (AI) මගින් දරුවන්ගේ අනාගතය රැඩිකල් ලෙස වෙනස් කරමින් පවතින වකවානුවක, රටේ අධ්‍යාපන ක්ෂේත්‍රය ප්‍රතිසංස්කරණය කිරීමේ වැදගත්කම අවධාරණය කෙරේ. මහාචාර්ය රෝහාන් සමරජීව විසින් සංවිධානය කරනු ලබන **''Reset Now"** වැඩසටහන් මාලාවේ පළමු පියවර ලෙස, **යුගයේ වැඩෙන දරුවන් සඳහා අධ්‍යාපනය”** මැයෙන් විශේෂ සාකච්ඡාවක් 2026 ජූලි මස 02 වැනි දින කොළඹ හොටෙල් නිපොන් (Hotel Nippon) හිදී පැවැත්වේ.

අධ්‍යාපන ප්‍රතිසංස්කරණ සඳහා පාදක වන “ප්‍රමිති, සම්පත් සහ ආයතන” යන කුළුණු තුන පිළිබඳ සාකච්ඡා මාලාවක මූලාරම්භය මෙය වේ.

මෙම සාකච්ඡාවේ ප්‍රධාන තේමාව වන්නේ **“අධ්‍යාපන ප්‍රතිපත්ති ගැටළු අංක 01: දරුවන් ඉගෙන ගත යුත්තේ කුමක්ද? එය ඉගෙන ගත යුත්තේ කෙසේද?”** යන්නයි.

**වැඩසටහනට අදාළ විස්තර:**

- **ප්‍රධාන දේශකයින්: ආචාර්ය සුජාතා ගමගේ සහ ආචාර්ය ඩොනා වෝන්**
- **දිනය: 2026 ජූලි 02, බ්‍රහස්පතින්දා**
- **වේලාව: පස්වරු 4:00 සිට 6:00 දක්වා**
- **ස්ථානය: හොටෙල් නිපොන් (Hotel Nippon), කොළඹ**

මෙම උත්සාහය, දැනුම මත පදනම් වූ සහ සාක්ෂි සහිත අධ්‍යාපන ප්‍රතිපත්ති මාලාවක් ගොඩනැගීම අරමුණු කරයි. රටේ අධ්‍යාපන ප්‍රතිසංස්කරණ සඳහා නායකත්වය දීමට සහ ඒවා ක්‍රියාත්මක කිරීමට කැමති ඕනෑම දේශපාලන සංවිධානයකට මෙන්ම පාර්ශ්වකරුවන්ට මෙම යෝජනා මාලාව ඉමහත් අත්වැලක් වනු ඇත. 

මෙම සාකච්ඡාව තුළින් සැකසෙන සියලුම ප්‍රතිපත්ති ලේඛන, ඒවා තවදුරටත් යථාර්ථවත් කිරීම සහ දියුණු කිරීම සඳහා මහජනතාවට විවෘතව තැබෙනු ඇත.
### 'මාළිමාවේ සූරපප්පා' නයන සමග සම්මුඛ වෙයි
URL: https://www.citizen.lk/malimawas-soorapappa-meets-nayana/
Last updated: 2026-06-28T11:46:47.000Z
June 28 (Citizen News) - වත්මන් රජය යටතේ ප්‍රවාහන ක්ෂේත්‍රයේ සිදුවෙමින් පවතින වෙනස්කම් සහ ඉදිරි සංවර්ධන සැලසුම් පිළිබඳව ප්‍රවාහන, මහාමාර්ග සහ නාගරික සංවර්ධන නියෝජ්‍ය අමාත්‍ය වෛද්‍ය ප්‍රසන්න ගුණසේන අදහස් පළ කරයි.මාධ්‍යවේදී නයන තරංග ගමගේ සමඟ පැවති සම්මුඛ සාකච්ඡාවකට එක්වෙමින් ඔහු අවධාරණය කළේ, කාලයක් තිස්සේ "බෑ" යැයි පැවති වැඩ කොටස් මේ වන විට ක්‍රමානුකූලව වෙනස් කිරීමට පියවර ගෙන ඇති බවයි.

### ප්‍රවාහන ක්ෂේත්‍රයේ නවමු වෙනස්කම්

අමාත්‍යවරයා සඳහන් කළේ, පවතින ප්‍රවාහන පද්ධතිය තුළ කාර්යක්ෂමතාව ඉහළ නැංවීම සඳහා නව තාක්ෂණය සහ කළමනාකරණ ක්‍රමවේද අනුගමනය කරන බවයි. විශේෂයෙන්ම බස් ප්‍රවාහන සේවාව වඩාත් ආකර්ෂණීය සහ පහසු සේවාවක් බවට පත් කිරීම තම ප්‍රධාන අරමුණ බවත්, ඒ සඳහා පෞද්ගලික වාහන භාවිත කරන ජනතාව පොදු ප්‍රවාහනය වෙත ආකර්ෂණය කර ගැනීමට කටයුතු කරන බවත් ඔහු පැවසීය.

මීට අමතරව, දුම්රිය ප්‍රවාහන ක්ෂේත්‍රයේ පවතින ගැටලු විසඳීම සඳහා මේ වන විට කටයුතු කරමින් පවතින බවත්, නුවර සහ කොළඹ අතර දුම්රිය සම්බන්ධතාවය මෙම වසර තුළ යථා තත්ත්වයට පත් කිරීමට අපේක්ෂා කරන බවත් ඔහු වැඩිදුරටත් කියා සිටියේය.

### "මාළිමාවේ සූරපප්පා" 

තමන් සහ තම සගයන් වෙත ජනතාව විසින් "මාළිමාවේ සූරපප්පා" ලෙස ලබා දී ඇති අන්වර්ථ නාමය පිළිබඳව අදහස් දක්වමින් අමාත්‍යවරයා පැවසුවේ, එය ජනතාව තම සේවය අගය කිරීමේ සංකේතයක් ලෙස තමන් දකින බවයි. කෙසේ වෙතත්, තමන් මහා පරිමාණ ප්‍රචාරණයකට වඩා ප්‍රායෝගිකව කාර්ය සාධනය (Action) කෙරෙහි වැඩි අවධානයක් යොමු කරන බවත්, ජනතාවගේ විශ්වාසය බිඳ නොදැමීම තම වගකීම බවත් ඔහු අවධාරණය කළේය.

අමාත්‍යවරයෙකු වුවද තමන් තවමත් තමන්ගේ පෞද්ගලික කටයුතු සරලව සිදු කරන බවත්, පොදු ප්‍රවාහනය ඇතුළු ජනතාවගේ දෛනික ගැටලු පිළිබඳව තමන් හොඳින් දන්නා බවත් වෛද්‍ය ප්‍රසන්න ගුණසේන සඳහන් කළේය. දේශපාලනය යනු තනතුරු දැරීම පමණක් නොව, පොදු අරමුණක් වෙනුවෙන් කැපවීමක් බවත්, තමන් දකින්නේ එම පොදු හීනය සාර්ථක කරගැනීමේ ගමන බවත් ඔහු වැඩිදුරටත් ප්‍රකාශ කළේය.

**එම සංවාදය නැරඹීම සඳහා පහත සබැඳිය ක්ලික් කරන්න*:*[*https://www.youtube.com/watch?v=GZ5HcSLHe3w*](https://www.youtube.com/watch?v=GZ5HcSLHe3w&ref=citizen.lk)
### ඩිජිටල් සේවා බද්දක් පනවන ඕනෑම රටකට 100% ක තීරු බද්දක් - ට්‍රම්ප්ගෙන් තර්ජනයක්
URL: https://www.citizen.lk/ddijittl-seevaa-bddk-pnvn-oonaaem-rttktt-100-k-tiiru-bddk-ttrmpgen-trjnyk/
Last updated: 2026-06-27T05:13:24.000Z
June 27 (Citizen News) - ඇමරිකානු සමාගම් ඉලක්ක කර ගනිමින් ඩිජිටල් සේවා බද්දක් හඳුන්වා දෙන ඕනෑම රටකින් ආනයනය කරන භාණ්ඩ සඳහා 100% ක තීරු බද්දක් පනවන බවට ජනාධිපති ඩොනල්ඩ් ට්‍රම්ප් තර්ජනය කර තිබෙනවා.

තම Truth Social වේදිකාවේ සටහනක් තබමින් සඳහන් කරන්නේ යුරෝපීය රටවල් කිහිපයක් ඇමරිකානු සමාගම් සඳහා ඩිජිටල් සේවා බද්දක් ළඟදීම ක්‍රියාත්මක කිරීම පිළිබඳව සාකච්ඡා කරමින් සිටින බවත්, ඇතැම් රටවල් එම පියවර හඳුන්වා දීමට ආසන්න බවත්ය.

එවැනි ආකාරයේ බද්දක් පනවන ඕනෑම රටක් එක්සත් ජනපදයට අපනයනය කරන සියලුම භාණ්ඩ සඳහා "වහාම 100% තීරු බද්දකට" යටත් වන බවට ඔහු අනතුරු අඟවා තිබෙනවා.

ඒ අනුව මෙම තීරු බදු අදාළ රට සමඟ පවතින හෝ අනාගත වෙළඳ ගිවිසුම් අභිබවා යන බවත් බද්ද ක්‍රියාත්මක කළහොත් එය වහාම ක්‍රියාත්මක වන බවත්ය.

රටවල් කිහිපයක් විසින් සම්මත කරන ලද හෝ යෝජනා කරන ලද ඩිජිටල් සේවා බදු වලට එක්සත් ජනපදය දිගින් දිගටම විරුද්ධ වීමත් සමඟ මෙම අනතුරු ඇඟවීම නිකුත් කර තිබෙනවා.
### දියතලාවේදී බස් රථයක් ප්‍රපාතයකට පෙරළීමෙන් 42 ක් රෝහල්ගත කෙරේ
URL: https://www.citizen.lk/diytlaaveedii-bs-rthyk-prpaatyktt-perlliimen-42-k-roohlgt-keree/
Last updated: 2026-06-27T05:03:59.000Z
June 27 (Citizen News) - කොළඹ සිට බදුල්ල දක්වා ධාවනය වූ ශ්‍රී ලංකා ගමනාගමන මණ්ඩලයේ (SLTB) බස් රථයක් අද (27) අලුයම දියතලාව දුම්රිය ස්ථානය අසලදී මාර්ගයෙන් ඉවතට පැන ප්‍රපාතයකට පෙරලීමෙන් මගීන් 42 ක් පමණ තුවාල ලබා තිබෙනවා.

මෙම අනතුරින් තුවාල ලැබූ පුද්ගලයින් 42 ක් දියතලාව මූලික රෝහලට ඇතුලත් කර ඇති බවත්,ඉන් දෙදෙනෙකුගේ තත්ත්වය බරපතළ බවයි රෝහල් ආරංචි මාර්ග පවසන්නේ.

බරපතල තුවාල ලැබූ එක් රෝගියෙකු වැඩිදුර ප්‍රතිකාර සඳහා බදුල්ල ශික්ෂණ රෝහලට මාරු කර යවා ඇති අතර අනතුරට හේතුව රථයේ තිරිංග ක්‍රියා විරහිත වීමක් බවට සැක කරන අතර ඒ සම්බන්ධව වැඩිදුර පරීක්ෂණ ක්‍රියාත්මකයි.

![](https://www.citizen.lk/content/images/2026/06/WhatsApp-Image-2026-06-27-at-10.29.31-AM-1.jpeg)

![](https://www.citizen.lk/content/images/2026/06/WhatsApp-Image-2026-06-27-at-10.29.32-AM-1.jpeg)
### එලොන් මස්ක් තවදුරටත් ට්‍රිලියනපති‍යකු නොවේ.
URL: https://www.citizen.lk/elon-msk-tvdurttt-ttriliynptiyku-novee/
Last updated: 2026-06-26T09:42:20.000Z
June 26 (Citizen News) - ලොව පළමු ට්‍රිලියනපතියා බවට පත් වී සති දෙකකටත් අවම කාලයකින් ඊලෝන් මස්ක්ගේ ධනය ඩොලර් බිලියන 350 කට ආසන්න ප්‍රමාණයකින් පහළ වැටීමත් සමග ලොව පළමු ට්‍රිලියනපතියා යන තත්ත්වය අහිමි වී තිබෙනවා.

ඒ අනුව තාක්ෂණික ව්‍යවසායකයෙකු වන එලොන් මස්ක්ට SpaceX සහ Tesla කොම්පනිවල කොටස් මිල ඉතාමත් තියුණු ලෙස පහළ යාම මීට හේතු වූ බව වාර්තා වන අතර Bloomberg Billionaires Index දත්ත අනුව, මේ මස මුලදී ඩොලර් ට්‍රිලියන 1.3 කට අධික ධනයක් තිබූ මස්ක්ගේ වත්කම් දැන් ඩොලර් බිලියන 957 දක්වා පහළ වැටී තිබෙනවා.

SpaceX සමාගම කොටස් වෙළෙඳපොළට ඇතුළු වීමත් සමඟ ඒ සමාගමේ වටිනාකම විශාල ලෙස ඉහළ යාමත් සමග ට්‍රිලියනපතියෙකු බවට පත් විය. නමුත් SpaceX කොටස් ඉන් පසු ඉහළම අගයට සාපේක්ෂව 30%කට වැඩි ප්‍රමාණයකින් පහළ වැටී ඇති අතර Tesla කොටස් ද පහළ යාම ඔහුගේ ධනයෙන් විශාල කොටසක් මෙලෙස ගිලිහී යාමට හේතු වී ඇත.
### පොසොන් උත්සවය වෙනුවෙන් විශේෂ රථවාහන සහ ආරක්ෂක සැලැස්මක්
URL: https://www.citizen.lk/special-traffic-and-security-plan-in-colombo-central-division-for-the-poson-festival/
Last updated: 2026-06-26T09:31:19.000Z
June 26 (Citizen News) - පොසොන් උත්සවය වෙනුවෙන් ජූනි 26 වැනිදා සිට ජූලි 2 වැනිදා දක්වා කොළඹ මධ්‍යම කොට්ඨාසය පුරා විශේෂ රථවාහන සහ ආරක්ෂක වැඩපිළිවෙළක් ක්‍රියාත්මක කරන බව ශ්‍රී ලංකා පොලිසිය නිවේදනය කර තිබේ.

ඓතිහාසික අනුරාධපුර අටමස්ථානය, මිහින්තලේ පුදබිම සහ තන්තිරිමලේ රජමහා විහාරස්ථානය කේන්ද්‍ර කර ගනිමින් පැවැත්වෙන රාජ්‍ය පොසොන් උත්සවයට සමගාමීව මෙම පියවර ගෙන ඇත.

කොම්පඤ්ඤවීදිය, කොටුව, මරදාන, මාළිගාවත්ත සහ ආදිරිප්පු වීදිය යන පොලිස් බලප්‍රදේශ තුළ ක්‍රියාත්මක වන පොසොන් කලාපය තුළ භක්ති ගීත ප්‍රසංග 3ක්, තොරණ සහ කූඩු ප්‍රදර්ශන 70ක් සහ දන්සල් 4ක් පැවැත්වීමට නියමිත අතර, ආරක්ෂාව සහ රථවාහන පාලනය සඳහා පොලිස් නිලධාරීන් යොදවා ඇත.

මීට අමතරව, ප්‍රථම වතාවට බාලදක්ෂ සංගමය විසින් සංවිධානය කරනු ලබන බාලදක්ෂ පොසොන් කලාපයක් ජූනි 28 සහ 29 යන දිනවල ලේක්හවුස් වටරවුමේ සිට පොලිස් මූලස්ථානය දක්වා දිවෙන මාර්ගයේ පැවැත්වීමට කටයුතු සූදානම් කර තිබේ.

උත්සව සමයේ ප්‍රධාන මාර්ගවල පවතින රථවාහන තදබදය අවම කිරීම සඳහා, රථවාහන පොලිස් නිලධාරීන් විසින් පෙන්වා දෙනු ලබන විකල්ප මාර්ග භාවිත කරන ලෙස පොලිසිය මහජනතාවගෙන් ඉල්ලා සිටී.
### චරිත් අබේසිංහ සජබෙන් එළියට
URL: https://www.citizen.lk/crit-abeesinh-sjben-elliytt/
Last updated: 2026-06-26T09:21:58.000Z
June 26 (Citizen News) - රක්ෂිත බන්ධනාගාර ගත කිරීමෙන් අනතුරුව හොරණ ආසන සංවිධායක චරිත් අබේසිංහගේ පක්ෂ සාමාජිකත්වය සහ සියලු තනතුරු වහාම ක්‍රියාත්මක වන පරිදි අත්හිටුවීමට සමගි ජන බලවේගය (SJB) අද (ජූනි 26) තීරණය කර තිබෙනවා.

විශේෂ මාධ්‍ය නිවේදනයක් නිකුත් කරමින් එම පක්ෂය පැහැදිලි කරන්නේ, 2023 දී සිදු වූ බව කියන අල්ලස් සිද්ධිය ඇති වූ අවස්ථාවේ අබේසිංහ සමගි ජන බලවේගයහි සාමාජිකයෙකු, සංවිධායකයෙකු හෝ නිලධාරියෙකු ලෙස කටයුතු නොකළ බවයි.

එසේම දූෂණ හෝ නීති විරෝධී ක්‍රියාකාරකම්වලට සම්බන්ධ පුද්ගලයින්ට එරෙහිව නීතිය ක්‍රියාත්මක කිරීමට හෝ අධිකරණ ක්‍රියාමාර්ග ගැනීමට කිසි විටෙකත් තම පක්ෂය විරුද්ධ නොවන බවද අවධාරණය කර තිබෙනවා.
### පොසොන් සමයේදී 300 kW ට වැඩි වහල සූර්ය පැනල ක්‍රියාවිරහිත කරන්න
URL: https://www.citizen.lk/poson-smyeedii-300-kw-tt-vaeddi-vhl-suury-paenl-kriyaavirhit-krnn/
Last updated: 2026-06-26T09:09:02.000Z
June 26 (Citizen News) - බලශක්ති නියෝජ්‍ය අමාත්‍ය අර්කම් ඉලියාස් අද(26) පාර්ලිමේන්තුවේදී ඉල්ලීම් කර ඇත්තේ වහල මත සවිකර ඇති ඒකක 300ට වැඩි සූර්ය පැනල පද්ධති හිමි පාරිභෝගිකයන්ගෙන්, එම සූර්ය පැනල හෙට (27) දිනයේ සිට 29 වැනි දින දක්වා ක්‍රියාවිරහිත කරන ලෙසයි.

ඒ විදුලි පද්ධතියේ ස්ථායිතාව පවත්වාගෙන යාම සඳහා මෙන්ම පොසොන් උත්සවය සැලකිල්ලට ගෙන සිදුවිය හැකි පද්ධති බිඳවැටීම වැළැක්වීම වෙනුවෙන් බවයි.

එසේම ඔහු වැඩිදුරටත් සඳහන් කරන්නේ නිසි අධීක්ෂණ යාන්ත්‍රණයක් ස්ථාපිත නොකිරීම තුළ පසුගිය රජයන් මෙලෙස සූර්ය බලශක්ති ස්ථාපනයන් දිරිමත් කිරීමත්, ඒ අනුව අතිරික්ත සැපයුමක් පවතින කාලවලදී විදුලිබල පද්ධතිය දැඩි අවදානමට ලක්විය හැකි බවයි.
### අන්තර්ජාල ආරක්ෂණ පනත සංශෝධනය කිරීමට පියවර — ජනපති
URL: https://www.citizen.lk/antrjaal-aarkssnn-pnt-snshoodhny-kiriimtt-piyvr-jnpti/
Last updated: 2026-06-26T05:57:00.000Z
June 26 (Citizen News) - වත්මන් මාර්ගගත ආරක්ෂණ පනත ක්‍රියාත්මක කිරීමට රජයට කිසිදු අදහසක් නොමැති බවත්, ඒ වෙනුවට සංශෝධිත පනත් කෙටුම්පතක් සකස් කරමින් සිටින බවත් ජනාධිපති අනුර කුමාර දිසානායක පාර්ලිමේන්තුවේදී ප්‍රකාශ කර තිබෙනවා.

මත්ද්‍රව්‍ය උවදුර සහ සංවිධානාත්මක අපරාධ මැඩපැවැත්වීම පිළිබඳ කල් තැබීමේ විවාදයේදී අදහස් දක්වමින් ජනාධිපතිවරයා වැඩිදුරටත් සඳහන් කළේ අන්තර්ජාල ආරක්ෂණ පනත මුලින් හඳුන්වා දුන් විටත් රජය ඊට විරුද්ධ වූ බවත්, එම පනතේ සැලකිය යුතු මට්ටමින් නව වෙනස්කම් සිදුකළ කළ යුතු බවයි.

ඒ අනුව යෝජිත සංශෝධන මගින් මූලික අයිතිවාසිකම්, අදහස් ප්‍රකාශ කිරීමේ නිදහස සහ ප්‍රජාතන්ත්‍රවාදී නිදහස ආරක්ෂා වන බවත්, ජනතාවගේ අයිතිවාසිකම්වලට හානි කළ හැකි නීති අහෝසි කිරීමට හෝ ප්‍රතිසංස්කරණය කිරීමට රජය කැපවී සිටින බවත් ජනාධිපතිවරයා එහිදී අවධාරණය කළේය.
### ප්‍රදේශ කිහිපයකට අද විටින් විට වැසි
URL: https://www.citizen.lk/intermittent-rain-in-several-areas-today/
Last updated: 2026-06-26T04:24:28.000Z
June 26 (Citizen News) - බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් අද (26) විටින් විට වැසි ඇති විය හැකි බව කාලගුණ විද්‍යා දෙපාර්තමේන්තුව සඳහන් කරනවා.

එම දෙපාර්තමේන්තුව සඳහන් කරන්නේ, ඌව පළාතේ සහ අම්පාර සහ මඩකලපුව දිස්ත්‍රික්කවල ස්ථාන ස්වල්පයක පස්වරු 2.00න් පසුව වැසි හෝ ගිගුරුම් සහිත වැසි ඇති විය හැකි බවය.

මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු-මැද, වයඹ සහ දකුණු පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 30-40 පමණ තරමක තද සුළං ඇති විය හැකි ය.
### අධ්‍යාපන වෙනස්කම් කළමනාකරණයට නව දැක්මක් සැපැයූ TISSL 11 වැනි වාර්ෂික සමුළුව
URL: https://www.citizen.lk/tissl-11th-annual-conference-provides-new-vision-for-educational-change-management/
Last updated: 2026-06-25T06:17:03.000Z
June 25 (Citizen News) - ශ්‍රී ලංකා ජාත්‍යන්තර පාසල් සංගමය (TISSL) සංවිධානය කළ 11 වැනි වාර්ෂික සමුළුව “Managing Change in Schools” යන තේමාව යටතේ වාද්දුව බ්ලූ වෝටර්ස් හෝටලයේදී සාර්ථකව පැවැත්විණි. 

අධ්‍යාපන ක්ෂේත්‍රයේ නායකයන්, විදුහල්පතිවරුන් සහ විද්වත් කථිකයන් රැසක් එක් කළ මෙම සමුළුව නූතන අධ්‍යාපනය මුහුණ දෙන වෙනස්කම් හා අභියෝග සාර්ථකව කළමනාකරණය කිරීම පිළිබඳ ගැඹුරු සංවාදයකට මඟ පෑදීය. සමුළුවේ සමාරම්භක අවස්ථාව සාම්ප්‍රදායික පොල් තෙල් පහන දැල්වීමෙන් ආරම්භ වූ අතර TISSL සභාපති දයාන් ප්‍රනාන්දු මහතා සහ ආරම්භක සභාපති වෛද්‍ය හර්ෂ අලස් මහතා අධ්‍යාපනයේ අනාගතය සඳහා නවෝත්පාදන, දැක්ම සහ නායකත්වයේ වැදගත්කම අවධාරණය කළහ. සංස්කෘතික අංග රැසකින් වර්ණවත් වූ මෙම අවස්ථාව අධ්‍යාපනය යනු දැනුම පමණක් නොව අනන්‍යතාව හා වටිනාකම් ගොඩ නැගීමේ ක්‍රියාවලියක් බවද සිහිපත් කළේය. ප්‍රධාන දේශනය ඉදිරිපත් කළ ආචාර්ය අකාශ් රවුත් මහතා අස්ථාවර සහ වේගයෙන් වෙනස් වන ලෝකයක අධ්‍යාපන නායකයන් සතු විය යුතු සදාචාරාත්මක ධෛර්යය, ස්වයං විමර්ශනය සහ දැක්ම පිළිබඳව අවධානය යොමු කළේය.

![](https://www.citizen.lk/content/images/2026/06/image-1.png)

TISSL සභාපති දයාන් ප්‍රනාන්දු මහතා සහ ආරම්භක සභාපති වෛද්‍ය හර්ෂ අලස් මහතා **විසින් සාම්ප්‍රදායික පොල්තෙල් පහන දැල් වූ අවස්ථාව*

දෙවැනි දිනය පුරා වෙනස්කම් සඳහා සූදානම් පාසල් සංස්කෘතියක් ගොඩ නැගීම, නවෝත්පාදන හා අධ්‍යාපන ප්‍රතිඵල අතර සමතුලිතතාව පවත්වා ගැනීම, පෞද්ගලික ඔරොත්තු දීමේ හැකියාව සහ නායකත්ව අභියෝග යනාදී මාතෘකා රැසක් පිළිබඳ විද්වත් සාකච්ඡා පැවැත්විණි. විශේෂයෙන් “When Change Gets Hard: What School Leaders Don’t Talk About” මැයෙන් පැවති සංවාදය, පාසල් නායකත්වයේ සැඟවුණු අභියෝග පිළිබඳ විවෘත අදහස් හුවමාරුවකට අවස්ථාව සැළැසීය. 

අධ්‍යාපනයේ අනාගතය සාර්ථකව හැඩ ගැස්වීමට අවශ්‍ය දැක්ම, ඔරොත්තු දීමේ හැකියාව සහ මානව සබඳතා පිළිබඳ වැදගත් පණිවුඩයක් රැගෙන අවසන් වූ TISSL 2026 සමුළුව ශ්‍රී ලංකාවේ පාසල් ප්‍රජාවට නව මඟ පෙන්වීමක් සැපැයූ සුවිශේෂ අවස්ථාවක් ලෙස සැළැකේ.

![](https://www.citizen.lk/content/images/2026/06/C.jpg)

**TISSL 2026 සමුළුව සඳහා සහභාගිවූවන්*
### රඛිතට ස්ලීප් ඇප්නියා , චරිත්ට හෘදයාබාධ - ඇප ප්‍රධානය කරන ලෙස නීතිඥවරයා අධිකරණයෙන් ඉල්ලයි.
URL: https://www.citizen.lk/rkhittt-sliip-aepniyaa-crittt-hrdyaabaadh-aep-prdhaany-krn-les-niitijnyvryaa-adhikrnnyen-illyi/
Last updated: 2026-06-26T09:11:41.000Z
June 25 (Citizen News) - පාතාල නායක "හරක් කටා" හා සම්බන්ධ රුපියල් මිලියන 120 ක අල්ලස් ගැනීම සම්බන්ධයෙන් අත්අඩංගුවට ගනු ලැබූ නීතිඥ රඛිත රාජපක්ෂ සහ හොරණ SJB සංවිධායක චරිත් අබේසිංහගේ ඇප අයදුම් කොළඹ ප්‍රධාන මහේස්ත්‍රාත් අධිකරණය ප්‍රතික්ෂේප කර තිබෙනවා.

ඇප ඉල්ලා සිටිමින් චරිත් අබේසිංහගේ නීතිඥවරයා අධිකරණයට සඳහන් කර ඇත්තේ ඔහු දරුණු හෘද රෝගයකින් පෙළෙන බවත්, දැනටමත් ස්ටෙන්ට් තුනක් ඇතුළත් කර ඇති බවත්, තවත් ස්ටෙන්ට් පහක් අවශ්‍ය බවත්ය. රඛිත රාජපක්ෂගේ නීතිඥවරයා ඔහු නින්දෙන් හුස්ම හිරවීමේ (Sleep Apnea) රෝගයකින් පෙළෙන බවත්, රිමාන්ඩ් භාරයේ දී ප්‍රමාණවත් ප්‍රතිකාර නොලැබෙන්නේ නම් බරපතල සෞඛ්‍ය අවදානමක් ඇති වේ යැයි අනතුරු අඟවා තිබෙනවා.

මෙහිදී "හරක් කටා" 2023 දී බූස්ස බන්ධනාගාරයේ සිට වෙනත් බන්ධනාගාරයකට මාරු කිරීමටත්, ඔහු රඳවා තබා ගැනීමේ නියෝගය අවලංගු කිරීමටත් පහසුකම් සැලසීම සඳහා මිලියන 120 ක් ඉල්ලා ගත් බවට චෝදනා ගොනු කර ඇති අතර අල්ලස් කොමිෂන් සභාව විසින් ඒ අනුව ඇප ලබා දීමට විරුද්ධ විය.

දෙපාර්ශ්වයේම කරුණු සලකා බැලීමෙන් අනතුරුව සැකකරුවන්ට පවතින රෝගී තත්ත්වයන් සම්බන්ධයෙන් වූ අදාළ වාර්තාවලින් එම රෝගී තත්ත්වයන් පිළිබඳව නිශ්චිත කරුණු දැක්වීම් ඉදිරිපත් වී නොමැති හේතුවෙන් ඔවුන්ගේ ඇප ඉල්ලීම් ප්‍රතික්ෂේප කරන බවට මහේස්ත්‍රාත්වරයා නියෝග කළා.

ඒ අනුව, සැකකරුවන් ජූලි මස 03 වනදා දක්වා රිමාන්ඩ් භාරයේ තැබීමට නියම කළ මහේස්ත්‍රාත්වරයා බන්ධනාගාරය තුළදී ඔවුන්ට අවශ්‍ය ආරක්ෂාව සලසා දීමට පියවර ගන්නා ලෙසත් නියම කළා.
### ඔන්ලයින් ව්‍යාපාර නියාමනය කළ යුතුයි -  ඇමති වසන්ත සමරසිංහ කියයි
URL: https://www.citizen.lk/online-businesses-should-be-regulated-minister-wasantha-samarasinghe-says/
Last updated: 2026-06-26T04:20:06.000Z
June 25 (Citizen News) - මාර්ගත ක්‍රමවේදයන් ඔස්සේ සිදු කරනු ලබන ව්‍යාපාර නිසි ලෙස නියාමනය කළ යුතු බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ සඳහන් කරනවා.

අමාත්‍යවරයා මේ බව ප්‍රකාශ කළේ, ශ්‍රී ලංකා සිල්ලර වෙළෙඳුන්ගේ සංගමයේ 09 වැනි වාර්ෂික මහා සභා රැස්වීමට එක්වෙමින්. 

අන්තර්ජාල වෙළෙඳපොළ හරහා සිදුකෙරෙන ඇතැම් ව්‍යාපාර නිසි පරිදි ලියාපදිංචි නොවීම සහ බදු නොගෙවීම නිසා, නීත්‍යානුකූලව බදු ගෙවන ව්‍යාපාරිකයන් දැඩි අපහසුතාවයට පත්වන බව ද ඔහු සඳහන් ක‍ර සිටියා. 

පසුගිය කාලයේ මෙවැනි අවධිමත් ක්‍රම ඔස්සේ ඩොලර් මිලියන 780ක් වැනි විශාල මුදලක් රටින් පිටවී ඇති බව නිරීක්ෂණයවී ඇති බව ද අමාත්‍යවරයා පෙන්වා දුන්නා.

දැනට රටේ ලියාපදිංචිවී ඇති ව්‍යාපාර ප්‍රමාණය 65,000ක් පමණ යැයි උපකල්පනය කළ හැකි වුවත්, ඇතැම් විශාල සමාගම් සතු නියෝජිතයන් සහ බෙදාහරින්නන් ප්‍රමාණය ලක්ෂ දෙකකට වඩා අධික බව ව ඔහු සඳහන් ක‍ර සිටියා.

ඉන් ගමේ කුඩා සිල්ලර කඩයේ සිට ජාතික මට්ටමේ B2C ව්‍යාපාර දක්වා විශාල පිරිසක් නිසි පරිදි ලියාපදිංචි වී නොමැති බව අමාත්‍යවරයා මෙහිදී පෙන්වා දෙන ලදී.

සිල්ලර වෙළෙඳාම යනු විශාල වශයෙන් සේවා හා රැකියා උත්පාදනය කරමින් රටේ ආර්ථිකයට දැවැන්ත දායකත්වයක් සපයන ප්‍රධාන ක්ෂේත්‍රයකි.

එය දළ දේශීය නිෂ්පාදිතයෙන් 20%කට වඩා වැඩි ප්‍රමාණයක් ආවරණය කරන අතර, මිලියන දෙකකට ආසන්න පිරිසකට රැකියා අවස්ථා උදාකරදී ඇති බව වසන්ත සමරසිංහ මහතා වැඩිදුරටත් සඳහන් කර සිටියා.
### තෙල්දෙණිය භෞතික චිකිත්සකවරිය මිය යාමේ සිදුවීමේ සැකකරුවන් යාපනයේදී අත්අඩංගුවට
URL: https://www.citizen.lk/teldenniy-bhautik-cikitskvriy-miy-yaamee-siduviimee-saekkruvn-yaapnyeedii-ataddnguvtt/
Last updated: 2026-06-24T11:27:32.000Z
June 24 (Citizen News) - තෙල්දෙණිය ප්‍රදේශයේ වාහනයක් තුළ භෞතික චිකිත්සකවරියකගේ මළ සිරුරක් සොයාගත් සිදුවීම සම්බන්ධයෙන් ප්‍රධාන සැකකරුවන් දෙදෙනෙකු ඊයේ (23) යාපනයේදී අත්අඩංගුවට ගෙන තිබෙනවා.

 මෙලෙස අත්ඩංඅඩංගුවට ගනු ලැබුවේ, මිය ගිය කාන්තාවගේ පෙම්වතා හා ඔහුගේ බිරිඳයි. වැල්ලවත්තේ සිට යාපනය බලා බසයෙන් ගමන් කරමින් සිටි ඔවුන්ව, ලද තොරතුරක් මත යාපනය අපරාධ විමර්ශන ඒකකය විසින් මෙලෙස අත්අඩංගුවට ගත් බවයි පොලීසිය සඳහන් කරන්නේ.
### අවුරුදු 16 න් පහළ ළමුන්ගේ සමාජ මාධ්‍ය භාවිතය සීමා කිරීමට නව පනත් කෙටුම්පතක්
URL: https://www.citizen.lk/avurudu-16-n-phll-llmungee-smaaj-maadhy-bhaavity-siimaa-kiriimtt-nv-pnt-kettumptk/
Last updated: 2026-06-24T11:10:23.000Z
June 24 (Citizen News) - පාර්ලිමේන්තු මන්ත්‍රී ෆයිසර් මුස්තාෆා විසින් පාර්ලිමේන්තු මහලේකම්වරිය වෙත අද (24) නිල වශයෙන් වයස අවුරුදු 16 ට අඩු දරුවන්ගේ සමාජ මාධ්‍ය භාවිතය සීමා කිරීමට අදාළ වන යෝජනා ඇතුළත් ‘සමාජ මාධ්‍ය අවම වයස් පනත් කෙටුම්පත’ භාර දී තිබෙනවා.

මෙම 'සමාජ මාධ්‍ය අවම වයස් පනත' හරහා, ළමුන් අන්තර්ජාලයේ හානිකර අන්තර්ගතයන්ට නිරාවරණය වීම වළක්වා ගැනීමත්, ඒ සඳහා අදාළ ඩිජිටල් සේවා සපයන්නන් නියාමනය කිරීමත් අපේක්ෂා කෙරේ. 

ඒ අනුව කෙටුම්පත ක්‍රියාත්මක වුවහොත්, ශ්‍රී ලංකාව තුළ ක්‍රියාත්මක සමාජ මාධ්‍ය වේදිකාවන්ට වයස් සීමාවන් ක්‍රියාත්මක කිරීම අනිවාර්ය වීම සහ ළමුන්ට සමාජ මාධ්‍ය තුළ ගත කල හැකි හැකි කාලය සහ ඒ සඳහා ඉඩ දෙන දෛනික වේලාවන් ද නියාමනය කිරීමේ හැකියාව සලසා දෙනු ඇතැයි කෙටුම්පතෙහි සඳහන් බවයි වාර්තා වන්නේ.
### කඩවත බස් නැවතුම්පොළ අසල මාරක අනතුරක්
URL: https://www.citizen.lk/fatal-accident-near-kadawatha-bus-stand/
Last updated: 2026-06-24T06:34:27.000Z
June 24 (Citizen News) - කඩවත බස් නැවතුම්පොළ අසලදී සිදු වූ රිය අනතුරකින් පුද්ගලයෙකු මියගොස් තිබෙනවා.

බස් රථයක් කඩවත බස් නැවතුම්පළතුළට ධාවනය කරන අවස්ථාවේ දී පදිකයෙකුගේ ගැටීමෙන් මෙම අනතුර සිදුව ඇත.

අනතුරින් තුවාල ලැබූ 49 හැවිරිදි පුද්ගලයා රාගම රෝහලට ඇතුළත් කිරීමෙන් අනතුරුව මියගොස් ඇති බවයි සඳහන් වන්නේ.

මරණකරු රාගම ප්‍රදේශයේ පදිංචිකරුවෙකි.

සිද්ධිය සම්බන්ධයෙන් බස් රථයේ රියදුරු අත්අඩංගුවට ගෙන ඇති අතර කඩවත පොලීසිය වැඩිදුර විමර්ශන සිදුකරනු ලබයි.
### හෝමාගම, කොට්ටාව ඇතුළු තවත් ප්‍රදේශ කිහිපයකට අද පැය 24 ජල කප්පාදුවක්
URL: https://www.citizen.lk/24-hour-water-cut-to-several-areas-including-homagama-kottawa-today/
Last updated: 2026-06-24T05:03:24.000Z
June 24 (Citizen News) - පාදුක්ක, හෝමාගම, කොට්ටාව, පන්නිපිටිය හා පැලැන්වත්ත යන ප්‍රදේශ සඳහා අද (24) පැය 24ක ජල කප්පාදුවක් සිදුකිරීමට නියමිත බව ජාතික ජල සම්පාදන හා ජලාපවහන මණ්ඩලය නිවේදනය කරනවා.

ඒ අනුව, අද රාත්‍රී 8 සිට හෙට (25) රාත්‍රී 8 දක්වා වූ කාලය තුළ මෙම ජල කප්පාදුව සිදුකිරීමට නියමිතය.

මහරගම ප්‍රදේශයට ජලය අඩු පීඩනය යටතේ සැපයෙන බවද ජාතික ජල සම්පාදන හා ජලාපවහන මණ්ඩලය නිකුත් කළ නිවේදනයේ සඳහන්.

කලටුවාව සිට බොරලැස්ගමුව දක්වා ජලය සපයන ප්‍රධාන සැපයුම් මාර්ගය ආශ්‍රිතව සිදුකෙරෙන අත්‍යවශ්‍ය නඩත්තු කටයුත්තක් හේතුවෙන් මෙලෙස ජල කප්පාදුව සිදුකරනු ඇත.
### ගම්පහ දිස්ත්‍රික් කාය වර්ධන ශූරතාවලියේදී කිත්මගෙන් විශිෂ්ට දස්කම් රැසක්!
URL: https://www.citizen.lk/many-excellent-performances-by-kithma-aloysius-at-the-gampaha-district-bodybuilding-championship/
Last updated: 2026-06-23T03:34:05.000Z
June 23 (Citizen News) - පසුගියදා ඉතා උත්කර්ෂවත් අන්දමින් පැවැත්වුණු '2026 අවුරුදු 21න් පහළ කනිෂ්ඨ ගම්පහ දිස්ත්‍රික් කාය වර්ධන සහ ශාරීරික යෝග්‍යතා ශූරතාවලියේදී' (Junior Bodybuilding Competition under 21 years - Mr. Novice Gampaha 2026), විශිෂ්ට දක්ෂතා ප්‍රදර්ශනය කරමින් ජයග්‍රහණ රැසක් අත්කර ගැනීමට කිත්ම ඇලෝසියස් සමත්විය.

#### කිත්ම ඇලෝසියස් ලබාගත් ජයග්‍රහණ:

- **අවුරුදු 21න් පහළ කනිෂ්ඨ කාය වර්ධන (Junior Bodybuilding):** ප්‍රථම ස්ථානය (රන් පදක්කම)
- **අවුරුදු 21න් පහළ කනිෂ්ඨ ශාරීරික යෝග්‍යතා (Junior Physique):** දෙවන ස්ථානය (රිදී පදක්කම)
- **අවුරුදු 23න් පහළ (කි.ග්‍රෑ. 70ට වැඩි) කනිෂ්ඨ කාය වර්ධන:** දෙවන ස්ථානය (රිදී පදක්කම)
### කොළඹින් තායිපේ වෙත: ලිබරල් තරුණ ව්‍යාපාරය (LYM) ලෝකය දිනූ හැටි
URL: https://www.citizen.lk/from-colombo-to-taipei-how-the-liberal-youth-movement-lym-conquered-the-world/
Last updated: 2026-06-19T14:07:13.000Z
June 19 (Citizen News) - 2022 වසර ශ්‍රී ලාංකේය අප කාටත් අමතක නොවන වසරකි. රටම දැවැන්ත ආර්ථික සහ දේශපාලනික අර්බුදයක හිරවී, අනාගතය පිළිබඳ අවිශ්වාසය රජ කළ ඒ අඳුරු කාලවකවානුවේදී, නිහඬව බලා සිටිනු වෙනුවට ක්‍රියාත්මක වීමට තීරණය කළ තරුණ හඬක් අවදි විය. ඒ ‘ලිබරල් තරුණ ව්‍යාපාරය’ (Liberal Youth Movement – LYM) ය. එදා කොළඹින් ඇරඹි ඒ කුඩා බීජය, වසර 4ක් වැනි කෙටි කාලයක් තුළ ජාත්‍යන්තරය ජයග්‍රහණය කරනු ඇතැයි බොහෝ දෙනා නොසිතන්නට ඇත. අද වන විට LYM ජාත්‍යන්තර ලිබරල් තරුණ සම්මේලනයේ (IFLRY) පූර්ණ සාමාජිකත්වය දිනා ගනිමින්, ශ්‍රී ලාංකේය තරුණ නියෝජනය ගෝලීය තලයට ඔසවා තබා තිබේ.

### **ශ්‍රී ලාංකේය තරුණ හඬට ජාත්‍යන්තර පිළිගැනීමක්**

තායිවානයේ තායිපේ නුවර පැවැත්වුණු ජාත්‍යන්තර ලිබරල් තරුණ සම්මේලනයේ (IFLRY) 58 වන මහා මණ්ඩල රැස්වීමේදී LYM ව්‍යාපාරයට හිමිවූ මෙම පූර්ණ සාමාජිකත්වය හුදු ලේඛනගත වීමක් පමණක් නොවේ. මෙය ඔවුන් මෙරට තුළ සිදුකළ සැබෑ සමාජ බලපෑම (Local Impact) පිළිබඳව ජාත්‍යන්තරය විසින් සිදුකළ ගැඹුරු ඇගයීමක ප්‍රතිඵලයකි. ලෝකයේ විශාලතම ලිබරල් සහ ප්‍රජාතන්ත්‍රවාදී තරුණ ජාලයක කොටස්කරුවෙකු වීම හරහා අපේ රටේ තරුණ තරුණියන්ට ගෝලීය දේශපාලන ප්‍රවණතා සමඟ සෘජුව ගනුදෙනු කිරීමට දැන් අවස්ථාව ලැබී ඇත.

මෙම ඓතිහාසික සන්ධිස්ථානය පිළිබඳව ලිබරල් තරුණ ව්‍යාපාරයේ නිර්මාතෘ, නීතිඥ, ලේඛිකා සහ පෝඩ්කාස්ට් (Podcaster) ශිල්පිනී නාමිණී පණ්ඩිත දැක්වූයේ මෙවන් අදහසකි:

**“මෙම සාමාජිකත්වය හරහා ජාත්‍යන්තර සහයෝගීතාව, අධ්‍යාපනික සම්පත් සහ ගෝලීය ප්‍රජාතන්ත්‍රවාදී ජාල වෙත ප්‍රවේශ වීමට ශ්‍රී ලාංකේය තරුණ තරුණියන්ට නව අවස්ථා උදා වනු ඇත. මෙය අපේ රටේ සිවිල් ක්‍රියාකාරීත්වය වෙනුවෙන් කැපවූ සැම ලැබූ ජයග්‍රහණයකි.”**

### **නීතිය සහ දේශපාලනය සරල කරන “Liberal with Namini”**

![](https://sinhala.lankanewsweb.net/wp-content/uploads/2026/06/image_1a1354b5f3.jpg)

සම්ප්‍රදායික සිවිල් අධ්‍යාපනය බොහෝ විට සීමා වන්නේ දූවිලි වැදුණු සම්මන්ත්‍රණ ශාලා හෝ කියවීමට අපහසු නීති පොත්වලටය. නමුදු, LYM මෙම ක්‍රමය උඩුයටිකුරු කළේය. ඔවුන් තරුණ පරපුර සොයා ගියේ ඔවුන් කාලය ගත කරන ඩිජිටල් අවකාශය වෙතයි. “Neon Media” යූ ටියුබ් නාලිකාව ඔස්සේ විකාශය වන “Liberal with Namini” වැඩසටහන මීට කදිම උදාහරණයකි.

සංකීර්ණ ආණ්ඩුක්‍රම ව්‍යවස්ථා ගැටලු සහ දේශපාලන සංකල්ප, තරුණයින්ට වැටහෙන සරල බසින් ඉදිරිපත් කිරීම හරහා ‘ආණ්ඩුක්‍රම ව්‍යවස්ථා සාක්ෂරතාව’ (Constitutional Literacy) ඉහළ නැංවීමට ඔවුන් සමත් වී ඇත. සාම්ප්‍රදායික දේශපාලන කතිකාවන්ට වඩා මෙම ඩිජිටල් ප්‍රවේශය බලපෑම් සහගත වන්නේ, එය තරුණ ප්‍රජාව සමඟ සජීවීව සහ අන්තර්ක්‍රියාකාරීව සම්බන්ධ වන බැවිනි.

### **කතාවට පමණක් සීමා නොවූ සැබෑ ක්‍රියාකාරීත්වය**

ලිබරල් තරුණ ව්‍යාපාරයේ සුවිශේෂත්වය වන්නේ ඔවුන් මතවාද පතුරුවන කණ්ඩායමක් පමණක් නොවීමයි. ඔවුන්ගේ ක්‍රියාකාරීත්වය නීති පොත්වලට පමණක් සීමා වූයේ නැත. එක් පසෙකින්, නීතියේ ආධිපත්‍යය වෙනුවෙන් ශ්‍රේෂ්ඨාධිකරණය හමුවේ මූලික අයිතිවාසිකම් (Fundamental Rights) පෙත්සම් ගොනු කරමින් ඉහළ මට්ටමේ නීතිමය සටන්වල නිරත වන අතරම, තවත් පසෙකින් ඔවුන් බිම් මට්ටමේ මානුෂීය මෙහෙයුම්වල නිරත වෙති.

‘ඩිට්වා’ (Ditwah) සුළි කුණාටුවෙන් පීඩා විඳි ජනතාවට සහන සැලසීම සහ ගංවතුර නිසා අසරණ වූ රෝගීන්ට උපකාර කිරීම වැනි කටයුතු හරහා ඔවුන් පෙන්වා දෙන්නේ පුද්ගල අභිමානය සහ අයිතිවාසිකම් රැක ගැනීම යනු අධිකරණයට මෙන්ම පොදු සමාජයට ද එකසේ අදාළ කරුණක් බවයි. නීතිමය සටනත්, මානුෂීය මෙහෙවරත් යනු එකම කාසියක දෙපැත්තක් බව ඔවුන් ප්‍රායෝගිකව ඔප්පු කර ඇත.

### **රාජ්‍ය පාලනයේ ඉහළම තලයට බලපෑම් කිරීම**

2022 දී ආරම්භ වූ නවක ව්‍යාපාරයක් වසර දෙකක් වැනි කෙටි කලකින් රාජ්‍ය පාලනයේ තීරණාත්මක බලවේගයක් බවට පත්වීම විශ්මයජනකය. 2024 ජනාධිපතිවරණ සමයේදී, ප්‍රධාන ජනාධිපති අපේක්ෂකයින් හමුවී නිදහස, ප්‍රජාතන්ත්‍රවාදී පාලනය සහ තරුණ කේන්ද්‍රීය ප්‍රතිසංස්කරණ පිළිබඳ සිය යෝජනා ඉදිරිපත් කිරීමට LYM නියෝජිතයින්ට හැකි විය. මෙය තරුණ ව්‍යාපාරයක පරිණතභාවය සහ ඔවුන් ලබා ඇති පිළිගැනීම මනාව විදහා දක්වන අවස්ථාවකි. රටේ අනාගත නායකයින් සමඟ එකම මේසයක හිඳ ප්‍රතිපත්තිමය කරුණු සාකච්ඡා කිරීමට තරම් ඔවුන්ගේ හඬ ප්‍රබල වී ඇත.

### **හෙට දවස තීරණය කරන්නේ ඔබයි**

අර්බුදකාරී 2022 වසරේ සිට ජාත්‍යන්තරය ජයගත් 2026 වසර දක්වා ලිබරල් තරුණ ව්‍යාපාරය පැමිණි ගමන අප සැමට විශාල පාඩමක් කියා දෙයි. නීතිඥ නාමිණී පණ්ඩිත ගේ නායකත්වයෙන් සහ ස්වේච්ඡා සාමාජිකයින්ගේ කැපවීමෙන් ගොඩනැගුණු මෙම ව්‍යාපාරය, ශ්‍රී ලාංකේය තරුණ ප්‍රජාවට ලබා දෙන පණිවිඩය ඉතා පැහැදිලිය.
### DC සමූහයේ අර්ජුන් ජේගර්, Campaign Asia හි ‘40 Under 40’ නාමාවලියට
URL: https://www.citizen.lk/dc-groups-arjun-jaeger-named-to-campaign-asias-40-under-40-list/
Last updated: 2026-06-19T13:14:51.000Z
June 18 (Citizen News) - DC සමූහයේ (DC Group) සම-නිර්මාතෘ සහ කළමනාකාර හවුල්කරු වන අර්ජුන් ජේගර් (Arjun Jeger), ආසියා-පැසිෆික් කලාපය පුරා අලෙවිකරණ (Marketing), මාධ්‍ය සහ සන්නිවේදන ක්ෂේත්‍රයේ අනාගතය හැඩගස්වන නැගී එන නායකයින් ඇගයීම සඳහා පිරිනමනු ලබන, Campaign Asia හි කීර්තිමත් ‘40 Under 40’ (වයස 40 ට අඩු විශිෂ්ටයින් 40 දෙනාගේ) 2026 කණ්ඩායමට ඇතුළත් කර තිබේ.

ඒ අනුව, ආසියා-පැසිෆික් කලාපයේ වෙළෙඳපොළවල් 14 ක් නියෝජනය කරමින්, ඔවුන්ගේ ව්‍යාපාරික ජයග්‍රහණ, නවෝත්පාදන සහ සමස්ත ක්ෂේත්‍රයේ ප්‍රගතිය උදෙසා දක්වන ලද දායකත්වය වෙනුවෙන් ඇගයීමට ලක් වූ සුවිශේෂී නායකයින් කණ්ඩායමකට ඔහු එක් වෙයි.

මෙම ඇගයීම, 2017 වසරේදී ඉතා සීමිත ඉතිරිකිරීම් ප්‍රමාණයක් සහ කිසිදු බාහිර ආයෝජනයකින් තොරව ‘Digital Content’ නමින් කුඩා ආරම්භක ව්‍යාපාරයක් (Startup) ලෙස ඇරඹි ගමනක සුවිශේෂී සන්ධිස්ථානයක් සනිටුහන් කරයි. ඒජන්සි (Agencies) සාම්ප්‍රදායික දැඩි ව්‍යූහයන්ගෙන් ඔබ්බට ගොස් ‘ප්ලැට්ෆෝම් කේන්ද්‍ර කරගත් කතන්දර කීමේ කලාව’ (platform-first storytelling) වැළඳගත යුතු ය යන විශ්වාසය පෙරදැරිව, ජේගර් විසින් මෙම ව්‍යාපාරය ගොඩනඟන ලද්දේ "එක් කෙටි උපදෙසක් (one brief), එක් කණ්ඩායමක්, එක් මැනිය හැකි ප්‍රතිඵලයක්" යන සරල දර්ශනය පදනම් කරගනිමිනි.

කුඩා ඩිජිටල් අන්තර්ගත නිර්මාණ ඒජන්සියක් ලෙස ආරම්භ වූ මෙම ව්‍යාපාරය, අද වන විට ශ්‍රී ලංකාවේ විශාලතම ස්වාධීන නිර්මාණාත්මක ජාලයන්ගෙන් එකක් වන DC Group දක්වා වර්ධනය වී ඇත. නිර්මාණශීලීත්වය (creative), නිෂ්පාදන (production), ඉන්ෆ්ලුවෙන්සර් අලෙවිකරණය (influencer marketing), පර්ෆෝමන්ස් මීඩියා (performance media), මාර්ටෙක් (martech), මාධ්‍ය සහ සජීවී අත්දැකීම් (live experiences) යන ක්ෂේත්‍රයන් පුරා පැතිරුණු විශේෂිත සමාගම් නවයක් (9) හරහා වෘත්තිකයන් 150 කට අධික පිරිසකට මෙහි රැකියා අවස්ථා සලසා දී තිබේ.

මෙම ව්‍යාපාරික වර්ධනය ළඟා කරගන්නා ලද්දේ ශ්‍රී ලංකාවේ මෑත ඉතිහාසයේ වඩාත්ම අභියෝගාත්මක කාලපරිච්ඡේදයන් තුළදීය. 2019 පාස්කු ඉරිදා ප්‍රහාරය, ගෝලීය වසංගත තත්ත්වය සහ 2022 වසරේ රටේ ඇති වූ ආර්ථික අර්බුදය මධ්‍යයේ වුවද, තම සේවකයින් සහ හවුල්කරුවන් වෙනුවෙන් වූ සියලුම බැඳීම් අකුරටම ඉටු කරමින්, එකදු වැටුප් චක්‍රයක් හෝ අතපසු නොකර වර්ධනය වීමට DC Group සමත් විය.

පසුගිය වසර තුළ 31% ක වර්ධනයක් වාර්තා කළ මෙම සමූහ ව්‍යාපාරය, නයිරෝබි හි ‘DC International’ ආරම්භ කරමින් නැගෙනහිර අප්‍රිකාව වෙත තම ජාත්‍යන්තර සබඳතා ව්‍යාප්ත කිරීමට කටයුතු කළේය. එමෙන්ම, අලෙවිකරණ පරිවර්තනයේ මීළඟ යුගයට ගනුදෙනුකරුවන්ට මගපෙන්වීම සඳහා කෘතිම බුද්ධිය (AI) කේන්ද්‍ර කරගත් විශේෂිත ඒජන්සියක්ද ඔවුන් විසින් පිහිටුවා ඇත.

ආයතනය තුළ, ජේගර් විසින් හිමිකාරිත්වය මුල් කරගත් ආදර්ශනයක් (ownership-driven model) හඳුන්වා දුන් අතර, එමඟින් ජ්‍යෙෂ්ඨ විශේෂඥයින්ට කොටස් සහභාගීත්වය (equity participation) සහිත ව්‍යවසායකයින් ලෙස ව්‍යාපාරික අංශ මෙහෙයවීමට බලය පැවරිණි. 

මෙය වඩාත් ගැඹුරු වගවීමක්, සේවකයින් ආයතනය තුළ රඳවා ගැනීමේ ඉහළ හැකියාවක් සහ සැමට පොදු නායකත්ව සංස්කෘතියක් නිර්මාණය කිරීමට සමත් විය. අද වන විට, DC Group හි සමස්ත සේවක මණ්ඩලයෙන් අඩක්ම කාන්තාවන් නියෝජනය කරන අතර, ඔවුන් නායකත්ව තනතුරුවලින් සැලකිය යුතු ප්‍රතිශතයක් ද හොබවති.

ව්‍යාපාරික කටයුතුවලින් ඔබ්බට, ජේගර් ශ්‍රී ලංකා ඩිජිටල් අලෙවිකරණ සංගමයේ (DMASL) සභාපතිවරයා ලෙස කටයුතු කරන අතර, එහිදී ඔහු වෘත්තිකයන් 1,000 කට අධික පිරිසක් ගෝලීය ක්ෂේත්‍රයේ නායකයින් සමඟ සම්බන්ධ කිරීමට සහය වී ඇත. ‘She Loves Data’ සමඟ හවුල්කාරිත්වයෙන් ‘Women's Chapter’ (කාන්තා අංශය) ආරම්භ කිරීම ඇතුළු විවිධත්ව මුලපිරීම් වෙනුවෙන් පෙනී සිටි ඔහු, ශ්‍රී ලංකාවේ ඩිජිටල් අලෙවිකරණ පරිසර පද්ධතිය ශක්තිමත් කිරීමටද විශාල දායකත්වයක් ලබා දී තිබේ.

මෙම ඇගයීම පිළිබඳව අදහස් දක්වමින් අර්ජුන් ජේගර් මෙසේ පැවසීය:

> "මෙම ඇගයීම මට පෞද්ගලිකව ඉතා සමීප එකක්. මොකද මේක හුදෙක් පුද්ගලික ජයග්‍රහණයකට වඩා එහා ගිය දෙයක් නියෝජනය කරනවා. බාහිර ප්‍රාග්ධනයක් නොමැතිව සහ අපගේ වටිනාකම් ලඝු වීමට නොදී, අපේ රට මුහුණ දුන් වඩාත්ම දුෂ්කර වසර කිහිපය තුළ, ශ්‍රී ලංකාවෙන් ලෝක මට්ටමේ ඒජන්සියක් බිහිකළ හැකියි කියා විශ්වාස කළ සෑම කෙනෙකුටම මේ ඇගයීම අයිති වෙනවා. අප ආරම්භ කරන ස්ථානය අපට කොපමණ දුරක් යා හැකිද යන්න තීරණය නොකරන බවටත්, ශ්‍රී ලංකාවේ දක්ෂතාවලට ලෝකයේ ඕනෑම මට්ටමක තරඟ කර ජයග්‍රහණය කළ හැකි බවටත් මෙය හොඳ මතක් කිරීමක් වනු ඇතැයි මම බලාපොරොත්තු වෙනවා."

සබැඳි (Links):

- [Campaign Asia Article - Arjun Jeger](https://www.google.com/search?q=www.campaignasia.com/article/40-under-40-2026-arjun-jeger-dc-group-pvt-ltd/4ey4k9ae1dr2d70chkvy501ww6&ref=citizen.lk)
- [Campaign Asia Article - 40 Under 40 APAC 2026](https://www.google.com/search?q=https://www.campaignasia.com/article/40-under-40-2026-the-new-faces-of-influence-across-apac-marketing/4txvwa4zz661d2scz2bp8d5f&ref=citizen.lk)
### උඩවලව සහ අවට ප්‍රදේශ කිහිපයකට අද පැය 13ක ජල කප්පාදුවක්
URL: https://www.citizen.lk/13-hour-water-cut-in-udawalawe-and-several-surrounding-areas-today/
Last updated: 2026-06-17T05:28:48.000Z
June 17 (Citizen News) - උඩවලව නගරය සහ ඒ අවට ප්‍රදේශ කිහිපයකට අද (17) පැය 13ක කාලයක් ජල සැපයුම අත්හිටුවීමට පියවර ගෙන ඇති බව ජාතික ජල සම්පාදන හා ජලාපවහන මණ්ඩලය සඳහන් කරනවා.

උඩවලව ජල සම්පාදන යෝජනා ක්‍රමයේ අත්‍යාවශ්‍ය නඩත්තු කටයුත්තක් හේතුවෙන් මෙම තාවකාලික ජල සැපයුම් අත්හිටුවීම සිදු කෙරේ.

ඒ අනුව, උඩවලව නගරය සහ RET නගර සීමාව ආශ්‍රිත ප්‍රදේශවලට අද පෙරවරු 9.00 සිට එදින පස්වරු 10.00 දක්වා පැය 13ක කාලයක් ජල සැපයුම අත්හිටුවනු ඇත.
### මායා බෝංචි වගා ආයෝජනවලට නොරැවටෙන්න: කසගල ග්‍රීන් ප්ලාන්ටේෂන් සමාගම පිළිබඳ මහ බැංකුවෙන් විමර්ශනයක්
URL: https://www.citizen.lk/dont-be-fooled-by-investments-in-marijuana-cultivation-kasagala-green-plantation-company-under-investigation-by-the-central-bank/
Last updated: 2026-06-15T06:05:07.000Z
June 15 (Citizen News) - ශ්‍රී ලංකා මහ බැංකුවේ නියාමනයට යටත් බවට රූපවාහිනී වැඩසටහනකදී සිදු කළ ප්‍රකාශයක් හේතුවෙන් කසගල ග්‍රීන් ප්ලාන්ටේෂන් (Kasagala Green Plantation) සමාගම සම්බන්ධයෙන් විශේෂ විමර්ශනයක් ආරම්භ කර ඇති බව ශ්‍රී ලංකා මහ බැංකුව නිවේදනය කර තිබේ.

පසුගිය ජූනි 8 දින විකාශය වූ ITN හි *“පිණි වියන”* වැඩසටහනට සහභාගී වූ සමාගමේ අධ්‍යක්ෂ මල්වත්තගේ රංජිත් නන්දන පීරිස් ප්‍රකාශ කළේ, තම සමාගම ශ්‍රී ලංකා මහ බැංකුවේ නියාමනයට යටත්ව ක්‍රියාත්මක වන බවත්, සෑම මාස හයකට වරක්ම සමාගමේ තොරතුරු හා ලේඛන මහ බැංකුව වෙත ඉදිරිපත් කරන බවත්ය. එමෙන්ම කිසියම් ගැටලුවක් මතුවුවහොත් මහ බැංකුව සමාගමෙන් විමසීම් කරන බවද ඔහු සඳහන් කළේය.

> **කෙසේ වෙතත්, මෙම ප්‍රකාශය සම්බන්ධයෙන් ශ්‍රී ලංකා මහ බැංකුව නිකුත් කළ නිල නිවේදනයක දැක්වෙන්නේ, කසගල ග්‍රීන් ප්ලාන්ටේෂන් සමාගම මහ බැංකුව විසින් නියාමනය කරන ආයතනයක් නොවන බවයි. අදාළ ප්‍රකාශය සම්පූර්ණයෙන්ම වැරදි සහ මහජනතාව නොමඟ යැවිය හැකි ප්‍රකාශයක් බවද මහ බැංකුව අවධාරණය කර ඇත.**

මහ බැංකුව පෙන්වා දෙන්නේ, මෙවැනි ප්‍රකාශ මඟින් ආයෝජකයන් සහ සාමාන්‍ය ජනතාව වැරදි අවබෝධයකට පත් විය හැකි අතර, එමඟින් මූල්‍යමය අවදානම් තත්ත්වයන්ට මුහුණ දීමටද ඉඩ ඇති බවයි.

මේ අතර, 2011 අංක 42 දරන මූල්‍ය ව්‍යාපාර පනත යටතේ සමාගමේ මූල්‍ය කටයුතු සම්බන්ධයෙන් නිල විමර්ශනයක් ආරම්භ කර ඇති බවද මහ බැංකුව සඳහන් කරයි. එහිදී ප්‍රධාන වශයෙන් සොයා බලනු ලබන්නේ:

- සමාගම නීතිවිරෝධී ලෙස මූල්‍ය ව්‍යාපාරවල නිරත වන්නේද?
- මහ බැංකුවේ අවසරයකින් තොරව මහජනතාවගෙන් තැන්පතු භාරගන්නේද?

යන කරුණු දෙකයි.

මූල්‍ය විශේෂඥයන් අවධාරණය කරන්නේ, ආයෝජනයක් හෝ තැන්පතුවක් සිදු කිරීමට පෙර අදාළ ආයතනය නීත්‍යානුකූලව ලියාපදිංචි වී ඇතිද සහ අදාළ නියාමන ආයතනවල අනුමැතිය ලබාගෙන ඇතිද යන්න පරීක්ෂා කිරීම අත්‍යවශ්‍ය බවයි.

මෙම සිද්ධිය සම්බන්ධයෙන් මහ බැංකුවේ විමර්ශනවල ප්‍රතිඵල සහ කසගල ග්‍රීන් ප්ලාන්ටේෂන් සමාගම ඉදිරිපත් කරන නිල පැහැදිලි කිරීම් පිළිබඳව මූල්‍ය ක්ෂේත්‍රයේ දැඩි අවධානයක් යොමුව තිබේ.

**මේ පිළිබඳ මහජනතාව දැනුවත් කිරීම සඳහා මහ බැංකුව ඉදිරිපත් කළ විඩියෝවක් නරඹන්න.** 

<https://www.facebook.com/share/v/1H8T1L19Xb/>
### BWIO International Awards 2026 සම්මාන උළෙල ගල්කිස්ස මහ හෝටලයේදී උත්කර්ෂවත් ලෙස පැවැත්වේ
URL: https://www.citizen.lk/https-tamil-citizen-lk-bwio-international-awards-2026-held-in-grandeur-at-mount-lavinia-hotel/
Last updated: 2026-06-12T06:46:59.000Z
June 12 (Citizen News) - ඇමරිකා එක්සත් ජනපදය මූලස්ථානය කර ගත් Business World International Organization INC-USA සංවිධානය කළ BWIO International Awards 2026 සම්මාන උළෙල මැයි 16 Mount Lavinia Hotelහිදී අති උත්කර්ෂවත් ලෙස පැවැත්විණි. ආසියානු පැසිෆික් කළාපයේ වඩාත් ගෞරවාන්විත ජාත්‍යන්තර ව්‍යාපාර සම්මාන උළෙලක් ලෙස සැළැකෙන මෙහිදී විවිධ කර්මාන්ත ක්ෂේත්‍රවල විශිෂ්ටත්වය, නායකත්වය, නව්‍යකරණය සහ සාර්ථකත්වය අගයමින් සම්මාන පිරිනමන ලදී.

මෙම අවස්ථාවට ශ්‍රී ලංකාවේ සහ විදේශවල ප්‍රමුඛ පෙළේ ව්‍යාපාරිකයෝ, රාජ්‍යතාන්ත්‍රිකයෝ, ව්‍යවසායකයෝ සහ වෘත්තිකයෝ රැසක් එක් වී සිටියහ. මෙහි ප්‍රධාන ආරාධිත අමුත්තා ලෙස ශ්‍රී ලංකාවේ මැලේසියානු මහ කොමසාරිස්වරයා සහ මාලදිවයිනේ මැලේසියානු තානාපතිවරයා වන බද්ලි හිෂාම් ඇඩම් සහභාගී විය. ගෞරවනීය ආරාධිත අමුත්තන් ලෙස ඩයට්මා ඩෝරින්, කිෂූ ගෝමස් සහ රොහාන් පල්ලේවත්ත එක් වී සිටියහ. විශේෂ ආරාධිතයන් ලෙස රියා ෂර්මා, විජයකුමාර් රවුට්, විශ්‍රාමික මේජර් ජෙනරාල් ආර්. ඒ. ජේ. එන්. රණසිංහ, එම්. සෙන්දිල්නාදන්, මාටිනා ගුසාර් සහ ජූගන් පෙයිෆර් සහභාගී වූහ. මෙම අවස්ථාවට පැමිණි ආරාධිත අමුත්තෝ ඇන්තනී ඩෙක්ස්චර් ප්‍රනාන්දු, තරිඳු විජේනායක සහ එමරිටා විජේනායක විසින් පිළිගනු ලැබූහ. ජාත්‍යන්තර ව්‍යාපාර ප්‍රජාව අතර නායකත්වය, නව්‍යකරණය සහ විශිෂ්ටත්වය ප්‍රවර්ධනය කිරීමට මෙන්ම ජාත්‍යන්තර ව්‍යාපාර සබඳතා ශක්තිමත් කිරීමට BWIO-USA සංවිධානය අඛණ්ඩව දායක වන බව මෙම සම්මාන උළෙල හරහා යළිත් තහවුරු කෙරිණි.
### DB Automation සමාගම Zebra Technologiesහි “Partner of the Year” සම්මානයෙන් පිදුම් ලබයි
URL: https://www.citizen.lk/db-automation-wins-zebra-technologies-partner-of-the-year-award/
Last updated: 2026-06-12T06:41:23.000Z
June 12 (Citizen News) - ශ්‍රී ලංකාවේ විශාලම Zebra Technologies සහකරු වන DB Automation සමාගම “Partner of the Year” සම්මානයෙන් පිදුම් ලැබූ වූ අතර එම ජයග්‍රහණය සමාගමේ ව්‍යාපාර තාක්ෂණ, ස්වයංක්‍රීයකරණ හා ඩිජිටල් පරිවර්තන ක්ෂේත්‍රයේ ප්‍රමුඛත්වය තව දුරටත් තහවුරු කරයි. මෙම සම්මානය DB Automation සමාගම නව්‍යකරණය, වෘත්තීයමය විශිෂ්ටත්වය සහ පාරිභෝගික කේන්ද්‍රීය සේවා සැපයීම සඳහා දක්වන අඛණ්ඩ කැප වීම මෙන්ම Zebra Technologies සමඟ පවත්වා ගෙන යන ශක්තිමත් ව්‍යාපාරික හවුල්කාරිත්වය පිළිබිඹු කරයි. ගෝලීය වශයෙන් ව්‍යාපාර බුද්ධිමය තාක්ෂණ හා Enterprise Asset Intelligence විසඳුම් සපයන ප්‍රමුඛ සමාගමක් වන Zebra Technologies සමඟ ඇති මෙම හවුල්කාරිත්වය හරහා DB Automation ශ්‍රී ලංකාවේ බොහෝ ආයතන වෙත නවීන තාක්ෂණ විසඳුම් හඳුන්වා දී තිබේ.

DB Automation සමාගම හඳුන්වා දී ඇති ස්වයංක්‍රීය හා බුද්ධිමය ව්‍යාපාර විසඳුම් හරහා Supply Chain Visibility, Inventory Accuracy, Workforce Productivity සහ Data Capture Systems වැනි ක්ෂේත්‍රවල සැළැකිය යුතු දියුණුවක් ලැබීමට දේශීය ව්‍යාපාර රැසකට හැකි වී ඇත. Retail, Logistics, Manufacturing, Warehousing, Healthcare හා Distribution යන ක්ෂේත්‍රවල ක්‍රියාත්මක වන ආයතන සඳහා නවීන Mobility, Tracking හා Automation තාක්ෂණය හඳුන්වා දීමෙන් DB Automation ශ්‍රී ලංකාවේ Enterprise Technology ක්ෂේත්‍රයේ විශ්වාසනීය නාමයක් වී ඇත.

මෙම ජයග්‍රහණය පිළිබඳ අදහස් දක්වමින් DB Automation කළමනාකාරීත්වය සඳහන් කළේ මෙම සම්මානය තම කණ්ඩායමේ කැප වීම, වෘත්තීය දක්ෂතාව සහ ගනුදෙනුකරුවන්ට උසස් තත්ත්වයේ සේවාවක් සැපැයීමට දක්වන අඛණ්ඩ උත්සාහයේ ප්‍රතිඵලයක් බවයි. Zebra Technologies සමඟ ඇති ශක්තිමත් හවුල්කාරිත්වය හරහා ඉදිරියටත් නව්‍යකරණය පදනම් කර ගත් අනාගත අවශ්‍යතා සපුරන තාක්ෂණ විසඳුම් වෙළෙඳපොළට හඳුන්වා දීමට අපේක්ෂා කරන බවද සමාගම සඳහන් කළේය. ඩිජිටල් පරිවර්තනය සහ ස්වයංක්‍රීයකරණ තාක්ෂණයන වෙත ව්‍යාපාර වැඩි වශයෙන් යොමු වන මෙවන් කාලයක ආයතනවල කාර්යක්ෂමතාව, ඵලදායීතාව සහ දිගු කාලීන වර්ධනය ඉහළ නැංවීමට වටිනාකම් පදනම් කර ගත් නවීන තාක්ෂණ විසඳුම් සැපැයීමට DB Automation අඛණ්ඩව කැප වන බවද සමාගම සඳහන් කළේය.
### KIU සරසවිය උසස් අධ්‍යාපන අමාත්‍යංශයේ කාලාන්තර ආයතනික සමාලෝචනයේදී ඉහළම සමස්ත ලකුණු ප්‍රතිශතය (85.86%) වාර්තා කරයි
URL: https://www.citizen.lk/kiu-university-tops-ministry-led-review-with-85-86-score-setting-new-benchmark-in-higher-education/
Last updated: 2026-06-12T06:19:09.000Z
June 12 (Citizen News) - ශ්‍රී ලංකාවේ උසස් අධ්‍යාපන ක්ෂේත්‍රයේ සුවිශේෂ හැරැවුම් ලක්ෂ්‍යයක් සනිටුහන් කරමින් KIU සරසවිය උසස් අධ්‍යාපන අමාත්‍යංශය මෙහෙයවූ නවතම කාලාන්තර ආයතනික සමාලෝචනයේදී (Periodic Institutional Review) සියලු රාජ්‍ය නොවන විශ්ව විද්‍යාල අතරින් ඉහළම සමස්ත ලකුණු ප්‍රතිශතය (85.86%) වාර්තා කරයි. උසස් අධ්‍යාපන අමාත්‍යංශය යටතේ සිදු කරන මෙම කාලාන්තර ආයතනික සමාලෝචනය විශ්ව විද්‍යාල තක්සේරු කිරීමට ශ්‍රී ලංකාවේ ක්‍රියාත්මක වඩාත්ම සවිස්තරාත්මක ක්‍රියාවලිවලින් එකකි. පාලනය, කළමනාකරණය, මූල්‍ය ස්ථායීතාව, යටිතල පහසුකම්, අධ්‍යයන සැළැසුම්කරණය, තත්ත්ව සහතිකකරණය, ඉගැන්වීම් හා පර්යේෂණ සඳහා කාර්ය මණ්ඩල ශක්තිය යන මූලික ක්ෂේත්‍ර හයක් යටතේ විශ්ව විද්‍යාල මෙහිදී ඇගැයීමට ලක් කරයි. මෙම රාමුව හමුවේ KIU සරසවිය සෑම අංශයකම ශක්තිමත් කාර්යසාධනයක් පෙන්නුම් කරමින් ජාතික මට්ටමේ ප්‍රමිති ඉක්මවා යාමට සමත් වී ඇත.

මෙම ඉහළ ඇගැයීම කාලාන්තර ආයතනික සමාලෝචනයේදී පමණක් නොව පාඨමාලා මට්ටමින්ද පිළිබිඹු කර ඇත. [BSc Hons in Bio Medical Sciences](https://kiu.ac.lk/course/biomedical-science-bsc-honours/?ref=citizen.lk) උපාධි පාඨමාලාව 93.7%ක අගයක් වාර්තා කරමින් රටේ ඉහළම ශ්‍රේණිගත පාඨමාලා අතරට පත් වී ඇති අතර [BSc Hons in Psychology](https://kiu.ac.lk/course/psychology-bsc-honours/?ref=citizen.lk) උපාධි පාඨමාලාව 83.78%ක අගයක් වාර්තා කරමින් KIU සරසවියේ අධ්‍යයන තත්ත්වය තව දුරටත් ශක්තිමත් කරයි. ගණකාධිකරණය, අලෙවිකරණය, මානව සම්පත් කළමනාකරණය ඇතුළු අනෙකුත් අංශවලදීද KIU සරසවිය අපේක්ෂිත ප්‍රමිති අඛණ්ඩව සපුරමින් ශක්තිමත් හා සමබර අධ්‍යයන පද්ධතියක් තහවුරු කර ඇත.

සිසුන්ට හා දෙමාපියන්ට මෙය සැබෑ සහතිකයක් ලෙස හඳුන්වා දිය හැකිය. KIU සරසවිය උසස් අධ්‍යාපන අමාත්‍යංශයේ (MOHE) අනුමැතිය සහිත විශ්ව විද්‍යාල ප්‍රතිපාදන කොමිෂන් සභාව (UGC) පිළිගත් ආයතනයක් වන අතර ශ්‍රී ලංකා සුදුසුකම් රාමුව (SLQF) සමඟ අනුකූල වෙමින් ජාත්‍යන්තර ප්‍රමිති පදනම් කර ගත් අධ්‍යාපනයක් ශ්‍රී ලංකාවේදී සැපැයීමට අවශ්‍ය කටයුතු නිරන්තරයෙන් සම්පාදනය කරයි. KIUහි බොහෝ සිසුන් විදේශීය විශ්ව විද්‍යාලවල පශ්චාත් උපාධි අධ්‍යයන කටයුතු සඳහා පූර්ණ ශිෂ්‍යත්ව හිමි කර ගෙන ඇති අතර සරසවියෙන් බිහි වන උපාධිධාරීන් විවිධ කර්මාන්ත හා අධ්‍යයන ක්ෂේත්‍රවල ඉහළ රැකියා සුදුසුකම් අඛණ්ඩව පෙන්නුම් කරයි. පන්ති කාමරයෙන් ඔබ්බට යමින් ගෝලීය අවස්ථා හා දිගු කාලීන වෘත්තීය ජයග්‍රහණ වෙත මං විවර කරන අධ්‍යාපනයක ස්වරූපය මේ ප්‍රතිඵල හරහා මනාව තහවුරු වේ. අමාත්‍යාංශය මෙහෙයවන මෙම සමාලෝචන ක්‍රියාවලිය මඟින් රාජ්‍ය නොවන විශ්ව විද්‍යාල ජාතික අපේක්ෂාවලට අනුකූලව ක්‍රියා කරන බව සහතික කරන අතර KIUහි ප්‍රතිඵල මඟින් පෞද්ගලික ආයතනවලටද එම ප්‍රමිති සැපිරිය හැකි බව පමණක් නොව ඉක්මවාද යා හැකි බව සනාථ කර තිබේ. මෙය හුදු ලකුණු සංඛ්‍යාවක් පමණක් නොව පැහැදිලි දැක්ම, අඛණ්ඩ කැප වීම හා ගුණාත්මකභාවය එක් කළ විට කෙටි කාලයකින් ජයග්‍රහණ ලැබිය හැකි බවට ප්‍රබල සාක්ෂියකි.
### බියර් ප්‍රමිතිය, බදු ගැටලු හා ගොවීන්ට වන බලපෑම් සම්බන්ධයෙන් මත්පැන් බලපත්‍රලාභීන්ගෙන් හා සමාජ ක්‍රියාකාරිකයෙකුගෙන් අභියාචනාධිකරණයට රිට් පෙත්සමක්
URL: https://www.citizen.lk/liquor-licensees-and-social-activist-file-writ-application-over-beer-standards-tax-concerns-monopoly-practices-and-impact-on-local-farmers/
Last updated: 2026-06-12T06:09:35.000Z
June 12 (Citizen News) - ශ්‍රී ලංකාවේ බියර් නිෂ්පාදන හා බෙදා හැරීමේ ක්ෂේත්‍රයේ පවතින බව කියන බරපතල නියාමන අසාර්ථකතා, බදු අක්‍රමිකතා, ඒකාධිකාරී ක්‍රියාකාරකම් සහ දේශීය ගොවීන්ට සිදු වන අහිතකර බලපෑම් සම්බන්ධයෙන් නෛතික මැදිහත්වීමක් ඉල්ලා මත්පැන් බලපත්‍රලාභීන් දෙදෙනෙකු සහ සමාජ ක්‍රියාකාරිකයෙකු අභියාචනාධිකරණය හමුවේ රිට් පෙත්සමක් ගොනු කර තිබේ.

ආණ්ඩුක්‍රම ව්‍යවස්ථාවේ 140 වැනි වගන්තිය යටතේ ගොනු කර ඇති මෙම පෙත්සමේ වගඋත්තරකරුවන් ලෙස සුරාබදු දෙපාර්තමේන්තුව, පාරිභෝගික කටයුතු අධිකාරිය, සෞඛ්‍ය අමාත්‍යාංශය, ශ්‍රී ලංකා ප්‍රමිති ආයතනය, රජයේ රස පරීක්ෂකවරයා, නීතිපතිවරයා සහ මෙරට ප්‍රමුඛ පෙළේ බියර් නිෂ්පාදන සමාගම් කිහිපයක් නම් කර ඇත.

මෙම පෙත්සම ගොනු කරනු ලැබ ඇත්තේ ඩොන් ග්‍රෙගරි අජිත් උඩුගම, චාමින්ද කුරුප්පුආරච්චි සහ එම්.එම්. සංජය මහවත්ත විසිනි. බියර් නිෂ්පාදනය හා ගුණාත්මකභාවය සම්බන්ධ නෛතික ප්‍රමිති ක්‍රියාත්මක කිරීමේ අසාර්ථකත්වය, නීතිවිරෝධී බෙදා හැරීම් ක්‍රමවේද, බදු මග හැරීම් සහ වෙළඳපොළේ ඒකාධිකාරී තත්ත්වයක් නිර්මාණය වීම පිළිබඳව මෙම පෙත්සමෙන් චෝදනා කර ඇත.

පෙත්සමට අනුව බියර් නිෂ්පාදනයේ ප්‍රධාන අමුද්‍රව්‍ය ලෙස සහල් සහ සීනි භාවිත කිරීම ප්‍රධාන ගැටලුවක් ලෙස ඉස්මතු කර ඇත. සුරාබදු ආඥා පනත අනුව බියර් යනු මෝල්ට් භාවිතයෙන් පැසවූ මත්පැන් වර්ගයක් ලෙස අර්ථ දක්වා ඇති අතර ඇතැම් නිෂ්පාදකයන් සහල් ප්‍රධාන අමුද්‍රව්‍යයක් ලෙස යොදා ගනිමින් විශාල ප්‍රමාණයක් සීනි එකතු කිරීම නෛතික හා තත්ත්ව ප්‍රමිතිවලට පටහැනි බව පෙත්සම්කරුවෝ පෙන්වා දෙති.

එමෙන්ම ආනයනික හෝ විකල්ප අමුද්‍රව්‍ය භාවිතය වැඩි වීම නිසා මත්පැන් නිෂ්පාදනයට සම්බන්ධ සාම්ප්‍රදායික කෘෂිකාර්මික භෝග වගා කරන දේශීය ගොවීන් දැඩි ආර්ථික අර්බුදයකට මුහුණ පා ඇති බවද පෙත්සමේ සඳහන් වේ. දේශීයව සපයන අමුද්‍රව්‍ය සඳහා ඇති ඉල්ලුම පහළ යාම හේතුවෙන් ගොවීන්ගේ ආදායම් මාර්ග අඩාල වී ඇති අතර දැනටමත් ආර්ථික පීඩනයකට ලක් වී සිටින ග්‍රාමීය කෘෂිකාර්මික ප්‍රජාව තව දුරටත් අසරණ තත්ත්වයට පත් වී ඇති බවද ඔවුහු පෙන්වා දෙති.

වෙළඳපොළ තුළ ප්‍රබල සමාගම් කිහිපයක් ආධිපත්‍යය පවත්වා ගෙන යාම හේතුවෙන් කුඩා පරිමාණ සැපැයුම්කරුවන්ට සහ නිෂ්පාදකයන්ට අවස්ථා අහිමි වී ඇති බවත්, එමඟින් කර්මාන්තය තුළ අසාධාරණ තරගකාරී තත්ත්වයක් ඇති වී තිබෙන බවත් පෙත්සමේ සඳහන් වේ.

බියර් නිෂ්පාදන ප්‍රමිති නිසි පරිදි ක්‍රියාත්මක නොකිරීම හේතුවෙන් පාරිභෝගික සුරක්ෂිතතාවට තර්ජනයක් ඇති විය හැකි බවත්, ප්‍රමිතිවලට අනුකූල නොවන නිෂ්පාදන වෙළඳපොළට නිකුත් වීම මගින් මහජන සෞඛ්‍ය පද්ධතියට අමතර බරක් එල්ල විය හැකි බවත් පෙත්සම්කරුවෝ අවධාරණය කරති.

නීතිවිරෝධී බෙදා හැරීම් ක්‍රමවේද සම්බන්ධයෙන්ද මෙම පෙත්සමෙන් චෝදනා කර ඇති අතර නිසි මත්පැන් බලපත්‍ර නොමැති තෙවන පාර්ශ්වීය නියෝජිතන් හරහා බියර් බෙදා හැරීම සිදු වන බවත්, එම ක්‍රියාවලිය හරහා සුරා බදු, එකතු කළ අගය මත බද්ද (VAT) සහ සමාජ ආරක්ෂණ දායකත්ව බද්ද (SSCL) වැනි බදු මග හැරීම් සිදු විය හැකි බවත් පෙන්වා දී ඇත.

එමෙන්ම ඇතැම් බියර් නිෂ්පාදකයන් සිල්ලර මත්පැන් බලපත්‍රලාභීන්ට දෙන දිරි ගැන්වීම් සහ මූල්‍ය වාසි හේතුවෙන් ඒකාධිකාරී වෙළඳපොළ තත්ත්වයක් ඇති වී ඇති බවද පෙත්සමේ සඳහන් වේ. ඇතැම් සිල්ලර වෙළෙඳසැල් එක් සමාගමක නිෂ්පාදන පමණක් අලෙවි කිරීමෙන් ආර්ථික වශයෙන් බලපෑම් ඇති වන බවත්, තරගකාරීත්වය හා පාරිභෝගික තේරීම් සීමා වන බවත් පෙත්සම්කරුවෝ පෙන්වා දෙති.

මෙම පෙත්සම මගින් සහල් සහ සීනි ප්‍රධාන අමුද්‍රව්‍ය ලෙස භාවිත කරමින් බියර් නිෂ්පාදනය කිරීම වළක්වන රිට් නියෝග, බියර් සඳහා අනිවාර්ය SLSI ප්‍රමිති හඳුන්වා දීමට අදාළ බලධාරීන්ට නියෝග කිරීම, නීතිවිරෝධී බෙදා හැරීම් පිළිබඳ විමර්ශන පැවැත්වීම සහ බියර් කර්මාන්තයේ ඒකාධිකාරී ක්‍රියාකාරකම් වැළැක්වීමට අවශ්‍ය ක්‍රියාමාර්ග ගැනීම ඇතුළු සහන ඉල්ලා ඇත.

එමෙන්ම නඩුවේ අවසන් තීන්දුව දෙන තෙක් සහල් සහ සීනි භාවිතයෙන් බියර් නිෂ්පාදනයට දී ඇති අවසර අත්හිටුවන අතුරු නියෝගයක්ද පෙත්සම්කරුවන් ඉල්ලා තිබේ.
### බස්නාහිර ආණ්ඩුකාර හනීෆ් යූසුෆ් ඇමෙරිකානු රාජ්‍ය දෙපාර්තමේන්තුවේ ඉහළ පෙළේ සාකච්ඡාවක නිරත වෙයි
URL: https://www.citizen.lk/western-governor-hanif-yusuf-engages-in-high-level-discussions-at-the-us-state-department/
Last updated: 2026-06-02T07:44:00.000Z
June 02 (Citizen News) - ශ්‍රී ලංකාවේ ආයෝජන විභවයන් ජාත්‍යන්තරය හමුවේ තැබීමේ අරමුණින් බස්නාහිර පළාත් ආණ්ඩුකාර සහ විදේශ ආයෝජන පිළිබඳ ජනාධිපති විශේෂ දූත හනීෆ් යූසුෆ් ඇමෙරිකා එක්සත් ජනපදයේ වොෂින්ටන් ඩී.සී. නුවරදී රාජ්‍ය තාන්ත්‍රික සාකච්ඡා ආරම්භ කර තිබෙනවා.

  
එහි පළමු පියවර ලෙස ඔහු ඇමෙරිකානු රාජ්‍ය දෙපාර්තමේන්තුවේදී (U.S. Department of State) එරට ආර්ථික වර්ධන, බලශක්ති සහ පරිසර පිළිබඳ පරිපාලන උප ලේකම් (Under Secretary) ජේකබ් හෙල්බර්ග් (Jacob Helberg) හමුවී සාකච්ඡා පවත්වා ඇත.  
  
ශ්‍රී ලංකාව සහ ඇමෙරිකා එක්සත් ජනපදය අතර ආර්ථික හවුල්කාරිත්වය ශක්තිමත් කිරීම පිළිබඳව මෙහිදී දීර්ඝ වශයෙන් අවධානය යොමු වී ඇත.

 ශ්‍රී ලංකාවේ මීළඟ ආර්ථික වර්ධන අදියර සඳහා ඇමෙරිකානු ආයෝජන සහ තාක්ෂණික දායකත්වය ලබාගත හැකි වරාය, සැපයුම් දාම (Logistics), බලශක්ති සහ දත්ත මධ්‍යස්ථාන (Data Centres) වැනි ප්‍රධාන ක්ෂේත්‍ර පිළිබඳව දෙපාර්ශවයේ අවධානය යොමුව ඇත.  

> **2022 වසරේ ඇතිවූ ආර්ථික අර්බුදයෙන් උගත් පාඩම් පාදක කරගනිමින්, ශ්‍රී ලංකාවේ ඉදිරි ගමන රැඳී පවතින්නේ විවෘතභාවය සහ ලෝකය සමඟ විශ්වාසනීයව කටයුතු කිරීම මත බව ආණ්ඩුකාරවරයා පෙන්වා දෙයි. ඒ වෙනුවෙන් වඩාත් විවෘත, තරඟකාරී සහ ආයෝජන සඳහා හිතකර ආර්ථිකයක් ගොඩනැගීමට ජනාධිපති අනුර කුමාර දිසානායක ප්‍රමුඛ රජය කැපවී සිටින බවද ඔහු අවධාරණය කරයි**

මෙම සාකච්ඡාවේදී උප ලේකම් හෙල්බර්ග් ශ්‍රී ලංකාවේ පවතින ආයෝජන අවස්ථා පිළිබඳව ධනාත්මක ප්‍රතිචාරයක් දක්වා ඇති අතර, දෙරට අතර වාණිජමය අවශ්‍යතා මෙන්ම පොදු වටිනාකම් මත පදනම් වූ ශක්තිමත් සබැඳියාවක් ගොඩනැගීමට ඇති සූදානම පළ කර ඇත.  
  
මෙම සාකච්ඡා ප්‍රායෝගික සහ ප්‍රතිඵලදායී ලෙස ඉදිරියට ගෙනයාම සඳහා උප ලේකම්වරයාට කොළඹ සංචාරයක නිරත වන ලෙස ද බස්නාහිර පළාත් ආණ්ඩුකාරවරයා ආරාධනා කර තිබෙනවා.  
  
ශ්‍රී ලංකාවේ ආර්ථික ස්ථාවරත්වය වෙනුවෙන් ජාත්‍යන්තර සහයෝගීතාවය සහ ඍජු විදේශ ආයෝජන (FDI) ආකර්ෂණය කරගැනීම විදේශ ආයෝජන පිළිබඳ ජනාධිපති විශේෂ දූත හනීෆ් යූසුෆ් ගේ මෙම සංචාරයේ අරමුණ වී ඇත.
### දේශපාලන මූලෝපාය තෝරාගැනීම සහ ජාතිවාදී දේශපාලන අභියෝගය
URL: https://www.citizen.lk/choosing-a-political-strategy-and-the-racist-political-challenge/
Last updated: 2026-05-30T12:37:13.000Z
May 30 (Citizen News) - වත්මන් ආණ්ඩුව බෞද්ධ ජාතිකවාදී බලවේග හමුවේ දන නමන බවට වන තර්කය යම් පිරිසක් විසින් මතුකිරීමට උත්සාහ කරන අතර එය දාර්ශනිකව විග්‍රහ කරන පිරිස් ජවිපෙ ඓතිහාසික භාවිතාව එහිදී ප්‍රශ්න කරයි. නමුත් මේ මොහොතේ පවතින දේශපාලන තත්ත්වය විග්‍රහ කිරීමේදී මතුවන වැදගත්ම ප්‍රශ්නයක් වන්නේ කුමක්ද? ප්‍රතිහෙජමොනික (පවතින සංකෘතික-දේශපාලන බල සමස්ථාධිපත්‍යට එරෙහි) සටන් පාඨද නැත්නම් මූලෝපායිකව බලය ස්ථාවරව තබා ගැනීමද?

එම නිසා වාර්ගික-ආගමික-සංස්කෘතික හෙජමොනියට එරෙහි ප්‍රති-හෙජමොනික counter hegemonic දේශපාලනයක් ගොඩනැගීම සහ රාජ්‍ය බලය ස්ථාවරව පවත්වා ගැනීම සහ මූලෝපායික දේශපාලන දිශාව අතර ඇතිවන ආතතිය ඉතා පැහැදිළිය. බොහෝ ප්‍රගතිශීලී කවයන් තුළ පවතින මතයක් වන්නේ, වත්මන් ආණ්ඩුව බලයට පැමිණි පසු සිංහල බෞද්ධ සංස්කෘතික හෙජමොනියට සෘජුව අභියෝග කළ යුතුව තිබූ බවයි. එහෙත්, එවැනි තර්ක බොහෝවිට හෙජමොනිය යනු කුමක්ද යන්න පිළිබඳ සංකීර්ණ ඓතිහාසික සහ දේශපාලනික ස්වභාවය අවම කර තක්සේරු කරයි.

ග්‍රාම්ස්චිගේ හෙජමොනි සංකල්පය තුළ, හෙජමොනිය යනු හුදෙක් රාජ්‍ය බලය නොව, පොදුජන අවබෝධය (common sense) නිර්මාණය කිරීමේ බුද්ධිමය සහ සදාචාරමය නායකත්වයකි. එය පාසල, ආගම, පවුල, මාධ්‍ය, ඉතිහාසය, ජාතික මතකය සහ සංස්කෘතික සංකේත හරහා පරම්පරා ගණනාවක් පුරා නිර්මාණය වන දීර්ඝකාලීන සමාජ බලයකි. එවැනි බලයක් ආණ්ඩු බලය මාරු වීමක් සමග කඩිනමින් බිඳ වැටෙන්නේ නැත. විශේෂයෙන්ම ශ්‍රී ලංකාවේ බෞද්ධ ආගම සහ රාජ්‍යය අතර පවතින සම්බන්ධය යනු හුදෙක් දේශපාලන සන්ධානයක් පමණක් නොව, ඓතිහාසිකව ගොඩනැගුණු ඓන්ද්‍රීය සම්බන්ධතාවයකි. යටත්විජිත විරෝධය, ජාතික රාජ්‍ය ගොඩනැගීම, සිංහල භාෂා ව්‍යාපාරය, ග්‍රාමීය සමාජ සංවිධානය සහ පශ්චාත්-නිදහස් දේශපාලනය යන සියල්ල මේ සමග සම්බන්ධ වී ඇත.

එබැවින්, එවැනි හෙජමොනියකට අභියෝග කිරීම යනු සාමාන්‍ය ප්‍රජාතන්ත්‍රවාදී ප්‍රතිසංස්කරණයකට පහසුවෙන් කළ හැකි දෙයක් නොව, ගැඹුරු සමාජ-සංස්කෘතික විප්ලවයක කාර්ය භාරයකි. එය නීති සංශෝධන කිහිපයකින් හෝ දේශපාලන ප්‍රකාශන කිහිපයකින් සරළව ඉටු කළ නොහැක. එවැනි පරිවර්තනයක් සඳහා අවශ්‍ය වන්නේ නව බුද්ධිමය සම්ප්‍රදායක්, නව ජනප්‍රිය සංස්කෘතියක්, නව පුරවැසි අවබෝධයක් සහ දීර්ඝකාලීන ආයතනික වැඩපිළිවෙලකි. මෙහිදී ජවිපෙ පක්ෂයක් ලෙස ඒ පිළිබඳව ඓතිහාසිකව ක්‍රියාකල ආකාරයේ පවතින ගැටලු සංවාද කිරීම සාධාරණ තත්ත්වයකි.

මෙහිදී ජවිපෙ/ජාජබ දේශපාලනය පිළිබඳ ඉතිහාසය වැදගත් වේ. ජවිපෙ ආරම්භයේ සිටම ග්‍රාමීය සිංහල තරුණ පදනමක් මත ගොඩනැගුණු ව්‍යාපාරයකි. එහි නායකත්වය, විශේෂයෙන් රෝහණ විජේවීර, ශ්‍රී ලංකාවේ ප්‍රධාන වාමාංශික පක්ෂ මෙන් සම්පූර්ණයෙන්ම ජාත්‍යන්තරවාදී හෝ ආගම-රාජ්‍ය වෙන්කිරීමේ රැඩිකල් ජනරජවාදී දේශපාලනයක් වෙත ගමන් කළේ නැත. ඊට ප්‍රතිවිරුද්ධව, ජවිපෙ ක්‍රමයෙන් සිංහල බෞද්ධ පොදුජන අවකාශය සමග සම්මුතියක් ගොඩනගා ගත්තේය. 1980 දශකයේ අගභාගයේදී එය වඩාත් ප්‍රකට විය. එම නිසා ජවිපෙ කිසිදාක සැබෑ අර්ථයෙන් ප්‍රති-හෙජමොනික සංස්කෘතික ව්‍යාපෘතියක් බවට පත්වූයේ නැත.

නමුත්, මෙය හුදෙක් අසාර්ථකභාවයක් හෝ දුර්වලතායක් ලෙස පමණක් කියවීමද ප්‍රමාණවත් නොවේ. මන්ද, ජවිපෙ වැනි පක්ෂයක් එවැනි මාවතක් තෝරාගැනීම පිටුපස සමාජීය සහ මූලෝපායික හේතු තිබුණි. ශ්‍රී ලංකාවේ බහුතර සිංහල බෞද්ධ ජනතාවගේ දේශපාලනික පොදුජන අවබෝධය තුළ බෞද්ධ ජාතිකවාදය, රාජ්‍යය සහ ආරක්ෂාව යන සංකල්ප එකිනෙකට බැඳී තිබේ. එබැවින්, එම පදනමෙන් එන දේශපාලන ව්‍යාපාරයක් හදිසියේම රැඩිකල්/ ලෞකික-ප්‍රතිහෙජමොනික ව්‍යාපෘතියක් බවට පත් වීම දේශපාලනිකව අතිශය දුෂ්කරය.

විශේෂයෙන්ම වත්මන් ජාජබ ආණ්ඩුව බලයට පත් වූ ආකාරය සලකා බැලූ විට මෙය තවත් පැහැදිලි වේ. එය හුදෙක් ප්‍රගතිශීලී නාගරික අරගලකරුවන්ගෙන් පමණක් සැකසෙන ආණ්ඩුවක් නොවීය. එය විශ්‍රාමික හමුදා සාමාජිකයන්, රාජ්‍ය සේවකයන්, ග්‍රාමීය පහළ මධ්‍යම පන්තිය, රාජපක්ස දේශපාලනය සමග කලකිරුණු බහුතර සිංහල බෞද්ධ ජනතාව, සහ රට බේරාගැනීම පිළිබඳ ජාතික-සදාචාරමය කල්පනාවක් ඇති පිරිස් ඇතුළු පුළුල් සමාජ සන්ධානයක ප්‍රතිඵලයකි. එම ඡන්ද දායකයා බොහෝවිට බෞද්ධ වර්ගවාදය පිළිබඳ ගැඹුරු විවේචනාත්මක කියවීමක් කරන දේශපාලනිකව රැඩිකල් පුද්ගලයෙකු නොවන බව පැහැදිලි ය. ඇයගේ/ඔහුගේ ගේ ඡන්දය බොහෝවිට දූෂණයට එරෙහි කෝපය, ආර්ථික අර්බුදය, රාජපක්ස පවුල් පාලනය පිළිබඳ කලකිරීම සහ 'සාධාරණ, දූෂණ විරෝධී පාලනයක්' පිළිබඳ අපේක්ෂාව මත ගොඩනැගුණු එකකි.

මෙවැනි තත්ත්වයක් තුළ, ආණ්ඩුව කඩිනමින් බෞද්ධ සංස්කෘතික හෙජමොනියට සෘජු අභියෝගයක් එල්ල කළහොත්, එය ප්‍රගතිශීලී පරිවර්තනයකට වඩා වේගවත් ප්‍රතිවිප්ලවයක් කැඳවීමේ අවදානමක් දරන බවට සාධාරණ තර්කයක් පවතී. විශේෂයෙන් ම පසූගිය දා ඕමල්පේ සෝභිත හිමි විසින් ගෙනා යෝජනාවට සමගාමීව බෞද්ධ ස්වාමීන් වහන්සේලා අතර විනය ගැටළුව ආමන්ත්‍රණයට අවශ්‍ය නීතිමය පහසූකම් සැලසීම පිළිබඳව ජනාධිපති වරයා එකගවීම අප කියවා ගත යුත්තේ බහුතර සිංහල බෞද්ධ ජනයාගේ අපේක්ෂාවන් ද සමගය. හුදු ලෙස බෞද්ධ ආගමික බලවේගයට නොසලකා ඒමත ආණ්ඩු බලය පතුරනවාට වඩා ප්‍රතිසංස්කරණ පැමිණිය යුත්තේ ද සංඝ සමාජයෙන්ම බව ජනාධිපතිවරයා පිළිගන්නා බව පෙනෙයි. එය අතිශය වැදගත් ප්‍රයෝජ්‍යතාවාදී මානයකි.

විශේෂයෙන්ම සමකාලීන දේශපාලනයේ විශාල ගැටලුවක් වන්නේද මෙයයි. එනම් ගෝලීය වශයෙන්ම නව-ගතානුගතිකවාදය සහ අන්ත දක්ෂිණාංශික ජාතිකවාදය වේගයෙන් නැගී එන අතර, සංස්කෘතික ආරක්ෂාව පිළිබඳ භීතිය ඒවායේ ප්‍රධාන දේශපාලන මූලෝපාය බවට පත්ව ඇත.එම තත්වය තුල දේශීය ආගමික සංස්ථාපිතය සමග ගනුදෙනු කරන භාෂාව ජනාධිපතිවරයා අවබෝධ කරගෙන තිබෙයි. එය වාමාංශික බලවේගයන්ගේ විවේචනයට හසුවිය හැකි වුවත්, රාජ්‍ය බලය සහ පවතින කඩිනම් ආතතීන් ට අනුව බලන විට සාධාරණ ස්ථාවරයකි.

ස්ලාවොයි ජිජෙක් නිතර පෙන්වා දෙන්නේ, ලිබරල් හෝ වාමාංශික ප්‍රගතිශීලීත්වය ජනතාවගේ ඓන්ද්‍රීය සංස්කෘතික භීතින් සහ අනන්‍යතා සමග වැඩ නොකරන විට, එය ප්‍රතිවාදී බලවේගවලට ඉඩ සලසන බවයි. එනම්, 'ප්‍රගතිශීලීත්වය' සමාජයේ පොදුජන අවබෝධය බවට පත් නොවූ අවස්ථාවක, වේගවත් සංස්කෘතික ප්‍රහාරයන් බොහෝවිට අන්ත දක්ෂිණාංශික ප්‍රතිචාරයක් ජනනය කරයි.

එබැවින්, ප්‍රති-හෙජමොනික දේශපාලනයේ වැදගත්කම ප්‍රතික්ෂේප කළ නොහැක. ශ්‍රී ලංකාව දිගුකාලීනව ප්‍රජාතන්ත්‍රවාදී, බහුත්වවාදී සහ පුරවැසි සමානාත්මතාව මත පදනම් වූ ජනරජයක් බවට පත්වීමට නම්, ජනවාර්ගික-ආගමික හෙජමොනිය පිළිබඳ විවේචනාත්මක සංවාදයක් අනිවාර්ය වේ. නමුත්, එය ක්ෂණික දේශපාලන නියෝගයකින් ඉටු කළ හැකි දෙයක් නොවේ.

ඒ සඳහා අවශ්‍ය වන්නේ: නව ව්‍යවස්ථාමය සම්මුතියක්, නීතියේ ආධිපත්‍යය ශක්තිමත් කිරීම,පුරවැසිභාවය පිළිබඳ නව ජනරජවාදී අවබෝධයක්, අධ්‍යාපනික සහ සංස්කෘතික ප්‍රතිසංස්කරණ, සහ දීර්ඝකාලීන බුද්ධිමය-දේශපාලන වැඩපිළිවෙලකි.

එබැවින්, වත්මන් ප්‍රශ්නය ආණ්ඩුව ප්‍රමාණවත් තරම් රැඩිකල් නොවීම පමණක් නොව, ප්‍රති-හෙජමොනික පරිවර්තනයක් සහ දේශපාලන ස්ථාවරභාවය අතර සමතුලිතතාවය කෙසේ ගොඩනගාගත යුතුද යන්නයි. එම සමතුලිතතාවය නොමැති විට, ප්‍රති-හෙජමොනික දේශපාලනය පවා අවසානයේ ප්‍රතිවිප්ලවයට ඉඩ සලසන අසාර්ථක මූලෝපායක් බවට පත්විය හැකිය.

![](https://www.citizen.lk/content/images/2026/05/athulasiri_samarakoon--1-.jpg)

> ආචාර්ය අතුලසිරි සමරකෝන් Digital creator Lecturer at Open University of Sri Lanka Former Teaching Assistant at University of Colombo 

***මෙම ලිපිය නිදහස් ලේඛකයෙකු/ලේඛිකාවක විසින් සම්පාදනය කර ඇති අතර ලිපියේ අන්තර්ගත කරුණු, තොරතුරු, සංඛ්‍යාලේඛන සහ මූලාශ්‍ර වල නිරදව්‍යතාවය පිළිබඳව වගකීම එම ලේඛකයා/ලේඛිකාව විසින් දරනු ලබයි.***
### ‘සූරිය සුළඟ’: නිල පූර්ව ප්‍රචාරක පටය නිකුත් වේ
URL: https://www.citizen.lk/suriya-sulaga-official-trailer-released/
Last updated: 2026-05-29T02:45:21.000Z
May 29 (Citizen News) - ‘දේදුනු ආකාසේ’ සහ ‘ආදරණීය කතාවක්’ ඇතුළු ප්‍රේක්ෂක හදවත් දිනාගත්, වාණිජ සිනමාවේ දැවැන්ත වාර්තා තැබූ ප්‍රියන්ත කොළඹගේ නවතම සිනමා සිත්තම වන “සූරිය සුළඟ” (Suriya Sulanga) චිත්‍රපටයේ නිල පූර්ව ප්‍රචාරක පටය (Official Trailer) පසුගියදා නිල වශයෙන් අන්තර්ජාලයට නිකුත් කෙරුණී.

මෙම සිනමාපටයේ නිෂ්පාදන කටයුතු සිදු කර ඇත්තේ මනීෂා ද සිල්වා, චම්මික ද සිල්වා සහ එම්.ආර්.එච් පෙරේරා විසිනි.

> *සිනමාපටයේ කතා තේමාව ගෙතී ඇත්තේ වත්මන් සමාජයේ දේශපාලන බලය, ධනය සහ පන්ති ක්‍රමය හමුවේ ආදරය මුහුණ දෙන සැබෑ ඛේදවාචකයක් වටා ය. ප්‍රබල දේශපාලන සබඳතා ඇති, ඉහළ පැළැන්තියක පවුලක දියණියක වන තරුෂි සහ සාමාන්‍ය පවුලක තරුණයෙකු වන සිදත් අතර දැඩි ආදර සබඳතාවක් ගොඩනැඟේ. ඔවුන් දෙදෙනා විවාහ වීමට සූදානම් වුවද, තරුෂිගේ බලසම්පන්න පියා ඊට කිසිසේත්ම මනාප වන්නේ නැත. එහෙත්, ඔහු තම විරෝධය ප්‍රසිද්ධියේ නොපෙන්වා, ඒ වෙනුවට දේශපාලන උපක්‍රම සහ බලය භාවිත කරමින් සිදත්ගෙන් සූක්ෂ්ම ලෙස පළිගැනීමට මාන බලයි.ඒ හමුවේ සිදත්ට සහ තරුෂිට මුහුණ දෙන්නට සිදුවන අනපේක්ෂිත, කුතුහලයෙන් පිරි සිදුවීම් මාලාව "සූරිය සුළඟ" තුළින් එතැන් පටන් දිග හැරේ.*

මේඝ සූරියආරච්චි සහ නිහාරි පෙරේරා මෙහි ප්‍රධාන චරිත නිරූපණය කරන අතර සජිනි රෝයි, අශාන් ඩයස්, සනත් ගුණතිලක, සේමිණී ඉද්දමල්ගොඩ, බිමල් ජයකොඩි, අතුල ජයසිංහ, ඉසුරු ලොකුහෙට්ටිආරච්චි, මුතු තරංගා, යශෝධා රාජක්‍රිෂ්ණා, ප්‍රියංකර රත්නායක සහ මෞලි ෆර්නෑන්ඩු ඇතුළු ප්‍රවීණ සහ අද පරපුරේ නලු නිළියන් රැසක්ම සූරිය සුළඟ තුළින් ප්‍රේක්ෂකයා හමුවට පැමිණීමට නියමිතය.

ප්‍රේමවන්තයින්ට මෙන්ම කුතුහලයෙන් පිරි සිනමා අත්දැකීම් ප්‍රිය කරන්නන් වෙනුවෙන්ම වෙන්වූ “සූරිය සුළඟ” එළඹෙන ජුනි 04 සිට දිවයින පුරා පිහිටි සිනමා ශාලාවලදී තිරගත වීමට සියල්ල සූදානම් කර ඇත.

*‘සූරිය සුළඟ’ නිල පූර්ව ප්‍රචාරක පටය මෙතනින් නරඹන්න:* <youtube.com/watch?v=W6vEC1Np9CI&feature=youtu.be>
### පරාජිත දේශපාලනයේ නැවත පැමිණීම සහ ආණ්ඩුවට එරෙහි ව්‍යාජ විකල්ප
URL: https://www.citizen.lk/the-return-of-defeated-politics-and-false-alternatives-against-the-government/
Last updated: 2026-05-29T01:57:55.000Z
May 29 (Citizen News) - වෝයි ජිජැක් Slavoj Žižek නැවත නැවත පෙන්වා දෙන එක් කරුණක් වන්නේ, සමාජ අර්බුද ඇති වන මොහොතක පැරණි බලවේග “නව විකල්ප” ලෙස නැවත දේශපාලන අවකාශයට පැමිණෙන ආකාරයයි. නමුත් ඒවා සැබෑ විසඳුමක් ඉදිරිපත් නොකරයි. ඒ වෙනුවට, ජනතා කෝපය, භීතිය, ජාතිවාදය, සංස්කෘතික අනාරක්ෂිතභාවය සහ බලාපොරොත්තු බිඳවැටීම දේශපාලන ප්‍රාග්ධන භාණ්ඩ බවට පත් කරගනිති. අද ශ්‍රී ලංකාවේ ද, ආණ්ඩුවට එරෙහිව ගොඩනැගෙන ඇතැම් කණ්ඩායම් දෙස බලන විට, ජිජැක් විස්තර කරන එම “ideological fantasy” හෙවත් ව්‍යාජ දේශපාලන නාටකය ඉතා පැහැදිලිව දක්නට ලැබේ.

2022 අරගලයෙන් පසු ජනතාව ප්‍රතික්ෂේප කළ දේශපාලනය අද නැවත විවිධ වෙස්මූණු දමා පැමිණෙමින් සිටී. සමහරු ජාතිවාදය යළි අවුස්සති. තවත් සමහරු “ප්‍රජාතන්ත්‍රවාදය” ගැන කතා කරමින් තමන්ගේම පක්ෂ තුළ ප්‍රජාතන්ත්‍රවාදයක් වලදමයි. තවත් පිරිසක් දූෂණයට එරෙහිව කතා කරන අතරම දූෂිත ව්‍යාපාරිකයන්, පැරණි කොමිස් දේශපාලනය සහ බලය සදහා ඕනෑම ගනුදෙනුවක් කිරීමට සූදානම් කණ්ඩායම් සමග සන්ධාන ගොඩනඟති.

ජිජැක් පවසන පරිදි, පරාජිත දේශපාලනයේ ප්‍රධාන උපක්‍රමය වන්නේ “සැබෑ ගැටලුව” වෙනුවට “කල්පිත සතුරෙකු” ජනතාවට පෙන්වීමයි. ආර්ථික අසමත්භාවය, නව ලිබරල් සූරාකෑම, දූෂිත පාලන ව්‍යුහ සහ පන්තිමය බලය ගැන කතා නොකර, ජාතිය, ආගම, භාෂාව හෝ සංස්කෘතිය වටා ජනතාව සංවිධානය කිරීමට උත්සාහ කිරීම එහි ප්‍රධාන ලක්ෂණයකි. එම නිසා නාමල් රාජපක්ෂගේ දේශපාලනය අද පෙනෙන්නේ අලුත් ව්‍යාපෘතියක් ලෙස නොව, අවසන් වී ගිය පරණ ජාතිවාදී කැසට් පටයක් නැවත වාදනය කිරීමක් ලෙසය. නාමල් රාජපක්ෂ නියෝජනය කරන්නේ අනාගතය නොව, 2005–2019 අතර දේශපාලන මතකයේ දිගුවකි. නව පරපුරකට රැකියා, දැනුම, තාක්ෂණය, නිෂ්පාදනය හෝ සාධාරණ ආර්ථිකයක් ගැන දැක්මක් නොමැතිව, “රට බේරාගත්” අතීතය පමණක් දේශපාලන ප්‍රාග්ධනයක් කර ගැනීමෙන් ඉදිරියට යා නොහැක.

අනෙක් පසෙහි සජිත් ප්‍රේමදාසගේ දේශපාලනය ද ගැඹුරු විවේචනයකට ලක්විය යුතුය. ඔහු බොහෝවිට ජනප්‍රිය වාක්‍ය, සහන පොරොන්දු සහ චිත්තවේගීය කථා භාවිතා කළද, රට පරිවර්තනය කිරීම සඳහා අවශ්‍ය සංකල්පීය දැක්මක් හෝ නව ආර්ථික-දේශපාලන මාර්ගසටහනක් ඉදිරිපත් කර නැත. වඩාත් බරපතළ කරුණ වන්නේ, ඔහු වටා එක්ව සිටින බොහෝ දෙනා පරණ දූෂිත දේශපාලන සංස්කෘතියේම නියෝජිතයන් වීමයි. ජනතාව 2022දී ප්‍රතික්ෂේප කළ පරණ පාලන ක්‍රමයම නව වෙස්මූණු දමා නැවත ඉදිරිපත් කිරීමෙන් විකල්පයක් බිහි නොවේ. ජිජැක්ගේ භාෂාවෙන් කියන්නේ නම්, මෙය 'වෙනසක් නැති වෙනසක්' change without change— වෙනසක් ලෙස අලෙවි කරන එහෙත් ඇත්තටම කිසිදු ව්‍යුහාත්මක වෙනසක් නොවන දේශපාලනයකි.

ඒ අතර, ආණ්ඩුවට එරෙහිව අද සමාජ මාධ්‍ය තුළ ක්‍රියාත්මක වන ඇතැම් ජාතිවාදී සහ අන්තවාදී කණ්ඩායම් ද සැබෑ විකල්පයක් නොව, අර්බුදයෙන් ජීවත් වන දේශපාලන පරපෝෂිතයන් ලෙස පෙනේ. ඔවුන්ට වැඩපිළිවෙලක් නැත. ආර්ථික සැලැස්මක් නැත. නව රාජ්‍ය දැක්මක් නැත. ඇතැම්විට ඔවුන්ගේ එකම දේශපාලන ව්‍යාපෘතිය වන්නේ කෝපය නිෂ්පාදනය කිරීමය. ජිජැක් කියන ආකාරයට, මෙවැනි කණ්ඩායම් ජනතාවගේ අසාර්ථකත්වය “අනෙකා” මත පටවා, සැබෑ පද්ධතිමය ගැටලු සැඟවීමට උත්සාහ කරති.

මෙම සන්දර්භය තුළ අනුර දිසානායක ජනාධිපති ධුරයට පත්වීම, සියලු ගැටලු විසඳා අවසන් කළ අවසාන ජයග්‍රහණයක් නොවූවත්, පරණ පවුල්වාදී, දූෂිත සහ ජාතිවාදී බලවේගවලට එරෙහිව ජනතාව ලබාදුන් වැදගත් දේශපාලන තීරණයක් ලෙස සැලකිය යුතුය. එය ආරක්ෂා කළ යුතු වන්නේ පුද්ගල වන්දනාවක් නිසා නොව, අවම වශයෙන් පරණ දේශපාලන ඒකාධිපත්‍යයට යළි ආපසු යාම වැළැක්වීම සඳහාය. ඕනෑම ආණ්ඩුවක් විවේචනයට ලක්විය යුතුය. එහෙත් විවේචනය යනු පරණ දූෂිත ව්‍යුහ නැවත බලයට ගෙන ඒම සඳහා කරන මෙහෙයුමක් විය නොහැක.

ජිජැක්ගේ අදහසක් අනුව, සැබෑ දේශපාලනය ආරම්භ වන්නේ “පරණ ලෝකය” තවදුරටත් පවත්වාගෙන යා නොහැකි බව තේරුම් ගන්නා තැනදීය. ශ්‍රී ලංකාවේ අභියෝගය වන්නේ ද පරණ ජාතිවාදී සටන් පාඨ, පවුල්වාදය, මාධ්‍ය නාට්‍ය සහ හිස් ජනප්‍රියවාදය අභිබවා, නව දේශපාලන සංස්කෘතියක් ගොඩනැගීමය. එසේ නොමැතිව, “විකල්පය” ලෙස පැමිණෙන්නේ නැවතත් අර්බුදයම වනු ඇත.

***මෙම ලිපිය නිදහස් ලේඛකයෙකු/ලේඛිකාවක විසින් සම්පාදනය කර ඇති අතර ලිපියේ අන්තර්ගත කරුණු, තොරතුරු, සංඛ්‍යාලේඛන සහ මූලාශ්‍ර වල නිරදව්‍යතාවය පිළිබඳව වගකීම එම ලේඛකයා/ලේඛිකාව විසින් දරනු ලබයි.***
### Citizen.lk වෙඩ් අඩවිය, TopWeb.LK හි 2026 මැයි මාසයේ හොඳම වෙබ් අඩවි අතරට
URL: https://www.citizen.lk/citizen-lk-website-among-topweb-lks-best-websites-of-may-2026/
Last updated: 2026-05-28T05:52:20.000Z
May 28 (Citizen News) - DC Group (Digital Content (Pvt) Ltd ) ආයතනයට අනුබද්ධිත Citizen.lk වෙබ් අඩවිය, LK Domain Registry ආයතනය මඟින් මෙහෙයවන TopWeb.LK ඇගයීම් ක්‍රියාවලිය යටතේ 2026 මැයි මාසයේ හොඳම වෙබ් අඩවියක් ලෙස නිල වශයෙන් තේරී පත්වී ඇත.

තාක්ෂණික ප්‍රමිතීන්, පරිශීලක හිතකාමී බව සහ විශ්වසනීය අන්තර්ගතය යන නිර්ණායකයන් සපුරාලීම වෙනුවෙන් 2026 මැයි 22 දින මෙම සම්මානය ප්‍රදානය කෙරිණි.

මෙම සුවිශේෂී ජයග්‍රහණය හේතුවෙන්, ශ්‍රී ලංකාවේ ප්‍රධානතම නිල වෙබ් අඩවි තරඟාවලිය වන BestWeb.LK 2026 හි ප්‍රධාන අදියර සඳහා Citizen.lk වෙබ් අඩවිය සෘජුවම සුදුසුකම් ලබා (Direct Qualification) ඇත.

![](https://www.citizen.lk/content/images/2026/05/citizen.lk_.png)
### අර්බූදයේ මනෝභාවය සහ දේශපාලන ගැටුම
URL: https://www.citizen.lk/crisis-mood-and-political-conflict/
Last updated: 2026-05-26T05:29:41.000Z
May 26 (Citizen News) - ජන බලවේගය ආණ්ඩුව යම් මොහොතක අසාර්ථක වේ යැයි යන 'මනෝභාවය' සමාජය තුළ නිර්මාණය කිරීම මේ මොහොතේ විපක්ෂයේ සහ ආණ්ඩුවට විරුද්ධ මාධ්‍ය බලවේගවල ප්‍රධාන කාර්යයක් බව පෙනෙයි. අප එය මීට ඉහතදී ද සාකච්ඡා කළෙමු. ආර්ථික දුෂ්කරතා, ඩොලර් අර්බූදය, බදු ප්‍රතිපත්ති, ජීවන වියදම සහ පරිභෝජනය කඩාවැටීම ආදී සියල්ල දේශපාලනිකව භාවිතා කරමින් “ආණ්ඩුවට සම්පූර්ණ කාලයම බලයේ සිටිය නොහැකිය” යන මනෝභාවය ජනතාව තුළ ඇතිකොට එය ආණ්ඩු විරෝධී කලකිරීමක් බවට පත්කිරීමට ගන්නා උත්සාහයක් පවතී. නමුත් එය එක් තනි පූද්ගලයකුගේ හෝ කණ්ඩායමක පමණක් උත්සාහයක් ද නොවෙයි. 

සමහරවිට විප්ලවයෙන් පසු ලෙනින් මුහුණ දුන් අර්බූදය අනුව බලන විට මෙය සරල ආර්ථික අර්බූදයක් පමණක් නොව, 'බලය අහිමි කිරීමට හෝ අල්ලා ගැනීමට භාවිතා කරන ඓතිහාසික අවස්ථාවක්' ද වේ. 'ද්විත්ව බලය' (dual power) පිළිබඳ ලෙනින් කළ විග්‍රහය තුළින් හඳුනාගත හැකි පරිදි රාජ්‍ය බලය යනු පවතින ආණ්ඩුවේ බලය පමණක් නොව, සමාජයේ විවිධ මතවාදී, සංවිධානාත්මක සහ ජනප්‍රිය බලවේග අතරද බෙදී පවතින දෙයක් බව පෙනෙයි. එම අර්ථයෙන් මේ මොහොතේ ආණ්ඩුවේ ආර්ථික පරිපාලනමය පාලනය පමණක් නොව, 'ජන මනස' ද පාලනය කිරීම පිළිබඳ සටනක් පවතී.

නමුත් ආණ්ඩුවට පවතින ප්‍රධාන වාසිය සමහරවිට විපක්ෂය තුළ පවතින දෘෂ්ටිවාදීමය බෙදීම විය හැක. විපක්ෂය තුළ එක්සත් මතවාදයක් නැත. එහි ජාතිකවාදී කඳවුරක් පවතී. ජාතිවාදී භික්ෂූන්, ඒකාබද්ධ විපක්ෂයේ කොටස්, විමල් වීරවංස, උදය ගම්මන්පිල වැනි බලවේග මෙම ජාතිකවාදී ප්‍රතිචාරය ගැඹුරු ලෙස පලකරයි. කලක් මාක්ස්වාදී-ලෙනින්වාදී භාෂාවෙන් කතා කළ වීරවංස අද සිංහල-බෞද්ධ ආරක්ෂකවාදයේ ප්‍රධාන කථිකයෙකු වී සිටීම ශ්‍රී ලංකාවේ දේශපාලනය තුළ සිදුවන ඇති විකෘති පරිණාමයන් පිළිබඳ උදාහරණයකි. මතවාදය වෙනුවට බලය සහ ජාතික හැඟීම් කේන්ද්‍ර කරගත් දේශපාලනයකට ඔහු ගමන් කර ඇත. ලෙනින්ගේ දෘෂ්ටියෙන් මෙය 'සුළු ධනපති ජාතිකවාදය' ලෙස හැඳින්විය හැකි ය. අර්බූදකාරී සමාජයක ජනතාව මුහුණ දෙන අනාරක්ෂිතභාවය, ජාතිකත්වය සහ ආගමික හැඟීම් හරහා දේශපාලන ප්‍රාග්ධනයක් බවට පත් කරගැනීමට විපක්ෂයේ ප්‍රබල පාර්ශවයක් ඒ අනුව ක්‍රියා කරයි. 

එසේම චම්පික රණවක වැනි චරිතද දැන් ආණ්ඩුවට එරෙහි ප්‍රධාන වේදිකාවට පැමිණීම විශේෂත්වයකි. කලක් 'තාක්ෂණික නවීනවාදය' සහ 'සංවර්ධන ජාතිකවාදය' ගැන කතා කළ ඔහු දැන් ආණ්ඩුව පෙරළීමේ විපක්ෂ බලවේගය සංයෝජනයේ දී එහි ප්‍රධාන කොටසක් බවට පත්ව ඇත. එජාපය, පොහොට්ටුව, ශ්‍රීලනිපය, ජාතිකවාදී කණ්ඩායම්, වෙළඳපල ලිබරල්වාදීන් සහ පැරණි දේශපාලන බලවේග — මේ සියල්ල එකම වේදිකාවකට පැමිණීමේ උත්සාහය තුළ පවතින්නේ 'මතවාදී එකඟතාවයක්' නොව කෙසේ හෝ 'බලය නැවත අල්ලා ගැනීමේ අවශ්‍යතාවය' බව පැහැදිලි ය. 

එසේම මේ මොහොතේ විපක්ෂයේ අභ්‍යන්තර අරගලයක්ද පවතී. සජිත් ප්‍රේමදාස තවමත් සම්පූර්ණයෙන්ම සිංහල-බෞද්ධ ජාතිකවාදයට යටත් වී නැති නායකයෙකු ලෙස පෙනෙයි? එය ඔහුගේ ශක්තියක්ද දුර්වලතාවයක්ද යන්න තීරණය වන්නේ දැනට නිර්මාණය වෙමින් පවතින දේශපාලන මනෝභාවය මතය. ඔහු ජාතිවාදී මනෝභාවයට එරෙහි නම් එයට විරුද්ධ බව ප්‍රබලව හැගවිය යුතු ය. සමහර බලවේග සිතන්නේ රනිල් වික්‍රමසිංහ සහ සජිත් ප්‍රේමදාස යන දෙදෙනාම ජාතිකවාදයට එරෙහි මධ්‍යස්ථ ලිබරල් පිළිතුරක් බවයි. නමුත් ජාතිකවාදී කඳවුර ඔවුන් ගැන පූර්ණ විශ්වාසයක් තබන්නේ නැත. ඒ නිසාම ජාතිකවාදී විපක්ෂය සිතන්නේ අනුර කුමාර දිසානායක පරාජය කිරීමට ලිබරල් බලවේග පමණක් ප්‍රමාණවත් නොවන බවයි.

මෙම පසුබිම තුළ ආණ්ඩුවේ ප්‍රධාන අභියෝගය ආර්ථිකය පමණක් නොවේ; 'ස්ථාවරභාවය' පිළිබඳ විශ්වාසය ගොඩනැගීමට පවතින වාතාවරණය තුළ එය වහාම ක්‍රියාත්මක විය යුතුය. ඩොලරයේ අගය, IMF ණය වාරික, ආනයන පාලනය, බලශක්ති පිරිමැසුම, රාජ්‍ය වියදම් පාලනය සියල්ල ආර්ථික මෙවලම් පමණක් නොව දේශපාලන මෙවලම්ද වේ. ලෙනින් 1921 නව ආර්ථික ප්‍රතිපත්තිය (NEP) හඳුන්වා දුන්නේද විප්ලවය රැක ගැනීමට තාවකාලික ආර්ථික යථාර්ථවාදයක් අවශ්‍ය වූ නිසාය. එහිදී පාරිශුද්ධ මතවාදය වෙනුවට රාජ්‍යය රැකගැනීම ප්‍රමුඛ විය. අද ශ්‍රී ලංකාවේද ආණ්ඩුවට අවශ්‍ය වන්නේ විප්ලවවාදී ප්‍රකාශ නොව, 'රට නැවත කඩා වැටෙන්නේ නැත' යන මානසික විශ්වාසය ජනතාව තුළ ඇති කිරීමයි. 

එසේම හර්ෂ ද සිල්වා වැනි ආර්ථික ලිබරල්වාදීන් පෙන්වා දෙන්නේ වෙළඳපල තුළ විශ්වාසය ගොඩනැගීමේ වැදගත්කමයි. මෙය නව-ලිබරල් ආර්ථික භාෂාවක් වුවද, දේශපාලනිකව බලන විට එය 'අපේක්ෂාව කළමනාකරණය' කිරීමකි. ආර්ථිකය බොහෝවිට සංඛ්‍යා මත නොව විශ්වාසය මත ගමන් කරයි. ආණ්ඩුව ස්ථාවර බව, නායකත්වය තුළ බෙදීමක් නොමැති බව සහ අභ්‍යන්තර ගැටුම් නැති බව පෙන්වීම වෙළඳපල සහ ජනතාව යන දෙපාර්ශවයටම වැදගත් වේ.

ඒ නිසාම අනුර කුමාර දිසානායක, හරිනි අමරසූරිය සහ ටිල්වින් සිල්වා අතර ඇති එකමුතුව පිළිබඳ ප්‍රශ්න මතු කිරීම විපක්ෂයේ මූලික මූලෝපායකි. ඕනෑම ආණ්ඩුවක් බිඳවැටෙන්නේ බාහිර ප්‍රහාරයකින් පමණක් නොව, අභ්‍යන්තර විශ්වාසභංගයකින් බව ඉතිහාසය පෙන්වා දෙයි. ටිල්වින් සිල්වාගේ ප්‍රකාශ, අනුර සහ එජාපය අතර ඇති බව කියන රහස් එකඟතා, හර්ෂ ද සිල්වා සමඟ ඇති සංවාද ආදී සියල්ල 'ජවිපෙ තුළ අභ්‍යන්තර විරෝධයක් පවතී' යන අදහස නිර්මාණය කිරීමට භාවිතා කරයි. ග්‍රාම්ෂිගේ භාෂාවෙන් කියන්නේ නම්, මෙය 'හෙජමොනිය බිඳ දැමීම' සඳහා සහ ආණ්ඩුවේ මතවාදීමය නායකත්වය දුර්වල කිරීම සඳහා වන උපායකි. 

නමුත් මෙම සියලු දේශීය ගැටුම් සහ අර්බූද ලෝක දේශපාලනයෙන් වෙන් කළ නොහැක. අද එක පසෙකින් ලෝකයම අර්බූදයක් වෙත ගමන් කරමින් තිබේ. ඇමරිකානු-චීන බල තරගය, මැදපෙරදිග යුද්ධය, බලශක්ති අර්බූද, ගෝලීය ණය අර්බූද, දේශගුණික ව්‍යසන ආදී සියල්ල කුඩා රටවලට දැඩි බලපෑම් ඇති කරයි. ශ්‍රී ලංකාව වැනි කුඩා රාජ්‍යයකට 'පූර්ණ ස්වෛරී තීරණ' ගැනීමේ හැකියාව සීමිතය. එවැනි අවස්ථාවක ආණ්ඩුවකට අවශ්‍ය වන්නේ විප්ලවීය රොමෑන්ටිකත්වය නොව, මූලෝපායික ඉවසීමයි. වත්මන් ආණ්ඩුව එය මනාව මේ දක්වා පෙන්වා ඇත.

ලෙනින් කියු පරිදි 'විප්ලවීය තත්ත්වයක්' යනු පාලකයන්ට පෙර පරිදි පාලනය කරගත නොහැකි වන අවස්ථාවක් සහ ජනතාවට පෙර පරිදි ජීවත් විය නොහැකි වන අවස්ථාවක් එකවිට ඇතීවීම විය හැක. ශ්‍රී ලංකාව එවැනි තත්ත්වයක පළමු අර්ධය පසුකර ඇත. නමුත් එවැනි තත්ත්වයකින් පසුව ඇති විශාලම ප්‍රශ්නය වන්නේ 'රාජ්‍යය ස්ථාවර කරන්නේ කෙසේද?' යන්නයි. වර්තමානයේ පවතින තත්වය එයයි. 

වත්මන් ආණ්ඩුවේ ඓතිහාසික අභියෝගය වන්නේ ආර්ථිකය පාලනය කිරීම පමණක් නොව, අරාජිකත්වය ද පාලනය කිරීමයි. විපක්ෂය ආණ්ඩුව අසාර්ථකත්වනු ඇතැයි යන අපේක්ෂාව මත දේශපාලනය කරන විට, ආණ්ඩුව ස්ථාවරභාවය, පිරිමැසුම්වාදය, විශ්වාසය සහ සංවිධානාත්මක එකමුතුව මත දේශපාලනය කළයුතුය. එහි සාර්ථකත්වය තීරණය කරන්නේ සංඛ්‍යාත්මක ආර්ථික වර්ධනය තුළින් පමණක් නොව, 'ආණ්ඩුවට රාජ්‍ය මෙහෙයවිය හැකිය' යන හැඟීම ජනතාව තුළ වඩාත් ශක්තිමත් ව දිගටම පවත්වා ගත හැකිද යන සාධකය මතය.

![](https://www.citizen.lk/content/images/2026/05/athulasiri_samarakoon--1-.jpg)

> ආචාර්ය අතුලසිරි සමරකෝන් Digital creator Lecturer at Open University of Sri Lanka Former Teaching Assistant at University of Colombo 

*මෙම ලිපිය නිදහස් ලේඛකයෙකු/ලේඛිකාවක විසින් සම්පාදනය කර ඇති අතර ලිපියේ අන්තර්ගත කරුණු, තොරතුරු, සංඛ්‍යාලේඛන සහ මූලාශ්‍ර වල නිරදව්‍යතාවය පිළිබඳව වගකීම එම ලේඛකයා/ලේඛිකාව විසින් දරනු ලබයි.*
### වෙස් මුහුණු ද සැබෑ මුහුණුද: ශිෂ්ටාචාරමය අර්බූදය තුළ පංසල සහ සරසවිය!
URL: https://www.citizen.lk/masks-and-true-faces-church-and-university-in-a-civilizational-crisis/
Last updated: 2026-05-25T06:58:34.000Z
May 25 (Citizen News) - දැනට අධිකරණයෙන් ඇප ලබා සිටින අටමස්ථානාධිපති වැනි ආගමික චරිත හෝ පේරාදෙණිය විශ්වවිද්‍යාලයේ මහාචාර්යවරයෙකුට එල්ලවන ලිංගික අල්ලස්, බලය භාවිතය, හෝ ශිෂ්‍ය ස්ත්‍රී ශරීරය ග්‍රහණයට ගැනීම පිළිබඳ චෝදනා හෝ වෙනත් පිරිමි බලය සමග ගැටගසුණු ආයතනික බලය හරහා අපචාර කිරීම ආදී මේවා එකිනෙකට වෙනස් සිදුවීම් ලෙස පෙනුණත් ඒවා එකම ගැඹුරු අර්බුදයක විවිධ වෙනස් පැතිමාන බව පෙනේ. 

ආයතන හෝ අධ්‍යාත්මික බලය වෙස් මුහුණක් ලෙස යොදා ගෙන බලය අවභාවිතා කිරීමක් ලෙසද එය හැඳින්විය හැක. එසේම, දාර්ශනික අර්ථයකින් එම තත්වයන් අපට සිහි කර දෙන්නේ කුමක්ද? එය සමාජීය තත්වයන්, අධ්‍යාත්මික විශ්වාස, ශාස්ත්‍රීය ප්‍රබුද්ධත්වය ආදිය පිළිබඳ අස්ථිත්වමානීය (existential) ගැටලු රැසක් අපට ඉදිරිපත් කරයි. 

එනම්, 'ආයතන', 'සදාචාරය', 'මනුෂ්‍යත්වය', 'ශිෂ්ටත්වය', 'ආධ්‍යාත්මිකත්වය', 'ශාස්ත්‍රීය උසස්භාවය' යන සියලුම වචන තවදුරටත් ජීවමාන අර්ථයන් සහිත ඒවා නොව, බොහෝවිට බලය සඟවන වෙස් මුහුණු බවට පත්වී ඇති බව එවැනි බොහෝ අවස්ථා අපට පෙන්වා දෙයි හනා අරෙන්ට් සිය The Human Condition නැමැති කෘතිය තුළ මනුෂ්‍යයාගේ පොදු ලෝකය (public world) පිළිබඳ සිදුකරන කතාබහ මෙහිදී අපට යම් දාර්ශනික කවුළුවක් සපයයි. ඇයට අනුව, මිනිසුන් අතර සත්‍යය කථා කළ හැකි, වගකීම් සහිතව ක්‍රියා කළ හැකි, නිදහස්ව පෙනී සිටිය හැකි අවකාශයක් නොමැති විට, දේශපාලනය මෙන්ම සදාචාරයද කඩාවැටීමට ලක්වෙයි. එවිට පිටතින් 'ගෞරවනීය' ලෙස පෙනුණත් ආයතන ඇතුළත පවතින්නේ (silent coercion) 'නිහඬ බලහත්කාරය' ක් බව පෙනෙයි. 

විශ්වවිද්‍යාලය, පන්සල, අධිකරණය, පාර්ලිමේන්තුව, මාධ්‍ය, NGO, ''මානව හිමිකම්' සංවිධාන — මේ සියල්ලම 'මනුෂ්‍යත්වය' නියෝජනය කරන ආයතන බව පෙන්වයි. නමුත් අරෙන්ට් කියන විදියට, එම ආයතන චින්තනයට ඉඩ නොදී යාන්ත්‍රික ( institutions without thinking become machines ) ආයතන බවට පත්වීම යනු, නීතිමය සදාචාරාත්මක ආකෘති තිබුණත්, ඇතුළත සදාචාරාත්මක හිස්කමක් සහිත නීතියක් නැති පද්ධති බවට පත්වීමකි. පංසල්වල ප්‍රතිමා, පූජාසන වැඩි වුණත් ඒවා තුළ අධ්‍යාත්මික සත්‍ය ගවේෂණය පිරිහෙමින් පවතී. අටමස්ථානය ම එයට නිදර්ශන සපයන බව පෙනෙයි. එසේම විශ්වවිද්‍යාල තුළ ඥාන ගවේෂණය යාන්ත්‍රික වී ප්‍රබුද්ධත්වය වෙනුවට භෞතික අරමුණු, පූද්ගල බද්ධ විනිශ්චය ඉහළ ගිය බවක් පේරාදෙණිය නඩු තීන්දුව පෙන්වා දෙයි.

 පේරාදෙණිය මහාචාර්යවරයාගේ සිද්ධිය මෙහිදී තනි 'අශිෂ්ට පුද්ගලයෙකුගේ' ගැටලුවක් පමණක් නොවේ. එය දැනුම සහ බලය අතර පවතින සබඳතාවය (knowledge-power relationship) තුළ පවතින අර්බුදයක් ද වෙයි. ගුරුවරයා යනු සම්ප්‍රදායිකව 'ප්‍රඥාව ලබාදෙන' චරිතයකි. නමුත් නූතන විශ්වවිද්‍යාලය තුළ දැනුමද පාරිභෝගික භාණ්ඩයක් බවට පත්වෙද්දී, ශිෂ්‍යයාගේ අනාගතය සඳහා ලබාදෙන 'ලකුණු, නිර්දේශ ලිපි, ශිෂ්‍යත්ව, අධීක්ෂණය' ආදී සියල්ල කේවල් කිරීමේ උපකරණ (bargaining tools) බවට පත්වේ. එවිට ලිංගිකත්වය ද බලය සහ පරිපාලනය පිළිබඳ උපකරණයක් බවට පත්වෙයි (sexuality itself becomes administrative power).මහාචාර්යවරයා 'මානවවාදය', 'ස්ත්‍රීවාදය', 'ප්‍රගතිශීලීත්වය', 'සමාජ සාධාරණත්වය' ගැන දේශන පවත්වන අතරම, පුද්ගලිකව ශිෂ්‍යාවකගෙන් sexual අල්ලසක් ඉල්ලන්නේ නම්, එය දෙබිඩිතාවක් hypocrisy පමණක් නොවේ; එය නූතන මනුෂ්‍යත්වය බිඳ වැටීම (modern humanism collapse) පිළිබඳ සිද්ධියකි. 'මනුෂ්‍යත්වය' පවා සංදර්ශනක් (performance) බවට පත් වී ඇත. ශාස්ත්‍රීය ප්‍රොෆයිල්, දේශන ශාලා, සමාජ මාධ්‍ය පලකිරීම්, හෝ සමාජය ඉදිරියේ පෙනෙන ජනහිතකාමී ප්‍රතිරූපයට යටින්, බලාධිකාරය, ජාගර ආශා සංතර්පණයට ස්ත්‍රී සිරුරු දඩයම, දැඩි නෂ්ට කාමය (narcissism) සහ සූරාකෑම (exploitation) ක්‍රියාත්මක විය හැකිය.

අරෙන්ට්ගේ දුෂ්ටත්වය සාමාන්‍යකරණය “banality of evil” පිළිබඳ අදහස මෙහිදී අතිශයින් වැදගත් වේ. අයහපත සෑමවිටම කෝපයෙන්, වෛරයෙන් හෝ මෘගත්වයෙන් පමණක් පවතින්නේ නැත. සමහරවිට එය අතිශය සුභාවිත භාෂාව භාවිතා කිරීම සමග (refined language) එයි. අතිශය ශාස්ත්‍රීය, ප්‍රජාතන්ත්‍රවාදී වචන සමග එය සැරිසරයි. ප්‍රගතිශීලී 'Progressive' දේශපාලනය ලෙස සමහරවිට පවතී. සංස්කෘතිය, කලාව, දේශපාලනය, පරිත්‍යාගශීලීත්වය,සියලු දෙනා එකතු කිරීම, චිත්ත සමාධිය ආදි සියලු කථනයන්සියල්ල යටින් සූරාකෑම (exploitation) පැවතිය හැකිය. එම නිසා දුෂ්ටයන් සහ දුෂ්ටත්වය ශිෂ්ට ලෙස පෙනීයයි (Evil wears civilized clothing).

අස්තිත්වවාදීව බලන විට මෙය නිර්ව්‍යාජත්වය (authenticity) පිළිබඳ අර්බුදය (crisis) කි. සාත්‍රේ 'නරක විශ්වාස' (bad faith) ලෙස හැඳින්වූයේ, මිනිසා තමන්ගේ නිදහස හා වගකීමෙන් පලා යමින්, කිසියම් භූමිකාවක් තුළ සැඟවීමයි (විපක්ෂ නායක, කථිකාචාර්ය, නීතීඥ, හාමුදුරුවෝ වැනි භූමිකා දෙස බලන්න). භික්ෂුව හැම විටම 'ශාසනය' තුළ සැඟවෙයි. මහාචාර්යවරයා තමන් 'විද්වත් ප්‍රගතිශීලී පුද්ගලයෙක්' ලෙස පෙන්වා දෙයි. එම භාෂාව තුළ සැගවෙයි. දේශපාලනඥයා ඔහු 'ජනතාවගේ සේවකයා' නැමැති වෙස් මූණ පැළද සිටී. NGO ක්‍රියාධරයා 'පීඩිත ජනයාගේ හඩ' (oppressed voices) වෙනුවෙන් කතා කර ඒ තුළ සැඟවෙයි. නමුත් මේ සියල්ලම හුදු රගපෑම් නැතිනම් භූමිකා (roles) පමණක් නම් සිදු වන්නේ කුමක්ද? ඇතුළත ඇත්තේ බලය සඳහා හුදු නිර්වස්ත්‍රීය කාමයක්/අභිලාසයක් (naked will to power) පමණක් නම් එහි පවතින සත්‍ය කුමක්ද?

නීට්ෂේ නම් දාර්ශනිකයා මෙය බොහෝ කලකට පෙර දුටුවේය. ඔහුට අනුව, සදාචාරය යනුම බලය සදහා පවතින වෙස් මුහුණකි (morality itself can become a mask for power). යහපත්කම පවා අනෙකා යට කරගැනීමට ගන්නා උපායක් (domination strategy) විය හැකිය. අද අප දකින ව්‍යාජ මානුෂවාදය (pseudo-humanism) බොහෝවිට එවැනි එකකි. සමාජ මාධ්‍යවල අනුකම්පාව ලබන පළකිරීම් කරමින් (empathy posts), ස්ත්‍රීවාදී ලෙස පෙනී සිටින, ළමා අපචාර වලට එරෙහිව පෙනී සිටින, සමානාත්මතාව දේශනාකරන පුද්ගලයන්ම පුද්ගලිකව එවැනි අපචාරමය ව්‍යූහ වල (abusive structures) කොටස්කරුවන් විය හැකිය.

'ව්‍යාජ මනුෂ්‍යත්වය' යනු මෛත්‍රීය සහ යහපත් කම පිළිබඳ රංගනයකි (පසුගිය ජනාධිපතිවරු ප්‍රසිද්ධියට දරුවන් වඩාගැනීම) (compassion performance) එකකි. එය අනෙකාගේ වේදනාව, දුක, සංතාපය, දරිද්‍රතාවය ඇත්තටම අත්විඳීමක් නොව, සදාචාරාත්මක ප්‍රතිබිම්බය පුම්බා ගැනීමකි (moral branding). තමන් 'හොඳ මිනිසෙක්' ලෙස පෙනී සිටීම සඳහා කරන සංඛේතීය උපායකි (symbolic gestures). ඒ නිසාම අද සමාජයේ ආචාරධර්ම භාෂාව (ethical language) භාවිතාව වැඩි වන තරමට, සමහරවිට ආචාරධාර්මික හිස් බව (ethical emptiness) වැඩි වෙයි.

පන්සලේ පිංකම්, විශ්වවිද්‍යාල දේශන, පාර්ලිමේන්තු විවාද, රූපවාහිනී සංවාද ආදී සියල්ලම නාටකීය සදාචාරමය අවකාශ ( theatrical morality spaces) බවට පත්විය හැකිය. අරෙන්ට්ට අනුව, මහජන කක්ෂය (public sphere) යනුම සංදර්ශනකි (spectacle). එවිට සත්‍ය අතුරුදහන් වී රංගනය ඉතිරි වෙයි (truth disappears behind performance). අද "රත්තරං" ලා සහ බලයේ හිටපු දූෂීත සහ රට බංකොළොත් කල අයම අපට නැවත "සත්‍ය දින වීමට" කතාකිරීම ඒ සදහා හොද උදාහරණයක් වෙයි. මෙම අර්බුදයේ භයානකම දේ වන්නේ, සමාජය තවදුරටත් 'සත්‍යය' මත නොව, ප්‍රතිරූප කළමණාකරණය (image management) මත ක්‍රියා කිරීමයි. පන්සල scandal එකක් manage කරයි. විශ්වවිද්‍යාලය කීර්තිය (reputation) ආරක්ෂා කරයි. දේශපාලන පක්ෂ damage control කරයි. NGO ආයතන දානපතියන්ගේ විශ්වාසය රකියි (donor confidence). සත්‍යය යනු මේ හැම තැනකම ද්විතීක දෙයක් ( secondary ) වෙයි; ආයතනයේ පැවැත්ම මුලික (institution survival) වේ. මෙය අරෙන්ට් කියූ නූතන මහජන සමාජයේ (modern mass society) ලක්ෂණයකි, එනම් මනුෂ්‍යන් සහ මනුෂ්‍යත්වය බිල්ලට දී පද්ධතිය පවතී (where systems preserve themselves even by sacrificing human beings).

එබැවින් පල්ලේගම හිමි, සේම ලිංගික අල්ලස් චෝදනා ලබන මහාචාර්යවරයාත්, දූෂිත දේශපාලනඥයාත්, රංගනයකට පමණක් සීමාවූ සියලු සුචරිතවත් චරිතත් ආදී මේ සියලූ දෙනා වෙනස් පුද්ගලයන් නොව, ශිෂ්ටාචාරමය අර්බූදයක (civilization crisis) එකම ප්‍රතිරූපයන්ය. බුද්ධ චීවරය (Sacred robe), ශාස්ත්‍රීය ලෝගුව (academic gown), ජාතික කොඩිය, මානව හිමිකම් කතිකාව — මේ සියල්ල මනුෂ්‍ය නිදහස හා සදාචාරාත්මක වගකීම සහ ශාස්ත්‍රීය සාරය අහිමි වූ විට, හිස් සංකේත (empty symbols ) බවට පත්වේ.

අවසානයේ ප්‍රශ්නය වන්නේ “කවුද වැරදි?” යන්න පමණක් නොවේ. ප්‍රශ්නය වන්නේ, “අපේ සමාජය තුළ පෙනීසිටීම (appearance) සත්‍යයට වඩා වැදගත් වූයේ කෙසේද?” යන්නයි. අරෙන්ට්ගේ ගැඹුරු අවවාදය වන්නේ, සමාජයක් කඩා වැටෙන්නේ අයහපත් මිනිසුන් නිසා පමණක් නොව, සත්‍යය වෙනුවට වෙස් මුහුණු වලට (masks) ආදරය කරන මිනිසුන් නිසා බවයි.

![](https://www.citizen.lk/content/images/2026/05/athulasiri_samarakoon--1-.jpg)

> ආචාර්ය අතුලසිරි සමරකෝන් Digital creator Lecturer at Open University of Sri Lanka Former Teaching Assistant at University of Colombo
### සජිත්ගේ ජනපති සිහිනය සහ දේශපාලන අභියෝගය
URL: https://www.citizen.lk/sajiths-presidential-dream-and-political-challenge/
Last updated: 2026-05-23T13:15:53.000Z
May 23 (Citizen News) - ශ්‍රී ලංකාවේ වත්මන් දේශපාලන පරිසරය තුළ සජිත් ප්‍රේමදාස මුහුණ දී සිටින්නේ සාමාන්‍ය මැතිවරණ අභියෝගයකට වඩා ගැඹුරු දේශපාලන ප්‍රශ්නයකටය. 2019 සහ 2024 ජනාධිපතිවරණ පරාජයන් දෙකෙන් පසුව ඔහු නැවතත් ජනාධිපති අපේක්ෂකයෙකු ලෙස ඉදිරිපත් වන්නේ නම්, එය විපක්ෂයේ නායකයා ලෙස පමණක් නොව, රටේ විකල්ප බලකේන්ද්‍රය ගොඩනැගිය හැකි නායකයෙකු ලෙස තමන් යළි අර්ථකථනය කර ගැනීමේ උත්සාහයක් විය යුතුය. විශේෂයෙන් අනූර දිසානායක සහ ජන බලවේගය විසින් “පරණ දේශපාලනයට විකල්පයක්” යන තේමාව යටතේ ජනතා මනෝභාවය ග්‍රහණයට ගෙන ඇති අවස්ථාවක, සජිත් ප්‍රේමදාසට තවදුරටත් සාම්ප්‍රදායික විපක්ෂ දේශපාලනයෙන් පමණක් ඉදිරියට යා නොහැක.

2022 අර්බුදය සහ අහිමි වූ දේශපාලන අවස්ථාව

2022 ආර්ථික හා දේශපාලන අර්බුද සමයේ ඔහුට අගමැති ධුරය භාරගැනීමේ අවස්ථාවක් තිබූ බව දේශපාලන විචාරකයන් බොහෝ දෙනා පෙන්වා දෙති. එම අවස්ථාව භාර නොගැනීම ඔහුගේ දේශපාලන ගමනේ තීරණාත්මක හැරවුම් ලක්ෂ්‍යයක් ලෙස සැලකිය හැකිය. එම මොහොතේ IMF සාකච්ඡා, ණය ප්‍රතිව්‍යුහගත කිරීම, රාජ්‍ය ආයතන ප්‍රතිසංස්කරණය සහ ආර්ථික ස්ථායීකරණය වැනි දුෂ්කර තීරණ භාරගෙන තිබුණා නම්, අද ඔහු විපක්ෂයේ විවේචකයෙකු පමණක් නොව අර්බුද කළමනාකරණය කළ හැකි රාජ්‍ය නායකයෙකු ලෙසද පෙනී සිටීමට ඉඩ තිබුණි. එහෙත් ඔහු එම අවදානම භාර නොගත් නිසා, අදත් ජනතාව අතර පවතින ප්‍රධාන සැකය වන්නේ “සජිත්ට රටක් පාලනය කළ හැකිද?” යන ප්‍රශ්නයයි.

ජනතාවාදය සහ නව ආර්ථික යථාර්ථය අතර ගැටුම

සජිත් ප්‍රේමදාසගේ දේශපාලනය තවමත් විශාල වශයෙන් තම පියා වූ රණසිංහ ප්‍රේමදාස මහතා ගේ ජනතාවාදී උරුමය මත ගොඩනැගී ඇත. දුප්පත් ජනතාව, ගම්මාන, නිවාස, සහනාධාර සහ සමාජ සුබසාධනය යන තේමා ඔහුගේ දේශපාලන භාෂාවේ කේන්ද්‍රය වේ. එහෙත් 2022 පසු ශ්‍රී ලංකාවේ ජනතාවගේ දේශපාලන අපේක්ෂා වෙනස් වී ඇත. අද ජනතාවට අවශ්‍ය වන්නේ ආධාර පමණක් නොව, රටේ ආර්ථිකය නැවත ගොඩනැගීම සඳහා පැහැදිලි සැලැස්මකි.

ඒ අනුව සජිත් ප්‍රේමදාසට තම දේශපාලන භාෂාව ජනතාවාදී සහන දේශපාලනයෙන් ඔබ්බට ගෙන යා යුතුය. රාජ්‍ය ව්‍යවසාය ප්‍රතිසංස්කරණය, බදු ප්‍රතිපත්ති, IMF සමඟ සබඳතා, ඩිජිටල් ආර්ථිකය, තරුණ රැකියා, කෘෂි නවීකරණය සහ අපනයන කේන්ද්‍ර කරගත් සංවර්ධන ආකෘතියක් පිළිබඳව ඔහුට පැහැදිලි හා තාක්ෂණිකව ශක්තිමත් දැක්මක් ඉදිරිපත් කළ යුතුය. එසේ නොවුවහොත් ඔහු “සහනාධාර දේශපාලනයේ නායකයෙකු” ලෙස පමණක් සීමා විය හැකිය.

NPP සමඟ දේශපාලන හා අදහස්මය සටන

ජන බලවේගය සතුව ඇති ප්‍රධාන දේශපාලන වාසිය වන්නේ “පිරිසිදුභාවය” සහ “පරණ දේශපාලනයට විකල්පයක්” බවට ගොඩනැගී ඇති ජනමතයයි. ඒ නිසා සජිත් ප්‍රේමදාසට JVP/NPP විවේචනය කිරීම පමණක් ප්‍රමාණවත් නොවේ. ඔහු තමන් වෙනස් බව සහ තම පක්ෂය පැරණි දේශපාලන සංස්කෘතියට තවදුරටත් අයිති නොවන බව ඔප්පු කළ යුතුය.

මෙහිදී විශාල ගැටලුවක් වන්නේ SJB තුළ තවමත් පැරණි එක්සත් ජාතික පක්ෂ දේශපාලන සංස්කෘතියේ මුහුණු විශාල වශයෙන් සිටීමයි. එබැවින් ජනතාව අතර “SJB යනු ඇත්තටම අලුත් පක්ෂයක්ද, නැත්නම් UNP එකේ වෙනස් ස්වරූපයක්ද?” යන සැකය පවතී. එම සැකය බිඳ දැමීමට නම් පක්ෂය තුළ දූෂණයට එරෙහි ප්‍රතිසංස්කරණ, තරුණ නායකත්වයට ඉඩදීම සහ ප්‍රතිපත්ති ගරුක බුද්ධිමය කණ්ඩායම් ගොඩනැගීම අත්‍යවශ්‍ය වේ.

සජිත්ගේ නායකත්ව ප්‍රතිරූපයේ සීමා

සජිත් ප්‍රේමදාස තවමත් බොහෝ දෙනා අතර දක්නට ලැබෙන්නේ රැස්වීම් කථිකයෙකු සහ ජනතාවාදී නායකයෙකු ලෙසය. නමුත් නව ගෝලීය දේශපාලන හා ආර්ථික පරිසරය තුළ ජනාධිපති නායකයෙකුගෙන් අපේක්ෂා කරන්නේ එයට වඩා ගැඹුරු දේශපාලන හා බුද්ධිමය හැකියාවකි. ජාත්‍යන්තර ආර්ථිකය, භූදේශපාලනය, AI සහ තාක්ෂණික පරිවර්තනය, හරිත ආර්ථිකය, බලශක්ති ආරක්ෂාව සහ නව සංවර්ධන ආකෘති පිළිබඳව ඔහු තවමත් ප්‍රමාණවත් ලෙස විශ්වාසයක් ජනතාව තුළ ගොඩනගා නැත.

ඒ නිසා ඔහුට අවශ්‍ය වන්නේ රැස්වීම් දේශපාලනයෙන් ඔබ්බට ගොස් ප්‍රතිපත්තිමය නායකත්වයක් ගොඩනැගීමයි. විශ්වවිද්‍යාල, වෘත්තීයවේදීන්, තාක්ෂණික විශේෂඥයන් සහ තරුණ පර්යේෂකයන් සමඟ සම්බන්ධ වෙමින් ප්‍රතිපත්ති පත්‍රිකා සහ සංවර්ධන සැලසුම් ඉදිරිපත් කිරීම ඔහුගේ දේශපාලන ප්‍රතිරූපය වෙනස් කිරීමට වැදගත් වනු ඇත.

ජාතික ප්‍රශ්නය සහ සුළුජන දේශපාලනය

ශ්‍රී ලංකාවේ ජනාධිපතිවරණයක් ජයගැනීමට දකුණු සිංහල ඡන්ද පදනම පමණක් ප්‍රමාණවත් නොවේ. උතුරු, නැගෙනහිර, කඳුකර සහ නාගරික සුළුජන ඡන්ද ද තීරණාත්මක වේ. එහෙත් SJB තවමත් මේ ප්‍රශ්නයේදී සම්පූර්ණ පැහැදිලි දේශපාලන ස්ථාවරයක් ගෙන ඇති බවක් පෙනෙන්නට නැත.

13 වන සංශෝධනය, බලය බෙදාහැරීම, සංහිඳියාව, සහ පශ්චාත් යුද ප්‍රතිසංස්කරණ වැනි කරුණු පිළිබඳව පැහැදිලි හා සමබර ස්ථාවරයක් ගත නොහැකි නම්, ඔහුට පුළුල් ජාතික සන්ධානයක් ගොඩනැගීම අපහසු වනු ඇත. දෙමළ සහ මුස්ලිම් පක්ෂ සමඟ තාවකාලික උපායික සංධාන වලට වඩා දීර්ඝකාලීන විශ්වාස සබඳතා ගොඩනැගීම අනාගතයේදී වැදගත් වනු ඇත.

පක්ෂය තුළ ප්‍රජාතන්ත්‍රවාදය සහ නායකත්ව අභියෝග

දිගින් දිගටම මැතිවරණ පරාජයන්ට මුහුණ දෙන නායකයෙකුට එරෙහිව පක්ෂ අභ්‍යන්තරයෙන් විවේචන මතුවීම ස්වභාවිකය. SJB තුළද එවැනි තත්ත්වයන් මතුවීමේ හැකියාව පවතී. ඒ නිසා සජිත් ප්‍රේමදාසට පක්ෂය “one man show” එකක් නොවන බව පෙන්වීම වැදගත් වේ.

දෙවන පෙළ නායකයන්ට ඉඩදීම, පක්ෂ තීරණ ගැනීම ප්‍රජාතන්ත්‍රවාදී කිරීම සහ නව පරපුරක් ඉදිරියට ගෙන ඒම ඔහුගේ නායකත්වය තවදුරටත් ශක්තිමත් කළ හැකිය. නැතිනම් SJB ද දකුණු ආසියානු පක්ෂවල සාමාන්‍ය රෝගය වන “නායකයා වටා ගොඩනැගුණු පක්ෂයක්” බවට පත්වීමේ අවදානමක් පවතී.

සජිත්ගේ අනාගතය තීරණය කරන්නේ පරාජය නොව පරිවර්තනයයි

අනාගතයේදී NPP ආණ්ඩුවක් අසාර්ථක වුවහොත්, එයින් ඇතිවන ජනතා කලකිරීම හරහා විපක්ෂයට විශාල දේශපාලන අවස්ථාවක් උදා විය හැකිය. නමුත් ඉතිහාසය පෙන්වන්නේ ආණ්ඩුවක් අසාර්ථක වීමෙන් පමණක් විපක්ෂයක් බලයට නොඑන බවයි. ජනතාවට අවශ්‍ය වන්නේ විශ්වාස කළ හැකි විකල්පයකි.

එබැවින් සජිත් ප්‍රේමදාසගේ අනාගත ජයග්‍රහණය තීරණය වන්නේ ඔහු තවදුරටත් “යල්පැනගිය දේශපාලන උරුමයේ නායකයෙකු” ලෙස සිටිනවාද, නැත්නම් “නව ආර්ථික සහ ප්‍රජාතන්ත්‍රවාදී ප්‍රතිසංස්කරණ වල නායකයෙකු” ලෙස තමන් යළි ප්‍රතිනිර්මාණය කර ගන්නවාද යන්න මතය.
### තවත් අර්බුදයක පෙරනිමිති? රටට දැන්ම ක්‍රියාමාර්ග අවශ්‍යයි!
URL: https://www.citizen.lk/are-there-signs-of-another-crisis-the-country-needs-action-now/
Last updated: 2026-05-23T02:44:56.000Z
May 23 (Citizen News) - "ඊළඟ අර්බුදය කියන්නේ විය හැකි දෙයක් නෙවෙයි, නමුත් එය වනතුරු කාලය ගණනය කළ හැක"

"Another crisis isn't a possibility. It's a countdown"

පහුගිය අර්බුදකාරී තත්ත්වයන් සහ වත්මන් ආර්ථික දේශපාලන වාතාවරණය දෙස බලන විට, රට නැවතත් බරපතළ අවදානමක සීමාවට පැමිණ ඇති බව ඉතා පැහැදිලියි.

රුපියල මත එල්ල වන පීඩනය, ගෝලීය දේශපාලන වෙනස්වීම් සහ දේශගුණික තර්ජන හමුවේ අප වහාම අවදි විය යුතු මොහොතක් උදා වී තිබෙනවා.

අද වන විට අපේ රට මුහුණ දී සිටින ප්‍රධාන අභියෝග කිහිපයක් නම්:

- රුපියල දැඩි පීඩනයක: ගෝලීය වෙළෙඳපොළේ බලපෑම් හමුවේ රුපියල වේගයෙන් අවප්‍රමාණය වෙමින් පවතිනවා. මෙහි සෘජු ප්‍රතිඵලයක් ලෙස අත්‍යවශ්‍ය භාණ්ඩ මිල නැවතත් ඉහළ යාමේ අවදානමක් මතු වෙලා.
- එල් නිනෝ (El Niño) දේශගුණික තර්ජනය: ලෝක කාලගුණ විද්‍යා සංවිධානවල දත්ත අනුව මේ මැයි-ජූලි මාසවල සිට එල් නිනෝ තත්ත්වය දරුණු වෙමින් පවතිනවා. මෙහි ප්‍රතිඵලයක් ලෙස ඉදිරි මාසවලදී නිරිතදිග මෝසම් වැසි අඩුවී, දැඩි උෂ්ණත්වයක් සහ නියඟයක් ඇතිවිය හැකි අතර, වසර අගදී හදිසි ගංවතුර තත්ත්වයන් ඇතිවිය හැක. මෙය අපේ කෘෂිකර්මාන්තයට මෙන්ම ජල විදුලි උත්පාදනයට ද එල්ල කරන සෘජු ප්‍රහාරයකි.

\-ගෝලීය දේශපාලන අස්ථාවරත්වය: ඉරාන-ඇමරිකානු (Iran-US) නොසන්සුන්තාවය සහ ගෝලීය යුද වාතාවරණය හේතුවෙන් ලෝක වෙළෙඳපොළේ සැපයුම් ජාල බිඳ වැටී අප වැනි ආනයන මත යැපෙන රටවල් තවත් අමාරුවේ වැටෙමින් තිබෙනවා. මේ නිසා ඉදිරි කන්න වලට පොහොර හිඟයකුත් මතු වෙමින් තියෙනවා.

- දේශපාලන හා ප්‍රතිපත්තිමය වගකීම:  
වත්මන් ජනාධිපති අනුර කුමාර දිසානායක මහතා ප්‍රමුඛ රජයට ගෝලීය වෙළෙඳපොළේ උච්චාවචනයන් හමුවේ ආර්ථිකය ස්ථාවරව තබා ගැනීම විශාල අභියෝගයක් වී තිබෙනවා. මේ වන විටත් විපක්ෂය විසින් රුපියලේ බිඳවැටීම සහ පවතින ආර්ථික පීඩනය පිළිබඳව කඩිනම් පාර්ලිමේන්තු විවාද ඉල්ලා සිටින්නේ තත්ත්වයේ ඇති බරපතළකම නිසයි.

මහාචාර්ය රොහාන් සමරජීව (Prof. Rohan Samarajiva ) මහතා ඇතුළු කණ්ඩායම හඳුන්වා දෙන **'RESET NOW'** වැනි ප්‍රතිපත්තිමය මුලපිරීම්වලින් පෙන්වා දෙන පරිදි, අපට දැන් අවශ්‍ය කරන්නේ මැතිවරණ ඉලක්ක කරගත් සාම්ප්‍රදායික 'පොරොන්දු ලේඛන' (Wishlists) නෙවෙයි. දේශපාලන පක්ෂ භේදවලින් තොරව, දැනුම කුසලතා වලින් පරිපූර්ණ අයව එකතු කරගත් පූර්ණ බලැති කාර්ය සාධක බලකායක්, මේ ප්‍රශ්න වලට මුහුණ දෙන්න. ඔවුන් ගේන ප්‍රතිපත්ති ක්‍රියාත්මක කරන වැඩපිළිවෙලක්.

අර්බුදය එනකන් කාලය ගනින්නේ නැතුව අපි දැන්ම ක්‍රියාත්මක වෙමු . නැතිනම් මීට වසර තුනකට පෙර පැවති අර්බුදය ඊට වඩා දරුණු ලෙස පැමිණිය හැක. 

---

![](https://www.citizen.lk/content/images/2026/05/1000010221.png)

මාධ්‍යවේදි සදුන් අරෝෂ ප්‍රනාන්දු  
සමාරම්භක - දුස් තොරතුරු මැඩලිමේ ඒකකය ජනාධිපති කාර්‍යාලය
### ප්‍රදේශ කිහිපයකට නායයෑම් අනතුරු ඇඟවීම් නිකුත් කෙරේ
URL: https://www.citizen.lk/landslide-warnings-issued-for-several-areas-2/
Last updated: 2026-05-22T05:20:55.000Z
May 22 (Citizen News) - පවතින අධික වැසි සහිත කාලගුණ තත්ත්වයත් සමඟ දිස්ත්‍රික්ක 3කට අදියර එක සහ දෙක යටතේ නායයාමේ පූර්ව අනතුරු ඇඟවීම් ජාතික ගොඩනැගිලි පර්යේෂණ සංවිධානය විසින් නිකුත් කර තිබෙනවා.

එම නිවේදනය අද (22) පෙරවරු 3.00 සිට හෙට (23) පෙරවරු 3.00 දක්වා වලංගු වන බව සඳහන්ය.

**දෙවන මට්ටමේ “අවදානයෙන් සිටින්න” (ඇම්බර්)**

ගම්පහ දිස්ත්‍රික්කයේ අත්තනගල්ල ප්‍රදේශයටත්, රත්නපුර දිස්ත්‍රික්කයේ කුරුවිට සහ රත්නපුර ප්‍රදේශ

**පළමු මට්ටමේ “විමසිලිමත් වන්න” (කහ)**

කළුතර දිස්ත්‍රික්කයේ බුලත්සිංහල ප්‍රදේශයට සහ රත්නපුර දිස්ත්‍රික්කයේ ඇහැලියගොඩ ප්‍රදේශය
### අධික වැසි හමුවේ හලාවත රෝහලේ වාට්ටු 3ක් ජලයෙන් යටවෙයි
URL: https://www.citizen.lk/3-wards-at-chilaw-hospital-flooded-due-to-heavy-rains/
Last updated: 2026-05-22T05:18:58.000Z
May 22 (Citizen News) - අධික වැසි හමුවේ හලාවත මහ රෝහලේ වාට්ටු 3ක් ජලයෙන් යටවී තිබෙනවා.

මේ හේතුවෙන් එම වාට්ටුවල සිටි රෝගීන් වෙනත් වාට්ටු කරා යොමු කිරීමට පියවර ගත් බව රෝහලේ නියෝජ්‍ය අධ්‍යක්ෂක දිනේෂ් කොග්ගල සඳහන් කර සිටියා.
### වැසි සහිත කාලගුණය හේතුවෙන් දෙහිඕවිට අධ්‍යාපන කලාපයට අයත් පාසල් 06ක් වසා දැමේ
URL: https://www.citizen.lk/6-schools-in-the-dehiowita-education-zone-closed-due-to-rainy-weather/
Last updated: 2026-05-22T05:16:10.000Z
May 22 (Citizen News) - වැසි සහිත කාලගුණික තත්ත්වය හේතුවෙන් දෙහිඕවිට අධ්‍යාපන කලාපයට අයත් පාසල් 06ක් අද (22) දිනයේ වසා දැමීමට පියවර ගෙන තිබෙනවා.

රුවන්වැල්ල ප්‍රදේශයේ පාසල් 03ක් සහ දෙහිඕවිට ප්‍රදේශයේ පාසල් 03ක් වසා දමා ළමුන් නිවෙස් වෙත යොමු කිරීමට කලාප අධ්‍යාපන අධ්‍යක්ෂවරයා විසින් විදුහල්පතිවරුන් වෙත දැනුම් දී ඇති බව සඳහන්ය.

පවතින කාලගුණික තත්ත්වය සැලකිල්ලට ගනිමින් සෙසු පාසල් පවත්වාගෙන යාම හෝ නිවාඩු ලබාදීම සම්බන්ධයෙන් තීරණය කිරීමේ වගකීම කලාපයේ පාසල් වල විදුහල්පතිවරුන් වෙත පවරා ඇති බව දෙහිඕවිට කලාප අධ්‍යාපන අධ්‍යක්ෂ එච්.එල් හරිස්චන්ද්‍ර සඳහන් කරනවා.
### කැලණි ගඟ ආශ්‍රිතව ඉදිරි පැය 48 තුළ සුළු ගංවතුර තත්ත්වයක්
URL: https://www.citizen.lk/minor-flooding-expected-along-the-kelani-river-in-the-next-48-hours/
Last updated: 2026-05-22T05:12:19.000Z
May 22 (Citizen News) - කැලණි ගඟ ආශ්‍රිතව ඉදිරි පැය 48 තුළ සුළු ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුව අනතුරු ඇඟවීමක් කර තිබෙනවා

නිවේදනයක් නිකුත් කරමින් එම දෙපාර්තමේන්තුව පැවසුවේ කැලණි ගඟ ද්‍රෝණියේ ඇතැම් ස්ථාන වෙත මිලිමීටර් 300 කට ආසන්න සැලකිය යුතු වර්ෂාපතනයක් ලැබී ඇති බවය.

ඒ අනුව, සීතාවක, දොම්පේ, පාදුක්ක, හෝමාගම, බියගම, කඩුවෙල, කොළොන්නාව, කැලණිය, වත්තල සහ කොළඹ ප්‍රදේශ රැසකට ඉදිරි පැය 48 ක කාලය තුළ සුළු ගංවතුර තත්ත්වයක් ඇති විය හැකි ය.

ඒ හේතුවෙන් මෙම ප්‍රදේශ ආශ්‍රිත ජනතාව සහ එම මාර්ග භාවිත කරන රියදුරන් සහ මගීන් අවධානයෙන් යුතුව කටයුතු කරන ලෙසද වාරිමාර්ග දෙපාර්තමේන්තුව දැනුම් දී ඇත.
### ආහාර සුරක්ෂිතතාවේ අවදානම අවම කිරීම
URL: https://www.citizen.lk/minimizing-food-safety-risks/
Last updated: 2026-05-21T08:48:05.000Z
*\[2020 වසරේ කොවිඩ්-19 (COVID-19) අගුලු දැමීම් මධ්‍යයේ ලියන ලද මෙම ලිපියට මා සිදු කළේ සුළු වෙනස්කම් කිහිපයක් පමණි.\]*

  
May 21 (Citizen News) - දේශීය මෙන්ම ජාත්‍යන්තර වශයෙන් ද ආහාර සැපයුම් ජාල (Food supply chains) දැඩි පීඩනයකට ලක්ව හෝ බිඳ වැටී ඇත. මෙවැනි තත්ත්ව යටතේ ආහාර සුරක්ෂිතතාව පිළිබඳව සිතීම ඉබේම සිදු වන මෙන්ම අත්‍යවශ්‍ය කරුණකි. බටහිර ආසියාවේ ට්‍රම්ප්-නෙතන්යාහු නිර්මිත අර්බුදයට විවිධ රටවල් දක්වන ප්‍රතිචාර හමුවේ ආහාර සැපයුම් ජාල දෙස යථාර්ථවාදීව බලන විට ද වර්තමානයේ මෙය අදාළ වේ. එහෙත්, බුද්ධිමත්ව සහ සාක්ෂි මත පදනම්ව ඒ පිළිබඳව සිතීම වැදගත්ය.

  
සියලුම ශ්‍රේණිගත කිරීම් සහ දර්ශකවල පදනම් වන දත්ත හෝ ඒවායේ සැලසුම් සම්බන්ධයෙන් යම් යම් අඩුපාඩු පවතී. එහෙත්, සාක්ෂි මත පදනම් වූ සාකච්ඡාවක් සඳහා ඒවා ප්‍රයෝජනවත් ආරම්භක ලක්ෂ්‍යයක් සපයයි. ගෝලීය ආහාර සුරක්ෂිතතා දර්ශකය ප්‍රධාන සංරචක තුනකින් සමන්විත වේ. එනම්, මිල දී ගැනීමේ පහසුව, ලබා ගැනීමේ හැකියාව මෙන්ම ගුණාත්මකභාවය සහ ආරක්ෂාවයි. ස්වාභාවික සම්පත් සහ ඔරොත්තු දීමේ හැකියාව පිළිබඳ නව සංරචකයක් 2019 වසරේදී එයට එකතු කරන ලදි. මීට වඩා මෑතකාලීන සංස්කරණ පැවතිය ද, සාමාන්‍ය තර්කය 2019 දත්ත මඟින් මනාව සනාථ වේ. කෙසේ වෙතත්, 2026 වසරෙන් පසු නිකුත් වන දර්ශකය වඩාත් සිත්ගන්නාසුලු වනු නිසැකය.

  
මිලියන 5කට අධික ජනගහනයක් වෙසෙන නගර රාජ්‍යයක් වන සිංගප්පූරුවට ගොවිබිම් සඳහා ප්‍රවේශයක් නොමැත. ඒ හේතුවෙන් දේශීයව වගා කරන නිෂ්පාදන සඳහා ද එයට ප්‍රවේශයක් නොමැත. එසේ වුවද, මූලික දර්ශකයේ පළමුවැනි ස්ථානය සිංගප්පූරුවට හිමි වීම හරහා මෙම දර්ශකය සාමාන්‍ය අවබෝධයෙන් ඔබ්බට ගිය ආහාර සුරක්ෂිතතා ප්‍රවේශයක් මත පදනම් වී ඇති බවට සංඥා කරයි. ස්වාභාවික සම්පත් සහ ඔරොත්තු දීමේ හැකියාව සැලකිල්ලට ගැනීමේදී සිංගප්පූරුව ස්ථාන 11කින් පහත වැටේ. මුහුදු මට්ටම ඉහළ යාම, සාගර දූෂණය හේතුවෙන් ඇල්ගී බෝ වී, එම කලාපවලින් සමුද්‍ර ජීවීන් වඳ වී යාම (Ocean eutrophication) සහ ආහාර ආනයන මත යැපීම යන කරුණු හමුවේ එරට අවදානමට ලක්ව ඇත. එහෙත්, 11 වැනි ස්ථානයේ සිටිය ද, සිංගප්පූරුව සියලුම දකුණු ආසියානු රටවලට වඩා ඉහළ ක්‍රියාකාරීත්වයක් පෙන්නුම් කරයි.

  
මම වසර විසිපහකට වැඩි කාලයක් තිස්සේ තීරණාත්මක යටිතල පහසුකම් පිළිබඳව අධ්‍යයනය කරමින් සිටිමි. ආපදා අවම කිරීම සහ සහන මෙහෙයුම් සඳහා විදුලි සංදේශ සම්පත් සැපයීම පිළිබඳ ටැම්පරේ සම්මුතියට (Tampere Convention) ශ්‍රී ලංකාව එළඹීම සහ වයි2කේ (Y2K) ගැටලුව සඳහා සූදානම් වීම ඊට ආසන්නතම හේතු විය. තවද, අපි දශකයකට වැඩි කාලයක් තිස්සේ කෘෂිකාර්මික සැපයුම් ජාල පිළිබඳව ද අධ්‍යයනය කරමින් සිටින්නෙමු.

###   
ඔරොත්තු දීමේ හැකියාව සහ පිරිවැය අතර තුලනය

  
ඔරොත්තු දීමේ හැකියාව සහ පිරිවැය අතර සෑම විටම තුලනයක් පවතී. පිරිවැය පිළිබඳව සැලකිලිමත් නොවන්නේ නම්, 100%ක අතිරික්ත පහසුකම් තවදුරටත් උපස්ථ (Back-up) කරමින් අසාමාන්‍ය ඔරොත්තු දීමේ හැකියාවක් පවත්වා ගත හැකිය. ඇතැම් විට අවදානම ඉතා ඉහළ මට්ටමක පවතින විට සහ පරිසරය දැඩි අවදානම් සහගත වන විට, කෙනෙකුට බහුවිධ උපස්ථ පවත්වා ගත හැකිය. නිදසුනක් ලෙස, එල්.ටී.ටී.ඊ. සංවිධානය (LTTE) කොළඹට පහර දුන් සහ ලංකා විදුලිබල මණ්ඩලයේ ඉංජිනේරුවරුන් නිතර නිතර වැඩ වර්ජන කළ යුද්ධයේ දරුණුතම සමයේදී, ජංගම දුරකථන මූලික මධ්‍යස්ථාන සඳහා වූ බැටරි උපස්ථ පිළිබඳව මට දැනගන්නට ලැබුණි. ඒවා තවදුරටත් ඩීසල් ජනක යන්ත්‍ර මඟින් ද උපස්ථ කර තිබුණි. එහෙත්, මේ සියල්ල සඳහා මුදල් වැය වේ.

  
ආහාර සුරක්ෂිතතාව සම්බන්ධයෙන් ද තත්ත්වය මෙයම වේ. දේශීයව නිෂ්පාදිත අර්තාපල් මත යැපීම මඟින් අවදානම් අඩු වන බව කෙනෙකු විශ්වාස කළ හැකිය. එහෙත්, ආනයනික අර්තාපල්වලට වඩා දේශීය අර්තාපල් නිෂ්පාදන පිරිවැය සැලකිය යුතු ලෙස ඉහළ බව හොඳින් දන්නා කරුණකි. ආනයනික අර්තාපල් සඳහා විශේෂ වෙළඳ භාණ්ඩ බදු පැනවීමෙන් දේශීය නිෂ්පාදකයෝ රැකෙති. මෙයින් අදහස් වන්නේ දේශීය පාරිභෝගිකයන් අකාර්යක්ෂම ලෙස නිෂ්පාදනය කරන දේශීය අර්තාපල් සඳහා වැඩි මුදලක් ගෙවන බවයි. එසේම, ඔවුහු පරිභෝජනය කරන ආනයනික අර්තාපල් සඳහා ද රජයට වක්‍ර බදු ගෙවති.

  
ආරක්ෂණවාදී බදු එකතු වීමෙන් සැමටම ආහාර වඩාත් මිල අධික වේ. මෙහි ප්‍රතිඵලයක් වශයෙන්, ශ්‍රී ලංකාවේ ශ්‍රම පිරිවැය ඉහළ යයි. එබැවින්, ගෝලීයව තරග කළ යුතු බොහෝ කර්මාන්ත ඉහළ ශ්‍රම පිරිවැය හේතුවෙන් අඩාල වී ඇත.  
අකාර්යක්ෂම දේශීය නිෂ්පාදකයන්ගෙන් සැපයුම් ලබා ගැනීමෙන් අනිවාර්යයෙන්ම අවදානම අඩු නොවේ. කෘෂිකර්මාන්තය යනු සහජයෙන්ම අවදානම් සහිත ක්ෂේත්‍රයකි. ගංවතුර, නියඟය, කෘමීන් සහ රෝග මඟින් බෝග විනාශ කළ හැකිය. සැබවින්ම ඔරොත්තු දීමේ හැකියාවක් සහිත සැපයුම් ජාලයක් (අර්තාපල් සඳහා වැලිමඩ වැනි) තනි ප්‍රදේශයක් හෝ තනි රටක් මත යැපෙන්නේ නැත. රටට අවශ්‍ය සියලුම සහල් සඳහා වියට්නාමය වැනි යම් රටක් මත සම්පූර්ණයෙන්ම යැපෙන්නේ නැති ආකාරයටම, සහල් සම්බන්ධයෙන් ස්වයංපෝෂිත වීම පරම ප්‍රතිපත්තිමය අරමුණක් ලෙස සැලකීම එතරම් යහපත් අදහසක් නොවිය හැකිය. කොවිඩ්-19 වසංගතය සහ ගෝලීය සැපයුම් ජාල බිඳ වැටීම් හමුවේ, වියට්නාමය විසින් සහල් අපනයනය සඳහා යම් සීමා පනවන ලදි. එය එහි ගැනුම්කරුවන් අතර යුක්තියුක්ත (legitimate) කනස්සල්ලක් ඇති කිරීමට හේතු විය. එහෙත් අනෙක් අතට, දේශීය නිෂ්පාදනය මත සම්පූර්ණයෙන්ම යැපීම ද අවදානම් සහගතය. 2015-16 වසරවලදී මෙට්‍රික් ටොන් මිලියන 2.9ක් වූ නිෂ්පාදනය 2016-17 නියඟය හේතුවෙන් මෙට්‍රික් ටොන් මිලියන 1.5 දක්වා අඩු වූ විට එය මනාව පැහැදිලි විය.

  
එබැවින්, ආහාර සුරක්ෂිතතාව සඳහා සැබෑ විසඳුම වන්නේ ස්වයංපෝෂිත වීම සඳහා වන සරල උත්සාහය නොවේ. මූලාශ්‍ර විවිධාංගීකරණය කිරීම සහ සැපයුම් ජාල ශක්තිමත් බව සහතික කිරීම හරහා පිරිවැය සහ අවදානම් කළමනාකරණය තුලනය කිරීම ඊට සැබෑ පිළිතුරයි. අවහිරතා ලක්ෂ්‍ය (choke points) පාලනය කරන ඒකාධිකාර මතු වීම වැළැක්වීම ද මෙම ප්‍රතිචාරයේ වැදගත් කොටසකි. විවිධ දර්ශක 34ක භාරිත සංයෝජනයක් (weighted combination) හරහා ගෝලීය ආහාර සුරක්ෂිතතා දර්ශකය මඟින් ග්‍රහණය කර ගැනීමට උත්සාහ කරන්නේ මෙම සංකීර්ණ තුලන සහ ගනුදෙනු වේ.

###   
ශ්‍රී ලංකාවේ ආහාර සුරක්ෂිතතාව ඇගයීම

  
2019 වසරේදී ශ්‍රී ලංකාව රටවල් 113ක් අතරින් 66 වැනි ස්ථානයට පත් විය. පෝෂණ ප්‍රමිතීන්, සාමාන්‍ය ආහාර පිරිවැයේ වෙනස, ගෝලීය දරිද්‍රතා රේඛාවට පහළින් සිටින ජනගහන අනුපාතය, ආහාර ආරක්ෂාව සහ ආහාර නාස්තිය යන අංශවලින් ශ්‍රී ලංකාව ඉහළ ලකුණු ලබා ගත්තේය. ඊට අමතරව, නාගරික අවශෝෂණ ශක්‍යතාව, කෘෂිකාර්මික නිෂ්පාදනයේ විචල්‍යතාව සහ ගොවීන්ට මූල්‍ය පහසුකම් ලබා ගැනීමේ හැකියාව යන අංශ සඳහා ද ඉහළ ලකුණු හිමි විය. කෘෂිකාර්මික පර්යේෂණ සහ සංවර්ධන (R&D) සඳහා වන රාජ්‍ය වියදම, මිල දී ගැනීමේ හැකියාවේ සමානාත්මතාව මත පදනම් වූ ඒක පුද්ගල දළ දේශීය නිෂ්පාදිතය, ප්‍රෝටීන්වල ගුණාත්මකභාවය සහ දේශපාලන ස්ථාවරත්වය යන සාධක මඟින් එහි ලකුණු පහත දමා ඇත. (දේශපාලන ස්ථාවරත්වය යනු 2018 සහ 2019 අතර සිදු වූ විශාලතම පරිහානියයි).

  
ශ්‍රී ලංකාවේ සමස්ත ලකුණු ප්‍රමාණය සාමාන්‍යයට වඩා තරමක් පහළ මට්ටමක පැවතුණි. එසේම ගුණාත්මකභාවය සහ ආරක්ෂාව සම්බන්ධයෙන් එය සෑහෙන දුරට පහළ මට්ටමක පැවතුණි. එය දකුණු ආසියාවේ අනෙකුත් සමකාලීන රටවලට වඩා ඉදිරියෙන් සිටියේය. එහෙත්, අග්නිදිග ආසියාවේ ඉන්දුනීසියාව සහ පිලිපීනය වැනි රටවලට වඩා පසුපසින් සිටියේය. ඉන්දියාව 72 වැනි ස්ථානයට පත් වූ අතර පාකිස්ථානය (78 වැනි) සහ නේපාලය (79 වැනි) ඊටත් වඩා පහළ මට්ටමක පැවතුණි. සාමාන්‍ය පරිදි ශ්‍රී ලංකාවේ තත්ත්වය එතරම් නරක නොවුණ ද, මීට වඩා හොඳින් කටයුතු කිරීමට ඊට හැකියාව තිබුණි.  
ස්වාභාවික සම්පත් සහ ඔරොත්තු දීමේ හැකියාව ඊට එක් කළ විට, ශ්‍රී ලංකාව රටවල් 113ක් අතරින් 67 වැනි ස්ථානය දක්වා එක් ස්ථානයකින් පසුබෑමකට ලක් විය. සමහර රටවල ඔරොත්තු දීමේ හැකියාවට සම්බන්ධ සාධකවල බලපෑම වඩාත් විශාල වේ. නිදසුනක් ලෙස, ඕස්ට්‍රේලියාව සහ නවසීලන්තය පුළුල් විචල්‍යතා පෙන්නුම් කරයි. මූලික දර්ශකයේ 12 වැනි ස්ථානයේ පසුවන ඕස්ට්‍රේලියාව, ස්වාභාවික සම්පත් සහ ඔරොත්තු දීමේ හැකියාව සැලකිල්ලට ගැනීමේදී 16 වැනි ස්ථානය දක්වා පහත වැටේ. එහෙත්, නවසීලන්තය ස්ථාන පහකින් ඉදිරියට පැමිණ 14 වැනි ස්ථානයට පත් වෙමින් ඕස්ට්‍රේලියාව අභිබවා යයි.

###   
පිරිවැය පිළිබඳව සංවේදී වන ඔරොත්තු දීමේ හැකියාව  

කොවිඩ්-19 වසංගතයට දක්වන ප්‍රතිචාරය සහ ඒ හේතුවෙන් ආහාර සැපයුම් ජාලවලට සිදු වූ හානිය මඟින් සමස්ත කෘෂිකාර්මික පද්ධතියම සම්පූර්ණයෙන් යළි පරීක්ෂා කිරීමේ අවශ්‍යතාව මතු කළේය. වර්තමාන පද්ධතියේ ඇති බිඳෙනසුලු ස්වභාවය මේ හරහා අනාවරණය වී ඇත. එහෙත් ඊට දක්වන ප්‍රතිචාරය සූක්ෂ්ම විය යුතු අතර, ආහාර සඳහා යොදවන මුදලට සරිලන වටිනාකමක් ලබා දීමේ අවශ්‍යතාවට නිසි සැලකිල්ලක් දක්වමින් සාක්ෂි පිළිබඳ මනා සලකා බැලීමක් මත එය පදනම් විය යුතුය. අකාර්යක්ෂම නිෂ්පාදකයන් ආරක්ෂා කිරීම සඳහා ආනයන තහනම් කිරීම සහ පාරිභෝගිකයන් මත බදු පැනවීම වෙනුවට රජය වෙනත් පියවරක් ගත යුතුය. එනම්, සැපයුම් ජාල දේශීය මෙන්ම ජාත්‍යන්තර වශයෙන් ද විවිධාංගීකරණය වී ඇති බැවින් ඒවායේ ඔරොත්තු දීමේ හැකියාව සහතික කිරීමයි. මේ සඳහා ඇති හොඳම ක්‍රමය වන්නේ සැපයුම් ජාල තුළ ඇති සම්බන්ධතා ඒකාධිකාරීකරණය (monopolization) වීම වැළැක්වීමයි.

  
ස්වයංපෝෂිත වීම වැනි සරල සටන් පාඨ වෙත පසුබැසීම පමණක් ප්‍රමාණවත් නොවේ. 1970 දශකයේ සිට ශ්‍රී ලංකාවට එම ප්‍රතිපත්ති පිළිබඳ අත්දැකීම් ඇත. එමඟින් ධනවතුන් සඳහා කළු කඩ නිර්මාණය වූ අතර දුප්පතුන් මන්දපෝෂණයට ලක් විය. පාරිභෝගික රුචිකත්වය සලාක කඩ මඟින් තෘප්තිමත් කළ නොහැකි වඩාත් සංකීර්ණ වර්තමාන ආර්ථිකයක් තුළ, වඩාත් සරල කාලයක ක්‍රියාත්මක කළ දෑ සාර්ථක කර ගත නොහැකිය.

![](https://www.citizen.lk/content/images/2025/12/rohan_samarajeewa.jpg)

**මහාචාර්ය රොහාන් සමරජීව** දේශපාලන හා සමාජ ක්‍රියාකාරික
### "වාහන 4000කට LC විවෘත කළා කියන කතාව අමූලික බොරුවක්: ඇත්ත ගණන 1782යි" - නියෝජ්‍ය අමාත්‍ය අචාර්‍ය අනිල් ජයන්ත විපක්ෂයේ චෝදනා ප්‍රතික්ෂේප කරයි
URL: https://www.citizen.lk/the-story-that-lc-was-opened-for-4000-vehicles-is-a-blatant-lie-the-actual-number-is-1782-deputy-minister-dr-anil-jayantha-denies-the-oppositions-allegations/
Last updated: 2026-05-20T15:09:48.000Z
*May 20 (Citizen News) -* වාහන ආනයන රේගු බද්දට අධිභාරයක් (Surcharge) පැනවීමට පෙර දින, එනම් මැයි 15 වනදා වාහන 4000ක් සඳහා ණයවර ලිපි (LC) විවෘත කර ඇති බවට විපක්ෂය නගන චෝදනා සම්පූර්ණයෙන්ම අසත්‍ය බව මුදල් සහ ක්‍රමසම්පාදන නියෝජ්‍ය අමාත්‍ය අචාර්‍ය අනිල් ජයන්ත අවධාරණය කරයි.

ඔහු පෙන්වා දෙන්නේ මැයි 15 දින ණයවර ලිපි විවෘත කර ඇත්තේ වාහන 1782ක් සඳහා පමණක් වන අතර එහි වටිනාකම ඇමරිකානු ඩොලර් මිලියන 23.71ක් වන බවයි.

ස්වාධීන රූපවාහිනී සේවයේ 'On Air Politics' දේශපාලන සංවාද වැඩසටහනට එක්වෙමින් නියෝජ්‍ය අමාත්‍යවරයා මේ බව අනාවරණය කළේය.

පාර්ලිමේන්තු මන්ත්‍රී චාමර සම්පත් විසින් පාර්ලිමේන්තුවේදී කරන ලද ප්‍රකාශයක් දැඩි ලෙස විවේචනයට ලක් කරමින් අචාර්‍ය අනිල් ජයන්ත සඳහන් කළේ, මන්ත්‍රීවරයා විසින් දත්ත විකෘති කරමින් මහජනතාව නොමඟ යැවීමට පූර්ණ අසත්‍ය ප්‍රකාශයක් සිදුකර ඇති බවයි.

එදින සිදුවූ ණයවර ලිපි විවෘත කිරීම් සම්බන්ධයෙන් තවදුරටත් කරුණු පැහැදිලි කළ නියෝජ්‍ය අමාත්‍යවරයා, මෙවැනි තීරණයක් ගැනීමට පෙර ලිපි විවෘත කිරීමේ අගය ඉහළ යාම සාමාන්‍ය තත්ත්වයක් බව ප්‍රකාශ කළේය.

> "ඩොලර් ඉල්ලුම වැඩිවෙද්දී රජය මුලින්ම සීමා පනවන්නේ වාහන ආනයනයට බව මේ ක්ෂේත්‍රයේ ඉන්න ඕනෑම කෙනෙක් දන්නවා. ඒ නිසා ව්‍යාපාරිකයන් ඉක්මනින් ණයවර ලිපි විවෘත කරගන්න උත්සාහ කරනවා. මැයි මාසයේ විතරක් නෙවෙයි, පසුගිය මාර්තු මාසයේ එක දිනයකදී විතරක් ඩොලර් මිලියන 47ක ලිපි විවෘත කරලා තිබුණා."

එමෙන්ම මැයි 15 වනදා සිකුරාදා දිනයක් බැවින් ඉදිරි සති අන්ත දින දෙකද සැලකිල්ලට ගනිමින් එම ගනුදෙනු සිදුව ඇති බවත්, අධිභාරය පැනවූ පසුව පවා (මැයි 18 වනදා) ඩොලර් මිලියන 17ක ණයවර ලිපි විවෘත කර ඇති බවත් ඔහු පෙන්වා දුන්නේය. මෙම දත්තයන්ට අධිභාරය වලංගු නොවන වාහනද ඇතුළත් වන බව අමාත්‍යවරයා සඳහන් කළේය.

චාමර සම්පත් මන්ත්‍රීවරයා සිදුකළ මෙම අසත්‍ය ප්‍රකාශයට එරෙහිව නීතිමය පියවර ගත නොහැක්කේ මන්දැයි නැඟුණු ප්‍රශ්නයකට පිළිතුරු දෙමින් නියෝජ්‍ය අමාත්‍යවරයා කියා සිටියේ, පාර්ලිමේන්තු මන්ත්‍රීවරුන්ට සභාගර්භය තුළ හිමිවන 'පාර්ලිමේන්තු වරප්‍රසාද' හේතුවෙන් ඊට බාධාවක් පවතින බවයි.

කෙසේ වෙතත්, විපක්ෂයේ සියලුම මන්ත්‍රීවරුන් මෙලෙස අසත්‍ය ප්‍රකාශ නොකරන බවත්, ඇතැම් මන්ත්‍රීවරුන් තමන්ට ලැබී ඇති වරප්‍රසාද භාවිතා කරන්නේ කුමන අරමුණකින්ද යන්න පසුගිය කාල වකවානුව දෙස බැලීමේදී ජනතාවට පැහැදිලි වන බවත් පැවසූ අචාර්‍ය අනිල් ජයන්ත, මේ සම්බන්ධයෙන් නිවැරදි තීරණයක් ගැනීමේ අයිතිය මහජනතාව සතු බවද වැඩිදුරටත් ප්‍රකාශ කළේය.

එම වැඩසටහන නැරඹීම සඳහා පහත සබැඳිය ක්ලික් කරන්න

[https://youtu.be/LnrJx--ns1E](https://youtu.be/LnrJx--ns1E?ref=citizen.lk)
### රණවිරුවන් සැමරීමේ තරගය සහ මීටර්සීයේ නව වාර්තාවට පොලිස් බාධක
URL: https://www.citizen.lk/police-obstacles-to-the-war-heroes-commemoration-competition-and-the-new-100m-record/
Last updated: 2026-05-20T06:03:52.000Z
May 20 (Citizen News) - වත්මන් මොහොතේ පවතින ආරථික දේශපාලන පසුබිමේ, ජාතිකවාදී දේශපාලනය යළි සක්‍රීය කිරීම සඳහා විවිධ බලවේග උත්සාහ කරන බව පැහැදිලිව පෙනෙන්නට තිබේ. සජිත් ප්‍රේමදාසගේ දෘෂ්ටිවාදීමය දිශාව නොපැහැදිළි විපක්ෂය අනුගමනය කරන විවාද කිරීමේ සහ විශ්වාස භංග ගෙන ඒමේ උපක්‍රමයට ජාතිකවාදීන් එකග නොවන බවද ඒ තුළම දිස් වේ. ජාතිකවාදීන් ට ආණ්ඩු බලය දුරස්ථ වීම විශාල ගැටළුවක් බවත් කෘතීම ආකාරයේ ගැටුම් හෝ ඇති කරගෙන දකුණේ දේශපාලනය තුළ නැවත ප්‍රචාරණ වාසියක් හිමිකරගැනීමට එම බලවේගය යම් අරගලකාරී ආකාරයකින් ඉදිරීයට එන බව ආරක්ෂක වැටකඩොළු පෙරළමින් යම් පිරිසක් රණවිරු ස්මාරකය ළග ඊයේ කළ ජවන හා පිටිය සංදර්ශනය ප්‍රබල ඉගියක් සපයයි. 

මැයි 18 යනු එක් පාර්ශ්වයකට යුද්ධ ජයග්‍රහණයේ දිනයක් වුවද, තවත් පාර්ශ්වයකට එය තම ඥාතීන්, අතුරුදන් වූවන් සහ යුද්ධයේ මියගිය සිවිල් ජනතාව සිහිපත් කරන ශෝක දිනයකි. ඒ අනුව උතුරු සහ නැගෙනහිර ප්‍රදේශවල බොහෝ දෙමළ ජනතාව විසින් තම මියගිය ඥාතීන් සැමරීමට සහ සිහි කිරීමට උත්සාහ කළ අතර, එයට එරෙහිව දකුණේ සමහර අන්තවාදී ජාතිකවාදී කණ්ඩායම් උද්ඝෝෂණ සහ විරෝධතා සංවිධානය කරනු ද දක්නට ලැබුණි.

මෙම තත්ත්වය ශ්‍රී ලංකාවේ ජාතික ගැටලුවේ මූලික සංකීර්ණභාවය නැවතත් මතුකරයි. එකම ඉතිහාස සිදුවීමක් සම්බන්ධයෙන් ජාතීන් දෙකක් සම්පූර්ණයෙන් වෙනස් මතක, හැඟීම් සහ දේශපාලන අර්ථකථන රැගෙන සිටින විට, 'ජයග්‍රහණය' සහ 'ශෝකය' එකම දිනයක එකිනෙකාට විරුද්ධ දේශපාලන භාෂාවන් බවට පත්වේ. එවැනි තත්ත්වයක සංහිඳියාව යනු එක් පාර්ශ්වයක මතකය මකාදැමීම නොව, සියලු පාර්ශ්වයන්ගේ වේදනාව සහ ඉතිහාස අත්දැකීම් පිළිගැනීමය. නමුත් ශ්‍රී ලංකාවේ ජාතිකවාදී දේශපාලනය බොහෝවිට ක්‍රියා කරන්නේ එහි ප්‍රතිවිරුද්ධ දිශාවටය.

උග්‍ර ජාති(ක)වාදී දේශපාලන බලවේග යළිත් හමුදාව, රණවිරු සංකේත සහ 'ජාතිය අනතුරේ' යන කතිකාව ඉදිරියට ගෙන එමින් ජාතිකවාදී දේශපාලනයට නව පණක් ලබාදිය හැකි බව විශ්වාස කරන බව පෙනේ. මෙහිදී හමුදාව යනු ආරක්ෂක ආයතනයක් පමණක් නොව, “සිංහල-බෞද්ධ රාජ්‍යයේ ගැලවුම්කාර බලවේගය” ලෙස සංකේතාත්මකව ඉදිරිපත් කරනු ලබයි. එමඟින් ජනතාවගේ ආර්ථික අසහනය සහ පාලන අසමත්භාවය පිළිබඳ කෝපය, වාර්ගික හා ආගමික ආරක්ෂාව පිළිබඳ භීතියකට පරිවර්තනය කිරීමේ උත්සාහයක් සිදුවේ.

අනෙක් අතට, රාජපක්ස දේශපාලනය ද තම දේශපාලනිකය නැවත නැගිටවීම සඳහා වඩාත් මිලිටන්ට් ස්වභාවයකින් යුත් ජාතික-ආගමික වාදයකට වුවද ගමන් කිරීමට සූදානම් බවට වන සංඥා පෙනෙයි. ඉතිහාසය පෙන්වා දෙන්නේ, ආර්ථික අර්බුද සහ දේශපාලන අස්ථාවරතාවයන් පවතින අවස්ථාවල ජාතිකවාදය ඉතා පහසුවෙන් ජනතාව සංවිධානය කිරීමේ මෙවලමක් බවට පත්වන බවයි. එහිදී 'ජාතිය', 'ආගම', 'රණවිරුවන්' සහ 'රාජ්‍ය ආරක්ෂාව' යන සංකේත යොදාගනිමින් ජනතාවගේ බිය සහ කෝපය දේශපාලන ප්‍රාග්ධනයක් බවට පත් කරනු ලැබේ.

මෙය ශ්‍රී ලංකාවේ ජාතික ගැටලුව තවදුරටත් සංකීර්ණ කරයි. යුද්ධය අවසන් වුවද, ජාතික ප්‍රශ්නය අවසන් වී නොමැත. දෙමළ ජනතාවගේ දේශපාලන අයිතිවාසිකම්, මතකය, සාධාරණත්වය සහ සමානභාවය පිළිබඳ ගැටලු තවමත් විසඳී නැත. එමෙන්ම සිංහල ජනතාව තුළද 'රාජ්‍යය අහිමිවිය හැක', 'ජාතිය අනතුරේ' යන භීතිකාව දේශපාලනිකව නිරන්තරයෙන් නිෂ්පාදනය කරනු ලැබේ. මේ නිසා දෙපාර්ශ්වයම එකිනෙකා පිළිබඳ සැකයෙන් සහ අනාරක්ෂිත හැඟීමෙන් පිරුණු දේශපාලන සංස්කෘතියක් තුළ සිරවී සිටී.

ඒ අනුව වත්මන් අභියෝගය වන්නේ හුදෙක් ආණ්ඩු මාරුවක් හෝ මැතිවරණ ජයග්‍රහණයක් නොවේ. සැබෑ අභියෝගය වන්නේ ශ්‍රී ලංකාව තවදුරටත් වාර්ගික ජාතිකත්වයේ සහ ආගමික අන්තවාදයේ චක්‍රය තුළ රඳවා තැබීමට උත්සාහ කරන දේශපාලනයෙන් ගැලවී, පුරවැසි සමානාත්මතාවය, බහුත්වවාදය සහ ප්‍රජාතන්ත්‍රවාදී සංහිඳියාව මත පදනම් වූ නව දේශපාලන සංස්කෘතියක් ගොඩනැගිය හැකිද යන්නයි.

![](https://www.citizen.lk/content/images/2026/05/athulasiri_samarakoon--1-.jpg)

> ආචාර්ය අතුලසිරි සමරකෝන් Digital creator Lecturer at Open University of Sri Lanka Former Teaching Assistant at University of Colombo
### ස්ත්‍රිය ස්ත්‍රියක් වීම සහ බලයේ පුරුෂමය ස්වභාවය
URL: https://www.citizen.lk/striy-striyk-viim-sh-blyee-purussmy-svbhaavy/
Last updated: 2026-05-18T10:01:32.000Z
May 18 (Citizen News) - ශ්‍රී ලංකාව වැනි සමාජයක ස්ත්‍රී–පුරුෂ සමාජභාවය එය දෘෂ්ටිවාදීමය වශයෙන් පැවතීම නිසා පිරිමි/ගැහැණු සම්බන්ධතා අදත් පවතින්නේ සමානත්වය සහ බල අසමතුලිතතාවය අතර ගැටුම්කාරී ක්ෂේත්‍රයක් ලෙසය. නීතිය, රාජ්‍ය ප්‍රතිපත්ති සහ ප්‍රජාතන්ත්‍රවාදී කතිකාව තුළ කාන්තාවන්ට වෙනස්කම් නොකළ යුතු බවට යම් සම්මුතියක් ගොඩනැගී තිබුණද, දෛනික සමාජ ජීවිතයේ බලය ක්‍රියාත්මක වන ආකාරය තුළ එම සම්මුතිය නිරන්තරයෙන් බිඳ වැටේ. රාජ්‍යය සහ පුරවැසියන් අතර “සමානත්වය” පිළිබඳ නීතිමය එකඟතාවක් පැවතියද, ජනතාව සහ ජනතාව අතර එම සමාජීය එකඟතාව තවමත් ගැඹුරින් ස්ථාපිත වී නැත.

මෙම පරස්පරතාවය විශ්වවිද්‍යාල, පාසල්, රෝහල්, කාර්යාල, ආගමික ආයතන සහ පවුල ඇතුළු සෑම සමාජ ව්‍යුහයකම දැකිය හැකිය. පුරුෂ බලය හුදෙක් ශාරීරික බලය පමණක් නොව, ආයතනික බලය, බුද්ධිමය බලය, ආර්ථික බලය සහ සංකේතාත්මක බලය ලෙසද ක්‍රියාත්මක වේ. විශ්වවිද්‍යාලයක මහාචාර්යවරයෙකුට සිසුවියක් මත බලපෑම් කිරීමට හැකිවන්නේ ඔහුගේ “දැනුම” හෝ “පදවිය” පමණක් නිසා නොව, එම ආයතනය තුළ ඔහුට හිමිව ඇති බලය, ප්‍රවේශය, ඇගයීම් පද්ධතිය සහ භීතිය නිසාය. මේ නිසා ලිංගික අල්ලස්, අනුග්‍රහය වෙනුවෙන් ලිංගික ඉල්ලීම්, දිගුකාලීන හිරිහැර සහ මානසික පීඩනය සමාජයේ බොහෝ ස්ථානවල නිහඬව පවතී.

විශ්වවිද්‍යාල පිළිබඳ කතාබහ මෙහිදී විශේෂයෙන් වැදගත් වන්නේ ඒවා “විමුක්තිමය දැනුම නිෂ්පාදනය කරන ආයතන” ලෙස සමාජය විසින් සැලකෙන නිසාය. නමුත් බලය පවතින සෑම තැනකම අපයෝජනයේ හැකියාව ද පවතී. එබැවින් විශ්වවිද්‍යාල තුළ සිදුවන ලිංගික අපයෝජන හෝ බලහත්කාරී සම්බන්ධතා පිළිබඳ කතාබහ, විශ්වවිද්‍යාල විරෝධී කතිකාවක් ලෙස නොව, ආයතනික වගකීම් සහ සමාජීය නීතිධර්ම පිළිබඳ අවශ්‍ය විවේචනයක් ලෙස දැකිය යුතුය.

මෑතකදී පේරාදෙණිය විශ්වවිද්‍යාලය සම්බන්ධයෙන් අධිකරණය ලබාදුන් තීන්දුව මේ සන්දර්භයේදී ඉතා වැදගත් දේශපාලන හා සමාජීය සංඥාවකි. එහිදී මහාචාර්යවරයෙකු තම ආයතනික බලය භාවිතා කරමින් සිසුවියකට අපයෝජනීය ආකාරයෙන් බලපෑම් කිරීම, ඇයව දිගුකාලීනව හිරිහැරයට ලක් කිරීම සහ එම ක්‍රියාවලියට එරෙහිව ඇය අවසානයේ අධිකරණය වෙත යාම, ශ්‍රී ලංකාවේ ස්ත්‍රී–පුරුෂ සමාජභාවීය දේශපාලනයේ ගැඹුරු අර්බුදයක් හෙළි කරයි. මෙම නඩුවේ වැදගත්කම පවතින්නේ එය එක් පුද්ගලයෙකුට එරෙහි චෝදනාවකට වඩා, “බලය සහ ලිංගිකත්වය” අතර ඇති සම්බන්ධතාවය නීතිය විසින් හඳුනාගැනීම තුළය.

එය සම්ප්‍රදායිකව කාන්තාවන් යනු “නිහඩව සිටිය යුතුය”, “ඉවසිය යුතුය” හෝ “දරාගෙන සිටිය යුතුය” යන පැරණි සමාජ මනෝභාවයට එරෙහි වැදගත් පියවරකි. විශේෂයෙන් ශ්‍රී ලංකාව වැනි සමාජයක, කාන්තාවන් බොහෝ විට පැමිණිලි කිරීමට බියවන්නේ සමාජ අපහාසය, වෘත්තීය හානිය, චරිත ඝාතනය සහ ආයතනික පලිගැනීම් නිසාය. එවැනි පසුබිමක අධිකරණය විසින් ලබාදෙන තීන්දුවක් නීතිමය වටිනාකමකට අමතරව සංකේතාත්මක වටිනාකමක් ද දරයි. එය අනෙකුත් කාන්තාවන්ට ද “ඔබට කතා කළ හැකිය හා කතාකරන්න” යන පණිවිඩය ලබාදෙයි.

මෙය හුදෙක් ලිංගික අපයෝජන පිළිබඳ කතිකාවක් පමණක් නොවේ. මෙය සමාජයේ බලය බෙදී යන ආකාරය පිළිබඳව ද කතිකාවකි. ගෘහස්ථ ප්‍රචණ්ඩත්වයේ සිට රැකියා ස්ථානවල ලිංගික හිරිහැර දක්වාත්, ආගමික ආයතන තුළ අපචාරවල සිට විශ්වවිද්‍යාලීය බල අපයෝජනය දක්වාත්, මෙම සියල්ල එකම සමාජීය ව්‍යුහයක විවිධ ප්‍රකාශනයන්ය. පුරුෂෝත්තමවාදය patriarchy යනු පුරුෂයන්ට පමණක් වාසිදායක සංකල්පයක් නොව, බලය සහ නිහඬතාවය සාමාන්‍යකරණය කරන සංස්කෘතික ක්‍රමවේදයකි.

ඒ නිසා ස්ත්‍රී–පුරුෂ සමාජභාවය පිළිබඳ කතිකාව ප්‍රධාන දේශපාලන ධාරාවට පැමිණිය යුතුය. එය 'කාන්තා ප්‍රශ්නයක්' ලෙස පමණක් නොව, ප්‍රජාතන්ත්‍රවාදය, මානව අයිතිවාසිකම්, ආයතනික පාලනය සහ සමාජීය යුක්තිය පිළිබඳ ප්‍රශ්නයක් ලෙස දැකිය යුතුය. වර්තමාන දේශපාලන වෙනස්කම් තුළ කාන්තාවන්ගේ ඡන්දය සහ සමාජීය සහභාගීත්වය වැදගත් බලවේගයක් වූ බව පැහැදිලිය. 'ගැහැණු එක මිටට' යන දේශපාලන සංඥාව හුදෙක් මැතිවරණීය ප්‍රකාශයක් නොව, සමාජීය ගෞරවය සහ ආරක්ෂාව සඳහා වූ ඉල්ලීමක් ලෙසද කියවිය හැකිය.

එබැවින් අද අවශ්‍ය වන්නේ නීති සෑදීම පමණක් නොව, ආයතනික සංස්කෘතියේ සහ සමාජීය මනෝභාවයේ පරිවර්තනයක්ද වෙයි. පැමිණිලි යාන්ත්‍රණ ශක්තිමත් කිරීම, විශ්වවිද්‍යාල හා රැකියා ස්ථානවල ස්වාධීන විමර්ශන ක්‍රම ඇති කිරීම, ලිංගික හිරිහැර පිළිබඳ අධ්‍යාපනය ප්‍රවර්ධනය කිරීම සහ කාන්තාවන්ට ආරක්ෂිත සමාජ පරිසරයක් ගොඩනැගීම අත්‍යවශ්‍ය වේ.

පේරාදෙණිය නඩුව වැනි සිදුවීම් අපට මතක් කර දෙන්නේ සමාජය දියුණු වන්නේ තාක්ෂණයෙන් හෝ ආර්ථිකයෙන් පමණක් නොව, බලය දරන පුද්ගලයාට එරෙහිව සාමාන්‍ය පුද්ගලයෙකුට යුක්තිය ඉල්ලා සිටිය හැකි මට්ටමට ප්‍රජාතන්ත්‍රවාදය ගැඹුරු වන විට බවය. ස්ත්‍රී–පුරුෂ සමාජභාවීය යුක්තිය යනු කාන්තාවන්ගේ අයිතිවාසිකමක් පමණක් නොව, සමාජයක සදාචාරීත්වය මැන බැලෙන මූලික දර්ශකයකි.

![](https://www.citizen.lk/content/images/2026/05/athulasiri_samarakoon--1-.jpg)

> ආචාර්ය අතුලසිරි සමරකෝන් Digital creator Lecturer at Open University of Sri Lanka Former Teaching Assistant at University of Colombo
### ට්‍රම්ප්ට සහ ෂී ජිංපින්ග් ට ලෝක බල රටාව සාමකාමී කළ හැකිද?
URL: https://www.citizen.lk/can-trump-and-xi-jinping-pacify-the-global-power-structure/
Last updated: 2026-05-18T04:20:14.000Z
May 18 (Citizen News) - 21 වන සියවසේ ලෝක දේශපාලනයේ කේන්ද්‍රීයම සබඳතාව බවට පත්වන්නේ ඇමරිකාව සහ චීනය අතර සබඳතාවය බව පැහැදිලි ය. ඒ නිසාම ට්‍රම්ප් සහ ෂී අතර සිදුවූ හමුව හුදෙක් රාජ්‍ය නායක හමුවක් පමණක් නොව, වර්තමාන ලෝක බල ව්‍යුහය පිළිබඳ දේශපාලනික ප්‍රකාශනයක් ලෙස ද කියවිය හැක. විශේෂයෙන් ට්‍රම්ප්ගේ ආගමනයෙන් පසු ඇමෙරිකානු විදේශ ප්‍රතිපත්තිය තුළ ඇතිවුණු වෙනස අප දැක ඇත්තෙමු; ට්‍රම්ප්ගේ 'ඇමරිකාවට පළමු තැන' America First, ජාතිකවාදය, ආර්ථික ආරක්ෂණවාදය, චීනයට එරෙහි වෙළඳ යුද්ධය, සහ ගෝලීයකරණය පිළිබඳ විවේචනය ආදී සියලු ප්‍රතිපත්තිමය ක්‍රියා සහ වාග් අලංකාර ඒ බව පැහැදිලි කරයි.

එක පසෙකින් මෙම හමුව ආර්ථික සබඳතා කළමනාකරණය කිරීමේ උත්සාහයක් ලෙසද ගත හැකි ය; නමුත්, එය ඊට වඩා ගැඹුරු යථාර්ථයක් ද පිළිබිඹු කරයි. ලෝකයේ බලවත්ම රාජ්‍ය දෙක අද එකිනෙකාට තරඟකරුවන් වුවද, එකිනෙකාට අත්‍යවශ්‍ය පාර්ශ්වකරුවන් ද වෙති. සීතල යුද්ධ සමයේ ඇමෙරිකාව සහ සෝවියට් සංගමය අතර පැවති පූර්ණ දේශපාලනික-ආර්ථික දුරස්ථ භාවය අද චීනය සහ ඇමෙරිකාව අතර නොපවතී. චීනය ඇමෙරිකානු වෙළඳපොළ, තාක්ෂණය සහ මූල්‍ය පද්ධතියට ගැඹුරින් සම්බන්ධ වන අතර ඇමෙරිකාවද චීන නිෂ්පාදන, සැපයුම් දාම සහ ණය පද්ධතිවලට සම්බන්ධ වී ඇත. ඒ නිසාම මේ තරඟය සම්පූර්ණ විනාශකාරී ගැටුමකට වඩා කළමණාකරණය කරගත් තරඟයක් නැතිනම් 'පාලිත තරගයක්' managed competition ලෙස පෙනීයයි. 

නායකයන්ගේ කතාබහ තුළ මතුවූ වැදගත්ම දේශපාලනික දාර්ශනික කාරණාවක් වූයේ ෂී ජින්පිං විසින් මතුකළ 'තුසිඩීඩ්ස්ගේ උගුල' (Thucydides Trap) පිළිබඳ අදහසයි. තුසිඩීඩ්ස් විසින් පෙන්වා දුන් පරිදි, එකල ඇතැන්ස් රාජ්‍යයේ නැගීම විසින් ස්පාටාව තුළ ඇති කළ බිය නිසා ඔවුන් අතර යුද්ධය නොවැළැක්විය හැකිබවට පත් විය. නූතන ජාත්‍යන්තර සබඳතාවලට මෙම සිදුවීමෙන් ගත හැකි අන්තර් ඥානය කුමක්ද? මෙහිදී නැගී එන බලවතෙකු (චීනය) සහ පවතින හෙගමනික බලවතෙකු (ඇමරිකාව) අතර ඇතිවිය හැකි ගැටුමක් හරහා බිහිවන ව්‍යුහාත්මක දේශපාලන පද්ධතිය පිළිබඳ එමගින් පැහැදිලි කළ හැක. නමුත් එය එලෙසම අප විසින් අවබෝධ කරගත යුතු ද? සමහරවිට ෂී ජිං පිං මතුකරන ප්‍රශ්නය එයයි. 

ජාත්‍යන්තර සබඳතා පිළිබඳ බටහිර විචාර බොහෝවිට චීනය 'නැගී එන බලවතා' ලෙසත් ඇමෙරිකාව 'පිරිහෙමින් පවතින හෙගමනික බලවතා' ලෙසත් දක්වයි. නමුත් ෂී ජින්පිංගේ කතාවේ වැදගත්කම වන්නේ ඔහු මෙම සංජානනයටම අභියෝග කිරීමයි. චීනයේ නැගීම යනු ඇමෙරිකාව විතැන්කිරීමේ ව්‍යාපෘතියක් ලෙස නොව, බහුධ්‍රුවීය ලෝකයක සාමකාමී ව්‍යාප්තියක් වශයෙන් හඳුනාගත යුතු දෙයක් ලෙස ඔහු පවසයි. එනම්, චීනයේ වර්ධනය යනු ඇමෙරිකාවේ කඩාවැටීම ලෙස කියවීම වැරදි බව ඔහු පෙන්වා දෙයි. චීනය දිගටම ලෝකයට ප්‍රකාශ කරන්නේ එම රාජ්‍යයේ නැගීම තර්ජනයක් ලෙස අවබෝධ කරගැනිම වැරදි බවයි. ඒ වෙනුවට මානව වර්ගයා සාමූහික අනාගතයක් කරා ගමන් කිරීම shared future for mankind වැනි සංකල්ප හරහා චීනය තම බලය හෙගමනික ආධිපත්‍යයක් ලෙස නොව, විකල්ප ලෝක රටාවක් ලෙස ඉදිරිපත් කිරීමට යොමුවෙයි.

නමුත් මෙහි පවතින මූලික දාර්ශනික ගැටලුව වන්නේ තුසිඩීඩ්ස්ගේ උගුල රාජ්‍ය නායකයන්ගේ තීන්දු මඟින් සැබවින්ම මඟ හැරිය හැකිද යන්නයි. මෙතැනදී ජාත්‍යන්තර සබඳතා න්‍යායේ අපට හමුවන ව්‍යූහය සහ නියෝජිතයා' (structure vs agency) පිළිබඳ විවාදය දෙස නැවත බැලීමට සිදුවෙයි. නව-යථාර්ථවාදී චින්තකයන් විශේෂයෙන් කෙනත් වොල්ට්ස් වැනි අය පෙන්වා දුන්නේ ජාත්‍යන්තර පද්ධතියේ පවතින අරාජිකභාවය anarchy සහ බල තුලනය balance of power විසින් සාදන ව්‍යූහය මගින් රාජ්‍යයන්ගේ හැසිරීම සීමා කෙරෙන බවයි. ඒ අනුව චීනය තමන් සාමකාමී බව පැවසුවද, එහි ආර්ථික, තාක්ෂණික සහ හමුදාමය ව්‍යාප්තිය ඇමෙරිකාවට ව්‍යුහාත්මක තර්ජනයක් ලෙස පෙනීම වැළැක්විය නොහැකි බව සත්‍යයකි.

 ඒ අනුව ගැටුම පුද්ගල නායකයන්ගේ කැමැත්තෙන් නතර කළ හැකි දෙයක් නොව, පද්ධතිමය බල අරගලයක් බවට පත්වන බව අප වෙත ඇති එක පැහැදිලි කිරීමකි. චීනය තම නිෂ්පාදන කාර්මික හා ව්‍යාපෘති හා භූදේශපාලනය ක්‍රියා මාර්ග සහ මූල්‍ය පද්ධතිය (යුවාන්) ජාත්‍යන්තරීකරණය හරහා තම බලය ව්‍යාප්ත කරන අතර, ඇමෙරිකාව ද තම උපාය මාර්ගික ව්‍යාපෘති - QUAD, AUKUS, ඉන්දු ශාන්තිකර උපාය, වෙළඳ සම්බාධක සහ තාක්ෂණ වාරණයන් හරහා ප්‍රතිචාර දක්වයි. මෙය පෞද්ගලික අකමැත්තෙන් හෝ කැමැත්තෙන් පමණක් සිදුවන හෝ නතර කළ නොහැකි ව්‍යුහාත්මක තරඟයකි.

එහෙත් ෂී විසින් යෝජනා කරන බව පෙනෙන්නේ රාජ්‍ය නායකයන්ට - නියෝජිතයාට — ව්‍යුහයේ ස්වභාවය අවබෝධකරගෙන ගැටුම කළමනාකරණය කිරීමේ හැකියාවක් තිබෙන බවයි. න්‍යෂ්ටික යුගයේ දී අන්‍යෝන්‍ය විනාශය, ගෝලීය ආර්ථිකයේ පවතින අන්තර්-සම්බන්ධතාවය සහ යුද්ධය සඳහා වන අධික පිරිවැය නිසා බලවතුන්ට සෘජුව යුද්ධ කිරීම යනු අතීතයේ දී පැවති පරිදි දැකිය හැකි තාර්කික විකල්පයක් නොවන බව පැහැදිලිය. එබැවින් අද ලෝකය තුළ පවතින්නේ තුෂ්ණි යුද්ධයක නව ස්වරූපයකි. එනම් වත්මන් චීන සහ ඇමරිකානු තුෂ්ණි යුද්ධය තුළ එම රාජ්‍යයන් අතර පූර්ණ විරසක භාවයක්, දෘෂ්ටිමය තරගයක් වෙනුවට අපට දැකගත හැකිවන්නේ, 'පාලනය කරනු ලබන තරගය' හෝ 'තරගකාරී සහජීවනය' පිළිබඳ තත්ත්වයක් බව පැහැදිලි කළ හැක. 

මෙහිදී ෂී ජින්පිංගේ තුසිඩීඩ්ස් උගුල පිළිබඳ ප්‍රකාශය වැදගත් වන්නේ ගැටුම නොවැළැක්විය හැකි යැයි ඔහු විසින් පිළි නොගැනීම නිසාය. නමුත් ගැටලුව වන්නේ ජාත්‍යන්තර දේශපාලනයේ සංජානන perceptions සහ ආරක්ෂාව පිළිබඳ උභතෝකෝටිකය security dilemma බොහෝවිට ද්‍රව්‍යාත්මක බලයට වඩා බලවත් වීමයි. චීනය තමන් ආරක්ෂකමය උපාය ව්‍යාප්ත නොකරන බව පැවසුවද, ඇමෙරිකාවට එය බලය ව්‍යාප්ත කිරීමක් ලෙස පෙනීයයි. එවිට රාජ්‍යයන් අතර වන අවිශ්වාසය ව්‍යුහාත්මකවම ප්‍රතිනිෂ්පාදනය වීම වැළැක්වීම අපහසුය.

මෙම තත්ත්වය තුළ දකුණු ආසියාවට සහ විශේෂයෙන් අපේ රටට ගැඹුරු බලපෑම් ඇතිවිය හැක. ඉන්දියන් සාගරය අද ලෝක දේශපාලනයේ ප්‍රධාන භූ-ආර්ථික කලාපයක් බවට පත්ව තිබේ. මැද පෙරදිග බලශක්ති මාර්ග, ආසියානු නිෂ්පාදන ජාල සහ අප්‍රිකානු වෙළඳ මාර්ග සම්බන්ධ කරන මෙම කලාපය තුළ චීනයේ ව්‍යාප්තිය, ඉන්දියාවට සහ ඇමෙරිකාව යන දෙකටම ආරක්ෂක අභියෝගයක් ලෙස පෙනේ.ශ්‍රී ලංකාවට මෙය අවස්ථාවක් මෙන්ම අවදානමක්ද වේ. චීන ආයෝජන, වරාය සංවර්ධන සහ යටිතල පහසුකම් ව්‍යාපෘති ආර්ථික අවශ්‍යතා සපුරාලුවද, ඒවා පසුබිමේ වන භූ-දේශපාලනික බලපෑම් පවතී. අනෙක් අතට ඇමෙරිකාව සහ ඉන්දියාව විසින් ශ්‍රී ලංකාව චීන බල ව්‍යාප්තියේ සම්පූර්ණ කොටසක් වීම වැළැක්වීමට උත්සාහ කරනු ඇත. මේ නිසා ශ්‍රී ලංකාවට අවශ්‍ය වන්නේ සරල නොබැඳි ප්‍රතිපත්තියකට වඩා බහු-සම්බන්ධතා සහිත විදේශ ප්‍රතිපත්තියකි. එනම් චීනය සමඟ ආර්ථික සහයෝගීතාවයක් පවත්වාගෙන යන අතර ඉන්දියාව සමඟ ආරක්ෂක සහ භූගෝලීය සංවේදීතාවයන් පිළිබඳ සලකා බැලීමත්, ඇමෙරිකාව සහ බටහිර රටවල් සමඟ වෙළඳ හා තාක්ෂණික සබඳතා රඳවා ගැනීමත් ඒ හරහා යෝජනා කළ හැක. 

චීනය සහ ඇමෙරිකාව අතර පවතින තරඟය සම්පූර්ණයෙන්ම යුද්ධයක් ලෙස නොව, ව්‍යුහය සහ නියෝජිතයා අතර පවතින ආතතිය ලෙස න්‍යායිකව දැක්විය හැක. ව්‍යුහයේ තෙරපුම විසින් ගැටුමට තල්ලු කරන අතර නියෝජිතයන් එය කළමනාකරණය කිරීමට උත්සාහ කරයි. නමුත් එම කළමනාකරණය සාර්ථක වන්නේ නායකයන්ට තම දේශීය පරිසරය තුළ පවතින ජාතිකවාදී පීඩන, ආරක්ෂාව පිළිබඳ මතයන් සහ බල තරඟ ඉක්මවා තාර්කිකව ක්‍රියා කළ හැකි ප්‍රමාණය මතය. 

එබැවින් ට්‍රම්ප්-ෂී හමුව ලෝකය දෙකඩ කරන අවසාන ගැටුමක ආරම්භයක් ලෙස පමණක් නොව, බලවතුන් දෙදෙනාම එකිනෙකාගේ පැවැත්ම පිළිගෙන බල තරඟය කළමනාකරණය කිරීමට උත්සාහ කරන නව ලෝක යථාර්ථයක ප්‍රකාශනයක් ලෙස කියවිය හැකි ය. කුඩා රාජ්‍යයන්ට එම යථාර්ථය තුළ ඇතිවන අභියෝගය වන්නේ එක් බල කඳවුරක අනුගාමිකයන් වීම වෙනුවට, තම භූ-දේශපාලනික ස්ථානය තාර්කිකව භාවිතා කර ස්වාධීන අවකාශයක් නිර්මාණය කර ගැනීම විය හැක.  

![](https://www.citizen.lk/content/images/2026/05/athulasiri_samarakoon--1-.jpg)

> ආචාර්ය අතුලසිරි සමරකෝන් Digital creator Lecturer at Open University of Sri Lanka Former Teaching Assistant at University of Colombo
### වාහන ආනයන රේගු බද්දට තවත් 50%ක අධිභාර බද්දක්
URL: https://www.citizen.lk/another-50-surcharge-on-vehicle-import-customs-duty/
Last updated: 2026-05-16T11:52:45.000Z
May 16 (Citizen News) - ආනයනය කරනු ලබන වාහන සඳහා අදාළ රේගු ආනයන තීරු බදු මත 50%ක අධිභාරයක් (Surcharge) අය කිරීමට මුදල් අමාත්‍යාංශය තීරණය කර තිබේ.

  
ජනාධිපති අනුර කුමාර දිසානායක ගේ අත්සනින් යුතුව නිකුත් කර ඇති විශේෂ ගැසට් නිවේදනය අනුව අද (16) සිට මාස තුනක කාලසීමාවක් සඳහා මෙම සියයට 50ක අධිභාරය අය කිරීමට නියමිතය.  
  
මුදල් අමාත්‍යාංශය විසින් මෙම 50% අධිභාරය පසුගිය අප්‍රේල් මස 01 වනදා සිට ඉවත් කිරීමට මීට පෙර තීරණය කර තිබූ අතර කෙසේවෙතත් එය අද සිට ක්‍රියාත්මක කිරීමට පියවර ගෙන තිබේ.  
  
**බද්ද අදාළ වන සහ නොවන ක්‍රමවේද** 
  
**අදාළ වන වාහන:**  
පුද්ගල ප්‍රවාහන මෝටර් රථ, ජීප් රථ, වෑන් රථ, බස් රථ, භාණ්ඩ ප්‍රවාහන වාහන, ගිලන් රථ, මෝටර් නිවාස (Motorhomes) මෙන්ම හයිබ්‍රිඩ් (Hybrid) සහ පූර්ණ විදුලි (Electric) වාහන සඳහා ද මෙම අධිභාරය පොදුවේ අදාළ වේ.  
  
**නිදහස් කිරීම්:**  
2026 මැයි 15 හෝ ඊට පෙර බැංකු හරහා වලංගු ලෙස ණයවර ලිපි (Letters of Credit - LCs) විවෘත කර ඇති වාහන ආනයනයන් සඳහා මෙම නව 50%ක අධිභාර බද්ද බලනොපානු ඇත.

> **මැදපෙරදිග කලාපීය නොසන්සුන්තාව හමුවේ ඇති වී තිබෙන ගෝලීය තත්ත්වයන් සහ විදේශ විනිමය රුපියල මත එල්ල වී ඇති පීඩනය කළමනාකරණය කරගැනීම සඳහා, වාහන ආනයනය කිරීම තවදුරටත් සීමා කරමින් විදේශ විනිමය සංචිත රැකගැනීම මෙහි මූලික අරමුණ බව පැවසේ.**

  
**බදු ගණනය වන ආකාරය**  
  
මෙම 50%ක බද්ද පැනවෙන්නේ වාහනයේ සම්පූර්ණ වටිනාකම මත නොව, ශ්‍රී ලංකා රේගුව මඟින් දැනට අය කරනු ලබන මූලික රේගු ආනයන බදු මුදල (Customs Import Duty) මතයි.  
  
උදාහරණයක් ලෙස, මෝටර් රථයක් සඳහා පවතින රේගු ආනයන බද්ද 30%ක් නම්, මෙම නව තීරණයත් සමඟ එම බදු මුදල මත තවත් 50%ක අතිරේක බද්දක් (එනම් තවත් 15%ක බද්දක් එකතු වී මුළු රේගු බද්ද 45%ක් දක්වා) ඉහළ යනු ඇත.  
  
මේ හේතුවෙන් ඉදිරියේදී මෙරටට ගෙන්වන වාහනවල මිල යම් ප්‍රමාණයකින් ඉහළ යා හැකි බව වාහන ආනයනකරුවන් පවසති.
### "දක්ෂයන්" සමග ඉදිරියට :ප්‍රතිරෝධය අවශෝෂණය කිරීමේ දේශපාලනය (?)
URL: https://www.citizen.lk/forward-with-the-talented-the-politics-of-absorbing-resistance/
Last updated: 2026-05-14T23:53:56.000Z
May 15 (Citizen News) - මෙරට සාර්ව දේශපාලන ලෑන්ඩ්ස් කේපයේ ගතික සීග්‍රතාවය කියවිය යුත්තේ සරල ආණ්ඩු-විපක්ෂ ගැටුමක් ලෙස පමණක් නොවේ. එය රාජ්‍යය, බලය, ප්‍රතිවිරෝධය සහ ප්‍රතිසංධාන අතර පවතින සංකීර්ණ සම්බන්ධතාවයක් ලෙසද හඳුනාගත හැකිය. ජාතික ජන බලවේග ආණ්ඩුව බලයට පැමිණියේ දූෂණයට, පවුල්වාදයට සහ අධානග්‍රාහී පක්ෂ අනුගාමිකත්වයට (cronyism) එරෙහි විශාල සමාජ අපේක්ෂාවක් සමඟය. 2022 ආර්ථික අර්බූදයෙන් පසු ඇති වූ සමාජ කම්පනය, අරගලය, IMF ප්‍රතිසංස්කරණ සහ පැරණි දේශපාලන පක්ෂ කෙරෙහි ජනතාව තුළ ඇති වූ විශ්වාසභංගය මත මෙම නව ආණ්ඩුකරණ ව්‍යාපෘතිය ගොඩනැගුණි. ඒ නිසාම වත්මන් ආණ්ඩුවට මුහුණ දීමට සිදුව ඇති ප්‍රධාන අභියෝගය වන්නේ ඔවුන් විසින් ම දායකවී නිර්මාණය කළ විරෝධාත්මක දේශපාලන භාෂාවක් රාජ්‍ය පරිපාලන හැකියාවක් බවට පරිවර්තනය කිරීමයි. ආණ්ඩුව ඒ සඳහා අනුගමනය කරන උපාය කුමක්ද?

මෙහිදී ආණ්ඩුකරණය පිළිබඳ දේශපාලනය යනු “ආර්ට් ඔෆ් ද පොසිබල්” පමණක් නොව, බොහෝ විට “ආර්ට් ඔෆ් ද ඉම්පොසිබල්” ද වේ. මන්ද, විපක්ෂයේ සිටියදී ඉදිරිපත් කළ රැඩිකල් සටන් පාඨ රාජ්‍ය බලය හිමිවූ පසු සෘජුව ක්‍රියාත්මක කිරීම සෑමවිටම කළ නොහැක. එවිට ආණ්ඩුවකට සිදුවන්නේ පවතින ආයතන, ජාත්‍යන්තර මූල්‍ය පද්ධතිය, පරිපාලන සීමාවන් සහ සමාජ බලවේග අතර සීරුවට ගමන් කිරීමටය. ඒ අනුව විරෝධතාවයේ දෘඪභාවය පාලනය පිළිබඳ යථාර්ථයේ නම්‍යශීලීත්වයකට flexibility in governance පරිවර්තනය වීම නූතන ආණ්ඩුකරණයේ අත්‍යවශ්‍ය ලක්ෂණයක් බවට පත්වේ.

ඒ නිසා ඉරාන් වික්‍රමරත්න වැනි විපක්ෂයේ සිටි පුද්ගලයන් යම් යම් ආයතනික ක්ෂේත්‍ර වලට සම්බන්ධ කිරීම සරල පත්කිරීමක් නොව, 'රාජ්‍යය' සහ 'පක්ෂය' අතර සීමාව නැවත අර්ථකථනය කිරීමේ උත්සාහයක් ලෙස පෙනේ. විශේෂයෙන් ක්‍රිකට් පරිපාලනය, ආර්ථික කළමනාකරණය හෝ ප්‍රතිපත්ති සම්බන්ධ ආයතන වැනි ක්ෂේත්‍ර වලදී 'දක්ෂතාවය' සහ 'ජාත්‍යන්තර විශ්වාසනීයභාවය' වැනි යෙදුම් දැඩිව භාවිතා වේ. ජාතික ජන බලවේග නායකයන් කිහිප දෙනෙකුම පසුගිය. දිනවලදී මාධ්‍ය වලට ප්‍රකාශ කර තිබුණේ 'රට ගොඩනැගීම සඳහා ඕනෑම දක්ෂයෙකු සමඟ වැඩ කිරීමට සූදානම්' බවයි. ඒ සමඟම IMF වැඩසටහන, ණය ප්‍රතිව්‍යුහගත කිරීම සහ ජාත්‍යන්තර ආයෝජන විශ්වාසය තහවුරු කිරීම වැනි කරුණු හේතුවෙන් ආණ්ඩුවට දේශපාලන විශ්වාසයට පමණක් සීමා වූ පිරිසක් නොව, තාක්ෂණික සහ ආයතනික හැකියාවක් සහිත පුද්ගලයන් අවශ්‍ය වී ඇත. හර්ෂ ද සිල්වා ඇතුළු සජබ නායකයන්ට උදාවන ජාතික කාර්යභාරයට සම්මාදම් වීමේ අවස්ථාවට මෙලෙස පසුබිම සැකසෙමින් තිබේ.

නමුත් මෙය සදාචාරාත්මකව 'සුදුස්සාට සුදුසු තැන' යන සංකල්පයෙන් පමණක් පැහැදිලි කළ නොහැක. ඕනෑම ආණ්ඩුවක් තම බලය දිගුකාලීනව ස්ථාපිත කර ගැනීමට උත්සාහ කරයි. එහිදී විපක්ෂයේ සිටින බුද්ධිමය සහ ප්‍රතිපත්තිමය හැකියාවන් සහිත පිරිස් ආණ්ඩුකරණ ව්‍යුහය තුළට ඇද ගැනීම ඉතා වැදගත් වේ. මන්ද, නූතන බලය ක්‍රියාකරන්නේ සෘජු මර්දනය හරහා පමණක් නොව, විරෝධය අවශෝෂණය absorption of resistance කරගනිමින් එහි ගතිකතාවය නම්‍යකරණයකට ලක්කරමින්ය. විපක්ෂයේ සිටින දක්ෂයන් ආණ්ඩුවට සම්බන්ධ වන විට, ඔවුන් ආණ්ඩු විරෝධයේ භාෂා උගුලෙන් ගැළවී 'වගකීම් සහගත රාජ්‍යකරණය' නැමැති මිත්‍යාමය භාෂා අවකාශයට බලයත් සමග ඇතුළත් වේ. එවිට විරෝධය සම්පූර්ණයෙන් විනාශ නොවුවද, එය පාලනය කළ හැකි සහ කළමනාකරණය කළ හැකි ස්වරූපයකට පරිවර්තනය වේ.

සජබය තුළ හර්ෂ ද සිල්වා වටා ඇති ආතතිය මේ පසුබිම තුළ වැදගත්ය. හර්ෂ ද සිල්වා IMF, ආර්ථික ප්‍රතිසංස්කරණ, ඩිජිටල් ආර්ථිකය සහ ජාත්‍යන්තර වෙළඳපොළ පිළිබඳ අදහස් දැක්වූ ආකාරය බොහෝ විට ආණ්ඩුවේ ආර්ථික ප්‍රවේශයන් සමඟ යම් සමානතාවයක් දරයි යන අදහස සමාජ මාධ්‍ය සහ දේශපාලන කතිකාව තුළ දිගින් දිගටම මතු වී ඇත. ඒ නිසාම සජබය තුළ බොහෝවිට මතු වන්නේ එය 'විපක්ෂයක් ද, නැතිනම් ආණ්ඩුවේ විකල්ප පරිපාලන කණ්ඩායමක් ද?' යන සැඟවුණු ප්‍රශ්නයයි.

මින් පෙර සිටි සජින් ද වාස් ගුණවර්ධන වැනි බල දේශපාලන චරිත සමඟ සසඳන විට හර්ෂගේ වෙනස තවත් පැහැදිලි වේ. රාජපක්ෂ දේශපාලනය තුළ බලයට සමීප වීමේ ප්‍රධාන භාෂාව වූයේ පෞද්ගලික අනුගාමිකත්වයයි. නමුත් අද බලය ඊට වඩාත් සංකීර්ණය. එය 'ප්‍රතිපත්තිමය දැනුම', 'තාක්ෂණික හැකියාව', 'ආයෝජක ජාත්‍යන්තර විශ්වාසය', 'ජාත්‍යන්තර සම්බන්ධතා' සහ 'වෘත්තීයභාවය' යන භාෂාමය සංඥා හරහා ක්‍රියාකරයි. ඒ නිසා බුද්ධිමය දාර්ශනිකත්වය පරදා තාක්ෂණඥයා technocrat නැමැති චරිතය නූතන දේශපාලනයේ නව බල මධ්‍යස්ථානයක් බවට පත්වී ඇත. සජබය සහ අනෙකුත් කණ්ඩායම්වල සිටින එවැනි ටෙක්නොක්‍රැටික පාර්ශ්වයන්ට විපක්ෂයේ බෙලිකපාගැනීම නැමැති දේශපාලන සීතල වතුරේ ගිළෙනවාට වඩා ආණ්ඩුවේ රට හැදීම පිළිබඳ නව ජාතික කතිකාවකට පිවිසීම ආවස්ථිකව යහපත් වන්නේ මෙම තත්වය තුළය.

නමුත් මෙහි ඇති ගැඹුරුම ප්‍රශ්නය වන්නේ ප්‍රජාතන්ත්‍රවාදයේ විවේචනාත්මක අවකාශයට කුමක් සිදුවේද යන්නයි. විපක්ෂයේ දක්ෂයන්, බුද්ධිමතුන් සහ ප්‍රතිපත්තිමය හැකියාවන් සහිත පිරිස් ක්‍රමයෙන් ආණ්ඩුකරණ ව්‍යුහය තුළට ඇතුළත් වන විට, ප්‍රජාතන්ත්‍රවාදී ප්‍රතිවිරෝධය පවා පද්ධතිය තුළ කළමනාකරණය කළ හැකි දෙයක් බවට පත්වේ.

මෙහිදී ජිජැක් වැනි දාර්ශනිකයකු පෙන්වා දෙන නූතන බලයේ ස්වභාවය හඳුනා ගැනීම වැදගත්ය. ඔහු පෙන්වා දෙන්නේ නූතන රාජ්‍ය බලය විසින් පද්ධති විරෝධය විනාශ නොකරන බවයි; ඒ වෙනුවට එය අන්තර්ග්‍රහණය නැත්නම් අභ්‍යන්තරකරණය නැතිනම් ඇතුළත් කරගනිමින්, එහි ශක්තිය මෘදුකරමින්, පාලනය කළ හැකි ස්වරූපයකට පරිවර්තනය කරන බව ඔහු පෙන්වා දෙයි. එවිට විරෝධය පද්ධතියට පිටතින් පවතින තර්ජනයක් නොව, පද්ධතියේම කොටසක් බවට පත්වේ. අද ශ්‍රී ලංකාවේ දේශපාලනය තුළ ද මෙම ප්‍රවණතාවය දැකිය හැකිය. විපක්ෂයේ සිටින දක්ෂයන් ආණ්ඩුකරණයට එක්වීම, එක් අතකින් රාජ්‍ය කාර්යක්ෂමතාවය වැඩිදියුණු කළ හැකි අතර, අනෙක් අතට විපක්ෂයේ විවේචනාත්මක ශක්තිය පද්ධතිය තුළටම අවශෝෂණය කර ගැනීමේ මෘදු දේශපාලන ක්‍රියාවලියක් ද විය හැකිය.

ඒ නිසා වත්මන් තත්ත්වය “ජාතික කාර්යභාරය සඳහා එකතූවීම' නැතිනම් 'දේශපාලන ද්‍රෝහීභාවය' ලෙස සරල බයිනරියක් තුළ ඝනීභවනය කළ නොහැක. එය නූතන රාජ්‍යය තම බලය සංවිධානය කරන ආකාරය පිළිබඳ ගැඹුරු දේශපාලන මොහොතකි. අද බලය විරෝධය මර්දනය කිරීමෙන් පමණක් නොව, එය අවශෝෂණය කරගනිමින් ද පවත්වාගෙන යාම එහි ස්වභාවයයි. එබැවින් ප්‍රශ්නය වන්නේ දක්ෂයන් ආණ්ඩුවට ගන්නවාද නැද්ද යන්න නොව, එම ක්‍රියාවලිය අවසානයේ ප්‍රජාතන්ත්‍රවාදයේ විවේචනාත්මක ජීවගුණය ශක්තිමත් කරනවාද, නැතිනම් එය පාලනය කළ හැකි මෘදු විරෝධයක් බවට පත්කරනවාද යන්නයි.

![](https://www.citizen.lk/content/images/2026/05/17787976587755189859459298597128.jpg)

ආචාර්ය අතුලසිරි සමරකෝන්  
Digital creator  
Lecturer at Open University of Sri Lanka  
Former Teaching Assistant at University of Colombo  
smasa@ou.ac.lk
### පවතින අයහපත් කාලගුණය හේතුවෙන් අධිවේගී මාර්ගයේ වාහන ධාවනයේ දී සැලකිලිමත් වන්නැයි මාර්ග සංවර්ධන අධිකාරියෙන් ඉල්ලිමක්
URL: https://www.citizen.lk/the-road-development-authority-has-requested-drivers-to-be-careful-when-driving-on-the-expressway-due-to-the-prevailing-bad-weather/
Last updated: 2026-05-13T05:49:15.000Z
May 13 (Citizen.lk News) - පවතින අයහපත් කාලගුණය හේතුවෙන් අධිවේගී මාර්ගයේ වාහන ධාවනය කිරීමේදී විද්‍යුත් පුවරුවල සඳහන් අවවාදාත්මක වැකි කෙරෙහි අවධානය යොමු කරන ලෙස මාර්ග සංවර්ධන අධිකාරිය රියදුරන්ගෙන් ඉල්ලා සිටිනවා.

කාලගුණය අයහපත් වීම හේතුවෙන් දහවල් කාලයේද කළුවර සහ මීදුම් තත්ත්වයක් ඇතිවී තිබීම හේතුවෙන් සිය වාහනවල ඉදිරිපස ලාම්පු දල්වා ධාවනය කරන ලෙසත් රියදුරන්ට දැනුම් දී ඇත.

එසේම, පැයට කිලෝමීටර් 60ක සීමාවේ තබාගෙන පාලනය කරගත හැකි වේගයකින් හා පරතරය තබාගෙන වාහන පදවන ලෙසත් හා අධික වේගයෙන් ධාවනය කරන විට එකවරම තිරිංග යෙදීම අනතුරුදායක බවත් එම අධිකාරිය ජනතාවට දැනුම් දී ඇත.
### අධික වර්ෂාව හේතුවෙන් තෙලිජ්ජවිල රාජකීය විද්‍යාලයේ ශ්‍රේණි කිහිපයකට අද නිවාඩු
URL: https://www.citizen.lk/several-grades-at-thelijjawila-royal-college-closed-today-due-to-heavy-rain/
Last updated: 2026-05-13T05:05:29.000Z
May 13 (Citizen News) - මාතර දිස්ත්‍රික්කයට ඇදහැලෙන අධික වැසි හේතුවෙන් මතුවී ඇති නායයෑම් සහ පස්කඳු කඩාවැටීමේ අවධානම සැලකිල්ලට ගෙන තෙලිජ්ජවිල රාජකීය විද්‍යාලයේ ශ්‍රේණි කිහිපයක් සඳහා අද (13) දිනයේ නිවාඩු ලබාදීමට පියවර ගෙන ඇත.

එම පාසලේ විදුහල්පතිවරයා සඳහන් කළේ දරුවන්ගේ ආරක්ෂාව පතා 6, 7, 8, 9 සහ උසස් පෙළ පන්ති සඳහා පමණක් අද දිනයේ නිවාඩු ලබාදුන් බවයි.

10,11 සහ ප්‍රාථමික අංශයේ පන්ති සුපුරුදු පරිදි පැවැත්වෙන බවද විදුහල්පතිවරයා සඳහන් කර සිටියා.
### ප්‍රදේශ රැසකට නායයෑම් අනතුරු ඇඟවීම්
URL: https://www.citizen.lk/landslide-warnings-issued-for-several-areas/
Last updated: 2026-05-13T04:58:07.000Z
May 13 (Citizen News) - පවතින අධික වර්ෂාපතනය හමුවේ නිකුත් කර තිබූ නායයාම් අනතුරු ඇඟවීමේ නිවේදනය යාවත්කාලීන කිරීමට ජාතික ගොඩනැගිලි පර්යේෂණ සංවිධානය පියවර ගෙන තිබෙනවා.

අද පෙ.ව 9.00 සිට හෙට පෙ.ව 9.00 දක්වා වූ කාලය තුළ පහත සඳහන් ප්‍රදේශ ආශ්‍රිතව මෙම නාය යෑම් අනතුරු ඇ ඟවීමේ නිවේදනය ක්‍රියාත්මක වනු ඇත.

 අනතුරු ඇඟවීමේ මට්ටම 2- අවදානයෙන් සිටින්න (ඇම්බර්)

**බදුල්ල දිස්ත්‍රික්කය:** 
**\- පස්සර**

**ගාල්ල දිස්ත්‍රික්කය:** 
**\- නෙලුව**

**කළුතර දිස්ත්‍රික්කය:** 
**\- අගලවත්ත** 
**\- ⁠බදුරලිය** 
**\- ⁠මතුගම** 
**\- ⁠හොරණ** 
**\- ⁠වලල්ලාවිට**

**මහනුවර දිස්ත්‍රික්කය:** 
**\- ⁠පාතහේවාහැට** 
**\- ⁠පස්බාගේ කෝරලේ** 
**\- ⁠අකුරණ** 
**\- ⁠ගඟවට කෝරලේ** 
**\- ⁠පන්විල** 
**\- ⁠යටිනුවර** 
**\- ⁠ගඟ ඉහළ කෝරලේ** 
**\- ⁠උඩපළාත**

**රත්නපුර දිස්ත්‍රික්කය:** 
**\* පැල්මඩුල්ල** 
**\* ⁠රත්නපුර**

අනතුරු ඇඟවීමේ මට්ටම 1- විමසිලිමත් වන්න (කහ)

**බදුල්ල දිස්ත්‍රික්කය:** 
**\- බණ්ඩාරවෙල** 
**\- ⁠හාලිඇල**

**ගාල්ල දිස්ත්‍රික්කය:** 
**\- තවලම** 
**\- ⁠ඇල්පිටිය** 
**\- ⁠නියාගම**

**කළුතර දිස්ත්‍රික්කය:** 
**\- ඉංගිරිය** 
**\- ⁠බුලත්සිංහල**

**මහනුවර දිස්ත්‍රික්කය:** 
**\- ⁠පූජාපිටිය** 
**\- තුම්පනේ** 
**\- ⁠දෙල්තොට** 
**\- ⁠දොලුව** 
**\- ⁠උඩුනුවර** 
**\- ⁠හතරලියද්ද** 
**\- ⁠හාරිස්පත්තුව**

**කෑගල්ල දිස්ත්‍රික්කය:** 
**\- මාවනැල්ල** 
**\- ⁠බුලත්කොහුපිටිය** 
**\- ⁠යටියන්තොට** 
**\- ⁠අරණායක** 
**\- ⁠කෑගල්ල** 
**\- ⁠රඹුක්කන** 
**\- ⁠වරකාපොළ**

**කුරුණෑගල දිස්ත්‍රික්කය:** 
**\* රිදීගම**

**මාතලේ දිස්ත්‍රික්කය:** 
**\* නාවුල** 
**\* ⁠අඹන්ගඟ කෝරලේ** 
**\* ⁠රත්තොට**

**මාතර දිස්ත්‍රික්කය:** 
**\* පිටබැද්දර**

**මොනරාගල දිස්ත්‍රික්කය:** 
**\* බඩල්කුඹුර** 
**\* ⁠වැල්ලවාය** 
**\* ⁠බිබිල**

**නුවරඑළිය දිස්ත්‍රික්කය:** 
**\* නෝර්වුඩ්** 
**\* ⁠අඹගමුව කෝරලේ** 
**\* ⁠කොත්මලේ බටහිර**

**රත්නපුර දිස්ත්‍රික්කය:** 
**\* ඇහැලියගොඩ** 
**\* ⁠කුරුවිට** 
**\* ⁠කලවාන** 
**\* ⁠ගොඩකවෙල** 
**\* ⁠කිරිඇල්ල** 
**\* ⁠අයගම**
### රාජපක්සවාදය අවසන් ද?
URL: https://www.citizen.lk/is-the-rajapaksa-controversy-over/
Last updated: 2026-05-13T04:28:56.000Z
May 13 (Citizen News) - මහින්ද රාජපක්ස යනු ශ්‍රී ලංකාවේ දේශපාලන ඉතිහාසය තුළ තනි පුද්ගලයෙකුට වඩා, නිශ්චිත ඓතිහාසික මොහොතක නිර්මාණය වූ බලය පිළිබඳ සංකේතයකි. ඔහු 'මහින්ද රාජපක්ස' බවට පත්වන්නේ පවුල් උරුමයකින් පමණක් නොව, ජනවාර්ගික යුද්ධය, රාජ්‍ය අර්බූදය, ජාතික ආරක්ෂාව පිළිබඳ භීතිය, ග්‍රාමීය සිංහල බෞද්ධ ජන මනස තුළ මුල් බැසීම සහ බලය සඳහා පක්ෂ අතර වූ දැඩි දේශපාලන අරගලය යන සියලු සාධක එකිනෙක ගැටුණු අවස්ථාවකය.

එම නිසා ඔහුගේ නැගී සිටීම හෝ කඩාවැටීම, පුද්ගල චරිතයකට පමණක් සීමා කළ නොහැකි අතර, එය ශ්‍රී ලංකාවේ රාජ්‍ය බලය ක්‍රියාත්මක වූ ආකාරය පිළිබඳ ගැඹුරු දේශපාලන යථාර්තයක් කැටිකොටගත් ඉතිහාසමය පරිච්ඡේදය කි.

2005 ජනාධිපතිවරණයේදී මහින්ද රාජපක්ස ජයග්‍රහණය කළේ, සාම ක්‍රියාවලිය කෙරෙහි ජනතාව තුළ ඇතිවෙමින් තිබූ සැකය සහ උතුරේ යුද්ධය නැවතත් තීව්‍ර වෙමින් තිබූ පසුබිමකය. එම කාලයේ දකුණේ සිංහල ජනතාව අතර ශක්තිමත් රාජ්‍යයක්, දැඩි නායකත්වයක් සහ යුද්ධය අවසන් කළ හැකි පාලකයෙකු පිළිබඳ අවශ්‍යතාවයක් ගොඩනැගී තිබිණි.

රනිල් වික්‍රමසිංහ නියෝජනය කළ සාකච්ඡා සහ සංහිඳියාමය දේශපාලනයට වඩා, මහින්ද රාජපක්ස නියෝජනය කළ ආරක්ෂක-ජාතිකවාදී ප්‍රතිරූපය ග්‍රාමීය සහ අර්ධ නාගරික සිංහල සමාජය තුළ බලවත් ආකර්ෂණයක් ලබා ගත්තේ එම නිසාය. ජවිපෙ, ජාතිකවාදී බලවේග සහ යුද්ධයෙන් හෙම්බත් වූ දකුණේ පොදුජන මනස ඔහු වටා එකතු විය. එමෙන්ම එල්ටීටිය මැදිහත් වූ උතුරේ දෙමළ ජනතාවගේ ඡන්ද වර්ජනයද ඔහුගේ ජයග්‍රහණයට තීරණාත්මක විය.

නමුත් මහින්ද රාජපක්සගේ සැබෑ දේශපාලන බලයේ උච්චම ස්ථානය ආරම්භ වන්නේ 2009 යුද්ධ ජයග්‍රහණයෙන් පසුවය. වේලුපිල්ලේ ප්‍රභාකරන් ඝාතනයත් සමග, ඔහු සාමාන්‍ය දේශපාලන නායකයෙකුගේ සීමාව ඉක්මවා 'රට බේරාගත් නායකයා' ලෙස සංකේතමය බලයක් ලබා ගත්තේය. 'රට, ජාතිය, ආගම' යන කතිකාව ඔහු වටා ගොඩනැගුණු අතර, යුද්ධය ජයගත් රාජ්‍ය නායකයා ලෙස ඔහුට විරුද්ධව අදහස් දැක්වීම පවා බොහෝවිට ජාතිද්‍රෝහී ක්‍රියාවක් ලෙස නිරූපණය කෙරිණි. යුද්ධ ජයග්‍රහණය ඔහුට ජනතා එකඟතාවය, හමුදා බලය සහ රාජ්‍ය යාන්ත්‍රණය එකවර පාලනය කළ හැකි විශාල හෙගමනික (සමස්ථාධිපත්‍යමය) ශක්තියක් ලබා දුන්නේය.

එහෙත් යුද්ධයෙන් පසු ක්‍රමයෙන් වෙනස් වන්නේ රාජපක්ස පාලනයේ ප්‍රමුඛතා ලයිස්තුව යි. 'රට ජාතිය සමය' යන දේශපාලන සටන් පාඨයට අමතරව දැවැන්ත සංවර්ධන ව්‍යාපෘති මූලික විය. චීනය සමග සම්බන්ධතා ශක්තිමත් කරමින් හම්බන්තොට වරාය, කොළඹ වරාය නගරය Port City, අධිවේගී මාර්ග, ගුවන් තොටුපළ සහ සම්මන්ත්‍රණ ශාලා වැනි දැවැන්ත ව්‍යාපෘති ආරම්භ විය. යුද්ධයෙන් විනාශ වූ රටක භෞතික සංවර්ධනය ජනතාවට පෙනෙන ආකාරයේ ප්‍රගතියක් ලෙස දිස්වූ අතර, රාජපක්ස පාලනයේ දේශපාලන සුජාතභාවය ශක්තිමත් කිරීමට එය භාවිත කළේය.

එහෙත් මෙහිම අභ්‍යන්තරයෙන් පාලනයේ බිඳවැටීමේ බීජ ද වර්ධනය විය. ජාතිකවාදය සහ රාජ්‍ය ආරක්ෂාව මත ගොඩනැගුණු බලය, ක්‍රමයෙන් පවුල්වාදය සහ පෞද්ගලික බල සංකේන්ද්‍රණය වෙත ගමන් කළේය. රාජ්‍ය ආයතන, ආර්ථික බලය සහ පක්ෂ යාන්ත්‍රණය රාජපක්ස පවුල වටා සංකේන්ද්‍රණය වන බවට වූ චෝදනා ශක්තිමත් විය. ලිබරල් දේශපාලනඥ මංගල සමරවීර විසින් ප්‍රසිද්ධ කළ “රාජපක්ස පවුල් ගස” එම දේශපාලන සංඥාව සංකේතමය ලෙස රටට ඉදිරිපත් කළේය. ජාතිකවාදය වෙනුවට පවුල් බලය ඉස්මතු වන බවට වූ විවේචනය එතැනින් තවදුරටත් පුළුල් විය. මාධ්‍යවේදීන්ගේ ඝාතන, විවේචකයන් මර්දනය කිරීම සහ දූෂණ චෝදනා හරහා රාජපක්ස හෙගමනික බලය ක්‍රමයෙන් භීතිය සහ බලහත්කාරය මත පදනම් වූ දූෂිත තන්ත්‍රයක් ලෙස ප්‍රාදූර්භූත වීමට manifest පටන් ගත්තේය.

මෙම ක්‍රියාවලියේදී ශ්‍රී ලංකාවේ දේශපාලනයේ ප්‍රධාන පරස්පරය මතුවිය. යුද්ධය ජයගත් සහ සංවර්ධනය ගෙන ආ නායකයා, එම බලය පෞද්ගලික සහ පවුල් බල ව්‍යුහයක් බවට පරිවර්තනය කළ විට, රාජ්‍යය සහ පාලක පවුල අතර සීමාව ක්‍රමයෙන් මැකී ගියේය. ජනතාව මුලින් රාජ්‍ය ආරක්ෂාව වෙනුවෙන් එකතු වූවත්, පසුව ජීවන වියදම, ණය බර, දූෂණය සහ අසමානතාවය පිළිබඳ කෝපය ඉස්මතු විය.

2022 ආර්ථික අර්බූදයත් සමග එම කෝපය විශාල දේශපාලන කැරැල්ලක් බවට පත්විය. ජන අරගලය 2022 තුළින් ජනතාව ප්‍රශ්න කළේ යුද්ධ ජයග්‍රහණය නොව, රට බංකොළොත් වූයේ කෙසේද යන්නයි. දේශපාලන ප්‍රභූ පන්තියට එරෙහිව විශාල ප්‍රතික්ෂේපයක් ගොඩනැගුණු අතර, NPPය බලයට පැමිණියේ එම ප්‍රභූ විරෝධී කතිකාව මතය. 'දූෂිත දේශපාලනය' සහ 'රට විනාශ කළ ප්‍රභූවරු' යන අදහස ජනතා බලවේගයක් බවට පත්විය.

අද මහින්ද රාජපක්ස වයෝවෘධ දේශපාලන නායකයෙකු ලෙස අල්ලස් හෝ දූෂණ චෝදනා යටතේ ප්‍රශ්න කිරීම්වලට මුහුණ දීම, ශ්‍රී ලංකාවේ බල රටාව වෙනස් වීමේ සංකේතයකි. යුද්ධය ජයගත් නායකයා නීතිය ඉදිරියට කැඳවිය හැකි බව පෙන්වීම, මෙරට දේශපාලනයේ ඇතිවූ විශාල මනෝවිද්‍යාත්මක හැරවුමකි. නමුත් මෙහි ඇති ගැඹුරු ගැටළුව වන්නේ, එය නීතියේ පාලනයේ ජයග්‍රහණයක් ද, නැතිනම් නව බලවේගයක දේශපාලන යුද්ධයක් ද යන්න පිළිබඳ කතිකාව විපක්ෂය විසින් මතුකිරීමයි. ඕනෑම ආණ්ඩුවක් නීතිය භාවිත කරන්නේ බලය තහවුරු කිරීම සඳහාය. එම නිසා දූෂණයට එරෙහි අවංක ක්‍රියාමාර්ග පවා දේශපාලන බල සටනක කොටසක් බවට පත්විය හැක.

එහෙත් තවත් පැත්තකින් බලන විට, දේශපාලන බලය හිමි වූවන් කිසිදා නීතියට ඉහළින් නොසිටිය යුතුය යන අදහසද මෙහිදී ඉතා වැදගත්ය. මෙරට ශ්‍රේෂ්ඨාධිකරණය ලබාදුන් 195/2022 මූලික අයිතිවාසිකම් නඩු තීන්දුව මගින් රට බංකොළොත් වීමට වගකිව යුතු දේශපාලන නායකයන් පිළිබඳව ශ්‍රේෂ්ඨාධිකරණය කරුණු දක්වීම, ශ්‍රී ලංකාවේ පාලක ප්‍රභූවරුන්ට එරෙහි ඇතිවූ නව නීතිමය සහ දේශපාලන සීමාවක් සළකුණු කළේය. නමුත් ජාජබය එම තීන්දුව ගැන තවම අවධානය යොමු කර නැත.

කෙසේ වෙතත්, රාජපක්ස බලය බිඳවැටුණද රාජපක්සවාදය අවසන් වී ඇතැයි තවමත් කිව නොහැක. ජාතිකවාදය, ආගමික සංවේදීතාව, ආරක්ෂක දේශපාලනය සහ පවුල් ජාල තවමත් ශ්‍රී ලංකාවේ බලවත් දේශපාලන ව්‍යූහයන් නිර්මාණය කරයි. පැරණි ප්‍රභූ පන්තියේ දරුවන් නැවත බලයට පැමිණීමට උත්සාහ කරන්නේද එම නිසාය. නව ආණ්ඩුවේ අභියෝගය වන්නේ පැරණි ප්‍රභූ තන්ත්‍රය විවේචනය කරන අතරම, තමන්ම නව ප්‍රභූ තන්ත්‍රයක් බවට පත්වීමෙන් වැළකීම බවද සිහිපත් කළ යුතුය.

කෙසේ නමුත් මහින්ද රාජපක්සගේ නැග්ම සහ බැස්ම පිළිබඳ කතාව යනු එක් පුද්ගලයෙකුගේ නැගී සිටීම හෝ පරාජය පිළිබඳ කතාවක් පමණක් නොවේ. එය යුද්ධයෙන් පීඩිත රාජ්‍යයක් තුළ ජාතික ආරක්ෂාව, ජනතාවගේඑ මරණ බය, සංවර්ධනය, දූෂණය, ප්‍රභූ බලය සහ නීතිය අතර ආදී කතිකාවන් සමග ඇතිවූ අඛණ්ඩ අරගලයේ ඉතිහාසය කි. ශ්‍රී ලංකාව අදත් එම අරගලයෙන් සම්පූර්ණයෙන්ම නිදහස් වී නැත.

![](https://www.citizen.lk/content/images/2026/05/athulasiri_samarakoon--1-.jpg)

ආචාර්ය අතුලසිරි සමරකෝන් Digital creator Lecturer at Open University of Sri Lanka Former Teaching Assistant at University of Colombo smasa@ou.ac.lk
### මොරටුවේ ඉරාන් සහ ජාතික අපේක්ෂාවන් දෙසට හැරෙන ජන බලවේගය
URL: https://www.citizen.lk/npp-force-turning-towards-iran-and-national-aspirations-in-moratuwa/
Last updated: 2026-05-12T07:53:45.000Z
May 12 (Citizen News) - රාජ්‍ය ගොඩනැගීම යනු එක් පක්ෂයක්, එක් පංතියක් හෝ එක් සංස්කෘතික බලවේගයක් විසින් පමණක් සිදුකරන ක්‍රියාවක් නොවේ. එය බහු පංතික, බහු අනන්‍යතාමය, සංධානිත සහ අඛණ්ඩව ගොඩනැගෙන දේශපාලන ක්‍රියාවලියකි.

  
එසේම සමගි ජන බලවේගයේ පතාකයකුවූ එරාන් වික්‍රමරත්න සාධකය ශ්‍රී ලංකාවේ ක්‍රිකට් පරිවර්තනය කිරීමේ කාර්යභාරය පක්ෂ විපක්ෂ භේදයක් නැතිව භාරගැනීම හරහා තහවුරු වන පරිදි ද, ශ්‍රී ලංකාව වැනි අර්බුදකාරී රාජ්‍යයක් ගොඩනැගීමට පුළුල් සමාජ සම්මුතියක් අවශ්‍ය වේ. මෙම අදහස පශ්චාත් මාක්ස්වාදී දෘෂ්ටිකෝණයකින් කියවූ විට, වත්මන් ශ්‍රී ලංකාවේ දේශපාලනයේ සහ ක්‍රීඩා-සමාජ ව්‍යුහයේ ගැඹුරු ගතිකතාවයන් පැහැදිලි වේ.  
  
අර්නස්ටෝ ලැක්ලෝ සහ ෂන්තල් මූෆ් පෙන්වා දුන්නේ, නවීන දේශපාලනය පංති අරගලයකට පමණක් සීමා නොවන බවයි. ජාතිය, ආගම, සංස්කෘතිය, භාෂාව, ලිංගිකත්වය, මාධ්‍ය, නගරීකත්වය, පාරිසරික තුල්‍යතාව, තරුණ අපේක්ෂා, සහ දූෂණ විරෝධය වැනි විවිධ කතිකාවන් එකිනෙක සමඟ බැඳී “ජනතාව” යන හෙජමොනික (සමස්ථාධිපත්‍ය) සංකේතය නිර්මාණය කරයි. ඒ අනුව “ජනතාව” යනු ස්ථාවර පංතික ඒකකයක් නොව, අඛණ්ඩව දේශපාලනිකව ගොඩනැගෙන සංකේතමය එකමුතුවකි.

![](https://www.citizen.lk/content/images/2026/05/17785715286078268963875429708080.jpg)

2022 ලංකාවේ සිදුවූ 'ජන අරගලය' එම තත්වයේ ප්‍රබලම ප්‍රකාශනයකි. එය තනි පංතික අරගලයක් නොවීය. මධ්‍යම පංතිය, තරුණයින්, වෘත්තීයවේදීන්, කම්කරු ජනතාව, සිවිල් සමාජය, ඩිජිටල් මාධ්‍ය ක්‍රියාකාරීන් සහ විවිධ දේශපාලන පසුබිම්වල ජනතාව පද්ධති වෙනසක් system change යන සංඥාව ( sign) (එහි සංඥාපනයන් signifiers රාශියකි) යටතේ එකතු විය. නමුත් ඒ සියල්ල එකම දෘෂ්ටිවාදයකින් ගොඩනැගුණේ නැත. පශ්චාත් මාක්ස්වාදීව බලන විට, මෙය විවිධ සමාජ අපේක්ෂා තාවකාලිකව එකතු වූ හෙජමොනික සංධානයකි.

> **මෙම පසුබිම තුළ NNP ආණ්ඩුවේ උද්ගතවීමද කියවිය යුත්තේ සම්ප්‍රදායික වාමාංශික පක්ෂ ජයග්‍රහණයක් ලෙස නොව, බහුපංතික සූසංයෝගයක් ලෙසය. AKD සහ හරිනි වැනි නායකයන්ගේ වැදගත්කම ඇත්තේ, ඔවුන් පංති දේශපාලනයේ සීමාව ඉක්මවා “ජනතාව” යන පුළුල් සංකේතය ගොඩනැගීමට උත්සාහ කිරීම තුළය.**

![](https://www.citizen.lk/content/images/2026/05/17785715522974055763280001115145.jpg)

අනුර කුමාර දිසානායකගේ දේශපාලන ආමන්ත්‍රණය තුළ කම්කරු පංතිය පමණක් නොව, දූෂණ විරෝධී මධ්‍යම පංතික කෝපය, තරුණයන්ගේ සම්ප්‍රදාය විරෝධය, ජාතික ස්වෛරීත්වය, ජාතික සමගිය, දරිද්‍රතාවයට එරෙහිවීම, දේශපාලන පවුල් ප්‍රතික්ෂේප කිරීම සහ රාජ්‍ය කාර්යක්ෂමතාව පිළිබඳ අපේක්ෂාවන්ද එකතු වේ. ඔහු ක්‍රම විරෝධී anti-establishment සටනේ හෙජමොනික සංකේතයක් බවට පත්වී ඇත.  
  
එසේම හරිනි අමරසූරිය නියෝජනය කරන්නේ, ශාස්ත්‍රීය, ස්ත්‍රීවාදී, සිවිල් සමාජීය සහ නව ප්‍රජාතන්ත්‍රවාදී කතිකාවන් එකතු කරන නව නායකත්ව රූපකයකි. ඇය හරහා නාගරික මධ්‍යම පංතිය, තරුණ ප්‍රජාව සහ අධ්‍යාපනික ප්‍රජාව දේශපාලනය සමඟ නැවත සම්බන්ධ විය.  
  
මෙම තත්වය ශ්‍රී ලංකා ක්‍රිකට් ක්ෂේත්‍රයටද අදාළ වේ. ශ්‍රී ලංකා ක්‍රිකට් මුහුණ දෙන සැබෑ අභියෝගය ක්‍රීඩා තාක්ෂණික ගැටලුවක් පමණක් නොවේ. එය බෞද්ධ/ක්‍රිස්තියානි, ගම/නගරය, කොළඹ/පිටිසර, දුප්පත්/පොහොසත්, ප්‍රභූ පාසල්/ග්‍රාමීය පාසල් වැනි බයිනරි බෙදීම් ඉක්මවා යාමේ අභියෝගයකි.

![](https://www.citizen.lk/content/images/2026/05/17785715779943897479327695895897.jpg)

> **එහිදී, වඩාත් ධනාත්මකව, එරාන් වික්‍රමරත්න වැනි චරිත ක්‍රිකට් පරිපාලනය සහ ප්‍රතිසංස්කරණ ගැන කතා කරන විට, එය කියවිය හැක්කේ “ජාතික කණ්ඩායම” යන සංකේතය නැවත ගොඩනැගීමේ උත්සාහයක් ලෙසය. නූතන ජාතික ක්‍රිකට් කණ්ඩායමක් යනු, එක් පංතියක හෝ එක් සංස්කෘතික කේන්ද්‍රයක වරප්‍රසාදිත ව්‍යාපෘතියක් නොව, විවිධ සමාජ පසුබිම්වල ක්‍රීඩකයන් එකම ජාතික සංකේතයක් තුළ එකතු කරන ව්‍යාපෘතියකි.**

පශ්චාත් මාක්ස්වාදීව බලන විට, දේශපාලනය යනු සමාජයේ සියලු වෙනස්කම් මකා දැමීම නොවේ. එය විවිධත්වයන් අතර සම්බන්ධතා ගොඩනැගීමයි. ලැක්ලෝ එය හැඳින්වූයේ සමානතා ජාලය chain of equivalence ලෙසය—වෙනස් සමාජ කණ්ඩායම් තමන්ගේ අනන්‍යතා රඳවාගෙනම, විශාල ජාතික අරමුණක් සඳහා එකට ගමන් කළ හැකි තත්ත්වයක් ලෙස එය හැදින්විය හැක.

> **ඒ අනුව අද ශ්‍රී ලංකාවට අවශ්‍ය වන්නේ බයිනරි (සුදු - කලු හෝ රතු - කොළ වැනි රළු වර්ගීකරණය) බෙදීම් තවදුරටත් උග්‍ර කරන දේශපාලනයක් නොව, සමස්ථය වඩාත් තදින් බැඳ තබමින් එය ජාතික අරමුණු සඳහා මෙහෙයවන දේශපාලන ව්‍යාපෘතියකි. ජාතියක් ගොඩනැගීම යනු එකම අනන්‍යතාවයක් බලෙන් පැනවීම නොව, විවිධ අනන්‍යතා අතර හෙජමොනික සම්මුතියක් නිර්මාණය කිරීමයි.**

![](https://www.citizen.lk/content/images/2026/05/1778571598645486822788407068194.jpg)

එම අර්ථයෙන්, නූතන ජාතික ක්‍රිකට් කණ්ඩායමක් ගොඩනැගීමත්, NPP වැනි බහු පංතික ජන බලවේගයක් ගොඩනැගීමත්, සහ අර්බුදයෙන් පසු නව ශ්‍රී ලාංකික රාජ්‍යයක් ගොඩනැගීමත්, එකම ඉතිහාසමය අභියෝගයේ වෙනස් ආකාර තුනක් ලෙස කියවිය හැකිය.

![](https://www.citizen.lk/content/images/2026/05/athulasiri_samarakoon.jpg)

**ආචාර්ය අතුලසිරි සමරකෝන්**  
Digital creator  
Lecturer at Open University of Sri Lanka  
Former Teaching Assistant at University of Colombo  
[smasa@ou.ac.lk](mailto:smasa@ou.ac.lk)
### "පුරපති බල්තසාර් රෑට කොළඹ කුණු අදිනවාද ?'' සමාජ මාධ්‍යවල සංසරණය වන ඡායාරූපයේ ඇත්ත නැත්ත මෙන්න
URL: https://www.citizen.lk/does-mayor-balthasar-take-out-garbage-in-colombo-at-night-heres-the-truth-behind-the-photo-circulating-on-social-media/
Last updated: 2026-05-06T16:34:25.000Z
May 06 (Citizen News) - කොළඹ නගරාධිපතිනී ව්‍රායි කැලී බල්තසාර් රාත්‍රී කාලයේ වීදි පුරා කසළ එකතු කරන අයුරු දැක්වෙන ඡායාරූප කිහිපයක් පසුගිය දිනවල සමාජ මාධ්‍ය ජාලා ඔස්සේ දැඩි කතාබහකට ලක්ව තිබුණා.

මෙම ඡායාරූප උපුටා දක්වමින් බොහෝ දෙනා ඇයගේ කළමනාකරණ හැකියාව මෙන්ම දේශපාලන ප්‍රචාරණ උපක්‍රම දැඩි විවේචනයට ලක් කර තිබුණා.

විශේෂයෙන්ම, නගරයේ කසළ බැහැර කිරීම සඳහා කෝටි ගණනක කොන්ත්‍රාත්තු පෞද්ගලික අංශයට ලබා දී තිබියදී, නගරාධිපතිනිය මෙලෙස වීදි බැසීම දේශපාලන රංගනයක් බවට සමාජ මාධ්‍ය ඔස්සේ සංසරණය වුණා.  

![](https://www.citizen.lk/content/images/2026/05/image-1.png)

කෙසේ වෙතත්, මෙම ඡායාරූපවල සත්‍යතාව සම්බන්ධයෙන් සිය නිල ෆේස්බුක් ගිණුම හරහා පැහැදිලි කිරීමක් සිදුකරන පුරපතිනී බල්තසාර් පෙන්වා දෙන්නේ, මෙය මෑතකදී ගත් ඡායාරූපයක් නොව 2024 වසරේ ලබාගත් එකක් බවයි. එහි සඳහන් වන්නේ, 2024 වසරේ කොළඹ පැවති දැවැන්ත මැයි දින රැලියකින් අනතුරුව ඇය ඇතුළු පාක්ෂිකයන් රැසක් විසින් මෙම කසල පිරිසිදු කිරීමට එකතු වූ බවයි.

> **"එම ඡායාරූපය 2024 වසරේ කොළඹ පැවති දැවැන්ත මැයි දින රැලියකින් පසුව, සිවිල් ක්‍රියාකාරිනියක ලෙස නගරය පිරිසිදු කිරීමට මා ස්වේච්ඡාවෙන් ඉදිරිපත් වූ අවස්ථාවක ලබාගත් එකක්." - ව්‍රායි කැලී බල්තසාර්**  

![](https://www.citizen.lk/content/images/2026/05/image-2.png)

කොළඹ නගරාධිපතිනී ව්‍රායි කැලී *බල්තසාර් විසින් සිය ෆේස්බුක් ගිණූමේ පල කර තිබු සටහන*

ඒ අනුව, පැතිර යන මෙම ඡායාරූපය ඇය නගරාධිපති ධුරයට පත්වීමට පෙර සිදුවූ පැරණි සිදුවීමකට අදාළ බවත්, වර්තමාන දේශපාලන විවේචන සඳහා පදනම් කර ගැනීම උදෙසා සත්‍ය කරුණු විකෘති කරමින් මෙම ඡායාරූපය යළිත් සමාජගත කර ඇති බවත් පැහැදිලි වේ.
### ශ්‍රී ලංකා සහ මාලදිවයින් ජනාධිපතිවරුන් අතර අද විශේෂ හමුවක්
URL: https://www.citizen.lk/special-meeting-between-the-presidents-of-sri-lanka-and-maldives-today/
Last updated: 2026-05-04T03:50:55.000Z
May 04 (Citizen News) - රාජ්‍ය සංචාරයක් සඳහා දිවයිනට පැමිණ සිටින මාලදිවයින් ජනාධිපති මොහොමඩ් මුයිසු සහ ජනාධිපති අනුර කුමාර දිසානායක අතර නිල හමුවක් අද (04) පෙරවරුවේ පැවැත්වීමට නියමිතව ඇත.

මාලදිවයින් ජනාධිපතිවරයා ඊයේ (03) පස්වරුවේ දිවයිනට පැමිණි අතර මෙම සංචාරය අතරතුර දෙරට අතර අවබෝධතා ගිවිසුම් කිහිපයකට අත්සන් තැබීමට ද නියමිතව තිබෙනවා.

මෙම රාජ්‍ය සංචාරය හේතුවෙන් ඊයේ පස්වරුවේ සිට අනිද්දා (06) දක්වා කොළඹ නගරය ආශ්‍රිතව විශේෂ රථවාහන සැලැස්මක් ක්‍රියාත්මක වන බව පොලිසිය දැනුම් දී ඇත.
### රුසියානු සෞඛ්‍ය අමාත්‍යවරයා අද කොළඹ ජාතික රෝහලේ නිරීක්ෂණ චාරිකාවක නිරත වෙයි
URL: https://www.citizen.lk/russian-health-minister-to-visit-colombo-national-hospital-today/
Last updated: 2026-05-04T03:48:40.000Z
May 04 (Citizen News) - තෙදින නිල සංචාරයක් සඳහා දිවයිනට පැමිණි රුසියානු සෞඛ්‍ය අමාත්‍ය මිහායිල් මුරාෂ්කෝ ඇතුළු නියෝජිත පිරිස අද (04) කොළඹ ජාතික රෝහලේ සංචාරයක නිරත වීමට නියමිතයි.

රුසියානු සෞඛ්‍ය අමාත්‍යවරයා ඇතුළු හත් දෙනෙකුගෙන් යුත් නියෝජිත පිරිස ඊයේ (03) දිවයිනට පැමිණි අතර ඔවුන් කොළඹ විශ්වවිද්‍යාලයේ වෛද්‍ය පීඨය වෙත ද යාමට නියමිතව තිබේ.

මෙම තෙදින සංචාරය නිම කරමින් ඔවුන් හෙට (05) දිවයිනෙන් පිටත්ව යනු ඇත.

මෙම සංචාරය අතරතුර ශ්‍රී ලංකාවේ සහ රුසියාවේ සෞඛ්‍ය අමාත්‍යාංශ අතර අවබෝධතා එකඟතාවයන්ට එළඹීමට අපේක්ෂිතය. ඖෂධ සහ වෛද්‍ය උපකරණ, වෛද්‍ය විශේෂඥයින්ගේ පුහුණුව, අධ්‍යයන සහයෝගීතාව, ආයුර්වේද වෛද්‍ය ක්ෂේත්‍රය, ඩිජිටල්කරණය සහ සංචාරක සෞඛ්‍ය සේවාව ඇතුළු ප්‍රධාන ක්ෂේත්‍ර කිහිපයක් සම්බන්ධයෙන් මෙහිදී අදහස් හුවමාරු කර ගැනීමට නියමිතව තිබෙනවා.
### රුමේෂ් තරංග ලෝකෙන්ම 7 වැනි තැනට
URL: https://www.citizen.lk/rumesh-tharanga-ranked-7th-in-the-world/
Last updated: 2026-05-04T03:35:21.000Z
May 04 (Citizen.lk News) - ශ්‍රී ලංකා ඔලිම්පික් පදක්කම් බලාපොරොත්තුවක් වන හෙල්ල විසි කිරීමේ ශූර රුමේෂ් තරංග ලෝක ශ්‍රේණිගත කිරීම්හි 7 වන ස්ථානය දක්වා ඉදිරියට පැමිණ තිබෙනවා.

පසුගිය මාසයේ නයිරෝබි නුවර පැවති කිප් කීනෝ ක්ලැසික් (Kip Keino Classic) තරඟාවලියේදී මීටර් 89.28ක සුපිරි දක්ෂතාවක් ප්‍රදර්ශනය කරමින් රුමේෂ් තරංග නව තරඟ වාර්තාවක් ද සහිතව රන් පදක්කම දිනා ගත්තේ ඔලිම්පික් ශූර තෝමස් රෝලර් සහ ඔලිම්පික් රිදී පදක්කම්ලාභී මෙන්ම ලෝක ශූරයෙකු වන ජුලියස් යෙගෝ වැනි නම් දැරූ ක්‍රීඩකයින් පරදවමින්.

මෙය දින 30ක් ඇතුළත ඔහු මීටර් 89 සීමාව ඉක්මවා හෙල්ල විසි කළ දෙවන අවස්ථාව වන අතර මෙම දක්ෂතා මත රුමේෂ් ශ්‍රේණිගත කිරීම්වල ඉදිරියට පැමිණ තිබෙනවා.
### අද මැයි රැලි රැසක්
URL: https://www.citizen.lk/many-may-day-rallies-today/
Last updated: 2026-05-04T03:40:55.000Z
May 01 (Citizen News) - අදට (1) යෙදී ඇති ජාත්‍යන්තර කම්කරු දිනය සැමරීම සඳහා මෙරට දේශපාලන පක්ෂ රැසක් සිය කටයුතු සූදානම් කර ඇති අතර, ඒ යටතේ කොළඹ නගරය කේන්ද්‍ර කරගනිමින් මැයි රැලි කිහිපයක් පැවැත්වීමට නියමිතව ඇත.

ඒ අනුව, ජාතික ජන බලවේගය, මෙවර මැයි රැලි 21ක් දිස්ත්‍රික්ක 21කදී පැවැත්වීමට සැලසුම් කර තිබෙනවා.

එහිදී ජනාධිපති අනුර කුමාර දිසානායක නුවරඑළියේ සහ මහරගම පැවැත්වෙන රැලි සඳහා එක්වීමට නියමිතය.

සමගි ජන බලවේගයේ මැයි දින රැලිය මෙවර මාලිගාවත්ත පී.ඩී. සිරිසේන ක්‍රීඩාංගණයේදී පැවැත්වීමට සැලසුම්කර ඇත.

සර්වජන බලය සංවිධාන කරන මැයි දින රැලිය පැවැත්වෙන්නේ කොළඹ හෙන්රි පේද්‍රිස් ක්‍රීඩාංගණයේදීය.

ශ්‍රී ලංකා නිදහස් පක්ෂය සිය මැයි දින රැලිය බොරැල්ල කැම්බල් පිටියේ දීද, පෙරටුගාමී සමාජවාදී පක්ෂය සිය මැයි රැලිය කොළඹ හයිඩ් පිටියේදී පැවැත්වීමට කටයුතු යොදා ඇත.
### රාජ්‍ය වෙසක් උත්සවය මැයි 30 වෙනිදාට
URL: https://www.citizen.lk/state-vesak-festival-to-be-held-on-may-30th/
Last updated: 2026-04-24T05:10:56.000Z
April 24 (Citizen News) - 2026 රාජ්‍ය වෙසක් උත්සවයේ නිල වැඩසටහන මැයි 30 වැනිදාට යෙදී ඇති බැවින්, එදිනට පසුදින රජයේ නිවාඩුවක් ලෙස ප්‍රකාශයට පත් කරමින් රාජ්‍ය පරිපාලන, පළාත් සභා සහ පළාත් පාලන අමාත්‍යාංශය විසින් අති විශේෂ ගැසට් නිවේදනයක් නිකුත් කර තිබෙනවා.

ඒ අනුව, මැයි 02 වැනිදාට යෙදී තිබුණු එම නිවාඩුව මැයි 31 වැනිදාට සංශෝධනය කර ඇති බවයි අදාළ ගැසට් නිවේදනය මඟින් දක්වා ඇත.

මෙවර වෙසක් පොහොය මැයි 01 සහ 02 යන දෙදිනට යෙදී තිබුණ ද, මහානායක හිමිවරුන්ගේ ඉල්ලීම පරිදි රාජ්‍ය වෙසක් උත්සවය මැයි 30 වැනිදා පැවැත්වීමට රජය තීරණය කර තිබෙනවා.
### භාණ්ඩාගාරයේ ඩොලර් මිලියන 2.5 ක් අතුරුදන්වීම මුදල් අමාත්‍යාංශය විමර්ශනය හොරාගේ අම්මාගෙන් පේන ඇසීමකි
URL: https://www.citizen.lk/the-ministry-of-finance-is-investigating-the-disappearance-of-2-5-million-from-the-treasury-a-divination-from-the-thiefs-mother/
Last updated: 2026-04-24T04:56:02.000Z
April 24 (Citizen News) - ඔස්ට්‍රෙිලියානු රජය වෙත ණය සහ වාරික ලෙස ගෙවීමට ඇති ඩොලර් මිලියන 2.5 ක මුදල අස්ථානගතවීම සම්බන්ධයෙන් මුදල් අමාත්‍යාංශයේ විමර්ශනය ‘හොරාගේ අම්මාගෙන් පේන ඇසීමක් බව ශ්‍රී ලංකා මානව හිමිකම් කෙන්ද්‍රයේ විධායක අධ්‍යක්ෂ රජිත් කීර්ති තෙන්නකෝන් පවසයි. 

මෙවැනි විශාල මුදල් ගෙවීම් අනුමත කිරීම හා නිර්දේශ කිරීමට රාජ්‍ය ණය කළමනාකරණ කාර්යාලයේ කණිෂ්ඨ නිලධාරීන්ට හැකියාවක් නැත. මුදල් අමාත්‍යාංශයේ ලේකම්, නියෝජ්‍ය භාණ්ඩාගාර අධ්‍යක්ෂ ජනරාල්වරුන් එයට සෘජුව හා වගකීම් සහිතව දායක වේ. නමුත් 2026 මාර්තු 24 දින පත් කර ඇති Technical Investigation Committee සඳහා පත්කර ඇති සම - සභාපතිවරුන් වන ඒ.එන්. හපුගල සහ එස්.එස්.මුදලිගේ මෙම ක්‍රියාවලියට සෘජුව සම්බන්ධ හා අධීකෂණය හා මෙහෙයවීම සිදු කළ නිලධාරීන් වෙති. 

අනෙක් අතට මෙය හුදු පරිගණක හැකර් ප්‍රහාරයක් නොව, රාජ්‍ය නිලධාරීන් රැසක් ලිපි අත්සන් කර, අනුමැතිය හා නි‍ර්දේශ ලබාදී ඇති රාජ්‍යයන් දෙකක් අතර සිදු විය යුතුව තිබූ ණය සහ වාරික මුදල් ගෙවීමකි. මුදල් යොමු කරන ගිණුම් අංකය පිළිබඳ ශ්‍රී ලංකා මහ බැංකුව සිය සැකය පළ කර තිබියදී මෙම මුදල් ගෙවීමට කටයුතු කර ඇති බව මේ වන විට හෙළි වී ඇත. 

මහා භාණ්ඩාර වංචාව සම්බන්ධයෙන් සිදු කරන විමර්ශන පූර්ණ විනිවිද භාවයක් සහිතව සිදු කළ යුතුය. එයට ජාතික විගණන කාර්යාලය, පාර්ලිමේන්තු කමිටු හෝ වෙනත් විමර්ශ ආයතනයන් හි දායකත්වය ලබාගත යුතුව ඇත. එසේ තිබිය දී මෙම ගණුදෙනුවට සෘජුවම සම්බන්ධ ආයතන, දෙපාර්තමේන්තු සහ කාර්යාලයන් හි නිලධාරීන් මගින් පවත්වනු ලබන විමර්ශනයක් මගින් සැබෑ වංචනිකයින් සොයා ගත නොහැකි වනු ඇත. 

තෙවැනි පාර්ශව වෙත මෙවැනි ගෙවීම් එකකට වැඩි සංඛ්‍යාවක් සිදුව ඇති දැයි විමර්ශකයින් විසින් වහා සොයා බැලිය යුතුව ඇත. 

රුපියල් කෝටි 80 කට වැඩි වටිනාකමක් සහිත මෙම වංචාව සම්බන්ධයෙන් මුදල් අමාත්‍යාංශය හෝ භාණ්ඩාගාරය මේ දක්වා පොලීසියට පැමිණිලි කර නැත. 

![](https://www.citizen.lk/content/images/2026/04/image-3.png)

**වංචාව සම්බන්ධයෙන් විමර්ශනය සඳහා පත් කළ Technical Investigation Committee හි පත්වීම් ලිපිය*
### තමිල්නාඩු ප්‍රාන්ත මැතිවරණය ඇරඹෙයි
URL: https://www.citizen.lk/tamil-nadu-state-elections-begin/
Last updated: 2026-04-23T08:01:33.000Z
April 23 (Citizen News) - ඉන්දියාවේ තමිල්නාඩු ප්‍රාන්ත මැතිවරණය අද (23) උදෑසන 7.00ට ආරම්භ වී තිබෙනවා.

තමිල්නාඩු ප්‍රාන්ත සභාවේ ආසන 234ම සඳහා සිදු කෙරෙන ඡන්ද විමසීමේදී කෝටි 5.7කට අධික ඡන්දදායකයින් පිරිසක් ඡන්දය ප්‍රකාශ කිරීමට සුදුසුකම් ලබා තිබෙනවා.

 මෙම ප්‍රාන්ත මැතිවරණය වඩාත් කතාබහට ලක්වී ඇත්තේ දකුණු ඉන්දිය සුපිරි නළු තලපති විජෙයි ඉදිරිපත් වීමයි. ඔහු විසින් අලුත් පිහිටුවා ගනු ලැබූ ටී.වී.කේ (TVK) පක්ෂය මේ වනවිට ප්‍රාන්ත මැතිවරණයේ සැලකිය යුතු අවධානයක් ලබාගෙන ඇති බවයි දේශපාලන විචාරකයින් සඳහන් කරන්නේ.

මීට අමතරව බටහිර බෙංගාල් ප්‍රාන්තයේ මැතිවරණයත් අද ආරම්භ වනවා.
### හෝමූස් සමුද්‍ර සන්ධිය විවෘත කළ නොහැකියි- ඉරානය කියයි
URL: https://www.citizen.lk/iran-says-strait-of-hormuz-cannot-be-opened/
Last updated: 2026-04-23T07:55:38.000Z
April 23 (Citizen News) -ඇමරිකා එක්සත් ජනපදය සහ ඊශ්‍රායලය විසින් සිදුකරනු ලබන "නිර්ලජ්ජිත සටන් විරාම උල්ලංඝනය කිරීම්" හේතුවෙන් හෝමූස් සමුද්‍ර සන්ධිය මේ අවස්ථාවේ විවෘත කිරීමට නොහැකි බව ඉරානය සඳහන් කර තිබෙනවා.

ඉරාන පාර්ලිමේන්තුවේ කතානායක මොහොමඩ් බගර් ගලිබාෆ් X ගිණුමෙහි සටහනක් තබමින් ප්‍රකාශ කර ඇත්තේ, මෙම "උල්ලංඝනය කිරීම්වලට" ඇමරිකානු නාවික හමුදාව විසින් ඉරාන වරායන් අවහිර කිරීම ද ඇතුළත් වන බවයි.

ඔහු සඳහන් කරන්නේ, මෙය ගෝලීය ආර්ථිකය "ප්‍රාණ ඇපයට ගැනීමක්" බඳු බවත්, ඊශ්‍රායලය විසින් සිදුකරන යුදකාමී ක්‍රියා ද මීට ඇතුළත් බවය.

ඉරාන ජනාධිපති මසූඩ් පෙසෙෂ්කියන් සඳහන් කර සිටියේ, ඉරානය තවමත් සාකච්ඡා සඳහා විවෘතව සිටින නමුත්, "පොරොන්දු කඩකිරීම්, අවහිර කිරීම් සහ තර්ජන සැබෑ සාකච්ඡා සඳහා ඇති ප්‍රධාන බාධාවන්" බවයි.
### මෙවර දැවැන්තම මැයි දින රැළිය පවත්වන්නේ සජබෙන් - එස්.එම්. මරික්කාර්
URL: https://www.citizen.lk/this-years-biggest-may-day-rally-will-be-held-by-sajaben/
Last updated: 2026-04-23T07:50:19.000Z
April 23 (Citizen News) - මෙවර දැවැන්තම මැයි දින රැළිය පවත්වන්නේ සමගි ජන බලවේගය බව එහි පාර්ලිමේන්තු මන්ත්‍රී එස්.එම්. මරික්කාර් සඳහන් කරනවා.

 ඊයේ (22) පැවති මාධ්‍ය හමුවකට එක්වෙමින් මන්ත්‍රීවරයා ප්‍රකාශ කළේ, ආණ්ඩුව මේ සම්බන්ධයෙන් කලබලයට පත්ව, රැළියට පැමිණෙන ජනතාව පිළිබඳ සොයා බැලීමට පටන්ගෙන ඇති බවයි.

එසේම සමගි ජන බලවේගයේ මැයි රැළියට බිය වූ ආණ්ඩුව, මැයි පළමුවැනිදාට ක්‍රිකට් පාලක මණ්ඩලය විසුරුවා හැරීම සම්බන්ධයෙන් තීරණයක් ප්‍රකාශයට පත් කිරීමට සූදානම් වන බවට තොරතුරු ලැබී ඇති බව ද ඔහු සඳහන් කර සිටියා.

කම්කරුවාට සහ වෘත්තිකයාට වත්මන් ආණ්ඩුව එල්ල කරන පීඩනයට එරෙහි විරෝධතා රැළියක් ලෙස මෙවර කම්කරු දින සැමරුම පවත්වන බවයි පාර්ලිමේන්තු මන්ත්‍රී එස්.එම්. මරික්කාර් වැඩිදුරටත් සඳහන් සිටියේ.
### මෙරට ශ්‍රී සර්වඥ ධාතූන් වහන්සේලා ඇමෙරිකාවේ ටෙක්සාස් වෙත වැඩම කරවීමට කැබිනට් අනුමැතිය හිමි වෙයි
URL: https://www.citizen.lk/cabinet-approval-to-bring-sri-lankas-sacred-relics-to-texas-usa/
Last updated: 2026-04-23T06:06:20.000Z
April 23 (Citizen.lk News) - මෙරට ශ්‍රී සර්වඥ ධාතූන් වහන්සේලා ඇමෙරිකා එක්සත් ජනපදයේ ටෙක්සාස් හි මහා විපස්සනා භාවනා මධ්‍යස්ථානයට වැඩම කරවා, වන්දනාමාන කිරීම සහ ප්‍රදර්ශනය කිරීම සඳහා වන යෝජනාවට කැබිනට් අනුමැතිය හිමි වී තිබෙනවා.

අම්පාර දිස්ත්‍රික්කයේ ලාහුගල ප්‍රාදේශීය ලේකම් කොට්ඨාසයේ පිහිටි ක්‍රි.පූ. 1-2 සියවස්වලට අයත් නීලගිරි ස්තූප කැනීමෙන් අනාවරණය කරගත් ධාතූන් වහන්සේලා, තායිලන්ත රජයෙන් ප්‍රදානය කර ගංගාරාම විහාරස්ථානයේ තැන්පත් කර ඇති කේශ ධාතූන් වහන්සේලා මෙන්ම, මහියංගන රජමහා විහාරයේ තැන්පත් කර ඇති සර්වඥ ධාතූන් වහන්සේලා ද මෙලෙස ඇමරිකාවට වැඩම කරවීමට නියමිතයි. 

සර්වඥ ධාතූන් වහන්සේලා 2026 මැයි 02 වැනිදා සිට මැයි 10 වැනිදා දක්වා ටෙක්සාස් ප්‍රාන්තයේ මහා විපස්සනා භාවනා මධ්‍යස්ථානයේදී ප්‍රදර්ශනය කිරීමට කටයුතු සංවිධානය කර දෙන ලෙස රතනගුණ ස්වාමීන් වහන්සේ සහ පඤ්ඤාකර ස්වාමීන් වහන්සේ විසින් කරන ලද ඉල්ලීමකට අනුව මෙම තීරණය ගෙන ඇති බවයි වැඩිදුරටත් සඳහන් වන්නේ.
### ව්‍යවසායිකාවන් 1,500ක් සවිබල ගන්වමින් ජාත්‍යන්තර කාන්තා දිනයට සමගාමීව, කොමර්ෂල් බැංකුවෙන් දීපව්‍යාප්‍ත වැඩසටහන් රැසක්
URL: https://www.citizen.lk/com-bank-launches-island-wide-programs-to-coincide-with-international-womens-day-empowering-1-500-female-entrepreneurs/
Last updated: 2026-04-11T02:02:01.000Z
April 11 (Citizen.lk News) - ජාත්‍යන්තර කාන්තා දිනයට සමගාමීව මෙරට කාන්තා ව්‍යවසායකත්වය සවිබල ගැන්වීමේ අරමුණින් කොමර්ෂල් බැංකුව සංවිධානය කළ විශේෂ වැඩසටහන් මාලාවකට දිවයින පුරා විසිරී සිටින ව්‍යවසායිකාවන් 1,500කට අධික පිරිසක් සහභාගී වූහ.

“ඇය සවිබල ගන්වමින් එක්ව ඉදිරියට” යන තේමාව යටතේ ක්‍රියාත්මක වූ මෙම වැඩසටහන හරහා කාන්තා ව්‍යවසායකත්වය සහිත ව්‍යාපාර සවිබල ගැන්වීම සඳහා සංසද 20කට අධික සංඛ්‍යාවක් පවත්වා ඇත. එහිදී මූල්‍ය සාක්ෂරතාවය, මූල්‍ය කළමනාකරණය, ඩිජිටල් කුසලතා, සයිබර් ආරක්ෂාව මෙන්ම කාන්තා සෞඛ්‍ය සහ යහපැවැත්ම පිළිබඳව ප්‍රායෝගික දැනුම ලබා දීමට පියවර ගෙන තිබේ.

මෙම වැඩසටහන් මාලාවේ ප්‍රධාන සැසිය කොළඹ කිංස්බරි හෝටලයේදී පැවැත්වුණු අතර ඒ සඳහා ව්‍යවසායිකාවන් 200ක පමණ පිරිසක් සහභාගී වූහ. එහිදී ක්ෂේත්‍රයේ ප්‍රවීණයන් වන කාන්තා හා තරුණ සවිබල ගැන්වීම් පිළිබඳ ගෝලීය උපදේශක ආචාර්ය සුලෝචනා සිගේරා, ශ්‍රී ලංකා කාන්තා ව්‍යවසායක මණ්ඩලයේ සභාපතිනි ආචාර්ය අයන්ති ගුරුසිංහ, මනෝවිද්‍යාඥ සහ සංවර්ධන පුහුණුකරු සමිතා ඇතුල්දොරආරච්චි සහ WiLAT හි අන්තර්කාලීන ගෝලීය සභාපතිනි ගයානි ද අල්විස් යන මහත්මීන්ගෙන් සැදුම්ලත් පැනල සාකච්ඡාවක් පැවැත්වුණි.

![](https://www.citizen.lk/content/images/2026/04/primary-body-image.png)

**කොළඹ කිංස්බරි හෝටලයේදී පැවති ප්‍රධාන සැසිය (ඡායාරූප:කොමර්ෂල් බැංකුව)*

මීට අමතරව:

- ව්‍යවසායකත්ව සංවර්ධනය: ශ්‍රී ලංකා මහ බැංකුවේ නියෝජ්‍ය අධ්‍යක්ෂිකා එස්. ඩී. නිලංකා චාමින්දනී මහත්මිය විසින් විශේෂ දේශනයක් පවත්වන ලදී.
- සයිබර් ආරක්ෂාව: ව්‍යාපාරික සන්දර්භය තුළ සයිබර් අපරාධ සහ ඩිජිටල් ආරක්ෂාව පිළිබඳව කාන්තා පොලිස් පරීක්ෂක තේජානි වීරසේකර මහත්මිය විසින් කරුණු පැහැදිලි කරන ලදී.

මෙම දැනුවත් කිරීමේ වැඩසටහන් පසුගිය මාර්තු මාසය පුරාවටම කොමර්ෂල් බැංකු ශාඛා මට්ටමින් ද ක්‍රියාත්මක කෙරිණි.

ව්‍යවසායකත්ව වැඩසටහන්වලට අමතරව, කොළඹ මහා නගර සභාවේ සනීපාරක්ෂක අංශයේ කාන්තාවන් 200 දෙනෙකු වෙනුවෙන් විශේෂ වෛද්‍ය කඳවුරක් ද බැංකුව විසින් සංවිධානය කර තිබුණි. එහිදී රුධිර පරීක්ෂණ, පියයුරු පිළිකා පරීක්ෂණ, ශරීර ස්කන්ධ දර්ශක (BMI) පරීක්ෂාවන් සහ වෛද්‍ය උපදෙස් ලබා දීමට කටයුතු කෙරිණි.

![](https://www.citizen.lk/content/images/2026/04/image-2.png)

**කොළඹ මහා නගර සභාවේ සනීපාරක්ෂක අංශයේ කාන්තාවන් වෙනුවෙන් සංවිධානය කළ විශේෂ වෛද්‍ය කඳවුර (ඡායාරූප:කොමර්ෂල් බැංකුව)*

මාර්තු සහ අප්‍රේල් මාසයන් ඉලක්ක කර ගනිමින් ‘අනගි’ කාන්තා ඉතුරුම් ගිණුම් හිමියන් සඳහා විශේෂ සහන රැසක් ප්‍රකාශයට පත් කර ඇත. ඒ යටතේ තෝරාගත් ණය පහසුකම් සඳහා ලේඛන ගාස්තු අඩු කිරීම්, විශේෂ පොලී අනුපාත සහ දිවයින පුරා පිහිටි තෝරාගත් වෙළෙඳ ආයතනවලින් සුවිශේෂී වට්ටම් ලබා ගැනීමට පාරිභෝගිකයන්ට අවස්ථාව හිමි වේ.
### පිටකොටුව මධ්‍යම බස් නැවතුම්පොළට හානි සිදුකල පුද්ගලයින්ට නීතිය ක්‍රියාත්මකයි
URL: https://www.citizen.lk/law-enforcement-to-be-imposed-on-those-who-damaged-the-pettah-central-bus-stand/
Last updated: 2026-04-10T07:47:23.000Z
April 10 (Citizen.lk News) - අද (10) පෙරවරුවේ පිටකොටුව මධ්‍යම බස් නැවතුම්පොළේ නිරීක්ෂණ චාරිකාවකට එක්වෙමින් ප්‍රවාහන නියෝජ්‍ය අමාත්‍ය ප්‍රසන්න ගුණසේන සඳහන් කරන්නේ පිටකොටුව මධ්‍යම බස් නැවතුම්පොළට හානි සිදුකරන පුද්ගලයින්ට දැඩිව නීතිය ක්‍රියාත්මක කරන බවයි.

ඒ අනුව බස් නැවතුම්පළට හානි කිරීම සංවිධානාත්මක පාර්ශ්වයන්ගේ ක්‍රියාවක් වන බවත් ඒ සඳහා දැඩිව නීතිය ක්‍රියාත්මක කිරීමට මෙන්ම දැඩි ආරක්ෂක පියවරන් ගැනීමටද කටයුතු කරන බව තවදුරටත් සඳහන් කර තිබෙනවා.
### අවුරුදු ක්‍රීඩා වලට මාර්ගෝපදේශ මාලාවක්
URL: https://www.citizen.lk/a-series-of-guides-to-new-years-games/
Last updated: 2026-04-08T11:05:36.000Z
April 08 (Citizen.lk News) - අවුරුදු සමයේ සංවිධානය කරන ක්‍රීඩා ඉසව්වලදී අනතුරු සිදුවීම සහ බරපතළ වෛද්‍ය තත්ත්වයන් ඇතිවීම වැළැක්වීම සඳහා සෞඛ්‍ය අමාත්‍යාංශයෙන් බෝ නොවන රෝග ඒකකය විසින් මාර්ගෝපදේශ මාලාවක් නිකුත්කර තිබෙනවා.

ඒ අනුව කොට්‌ට පොර ගැසීම, කනා මුට්ටි බිඳීම, ගම හරහා දිවීම, පා පැදි තරග, පිහිනුම් තරග, ඔරු පැදීමේ තරග, හැන්ද මත දෙහි ගෙඩිය තබාගෙන යාම, ලිස්සන ගහේ නැගීම, කඹ ඇදීම, ගෝනී පැනීම යනාදී තරගවලට සුවිශේෂී අවදානයක් යොමුකරමින් මෙම මාර්ගෝපදේශ නිකුත්කර තිබෙනවා.

එසේම සහභාගි වන්නන්ගේ සහ ප්‍රේක්ෂකයින්ගේ ආරක්ෂාව සහ සෞඛ්‍ය සම්පන්නභාවය සුරක්ෂිත කිරීම වෙනුවෙන් මෙම මාර්ගෝපදේශ නිකුත්කර තිබෙනවා.

**අදාල මාර්ගෝපදේශ මාලාව** **පහතින්**

[Festival-Sports-Guidelines-1Festival-Sports-Guidelines-1.pdf3 MBdownload-circle](https://www.citizen.lk/content/files/2026/04/Festival-Sports-Guidelines-1.pdf "Download")
### නවීකරණය කල පිටකොටුව මධ්‍යම බස් නැවතුම්පොළ ජනතා අයිතියට
URL: https://www.citizen.lk/renovated-pettah-central-bus-stand-opens-to-the-public/
Last updated: 2026-04-08T10:23:46.000Z
April 08 (Citizen.lk News) - නවීකරණය කරන ලද පිටකොටුව මධ්‍යම බස් නැවතුම්පොළ ජනතා අයිතියට පත් කිරීම අද (08) ප්‍රවාහන හා මහා මාර්ග අමාත්‍ය බිමල් රත්නායක, නියෝජ්‍ය අමාත්‍ය ප්‍රසන්න ගුණසේන, ගුවන් හමුදාපති එයාර් මාර්ෂල් බන්දු එදිරිසිංහ යන මහත්වරුන් ඇතුළු පිරිසකගේ සහභාගිත්වයෙන් සිදුකෙරුණා.

ජනතාවට වැඩි පහසුකම් සහිතව බස්නැවතුම්පොළ නවීකරණයට ලක් කිරීම අරමුණ කරගනිමින් 'ක්ලීන් ශ්‍රී ලංකා' වැඩසටහන යටතේ පිට කොටුව මධ්‍යම බස් නැවතුම්පොළ නවීකරණය කිරීමේ ව්‍යාපෘතිය ක්‍රියාවට නැංවුණා.

ඒ අනුව වැඩසටහනේ පළමු අදියර යටතේ බස් නැවතුම්පො‍ළේ ගොඩනැගිලි නවීකරණය කිරීම, නව තොරතුරු මධ්‍යස්ථානයක් ස්ථාපිත කිරීම, සනීපාරක්ෂක පහසුකම් සංවර්ධනය, හා අවට අලංකරණය යනාදිය සිදුකර තිබෙනවා.

ශ්‍රී ලංකා ගුවන් හමුදාවේ ශ්‍රම දායකත්වය මේ සඳහා ලබා දී ඇති අතර කොළඹ කොටුව දුම්රිය ස්ථානයේ නවීකරණය කිරීමේ කටයුතු ද හෙට (09) ආරම්භ කිරීමට නියමිත බව ප්‍රවාහන අමාත්‍යාංශය සඳහන් කර තිබෙනවා.

ඒ අනුව ආසියානු සංවර්ධන බැංකුවේ සහ ශ්‍රී ලංකා රජයේ මූල්‍ය දායකත්වයෙන් සිදු කෙරෙන එම නවීකරණ කටයුතු වෙනුවෙන් ඇස්තමේන්තුගත කර ඇති මුදල රුපියල් බිලියන 2.1කට අධික වන අතර නවීකරණ කටයුතු මාස 15ක් තුළ අවසන් කිරීමට සැළසුම් කර ඇති බවයි සඳහන් වන්නේ.

![](https://www.citizen.lk/content/images/2026/04/WhatsApp-Image-2026-04-08-at-3.50.36-PM--1-.jpeg)

![](https://www.citizen.lk/content/images/2026/04/WhatsApp-Image-2026-04-08-at-3.50.35-PM.jpeg)

![](https://www.citizen.lk/content/images/2026/04/WhatsApp-Image-2026-04-08-at-3.50.33-PM.jpeg)

![](https://www.citizen.lk/content/images/2026/04/WhatsApp-Image-2026-04-08-at-3.50.35-PM--1-.jpeg)

![](https://www.citizen.lk/content/images/2026/04/WhatsApp-Image-2026-04-08-at-3.50.35-PM--2-.jpeg)

![](https://www.citizen.lk/content/images/2026/04/WhatsApp-Image-2026-04-08-at-3.50.34-PM--2-.jpeg)

![](https://www.citizen.lk/content/images/2026/04/WhatsApp-Image-2026-04-08-at-3.50.34-PM--1-.jpeg)
### BOI වැඩබලන සභාපති ලෙස ආචාර්ය සුලක්ෂණ ජයවර්ධන පත් කෙරේ
URL: https://www.citizen.lk/dr-sulakshana-jayawardena-appointed-as-acting-chairman-of-boi/
Last updated: 2026-04-08T10:14:02.000Z
April 08 (Citizen.lk News) - ජනාධිපති අනුර කුමාර දිසානායක මහතා විසින් ශ්‍රී ලංකා ආයෝජන මණ්ඩලයේ (BOI) වැඩබලන සභාපති වශයෙන් ආචාර්ය සුලක්ෂණ ජයවර්ධන මහතා පත් කර තිබෙනවා.

ආචාර්ය ජයවර්ධන මහතා ශ්‍රී ලංකා පරිපාලන සේවයේ (SLAS) වසර 23කට අධික විශිෂ්ඨ සේවා පළපුරුද්දක් ඇති විශේෂ ශ්‍රේණියේ නිළධාරියෙකු ලෙස රාජ්‍ය පරිපාලනය, ප්‍රතිපත්ති සම්පාදනය සහ මහා පරිමාණ ව්‍යාපෘති කළමනාකරණය පිළිබඳ හසල අත්දැකීමක් ඇති ජ්‍යෙෂ්ඨ රජයේ නිළධාරියෙකුද වනවා.

ඒ අනුව ධූරයේ වැඩ කටයුතු ආරම්භ කිරීම කොළඹ 01 ලෝක වෙළඳ මධ්‍යස්ථානයේ පිහිටි ශ්‍රී ලංකා ආයෝජන මණ්ඩලයේදී අද (08) සිදුව තිබෙනවා.
### හෙට(09)  පැය 12ක ජල කප්පාදුවක්
URL: https://www.citizen.lk/12-hour-water-cut-tomorrow-09/
Last updated: 2026-04-08T06:49:33.000Z
April 08 (Citizen.lk News) - ලබුගම සහ කලටුවාව ජල පිරිපහදු ම්‍යස්ථානවල ජල මට්ටම ශීඝ්‍රයෙන් පහළ බැසීම හේතුවෙන් ප්‍රදේශ කිහිපයකට හෙට (09) දිනයේ දී පැය 12ක ජල කප්පාදුවක් සිදුකිරීමට නියමිත බව ජාතික ජල සම්පාදන සහ ජලප්‍රවාහන මධ්‍යස්ථානය නිවේදනය කරනවා.

ඒ අනුව, හෙට උදෑසන 8 සිට පස්වරු 8 දක්වා මත්තෙගොඩ, බ්‍රාහ්මණගම, කිරිගම්පමුණුව, දීපංගොඩ, පොලිස්ගස්ඔ්විට පාර, කුඩමාදූව සිට 342 බස් මාර්ගයේ වෙල දක්වා, පුබුදු මාවත සිට 342 බස් මාර්ගයේ වෙල දක්වා මෙලෙස ජල සැපයුම අත්හිටුවා තිබෙනවා.

එසේම අද (08) රාත්‍රී 8 සිට හෙට උදෑසන 8 දක්වා හෝමාගම හයිලෙවල් පාර, පිටිපන හන්දියේ සිට ගලගෙදර, මාවතගම, පාදුක්ක පාර -ගොඩගම සිට ලියන්වල පාලම, අතුරුගිරිය පාර ගොඩගම සිට හබරකඩ, දාම්පේ හොරගල පාර, මාදුලාව හොරගල පාර, සෝමරත්න මාවත, ආටිගල පාර, ඇඹුල්ගම පාර, රනාල හබරකඩ පාර, මොරගහහේන පාර, පුවක්වත්ත පාර ප්‍රදේශ වලට පැය 12ක ජල කප්පාදුවක් සිදුවනවා.

අද උදෑසන 8 සිට රාත්‍රී 8.00 දක්වා ගලගෙදර, ඉරිදා පොළ, පින්නවල, වේවැල්පනාව, පිටුම්පෙ, මීපේ, මාවතගම, පාදුක්ක, උඩුමුල්ල, අරුක්වත්ත, වේරගල, බෝපේ, මලගල, කහවල, මිල්ලව, කොටියන්ගොඩ, පෝරෙගෙදර, අංගම්පිටිය, අංගම්මන, මීරියගල්ල සහ යටවතුර ප්‍රදේශවලට ජල සැපයුම අත්හිටුවා තිබෙනවා.
### අවුරුදු උත්සව සඳහා දින 5කට විදුලිබල මණ්ඩලයෙන් විදුලිය
URL: https://www.citizen.lk/electricity-board-to-provide-electricity-for-5-days-for-new-year-celebrations/
Last updated: 2026-04-07T10:45:19.000Z
April 07 (Citizen.lk News) - සිංහල සහ දෙමළ අලුත් අවුරුද්ද නිමිත්තෙන් රට පුරා පැවැත්වෙන අවුරුදු උත්සව සහ විවිධ උත්සව සඳහා අවශ්‍ය කෙරෙන විදුලිය ලබා දීමට විදුලිබල මණ්ඩලය සූදානම් බව අමාත්‍ය විජිත හේරත් සඳහන් කරනවා.

එසේම විදුලි බල මණ්ඩලයට අදාළ ගෙවීම් සිදුකර මේ සඳහා විදුලිය ලබා ගැනීමේ පහසුකම මේ වන විට සලසා දී ඇති අතර ඒ අනුව එළැඹෙන 15 වැනිදා සිට 19 වැනිදා දක්වා විදුලිබල මණ්ඩලයට අදාළ ගෙවීම් සිදුකර එම උත්සව සඳහා විදුලිය ලබා ගත හැකි බව අමාත්‍යවරයා සඳහන් කරනවා.
### අවුරුදු තෑගි කලින්ම හම්බුණාද?
URL: https://www.citizen.lk/a-warning-about-social-media-scams-during-the-festive-season/
Last updated: 2026-04-07T08:14:08.000Z
April 07 (Citizen.lk News) - සිංහල සහ දමිළ අලුත් අවුරුදු සමය සමග සමාජ මාධ්‍ය වේදිකා හරහා සිදුවන මාර්ගගත වංචා සහ මුදල් වංචා ඉහළ යා හැකි බැවින්, ඒ පිළිබදව අවධානයෙන් සහ සුපරීක්ෂාකාරීව කටයුතු කරන ලෙස ශ්‍රී ලංකා පරිගණක හදිසි ප්‍රතිචාර සංසදය මහජනතාවගෙන් ඉල්ලා සිටිනවා.

විශේෂයෙන්ම, රාජ්‍ය සේවා සපයන ආයතන දෙපාර්තමේන්තු, ප්‍රසිද්ධ වෙළෙඳසැල් සහ ව්‍යාපාරික ආයතන ලෙස ව්‍යාජව පෙනී සිටිමින් මහජනතාව නොමඟ යැවීමේ සිද්ධීන් පිළිබඳව සැලකිය යුතු තොරතුරු වාර්තා වී තිබෙනවා.

ඒ අනුව ව්‍යාජ දීමනා, විශේෂ වට්ටම්, මුදල් ත්‍යාග සහ තෑගි ලබාදෙන බවට පොරොන්දු වෙමින් ආකර්ෂණීය පණිවිඩ කෙටි පණිවිඩ සහ සමාජ මාධ්‍ය වේදිකා හරහා ප්‍රචාරය කරන අතර වංචනික සබැඳි (links) බෙදා හරිමින්, එම සබැඳි හරහා මුදල් ගෙවීමට හෝ පුද්ගලික තොරතුරු ලබා දීමට මහජනතාව පොළඹ වන ආකාරය නිරීක්ෂණය වී ඇති බවද පවසනවා.

මේ හේතුවෙන් බොහෝ පුද්ගලයින්ගේ බැංකු ගිණුම්වලින් සෘජුවම මුදල් අහිමි වූ අවස්ථා වාර්තා වී ඇති අතර එමෙන්ම සමාජ මාධ්‍ය වේදිකා භාවිතා කර සිදුකරන අවුරුදු කුමාරි තරග වැනි ක්‍රම යොදාගනිමින් ඡායාරූප ලබා ගෙන ඒවා අවභාවිතා කිරීමේ උත්සහායන් ද ක්‍රියාත්මක බව වැඩිදුරටත් ඔවුන් දැනුම් දී තිබෙනවා.

ශ්‍රී ලංකා සර්ට් ආයතනය මහජනතාවගෙන් පහත කාරණා පිළිබද අවධානය යොමු කරන ලෙස ඉල්ලා සිටිනවා.

• සැක සහිත සබැඳි මත ක්ලික් නොකිරීම.  
• පුද්ගලික තොරතුරු (ජාතික හැඳුනුම්පත් අංක, බැංකු විස්තර ආදිය) ඡායාරූප බෙදා නොගැනීම.  
• එක් වරක් භාවිතා කළ හැකි මුරපද (OTP) කිසි විටෙකත් අනාවරණය නොකිරීම.

රාජ්‍ය ආයතන හෝ විශ්වාසනීය පුද්ගලික ආයතන කිසිවිටෙකත් සමාජ මාධ්‍ය, කෙටි පණිවිඩ (SMS) හෝ නොදන්නා සබැඳි හරහා මහජනතාවගෙන් සංවේදී තොරතුරු ඉල්ලා නොසිටින අතර මෙම උත්සව කාලසීමාව තුළ ඔබට ලැබෙන ඕනෑම සමාජ මාධ්‍ය පණිවිඩ, කෙටි පණිවිඩ, මුදල් ඉල්ලීමක හෝ දීමනා පිළිබඳ තොරතුරක සත්‍යතාව විශ්වාසනීය මාර්ග හරහා තහවුරු කරගන්නා ලෙස තවදුරටත් ශ්‍රී ලංකා සර්ට් ආයතනය මහජනතාවගෙන් ඉල්ලා සිටිනවා.
### අප්‍රේල් මාසය සඳහා අස්වැසුම දීමනාව ඉහළට
URL: https://www.citizen.lk/comfort-allowance-increased-for-the-month-of-april/
Last updated: 2026-04-07T07:48:57.000Z
April 07 (Citizen.lk News) - ජනාධිපති අනුර කුමාර දිසානායක පාර්ලිමේන්තුවේදී ඉදිරිපත් කරන ලද සහන පැකේජ අනුව අප්‍රේල් මාසය සඳහා අස්වැසුම දීමනාව ඉහළ දක්වා තිබෙනවා.

ඒ අනුව , රුපියල් 17,500 ට පැවති අස්වැසුම දීමනාව අප්‍රේල් මාසයට පමණක් රුපියල් 25,000 දක්වා ,රුපියල් 10,000 අස්වැසුම දීමනාව රුපියල් 15,000 දක්වාත් අස්වැසුම දීමනා හිමි අනෙකුත් අය සඳහා රුපියල් 2,500 කින් දීමනා වැඩි කරන බව වැඩිදුරටත් සඳහන් කර තිබෙනවා.
### අද(07) හෝමාගමට පැය 12ක ජල කප්පාදුවක්
URL: https://www.citizen.lk/12-hour-water-cut-in-homagama-today-07/
Last updated: 2026-04-07T07:23:33.000Z
April 07 (Citizen.lk News) - පවතින කාලගුණ තත්ත්වය හමුවේ අද (07) හෝමාගම කලාප අංක 02 ප්‍රදේශයට ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසනවා.

ඒ අනුව, පෙරවරු 08.00 සිට පස්වරු 08.00 දක්වා පැය 12 ක කාලයක් මෙම ජල කප්පාදුව ක්‍රියාත්මක වීමට නියමිතයි.

හෝමාගම නගරය, වෑකන්ද, පින්කෙත පාර, වලව්ව පාර, ගැමුණු මාවත, අතුරුගිරිය පාර, ගලවිලවත්ත, නියඳගල, මාගම්මන, මහ කටුවාන, දෙනිය සහ දියගම විශ්ව විද්‍යාලය යන ප්‍රදේශවල මෙලෙස ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය වැඩිදුරටත් සඳහන් කරනවා.
### උතුරු දුම්රිය මාර්ගයත් විවෘත වෙයි
URL: https://www.citizen.lk/the-northern-railway-line-will-also-be-opened/
Last updated: 2026-04-07T07:12:55.000Z
April 07 (Citizen.lk News) - දිට්වා සුළි කුණාටුවෙන් හානියට පත් උතුරු දුම්රිය මාර්ගය ප්‍රතිසංස්කරණය කිරීමෙන් පසු යාපනය සහ කංකසන්තුරය දක්වා යළි දුම්රිය ධාවනය ලබන බ්‍රහස්පතින්දා ආරම්භ කෙරෙනවා.

ඒ අනුව යාපනය නගරාන්තර දුම්රිය සහ රාත්‍රී තැපැල් දුම්රිය බ්‍රහස්පතින්දා සිටත් යාල් දේවී දුම්රිය ලබන සිකුරාදා සිටත් දිනපතා ධාවනයට සැලසුම්කර තිබෙනවා.

සුළි කුණාටුව හේතුවෙන් උතුරු දුම්රිය මාර්ගයේ ස්ථාන 14කට දැඩි ලෙස හානි සිදුවූ අතර විනාශයට පත් දුම්රිය මාර්ගයේ සියලු ස්ථාන ඉන්දීය රජයේ ප්‍රදානයක් මත ලැබුණු ඩොලර් මිලියන 5ක් වැයකරමින් ප්‍රතිසංස්කරණය කෙරුණා.

එසේම මහව ඕමන්තේ මාර්ගය නවීකරණයට අදාළව පාලම් 5ක් සහ කාසි කොටේ අලි උමගේ සියලු ප්‍රතිසංස්කරණ අවසන් කිරීමෙන් පසු උතුරු දුම්රිය මාර්ගයේ ධාවනය ලබන බ්‍රහස්පතින්දා සිට යළි සිදුකිරීමට කටයුතු යොදා තිබෙන බවයි වාර්තා වන්නේ.
### අනුර ජනාධිපතිතුමාට AI Agent වරු අවශ්‍යව තිබේ
URL: https://www.citizen.lk/president-anuradha-needs-ai-agents/
Last updated: 2026-04-06T01:57:41.000Z
April 06 (Citizen.lk News) - මේ වනවිට මැදපෙරදිග යුදමය වතාවරණය , ගල් අගුරූ ප්‍රශ්නය , ජලාශ වල ජලය හිග වීම වැනි කරුණු මත විදුලි / ජල කප්පාදුවකට ගොස් හෝ යමින් තිබේ.

මැදපෙරදිග යුද තත්ත්වය හෝ කාලගුණ විපර්යාස අපට පාලනය කළ නොහැකි වුවත්, පවතින දත්ත මත පදනම්ව පූර්ව සූදානමකින් (Predictive Analysis) කටයුතු කළේ නම් ජල කප්පාදුව වැනි තත්ත්වයන් මඟහරවා ගැනීමට ඕනෑතරම් ඉඩකඩ තිබුණි.

මෙලෙස නිවැරදි දත්ත නිසි පරිදි විශ්ලේෂණය කර පුර්ව සුදානමක සිට අවශ්‍ය තීන්දු ගෙන නැතිනම් (ඒ ගැන වෙනම වීමසීම කල යුතුය) පැහැදිලිවම එය අදාල අමාත්‍යවර්‍යා ඇතුලු විෂය භාර නිළධාරීන්ගේ අඩුපාඩුය. නමුත් කවුරු අඩුපාඩු කළද පවතින රාජ්‍ය‍යේ කෙන්ද්‍රය කරගෙන ඇත්තේ ජනාධිපති අනුර බැවින් මිනිස්සු බනින්නේ එතුමාටය. ඒ නිසා මිනිසුන්ගේ කතා, දත්ත මත පමණක් පදනම් නොවී දිනපතා AI briefing එකක් ගෙන එමගින්ද උපදෙස් ගෙන ක්‍රියාත්ම්ක කිරිමේ අවශ්‍යතාවයක් ඇත.

එනම් මේ උදා වී ඇත්තේ, සාම්ප්‍රදායික නිලධාරිවාදයෙන් ඔබ්බට ගිය AI තාක්ෂණික සහාය (AI Integration) අත්‍යවශ්‍ය මොහොතකි.නැතිනම් අනුර ජනාධිපතිතුමාටත් සිදුවන්නේ නිළදාරින් කියන දේ අසා නොමග යාමට හෝ පුර්ව සුදානමකින් තොරව එදා වෙල ආණ්ඩුවක් කරගෙන යාමටය.

![](https://www.citizen.lk/content/images/2026/04/image-1-1.png)

මාධ්‍යවේදි සදුන් අරෝෂ ප්‍රනාන්දු - සමාරම්භක - දුස් තොරතුරු මැඩලිමේ ඒකකය ජනාධිපති කාර්‍යාලය
### මෙරට ප්‍රවාහන සහ යටිතල පහසුකම් නැංවීමට ඉදිරි වසර තුන තුළ ඇමරිකානු ඩො. බි. 10 දක්වා ආයෝජනය කිරීමට සැලසුම් - අමාත්‍ය බිමල් රත්නායක
URL: https://www.citizen.lk/plans-to-invest-up-to-us-10-billion-in-the-next-three-years-to-improve-the-countrys-transportation-and-infrastructure-facilities-minister-bimal-ratnayake/
Last updated: 2026-04-03T06:00:09.000Z
April 03 (Citizen.lk News) - ශ්‍රී ලංකාවේ ප්‍රවාහන සහ යටිතල පහසුකම් වර්ධනය සඳහා ඉදිරි වසර තුන තුළ ඇමරිකානු ඩොලර් බිලියන 8 සිට 10 දක්වා ආයෝජනය කිරීමට රජය සැලසුම් කර තිබෙන බවත් නව වරායන් දෙකක් සහ ගුවන් තොටුපළ සංවර්ධනය කිරීමට සැලසුම් කර ඒ සදහා ජාත්‍යන්තර සහ පුද්ගලික ආයෝජකයන්ට ආයෝජනයන් වෙනුවෙන් ආරාධනා කර සිටින බවත් ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක සඳහන් කරනවා.

අමාත්‍යවරයා මේ අදහස් පළ කළේ, රුසියානු රජය විසින් සංවිධානය කරන ලද රුසියාවේ ශාන්ත පීටර්ස්බර්ග් නුවර පැවැත්වෙන ජාත්‍යන්තර ප්‍රවාහන සහ සැපයුම් සංසදයට (International Transport and Logistics Forum) ශ්‍රී ලංකාව නියෝජනය කරමින් ඒම සැසියට සහභාගි වෙමින්.

එම සැසිය අමතා වැඩිදුරටත් අදහස් දැක්වූ බිමල් රත්නායක අමාත්‍යවරයා,

>  
> "යුරේසියානු කලාපයේ සම්බන්ධතාවයන් සහ උපායමාර්ගික වැදගත්කම මම අවධාරණය කරනවා. ‘ඉන්දියානු සාගරයේ මුතු ඇටය’ ලෙස හඳුන්වන ශ්‍රී ලංකාව, ඉන්දියානු සාගරයේ තීරණාත්මක සමුද්‍රීය මධ්‍යස්ථානයක් ලෙස පිහිටා ඇති අතර, එහි ඓතිහාසික හා භූගෝලීය පිහිටීම ඉතා වැදගත්. රුසියාව, චීනය, යුරෝපය සහ අප්‍රිකාව වැනි සමුද්‍ර කලාප මෙන්ම සේද මාවත වැනි ඉපැරණි මාර්ග හරහා සම්බන්ධ කරමින් නැගෙනහිර සහ බටහිර ලෝකය අතර සම්බන්ධතාවය ඇතිකර තිබෙනවා.  
> සමුද්‍රීය සහ ගුවන් සේවා මධ්‍යස්ථානයක් ලෙස ශ්‍රී ලංකාවේ ඓතිහාසික භූමිකාව ශතවර්ෂ ගණනාවක් පුරා විහිදෙන බවත් ශ්‍රී ලංකාව රුසියාව සමඟ විශේෂයෙන් ගුවන් සේවා ක්ෂේත්‍රයේ සමීප සහයෝගීතාවයක් පවත්වන බවත් පෙන්වා දුන් අමාත්‍යවරයා සෘජු ගුවන් සම්බන්ධතාවල වර්ධනය වන විභවය උපයෝගී කරගැනීම සඳහා රුසියානු ගුවන් ගමන් වාර වසර පුරාවටම ලැබෙනු ඇතැයි විශ්වාසය පළ කරන බවද සඳහන් කර සිටියා.
### බොරතෙල් මිල යළිත් ඉහළට යයි
URL: https://www.citizen.lk/bortel-mil-yllit-ihlltt-yyi/
Last updated: 2026-04-03T05:49:32.000Z
April 03 (Citizen.lk News) - ලෝක වෙළඳපොළේ බොරතෙල් මිල යළිත් ඉහළ ගොස් ඇති බව විදෙස් මාධ්‍ය වාර්තා කරනවා.

ඒ අනුව, WTI Crude වර්ගයේ බොරතෙල් බැරලයක මිල අමෙරිකානු ඩොලර් 111 දක්වා ඉහළ ගොස් ඇති අතර, එය 11.41% ක වැඩිවීමක් ලෙසයි සටහන් වනවා.

බ්‍රෙන්ට් බොරතෙල් මිල ඩොලර් 109 ඉක්මවා ගොස් ඇති අතර, මර්බන් බොරතෙල් බැරලයක මිල ඩොලර් 114 දක්වා ඉහළ ගොස් ඇත.
### “මන්චි” ජනතාවගේ බිස්කට් සන්නාමය ලෙස මෙවරත් පිදුම් ලබයි
URL: https://www.citizen.lk/munchi-is-elected-as-the-peoples-biscuit-brand/
Last updated: 2026-04-02T07:48:40.000Z
April 02 (Citizen.lk News) -වසර ගණනාවක් පුරා ශ්‍රී ලාංකීය ජනතාවට සතුට සහ රසය රැගෙන ආ මන්චි (Munchee) සන්නාමය, මෙරට පාරිභෝගිකයන්ගේ නොමඳ ආදරය දිනාගත් සන්නාමය බව යළිත් වරක් තහවුරු කර තිබෙනවා. 

ඒ, පසුගියදා උත්කර්ෂවත් අන්දමින් කොළඹදී පැවැත්වුණු 2026 SLIM-Kantar People's Awards සම්මාන උළෙලේදී සම්මාන හතරක් දිනා ගනිමින්.

ඒ අනුව, වසරේ ජනතාවගේ FMCG සන්නාමය (People’s FMCG Brand of the Year 2026), වසරේ තාරුණ්‍යයේ FMCG සන්නාමය (⁠People’s Youth Choice FMCG Brand of the Year 2026), වසරේ ජනතාවගේ බිස්කට් සන්නාමය (People’s Biscuit Brand of the Year 2026) සහ වසරේ ජනතාවගේ ස්නැක් සන්නාමය (People’s Snack Brand of the Year 2026) යන සම්මාන 4 යළිත් දිනා ගැනීමට මන්චි සමත් වී තිබෙනවා.

![](https://www.citizen.lk/content/images/2026/04/body-image.jpeg)

**(2026 SLIM-Kantar People's Awards සම්මාන උළෙලේදී මන්චී වසරේ ජනතාවගේ බිස්කට් සන්නාමය දිනූ අවස්ථාව) (ජායාරූපය: මන්චී)*

  
මෙම සම්මාන උළෙලේදී මන්චි සන්නාමය අඛණ්ඩව 5 වැනි වරටත් වසරේ ජනතාවගේ FMCG සන්නාමය (People’s FMCG Brand of the Year) සහ වසරේ ජනතාවගේ බිස්කට් සන්නාමය (People’s Biscuit Brand of the Year 2026) ලෙස අභිෂේක ලැබීම විශේෂත්වයකි. 

එදා සිට අද දක්වා නව්‍යකරණය සහ උසස් ප්‍රමිතිය පෙරදැරි කරගනිමින්, සෑම වයස් කාණ්ඩයකටම ගැලපෙන නිෂ්පාදන පෙළක් වෙළඳපොළට හඳුන්වා දෙන මන්චි, ජනතාව අතර මෙතරම් ජනප්‍රිය සන්නාමයක් බවට පත්ව ඇත්තේ ද ඒ නිසාමය.
### “ රාජ්‍යයට එරෙහි මත මර්ධනය නොව, 'දුස් තොරතුරු' පාලනයයි අපේ අරමුණ වුණේ " – ජනාධිපති කාර්යාලයේ දුස් තොරතුරු මැඩලීමේ ඒකකයේ නිර්මාතෘ සඳුන් අරෝෂ
URL: https://www.citizen.lk/our-goal-was-not-to-suppress-opinions-against-the-state-but-to-control-disinformation-sandun-arosha-founder-of-the-disinformation-unit-at-the-presidential-secretariat/
Last updated: 2026-04-01T13:38:42.000Z
April 01 (Citizen.lk News) - ශ්‍රී ලංකා රාජ්‍ය අංශයේ ප්‍රථම වතාවට ජනාධිපති කාර්යාලය තුළ ස්ථාපිත කළ 'දුස් තොරතුරු මැඩලීමේ ඒකකයේ' (Counter-Disinformation Unit - CDU) සැබෑ අරමුණ සහ එහි ක්‍රියාකාරිත්වය පිළිබඳව එහි නිර්මාතෘ සහ ප්‍රධානියා ලෙස කටයුතු කළ මාධ්‍යවේදී සඳුන් අරෝෂ ප්‍රනාන්දු මහතා සුවිශේෂී අනාවරණයන් කිහිපයක් සිදුකර තිබේ.

PodX වැඩසටහන සමඟ පැවති සාකච්ඡාවකදී ඔහු අවධාරණය කළේ, රජය විවේචනය කිරීම සහ සංවිධානාත්මකව අසත්‍ය තොරතුරු පතුරුවා හැරීම යනු පැහැදිලිවම කරුණු දෙකක් බවයි.

### **'රාජ්‍යයට එරෙහි තොරතුරු' යනු වැරදි ප්‍රපංචයක්**

බොහෝ දෙනා මෙම ඒකකය රජයට එරෙහි මතවාද මර්දනය කරන ස්ථානයක් ලෙස හැඳින්වීමට උත්සාහ කළද, තමන් එය කිසිවිටෙකත් එලෙස නොදැක්ක බව ඔහු පවසයි. "මේක රාජ්‍යයට එරෙහි තොරතුරු කියන ප්‍රපංචයෙන් කියවා ගත යුතු නැහැ. අපේ අරමුණ වුණේ රාජ්‍යය සිදුකරන වැඩපිළිවෙළවල් සම්බන්ධයෙන් චේතනාන්විතව පතුරුවන 'දුස් තොරතුරු' (Disinformation) හඳුනාගෙන ඒවා පාලනය කිරීමයි," ඔහු සඳහන් කරයි.

### **'දුස් තොරතුරු' (Disinformation) සහ 'වැරදි තොරතුරු' (Misinformation)**

තොරතුරු වර්ගීකරණය පිළිබඳව අදහස් දක්වමින් මාධ්‍යවේදී සඳුන් අරෝෂ ප්‍රනාන්දු මහතා පෙන්වා දෙන්නේ, සමාජය තුළ ව්‍යාකූලත්වයක් ඇති කරන වචන දෙකකට තමන් නිවැරදි සිංහල අර්ථකථනයන් ලබා දුන් බවයි:

- දුස් තොරතුරු (Disinformation): යම් පාර්ශ්වයක් විසින් චේතනාන්විතවම සහ හානිකර අරමුණකින් පතුරුවන අසත්‍ය තොරතුරු.
- වැරදි තොරතුරු (Misinformation): නොදැනුවත්කම හෝ අතපසුවීමකින් සිදුවන සාවද්‍ය තොරතුරු වාර්තා කිරීම.

### **සත්‍ය තොරතුරු ජනගත කිරීමේ අභියෝගය (Proactive Information Disclosure)**

රාජ්‍ය අංශයේ ඇති ප්‍රධානතම දුර්වලතාවය වන්නේ තොරතුරු සැඟවීම බව පවසන ඒ මහතා, ව්‍යාජ තොරතුරුවලට ඇති එකම පිළියම තොරතුරු ඉල්ලීමට පෙර රජය විසින්ම ඒවා ප්‍රසිද්ධ කිරීම (Proactive Information Disclosure) බව පෙන්වා දෙයි. සහල්වල විස ඇති බවට පැතිරුණු පුවත් වැනි අවස්ථාවලදී වහාම මැදිහත් වී සත්‍ය තොරතුරු මාධ්‍යයට නිකුත් කිරීම හරහා විශාල සමාජ කැළඹීම් වළක්වා ගැනීමට තම ඒකකය සමත් වූ බව ඔහු මෙහිදී සිහිපත් කළේය.

### **2029 මැතිවරණය සහ AI අනාගතය**

සමාජ මාධ්‍ය තුළ නිර්මාණය වී ඇති 'ඉකෝ චේම්බර්' (Echo Chamber) හෙවත් මිනිසුන් තමන් කැමති දේ පමණක් ඇසීමට සහ දැකීමට හුරු වී ඇති තත්ත්වය පිළිබඳව ඔහු දීර්ඝ ලෙස විස්තර කළේය. විශේෂයෙන්ම 2029 මැතිවරණය වන විට ශ්‍රී ලංකාවේ මිලියන 3.5කට අධික නව ඡන්දදායකයින් (Gen Z) පිරිසක් එක්වන බවත්, ඔවුන් තොරතුරු සොයන්නේ Google හරහා නොව ChatGPT සහ Gemini වැනි කෘතිම බුද්ධි (AI) මෙවලම් හරහා බවත් ඔහු පවසයි. ඒ අනුව අනාගත දේශපාලනඥයින් තම 'AI Profile' එක නිවැරදිව සකසා ගැනීමේ (AI Engine Optimization) වැදගත්කම ඔහු අවධාරණය කළේය.

මාධ්‍යවේදී සඳුන් අරෝෂ ප්‍රනාන්දු මහතා වැඩිදුරටත් කියා සිටියේ වත්මන් රජය හෝ අනාගත රජයන් ජනතා ගැටලුවලට විසඳුම් ලබා දීමට සහ විනිවිදභාවය තහවුරු කිරීමට මෙවැනි ඒකකයක සේවය අනිවාර්යයෙන්ම ලබාගත යුතු බවයි.

### **'ධම්මික පැණිය' සහ 'ඉකෝ චේම්බර්' (Echo Chamber) උගුල**

![](https://www.citizen.lk/content/images/2026/04/image.png)

**(ජනාධිපති කාර්යාලයේ දුස් තොරතුරු මැඩලීමේ ඒකකයේ නිර්මාතෘ සඳුන් අරෝෂ PodX නාලිකාවේ පැවති සාකච්ඡාවකට එක්වෙමින්) (ජායාරූපය*: PodX වැඩසටහන**)*

මෙම සාකච්ඡාවේදී මාධ්‍යවේදී සඳුන් අරෝෂ ප්‍රනාන්දු මහතා විසින් තමන් සිදුකළ සුවිශේෂී පර්යේෂණ පත්‍රිකාවක දත්ත ඉදිරිපත් කරමින්, සමාජ මාධ්‍ය හරහා මහජන මතය හැසිරවෙන ආකාරය විග්‍රහ කළේය. කොවිඩ් කාලසීමාවේදී මහත් ආන්දෝලනයකට තුඩු දුන් 'ධම්මික පැණිය' තොරතුරු අවකාශයේ සමාජ මාධ්‍ය පරිශිලකයින් සංවාද කල ආකාරය (Engagement) විශ්ලේෂණය කරමින් ඔහු පෙන්වා දෙන්නේ සමාජ මාධ්‍ය ඇල්ගොරිතම (Algorithms) මගින් මිනිසුන්ව **'ඉකෝ චේම්බර්' (Echo Chamber)** හෙවත් තමන් කැමති දේ පමණක් ඇසෙනා සිරකුටියක සිර කරන බවයි.

#### **පර්යේෂණයේ ප්‍රධාන සොයාගැනීම්:**

- **මතය වෙනස් නොවීම:** ධම්මික පැණිය පිළිබඳ ආරම්භයේදී පක්ෂව සිටි පිරිස එම පුවත අවසන් වන තෙක්ම පක්ෂව සිටි අතර, විරුද්ධ වූ පිරිස දිගටම විරුද්ධව සිටි බව දත්ත මගින් තහවුරු විය. මාස තුනක කාලයක් පුරා තොරතුරු ගලා ආවද, කිසිදු පාර්ශ්වයක් තම මතය වෙනස් කරගෙන නොමැත.
- **ඇල්ගොරිතමයේ බලපෑම:** සමාජ මාධ්‍ය මගින් පුද්ගලයෙකු යම් මතයකට පක්ෂපාතී බව හඳුනාගත් විට, ඔහුට දිගින් දිගටම පෙන්වන්නේ එම මතය තහවුරු කරන පෝස්ට් (Posts) පමණි. මේ නිසා විරුද්ධ මතයක ඇති සත්‍යතාවය දැකීමට පරිශීලකයාට අවස්ථාවක් නොලැබේ.
- **පශ්චාත්-සත්‍ය (Post-truth) අවධිය:** කරුණු (Facts) වලට වඩා මිනිසුන් තමන්ගේ හැඟීම් සහ විශ්වාසයන් මත පදනම්ව තොරතුරු වැළඳගන්නා ආකාරය ධම්මික පැණිය සිදුවීමෙන් මනාව පැහැදිලි වන බව සඳුන් අරෝෂ මහතා පෙන්වා දෙයි.

*"ඔබ සමාජ මාධ්‍යයෙන් පමණක් තොරතුරු ගන්නවා නම්, ඔබ ඉන්නේ ඔබ කැමති දේ පමණක් ඇසෙනා රික්තකයකයි. ඔබේ මතයට විරුද්ධ සත්‍ය තොරතුරක් වුවද ඔබට පෙනෙන්නට ඇල්ගොරිතම ඉඩ දෙන්නේ නැහැ. සැබෑ තත්ත්වය තේරුම් ගැනීමට නම් විවිධ මූලාශ්‍ර පරිශීලනය කිරීම අනිවාර්යයි,"* යනුවෙන් ඔහු වැඩිදුරටත් සඳහන් කළේය.

සඳුන් අරෝෂ ප්‍රනාන්දු මේ වන විට Citizen මාධ්‍ය ජාලයේ ප්‍රධානී ලෙස කටයුතු කරයි.

සම්පුර්ණ සංවාදය පහතින් නැරඹිමට හෝ කියවීමට හැකි ය.

[https://youtu.be/EGRl0ECO2HU](https://youtu.be/EGRl0ECO2HU?ref=citizen.lk) 

### PodX 10 වන කථාංගය: සම්පූර්ණ අන්තර්ගතය 

\[00:00:00\] නිවේදක: අද අපේ සාකච්ඡාවට එකතු වෙන්නේ ක්ෂේත්‍ර කිහිපයක් නියෝජනය කරන මාධ්‍ය වෘත්තිකයෙක් වන සඳුන් අරෝෂ ප්‍රනාන්දු. කොහොමද සඳුන්? සාදරයෙන් පිළිගන්නවා.

\[00:00:14\] නිවේදක: ඔබ පසුගිය කාලයේ ජනාධිපති ලේකම් කාර්යාලයට සම්බන්ධ වෙලා හිටියා. විශේෂයෙන්ම එහි 'දුස් තොරතුරු මැඩලීමේ ඒකකයේ' (Counter-Disinformation Unit) නිර්මාතෘවරයා ඔබයි.

\[00:00:27\] නිවේදක: ලංකාවේ රාජ්‍ය අංශයේ මීට පෙර මෙවැනි ඒකකයක් තිබී නැහැ. මෙහි ප්‍රධානියා සහ නිර්මාතෘ විදිහට, රජයට එරෙහිව යන ව්‍යාජ තොරතුරු පාලනය කිරීම සහ සත්‍ය තොරතුරු සන්නිවේදනය කිරීමේ ක්‍රියාවලිය සිදුවුණේ කොහොමද?

\[00:00:54\] සඳුන් අරෝෂ: ඔබගේ ප්‍රශ්නයට උත්තර දෙන්න කලින් මම 'තොරතුරු' කියන්නේ මොකක්ද කියලා පැහැදිලි කරන්නම්. මෙහිදී "Misinformation" සහ "Disinformation" කියලා වචන දෙකක් තියෙනවා. සිංහලෙන් මෙයට නිවැරදි වචන නොතිබුණු නිසා මම වචන දෙකක් හඳුන්වා දුන්නා.

\[00:01:09\] සඳුන් අරෝෂ: "Disinformation" කියන්නේ "දුස් තොරතුර". ඒක හරිම දූෂිතයි. චේතනාන්විතවම වැරදි තොරතුරු ප්‍රචාරය කිරීමයි මෙයින් අදහස් කරන්නේ.

\[00:01:18\] සඳුන් අරෝෂ: "Misinformation" කියන්නේ කෙනෙක් නොදැනුවත්කම හෝ අතපසුවීම නිසා පතුරවන වැරදි තොරතුරු. ඒ සඳහා මම "වැරදි තොරතුර" කියන වචනය පාවිච්චි කරනවා.

\[00:01:32\] සඳුන් අරෝෂ: දැන් ඔබ ඇසූ ඒකකය ගැන කතා කළොත්, ඔබ කිව්වා "රාජ්‍යයට එරෙහි තොරතුරු" කියලා. මම ඒක දකින්නේ රාජ්‍යයට එරෙහි තොරතුරු විදිහට නෙමෙයි.

\[00:02:06\] සඳුන් අරෝෂ: රාජ්‍යය සිදුකරන වැඩපිළිවෙළවල් සම්බන්ධයෙන් පැතිරෙන 'දුස් තොරතුරු' මැඩපැවැත්වීමයි අපේ අරමුණ වුණේ. මම ඒ තනතුර බාරගද්දී මම පැහැදිලිවම කිව්වා රාජ්‍යයට 'කරුණු පරීක්ෂා කරන්නෙක්' (Fact-checker) වෙන්න බැහැ කියලා.

\[00:02:34\] සඳුන් අරෝෂ: මොකද කරුණු පරීක්ෂා කිරීමේදී ඔබට පැත්තක් ගන්න බැහැ. රාජ්‍යය කරුණු පරීක්ෂා කරන්න ගියොත් ඒක තමන්ගේ පැත්තට බර වෙනවා. රාජ්‍යයට පුළුවන් වෙන්නේ මේ දුස් තොරතුරු නිර්මාණය වීම අවම කරන්න විතරයි.

\[00:03:10\] නිවේදක: මෙය ඉතා සංකීර්ණ කාර්යයක්. සත්‍ය තොරතුරු ජනගත කරන ගමන් අසත්‍යයට ප්‍රතිචාර දැක්වීම මෙහිදී සිදුවෙනවා. මෙහි තිබුණු අභියෝග මොනවාද?

\[00:03:38\] සඳුන් අරෝෂ: ඔබ නිවැරදිව හඳුනාගත්තා සත්‍ය තොරතුරු ජනගත කිරීම සහ අසත්‍යයට ප්‍රතිචාර දැක්වීම කියන කාරණා දෙක. සත්‍ය තොරතුරු ජනගත කිරීම හඳුන්වන්නේ "Positive Disclosure" කියලා. අපි මේ ඒකකය පටන් ගද්දී ආචාර්ය රංග කලන්සූරිය වැනි ප්‍රාමාණික විද්වතුන් කැඳවලා උපදෙස් ගත්තා.

\[00:04:18\] සඳුන් අරෝෂ: යම් සිදුවීමක් ගැන අසත්‍ය තොරතුරු පැතිරෙන්න කලින් අපි සත්‍ය තොරතුරු ජනගත කළොත් අසත්‍යයට ඉඩක් නැති වෙනවා. නමුත් ලංකාවේ රාජ්‍ය අංශය තවමත් සූදානම් නැහැ ජනතාව ඉල්ලන්න කලින් තොරතුරු ලබා දෙන්න. ඔවුන් තවමත් ඉන්නේ "Reactive" (ප්‍රතිචාරාත්මක) මට්ටමක මිස "Proactive" (පූර්ව ක්‍රියාකාරී) මට්ටමක නෙමෙයි.

\[00:05:45\] සඳුන් අරෝෂ: අපි ඉතා සීමිත සම්පත් යටතේ ප්‍රබල මාධ්‍ය නිරීක්ෂණයක් (Media Monitoring) කළා. ආර්ථික අර්බුදය නිසා අලුතින් බඳවා ගැනීම් කරන්න බැරි වුණත් ඉන්න රාජ්‍ය නිලධාරීන්ගෙන් අපි වැඩ ගත්තා.

\[00:06:57\] සඳුන් අරෝෂ: උදේ පාන්දරම යම් වැරදි තොරතුරක් ප්‍රචාරය වෙනවා දැක්කම අපි මාධ්‍ය ආයතන දැනුවත් කරනවා. "අපි හිතනවා මේක වැරදියි කියලා, කරුණාකරලා අපි සත්‍ය තොරතුරු දෙනකන් පොඩ්ඩක් ඉවසන්න" කියලා. මොකද වෙබ් සහ සමාජ මාධ්‍ය බොහෝ විට කරන්නේ "Copy-Paste". ඒ නිසා වැරදි තොරතුරු වෛරල් වීම නවත්වන්න අපි ඒ මැදිහත්වීම කළා.

\[00:07:53\] සඳුන් අරෝෂ: මේක ඉතා සාර්ථක වුණා. එක අවස්ථාවක ප්‍රධාන පුවත්පතක පළවුණා ආනයනය කළ සහල්වල විෂ තියෙනවා කියලා. ඒ කාලේ තිබුණු ආහාර හිඟයත් එක්ක මේක ලොකු කැළඹීමක් ඇති කරන්න තිබුණා. අපි වහාම අදාළ ආයතන සම්බන්ධ කරගෙන පරීක්ෂා කළා. එහිදී හෙළිවුණේ සහල් තොගයක කොටසක් නරක් වී තිබූ නිසා එය ඉවත් කර ඇති බවත්, ඉතිරි සහල් හොඳ මට්ටමේ පවතින බවත්. අපි ඒ තොරතුරු ලබා දුන්නාම මාධ්‍ය ආයතන එය නිවැරදි කළා.

\[00:09:26\] සඳුන් අරෝෂ: අපි ජනතාවගේ ගැටලු ගැනත් අවධානය යොමු කළා. බොහෝ විට මාධ්‍ය වාර්තා කරන්නේ එක් පාර්ශ්වයක තොරතුරු පමණයි. උදාහරණයක් විදිහට ජාතික රෝහලේ රෝගීන්ට දෙන කෑම ටොන් ගණනින් අපතේ යන බවට පුවතක් පළවුණා. අපි ඒ ගැන හෙව්වාම පෙනී ගියේ එහි සඳහන් සංඛ්‍යාලේඛන වැරදි බවයි. රෝහල් අධ්‍යක්ෂවරයා ඒ වන විටත් විසඳුම් ගනිමින් හිටියේ.

\[00:11:36\] සඳුන් අරෝෂ: යම් ගැටලුවක් සත්‍ය නම් අපි ජනාධිපති ලේකම් කාර්යාලයෙන් අදාළ ආයතනයට ලිපියක් යවනවා. ජනාධිපති කාර්යාලයෙන් ලිපියක් යනවා කියන්නේ ඔවුන් වහාම ක්‍රියාත්මක වෙනවා. ඒ නිසා නොවිසඳුණු ජනතා ගැටලු රැසකට විසඳුම් ලැබුණා. අවාසනාවකට දැන් ඒ යන්ත්‍රණය ක්‍රියාත්මක වෙන්නේ නැහැ.

\[00:13:08\] සඳුන් අරෝෂ: IMF සහ ලෝක බැංකු වැඩපිළිවෙළවල් ගැනත් ලොකු දුස් තොරතුරු ප්‍රමාණයක් තිබුණා. ලෝක බැංකුව පවා අපෙන් ඉල්ලීමක් කළා ජනතාවට මේ ගැන නිවැරදි වැටහීමක් ලබා දෙන්න කියලා. අපි ඉන්නේ "Post-truth" (පශ්චාත්-සත්‍ය) අවධියක.

\[00:13:41\] සඳුන් අරෝෂ: පශ්චාත්-සත්‍ය අවධියේදී කරුණු තිබුණත්, මිනිස්සු තමන්ගේ පෞද්ගලික විශ්වාස සහ හැඟීම් මත තමයි 'සත්‍යය' තීරණය කරන්නේ. එදා IMF එක කියන්නේ 'බිල්ලෙක්' වගේ මතයක් තිබුණේ. අපි සමාජ මාධ්‍ය හරහා එහි ඇති වාසි ගැන සත්‍ය තොරතුරු ජනගත කළා. අද ඒ ප්‍රතිලාභ ලැබෙද්දී මිනිස්සුන්ට ඒක තේරෙනවා.

\[00:15:28\] සඳුන් අරෝෂ: ජාත්‍යන්තර මාධ්‍ය (BBC, CNN) සහ ලංකාවේ මාධ්‍ය අතර ලොකුම වෙනස 'මුදල්'. BBC වැනි ආයතන ලාභය අරමුණු කරගන්නේ නැහැ. Sky හෝ CNN වැනි ආයතනවලට ලාභය උපයන්න වෙනත් ව්‍යාපාර තියෙනවා. නමුත් ලංකාවේ පුවත් කලාව පවතින්නේම 'රේටින්' සහ 'ලාභය' මතයි.

\[00:16:58\] සඳුන් අරෝෂ: මාධ්‍ය හැඳුනුම්පත් නිකුත් කිරීමේදී රජය අවම අධ්‍යාපන නිර්ණායකයක් දැමිය යුතුයි කියලා මම විශ්වාස කරනවා. අඩුම තරමේ සතියක පාඨමාලාවක් හෝ කර තිබිය යුතුයි.

\[00:17:44\] සඳුන් අරෝෂ: අද ලංකාවේ මාධ්‍යවේදීන් දහ දෙනෙක්ගෙන් ඇහුවොත් '5W1H' (කවුද, මොකක්ද, කොහේද, කවදාද, ඇයි, කොහොමද) කියන්නේ මොකක්ද කියලා, පස් දෙනෙක්වත් ඒක දන්නේ නැහැ. ඔවුන් ඒ ප්‍රමිතිය අනුගමනය කරන්නේ නැහැ. 5W1H අනුගමනය කරනවා නම් මාධ්‍ය ආචාරධර්ම බොහෝ දුරට රැකෙනවා.

\[00:18:58\] සඳුන් අරෝෂ: පාස්කු ප්‍රහාරය ගැන ජාත්‍යන්තර මාධ්‍ය කළ ගවේෂණාත්මක වැඩසටහන්වලට මම දායක වුණා. ඔවුන් ඒ සඳහා විශාල පිරිවැයක් දරනවා. ලෝකයේ අංක එකේ ගවේෂණාත්මක මාධ්‍යවේදීන් ලංකාවට එවලා තිබුණා. ඔවුන් ලංකාවේ බුද්ධි අංශ සතුව පවා නොතිබුණු සමහර සාක්ෂි සොයාගෙන තිබුණා.

\[00:20:42\] සඳුන් අරෝෂ: එහිදී මගේ කාර්යභාරය වුණේ 'Fixer' කෙනෙක් හෝ ක්ෂේත්‍ර නිෂ්පාදකවරයෙක් (Field Producer) ලෙස කටයුතු කිරීමයි. ජාත්‍යන්තර කණ්ඩායම්වලට ලංකාවේ ස්ථාන, භාෂාව සහ සන්දර්භය තේරුම් ගන්න මම උදව් කළා.

\[00:22:49\] සඳුන් අරෝෂ: අපි භාෂා ආයතනය (Dhanika) එක්ක එකතු වෙලා 'Esana' සේවාව ආරම්භ කළා. ඒ හරහා කෙටි පුවත් ලබා දුන්නා. පසුව 'Citizen Fact Check' ආයතනය ආරම්භ කළා.

\[00:23:53\] සඳුන් අරෝෂ: කෙටි පුවත් සේවාව සහ කරුණු පරීක්ෂා කිරීම කියන්නේ වර්ටිකල් දෙකක්. Esana හිදී අපි 5W1H අනුගමනය කරමින් වේගවත් පුවත් දුන්නා. Citizen Fact Check හිදී අපි පුවත් පරීක්ෂා කළේ නැහැ; අපි කළේ සමාජ මාධ්‍ය තුළ වෛරල් වන, මහජන මතයට බලපෑම් කරන තොරතුරු පරීක්ෂා කිරීමයි.

\[00:27:16\] සඳුන් අරෝෂ: කරුණු පරීක්ෂා කිරීමට කාලය යනවා. ඒ කාලය ඇතුළත බොරුව පැතිරෙනවා. ඒ නිසා මම 'ට්‍රැෆික් ලයිට්' ක්‍රමය හඳුන්වා දුන්නා. තොරතුරක් ලැබුණු වහාම අපි 'ඇම්බර්' (කහ/තැඹිලි) කාඩ් එකක් දානවා "මේක තවම තහවුරු නැහැ, කරුණාකරලා ශෙයාර් කරන්න එපා" කියලා. ඒකෙන් මිනිස්සුන්ට නැවතී සිතන්න අවස්ථාවක් ලැබෙනවා.

\[00:29:32\] සඳුන් අරෝෂ: සමහර කරුණු පරීක්ෂා කිරීමේ ආයතන මුදලට කැම්පේන් කරන බවට චෝදනා තියෙනවා. මම හිතන්නේ ඒක ආයතනික ප්‍රශ්නයකට වඩා එහි වැඩ කරන පුද්ගලික මට්ටමේ ප්‍රශ්නයක්. මේක මුළු ක්ෂේත්‍රයේම විශ්වාසනීයත්වයට ලොකු හානියක්.

\[00:34:49\] සඳුන් අරෝෂ: 2019 මැතිවරණ කාලයේදී අපි 'සත්ව්‍ය' (Truth Square) කියලා එකතුවක් හැදුවා. එහිදී අපි රූපවාහිනී නාලිකා 11ක් නිරීක්ෂණය කළා. මැතිවරණ ප්‍රචාරණය සහ දුස් තොරතුරු අතර තියෙන සම්බන්ධය අපි එහිදී හඳුනාගත්තා.

\[00:37:18\] සඳුන් අරෝෂ: කොවිඩ් කාලයේ පැතිරුණු ඉස්ලාම් භීතිකාව සහ 'ධම්මික පැණිය' ගැන මම පර්යේෂණයක් කළා. ධම්මික පැණියට විරුද්ධ අය දිගටම විරුද්ධ වුණා, පක්ෂ අය දිගටම පක්ෂ වුණා. මේකට කියන්නේ 'Echo Chamber Effect' කියලා.

\[00:38:22\] සඳුන් අරෝෂ: ඇල්ගොරිතම මගින් ඔබට පෙන්වන්නේ ඔබ කැමති දේ විතරයි. ඔබ පැණියට විරුද්ධ නම් ඔබට දිගටම පෙනෙන්නේ විරුද්ධ පෝස්ට් විතරයි. ඒ නිසා ඔබට ඔබේ මතය වෙනස් කරගන්න අවස්ථාවක් ලැබෙන්නේ නැහැ. ඒකයි සමාජ මාධ්‍යයෙන් විතරක් තොරතුරු ගන්න එපා කියන්නේ.

\[00:41:30\] සඳුන් අරෝෂ: රජයකට හෝ සන්නාමයකට (Brand) මහජන මතය තේරුම් ගන්න නම් 'Social Listening' කළ යුතුයි. දැන් ඒ සඳහා මිල අඩු මෙවලම් තියෙනවා. නායකයෙක් තමන් ජනප්‍රියයි කියලා හිතාගෙන හිටියට, සමාජ නිරීක්ෂණ මෙවලමකින් බැලුවොත් ඇත්තම තත්ත්වය බලාගන්න පුළුවන්.

\[00:43:02\] සඳුන් අරෝෂ: මතයක් වෙනස් කරන්න නම් 'Echo Chamber' එක හැක් (Hack) කරන්න ඕනේ. කෙනෙක් එක පක්ෂයකට පක්ෂපාතී නම්, ඔහුට වෙනත් පැත්තක තොරතුරු පෙන්වීමට තාක්ෂණික උපක්‍රම පාවිච්චි කරන්න වෙනවා.

\[00:46:28\] නිවේදක: 2029 වෙද්දී ලක්ෂ 35ක විතර අලුත් ඡන්දදායකයින් (Gen Z) එකතු වෙනවා. ඔවුන් සම්ප්‍රදායික දේශපාලනයෙන් ඈත් වෙලා ඉන්නේ. මොකද වෙන්නේ?

\[00:48:14\] සඳුන් අරෝෂ: සමාජ මාධ්‍ය ප්‍රබල වුණත් ලංකාවේ තවමත් 'න්‍යාය පත්‍රය' (Agenda) සෙට් කරන්නේ රූපවාහිනිය. උදේ යන පත්තර වැඩසටහන්වලින් දෙන මාතෘකා තමයි සමාජ මාධ්‍ය උස්සගෙන යන්නේ.

\[00:52:16\] නිවේදක: අනාගත ඡන්දදායකයා තමන් ඡන්දය දිය යුත්තේ කාටද කියලා අහන්නේ AI (ChatGPT/Gemini) එකෙන්. ඔවුන් ගූගල් සර්ච් කරන්නේ නැහැ. මේකට දේශපාලනඥයින් සූදානම්ද?

\[00:53:05\] සඳුන් අරෝෂ: අපේ ආයතනයෙන් ඒ සඳහා සේවාවක් ලබා දෙනවා. අපි ඒකට කියන්නේ 'AI Engine Optimization' කියලා. අපි බලනවා ChatGPT හෝ Gemini එකෙන් කෙනෙක් ගැන ඇහුවම දෙන උත්තරේ මොකක්ද කියලා. ඒක වැරදි නම්, AI එකට නිවැරදි තොරතුරු ලබා දීමට තාක්ෂණික ක්‍රම තියෙනවා.

\[00:54:11\] සඳුන් අරෝෂ: 2029 වෙද්දී හැම අපේක්ෂකයෙකුටම 'AI Profile' එකක් තියෙන්නම ඕනේ. පෝස්ටර් ගහන්නේ නැතුව වුණත් AI Profile එක නිවැරදි නම් මැතිවරණ දිනන්න පුළුවන් තත්ත්වයක් එනවා.

\[00:55:07\] සඳුන් අරෝෂ: ස්තූතියි විමුක්ති මට ආරාධනා කළාට.
### රයිස්, කොත්තු සහ තේ මිල ඉහළට
URL: https://www.citizen.lk/prices-of-rice-kottu-and-tea-increase/
Last updated: 2026-03-31T05:11:03.000Z
March 31 (Citizen.lk News) - විදුලි ගාස්තු ඉහළ දැමීම හේතුවෙන් පවත්වාගෙන යාමේ පිරිවැය ඉහළ යාම මත අද මධ්‍යම රාත්‍රියේ සිට ක්‍රියාත්මක වන පරිදි ආහාර ද්‍රව්‍ය කිහිපයක මිල ගණන් ඉහළ නංවන බව සමස්ත ලංකා ආපනශාලා සහ අවන්හල් හිමියන්ගේ සංගමය සඳහන් කරනවා.

ඒ අනුව, ප්ලේන් ටී කෝප්පයක් රුපියල් 5.00කින්, කිරි තේ කෝප්පයක් රුපියල් 5.00කින් සහ කෙටි කෑම (Short Eats) වර්ග රුපියල් 10.00කින් ඉහළ දමා තිබෙන අතර ෆ්‍රයිඩ් රයිස් සහ කොත්තු මිල රුපියල් 30.00කින් ඉහළ නැංවීමට තීරණය කර තිබෙනවා.
### වියළි කාලගුණික තත්ත්වය හමුවේ පාසල් කටයුතු වෙනුවෙන් නිර්දේශ මාලාවක්
URL: https://www.citizen.lk/a-series-of-recommendations-for-school-activities-in-the-face-of-dry-weather-conditions/
Last updated: 2026-03-30T11:08:42.000Z
March 30 (Citizen.lk News) - පවතින වියළි කාලගුණික තත්ත්වය හමුවේ පාසල් කටයුතු පවත්වාගෙන යා යුතු ආකාරය පිළිබඳ නිර්දේශ මාලාවක් අධ්‍යාපන අමාත්‍යාංශ ලේකම් නාලක කලුවැව මහතාගේ අත්සනින් යුතුව නිවේදනයක් සියලුම පළාත් අධ්‍යාපන අධ්‍යක්ෂවරුන් වෙත නිකුත් කර තිබෙනවා.

ඒ අනුව නිර්දේශ වශයෙන් පහත කරුණු දක්වා තිබෙනවා.

1. දහදිය දැමීම නිසා ඇතිවන විජලනය හා ලවණ ඉවත් වීම නිසා ඇතිවන මස්පිඬු පෙරලීම - අත් පා හා උදරයේ මස්පිඬු වේදනාව හා පෙරලීම  
ප්‍රථමාධාර - සියලු ක්‍රියාකාරකම් වලින් ඉවත් වී සිසිල් ස්ථානයක විවේක ගැනීම හා ප්‍රමාණවත් ලෙස ජලය පානය කිරීම (සෑම මිනිත්තු 15 කට ම වරක් වීදුරු භාගය බැගින්)
2. අධික උෂ්ණත්වය මත ඇතිවන අධික මහන්සිය (Heat Exhaustion) - අධික දහදිය දැමීම. ශරීර අප්‍රාණික බව, ක්ලාන්තය  
ප්‍රථමාධාර - සියලු ක්‍රියාකාරකම් වලින් ඉවත් වී සිසිල් ස්ථානයක විවේක ගැනීම හා ප්‍රමාණවත් ලෙස ජලය පානය කිරීම (සෑම මිනිත්තු 15 කට ම වරක් වීදුරු භාගය බැගින්) ස්නානය, සිසිල් ජලයෙන් ශරීරය තෙත මාත්තු කිරීම
3. ශරීරයේ උෂ්ණත්ව නියාමන ක්‍රියාවලිය අඩපණවීම නිසා ඇතිවන ආඝාත තත්ත්වය (Heat Stroke) - අධික ශරීර උෂ්ණත්වය, නාඩි වේගය වැඩිවීම හා ශ්වසන වේගය වැඩිවීම, සිහිමද ගතිය, හිසරදය, වලිප්පු තත්ත්වය, සිහිසුන් වීම

ප්‍රථමාධාර - සිසිල් සෙවණ සහිත ස්ථානයකට ගෙන යාම, ශරීරයට අනවශ්‍ය තද ඇඳුම් ඉවත් කිරීම/ බුරුල් කිරීම, සිසිල් ජලයෙන් ශරීරය තෙත මාත්තු කිරීම. මෙය දැඩි අවදානම් තත්ත්වයක් බැවින් වෛද්‍ය උපදෙස් ලබා ගැනීමට යොමු විය යුතු ය. මෙවැනි අවස්ථාවක දී 1990 අමතා රජයේ සුව සැරිය ගිලන් රථ සේවයේ සහය හෝ නැතහොත් ළඟ ම රෝහලේ ගිලන් රථය හෝ ලබා ගැනීමට ක්‍රියා කිරීම.

### **පාසල් ක්‍රියාකාරකම්වල නිරත වීම**

- අධික උෂ්ණත්වය සහිත දිනවල සිසුන් එළිමහනේ/ ක්‍රීඩාපිටියේ ක්‍රියාකාරකම්වල යෙදීමෙන් වැළැක්විය යුතුය.
- පාසල් විවේක කාලයේ දී දැඩි හිරු එළිය සහිත එළිමහනේ ගත කිරීම හා ක්‍රීඩා කිරීමෙන් වළක්වා ගත යුතුය.
- වැඩිපුර ජලය පානය හා වෙහෙස නිවා ගැනීම සඳහා කෙටි විවේක කාල දෙකක් ලබා දීම වඩාත් සුදුසු වේ.
- දහවල් අධික උෂ්ණත්වය සහිත කාලයේ දී අත්‍යවශ්‍ය නොවන අවස්ථා වල දී සිසුන් පිටතට ගෙනයාමෙන් වළක්වා ගැනීම.
- ප්‍රාදේශීය මට්ටමින් පවතින උෂ්ණත්වය/ කාලගුණ තත්ත්ව සලකා බලා නිවාසාන්තර ක්‍රීඩා තරඟ හා පුහුණුවීම් කටයුතු සැලසුම් කිරීම වඩාත් සුදුසු වේ.

### **පහසුකම් සැලසීම**

- අවශ්‍ය තරම් බිමට ජලය සැපයීම හා පිරිසිදු ජලය වැඩිපුර පානය සඳහා සිසුන් යොමු කිරීම.
- පාසලේ ප්‍රමාණවත් ජල පහසුකම් නොමැති නම් ඒ සඳහා විකල්ප ක්‍රම යෙදීම ( දිස්ත්‍රික් ආපදා කළමනා කරණ සම්බන්ධීකරණ නිලධාරීන් මගින් දිස්ත්‍රික් ලේකම්ගේ සහය මේ සඳහා ලබාගතහැකි ය).
- පන්ති කාමර සඳහා වාතාශ්‍රය හොඳින් ලැබීම සඳහා දොර ජනෙල් විවෘතව තැබීම හා අවශ්‍ය පියවර ගැනීම. විදුලි පංකා භාවිත කරන්නේ නම් පිරිසිදු වාතාශ්‍රය ලැබීම සඳහා දොර ජනෙල් අනිවාර්යෙන්ම විවෘත ව පැවතිය යුතුය.
- තට්ටු ගොඩනැගිලි/ ට කරන් වහල සහිත අධික උෂ්ණත්වය සහිත ගොඩනැගිලිවල ඇති පන්ති කාමර සුදුසු තත්ත්ව සහිත තාවකාලික ගොඩනැගිල්ලකට/ ස්ථානයකට මාරු කිරීම.

### **සිසුන්ගේ පුද්ගලික පෙර සූදානම**

- අවශ්‍ය අවස්ථා වලදී ටයි පටිය නොපැළැඳීම හෝ ටයි පටියේ ගැටය ළිහිල් කිරීම හෝ සිදු කළ යුතුය.බඳ පටි පැළඳීම හැකිතාක් අවම කිරීම.
- අධික හිරු එළිය සහිත පරිසරයේ දී හොඳින් හිස ආවරණය වන හිස් වැසුමක් හෝ කුඩයක් හෝ භාවිත කිරීම. තද වර්ණයෙන් යුත් ඇඳුම් පැළඳුම් වෙනුවට ළිහිල් ළා පැහැති කපු ඇඳුම් ඇඳීම (පාසලෙන් පසු ක්‍රියාකාරකම් සඳහා ද මෙය අදාළ වේ).
- නිවසෙන් බැහැර යන හැම අවස්ථාවකදීම උණුකර නිවාගත් ජලය සහිත වතුර බෝතලයක් රැගෙන යාම.
- සාමාන්‍ය දිනවලට වඩා ජලය පානය වැඩි කිරීම. ජලය වෙනුවට ආදේශක ලෙස තැඹිලි, කුරුම්බා වැනි පාන වර්ග භාවිත කිරීම සුදුසු වේ. කිසිදු අවස්ථාවක සීනි අධික පැණි බීම භාවිත නොකළ යුතුය. පිපාසයක් නොමැති වුව ද, වැඩි වශයෙන් ජලය පානය කිරීම.
- අධික රස්නයක් දැනෙන අවස්ථාවල දී මුහුණ, දෑත් සහ දෙපා සිසිල් වතුරෙන් තෙමීම.
- අධික උෂ්ණත්වය නිසා අහිතකර රෝග ලක්ෂණ ඇති වන්නේ නම් ගුරුවරයෙකුට හෝ වැඩිහිටියෙකුට හෝ දැනුම්දීම මඟින් නොපමාව වෛද්‍ය උපදෙස් ලබා ගැනීම.
### ඉන්ධන බදු අඩකින් අඩු කිරීමට ඕස්ට්‍රේලියානු රජය තීරණය කරයි
URL: https://www.citizen.lk/australian-government-decides-to-halve-fuel-taxes/
Last updated: 2026-03-30T10:30:53.000Z
March 30 (Citizen.lk News) - ඉරාන යුද්ධය හේතුවෙන් ඉහළ යන ජීවන වියදම හේතුවෙන්, පෙට්‍රල් සහ ඩීසල් මත පනවා ඇති බදු අඩකින් අඩු කිරීමට ඕස්ට්‍රේලියානු රජය පියවර ගෙන තිබෙනවා.

තවද, මාස තුනක කාලයක් සඳහා ‘බර වාහන මාර්ග පරිශීලක ගාස්තුව’ (Heavy Vehicle Road User Charge) ඉවත් කිරීමටද කටයුතු කරන බවත් මෙලෙස බදු අඩකින් අඩු කිරීම හරහා ඉන්ධන ලීටරයක මිල ඕස්ට්‍රේලියානු ශත 26.3 කින් අඩුවනු ඇති බවත් වැඩිදුරටත් වාර්තා වනවා.
### අප්‍රේල් පළමුවැනිදා සිට විදුලිය ගාස්තු ඉහළට
URL: https://www.citizen.lk/electricity-rates-to-increase-from-april-1st/
Last updated: 2026-03-30T10:16:04.000Z
March 30 (Citizen.lk News) - පවතින විදුලි ගාස්තු සංශෝධනය අප්‍රේල් මස 01 වන දින සිට ක්‍රියාත්මක කිරීමට මහජන උපයෝගීතා කොමිසම විසින් අනුමැතිය ලබාදී තිබෙනවා

ඒ අනුව ගෘහස්ථ කාණ්ඩය සඳහා විදුලි ගාස්තු වැඩිවන ආකාරය පහතින්.

- ඒකක 30 ට අඩු - 4.3% කින් ඉහළට (මාසික වැඩිවීම රුපියල් 15 යි)
- ඒකක 31 සිට 60 - 6.9% කින් ඉහළට (මාසික වැඩිවීම රුපියල් 45 යි)
- ඒකක 61 සිට 90 - 6.9% කින් ඉහළට (මාසික වැඩිවීම රුපියල් 120 යි)
- ඒකක 91 සිට 180 - 7.2% කින් ඉහළට (මාසික වැඩිවීම රුපියල් 420 යි)
- 180 ට වැඩි - 25% කින් ඉහළට.

මීට අමතරව මාසික ඒකක පරිභෝජනය ඒකක 180 ට අඩු ආගමික සහ පුණ්‍ය ආයතන සඳහා විදුලි ගාස්තු ඉහළ නොදැමෙන අතර, ඒකක 180 ට වැඩි විදුලි පරිභෝජනයක් සඳහා පමණක් 9.6% ක විදුලි ගාස්තු ඉහළ නැංවීමක් සඳහා අනුමැතිය ලබාදී තිබෙනවා.

පොදු කාර්ය සහ පාරිභෝගික කාණ්ඩය සඳහා විදුලි ගාස්තුව 8%කින් ද, කර්මාන්ත අංශය සඳහා විදුලි ගාස්තුව 8.7%කින් ද, රාජ්‍ය ආයතන සඳහා විදුලි ගාස්තුව 14.1%කින් ද ඉහළ දැමීමට මහජන උපයෝගීතා කොමිසම තීරණය කර තිබෙනවා.
### මිදිගම චූටි දිවයිනට
URL: https://www.citizen.lk/prabath-madusankha-alias-midigama-chooti-a-crime-gang-member-linked-to-drug-networks-was-extradited-from-oman-by-a-special-police-team-today/
Last updated: 2026-03-30T04:55:16.000Z
March 30 (Citizen.lk News) - සංවිධානාත්මක අපරාධ කල්ලි සාමාජිකයකු සහ මත්ද්‍රව්‍ය ජාලයන් සමඟ සබඳතා පැවැත්වූ 38 හැවිරිදි රාජපක්ෂ පතිරණලාගේ ප්‍රභාත් මධුසංඛ හෙවත් 'මිදිගම චූටි', ඕමානයේ සිට විශේෂ පොලිස් නිලධාරීන් කණ්ඩායමක් විසින් අද දිවයිනට රැගෙනවිත් තිබෙනවා.

ඔහු මිනීමැරුම්, මංකොල්ලකෑම්, ගිනිඅවි සන්තකයේ තබා ගැනීම සහ මත්ද්‍රව්‍ය ජාවාරම් ඇතුළු චෝදනා රැසක් සම්බන්ධයෙන් අධිකරණ කිහිපයක නඩු පවතින පුද්ගලයකු වන අතර අත්අඩංගුවට ගැනීම සඳහා ශ්‍රී ලංකාවේ ආරක්ෂක අංශ විසින් ජාත්‍යන්තර 'රතු නිවේදන' (Red Notice) නිකුත් කර තිබූ අතර, ඔහු ඕමානයේ සුපිරි හෝටලයක රැඳී සිටියදී එරට ආරක්ෂක අංශ විසින් අත්අඩංගුවට ගත් බවයි වාර්තා වන්නේ.
### වත්කම් හා බැරකම් ප්‍රකාශ කිරීමේ මධ්‍යගත ඉලෙක්ට්‍රොනික පද්ධතිය හෙට සිට
URL: https://www.citizen.lk/centralized-electronic-system-for-declaring-assets-and-liabilities-from-tomorrow/
Last updated: 2026-03-30T04:37:48.000Z
March 30 (Citizen.lk News) - අල්ලස් හෝ දූෂණ චෝදනා විමර්ශන කොමිෂන් සභාව විසින් ශ්‍රී ලංකාවේ දූෂණ මර්දන ක්‍රියාවලිය වඩාත් කාර්යක්ෂම සහ විනිවිදභාවයකින් යුතුව සිදු කිරීමේ අරමුණින් නිර්මාණය කරන ලද 'වත්කම් හා බැරකම් ප්‍රකාශ කිරීම පිළිබඳ මධ්‍යගත ඉලෙක්ට්‍රොනික පද්ධතිය' හෙට (31) සිට විවෘත කරන බව සඳහන් කර තිබෙනවා.

2023 අංක 09 දරන දූෂණ විරෝධී පනත ක්‍රියාවට නැංවීමේ ප්‍රමුඛ අවශ්‍යතාවක් ලෙස මෙම නව තාක්ෂණික පද්ධතිය හඳුන්වා දෙනු ලබන අතර මෙම නව පද්ධතිය මගින් හුදෙක් පෝරමයක් මාර්ගගතව (Online) සම්පූර්ණ කිරීමක් පමණක් නොව, සමස්ත ක්‍රියාවලියම පූර්ණ ඩිජිටල්කරණයකට ලක් කර තිබෙන බවයි වාර්තා වන්නේ.

වත්කම් හා බැරකම් ප්‍රකාශ කිරීමේදී සිදු විය හැකි සාවද්‍ය තොරතුරු ඇතුළත් කිරීම් මෙන්ම, අසාමාන්‍ය ලෙස වත්කම් රැස් කිරීමේ තත්ත්වයන් හඳුනා ගැනීම සඳහා අවශ්‍ය සත්‍යාපන පහසුකම් (Verification facilities) ද මෙහි අන්තර්ගත කර තිබීම විශේෂත්වයක් වන බව වැඩිදුරටත් සඳහන් වනවා.
### පුද්ගලයන් ලියාපදිංචි කිරීමේ දෙපාර්තමේන්තුවෙන් දැනුම්දීමක්
URL: https://www.citizen.lk/a-notice-from-the-department-of-registration-of-persons/
Last updated: 2026-03-30T04:26:00.000Z
March 30 (Citizen.lk News) - පුද්ගලයන් ලියාපදිංචි කිරීමේ දෙපාර්තමේන්තුවේ පරිගණක පද්ධතිය යථා තත්ත්වයට පත් කිරීමේ කටයුතු තවදුරටත් සිදු වෙමින් පවතින අතර පසුගිය මාර්තු 23, 24 සහ 26 යන දිනවල පද්ධති දෝෂ හේතුවෙන් හැඳුනුම්පත් ලබා ගැනීමට නොහැකි වූ සේවාලාභීන්ට පමණක් අද (30) එක්දින සේවය යටතේ හැඳුනුම්පත් නිකුත් කරන බව එම දෙපාර්තමේන්තුව සඳහන් කරනවා.

එමෙන්ම බත්තරමුල්ල ප්‍රධාන කාර්යාලයේ සහ පළාත් කාර්යාලවල එක්දින සේවා කටයුතු හෙට, එනම් මාර්තු 31 වැනි අඟහරුවාදා සිට සුපුරුදු පරිදි යළි ක්‍රියාත්මක වීමට නියමිත වනවා.

ඒ අනුව ප්‍රධාන කාර්යාලයේ සහ පළාත් කාර්යාලවල සාමාන්‍ය සේවය සහ පෙරටු කාර්යාල සේවා 2026 අප්‍රේල් 06 වැනි සඳුදා දින සිට ආරම්භ කිරීමට සැලසුම් කර තිබෙන බවත් පද්ධතිය සම්පූර්ණයෙන්ම යථාවත් වූ පසු සියලු සේවාවන් අඛණ්ඩව ක්‍රියාත්මක කරන බව වැඩිදුරටත් සඳහන් කර තිබෙනවා.
### නාමල් රාජපක්ෂ විසින් ශ්‍රී ලංකා පොදුජන පෙරමුණේ දිස්ත්‍රික් සංවිධායකවරුන් ලෙස හරිනි විජේතුංග සහ කරුප්පයියා රාමක්‍රිෂ්ණන් පත් කරයි
URL: https://www.citizen.lk/namal-rajapaksa-appoints-harini-wijetunga-and-karuppaiah-ramakrishnan-as-district-organizers-of-the-sri-lanka-podujana-peramuna/
Last updated: 2026-03-29T16:09:51.000Z
March 29 (Citizen.lk News) - ශ්‍රී ලංකා පොදුජන පෙරමුණේ (SLPP) දිස්ත්‍රික් මට්ටමේ නායකත්වය ශක්තිමත් කිරීමේ පියවරක් ලෙස, පක්ෂයේ ජාතික සංවිධායක නාමල් රාජපක්ෂ විසින් ප්‍රමුඛ පෙළේ ව්‍යාපාරික කාන්තාවක වන හරිනි විජේතුංග සහ ප්‍රවීණ මාධ්‍යවේදී කරුප්පයියා රාමක්‍රිෂ්ණන් දිස්ත්‍රික් සංවිධායකවරුන් ලෙස නිල වශයෙන් පත් කර තිබෙනවා.

නාමල් රාජපක්ෂ විසින් පෞද්ගලිකවම මෙම පත්වීම් ලිපි පිරිනමන ලද අතර, ඉදිරි දේශපාලන ක්‍රියාවලීන් ඉලක්ක කරගනිමින් වෘත්තීය නිපුණත්වය සහ මාධ්‍ය ක්ෂේත්‍රයේ අත්දැකීම් පක්ෂයේ සංවිධාන ව්‍යුහයට එක්කර ගැනීම මෙහි අරමුණයි.

ශ්‍රී ලංකාවේ ව්‍යාපාරික ක්ෂේත්‍රයේ කැපී පෙනෙන චරිතයක් මෙන්ම ක්‍රියාකාරී සමාජ සේවා සාමාජිකාවක වන හරිනි විජේතුංග වෙත කොළඹ දිස්ත්‍රික්කයේ සංවිධාන කටයුතු පැවරී ඇත.

![](https://www.citizen.lk/content/images/2026/03/image-2.png)

පෞද්ගලික අංශයේ ඇය සතු නායකත්වය සහ සමාජ සේවා දායකත්වය හරහා අගනුවර ව්‍යාපාරික ප්‍රජාව සහ පක්ෂයේ පාක්ෂිකයින් අතර මනා සම්බන්ධීකරණයක් ඇතිවනු ඇතැයි අපේක්ෂා කෙරේ.

මේ අතර, කරුප්පයියා රාමක්‍රිෂ්ණන් නුවරඑළිය දිස්ත්‍රික්කයේ සංවිධායකවරයෙකු ලෙස පත් කර ඇත. වතු ක්ෂේත්‍රය සහ ක්‍රීඩා ක්ෂේත්‍රය සමඟ සමීප සබඳතා පවත්වන ප්‍රවීණ මාධ්‍යවේදියෙකු වන ඔහූ වර්තමානයේ ශ්‍රී ලංකා ක්‍රීඩා මාධ්‍යවේදීන්ගේ සංගමයේ (SLSJA) ප්‍රධාන ලේකම්වරයා ලෙස කටයුතු කරයි. ඔහුගේ සන්නිවේදන හැකියාව සහ ක්ෂේත්‍රය පිළිබඳ ඇති පුළුල් දැනුම කන්ද උඩරට ප්‍රදේශයේ පක්ෂයේ ශක්තිය වර්ධනය කිරීමට මහත් පිටුවහලක් වනු ඇත
### මෝදි සහ අනුර අතර දුරකථන සංවාදයක්
URL: https://www.citizen.lk/a-telephone-conversation-between-modi-and-anura/
Last updated: 2026-03-25T06:55:44.000Z
March 25 (Citizen.lk News) - ඉන්දීය අග්‍රාමාත්‍ය නරේන්ද්‍ර මෝදි මහතා අද (24) ජනාධිපති අනුර කුමාර දිසානායක මහතා සමඟ දුරකථන සංවාදයක් පවත්වා තිබෙනවා.

එහිදී මැදපෙරදිග වර්තමාන තත්ත්වය සහ එයින් ගෝලීය බලශක්ති ආරක්ෂාවට ඇති බලපෑම් පිළිබඳව සාකච්ඡා කළ බව නරේන්ද්‍ර මෝදි මහතා සඳහන් කර ඇති අතර විශේෂයෙන්ම බලශක්ති සැපයුම් දාමයන්ට ඇතිව ඇති බාධා සහ ඒවායේ ගෝලීය බලපෑම් පිළිබඳව අවධානය යොමු කර තිබෙනවා.

මෙහිදී දෙරටේ නායකයින් ඉන්දියාව සහ ශ්‍රී ලංකාව අතර බලශක්ති සහයෝගිතාව ශක්තිමත් කිරීම සඳහා ගෙන යන ප්‍රධාන වැඩසටහන්වල ප්‍රගතියද සමාලෝචනය කළ බව වාර්තා වනවා.
### 2026 උ.පෙළ විභාගය සඳහා අයදුම්පත් කැඳවීම අද (24) සිට
URL: https://www.citizen.lk/applications-for-the-2026-a-l-examination-will-be-called-from-today-24/
Last updated: 2026-03-24T11:58:15.000Z
March 24 (Citizen.lk News) - අධ්‍යාපන අමාත්‍යංශය නිවේදනයක් නිකුත් කරමින් සඳහන් කරන්නේ 2026 අධ්‍යයන පොදු සහතික පත්‍ර උසස් පෙළ විභාගය සඳහා අයදුම්පත් කැඳවීම අද (24) සිට අප්‍රේල් 24 දින දක්වා මාර්ගගත ක්‍රමය මඟින් සිදු කරන බවයි.

ඒ අනුව, සියලු අයදුම්කරුවන් [www.doenets.lk](http://www.doenets.lk/?ref=citizen.lk) සහ [www.onlineexams.gov.lk/eic](http://www.onlineexams.gov.lk/eic?ref=citizen.lk) යන නිල වෙබ් අඩවි වෙත පිවිස, ලබාදී ඇති උපදෙස් අනුව නිවැරදිව අයදුම්පත් ඉදිරිපත් කළ යුතුය.

 රජයේ සහ රජයේ අනුමත පෞද්ගලික පාසල්වල සිසුන්, තම පාසලේ විදුහල්පති මගින් අයදුම්පත් යොමු කළ යුතු අතර, පෞද්ගලික අයදුම්කරුවන් තම ජාතික හැඳුනුම්පත් අංකය භාවිත කරමින් තනිවම අයදුම්පත් යොමු කළ යුතු බවත් අයදුම්පත් භාරගැනීමේ අවසාන දිනය දිගු නොකරන බැවින්, නියමිත කාලය තුළ අයදුම් කිරීම සඳහා කටයුතු කරන ලෙසද වැඩිදුරටත් ඉල්ලා සිටී.

වැඩිදුර විමසීම් සඳහා 1911 හෝ 0112785922, 0112784537, 0112786616, 0112784208 යන දුරකථන අංක හරහා හෝ [gcealexam@gmail.com](http://gcealexam@gmail.com/?ref=citizen.lk) වෙත විද්‍යුත් තැපැල් මඟින් සම්බන්ධ විය හැකි බව තවදුරටත් සඳහන් කර තිබෙනවා.
### ඉන්දු - ශ්‍රී ලංකා විදේශ ඇමතිවරු විශේෂ සාකච්ඡාවක
URL: https://www.citizen.lk/indo-sri-lankan-foreign-ministers-hold-special-discussion/
Last updated: 2026-03-24T08:35:37.000Z
March 24 (Citizen.lk News) - ඉන්දීය විදේශ කටයුතු අමාත්‍ය එස්. ජයිශංකර් මහතා සහ විදේශ අමාත්‍ය විජිත හේරත් අතර විශේෂ සාකච්ඡාවක් පවත්වා තිබෙනවා.

මැදපෙරදිග කලාපයේ පවතින ගැටුම් සම්බන්ධයෙන් මෙහිදී සාකච්ඡා කර ඇති බව ඉන්දීය විදේශ අමාත්‍ය එස්. ජයිශංකර් සඳහන් කර සිටිනවා.

සිය X ගිණුමේ සටහනක් තබමින් ඉන්දීය විදේශ අමාත්‍යවරයා පෙන්වා දෙන්නේ, පවතින තත්ත්වය පිළිබද ඉන්දියාවේ ස්ථාවරය සම්බන්ධයෙන් ශ්‍රී ලංකා විදේශ අමාත්‍යවරයා දැනුම්වත් කළ බවයි.
### සිමෙන්ති මිලත් ඉහළ යයි
URL: https://www.citizen.lk/cement-prices-also-rise/
Last updated: 2026-03-24T08:29:14.000Z
March 24 (Citizen.lk News) - සිමෙන්ති මිල ඉහළ දැමීමට නිෂ්පාදන සමාගම් පියවර ගෙන තිබෙනවා.

එම සමාගම් පෙන්වා දෙන්නේ, රුපියල් 150 - 175ත් අතර මිලකින් සිමෙන්ති මිල ඉහළ ගොස් ඇති බවයි.

නිෂ්පාදන පිරිවැය ඉහළ යාමත් සමග මෙම මිල ඉහළ දැමීම සිදු කර ඇත.

මේ අතර ඉදිකිරීම් ක්ෂේත්‍රයේ වැලි, ගල්, යකඩ ඇතුළු සියලු භාණ්ඩවල මිල මේ වන විට විශාල ලෙස ඉහළ ගොස් ඇති බව ද ශ්‍රි ලංකා ජාතික ඉදිකිරීම් සංගමයේ සභාපති ඩැරින්ටන් පෝල් සඳහන් කරනවා.
### සජින් වාස් තවදුරටත් රිමාන්ඩ්
URL: https://www.citizen.lk/sajin-vaas-further-remanded/
Last updated: 2026-03-24T08:23:56.000Z
March 24 (Citizen.lk News) - අයථා ලෙස වත්කම් උපයා ගැනීමේ සිද්ධියක් සම්බන්ධයෙන් සැකපිට රක්ෂිත බන්ධනාගාර ගත කර සිටි හිටපු පාර්ලිමේන්තු මන්ත්‍රී සජින් වාස් ගුණවර්ධන මහතාගේ ඇප ඉල්ලීම කොළඹ මහේස්ත්‍රාත් අධිකරණය අද (24) ප්‍රතික්ෂේප කර තිබෙනවා.

ඒ අනුව, සැකකරු මේ මස 31වනදා දක්වා තවදුරටත් රක්ෂිත බන්ධනාගාර ගත කරන ලෙස අධිකරණය නියෝග කර ඇත.
### ත්‍රීරෝද රථ ගාස්තු ඉහළට
URL: https://www.citizen.lk/three-wheeler-fares-increase/
Last updated: 2026-03-23T11:22:38.000Z
March 23 (Citizen.lk News)- අද (23) සිට ක්‍රියාත්මක වන පරිදි ත්‍රිරෝද රථ ගාස්තුව රුපියල් 10 කින් ඉහළ දමා තිබෙනවා.

ඒ අනුව මෙතෙක් පළමු කිලෝමීටරයට අයකළ ගාස්තුව රුපියල් 100 සිට රුපියල් 110 දක්වා ඉහළ දමා ඇති බවයි බස්නාහිර පළාත් මාර්ගස්ථ මගී ප්‍රවාහන අධිකාරිය සඳහන් කරන්නේ.

තවද, දෙවන කිලෝමීටරයේ සිට වැඩිවන සෑම කිලෝමීටරයකටම රුපියල් 90 (පෙර මිල රු.80) දක්වා මිල සංශෝධනය කර තිබෙන බවයි වාර්තා වන්නේ.
### අගමැති මෝදීගෙන් නව වාර්තාවක්
URL: https://www.citizen.lk/new-report-from-prime-minister-modi/
Last updated: 2026-03-23T05:29:34.000Z
March 23 (Citizen.lk News)- ඉන්දීය අග්‍රාමාත්‍ය නරේන්ද්‍ර මෝදි මහතා දින 8,931ක්, රජයක නායකත්වය දරමින් ඉන්දීය දේශපාලන ඉතිහාසයේ නව වාර්තාවක් පිහිටුවීමට සමත්ව තිබෙනවා.

ඒ අනුව, මීට පෙර Sikkim ප්‍රාන්තයේ හිටපු මහ ඇමති පවන් කුමාර් චැම්ලින් තබා තිබූ දින 8,930ක වාර්තාව අභිබවා යමින් මෝදි මහතා ඉන්දියාවේ වැඩිම කාලයක් රජයක නායකත්වය දැරූ පුද්ගලයා බවට පත්ව ඇති අතර ගුජරාට් ප්‍රාන්තයේ මහ ඇමතිවරයා ලෙස සහ ඉන්දියාවේ අග්‍රාමාත්‍යවරයා ලෙස ඔහු දැරූ සමස්ත සේවා කාලය මෙම වාර්තාවට පදනම් වී තිබෙනවා.

තම පාලන කාලය පිළිබඳව අදහස් දක්වමින් අග්‍රාමාත්‍යවරයා සඳහන් කර ඇත්තේ පසුගිය වසර 11ක කාලය තුළ ඉන්දියාවේ කෝටි 25කට අධික ජනතාවක් දරිද්‍රතාවයෙන් මුදවා ගැනීමට හැකි වූ බවත්, ඉන්දියාව ලෝකයේ ප්‍රමුඛතම ආර්ථිකයක් ලෙස නැගී සිටින බවත්ය.
### බස් ධාවනය අඩාළයි
URL: https://www.citizen.lk/bus-service-disrupted/
Last updated: 2026-03-23T05:31:44.000Z
March 23 (Citizen.lk News)- පොෟද්ගලික බස් සංගම් කිහිපයක් විසින් බස් ගාස්තු සංශෝධනය වන තෙක් බස් ධාවනයෙන් ඉවත්වීමට ගත් තීරණයත් සමග අද (23) උදෑසන ප්‍රධාන බස් නැවතුම්පොළවල් ආශ්‍රිතව මගීන් දැඩි දුශ්කරතාවට පත්ව තිබෙනවා.

ඒ අනුව ඊයේ (22) දිනයේම බස් ගාස්තු සංශෝධනයක් ලබා දෙන ලෙස බස් සංගම් අදාළ බලධාරීන්ගෙන් ඉල්ලා තිබුණද එය ඉටු නොවීම හේතුවෙන් අද දිනයේදී බස් ධාවනයෙන් ඉවත් වීමට තීරණය කර ඇති අතර අද දිනයේදී බස් ගාස්තු සංශෝධනයට අදාළ කැබිනට් අනුමැතිය හිමිවීමට සහ නව බස් ගාස්තු ප්‍රකාශයට පත් කිරීමටද නියමිතව ඇත.

කෙසේ නමුත් නව බස් ගාස්තු ප්‍රකාශයට පත් කරන තෙක් බස් ධාවනයෙන් ඉවත් වීමට තමන් කටයුතු කරන බව බස් සංගම් සඳහන් කර තිබෙනවා.
### ගුවන් හමුදා 75 වන සංවත්සරය නිමිත්තෙන් "Symphony of Wings" ප්‍රසංගය නෙළුම් පොකුණේදී
URL: https://www.citizen.lk/symphony-of-wings-concert-at-nelum-pokuna-to-mark-the-75th-anniversary-of-the-air-force/
Last updated: 2026-03-20T06:15:41.000Z
March 20 (Citizen.lk News) - ශ්‍රී ලංකා ගුවන් හමුදාවේ 75 වන සංවත්සරයට සමගාමීව සංවිධානය කරනු ලබන **"Symphony of Wings"** සුවිශේෂී සංගීත සන්ධ්‍යාව එළඹෙන **මාර්තු මස 28 වන දින පස්වරු 7.00 ට** කොළඹ නෙළුම් පොකුණ මහින්ද රාජපක්ෂ රඟහලේදී පැවැත්වීමට නියමිතය.

ශ්‍රී ලංකා ගුවන් හමුදා සේවා වනිතා ඒකකය විසින් සංවිධානය කරනු ලබන මෙම ප්‍රසංගය සඳහා ගුවන් හමුදා "ඊගල්ස් රොක්" (Eagles' Rock) සංගීත කණ්ඩායම සමඟ කීර්ති පැස්කුවල් සහ එඩ්වඩ් ජයකොඩි, චිත්‍රාල් සෝමපාල සහ උමාරියා සිංහවංශ, සුජාතා අත්තනායක සහ ඉන්ද්‍රානි පෙරේරා, ඇනස්ලි මාලේවන සහ මරියෂෙල් ගුණතිලක, කාංචනා අනුරාධි, ෆැලන් ඇන්ඩ්‍රියා සහ අංජලී හෙරත්, දිමංක වෙල්ලාලගේ, රජිත රූපසිංහ සහ ප්‍රනීශා නාගරාජාදිවයිනේ ජනප්‍රිය ගායන ශිල්පීන් රැසක් සහභාගී වනු ඇති.

ගුවන් හමුදා සේවා වනිතා ඒකකය විසින් මෙම ප්‍රසංගය පැවැත්වීමේ ප්‍රධාන අරමුණ වන්නේ ගුවන් හමුදා සේවා පුද්ගලයින්ගේ මෙන්ම සමාජයේ විශේෂ උපකාර අවශ්‍ය පුද්ගලයින්ගේ සුභසාධන කටයුතු සඳහා අවශ්‍ය මූල්‍ය ප්‍රතිපාදන සපයා ගැනීමයි.
### ශ්‍රී ලංකා ගුවන් හමුදා කාන්තා Canoeing සහ Kayaking කණ්ඩායම 09 වන කැනෝ ස්ප්‍රින්ට් ජාතික ශූරතාවලියේදී ශූරතාව දිනා ගනියි
URL: https://www.citizen.lk/sri-lanka-air-force-womens-canoeing-and-kayaking-team-wins-championship-at-09th-canoe-sprint-national-championship/
Last updated: 2026-03-20T06:05:02.000Z
March 20 (Citizen.lk News)- Canoeing and Kayaking ජාතික ඔරු පැදීමේ සංගමය විසින් 9 වරටත් සංවිධානය කරනු ලැබු කැනෝ ස්ප්‍රින්ට් ජාතික ශූරතාවලිය 2026 මාර්තු මස 12 වන දින සිට 14 වන දින දක්වා දියවන්නා ඔය පරිශ්‍රයේදී පසුගියා සාර්ථකව අවසන් වුණා.

  
ඒහිදි ගුවන් හමුදා කාන්තා ඔරු පැදීමේ කණ්ඩායම රන් පදක්කම් තුනක් සහ ලෝකඩ පදක්කම් තුනක් සමඟින් විවෘත කාන්තා ශූරතාව දිනා ගැනීමට සමත් විය. 

09 වන කැනෝ ස්ප්‍රින්ට් ජාතික ශූරතාවලියේදී Best Paddler ලෙස සම්මානය ගුවන් හමුදාවේ නායක ගුවන් කාන්තා මධුසානි කේ.ඩබ්.එන් විසින් දිනා ගන්නා ලදී.

  
මෙම තරගාවලියේ ජයග්‍රහක ජයග්‍රහිකාවන් සදහා කුසලාන හා සහතික පත් ප්‍රධානොත්සවයේ ප්‍රධාන ආරාධිත අමුත්තා ලෙස ශ්‍රී ලංකා නාවික හමුදාවේ මාන්ඩලික ප්‍රධානී රියර් අද්මිරාල් කේ ඩී ඩී සී ප්‍රනාන්දු මෙන්ම ශ්‍රී ලංකා ගුවන් හමුදා ඔරු පැදීමේ සංචිතයේ සභාපති එයාර් වයිස් මාර්ෂල් තුෂාර වීරරත්න ඇතුළු ත්‍රිවිධ හමුදා නිළධාරීන් හා සෙසු නිලයන් ඇතුළු ක්‍රීඩා ලෝලීන් විශාල පිරිසක් මෙම අවස්ථාවට සහභාගී වි සිටියා.
### ගෝඨාභයගේ නාවික ගමනේ වියදම් හෙළි කරන්න:   අභියාචනාධිකරණයෙන් නාවික හමුදාවට නියෝගයක්
URL: https://www.citizen.lk/court-of-appeal-orders-navy-to-disclose-expenses-of-gotabayas-naval-trip/
Last updated: 2026-03-20T04:54:19.000Z
March 20 (Citizen.lk News) - 2022 වසරේ පැවති අර්බුදකාරී සමයේ හිටපු ජනාධිපති ගෝඨාභය රාජපක්ෂ නාවික හමුදා නෞකාවකින් පිටව යාමට අදාළ වියදම් සහ එම මුදල් ගෙවූ ආකාරය පිළිබඳ තොරතුරු ප්‍රසිද්ධ කරන ලෙස අභියාචනාධිකරණය නාවික හමුදාවට නියෝග කර තිබෙනවා.

මාර්තු 19 වන දින ප්‍රකාශයට පත් කළ මෙම තීන්දුව ලබා දුන්නේ, 2022 ජූලි මාසයේදී ගෝඨාභය රාජපක්ෂ රටින් පැන යාම සඳහා නාවික නෞකාවක් භාවිතා කළ බවට වාර්තා සම්බන්ධයෙන් තොරතුරු දැනගැනීමේ අයිතිවාසිකම පිළිබඳ පනත (RTI) යටතේ මාධ්‍යවේදී රිෆ්ති අලි මහතා ඉදිරිපත් කළ ඉල්ලීමකට අදාළවයි.

එහිදී ඔහු කරුණු අටක් විමසා තිබූ අතර, නාවික හමුදාව මුලින් එම සියලු තොරතුරු ලබා දීම ප්‍රතික්ෂේප කළේ, එය ජාතික ආරක්ෂාවට තර්ජනයක් බව පවසමිනි.

පසුව ඔහු විසින් යොමු කළ අභියාචනාවකට අනුව, 2023 අගෝස්තු මාසයේදී තොරතුරු දැනගැනීමේ අයිතිවාසිකම පිළිබඳ කොමිෂන් සභාව නියෝග කළේ, එම ගමන සඳහා වැය වූ මුදල සහ ඒ සඳහා ගෙවීම් කළේ කවුරුන්ද යන ප්‍රධාන කරුණු දෙක පමණක් හෙළි කරන ලෙසයි.

කොමිෂන් සභාවේ එම නියෝගය අභියෝගයට ලක් කරමින් නාවික හමුදාපති වයිස් අද්මිරාල් ප්‍රියන්ත පෙරේරා විසින් අභියාචනාධිකරණය හමුවේ පෙත්සමක් ගොනු කර තිබුණා. 

ඒ අනුව, ඊයේ (19) ප්‍රකාශයට පත් වූ තීන්දුවේ මූල්‍ය දත්ත හෙළි කිරීමෙන් ජාතික ආරක්ෂාවට හානි වන බවට නාවික හමුදාව ඉදිරිපත් කළ තර්කය ප්‍රමාණවත් සාක්ෂි මගින් සනාථ වී නොමැති බව පවසමින් අභියාචනාධිකරණය එම පෙත්සම නිෂ්ප්‍රභ කර සිටියා.

**අධිකරණය සිය තීන්දුවේ වැඩිදුරටත් මෙසේ සඳහන් කර ඇත:**

> "තොරතුරු දැනගැනීමේ අයිතිය මූලික අයිතිවාසිකමකි. තොරතුරු ලබා දීම සාමාන්‍ය රීතිය විය යුතු අතර, එය ප්‍රතික්ෂේප කිරීම සිදුවිය යුත්තේ ඉතා සීමිත සහ පැහැදිලි අවස්ථාවලදී පමණි."

රාජ්‍ය ආයතනවලට "රහස්‍යභාවය" යන ලේබලය යටතේ තොරතුරු වසන් කළ නොහැකි බවත්, අදාළ මූල්‍ය තොරතුරු හෙළි කිරීම සහ ජාතික ආරක්ෂාවට ඇති විය හැකි අවදානම අතර පැහැදිලි සම්බන්ධයක් පෙන්වීමට නාවික හමුදාව අපොහොසත් වී ඇති බවත් විනිසුරුවරු නිගමනය කර ඇත.

ඒ අනුව, තොරතුරු දැනගැනීමේ කොමිෂන් සභාවේ නියෝගය තහවුරු කළ අධිකරණය විසින් අදාළ තොරතුරු මුදා හරින ලෙස නාවික හමුදාවට නියම ඇත.

මාධ්‍යවේදී රිෆ්ති අලි වෙනුවෙන් ජ්‍යෙෂ්ඨ නීතිඥ රුෂ්ඩි හබීබ් සහ නීතිඥ ඒ.එන්. මානතුංග ආරච්චි පෙනී සිටියා.
### QR නොමැතිව ගොවීන්ට ඉන්ධන ලබාදීම ඇරඹේ
URL: https://www.citizen.lk/fuel-distribution-to-farmers-begins-without-qr/
Last updated: 2026-03-19T09:58:31.000Z
March 19 (Citizen.lk News) - ගොවිජන සේවා දෙපාර්තමේන්තුව විසින් බලශක්ති අමාත්‍යාංශයට ලබාදුන් නම් ලැයිස්තුවට අනුව ගොවීන්ට අද (19) සිට ඉන්ධන නිකුත් කිරීමට ආරම්භ කර තිබෙනවා.

ඒ අනුව බලශක්ති අමාත්‍යාංශයට ලැබී ඇති ලැයිස්තු සියල්ල මේ වනවිට ඉන්ධන පිරවුම්හල් වෙත යවා ඇති අතර මේ වනවිට ඉන්ධන පිරවුම්හල් අසල තදබදයක් ඇතිව තිබෙන බැවින් ගොවීන්ට ප්‍රමුඛතාවය ලබාදෙන්නැයි ඉන්ධන පිරවුම්හල්වලින් ඉල්ලා ඇති බවද වාර්තා වනවා.
### හෙට සිට  වාහන අංක තහඩුවේ අවසාන අංකය අනුව ඉන්ධන
URL: https://www.citizen.lk/from-tomorrow-fuel-will-be-charged-according-to-the-last-digit-of-the-vehicle-number-plate/
Last updated: 2026-03-18T06:24:52.000Z
March 18 (Citizen.lk News) - QR කේතයට අනුව ඉන්ධන නිකුත් කිරීමේ දී වාහන අංක තහඩුවේ අවසාන අංකය අනුව හෙට (19) සිට ඉන්ධන නිකුත් කිරීමට පියවර ගන්නා බව ලංකා ඛනිජ තෙල් නීතිගත සංස්ථාවේ සභාපතිවරයා සඳහන් කරනවා.

ඒ අනුව, අංක තහඩුවේ අවසාන අංකය ඉරට්ටේ හෝ 0 නම් ඉරට්ටේ දිනවලත්, සෙසු අංක සඳහා ඔත්තේ දිනවලත් ඉන්ධන නිකුත් කෙරෙන බවයි සභාපතිවරයා වැඩිදුරටත් සඳහන් කරන්නේ.
### ඩ්‍රෝන පියාසර කිරීම පිළිබඳව ගුවන් හමුදාවෙන් දැනුම්දීමක්
URL: https://www.citizen.lk/air-force-issues-notice-regarding-drone-flights/
Last updated: 2026-03-18T06:17:43.000Z
March 18 (Citizen.lk News) - ශ්‍රී ලංකාව තුළ දේශීය හා විදේශීය පුද්ගලයින් විසින් නිසි අවසරයකින් තොරව ඩ්‍රෝන යානා පියාසර කිරීම තහනම් බව ශ්‍රී ලංකා ගුවන් හමුදාව විසින් මහජනතාවට දැනුම් දී තිබෙනවා.

ඒ අනුව, මීට පෙරද අධි ආරක්ෂිත කලාපයන් තුළ අවසර රහිතව ඩ්‍රෝන යානා ක්‍රියාත්මක කළ පුද්ගලයින්ට නීත්‍යානුකූල ක්‍රියාමාර්ග ගෙන ඇති අතර ශ්‍රී ලංකාව තුළ ඩ්‍රෝන යානා පියාසර කිරීමට අදහස් කරන සියලු පුද්ගලයින් අදාළ නීති හා රෙගුලාසි පිළිපදිමින්, නිසි අවසර ලබාගෙන පමණක් එම ක්‍රියාකාරකම් සිදුකරන ලෙස ශ්‍රී ලංකා ගුවන් හමුදාව අවධාරණය කරනවා.

මෙම දැනුම්වත් කිරීම, ජාතික ආරක්ෂාව තහවුරු කිරීම සහ ඩ්‍රෝන යානා භාවිතාකරුවන්ට ඇතිවිය හැකි නීතිමය ගැටලු හා අපහසුතා වළක්වා ගැනීම අරමුණු කරගෙන සිදුකරනු බව ගුවන් හමුදාව වැඩිදුරටත් සඳහන් කරනවා.
### විශ්වවිද්‍යාල ප්‍රතිපාදන කොමිසමෙන් දැනුම්දීමක්
URL: https://www.citizen.lk/a-notification-from-the-university-grants-commission/
Last updated: 2026-03-18T06:14:13.000Z
March 18 (Citizen.lk News) - විශ්වවිද්‍යාලවල මාර්ගගත දේශන පැවැත්වීම වැඩි කරන ලෙසත් සියලු ක්ෂේත්‍ර චාරිකා කල් දමන ලෙසත් විශ්වවිද්‍යාල ප්‍රතිපාදන කොමිසම විසින් සියලු විශ්වවිද්‍යාල උපකුලපතිවරුන්ට දැනුම් දී තිබෙනවා.
### සිංහල හා හින්දු අලුත් අවුරුදු නැකැත් සීට්ටුව ප්‍රකාශයට පත් කෙරේ
URL: https://www.citizen.lk/sinhala-and-hindu-new-years-lucky-charms-announced/
Last updated: 2026-03-17T10:35:54.000Z
March 17 (Citizen.lk News) - 2026 සිංහල හා හින්දු අලුත් අවුරුදු නැකැත් සීට්ටුව බුද්ධශාසන, ආගමික හා සංස්කෘතික කටයුතු අමාත්‍යාංශය විසින් ප්‍රකාශයට පත් කර තිබෙනවා.

එම නැකැත් සීට්ටුව පහතින්:

![](https://www.citizen.lk/content/images/2026/03/WhatsApp-Image-2026-03-17-at-4.00.04-PM.jpeg)
### ආසියානු වෙළෙඳපොළේ බොරතෙල් මිල ඉහළට
URL: https://www.citizen.lk/crude-oil-prices-rise-in-asian-markets/
Last updated: 2026-03-17T07:41:53.000Z
March 17 (Citizen.lk News) - ආසියානු වෙළෙඳපොළේ අද (17) පෙරවරුව වන විට බොරතෙල් මිලෙහි සුළු ඉහළ යාමක් සිදුවු තිබෙනවා.

ඒ අනුව,Brent බොරතෙල් මිල 2.8% කින් ඉහළ ගොස් බැරලයක් ඩොලර් 103.08 ලෙස සටහන් වී තිබුණු අතර, ඇමෙරිකානු බොරතෙල් මිල ද 3% කට ආසන්න ප්‍රමාණයකින් ඉහළ ගොස් බැරලයක් ඩොලර් 96.25 ක් ලෙස සටහන් වී තිබුණු බවයි වාර්තා වන්නේ.
### සෞඛ්‍ය අමාත්‍යාංශයේ අංශ කිහිපයකට බදාදා දිනයේ නිවසේ සිට රාජකාරි කිරීමට අවසර
URL: https://www.citizen.lk/several-departments-of-the-ministry-of-health-allowed-to-work-from-home-on-wednesday/
Last updated: 2026-03-17T07:42:15.000Z
March 17 (Citizen.lk News) - ඉන්ධන භාවිතය අවම කිරීම සඳහා පවතින තත්ත්වය සැලකිල්ලට ගෙන රජය ගෙන ඇති ක්‍රියාමාර්ගවලට අනුව, සෞඛ්‍ය අමාත්‍යාංශයේ තෝරාගත් අංශ කිහිපයක නිලධාරීන්ට සෑම බදාදා දිනකම නිවසේ සිට රාජකාරි කිරීමට අවසර ලබා දී තිබෙනවා.

ඒ අනුව, කාසල් වීදියේ පිහිටි නව අමාත්‍යාංශ ගොඩනැඟිල්ලේ සියලුම අංශ, නාරාහේන්පිට මැලේරියා ගොඩනැඟිල්ලේ සියලුම අංශ, ජාතික පිළිකා මර්දන වැඩසටහන සහ සෞඛ්‍ය ප්‍රවර්ධන කාර්යාංශය යන ආයතනවල නිලධාරීන් නිවසේ සිට රාජකාරි කළ යුතු බවයි සඳහන් වන්නේ.
### බදාදාට ටියුෂන් තහනම්
URL: https://www.citizen.lk/tuition-banned-on-wednesdays/
Last updated: 2026-03-17T04:45:03.000Z
March 17 (Citizen.lk News) - බදාදා දිනවල උපකාරක පන්ති පැවැත්වීම ද තහනම් බව අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති සඳහන් කරනවා.

ඉන්ධන සපයා ගැනීමේ ගැටලුව සැලකිල්ලට ගෙන රජයේ සියලු පාසල් සෑම බදාදා දිනකම නිවාඩු ලබාදීමට මීට පෙර තීරණය කර තිබුණා.

ඒ අනුව, සෑම සතියකම බදාදා දිනය අධිකරණ සේවා, පාසල් සහ විශ්වවිද්‍යාල ඇතුළු රජයේ කාර්යාල සඳහා නිවාඩු දිනයක් බවට පත්කර තිබෙනවා.
### රජයේ පාසල් සඳහාත් බදාදා දින නිවාඩු ලබා දෙයි
URL: https://www.citizen.lk/wednesdays-will-also-be-a-holiday-for-government-schools/
Last updated: 2026-03-17T04:30:30.000Z
March 17 (Citizen.lk News) - පවතින තත්ත්වය සැලකිල්ලට ගෙන ඊට මුහුණ දීම සඳහා රජයේ සේවකයන්ට එළඹෙන බදාදා (18) සිට සෑම සතියකම බදාදා දිනවල නිවාඩු ලබා දීමට රජය තීරණය කර තිබෙනවා.

රජයේ ප්‍රවෘත්ති දෙපාර්තමේන්තුවේදී විශේෂ ප්‍රවෘත්ති සාකච්ඡාවක් පවත්වමින් අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති මේ බව ප්‍රකාශ කර සිටියා.

ඒ අනුව, රාජ්‍ය සේවකයන්ට අමතරව සියලුම රජයේ පාසල්, විශ්වවිද්‍යාල සහ අධිකරණ සඳහා ද බදාදා දිනය නිවාඩු දිනයක් ලෙස ප්‍රකාශයට පත් කර ඇති අතර, මෙය පෞද්ගලික ආයතන ද අනුගමනය කරන ලෙසයි ඔහු ඉල්ලා සිටින්නේ.

මීට අමතරව අනෙකුත් වැඩ කරන සතියේ දින හතරේදී ද කොපමණ සේවකයන් ප්‍රමාණයක් සේවා ස්ථානයට ගෙන්වා ගත යුතු ද යන්න පිළිබඳ තීරණය කිරීමේ බලය රාජ්‍ය ආයතන ප්‍රධානීන්ට ලබා දී ඇති බවත්, සියලු රාජ්‍ය උත්සව කටයුතු තාවකාලිකව නවතා දැමීමට තීරණය කර ඇති බවත් ඔහු වැඩිදුරටත් ප්‍රකාශ කළා.
### සෑම සතියකම බදාදාට රජයේ කාර්යාල නිවාඩු
URL: https://www.citizen.lk/government-office-holidays-on-wednesdays-every-week/
Last updated: 2026-03-17T04:26:40.000Z
March 17 (Citizen.lk News) - පවතින ඉන්ධන සපයා ගැනීමේ ගැටලුව සැලකිල්ලට ගෙන ඊට මුහුණදීම සඳහා රජයේ සේවකයින්ට එළැඹෙන බදාදා (18) සිට සෑම සතියකම බදාදා දිනවල නිවාඩු ලබාදීමට රජය තීරණය කර තිබෙනවා.

රජයේ ප්‍රවෘත්ති දෙපාර්තමේන්තුවේදී විශේෂ ප්‍රවෘත්ති සාකච්ඡාවක් පවත්වමින් අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති ‍මේ බව සඳහන් කර සිටියා.
### අද කාලගුණ නිවේදනය
URL: https://www.citizen.lk/weather/
Last updated: 2026-03-17T04:23:13.000Z
March 17 (Citizen.lk News) - මධ්‍යම, සබරගමුව, දකුණ සහ ඌව පළාත්වල පස්වරු 2.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව සඳහන් කරනවා.

එම දෙපාර්තමේන්තුව සඳහන් කළේ, මධ්‍යම, සබරගමුව සහ ඌව පළාත්වලත්, ගාල්ල, මාතර සහ කළුතර දිස්ත්‍රික්කවලත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් පැවතිය හැකි බවයි.

ගිගුරුම් සහිත වැසි සමඟ ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටිනවා.
### මෙදා අලුත් අවුරුද්දට ඒකාබද්ධ නැකැත් සීට්ටුවක්
URL: https://www.citizen.lk/a-combined-auspicious-sign-for-the-new-year/
Last updated: 2026-03-16T08:52:26.000Z
March 16 (Citizen.lk News) - බුද්ධශාසන, ආගමික සහ සංස්කෘතික කටයුතු අමාත්‍ය ආචාර්ය හිනිඳුම සුනිල් සෙනවි සඳහන් කරන්නේ ඒකාබද්ධ අලුත් අවුරුදු නැකැත් සීට්ටුවක් ප්‍රකාශයට පත් කිරීමට දෙපාර්ශ්වයේම එකඟතාව හිමි වූ බවයි.

ඈපා පංචාංග ලිත් කතෘ ඉන්දික ඈපා සෙනවිරත්න, තිරසර පංචාංග ලිත් කතෘ චමත් කොතලාවල සහ විකල්ප නැකත් කණ්ඩායමේ සාමාජිකයන් තමා සමඟ පැවති සාකච්ඡාවේදී මෙම අවසන් එකඟතාවට පැමිණ ඇති අතර ඒ අනුව, හෙට (17) දිනයේදී නැකැත් සීට්ටුව මුද්‍රණය කර, රාජ්‍ය නැකැත් සීට්ටුව ලෙස ජනතාවට එය ලබාදෙන බවයි වැඩිදුරටත් සඳහන් කර තිබෙන්නේ.
### ගොවි ජනතාවට විශේෂ දැනුම් දීමක්
URL: https://www.citizen.lk/special-notice-to-farmers/
Last updated: 2026-03-16T08:52:07.000Z
March 16 (Citizen.lk News) - ගොවි ජනතාවට ඉන්ධන නිකුත් කිරීම සම්බන්ධයෙන් ගොවිජන සංවර්ධන දෙපාර්තමේන්තුව විසින් තීරණයක් ගෙන තිබෙනවා.

ඒ අනුව, එම දෙපාර්තමේන්තුව සඳහන් කරන්නේ QR ක්‍රමවේදයෙන් තොරව, අක්කරයක අස්වනු නෙළීම සඳහා ගොවීන්ට ඉන්ධන ලීටර් 15 ක් ලබාදීමට තීරණය කළ බවයි.

එසේම පෑහීමේ කටයුතු සඳහා ඉන්ධන ලීටර් 20 ක් ලබා දීමට ද තීරණය කර ඇති බවයි වැඩිදුරටත් වාර්තා වන්නේ.
### සජින් වාස්ට අධිචෝදනාවක්
URL: https://www.citizen.lk/indictment-against-sajin-vaas/
Last updated: 2026-03-16T06:45:58.000Z
March 16 (Citizen.lk News) - දූෂණ චෝදනාවක් සම්බන්ධයෙන් මිහින් ලංකා සමාගමේ හිටපු ප්‍රධාන විධායක නිලධාරී සහ හිටපු පාර්ලිමේන්තු මන්ත්‍රී සජින් වාස් ගුණවර්ධනට එරෙහිව අද (16) කොළඹ මහාධිකරණ හමුවේ අධි චෝදනා ගොනු කර තිබෙනවා.

අල්ලස් කොමිසම විසින් මෙම අධිචෝදනා ගොනු කර ඇත.
### මැදපෙරදිග යුද තත්වය හමුවේ බලශක්ති සැපයුම් ජාල වෙත එල්ලවී ඇති බාධාවන් හමුවේ ගත යුතු පියවර පිළිබඳ සාකච්ඡාවක් ජනපති ප්‍රධානත්වයෙන්
URL: https://www.citizen.lk/a-discussion-under-the-patronage-of-the-president-on-the-measures-to-be-taken-in-the-face-of-disruptions-to-energy-supply-networks-due-to-the-war-situation-in-the-middle-east/
Last updated: 2026-03-16T04:37:12.000Z
March 16 (Citizen.lk News) - මැදපෙරදිග යුද තත්වය හමුවේ ගත යුතු ඉදිරි පියවරයන් පිළිබද විශේෂ සාකච්ඡාවක් ඊයේ (15) පස්වරුවේ ජනාධිපති අනුර කුමාර දිසානායකගේ ප්‍රධානත්වයෙන් පැවැත්වුණා.

මැදපෙරදිග යුද්ධය හමුවේ ගල්අඟුරු, ගෑස්, තෙල් ආදී බලශක්ති සැපයුම් ජාල වෙත එල්ලවී ඇති බාධාවන් සහ එම බාධාවන්ට මුහුණදෙමින් අඛණ්ඩ ඉන්ධන සැපයුමක් වෙනුවෙන් එක් එක් අංශයන්ගෙන් දැනට ගෙන ඇති ක්‍රියාමාර්ග හා යෝජිත විකල්ප පිළිබඳ මෙහිදී සමාලෝචනය කෙරුණා.

මෙම තත්ත්වය ලංකාවට පමණක් නොව ලෝකයේ සියලු රටවලට විශාල බලපෑමක් එල්ල කර ඇති බවත් ඊට මුහුණ දීමේදී ඩිජිටල් කේත ක්‍රමය, නිවසේ සිට රාජකාරී සිදු කිරීම වැනි විකල්ප ක්‍රමවේදයන් නිසි සැලසුමකින් යුතුව ක්‍රියාත්මක කිරීම තුළින් ජාතික ආර්ථිකයට වන බලපෑම අවම කර ගැනීමට හැකි වන බවත් එමෙන්ම මතු වන නව තත්වයන් පිළිබඳ නිරන්තර ජනතාව දැනුවත් කරන විධිමත් සන්නිවේදනයක් පවත්වාගෙන යාමේ අවශ්‍යතාවත් ජනාධිපතිවරයා විසින් මෙහිදී ‍පෙන්වා දී සිටියා.

දැනට ක්‍රියාත්මක ඩිජිටල් කේත ක්‍රමය යටතේ මින් පෙර ලියාපදිංචි නොවූ පුද්ගලයන්ට මතු වී ඇති බාදා කඩිනමින් මගහරවාගැනීම පිළිබඳ මෙහිදී සාකච්ඡා විය. රාජ්‍ය අංශය මෙන්ම පෞද්ගලික අංශය ද ඒකාබද්ධ කරගනිමින් කර්මාන්ත ක්ෂේත්‍රයේ මතු වන නව තත්ත්වයන්ට මුහුණ දීමේදි ගත හැකි ක්‍රියාමාර්ග පිළිබඳවත් මෙහිදී අවධානය යොමු විය. මතු වී ඇති නව තත්ත්වය පසුගිය කොරෝනා සමයේ තත්ත්වයන්ට වෙනස් තත්ත්වයක් බවත් එබැවින් නව තත්ත්වයට ගැලපෙන ලෙස විකල්ප ක්‍රියාමාර්ගයන් අනුගමනය කිරීමෙන් ඉන්ධන පිරිමැසුම් ක්‍රමවේද බලාත්මක කළ යුතු බවටත් මෙහිදී සාකච්ඡා විය. 

මැදපෙරදිග යුදමය තත්ත්වය හමුවේ යාවත්කාලීන වන නව තත්ත්වයන් පිළිබඳ නිරන්තර අධික්ෂණය පවත්වාගෙන යමින් ජාතික ආර්ථිකයට වන හානිය අවම කර ගැනීම සඳහා ගත හැකි විකල්පයන් පිළිබඳව නිරන්තර අවධානයෙන් සිටින ලෙස ජනාධිපතිවරයා මෙහිදී නිලධාරීන්ට උපදෙස් ලබා දී ඇත.

මේ අවස්ථාව සඳහා කම්කරු අමාත්‍ය සහ මුදල් සහ ක්‍රමසම්පාදන නියෝජ්‍ය අමාත්‍ය අනිල් ජයන්ත, බලශක්ති අමාත්‍ය කුමාර ජයකොඩි, විදේශ කටයුතු විදේශ රැකියා සහ සංචාරක අමාත්‍ය විජිත හේරත්, ජනාධිපති ලේකම් නන්දික සනත් කුමානායක, ජනාධිපති ඩිජිටල් ආර්ථික උපදේශක හාන්ස් විජේසූරිය, ජනාධිපති ආර්ථික උපදේශක දුමින්ද හුලංගමුව, ජනාධිපති කාර්යය මණ්ඩල ප්‍රධානී ප්‍රභාත් චන්ද්‍රකීර්ති මහබැංකු අධිපති නන්දලාල් වීරසිංහ, මුදල් අමාත්‍යංශ ලේකම් හර්ෂණ සුරියප්පෙරුම, ආරක්ෂක ලේකම් එයාර් වයිස් මාශල් (විශ්‍රාමික) සම්පත් තුයියකොන්තා, ලංකා ඛණිජ තෙල් නීතිගත සංස්ථාවේ සභාපති ජානක රාජකරුණා, ලිට්‍රෝ ගෑස් සමාගමේ සභාපති චන්න ගුණවර්ධන ඇතුළු පිරිසක් සහභාගී වී සිටියා.
### 2026 වසරේ මේ දක්වා සංචාරක පැමිණීම ලක්ෂ 6 පනී
URL: https://www.citizen.lk/tourist-arrivals-have-crossed-600-000-so-far-in-2026/
Last updated: 2026-03-13T12:00:11.000Z
March 13 (Citizen.lk News) - 2026 වසරේ ගතවූ කාලය තුළ දිවයිනට පැමිණි විදෙස් සංචාරකයින් සංඛ්‍යාව ලක්ෂ 6 ඉක්මවා ගොස් ඇති බව ශ්‍රී ලංකා සංචාරක සංවර්ධන අධිකාරිය සඳහන් කරනවා.

එම වාර්තාවට අනුව, ජනවාරි මස පළමු දින සිට මාර්තු 11 වැනි දින දක්වා කාලය තුළ විදෙස් සංචාරකයින් 6 ලක්ෂ 23,651 දෙනෙකු දිවයිනට පැමිණ ඇත.

එම සංචාරකයින් අතර වැඩිම පිරිස ඉන්දීය ජාතිකයින් වන අතර, ඔවුන්ගේ සංඛ්‍යාව එක් ලක්ෂ 15,772 දෙනෙකු ලෙස වාර්තා වී ඇත.

එමෙන්ම බ්‍රිතාන්‍ය ජාතිකයින් 66,164 දෙනෙකු, රුසියානු ජාතිකයින් 56,114 දෙනෙකු, ජර්මානු ජාතිකයින් 45,939 දෙනෙකු සහ චීන ජාතිකයින් 39,725 දෙනෙකු ද මේ අතර වන බව ශ්‍රී ලංකා සංචාරක සංවර්ධන අධිකාරිය වැඩිදුරටත් සඳහන් කර සිටියා.

අමතරව ප්‍රංශය, ඔස්ට්‍රේලියාව, නෙදර්ලන්තය ඇතුළු රටවලින් ද විශාල සංචාරකයින් පිරිසක් මෙරටට පැමිණ ඇත.
### හේමසිරි සහ පූජිත්ට එරෙහි පාස්කු නඩුවේ විත්තියේ සාක්ෂි කැඳවීමට දින නියම කෙරේ
URL: https://www.citizen.lk/date-set-for-calling-of-defense-evidence-in-easter-case-against-hemasiri-and-pujith/
Last updated: 2026-03-13T11:55:46.000Z
March 13 (Citizen.lk News) - හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත් ජයසුන්දරට එරෙහිව ගොනු කර ඇති නඩුවේ විත්තියේ සාක්ෂි ලබන 26 වැනිදා ඉදිරිපත් කරන ලෙස, කොළඹ ත්‍රිපුද්ගල මහාධිකරණ විනිසුරු මඩුල්ල විසින් නියම කර තිබෙනවා.

පාස්කු ඉරුදින ත්‍රස්ත ප්‍රහාරය පිළිබඳව කලින් බුද්ධි තොරතුරු ලැබී තිබියදීත්, එය වළක්වා ගැනීමට කටයුතු නොකිරීම සම්බන්ධයෙන් ඔවුන්ට චෝදනා එල්ල වී තිබෙනවා.

මෙම නඩුව කැඳවූ අවස්ථාවේදී විත්තිකාර හේමසිරි ප්‍රනාන්දු සහ පූජිත් ජයසුන්දර අධිකරණය හමුවේ පෙනී සිට ඇත.
### මෙම වසරේ දී සිසුසැරිය බස්රථ සේවාවට බස්රථ දෙසීයකට වැඩි ප්‍රමාණයක්  අලුතෙන් එක් වෙයි
URL: https://www.citizen.lk/more-than-two-hundred-new-buses-will-be-added-to-the-sisu-seriya-bus-service-this-year/
Last updated: 2026-03-13T05:52:23.000Z
March 13 (Citizen.lk News) - [](https://www.facebook.com/DepartmentOfGovernmentInformation?%5F%5Fcft%5F%5F[0]=AZZeYQDJbGcyvT%5FDNuu1X21UFxlK6w1QbgRtHgn7lq3tPLo9jLPbvns-zdmb2UOupbSUQ1kqtu1xKmLHR0Ru1vS6Coo8KmZm5hJaVw06RCWsu52LxFxdeTZlpS6hgQrNYwgkC6U0edfRFl6J0D5L53WiYOuzR0LGRiLLv370R6LmK4R60p9qD143Xu76X17exC0&%5F%5Ftn%5F%5F=%2CO%2CP-R#?ghc)අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශය සහ ප්‍රවාහන අමාත්‍යාංශය එක්ව මේ වන විට දියත් කරනු ලබන සිසුසැරිය බස්රථ සේවාව වඩාත් විධිමත් කිරීම සඳහා මෙම 2026 වසරේ දී පියවර රැසක් ගෙන ඇති බවත් ඒ සඳහා නව බස් රථ 200කට අධික ප්‍රමාණයක් අලුතෙන් එක් කිරීමට නියමිත බවත් ඊයේ (12) දින ඉසුරුපාය පරිශ්‍රයේ දී අධ්‍යාපන සහ උසස් අධ්‍යාපන අමාත්‍ය වෛද්‍ය මධුර සෙනෙවිරත්න සහ ජාතික ගමනා ගමන කොමිෂන් සභාවේ නිලධාරීන් සමග පැවති මාධ්‍ය හමුවක දී ප්‍රකාශ කර සිටියා.

මෙහි දී පාසල් සිසුන් ප්‍රවාහනය සම්බන්ධයෙන් රජයේ ඉදිරි වැඩපිළිවෙළ පිළිබඳ අදහස් දැක්වූ නියෝජ්‍ය අමාත්‍යවරයා ප්‍රකාශ කර සිටියේ, රජයේ ප්‍රතිපත්ති ක්‍රියාත්මක කිරීමේ දී පාසල් සිසුන් ආරක්ෂිතව ප්‍රවාහනය කිරීමට අදාළ ක්‍රියාමාර්ග ගැනීම ප්‍රමඛතාවක් සේ සලකා ක්‍රියා කරන බවත් මේ වසරේ දී ඒ වෙනුවෙන් රුපියල් බිලියනයක පමණ වැඩි මුදල් ප්‍රමාණයක් වෙන් කර ඇති බවත් ය. 

මේ පිළිබඳ වැඩි දුරටත් අදහස් දක්වමින් නියෝජ්‍ය අමාත්‍යවරයා ප්‍රකාශ කළේ, මේ වනවිට ප්‍රවාහන අමාත්‍යාංශය සමග ඒකාබද්ධව “සිසුසැරිය” පාසල් බස් රථ සේවය වඩා විධිමත්ව පවත්වාගෙන යමින් පාසල් දරුවන්ට කායික මානසික පීඩාවකින් තොරව ඉගෙනුම් ඉගැන්වීම් ක්‍රියාවලියේ නියැලීම සඳහා පාසලට සුරක්ෂිතව යා හැකි ක්‍රමවේද හැකි පමණ සකස් කර ඇති බවත් එය ඉදිරියේ දී තව දුරටත් පුළුල් කිරීමට අපේක්ෂා කරන බවත් ය.

මෙම මාධ්‍ය හමුවේ දී අදහස් දැක්වූ ජාතික ගමනාගමන කොමිෂන් සභාවේ සභාපති ඉංජිනේරු පී. ඒ. චන්ද්‍රපාල සහ එහි සැලසුම් අධ්‍යක්ෂ ආලෝකා කරුණාරත්න පෙන්වා දුන්නේ, පාසල් සිසුන්ගේ අධ්‍යාපනයට ඵලදායී සේවයක් සැපයීම අරමුණු කොට ‘සිසු සැරිය’ පාසල් බස් රථ සේවය තව දුරටත් විධිමත් කිරීමට අදාළ නව ක්‍රියාමාර්ග රාශියක් මේ වනවිටත් දියත් කෙරෙමින් පවතින බවයි. 

එහි ප්‍රධාන කරුණක් ලෙස පෞද්ගලික පාසල් ප්‍රවාහන සේවා නිසි ලෙස ප්‍රමිතිගත කිරීමට නීතිමය වශයෙන් තිබූ අවහිරතාව ඉවත් කිරීම පෙන්වා දෙනු ලැබූ අතර, එමගින් එම රථවල ප්‍රමිතිය, රියදුරන්ගේ පළපුරුදු භාවය හා රිය සහායක පිළිබඳ තොරතුරු ආදී වශයෙන් යම් නීතිමය සහ ප්‍රතිපත්තිමය තීන්දු තීරණ පිළිබඳ අන පනත් කෙටුම්පත් කරමින් පවතින බවත් මෙහි දී ප්‍රකාශ කෙරුණා.

ජාතික ගමනාගමන කොමිෂන් සභාවේ නිලධාරීන් වැඩි දුරටත් අදහස් දක්වමින් පවසා සිටියේ “සිසුසැරිය” බස් රථ සේවාව දීප ව්‍යාප්තව ඉතා පුළුල් ලෙස ව්‍යා‍ප්ත කිරීම සඳහා පෞද්ගලික බස් රථ සහ කුඩා මට්ටමේ ආරක්ෂිත වාහන හිමියන්ට ද ආරාධනා කරන බවයි. මෙහි දී ආසන්නව ම ඇති ගමනාගමන මණ්ඩලයට හෝ ලංගම කාර්යාලයකට සිය කැමැත්ත ප්‍රකාශ කිරීමෙන් ඒ සඳහා දායක විය හැකි බව සඳහන් කෙරුණු අතර, පාසල්වල ප්‍රවාහන අපහසුතා ඇති සිසුන් සිටී නම් ඔවුන් පිළිබඳ විදුහල්පති මාර්ගයෙන් ඉහත ආයතන දැනුම්වත් කිරීමෙන් මෙම පහසුකම් සලසා දිය හැකි බවත් වැඩි දුරටත් දන්වනු ලැබී ය.

මෙම මාධ්‍ය සාකච්ඡාව සඳහා අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයේ සහ ජාතික ගමනාගමන කොමිෂන් සභාවේ ඉහළ නිලධාරීහු සහභාගී වි සිටියා.
### දුමින්ද සිල්වාගෙන් ප්‍රකාශයක් සටහන් කර ගැනීමට අධිකරණයෙන් අවසර
URL: https://www.citizen.lk/court-grants-permission-to-record-statement-from-duminda-silva/
Last updated: 2026-03-13T05:45:11.000Z
March 13 (Citizen.lk News) - අල්ලස් සිද්ධියක් සම්බන්ධයෙන් සිදු කරන විමර්ශනවලට අදාළව මේ වන විට මරණීය දණ්ඩනය නියම වී සිටින හිටපු පාර්ලිමේන්තු මන්ත්‍රී දුමින්ද සිල්වාගෙන් ප්‍රකාශයක් සටහන් කර ගැනීමට කොළඹ මහේස්ත්‍රාත් අධිකරණය විසින් අද අල්ලස් කොමිසමට අවසර ලබාදී තිබෙනවා.

මෙම සිද්ධියට අදාළව බන්ධනාගාරය තුළදී දුමින්ද සිල්වාගෙන් ප්‍රකාශයක් සටහන් කර ගැනීමට නියෝගයක් ලබාදෙන ලෙස අල්ලස් කොමිසම අද අධිකරණයෙන් ඉල්ලීම් කර තිබුණා.

ඒ අනුව, බන්ධනාගාරගතව සිටින හිටපු පාර්ලිමේන්තු මන්ත්‍රී දුමින්ද සිල්වාගෙන් ප්‍රකාශයක් ලබා ගැනීමට අල්ලස් කොමිසමට අවසර දෙන ලෙසට බන්ධනාගාර අධිකාරිවරයාට නියෝග කර ඇත.
### අනිද්දා පැය 16ක ජල කප්පාදුවක්
URL: https://www.citizen.lk/16-hour-water-cut-tomorrow/
Last updated: 2026-03-10T08:46:36.000Z
March 10 (Citizen.lk News) - බම්බුකුලිය ජල පිරිපහදු මධ්‍යස්ථානයේ අත්‍යාවශ්‍ය නඩත්තු කටයුතු හේතුවෙන් මීගමුව හා කටාන යන ප්‍රදේශ වලට අනිද්දා (12) පෙ.ව 8 සිට මධ්‍යම රාත්‍රී 12 දක්වා පැය 16ක ජල කප්පාදුවක් සිදුකරන බව ජාතික ජල සම්පාදන හා ජලාපවහන මණ්ඩලය සඳහන් කරනවා.

ඒ අනුව මීගමුව මහ නගර සභා සීමාවට අයත් සියලුම ප්‍රදේශවල, කටාන ප්‍රාදේශීය සභාවට අයත් ප්‍රදේශය හා ඇතියාවල, ජන්කුරවෙල, කළුවරිප්පුව, මිරිස්වත්ත, කෝන්ගොඩමුල්ල, හල්පේ, ඇණ්ඩිමුල්ල, අම්බලයාය, තොප්පුව, වයික්කාල යන ග්‍රාම නිලධාරී වසමට මෙලෙස ජල කප්පාදුව බලපැවැත්වෙනවා.
### 05 වන ජාතික මුඛ සෞඛ්‍ය සමීක්ෂණය අද සිට
URL: https://www.citizen.lk/5th-national-oral-health-survey-begins-today/
Last updated: 2026-03-10T08:39:23.000Z
March 10 (Citizen.lk News) - මෙරට 05 වන ජාතික මුඛ සෞඛ්‍ය සමීක්ෂණය අද (10) ආරම්භ වන අතර අද සිට නොවැම්බර් දක්වා දිවයිනේ සෑම දිස්ත්‍රික්කයක්ම ආවරණය වන පරිදි පාසල් සිසුන් සහ වැඩිහිටි වයස් කාණ්ඩවල අහඹු ලෙස තෝරාගත් 10,000ක නියැදියක දත්ත එක්රැස් කිරීමට නියමිතයි.

ඒ අනුව පාසල් ළමුන්ගේ දත්ත පාසල් පරිශ්‍රයන් තුළදී මෙන්ම වැඩිහිටියන්ගේ දත්ත නිවෙස් වෙත ගොස් ලබා ගැනීමට නියමිත අතර, එහිදී මුඛ සෞඛ්‍යයට අදාළ ප්‍රශ්නාවලියක් සම්පූර්ණ කර ගැනීමටත්, මුඛ සෞඛ්‍ය පරීක්ෂාවක් සිදු කිරීමටත් කටයුතු යොදා ඇති බවයි සෞඛ්‍ය අමාත්‍යාංශය සඳහන් කළේ.
### බදුල්ල දිසාපති ලෙස සුනිල් ගලගම මහතා වැඩ භාර ගනී
URL: https://www.citizen.lk/sunil-galagama-assumes-duties-as-badulla-government-agent/
Last updated: 2026-03-13T08:24:57.000Z
March 10 (Citizen.lk News) - ශ්‍රී ලංකා පරිපාලන ස්වයේ ජ්‍යෙෂ්ඨ නිළධාරියෙකු වන සුනිල් ගලගම, සර්ව ආගමික වතාවත්වල නිරත වී ආශිර්වාද ලබා ගැනීමෙන් අනතුරුව බදුල්ල දිස්ත්‍රික් ලේකම්/දිසාපති ලෙස අද (10) පස්වරුවේ බදුල්ල දිස්ත්‍රික් ලේකම් කාර්යාලයේදී වැඩ ආරම්භ කරනු ලැබීය.

2000 වසරේදී ශ්‍රී ලංකා පරිපාලන සේවයට එක් වූ සුනිල් ගලගම මහතා, විදේශ සම්පත් දෙපාර්තමේන්තුවේ සහකාර අධ්‍යක්ෂ ලෙස රාජකාරිය ආරම්භ කොට තිබේනවා.

අනතුරුව, නීතිය හා සාමය පිළිබඳ අමාත්‍යාංශයේ සහකාර ලේකම්, ආගමන හා විගමන දෙපාර්තමේන්තුවේ නියෝජ්‍ය පාලක, අබුඩාබි තානාපති කාර්යාලෙයේ නියෝජ්‍ය තානාපති, ශ්‍රී ලංකා සංවර්ධන පරිපාලන ආයතනයේ උපදේශක, කොළඹ අතිරේක දිස්ත්‍රික් ලේකම්, පාර්ලිමේන්තුවේ ජ්‍යෙෂ්ඨ සහකාර ලේකම්, කොළඹ මහ නගර සභාවේ නාගරික ලේකම්, දෙහිවල ගල්කිස්ස නගර සභාවේ නාගරික කොමසාරිස්, රාජ්‍ය ව්‍යාපාර දෙපාර්තමේන්තුවේ අතිරේක අධ්‍යක්ෂ ජනරාල්, පොහොර රාජ්‍ය අමාත්‍යායේ අතිරේක ලේකම් (පාලන), ආයෝජන ප්‍රවර්ධන අමාත්‍යාංශයේ අතිරේක ලේකම් (සංවර්ධන) ආදී තනතුරු රාශියක් හොබවා තිබේනවා.

බදුල්ල දිස්ත්‍රික් ලේකම් ලෙස වැඩ බාර ගැනීමට පෙර ඒ මහතා සෞඛ්‍ය හා ජනමාධ්‍ය අමාත්‍යාංශයේ අතිරේක ලේකම් (සංවර්ධන) ලෙස රාජකාරී ඉටු කරන ලදි.
### බංගලාදේශයේ රජයේ සහ පෞද්ගලික අංශයේ විශ්ව විද්‍යාල අද (09) සිට වැසේ
URL: https://www.citizen.lk/bangladeshs-public-and-private-universities-to-close-from-today-09/
Last updated: 2026-03-09T09:20:46.000Z
March 09 (Citizen.lk News) - බංගලාදේශයේ විදුලිය සහ ඉන්ධන සංරක්ෂණය කිරීමේ හදිසි පියවරක් ලෙස එරට සියලුම රජයේ සහ පෞද්ගලික අංශයේ විශ්ව විද්‍යාල අද (09) සිට වසා තැබෙන බව විදෙස් මාධ්‍ය වාර්තා කරනවා.

ඒ එරට විශ්ව විද්‍යාල පද්ධතිය පවත්වාගෙන යෑම වෙනුවෙන් දෛනිකව විශාල විදුලිය ප්‍රමාණයක් වැය වන බවත් විශ්ව විද්‍යාල අවට ඇතිවන මාර්ග තදබදය හේතුවෙන් ඉන්ධන නාස්ති වන බවත් බංගලාදේශ බලධාරීන් වැඩිදුරටත් පෙන්වා දී තිබෙන බවයි වාර්තා වන්නේ.
### විදුලිබල මණ්ඩලය අහෝසියි
URL: https://www.citizen.lk/the-electricity-board-is-abolished/
Last updated: 2026-03-09T06:46:34.000Z
March 09 (Citizen.lk News) - ලංකා විදුලිබල මණ්ඩලය ප්‍රතිව්‍යහුගතකරණය ක්‍රියාවලිය යටතේ මෙතෙක් කල් පැවැතුණු ලංකා විදුලිබල මණ්ඩලය ඊයේ (08) මැදියම් රැයෙන් අවසන් විමත් සමග එම මණ්ඩලය අහෝසි කරමින් පිහිටවූ නව සමාගම් 06 අද (09) සිට බලාත්මක වනවා.

ඒ අනුව 1969 අංක 17 දරන ලංකා විදුලිබල මණ්ඩල පනත අවලංගු වූ අතර ලංකා විදුලිබල මණ්ඩලය ආයතිනක ඒකකයක් ලෙස නීත්‍යානුකූලවම මේ සමග අහෝසි වනවා.

විදුලිබල මණ්ඩලය අහෝසි වීමත් සමග විදුලිබල උත්පාදනය, සම්ප්‍රේෂණය, බෙදාහැරීම සහ පද්ධති මෙහෙයුම් සඳහා අනුප්‍රාප්තික සමාගම් 6කට පැවරෙන අතර ඒ සඳහා වූ අති විශේෂ ගැසට් නිවේදනයද පසුගියදා නිකුත් කර තිබෙනවා.

ලංකා විදුලි බල මණ්ඩලය අහෝසි කරමින් පිහිටුවනු ලැබූ සමාගම් 6 වනුයේ විදුලි ජනන ලංකා (පුද්ගලික) සමාගම, ජාතික සම්ප්‍රේෂණ ජාල සේවා සපයන්නන්ගේ (පුද්ගලික) සමාගම, ජාතික පද්ධති ක්‍රියාකරු (පුද්ගලික) සමාගම, විදුලි බෙදාහැරීම ලංකා (පුද්ගලික) සමාගම, සේවක අරමුදල (පුද්ගලික) සමාගම සහ එනර්ජි වෙන්චර්ස් ලංකා (පුද්ගලික) සමාගම යන සමාගම්ය.

ඒ අනුව විදුලිබල මණ්ඩලයට අදාළ සියලු මෙහෙයුම් කටයුතු මින් ඉදිරියට මෙම සමාගම් 6 වෙත පැවරෙනු ඇත.
### ප්‍රවීණ මාධ්‍යවේදී සජීව විජේවීර අභාවප්‍රාප්ත වෙයි
URL: https://www.citizen.lk/sajeewa-wijeweera-has-pass-away/
Last updated: 2026-03-08T03:18:49.000Z
March 08 (Citizen.lk News) - ​දශක කිහිපයක් පුරා මෙරට මාධ්‍ය ක්ෂේත්‍රයේ සුවිශේෂී සලකුණක් තැබූ ප්‍රවීණ මාධ්‍යවේදී සජීව විජේවීර මහතා ඊයේ (07) දහවල් අභාවප්‍රාප්ත වුණා. 

අභාවප්‍රාප්ත වන විට ඒ මහතා 51 වන වියේ පසු වුණා. 

​වකුගඩු රෝගී තත්ත්වයක් හේතුවෙන් කාලයක සිට පීඩා විඳි ඔහු, ගාල්ල කරාපිටිය ශික්ෂණ රෝහලේ දැඩි සත්කාර ඒකකයේ ප්‍රතිකාර ලබමින් සිටියදී මෙලෙස සමුගෙන තිබෙනවා.

​සිරස රූපවාහිනී නාලිකාවේ විධායක වැඩසටහන් නිෂ්පාදකයෙකු ලෙස වසර කිහිපයක් සේවය කළ සජීව විජේවීර මහතා, එදිනෙදා පරිසර සංරක්ෂණය පිළිබඳ ජනතාව දැනුවත් කළ "පරිසරයට විනාඩියක්" වැඩසටහන හරහා මෙරට ප්‍රේක්ෂකයින් අතර මහත් ප්‍රසාදයට පත්වුණා. 

​අනතුරුව පුවත්පත් කලාවට පිවිසි ඒ මහතා, ලංකාදීප පුවත්පතේ විශේෂාංග ලේඛකයෙකු ලෙස කටයුතු කරමින් පරිසරය, වනජීවී සහ පුරාවිද්‍යාව පිළිබඳ හරවත් ලිපි රැසක් පාඨකයා වෙත තිළිණ කළේය. ඔහු මාධ්‍යවේදියෙකු ලෙස පමණක් නොව, දක්ෂ පරිසර ඡායාරූප ශිල්පියෙකු ලෙස ද ක්ෂේත්‍රයේ කටයුතු කළේය. 

​ඒ මහතාගේ දේහය මේ වන විට ගාල්ල, වක්වැල්ල පාරේ පිහිටි ඒ මහතාගේ නිවසේ තැන්පත් කර ඇති අතර, අවසන් කටයුතු අද (08) පස්වරු 6.00 ට ගාල්ල දඩල්ල පොදු ආදාහනාගාරයේදී සිදු කිරීමට නියමිතව ඇත. ​
### නෞකාවට ප්‍රහාර එල්ල කිරීම පිළිබඳ ඇමරිකාවට පසුතැවෙන්න වෙයි - ඉරානයෙන් අනතුරු ඇඟවීමක්
URL: https://www.citizen.lk/america-will-regret-attacking-the-ship-iran-warns/
Last updated: 2026-03-05T15:53:23.000Z
March 05 (Citizen.lk News) - ඉන්දියන් සාගරයේදී ඉරාන යුද නෞකාවකට ටෝර්පිඩෝ ප්‍රහාර එල්ල කර ගිල්වා දැමීම සම්බන්ධයෙන් අමෙරිකා එක්සත් ජනපදය 'දරුණු ලෙස පසුතැවෙනු' ඇති බවට ඉරාන විදේශ අමාත්‍ය අබ්බාස් අරග්චි අනතුරු අඟවා තිබෙනවා.

සිය 'X' ගිණූමේ සටහනක් තබමින් ඔහූ සඳහන් කරන්නේ, “මා පවසන මේ වදන මතක තබා ගන්න. අමෙරිකාව තමන් විසින් සිදුකළ මේ දෙය ගැන දරුණු ලෙස පසුතැවෙනු ඇති” බවයි.

ඔහු පෙන්වා දෙන්නේ, අමෙරිකාව ඉරාන වෙරළේ සිට සැතපුම් 2,000 ක් ඈතින් මුහුදේ දී මහා අපරාධයක් සිදුක ඇති බවත්, ඉන්දීය නාවික හමුදාවේ අමුත්තෙකු ලෙස පැමිණි, නාවිකයන් 130 කට ආසන්න පිරිසක් රැගත් Iris Dena නෞකාවට ජාත්‍යන්තර මුහුදේ දී කිසිදු අනතුරු ඇඟවීමකින් තොරව ප්‍රහාර එල්ල කර ඇති බවය.

![](https://www.citizen.lk/content/images/2026/03/image-1.png)
### ඊශ්‍රායලයේ බෙන් ගුරියොන් ගුවන්තොටුපළ නැවත විවෘත කෙරේ
URL: https://www.citizen.lk/israels-ben-gurion-airport-reopens/
Last updated: 2026-03-05T08:25:44.000Z
March 05 (Citizen.lk News) - ඊශ්‍රායලයේ ප්‍රධාන ගුවන්තොටුපළ වන බෙන් ගුරියොන් ගුවන්තොටුපළ නැවත විවෘත කර ඇති බවට විදෙස් වාර්තා සඳහන් කරනවා.

ඉරානයට එරෙහිව අමෙරිකාව සහ ඊශ්‍රායලය ඒකාබද්ධ ප්‍රහාර ආරම්භ කිරීමත් සමඟ පසුගිය සෙනසුරාදා වසා දැමූ බෙන් ගුරියොන් ගුවන්තොටුපළ දින 5කට පසු මෙලෙස නැවත විවෘත කෙරුණා.
### ඇමති විජිත අද ඉන්දියාවට
URL: https://www.citizen.lk/minister-vijitha-to-india-today/
Last updated: 2026-03-05T08:24:26.000Z
March 05 (Citizen.lk News) - Raisina Dialogue 2026 සමුළුවට සහභාගීවීමට අමාත්‍ය විජිත හේරත් අද (05) ඉන්දියාව බලා පිටත්ව තිබෙනවා.

භූතානය, සයිප්‍රසය, මුරිසි දිවයින යන රටවල විදේශ අමාත්‍යවරුද මේ සමුළුව සඳහා සහභාගීවීමට නියමිතයි.

මෙම සංචාරය තුළදී කලාපීය ආරක්ෂාව සම්බන්ධයෙන් අමාත්‍යවරයා අදහස් හුවමාරු කරගනු ඇත.
### මතුගම වෙඩි තැබීමක්
URL: https://www.citizen.lk/shooting-in-matugama/
Last updated: 2026-03-05T06:32:06.000Z
March 05 (Citizen.lk News) - මතුගම, මතුගම කන්ද ප්‍රදේශයේ නිවසකට වෙඩි ප්‍රහාරයක් එල්ලවී තිබෙනවා.

ඊයේ (04) රාත්‍රී 11.30ට පමණ මෙම වෙඩි ප්‍රහාරය එල්ල වී ඇති බවයි පොලීසිය සඳහන් කළේ.

යතුරුපැදියකින් පැමිණි පුද්ගලයින් දෙදෙනෙකු විසින් එම නිවසේ ජනේලයට වෙඩි ප්‍රහාර කිහිපයක් එල්ල කොට පළාගොස් ඇත.

කෙසේවෙතත් සිද්ධියෙන් කිසිවෙකුටත් තුවාල සිදුව නොමැත.

මත්ද්‍රව්‍ය ආරවුලක් මත මෙම වෙඩි තැබීම සිදුව ඇති බවට පොලීසිය සැක පළ කරයි.
### රනිල් ඉරාන තානාපති කාර්යාලයට යයි
URL: https://www.citizen.lk/ranil-visits-iranian-embassy/
Last updated: 2026-03-05T06:26:43.000Z
March 05 (Citizen.lk News) - ඉරානයේ උත්තරීතර නායක අයතුල්ලා අලි කාමේනිගේ අභාවය පිළිබඳ ශෝකය පළ කිරීමට හිටපු ජනාධිපති රනිල් වික්‍රමසිංහ අද (05) උදෑසන ඉරාන තානාපති කාර්යාලය වෙත ගොස් තිබෙනවා.

එහිදී රනිල් වික්‍රමසිංහ ශෝක පණිවුඩයක් සටහන් කර ඇති අතර, අනතුරුව තානාපති කාර්යාලයේ නිලධාරීන් වෙත සිය ශෝකය පළ කර තිබෙනවා.

ඉරාන නායකයාගේ අභාවය පිළිබඳ ශෝකය පළ කිරීමට මේ වනවිට කොළඹ පිහිටි ඉරාන තානාපති කාර්යාලයේ විශේෂ වැඩසටහනක් ක්‍රියාත්මක කර ඇත.
### බලශක්ති ක්ෂේත්‍රයේ දැවැන්ත නවීකරණයක්: ව්‍යාපෘති 07ක් සඳහා රජයෙන් බිලියන 30ක ආයෝජනයක්
URL: https://www.citizen.lk/government-invests-30-billion-in-7-projects/
Last updated: 2026-03-04T16:51:18.000Z
March 04 (Citizen.lk News) - ශ්‍රී ලංකාවේ බලශක්ති සුරක්ෂිතතාව තහවුරු කරමින් සහ ඉන්ධන ගබඩා පද්ධතිය නවීකරණය කරමින් රුපියල් බිලියන 30කට අධික පිරිවැයක් සහිත යටිතල පහසුකම් සංවර්ධන ව්‍යාපෘති හතක් රජය විසින් ආරම්භ කර ඇත. 

### **කොළොන්නාවට නව තෙල් ටැංකි 08ක්**

කොළොන්නාව තෙල් ගබඩා පර්යන්තයේ මෙට්‍රික් ටොන් 86,000ක ධාරිතාවයකින් යුත් නව ටැංකි 08ක් රුපියල් බිලියන 05ක වියදමින් ඉදිකෙරේ. 

### මුතුරාජවෙල නව ගබඩා සංකීර්ණය

මුතුරාජවෙල ප්‍රදේශයේ මෙට්‍රික් ටොන් 44,000ක ධාරිතාවකින් යුත් නව ගබඩා සංකීර්ණයක් රුපියල් බිලියන 3.5ක ආයෝජනයෙන් ඉදිකිරීමට නියමිත අතර එහි ටෙන්ඩර් කටයුතු මේ වන විට අවසන් අදියරේ පවතිනවා.

### මුතුරාජවෙල සිට කටුනායක දක්වා නව නල මාර්ගයක් 

කටුනායක ගුවන් තොටුපළ වෙත බාධාවකින් තොරව ඉන්ධන සැපයීම සඳහා මුතුරාජවෙල සිට නව නල මාර්ගයක් සහ මෙට්‍රික් ටොන් 63,000ක ගබඩා සංකීර්ණයක් ඉදි කෙරේ. රුපියල් බිලියන 16ක ඇස්තමේන්තු ගත පිරිවැයක් සහිත මෙම ව්‍යාපෘතිය මගින් වර්තමාන ඉල්ලුමට අනුව, දින 40 කට වඩා වැඩි කාලයකට අවශ්‍ය ගුවන්යානා ඉන්ධන ගබඩා කර තබා ගැනීමේ හැකියාව ලැබෙනු ඇත. මෙමගින් රට තුළ දින 40කට අධික කාලයකට අවශ්‍ය ගුවන්යානා ඉන්ධන (Jet A-1) තොග රඳවා තබා ගැනීමේ හැකියාව හිමි වනු ඇති.

### ත්‍රිකුණාමලයේ තෙල් ගබඩා සංකීර්ණය ප්‍රතිසංස්කරණය

ත්‍රිකුණාමලය තෙල් ගබඩා සංකීර්ණයේ පළමු අදියර යටතේ තෝරාගත් ටැංකි 04ක් ප්‍රතිසංස්කරණය කෙරෙන අතර, ඉන් ටැංකි 02ක වැඩ කටයුතු මේ වන විට අවසන්ව ඇත. මුහුදේ සිට ගොඩබිමට ඉන්ධන ප්‍රවාහනය සඳහා රුපියල් බිලියන 7.37ක පිරිවැයකින් නව නල පද්ධතියක් ඉදිකිරීමට ටෙන්ඩර් කැඳවා ඇත. මෙම ප්‍රතිසංස්කරණය සම්පූර්ණ වීමෙන් පසු මෙට්‍රික් ටොන් 40,000 ක අතිරේක ගබඩා ධාරිතාවක් පද්ධතියට එක්වෙනු ඇත.

### ගැන්ට්‍රි පද්ධතිය ස්වයංක්‍රීය කිරීම

සමස්ත ගැන්ට්‍රි පද්ධතිය (Gantry System) ස්වයංක්‍රීය කිරීම හරහා නෞකා ප්‍රමාද ගාස්තු අවම කර ගනිමින්, තෙල් ගොඩබෑමට ගතවන දින 05ක කාලය දින 02 දක්වා අඩු කිරීමට රජය අපේක්ෂා කරයි. මෙම ව්‍යාපෘතිය රුපියල් බිලියන 1.5ක ඇස්තමේන්තුගත පිරිවැයකින් සමන්විත වෙයි.

### කොළොන්නාව සිට වරාය දක්වා නව තෙල් නල මාර්ගය

කොළොන්නාව සිට වරාය දක්වා දැනට පවතින, වසර 90කට වඩා පැරණි පද්ධතිය නිතර තෙල් කාන්දුවීම්වලට ලක්වීම හේතුවෙන් ඒ වෙනුවට අඟල් 14 සහ අඟල් 18 ප්‍රමාණයේ නව නල මාර්ග දෙකක් එළීමට රජය තීරණය කර ඇත. රුපියල් බිලියන 12.8ක ඇස්තමේන්තුගත පිරිවැයක් සහිත මෙම දැවැන්ත ව්‍යාපෘතිය සඳහා ඉදිරියේදී ටෙන්ඩර් කැඳවීමට නියමිතය.

### කොළොන්නාව සිට කැලණිතිස්ස දක්වා නව නැප්තා (Naphtha) නල මාර්ගය

කොළොන්නාව සිට කැලණිතිස්ස දක්වා ඉන්ධන සැපයෙන පැරණි නල පද්ධතිය වෙනුවට රුපියල් බිලියන 1.5ක ආයෝජනයෙන් නව නැප්තා (Naphtha) නල මාර්ගයක් ඉදිකිරීමට කටයුතු යොදා ඇත. මෙම ව්‍යාපෘතිය හරහා අනතුරු වළක්වා ගනිමින් වඩාත් කාර්යක්ෂම ඉන්ධන සැපයුමක් සහතික කෙරෙන අතර, මේ සඳහා දැනටමත් ටෙන්ඩර් කැඳවා එහි අවසන් අදියරේ පවතින බවයි සඳහන් වන්නේ.

මුලාශ්‍රය: රජයේ ප්‍රවෘත්ති දෙපාර්තමේන්තුව
### ජාත්‍යන්තර මූල්‍ය අරමුදලෙන් අනතුරු ඇඟවීමක්
URL: https://www.citizen.lk/a-warning-from-the-international-monetary-fund/
Last updated: 2026-03-04T08:58:38.000Z
March 04 (Citizen.lk News) - මැදපෙරදිග කලාපයේ වේගයෙන් ව්‍යාප්ත වන යුදමය වාතාවරණය හේතුවෙන් ලෝක වෙළෙඳාමට සහ ආර්ථික ක්‍රියාකාරකම්වලට එල්ල වී ඇති බාධා පිළිබඳව ජාත්‍යන්තර මූල්‍ය අරමුදල දැඩි කනස්සල්ල පළ කර තිබෙනවා.

නිවේදනයක් නිකුත් කරමින් එම ආයතනය සඳහන් කරන්නේ වත්මන් තත්ත්වය හේතුවෙන් දැනටමත් ගෝලීය වෙළඳ ගලායාම්වලට බාධා පැමිණ ඇති අතර බලශක්ති මිල ගණන් ඉහළ යාම සහ මූල්‍ය වෙළඳපොළේ දැඩි අස්ථාවරත්වයක් නිර්මාණය වී ඇති බවයි.

මෙම අර්බුදය දැනටමත් පවතින අවිනිශ්චිත ගෝලීය ආර්ථික වාතාවරණය තවදුරටත් සංකීර්ණ කරන බව IMF ආයතනය පෙන්වා දෙන අතර මෙම ගැටුම මැදපෙරදිග කලාපයට හෝ සමස්ත ලෝක ආර්ථිකයට සිදු කරන පූර්ණ බලපෑම තක්සේරු කිරීමට තවමත් කල් වැඩි බවත්, එහි අවසන් ප්‍රතිඵලය තීරණය වන්නේ ගැටුමේ ප්‍රමාණය සහ එය පවතින කාල සීමාව මත බවත් ඔවුන් වැඩිදුරටත් අවධාරණය කරනවා.
### හෝමූස් හරහා යන තෙල් නැව්වලට  ට්‍රම්ප්ගෙන් ආරක්ෂාව
URL: https://www.citizen.lk/trump-offers-protection-to-oil-tankers-passing-through-the-strait-of-hormuz/
Last updated: 2026-03-04T08:00:36.000Z
March 04 (Citizen.lk News) - අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කරන්නේ හෝමූස් සමුද්‍ර සන්ධිය හරහා තෙල් ප්‍රවාහන නෞකා සඳහා ආරක්ෂාව සැපයීමට රැගෙන යාමට අමෙරිකානු නාවික හමුදාව සූදානම් බවයි.

සමාජ මාධ්‍ය ඔස්සේ සටහනක් තබමින් ඔහු සඳහන් කරන්නේ සමුද්‍රීය වෙළෙඳාම සඳහා ගල්ෆ් හරහා ගමන් කරන බලශක්ති නැව් සඳහා දේශපාලන අවදානම් රක්ෂණයක් සහ මූල්‍ය ආරක්ෂක සහතික ලබා දෙන ලෙස එක්සත් ජනපද සංවර්ධන මූල්‍ය සංස්ථාවට උපදෙස් ලබා දී ඇති බවයි.
### ප්‍රදේශ කිහිපයක වායු ගුණාත්මකභාවය අහිතකර මට්ටමට
URL: https://www.citizen.lk/air-quality-in-several-areas-reaches-unhealthy-levels/
Last updated: 2026-03-04T07:47:28.000Z
March 04 (Citizen.lk News) - ප්‍රදේශ කිහිපයක වායු ගුණාත්මකභාවය සෞඛ්‍යයට අහිතකර මට්ටම දක්වා පහත වැටී තිබෙනවා.

කොලොන්නාව, කෝට්ටේ, කෑගල්ල සහ ගාල්ල යන ප්‍රදේශවල මෙලෙස වායු ගුණාත්මකභාවය පහත වැටී ඇති බවයි වාර්තා වන්නේ.

මේ හේතුවෙන් ශ්වසන අපහසුතා ඇති පුද්ගලයන් සැලකිලිමත් වන ලෙසයි වැඩිදුරටත් දැනුම් දී තිබෙනවා.
### ජාත්‍යන්තර මුහුදේදී අනතුරට ලක්වූ ඉරාන නාවික හමුදාවට අයත් නෞකාවේ සිටි 30 දෙනෙකු බේරා ගැනේ
URL: https://www.citizen.lk/30-people-rescued-from-iranian-navy-ship-that-capsized-in-international-waters/
Last updated: 2026-03-04T07:44:53.000Z
March 04 (Citizen.lk News) - ගාල්ල වරායට නාවික සැතපුම් 40 ක් පමණ දුරින් අනතුරකට ලක් වූ ඉරාන නාවික හමුදාවට අයත් නෞකාවක සිටි 30 දෙනෙකු පමණ මේ වන විට බේරාගෙන ගොඩබිමට රැගෙන එමින් ඇති බව වාර්තා වනවා.

ඒ අනුව, ඔවුන් ගාල්ල කරාපිටිය රෝහල වෙත රැගෙන යාමට අවශ්‍ය කටයුතු සූදානම් කර ඇති බවයි ආරක්ෂක අමාත්‍යාංශය වැඩිදුරටත් ප්‍රකාශ කරන්නේ.
### රන්මිල ඉහළට
URL: https://www.citizen.lk/gold-price-rises/
Last updated: 2026-03-03T08:28:43.000Z
March 03 (Citizen.lk News) - මැදපෙරදිග උද්ගතව ඇති යුධමය තත්ත්වය හමුවේ ගෝලීය වෙළෙඳපොළේ රත්‍රං අවුන්සයක මිල අද (03) පෙරවරුව වන විට ඩොලර් 5,350 සීමාව පසු කර ඇත.

මෙම තත්ත්වය තුළ මෙරට රන්මිල ද අද රු. 15,000/= ඉහල ගොස් ඇත.

ඒ අනුව, කොළඹ හෙට්ටි වීදිය රන් වෙළෙඳපොළෙහි කැරට් 22 රන් පවුමක මිල රු. 393,000 ක් දක්වා ඉහළ ගොස් ඇති අතර කැරට් 24 රන් පවුමක මිල රු. 425,000 ක් දක්වා ඉහළ ගොස් ඇති බව වෙළෙඳපොළ ආරංචි මාර්ග සඳහන් කරනවා.
### මැදපෙරදිග ශ්‍රී ලාංකිකයින් වෙනුවෙන් හදිසි ප්‍රතිචාර ඒකකයක්
URL: https://www.citizen.lk/emergency-response-unit-for-sri-lankans-in-the-middle-east/
Last updated: 2026-03-03T07:28:34.000Z
March 03 (Citizen.lk News) - මැදපෙරදිග පවතින තත්වයන්ට අදාළ කටයුතු සම්බන්ධීකරණය සඳහා විදේශ කටයුතු,විදේශ රැකියා සහ සංචාරක අමාත්‍යංශය හදිසි ප්‍රතිචාර ඒකකයක් ස්ථාපිත කර තිබෙනවා.

මෙම හදිසි ප්‍රතිචාර ඒකකය දිනපතා පෙ.ව.8.00 සිට ප.ව.8.00 දක්වා ක්‍රියාත්මක වන බව සඳහන් වනවා.

හදිසි ප්‍රතිචාර ඒකකය - +94117445641 , +94112207250  
Whatsapp හරහා - +940777189552  
ශ්‍රී ලංකා විදේශ රැකියා කාර්‍යංශය - +94719802822  
ක්ෂණික දුරකථන අංකය - 1989  
විද්‍යුත් තැපෑල - emergency.sl@mfa.gov.lk
### මෙලනියා ට්‍රම්ප් ඉතිහාසගත වෙයි
URL: https://www.citizen.lk/melania-trump-makes-history/
Last updated: 2026-03-03T07:13:56.000Z
March 03 (Citizen.lk News) - ඉරානයට එල්ල වන අමෙරිකානු හමුදා ප්‍රහාර නිසා සන්නද්ධ ගැටුම්වලට මැදි වූ දරුවන් සහ ඔවුන්ගේ අධ්‍යාපනය පිළිබඳව නිව්යෝර්ක් නුවර පැවැති එක්සත් ජාතීන්ගේ ආරක්ෂක මණ්ඩල රැස්වීමේ මුලසුන අමෙරිකානු ජනාධිපති ආර්යාව වන මෙලනියා ට්‍රම්ප් විසින් හොබවා ඇති බව වාර්තා වනවා.

ලෝක නායකයකුගේ බිරිඳක් හෝ ස්වාමිපුරුෂයකු මෙවැනි ආරක්ෂක මණ්ඩල රැස්වීමක මුලසුන හෙබවූ ප්‍රථම අවස්ථාව ලෙස මෙය ඉතිහාසයට එක් වන අතර මෙම මස එක්සත් ජාතීන්ගේ ආරක්ෂක මණ්ඩලයේ වාරික සභාපතිත්වය අමෙරිකා එක්සත් ජනපදයට හිමිව තිබීම හේතුවෙන්, ඇය අමෙරිකාව වෙනුවෙන් මෙම අවස්ථාවට එක්ව ඇති බවයි විදෙස් මාධ්‍ය වැඩිදුරටත් වාර්තා කරන්නේ.
### 2027 වසරේ සිට 6 ශ්‍රේණිය සඳහා නව අධ්‍යා­පන ප්‍රති­සං­ස්ක­රණ
URL: https://www.citizen.lk/new-education-reforms-for-grade-6-from-2027/
Last updated: 2026-03-03T07:06:09.000Z
March 03 (Citizen.lk News) - ඌව වෙල්ලස්ස දෙදි­සාවේ ප්‍රධාන සංඝ­නා­යක යුද­ග­නාව රාජ­මහා විහා­රා­ධි­පති රාජ­කීය පණ්ඩිත ගල්ටැ­ම්වත්තේ නන්ද­ර­තන නායක හිමි­යන් බැහැ­දුටු අව­ස්ථා­වේදී 2027 වසරේ සිට 6 ශ්‍රේණිය සඳහා නව අධ්‍යා­පන ප්‍රති­සං­ස්ක­රණ හඳුන්වා දීමට කට­යුතු කරන බව අග­මැති ආචාර්ය හරිනි අම­ර­සූ­රිය ප්‍රකාශ කර තිබෙනවා.

නව පෙළ­පොත් මුද්‍රණ කට­යුතු අධ්‍යා­පන අමා­ත්‍යාං­ශයේ ප්‍රකා­ශන දෙපා­ර්ත­මේ­න්තුව වෙත ලබා­දී­මට කට­යුතු කරන බවත් පළාත් පාස­ල්වල යටි­තල පහ­සු­කම් සංව­ර්ධ­න­යට අවශ්‍ය ප්‍රති­පා­දන සියලු පළාත් වෙත ලබාදී ඇති බවත් එම ප්‍රති­පා­දන නිසි ලෙස පාසල් සංව­ර්ධ­න­යට යොදා­ගන්නා ලෙසත්, ඒ අනුව පාස­ල්වල පව­තින අඩු­පාඩු සකස් කර­ගැ­නීම සඳහා ඉල්ලීම් ඉදි­රි­පත් කරන ලෙසත් අග­මැ­ති­නිය මෙහිදී වැඩිදුරටත් සඳහන් කර තිබෙනවා.

එසේම වෘත්තීය අධ්‍යා­ප­න­යට නිසි පිළි­ගැ­නී­මක් ලබා­දෙ­මින් දිස්ත්‍රික්ක 25ම ආව­ර­ණය වන පරිදි නවීන පාඨ­මා­ලා­ව­න්ගෙන් යුතු වෘත්තීය අධ්‍යා­පන මධ්‍ය­ස්ථාන 50ක් සංව­ර්ධ­නය කිරී­මට කට­යුතු කරන බව ද දක්වා තිබෙනවා.

![](https://www.citizen.lk/content/images/2026/03/645473561_1507835828008181_9117990374775990783_n-1.jpg)

![](https://www.citizen.lk/content/images/2026/03/645473561_1507835828008181_9117990374775990783_n.jpg)

![](https://www.citizen.lk/content/images/2026/03/644340845_1507836048008159_525872011867508853_n.jpg)
### ශ්‍රී ලංකා ගුවන් හමුදාවට අභිමානවත් 75 වසරක් සපිරෙයි
URL: https://www.citizen.lk/sri-lanka-air-force-celebrates-75th-anniversary/
Last updated: 2026-03-03T09:21:01.000Z
March 02 (Citizen.lk News) - "සුරකිමු ලකඹර" උදෘත පාඨය පෙරදැරි කරගනිමින් මෙරට ගුවන් තලය සුරකින ශ්‍රී ලංකා ගුවන් හමුදාව, සිය අභිමානවත් 75 වන සංවත්සරය අද (02) දින කටුනායක ගුවන් හමුදා කඳවුරේදී උත්කර්ෂවත් අයුරින් සමරනු ලැබුවා.

ගුවන් හමුදාධිපති එයාර් මාර්ෂල් බන්දු එදිරිසිංහගේ ප්‍රධානත්වයෙන් පැවැති මෙම සැමරුම් උත්සවයේදී හමුදා සම්ප්‍රදායානුකූල ආචාර පෙළපාලියක් පවත්වන ලද අතර, 75 වන සංවත්සරය සනිටුහන් කරමින් විශේෂ සමරු මුද්දරයක් නිකුත් කිරීම ද මෙහිදී සිදු කෙරුණා.

![](https://english.citizen.lk/content/images/2026/03/image.png)

සංවත්සර උළෙලට සමගාමීව කැඩෙට් නිලධාරීන් සහ නිලධාරිනියන් 43 දෙනෙකු අධිකාරියට පත් කිරීම ගුවන් හමුදාධිපතිවරයා අතින් සිදු විය. එහිදී අධිකාරියට පත් නිලධාරීන් දෙදෙනෙකු වෙත පියාසර නිල ලාංජන පැළඳවීම ද විශේෂත්වයකි.

### **අභිමානවත් ඉතිහාසය**

1951 මාර්තු 02 වන දින 'රාජකීය ලංකා ගුවන් හමුදාව' ලෙස ස්ථාපිත වූ මෙම බලකාය, 1972 මැයි 22 වන දින ශ්‍රී ලංකාව ජනරජයක් වීමත් සමඟ 'ශ්‍රී ලංකා ගුවන් හමුදාව' බවට පත් විය. වසර 75 ක කාලය තුළ ගුවන් හමුදාධිපතිවරුන් 20 දෙනෙකුගේ නායකත්වය යටතේ මෙරට ගුවන් ආරක්ෂාව මෙන්ම ජාතික විපත්වලදී මානුෂීය මෙහෙයුම් සහ ජාත්‍යන්තර සාමසාධක රාජකාරි සඳහා ද ගුවන් හමුදාව සුවිශේෂී දායකත්වයක් ලබා දී ඇත.

නූතන තාක්ෂණික දැනුමෙන් සහ වෘත්තීය පරිණතභාවයෙන් හෙබි විනයගරුක හමුදාවක් ලෙස ඉදිරියටත් මාතෘ භූමිය සුරක්ෂිත කිරීමට තමන් නිරතුරුවම සූදානම් බව ගුවන් හමුදාව මෙහිදී යළිත් අවධාරණය කර සිටියා.
### ඉරාන ප්‍රහාරවලින් එක්සත් අරාබි එමීර් රාජ්‍යයේ වෙසෙන ශ්‍රී ලාංකිකයන්ට තුවාල
URL: https://www.citizen.lk/sri-lankans-living-in-the-uae-injured-in-iranian-attacks/
Last updated: 2026-03-02T04:36:33.000Z
ඉරානය එක්සත් අරාබි එමීර් රාජ්‍යයට සිදු කරන ප්‍රහාර හේතුවෙන් ශ්‍රී ලාංකිකයන් ඇතුළු  
පුද්ගලයන් 58 දෙනෙකු සුළු තුවාල ලබා ඇති බව එක්සත් අරාබි එමීර් රාජ්‍යයේ ආරක්ෂක අමාත්‍යාංශය තහවුරු කරනවා.

එම අමාත්‍යංශය නිකුත් කළ x පණිවිඩයේ දැක්වුණේ මෙම ප්‍රහාර නිසා පුද්ගලයන් තිදෙනෙකු ජීවිතක්ෂයට පත්ව ඇති අතර ඔවුන් පාකිස්තාන, නේපාල සහ බංග්ලාදේශ ජාතිකයන් බවයි වාර්තා වන්නේ.

ප්‍රහාරවල සුන්බුන් පතිත වීම නිසා සිවිල් දේපළවලට යම් හානි සිදුව ඇති බවත්, තත්ත්වය පාලනය කිරීමට එරට ගුවන් ආරක්ෂක පද්ධති උපරිම ලෙස ක්‍රියාත්මක වන බව එක්සත් අරාබි එමීර් රාජ්‍යයේ ආරක්ෂක අමාත්‍යාංශය නිකුත් කළ නිවේදනය සඳහන්.

ප්‍රහාරයේ දත්ත සාරාංශය:

- බලිස්ටික් මිසයිල: 165ක් හඳුනාගෙන ඇති අතර ඉන් 152ක් ගුවනේදීම විනාශ කර ඇත. (13ක් මුහුදට වැටී ඇත)
- ඩ්‍රෝන යානා: 541ක් එල්ල කර ඇති අතර 506ක් සාර්ථකව මර්දනය කර ඇත.
- ක්‍රෲස් මිසයිල: 02ක් හඳුනාගෙන විනාශ කර ඇත.
### 🇺🇸🇮🇷 ට්‍රම්ප් , ඉරාන අධ්‍යාත්මික නායකයා ඝාතනය : ඉඟුරු දී මිරිස් ගත්තා වැන්නක් වේවිද ?
URL: https://www.citizen.lk/trump-assassination-of-iranian-spiritual-leader-will-it-be-like-giving-up-ginger-and-getting-chili/
Last updated: 2026-05-28T10:37:14.000Z
March 01 (Citizen.lk News) - බටහිරට ගැති නායකයෙකු පත් කර ගැනීම උදෙසා ඇමෙරිකාව ඉරානයේ අධ්‍යාත්මික නායකයා ඝාතනය කළ ද එය එසේ සිදුවීමට ඇති සම්භාවිතාව ඉතා අවම බව පෙනේ.

සිය නායකයා මිය යාමට පෙර ඔහුට විරුද්ධව එරට තුළ උද්ඝෝෂණ දැඩි වුවත් මේ වන විට එරට සිටින විදෙස් ප්‍රවෘත්ති වාර්තාකරුවන් පවසන්නේ රට තුළ බෙදුණු මතයක් නිර්මාණය වී ඇති බවයි.

ඉස්ලාම් ආගමෙන් සිරකර ඈති සීමා බිඳ දමා වැඩි නිදහසක් ඉල්ලා සිටින තරුණ ජනතාව අලුත් පාලනයක් ඉල්ලමින් පෙර නායකයා මිය යාම ගැන සතුට පළ කරමින් ප්‍රීති ඝෝෂා නැගුවද ඒ හා සමාන හෝ ඊට වැඩි ජන කොට්ඨාසයක් සිය නායකයා ඇමෙරිකාව මරා දැමීම ගැන දැඩි වෛරයකින් පසුවේ.

![](https://www.citizen.lk/content/images/2026/03/WhatsApp-Image-2026-03-01-at-2.04.14-PM.jpeg)

![](https://www.citizen.lk/content/images/2026/03/WhatsApp-Image-2026-03-01-at-2.04.13-PM-1.jpeg)

මේ නිසා එරට තුළ පවතින පාලනයට විරුද්ධව ජන අරගලයක් ඇතිවීම යන්න ඉතා අවම සම්භාවිතාවක ඇත. (ඊට තවත් හේතු මෙම ලිපියේ අවසානයට ඇත)

නමුත් ට්‍රම්ප් තවමත් උත්සාහ කරමින් සිටින්නේ ඉරානය තුළ අරගලයක් ඇතිකර පවතින රජය පෙරලා දමා තමන්ට හිතැති නායකයෙක් පත්කර ගැනීමටයි. ඒ සඳහා ඔහු එරට ජනතාව උසිගන්වමින් සිටි. " Take Over Your Government" ලෙස පණිවිඩ යවමින් ඔහු එරට ජනතාවගෙන් ඉල්ලා සිටින්නේ ' තමන් අවශ්‍ය දේ සිදුකර ඇති බවත් මෙය නව රජයක් ඇතිකර ගැනීම සඳහා අවස්ථාවක් ලෙස භාවිතා කරමින් කටයුතු කරන ලෙසයි.

නමුත් රට දේශපාලන ව්‍යුහය නව නායකයෙක් පත්කර ගැනීම යන කාරණා විශ්ලේෂණය කළ විට පෙනෙන්නේ ට්‍රම්ප්ගේ සිහිනය ඉෂ්ට කර ගැනීම ඉතා අපහසු බවය.

පහතින් ඊට හේතු කාරණා මා පැහැදිලි කරමි.

ඉරානයේ උත්තරීතර නායක අයතුල්ලා අලි කමේනිගේ අභාවයෙන් පසු නව නායකයා ඇමරිකානු හිතවාදියෙකු වීමට ඇති ඉඩකඩ ඉතා අවම මට්ටමක පවතී. ඒ සඳහා ප්‍රධාන හේතු කිහිපයක් :

1. වත්මන් පාලන පද්ධතිය  
ඉරානයේ පාලන ව්‍යුහය සකස් කර ඇත්තේ බටහිර විරෝධී මතවාදයක් මතය. මේ වන විට එරට පාලනය මෙහෙයවන තාවකාලික කවුන්සිලය සහ ඉරාන විප්ලවීය ආරක්ෂක බලකාය (IRGC) ඉතා දැඩි මතධාරීන්ගෙන් සමන්විත වේ. ඔවුන් කිසිසේත්ම ඇමරිකානු හිතවාදී නායකයෙකුට බලයට පත්වීමට ඉඩ නොදෙනු ඇත.
2. අනුප්‍රාප්තිකයා කවුරු විය හැකිද?  
ඊළඟ උත්තරීතර නායකයා තෝරා පත් කර ගන්නා 'විශේෂඥ මණ්ඩලය' (Assembly of Experts) විසින් සලකා බලනු ලබන ප්‍රධාන පුද්ගලයින් සියලු දෙනාම පාහේ දැඩි මතධාරීන් වේ:
- මොජ්තාබා කමේනි (අලි කමේනිගේ පුත්‍රයා): මොහු ආරක්ෂක අංශ සමඟ සමීප සබඳතා පවත්වන අතර තම පියාගේ දැඩි ප්‍රතිපත්ති එලෙසම ඉදිරියට ගෙන යනු ඇතැයි සැලකේ.
- අලිරේසා අරාෆි: මොහු බටහිර විරෝධී මතවාදයන් දැඩිව ආරක්ෂා කරන ප්‍රබල පූජකවරයෙකි.
1. වත්මන් යුධමය තත්ත්වය  
ඇමරිකානු සහ ඊශ්‍රායල ප්‍රහාර හමුවේ ඉරාන නායකයා මියයාම හේතුවෙන්, එරට තුළ ඇමරිකානු විරෝධය වෙනදාටත් වඩා දැඩි වී ඇත. මෙවන් මොහොතක ඇමරිකාවට සහය දක්වන නායකයෙකුට පාලනය නතු කර ගැනීම දේශපාලනිකව කළ නොහැක්කකි.
2. ඇමරිකානු හිතවාදී නායකයෙකු පැමිණිය හැකි එකම මග

ඇමරිකානු හිතවාදී නායකයෙකු බලයට පත්වීමට නම් වත්මන් 'ඉස්ලාමීය සමූහාණ්ඩු' පාලන ක්‍රමය සම්පූර්ණයෙන්ම බිඳ වැටී ජනතා විප්ලවයකින් නව රජයක් පිහිටුවිය යුතුය. දැනට වීදි බැස සිටින විරෝධතාකරුවන් එවැනි වෙනසක් අපේක්ෂා කළද, හමුදාව තවමත් පාලනය තදින් අල්ලාගෙන සිටී.

සාරාංශය:  
ඉදිරියේදී පත්වන නායකයා බොහෝ විට හමුදා බලය සහිත දැඩි මතධාරියෙකු වනු ඇත. ඔවුන් ඇමරිකාව සමඟ වඩාත් දැඩි ගැටුම්කාරී පිළිවෙතක් අනුගමනය කිරීමට ඉඩ ඇත.
### ගුවන් හමුදා 75 වන සංවත්සරයට සමගාමීව මඩකලපුවේ පාසලකට නව පරිගණක මධ්‍යස්ථානයක්
URL: https://www.citizen.lk/a-new-computer-center-for-a-school-in-batticaloa-in-conjunction-with-the-75th-anniversary-of-the-air-force/
Last updated: 2026-02-25T06:26:40.000Z
February 25 (Citizen.lk News) - ශ්‍රී ලංකා ගුවන් හමුදාවේ අභිමානවත් 75 වන සංවත්සරය සැමරීමේ වැඩසටහන් මාලාවට සමගාමීව, මඩකලපුව කොඩ්ඩයිමුනයි කනිෂ්ඨ විද්‍යාලයේ සිසුන් වෙනුවෙන් ඉදිකළ අංගසම්පූර්ණ නව තොරතුරු තාක්ෂණ (IT) පරිගණක මධ්‍යස්ථානය පසුගිය 23 වනදා සිසු අයිතියට පත් කෙරුණා.

ගුවන් හමුදාධිපති එයාර් මාර්ෂල් බන්දු එදිරිසිංහගේ මඟපෙන්වීම යටතේ ගුවන් හමුදා තොරතුරු තාක්ෂණ අංශය විසින් මෙම ව්‍යාපෘතිය ක්‍රියාත්මක කරන ලදී.

 ග්‍රාමීය පාසල් දරුවන්ට නවීන තාක්ෂණික ඉගෙනුම් පරිසරයක් ලබාදීම මෙහි මූලික අරමුණයි.

මෙම නව පරිගණක විද්‍යාගාරය වායුසමීකරණය කරන ලද පරිශ්‍රයක ස්ථාපිත කර ඇති අතර, නවීන ඩෙස්ක්ටොප් පරිගණක 15ක්, UPS පද්ධති සහ අන්තර්ජාල පහසුකම්වලින් සමන්විත වනවා. මඩකලපුව රොටරි සමාජය විසින් මෙම විද්‍යාගාරයට අවශ්‍ය පරිගණක මේස සහ පුටු ලබා දෙමින් ව්‍යාපෘතියට දායකත්වය සපයා ඇත.

![](https://www.citizen.lk/content/images/2026/02/image-12.png)

පරිගණක මධ්‍යස්ථානය විවෘත කිරීමේ අවස්ථාවට ගුවන් හමුදා විද්‍යුත් හා තොරතුරු තාක්ෂණ ඉංජිනේරු අධ්‍යක්ෂ ජෙනරාල් එයාර් වයිස් මාර්ෂල් අසිත හෙට්ටිආරච්චි සහ තොරතුරු තාක්ෂණ අධ්‍යක්ෂ ගෘප් කැප්ටන් චානක සූරියආරච්චි මෙන්ම රොටරි සමාජයේ සාමාජිකයින්, විදුහල්පතිතුමා ඇතුළු ගුරු භවතුන් සහ සිසු දරු දැරියන් පිරිසක් ද මෙම අවස්ථාවට එක්ව සිටියා.

ගුවන් හමුදාවේ 75 වන සංවත්සරය වෙනුවෙන් මෙවැනි තොරතුරු තාක්ෂණ මධ්‍යස්ථාන දිවයින පුරා පිහිටි තවත් ග්‍රාමීය පාසල් කිහිපයක ස්ථාපිත කිරීමට ගුවන් හමුදාව සැලසුම් කර ඇත.
### ‘රටම එකට’ ජාතික මෙහෙයුමේ  උතුරේ වැඩසටහනට රජය  කෝටියක් වියදම් කරලා
URL: https://www.citizen.lk/the-government-has-spent-money-on-the-northern-program-of-the-national-campaign-rttm-ektt/
Last updated: 2026-02-25T05:59:55.000Z
February 25 (Citizen.lk News) - විෂ මත්ද්‍රව්‍ය උවදුර තුරන් කිරීම සඳහා රජය විසින් සංවිධානය කරන ලද ‘රටම එකට’ ජාතික මෙහෙයුමේ උතුරු පළාත් වැඩසටහන වෙනුවෙන් පමණක් රුපියල් කෝටියකට අධික මුදලක් වියදම් කර ඇති බව තොරතුරු දැනගැනීමේ පනත යටතේ අනාවරණය වී තිබෙනවා.

යාපනයේ නිදහස් මාධ්‍යවේදී ස්වර්ණලිංගම් වර්ණන් විසින් තොරතුරු දැනගැනීමේ පනත යටතේ යාපනය දිස්ත්‍රික් ලේකම් කාර්යාලයෙන් ලබාගත් දත්තවලට අනුව, 2026 ජනවාරි 16 වැනිදා ජනාධිපති අනුර කුමාර දිසානායකගේ ප්‍රධානත්වයෙන් යාපනය තාක්ෂණ විද්‍යාලයීය ක්‍රීඩා පිටියේ පැවති මෙම එක්දින වැඩසටහන සඳහා රජය රුපියල් 1,10,79,075.00ක මුදලක් වැය කර ඇත.

ලබාගෙන ඇති තොරතුරු අනුව වියදම් බෙදී ගොස් ඇත්තේ පහත පරිදිය:

ඒ අනුව, වැඩිම මුදලක් වියදම් කර ඇත්තේ, ශාලා පහසුකම් වෙනුවෙන් වන අතර එය රුපියල් 52,37,000.00 කි.  
  
රැස්වීමට බස් යොදවා පිරිස් කැඳවා තේපැන් සංග්‍රහයක් පැවැත්වීමට කෝටි බාගයකට වඩා වියදම් කර තිබෙනවා.  
  
තේ පැන් සංග්‍රහ කටයුතු වෙනුවෙන් රුපියල් 31,13,233.00 ක් වියදම් කර ඇති අතර සහභාගී වු ජනතාවගේ ප්‍රවාහන කටයුතු වෙනුවෙන් රුපියල් 23,43,885.00 ක මුදලක් වියදම් කර ඇත.  
  
උත්සවය සුදානම් කිරීමේ කටයුතු වෙනුවෙන් රුපියල් 1,18, 940.00 ක්, බැනර් සදහා රුපියල් 51,700.00ක්, පානීය ජලය හා වැසිකිලි පහසුකම් සදහා රුපියල් 36,890.00 ක් මෙන්ම පිළිගැනීමේ කටයුතු වෙනුවෙන් රුපියල් 23,375.00 ක් වියදම් කර තිබෙනවා.  
  
මීට අමතරව, වෙනත් වියදම් සඳහා රුපියල් 1,54,052.50 මුදලක් වියදම් කර ඇත. 

මෙම මත්ද්‍රව්‍ය මර්ධන ජාතික ව්‍යාපාරය අමතමින් ජනාධිපතිවරයා සඳහන් කර සිටියේ, 

> යුද්ධයෙන් පසු උතුරේ මව්පියන් සිය දරුවන් පිළිබඳව බියෙන් පසු වන්නේ මෙම මත්ද්‍රව්‍ය උවදුර නිසා බවත්, ජාති, ආගම් හෝ දරිද්‍රතාවය නොසලකා පැතිර යන මෙම උවදුර මුලිනුපුටා දැමීමේ ව්‍යාපාරය කිසිසේත් පසුපසට නොගන්නා බවත්, ඒ වෙනුවෙන් ජනතාව මහා ආරක්ෂක වළල්ලක් ලෙස එක්විය යුතු බවත් ය.
### “ප්‍රජාතන්ත්‍රවාදයට කළු පැල්ලමක්”: ඩයස්පෝරා බලපෑමට ඔක්ස්ෆර්ඩ් සහ කේම්බ්‍රිජ් යටත්වීම නුවරඑළිය දිස්ත්‍රික් SLPP නියෝජිත කරුපයියා රාමක්‍රිෂ්ණන්ගේ දැඩි දෝෂදර්ශනයට!
URL: https://www.citizen.lk/a-black-spot-on-democracy/
Last updated: 2026-02-24T18:18:23.000Z
February 24 (Citizen.lk News) - පාර්ලිමේන්තු මන්ත්‍රී නාමල් රාජපක්ෂ එක්සත් රාජධානියේ ඔක්ස්ෆර්ඩ් (Oxford) සහ කේම්බ්‍රිජ් (Cambridge) යන විශ්වවිද්‍යාල සංගම්වල පැවැත්වීමට නියමිතව තිබූ දේශන දෙමළ ඩයස්පෝරාවේ විරෝධතා හේතුවෙන් අවලංගු කිරීම පිළිබඳව නුවරඑළිය දිස්ත්‍රික් ශ්‍රී ලංකා පොදුජන පෙරමුණේ (SLPP) නියෝජිත කරුපයියා රාමක්‍රිෂ්ණන් සිය දැඩි විරෝධය පළ කර තිබෙනවා.

  
ඔහු නිකුත් කළ නිවේදනයේ ප්‍රධාන කරුණු මෙසේය:

### **මහින්ද රාජපක්ෂ යුද්ධය නිමා කිරීම අගය කළ යුතුයි.**

හිටපු ජනාධිපති මහින්ද රාජපක්ෂ මහතා දශක තුනක යුද්ධය නිමා කර රටට සාමය උදාකර දීම සම්බන්ධයෙන් තමන් ස්තූතිවන්ත වන බව රාමක්‍රිෂ්ණන් පැවසීය. වර්තමානයේ ශ්‍රී ලංකාව තුළ සිංහල සහ දෙමළ ජනතාව ඉතා සාමකාමීව ජීවත් වන පසුබිමක, දෙමළ ඩයස්පෝරාව පැරණි තුවාල යළි පෑරීමට උත්සාහ නොකළ යුතු බව ඔහු අවධාරණය කළේය.

###   
**කන්ද උඩරට දෙමළ ජනතාවගේ නිදහස**

යුද සමයේදී උඩරට දෙමළ ජනතාව දැඩි දුෂ්කරතාවලට මුහුණ දුන් බව ඔහු සිහිපත් කළේය. "එකල හැඳුනුම්පතක් නොමැතිව නිවසින් බැහැරට යාමට පවා නොහැකි තත්වයක් තිබුණා. බොහෝ දෙනෙක් බියෙන් නිවෙස් වලට වී සිටියා. නමුත් අද එවැනි තත්වයක් නැහැ," යැයි ඔහු පැවසීය. උතුර සහ නැගෙනහිර ප්‍රදේශවල සිදු වූ දැවැන්ත සංවර්ධන ව්‍යාපෘති බොහොමයක් මහින්ද රාජපක්ෂ යුගයේ සිදු වූ බවද ඔහු පෙන්වා දුන්නේය.

###   
**ඩයස්පෝරාවේ පටු අරමුණු**

සමස්ත ඩයස්පෝරාවටම තමන් දොස් නොපවරන නමුත්, ඉන් සුළු පිරිසක් තමන්ගේ පටු පෞද්ගලික අරමුණු සහ වාසි වෙනුවෙන් තවමත් ක්‍රියාත්මක වන බව ඔහු කියා සිටියේය. මෙවැනි විරෝධතා බහුතරයකගේ මතයද යන්න පිළිබඳව ඔක්ස්ෆර්ඩ් සහ කේම්බ්‍රිජ් වැනි ආයතන සොයා බැලිය යුතු බවත්, මෙවැනි බලපෑම්වලට යටත්වී අදහස් ප්‍රකාශ කිරීමේ අයිතිය සීමා කිරීම කණගාටුදායක බවත් ඔහු වැඩිදුරටත් පැවසීය.
### චීන රොබෝ බල්ලකු තමන්ගේ ලෙස පැවසූ ඉන්දියානු සරසවිය AI සමුළුවෙන් ඉවතට
URL: https://www.citizen.lk/indian-university-pulls-out-of-ai-conference-after-claiming-chinese-robot-dog-as-its-own/
Last updated: 2026-02-19T12:48:24.000Z
February 19 (Citizen.lk News) - ඉන්දියාවේ මේ වන විට පැවැත්වෙන AI සමුළුවට සමගාමීව ඇති ප්‍රදර්ශන කුටියක චීනයේ නිෂ්පාදිත මිල දී ගත හැකි රොබෝ බල්ලකු තමන්ගේම නිර්මාණයක් ලෙස ඉදිරිපත් කළ ඉන්දියානු විශ්වවිද්‍යාලයක් ඉන් ඉවත් කර තිබෙනවා.

අදාළ රොබෝ බල්ලා චීනයේ නිෂ්පාදිත Unitree Go2 රොබෝව ලෙසත් එය ඩොලර් 2,800 කට පමණ මිල දී ගත හැකි බවත් එය ගෝලීය වශයෙන් පර්යේෂණ හා අධ්‍යාපනය කටයුතු සඳහා බහුලව භාවිතා කරන බවට ගෝලීය වශයෙන් කතාබහ වන බව වාර්තා වනවා.

අදාළ ඉන්දීය විශ්ව විද්‍යාලයේ සාමාජිකයින් විසින් පසුව පවසා ඇත්තේ රොබෝවරයා විශ්ව විද්‍යාල නිර්මාණයක් නොවන බවත් විශ්ව විද්‍යාලය කිසි විටෙකත් එවැනි ප්‍රකාශයක් සිදුකර නොමැති බවත්ය.
### නතාෂා අත්අඩංගුවට ගැනීම ගැන CID පරිගණක අපරාධ අංශයේ හිටපු ස්ථානාධිපතිවරයාගේ කණගාටුව
URL: https://www.citizen.lk/former-oic-of-cid-computer-crimes-division-expresses-regret-over-natashas-arrest/
Last updated: 2026-02-19T12:36:36.000Z
February 19 (Citizen.lk News) - ප්‍රහසන ශිල්පිනියක වන නතාෂා එදිරිසූරිය එක්සත් ජාතීන්ගේ සිවිල් හා දේශපාලන අයිතිවාසිකම් පිළිබඳ සම්මුති පනත යටතේ අත්අඩංගුවට ගැනීම සම්බන්ධයෙන් අපරාධ පරීක්ෂණ දෙපාර්තමේන්තුවේ පරිගණක අපරාධ අංශයේ හිටපු ස්ථානාධිපතිවරයා විසින් අද ශ්‍රේෂ්ඨාධිකරණය හමුවේ කණගාටුව පළකර තිබෙනවා.

බුදු දහමට අපහාස කළේ යැයි වූ චෝදනාව මත අත්අඩංගුවට ගැනීම සිදුවූ අතර ඊට කණගාටුව පළ කරමින් ලිපියක් ද රජයේ නීතිඥවරයා විසින් අධිකරණයට ඉදිරිපත් කර ඇති අතර, මෙම පනත යටතේ අත්අඩංගුවට ගැනීමේදී සිදුවිය හැකි අනීතික ක්‍රියා වළක්වා ගැනීම සඳහා අනුගමනය කළ යුතු උපදෙස් ඇතුලත් මාර්ගෝපදේශ මාලාවක් නිකුත් කිරීමට පොලිස්පතිවරයා තීරණය කර ඇති බව ද වාර්තා වනවා.
### මහා සඟ සමුළුව හෙට
URL: https://www.citizen.lk/the-great-sangha-conference-is-tomorrow/
Last updated: 2026-02-19T12:30:11.000Z
February 19 (Citizen.lk News) - කොළඹ 07, බෞද්ධ මහා සම්මේලනය ඉදිරිපිටදී හෙට(20) මහා සඟ සමුළුවක් පැවැත්වීමට නියමිත වනවා.

මව්බිම සුරැකීමේ සංවිධානයේ සභාපති මුරුත්තෙට්ටුවේ ආනන්ද හිමියන් සඳහන් කරන්නේ සම්බුද්ධ ශාසනයට, මහා සංඝරත්නයට, බෞද්ධයන්ට, රටේ සංස්කෘතිය හා සභ්‍යත්වයට එරෙහිව ගොඩ නැඟීගෙන එන තර්ජන, ගර්ජන පරාජය කිරීම සඳහා මෙම සඟ සමුළුව පවත්වන බවයි.
### 20 හැවිරිදි තරුණියකගෙන් සකර්බර්ග්ට නඩුවක්
URL: https://www.citizen.lk/zuckerberg-sued-by-20-year-old-woman/
Last updated: 2026-02-19T12:24:50.000Z
February 19 (Citizen.lk News) - Meta සමාගමේ ප්‍රධානී මාර්ක් සකර්බර්ග්, සිය සමාගම විසින් කුඩා දරුවන් ඉලක්ක කර ගනිමින් ඔවුන්ව සමාජ මාධ්‍යවලට ඇබ්බැහි කරවීමට කටයුතු කළ බවට එල්ල වන චෝදනාවලට එරෙහිව අධිකරණය හමුවේ පෙනී සිට තිබෙනවා.

ඒ අනුව 20 හැවිරිදි වියේ පසුවන ‘Kaley’ නමැති තරුණියක් විසින් මෙටා සහ YouTube සමාගම්වලට එරෙහිව මෙම නඩුව පවරා ඇති අතර, ඇය කුඩා දැරියකව සිටියදී මෙම සමාජ මාධ්‍ය ජාලයන්ට ඇබ්බැහි වන පරිදි ඒවා නිර්මාණය කර ඇති බවත්, ඒ හේතුවෙන් තමා දැඩි මානසික පීඩනයකට, කාංසාවට සහ සියදිවි නසාගැනීමේ සිතුවිලිවලට මුහුණ දුන් බවත් ඇය චෝදනා කර ඇති බව විදෙස් මාධ්‍ය වාර්තා කරනවා.
### ද.කොරියා හිටපු ජනාධිපතිට ජීවිතාන්තය දක්වා සිර දඬුවම්
URL: https://www.citizen.lk/former-south-korean-president-sentenced-to-life-in-prison/
Last updated: 2026-02-19T12:19:37.000Z
February 19 (Citizen.lk News) - දකුණු කොරියාවේ හිටපු ජනාධිපති යූන් සුක් යෙයෝල් හට සෝල් මධ්‍යම දිස්ත්‍රික් අධිකරණය විසින් අද (19) ජීවිතාන්තය දක්වා වූ සිර දඬුවමක් නියම කර තිබෙනවා.

ඒ 2024 වසරේදී යුද නීතියක් පැනවීමට උත්සාහ කරමින් රාජ්‍ය විරෝධී කැරැල්ලක් මෙහෙයවීමේ චෝදනාවට වරදකරු වීම මත වන අතර විශේෂ රජයේ අභිචෝදකයන් විසින් ඔහුට මරණ දඬුවම ලබා දෙන ලෙස නිර්දේශ කර තිබුණ ද, අධිකරණය විසින් එය ජීවිතාන්තය දක්වා වූ සිරදඬුවමක් දක්වා ලිහිල් කිරීමට තීරණය කර ඇති බව විදෙස් මාධ්‍ය වාර්තා කරනවා.
### ගණේමුල්ල සංජීව ඝාතන සිද්ධිය සම්බන්ධයෙන් දැනුම්දීමක්
URL: https://www.citizen.lk/an-announcement-regarding-the-ganemulla-sanjeewa-murder-incident/
Last updated: 2026-02-19T12:30:22.000Z
February 19 (Citizen.lk News) - ගණේමුල්ල සංජීව ඝාතන සිද්ධිය සම්බන්ධයෙන් සැකපිට රැඳවුම් නියෝග මත රඳවාගෙන සිටින නීතිඥ තමරා අබේරත්න විසින් ව්‍යාජ ලේඛන ඉදිරිපත් කර ආරම්භ කළ බැංකු ගිණුම් 08 ක් ගැන විමර්ශන සිදු කරන බව අපරාධ පරීක්ෂණ දෙපාර්තමේන්තුව කොළඹ මහේස්ත්‍රාත් අධිකරණයට දැනුම් දී තිබෙනවා.

ඒ අනුව මෙම බැංකු ගිණුම් ව්‍යාජ ජාතික හැඳුනුම්පතක් ඉදිරිපත් කර විවෘත කර තිබෙන බවට තොරතුරු අනාවරණය වී ඇති බවත්, මෙම බැංකු ගිණුම් හරහා විශාල ලෙස මුදල් හුවමාරු වී ඇති අතර, ඒ පිළිබඳව වැඩිදුර විමර්ශන සිදු කරන බවත් පොලිසිය අධිකරණයට දන්වා තිබෙනවා.
### රනිල්ගේ බිරිඳට මූල්‍ය අපරාධ විමර්ශන කොට්ඨාශයෙන් දැනුම්දීමක්
URL: https://www.citizen.lk/ranils-wife-receives-notice-from-the-financial-crimes-investigation-division/
Last updated: 2026-02-18T10:14:43.000Z
February 18 (Citizen.lk News) - මේ මස 20 වන දින අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන කොට්ඨාශය හමුවේ පෙනී සිටින ලෙස හිටපු ජනපති රනිල් වික්‍රමසිංහ මහතාගේ බිරිඳ වන මෛත්‍රී වික්‍රමසිංහට දැනුම් දී තිබෙනවා.

ඒ හිටපු ජනාධිපති රනිල් වික්‍රමසිංහ සම්බන්ධයෙන් සිදුකරන විමර්ශනයට අදාළව ප්‍රකාශයක් සටහන් කරගැනීම සඳහා වන අතර මේ සම්බන්ධයෙන් අපරාධ පරීක්ෂණ දෙපාර්තමේන්තුව විසින් අද (18) දින කොළඹ කොටුව මහෙස්ත්‍රාත් අධිකරණයට දැනුම් දී ඇති බවයි වාර්තා වන්නේ.
### මන්ත්‍රී විශ්‍රාම වැටුප් ඉවත් කිරීමේ පනත් කෙටුම්පතට කථානායක අත්සන් තබයි
URL: https://www.citizen.lk/speaker-signs-bill-to-abolish-mp-pensions/
Last updated: 2026-02-18T10:03:11.000Z
February 18 (Citizen.lk News) - පාර්ලිමේන්තු විශ්‍රාම වැටුප් ඉවත් කිරීමේ පනත් කෙටුම්පත සඳහා කථානායක වෛද්‍ය ජගත් වික්‍රමරත්නගේ සහතිකය සටහන් කර තිබෙන අතර මෙම පනත් කෙටුම්පත 2026 අංක 5 දරන පාර්ලිමේන්තු විශ්‍රාම වැටුප් (ඉවත් කිරීමේ) පනත ලෙස බලාත්මක වනු ලබනවා.

පාර්ලිමේන්තු විශ්‍රාම වැටුප් ඉවත් කිරීමේ පනත් කෙටුම්පතේ දෙවන වර කියවීම ඊයේ වැඩි ඡන්දයෙන් සම්මත වූ අතර, එයට පක්ෂව ඡන්ද 154 ක්ද, විපක්ෂව ඡන්ද 02 ක්ද හිමි වුණා.

පනතේ 3 වගන්තිය ප්‍රකාරව, මෙම පනත ක්‍රියාත්මක වීම ආරම්භ වන දිනට පෙරාතුව විශ්‍රාම වැටුපක් ලැබීමට හිමිකම් ඇති සහ විශ්‍රාම වැටුප් ලබන යම් තැනැත්තකුට මෙම පනත ක්‍රියාත්මක වීම ආරම්භ වන දින සහ එම දිනයට පසුව එම විශ්‍රාම වැටුප් ලැබීම නතර වීම සිදු වන බවයි වාර්තා වන්නේ.
### YouTube යථා තත්ත්වයට
URL: https://www.citizen.lk/youtube-recovery/
Last updated: 2026-02-18T09:49:35.000Z
February 18 (Citizen.lk News) - අමෙරිකාව ඇතුළු ලෝකයේ රටවල් කිහිපයක YouTube සම්බන්ධ සේවාවන්ගේ තාවකාලික බිඳවැටීමක් සිදුව ඇති අතර ඒ හේතුවෙන් එක්සත් ජනපදයේ YouTube පරිශීලකයින් 320,000කට අධික පිරිසකට බලපෑම් කර ඇති බව විදෙස් මාධ්‍ය සඳහන් කරනවා.

කෙසේවෙතත් ලෝකයේ රටවල් කිහිපයක ඇතිවූ YouTube සම්බන්ධ සේවාවන්ගේ තාවකාලික බිඳවැටීම යථා තත්ත්වයට පත් කර තිබෙනවා.
### හිටපු ජනාධිපති ලේකම් සමන් ඒකනායකට ඇප
URL: https://www.citizen.lk/former-presidential-secretary-saman-ekanayake-granted-bail/
Last updated: 2026-02-18T09:42:55.000Z
February 18 (Citizen.lk News) - රාජ්‍ය මුදල් අවභාවිතා කිරීමට ආධාර අනුබල දුන්නේ යැයි සැකපිට රක්ෂිත බන්ධනාගාරගත කර සිටින හිටපු ජනාධිපති ලේකම් සමන් ඒකනායක මහතා ඇප මත මුදාහරිණ ලෙස කොළඹ මහෙස්ත්‍රාත් අධිකරණය නියම කර තිබෙනවා.

2023 වසරේ එවක ජනාධිපති රනිල් වික්‍රමසිංහ මහතා බ්‍රිතාන්‍යයේ සිදුකළ පෞද්ගලික සංචාරයක් වෙනුවෙන් මුදල් අනුමත කිරීමේ සිද්ධිය මත සැකකරු රුපියල් මිලියන දෙක බැගින් වූ ශරීරය ඇප දෙකක් මත මුදාහරින ලෙස කොළඹ කොටුව මහෙස්ත්‍රාත් නියෝග කර ඇති බවයි වාර්තා වන්නේ.
### අඹතලේ සිට දෙහිවල දක්වා ජල සැපයුමට බාධා
URL: https://www.citizen.lk/water-supply-disrupted-from-ambatale-to-dehiwala/
Last updated: 2026-02-18T09:37:21.000Z
February 18 (Citizen.lk News) - අඹතලේ සිට දෙහිවල දක්වා ජලය සපයන ප්‍රධාන ජල සැපයුම් මාර්ගයේ හදිසි බිඳවැටීමක් හේතුවෙන් ප්‍රදේශ කිහිපයකට ජල සැපයුම අත්හිටුවා තිබෙනවා.

ඒ අනුව මොරටුව, රාවතාවත්ත, සොයිසාපුර, රත්මලාන, ගල්කිස්ස, දෙහිවල, වැල්ලවත්ත, පාමංකඩ, මුල්ලේරියාව, කොළොන්නාව යන ප්‍රදේශවලට මෙම ජල කප්පාදුව බල පැවැත්වෙන අතර, බත්තරමුල්ල ප්‍රදේශයට අඩු පීඩන තත්ත්වයක් යටතේ ජල සැපයුම සිදු වන බව වාර්තා වන අතර හෙට (19) උදෑසන 6.00 ට පෙර ජල සැපයුම යථා තත්ත්වයට පත් කිරීමට අපේක්ෂා කරන බව ජාතික ජල සම්පාදන හා ජලාපවාහන මණ්ඩලය වැඩිදුරටත් සඳහන් කරනවා.
### ශ්‍රී ලංකා ගුවන් හමුදා 75 වන සංවත්සරය වෙනුවෙන් වැඩසටහන් රැසක්
URL: https://www.citizen.lk/75th-anniversary-of-the-sri-lanka-air-force/
Last updated: 2026-02-24T11:12:08.000Z
February 18 (Citizen.lk News) - "සුරකිමු ලකඹර" තේමාව පෙරදැරිව මෙරට ගුවන්තලය රැකගැනීමේ භාරදූර වගකීම ඉටුකරන ශ්‍රී ලංකා ගුවන් හමුදාව, සිය අභිමානවත් 75 වන සංවත්සරය 2026 මාර්තු මස 02 වන දින සැමරීමට සිය කටයුතු සූදානම් කර තිබෙනවා.

මේ පිළිබඳ මාධ්‍ය දැනුවත්කිරීම පසුගිය 18 වනදා ගුවන් හමුදා මූල­ස්ථා­න­යේ දී පැවැත්වුණා.

ඒ අනුව, ශ්‍රී ලංකා ගුවන් හමුදාවේ 75 වන සංවත්සරය නිමි­ත්තෙන් ගොල්ෆ් තර­ගා­ව­ලියක්, ගුවන් හමුදා පාපැදි සවා­රියක්, අධ්‍යා­ප­නික ප්‍රද­ර්ශ­නයක්, ගුවන් සංද­ර්ශ­නයක් සහ සංගීත ප්‍රසං­ගයක් ඇතුළු වැඩසටහන් මාලාවක් පෙබරවාරි මාසයේ සිටම ක්‍රියාත්මක වීමට නියමිතයි.

ගුවන් හමුදාපති එයාර් මාර්ෂල් බන්දු එදිරිසිංහගේ සෘජු මගපෙන්වීම සහ අධීක්ෂණය යටතේ මෙම වැඩසටහන් මාලාව සංවිධානය කර ඇත**.**

### **ගුවන් සංදර්ශන සහ තාක්ෂණික ප්‍රදර්ශනය**

සංවත්සරයේ සුවිශේෂී අංගයක් ලෙස ගුවන් සංදර්ශන සහ ගඟන ශිල්පීය තාක්ෂණික දැනුම ඇතුළත් අධ්‍යාපනික ප්‍රදර්ශනයක් මාර්තු මස 07, 08 සහ 09 යන දිනයන්හිදී රත්මලාන ගුවන් හමුදා මූලික කඳවුරු පරිශ්‍රයේදී පැවැත්වීමට කටයුතු සංවිධානය කර ඇත. 

### **ගුවන් හමුදා පාපැදි සවාරිය** 

27 වන වරටත් පවත්වනු ලබන ගුවන් හමුදා පාපැදි සවාරිය පෙබරවාරි 27, 28 සහ මාර්තු 01 යන දිනයන්හිදී පැවැත්වීමට සියළු කටයුතු සුදානම් කර ඇත. ජාත්‍යන්තර ප්‍රමිතීන්ට අනුව, පැවැත්වෙන මෙම පාපැදි සවාරියට දෙස් විදෙස් ක්‍රීඩකයින් රැසක් එක්වීමට නියමිතයි. 

ශ‍්‍රී ලංකා ගුවන් හමුදාව ශ‍්‍රී ලංකා පාපැදි සම්මේලනය සමඟ එක්ව සංවිධානය කරනු ලබන ගුවන් හමුදා පාපැදි සවාරිය සඳහා ටොයොටා ආයතනය, Verus Analytics (Pvt) Ltd හා අබාන්ස් පුද්ගලික සමාගම විසින් ප‍්‍රධාන අනුග‍්‍රහයකත්වය ලබා දෙන අතර, Cosmic Technologies Pvt Ltd, Sri Lanka tourism promotion bureau, Sri Lanka insurance cooperation, Bank of Ceylon, Unilever Sri Lanka, Asian paints (causeway), Metropolitan technologies, National lotteries Board, මැලිබන් බිස්කට් පුද්ගලික සමාගම සහ CEAT Kalani holdings යන ආයතන විසින් අනුග‍්‍රහකත්වය සපයනු ලබනු ඇති.

### ගුවන් හමුදාපති කුසලාන ගොල්ෆ් තරඟාවළිය

13 වන වරටත් පවත්වනු ලබන 'ගුවන් හමුදාපති කුසලාන' (Commander’s Cup) විවෘත ගොල්ෆ් තරගාවලිය පෙබරවාරි 20 සහ 21 යන දිනයන්හිදී ත‍්‍රිකුණාමලය වරායට සමීපව සුන්දර චීනවරාය ඊගල්ස් ලින්ක්හිදී පැවැත්වීමට සියළු කටයුතු සංවිධානය කර ඇත. 

  
මෙම ගොල්ෆ් තරගාවළියේ දී ගුවන් හමුදාපති කුසලානයට සමගාමීව ත‍්‍රිවිධ හමුදාවන් නියෝජනය කරන තරඟකරුවන් පිරිමි සහ කාන්තා කාණ්ඩයන්ට අයත්ව දක්‍ෂතම ත‍්‍රිවිධ හමුදා සේවා ක‍්‍රිඩකයාට හිමි ඊගල්ස් අභියෝගතා කුසලානය සඳහා ද තරඟ වැදිමට නියමිතව ඇත.

  
දෙස් විදෙස් ක‍්‍රිඩක ක‍්‍රිඩිකාවන් රැසක් සහභාගි වීමට නියමිත ගුවන් හමුදාපති ගොල්ෆ් තරගාවළිය තුලින් ශ‍්‍රී ලංකා සංචාරක ව්‍යාපාරයේ එක්තරා පැතිකඩක් වන ක‍්‍රීඩාව මත පදනම් වූ සංචාරක කර්මාන්තය (Sports Tourism) ප‍්‍රවර්ධනය කිරීමට ගුවන් හමුදාව සතු අනුරාධපුර, කොග්ගල හා චීනවරාය යන ප‍්‍රදේශ කේන්ද්‍ර කර ගනිමින් ඉදිකර ඇති ගොල්ෆ් ක‍්‍රීඩාංගන ත‍්‍රිත්වයක් මේ වනවිටත් සුවිශේෂි කාර්යභාර්යයක් ඉටුකරනු ලබන අතර මෙමගින් දේශීය ආර්ථිකය ශක්තිමත් කිරීමට ශ‍්‍රි ලංකා ගුවන් හමුදාව තම සෘජු දායකත්වය ලබා දි ඇත.

  
ගුවන් හමුදාධිපති කුසලාන ගොල්ෆ් තරඟාවලියේ ජයග‍්‍රාහක ජයග‍්‍රාහිකාවන් සදහා කුසලාන හා ත්‍යාග පිරිනැමීමේ උත්සවය 2026 පෙබරවාරි මස 21 වන දින සන්ධ්‍යාවේ ගුවන් හමුදාපති එයාර් මාර්ෂල් බන්දු එදිරිසිංහගේ ප‍්‍රධානත්වයෙන් පැවැත්වීමට නියමිතව ඇත.  

### **“Symphony of Wings” සංගීත ප්‍රසංගය**

ගුවන් හමුදා සේවා වනිතා ඒකකය මගින් සංවිධානය කරනු ලබන සමාජ සත්කාරක වැඩසටහන් සඳහා අරමුදල් රැස්කිරීමේ අරමුණින් “Symphony of Wings” සංගීත ප්‍රසංගය මාර්තු මස 28 වනදා රාත්‍රී 7.00 ට කොළඹ නෙළුම් පොකුණ මහින්ද රාජපක්ෂ රඟහලේදී පැවැත් වීමට නියමිතයි.

මේ පිළිබඳ වැඩි විස්තර ඔබ වෙත සමීප කරවීමට Citizen.lk වන අප බලාපොරොත්තු වන අතර ඒ සඳහා අපගේ Citizen WhatsApp චැනලයට එකතු වෙන්න.
### රාත්‍රී තැපැල් දුම්රියෙහි ගැටී වන අලියකු මරුට
URL: https://www.citizen.lk/wild-elephant-dies-after-being-hit-by-night-mail-train/
Last updated: 2026-02-17T06:23:22.000Z
February 17 (Citizen.lk News) - කොළඹ සිට ත්‍රිකුණාමලය බලා ධාවනය වුණු අංක 943 දරන රාත්‍රී තැපැල් දුම්රියෙහි වන අලියකු ගැටීම නිසා අද (17) අලුයම එම දුම්රිය පීලි පැනීමට ලක්ව තිබෙනවා.

දුම්රිය එන්ජිමේ ගැටුනු වන අලියා එම ස්ථානයේදීම මිය ගොස් ඇති බවත්, අලියාගේ පාදයේ කොටස් එන්ජිම් කොටසේ සිරවීම නිසා එම දුම්රිය මෙසේ පීලි පැනීමට ලක්ව ඇති බවයි වාර්තා වන්නේ.

වන අලියා වයස අවුරුදු පහළොවක පමණ වන අලියෙක් වන අතර කවුඩුල්ල රක්ෂිතයේ සිට සෝමාවතිය රක්ෂිතයට දුම්රිය මාර්ගය ඔස්සේ මාරු වීමේදී මෙසේ දුම්රියේ ගැටී තිබෙනවා.
### තරගයට එක්වීමට තීරණය කළේ ශ්‍රී ලංකා ජනාධිපතිවරයා සමඟ පැවැත්වූ දුරකථන සංවාදයෙන් අනතුරුවයි - පාකිස්තාන අභ්‍යන්තර කටයුතු අමාත්‍ය
URL: https://www.citizen.lk/decision-to-join-the-competition-was-made-following-a-telephone-conversation-with-the-sri-lankan-president-pakistan-interior-minister/
Last updated: 2026-02-17T06:09:19.000Z
February 17 (Citizen.lk News) - මෙරටට පැමිණි පාකිස්තානයේ අභ්‍යන්තර සහ මත්ද්‍රව්‍ය පාලනය පිළිබඳ ෆෙඩරල් අමාත්‍ය Syed Mohsin Raza Naqvi, විදේශගත පාකිස්තානු ජාතිකයන් සහ මානව සම්පත් සංවර්ධනය පිළිබඳ ෆෙඩරල් අමාත්‍ය Chaudhry Salik Hussain ඇතුළු නියෝජිත පිරිස ඊයේ (16) පෙරවරුවේ ජනාධිපති කාර්යාලයේදී හමුව තිබෙනවා.

ශ්‍රී ලංකාවේ ඉල්ලීම පිළිගෙන පාකිස්තාන ක්‍රිකට් කණ්ඩායමේ සංචාරය සඳහා අවශ්‍ය කටයුතු සිදු කිරීම පිළිබඳව ජනාධිපතිවරයා විසින් පාකිස්තාන අග්‍රාමාත්‍යවරයාට සිය කෘතඥතාව පළ කළ අතර, දිට්වා සුළි කුණාටුව ඇතුළු ශ්‍රී ලාංකික ජනතාව අසීරුතාවට මුහුණ දුන් සෑම අවස්ථාවකම ශ්‍රී ලංකාවට පාකිස්තානය ලබා දුන් සහාය ද ජනාධිපතිවරයා කෘතවේදීව අගය කර තිබෙනවා.

පාකිස්තාන ක්‍රිකට් කණ්ඩායම තරගයට එක් වීමට තීරණය කළේ ජනාධිපති අනුර කුමාර දිසානායක පාකිස්තාන අග්‍රාමාත්‍යවරයා සමඟ පැවැත්වූ දුරකථන සංවාදයෙන් අනතුරුව බව අමාත්‍ය Syed Mohsin Raza Naqvi මෙහිදී සඳහන් කළ අතර, ඒ පිළිබඳ පාකිස්තාන අග්‍රාමාත්‍යවරයා වෙනුවෙන් ජනාධිපතිවරයා වෙත සිය කෘතඥතාව ද පළ කර තිබෙන බව වාර්තා වනවා.
### ජනපති අද ඉන්දියාවට
URL: https://www.citizen.lk/president-anura-kumara-dissanayake-is-scheduled-to-depart-for-india-today-17-to-participate-in-the-india-ai-impact-summit-2026-to-be-held-in-delhi/
Last updated: 2026-02-17T06:02:22.000Z
February 17 (Citizen.lk News) - ඉන්දීය අග්‍රාමාත්‍ය නරේන්ද්‍ර මෝදිගේ විශේෂ ආරාධනයකට අනුව ජනාධිපති අනුර කුමාර දිසානායක අද (17) දින දිල්ලියේ පැවැත්වෙන ඉන්දීය AI බලපෑම් සමුළුව 2026 සඳහා සහභාගී වීම සඳහා ඉන්දියාව බලා පිටත්ව යාමට නියමිතය.

අගමැති මෝදිගේ ප්‍රධානත්වයෙන් පැවැත්වීමට නියමිත මෙම සමුළුවේ අරමුණ වන්නේ මානව වර්ගයාගේ යහපත සඳහා කෘතිම බුද්ධිය වගකිවයුතු ලෙස භාවිතා කිරීම ප්‍රවර්ධනය කිරීම වන අතර ජනාධිපති අනුර කුමාර දිසානායක විසින් ලබන 19 වැනිදා සමුළුව ඇමතීමට නියමිත බව වාර්තා වනවා.

දින පහක් පුරා පැවැත්වෙන මෙම සමුළුව සඳහා රටවල් 20 ක රාජ්‍ය නායකයින් සහ රටවල් 45 කට වැඩි සංඛ්‍යාවක නියෝජිතයන් සහභාගි වීමට නියමිත වනවා.
### අකුරේගොඩ ද්විත්ව ඝාතන සම්බන්ධයෙන් එජාපයෙන් විශේෂ නිවේදනයක්
URL: https://www.citizen.lk/unp-issues-special-statement-regarding-akuregoda-double-murders/
Last updated: 2026-02-16T09:00:49.000Z
February 16 (Citizen.lk News) - අකුරේගොඩදී නීතිඥවරයෙකුට සහ ඔහුගේ බිරිඳට වෙඩි තබා ඝාතනය කිරීමේ සිද්ධිය ඇතුළුව නීතිය හා සාමය පිරිහීම සම්බන්ධයෙන් මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල වහාම ඉල්ලා අස්විය යුතු බව එක්සත් ජාතික පක්ෂය සඳහන් කරනවා.

විශේෂ නිවේදනයක් නිකුත් කරමින්, එම පක්ෂය සඳහන් කර ඇත්තේ, නීතිය හා සාමය පිරිහීම සම්බන්ධයෙන් අමාත්‍ය ආනන්ද විජේපාල වගකිව යුතු බවයි.

අදාළ නිවේදනය මගින් මෙම ඝාතන සම්බන්ධයෙන් ගතයුතු තීරණාත්මක ක්‍රියාමාර්ග කිහිපයක් පෙන්වා දෙමින් එම පක්ෂය වැඩිදුරටත් සඳහන් කර ඇත්තේ නිල නීතිඥ මණ්ඩලයේ ප්‍රධානී ලෙස නීතිපතිවරයා, පොලිස්පතිවරයා සමඟ සාකච්ඡා කර මෙම කාරණය විමර්ශනය කිරීම සඳහා සුදුසු පොලිස් කණ්ඩායමක් පත්කළ යුතු අතර ශ්‍රී ලංකා නීතිඥ සංගමයේ කැමැත්ත ද ඊට ලබා ගත යුතු බවය.

එම නිවේදනය:

![](https://www.citizen.lk/content/images/2026/02/image-9.png)

![](https://www.citizen.lk/content/images/2026/02/image-10.png)

![](https://www.citizen.lk/content/images/2026/02/image-11.png)
### ලෝක කුසලාන සුපිරි 8 දෙනාගේ වටයට පිවිසීමට ශ්‍රී ලංකා - ඔස්ට්‍රේලියා තීරණාත්මක සටන අද පල්ලේකැලේදී
URL: https://www.citizen.lk/sri-lanka-australia-to-face-each-other-in-the-crucial-clash-to-reach-the-world-cup-super-8-in-pallekele-today/
Last updated: 2026-02-16T07:53:59.000Z
February 16 (Citizen.lk News) - විස්සයි විස්ස ලෝක කුසලාන ක්‍රිකට් තරගාවලියේ 'බී' කාණ්ඩයේ තීරණාත්මක තරගයක් ලෙස සැලකෙන ශ්‍රී ලංකාව සහ ඔස්ට්‍රේලියාව අතර ගැටුම අද (16) රාත්‍රී 07.00 ට මහනුවර පල්ලේකැලේ ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතයි.

දෙපිලටම තීරණාත්මක වන මෙම තරගයෙන් ශ්‍රී ලංකා කණ්ඩායම ජයග්‍රහණය කරනු ලැබුවහොත්, ඔවුන් 'බී' කාණ්ඩය යටතේ සුපිරි අට දෙනාගේ (Super 8) වටය සඳහා සුදුසුකම් ලබා ගැනීමට සමත් වනු ඇත.

අනෙක් පසින්, ඔස්ට්‍රේලියානු කණ්ඩායමට තරගාවලියේ සුපිරි අට දෙනාගේ වටය පිළිබඳ බලාපොරොත්තු රඳවා ගැනීමට නම් මෙම තරගයේ ජයග්‍රහණය අනිවාර්ය වේ. මේ හේතුවෙන් අද රාත්‍රී දෙපිල අතර ඉතා උණුසුම් මුහුණුවරක් ගනු ඇතැයි ක්‍රීඩා විචාරකයෝ අනාවැකි පළ කරති.

මහනුවර ප්‍රදේශයේ පවතින කාලගුණ තත්ත්වය අනුව තරගයට බාධාවක් නොවනු ඇතැයි අපේක්ෂා කරන අතර, ප්‍රවේශ පත්‍ර සියල්ල මේ වන විටත් අලෙවි වී අවසන් බවයි වාර්තා වන්නේ.
### ගුවන්තොටුපළ පුරප්පාඩු 188ක් සඳහා පත්වීම් ලිපි
URL: https://www.citizen.lk/g-appointment-letters-for-188-airport-vacancies/
Last updated: 2026-02-16T07:50:34.000Z
February 16 (Citizen.lk News) - ගුවන්තොටුපළ සහ ගුවන් සේවා සමාගමේ ආරක්ෂක නිලධාරී තනතුරු 97ක්, ගුවන්තොටුපළ සේවා සහායක තනතුරු 28ක් , කාර්මික නිලධාරී තනතුරු 29ක්, කළමනාකරණ සහකාර තනතුරු 31ක්, කාර්ය මණ්ඩල හෙද තනතුරු 1ක්, භූමි ආධාරක උපකරණ ක්‍රියාකරු තනතුරු 1ක් සහ අභ්‍යන්තර විගණන පරීක්ෂක දෙවන ශ්‍රේණිය තනතුරු 1ක් ලෙස තනතුරු 188ක් සඳහා පත්වීම් ලිපි ප්‍රධානය කිරීම වරාය සහ සිවිල්ගුවන්සේවා අමාත්‍යය අනුර කරුණාතිලකගේ ප්‍රධානත්වයෙන් (15දින) සිවිල් ගුවන්සේවා අධිකාරියේ ශ්‍රවණාගාරයේදී පැවැත්වුණා.

මෙම අවස්ථාවට වරාය සහ සිවිල් ගුවන් සේවා නියෝජ්‍ය අමාත්‍ය ජනිත රුවන් කොඩිතුවක්කු, අමාත්‍යංශ ලේකම් සහ ගුවන්තොටුපළ සහ ගුවන්සේවා සමාගමේ වැඩ බලන සභාපති ඩ්බ්.ඩ්බ්.එස් මංගල, ගුවන්තොටුපළ සහ ගුවන් සේවා සමාගමේ කළමනාකාරිත්වය, අමාත්‍යංශ නිලධාරීන් පිරිසක් සහ අද දින පත්වීම් ලිපි භාරගත් පත්වීම් ලාභීන් ඇතුළු පිරිසක් සහභාගි වී සිටියා.
### නීතිඥවරුන් අද අධිකරණ කටයුතුවලින් ඉවත් වෙයි
URL: https://www.citizen.lk/lawyers-to-withdraw-from-court-proceedings-today/
Last updated: 2026-02-16T07:47:05.000Z
February 16 (Citizen.lk News) - අද (16) දිනයේ දිවයින පුරා අධිකරණ කටයුතුවලින් බැහැර වීමට ශ්‍රී ලංකා නීතිඥ සංගමය තීරණය කර තිබෙනවා.

අකුරේගොඩ ප්‍රදේශයේදී නීතිඥයකු සහ ඔහුගේ බිරිඳ වෙඩි තබා ඝාතනය කිරීම සම්බන්ධයෙන් ගත යුතු ඉදිරි පියවර පිළිබඳ සාකච්ඡා කිරීමට ශ්‍රී ලංකා නීතිඥ සංගමය මහ සභාව ඊයේ (15) කොළඹදී රැස් වීමෙන් අනතුරුව මෙම තීරණය ගෙන ඇත.
### අකුරේගොඩ  ඝාතනයට විරුද්ධව සියලුම නීතීඥවරුන් හෙට අධිකරණ කටයුතුවලින් බැහැර වෙති
URL: https://www.citizen.lk/all-lawyers-to-boycott-court-proceedings-tomorrow-in-protest-against-the-akuregoda-murder/
Last updated: 2026-02-15T12:17:55.000Z
February 15 Citizen.lk News) - ශ්‍රී ලංකා නීතිඥ සංගමය නිවේදනයක් නිකුත් කරමින් සඳහන් කරන්නේ අකුරේගොඩ ප්‍රදේශයේදී නීතිඥවරයෙකු සහ ඔහුගේ බිරිඳ අමානුෂික ලෙස ඝාතනය කිරීමට විරෝධය පළ කරමින් හෙට(16) දිවයින පුරා නීතිඥවරුන් අධිකරණ කටයුතුවලින් බැහැර වී වෘත්තීය ක්‍රියාමාර්ගයක නිරත වන බවයි.

ඒ අනුව මෙම ඝාතනයට විරෝධය දැක්වීම සඳහා හෙට දිනයේ සියලුම අධිකරණ කටයුතු වර්ජනය කිරීමට නීතිඥවරුන් තීරණය කර ඇති බව වැඩිදුරටත් වාර්තා වනවා.
### ලුම්බිණි විද්‍යාලයේ ප්‍රාථමික අංශයේ ආශිර්වාදාත්මක සර්වරාත්‍රික පිරිත් දේශනය හා පෙරහැර උත්කර්ෂවත් ලෙස පැවැත්වේ
URL: https://www.citizen.lk/lumbini-college-primary-school/
Last updated: 2026-02-16T04:19:09.000Z
කොළඹ 05, ලුම්බිණි විද්‍යාලයේ ප්‍රාථමික අංශය මගින් සංවිධානය කරන ලද වාර්ෂික ආශිර්වාදාත්මක සර්වරාත්‍රික පරිත්‍රාණ ධර්ම දේශනාව සහ ඒ නිමිත්තෙන් පැවැත්වූ විචිත්‍රවත් පෙරහැර පසුගිය (13) වනදා රාත්‍රී ඉතා උත්කර්ෂවත් අයුරින් පවත්වනු ලැබුවා.

විද්‍යාලයේ දියුණුවට සහ සිසු දරු දැරියන්ට ආශිර්වාද පතා සංවිධානය කර තිබූ මෙම ආගමික මහෝත්සවය ආරම්භ කරමින් පළමුව විචිත්‍රවත් පෙරහැර වීදි සංචාරය කෙරුණා.

ප්‍රාථමික අංශයේ සිසු සිසුවියන්ගේ දක්ෂතා විදහා දැක්වූ උඩරට, පහතරට සහ සබරගමු නර්තන අංගයන්ගෙන් මෙන්ම බෙර වාදකයින් සහ සෙසු සංස්කෘතික අංගයන්ගෙන් මෙම පෙරහැර අලංකාරවත් වුණා.

පෙරහැර විද්‍යාල පරිශ්‍රයට ගෙවැදීමෙන් අනතුරුව සර්වරාත්‍රික පරිත්‍රාණ ධර්ම දේශනාව ආරම්භ වූ අතර, මහා සංඝරත්නය විසින් පසුදා අලුයම වන තෙක් සජ්ජායනා කරන ලද පිරිත් ධර්මය ශ්‍රවණය කිරීම සඳහා විද්‍යාලයේ ආචාර්ය මණ්ඩලය, මව්පියන්, ආදි සිසුන් සහ ප්‍රදේශවාසීන් විශාල පිරිසක් සහභාගී වී සිටියා.

ඡායාරූප:අසේල /තුෂාර සංජීව/Lumbini Collage Media Unit

![](https://www.citizen.lk/content/images/2026/02/image-3.png)

![](https://www.citizen.lk/content/images/2026/02/image-1.png)

![](https://www.citizen.lk/content/images/2026/02/image-2.png)

![](https://www.citizen.lk/content/images/2026/02/image-4.png)

![](https://www.citizen.lk/content/images/2026/02/image-5.png)

![](https://www.citizen.lk/content/images/2026/02/image-6.png)

![](https://www.citizen.lk/content/images/2026/02/image-7.png)

![](https://www.citizen.lk/content/images/2026/02/image-8.png)
### හිටපු ඇමති කෙහෙළියට එරෙහි නඩුවක් විභාගයට දින
URL: https://www.citizen.lk/case-against-former-minister-keheliya-set-for-hearing/
Last updated: 2026-02-13T08:32:01.000Z
February 13 Citizen.lk News) - හිටපු සෞඛ්‍ය අමාත්‍ය කෙහෙළිය රඹුක්වැල්ල ඇතුළු පවුලේ සමාජිකයින්ට එරෙහිව අල්ලස් කොමිසම විසින් ගොනුකර තිබෙන නඩුව විභාගය සඳහා අප්‍රේල් 27 වනදා කැඳවන ලෙස කොළඹ මහාධිකරණය අද (13) දින නියම කර තිබෙනවා.

ඒ අනුව අල්ලස් කොමිසම විසින් මෙම විත්තිකරුවන්ට එරෙහිව අධි චෝදනා ඉදිරිපත් කර තිබුණේ 2020 වසරේ අගෝස්තු මස 13 වනදා සිට 2024 වසරේ ජුනි මස 24 වනදා දක්වා කාල සීමාව තුළ ජනමාධ්‍ය, සෞඛ්‍ය සහ පරිසර අමාත්‍යවරයා වශයෙන් කටයුතු කළ අවධියේ අයථා ලෙස වත්කම් උපයා ගැනීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදු කළේ යැයි චෝදනාව සම්බන්ධයෙනි.
### ‘ප්‍රශ්න ගැන කතා කරලා මදි - විසඳුම් සකසමු!’ -මහාචාර්ය රොහාන් සමරජීවගෙන් ආර්ථිකයට නව මාවතක්
URL: https://www.citizen.lk/rohan-samarajeewa-enters-public-politics/
Last updated: 2026-02-13T10:06:37.000Z
ශ්‍රී ලංකාවේ පවත්නා ආර්ථික අර්බුදයට ප්‍රායෝගික සහ විද්‍යාත්මක විසඳුම් සෙවීම අරමුණු කරගත් 'Reset Now' වැඩසටහන් මාලාවේ පළමු හමුව අද (13) පැවැත්වීමට වීමට නියමිතව තිබෙනවා.

ප්‍රකට දේශපාලන සන්නිවේදක සහ ප්‍රතිපත්ති සම්පාදක **මහාචාර්ය රොහාන් සමරජීව** මහතාගේ ප්‍රධානත්වයෙන් පැවැත්වෙන මෙම සුවිශේෂී සාකච්ඡාව අද සවස 4.00 ට කොළඹ 2, නිපොන් හෝටලයේදී පැවැත්වීමට නියමිතය.

  
 එම පළමු හමුව 'ප්‍රශ්න කතා කරලා මදි - දැන් විසඳුම් හදමු!' : මහාචාර්ය රොහාන් සමරජීවගෙන් ආර්ථිකයට නව මාවතක් - 'Reset Now' ලෙස නම් කර ඇත.

  
මෙම හමුවේ අද තේමාව වන්නේ **"වේගවත් වර්ධනයකට යතුර: ඉන්දියාව"** යන්නයි.

### විසඳුම් කේන්ද්‍රීය බුද්ධිමය මැදිහත්වීමක්

> ආර්ථික අර්බුදය පිළිබඳ මැසිවිලි නැගීම වෙනුවට, දත්ත සහ තර්ක මත පදනම් වූ විද්‍යාත්මක විසඳුම් ඉදිරිපත් කිරීම මෙම ව්‍යාපාරයේ මූලික අභිප්‍රායයි. ‘Reset Now’ සංවිධායක මණ්ඩලය අවධාරණය කරන්නේ, මෙය සාම්ප්‍රදායික දේශපාලන ‘කතා සාප්පුවක්’ නොවන බවත්, රටේ අනාගතය වෙනුවෙන් තීරණාත්මක ප්‍රතිපත්තිමය මඟපෙන්වීමක් ලබාදෙන බුද්ධිමය කතිකාවතක් වන බවත්ය.

ශ්‍රී ලංකාවේ ආර්ථික පුනරුදය උදෙසා අසල්වැසි ඉන්දියාව සමඟ පවත්නා සබඳතා සහ ඉන් ලබාගත හැකි උපායමාර්ගික වාසි පිළිබඳව මෙහිදී දීර්ඝ වශයෙන් කරුණු සාකච්ඡා වීමට නියමිතය.  
  
මෙම මූලික හමුව තෝරාගත් ආරාධිතයින් පිරිසකට පමණක් සීමා කර ඇත.
### ශ්‍රී ලංකා - ඔස්ට්‍රේලියා තරගයේ සියලු ප්‍රවේශපත් විකිණී අවසන්
URL: https://www.citizen.lk/all-tickets-for-the-sri-lanka-australia-match-have-been-sold-out/
Last updated: 2026-02-13T08:13:25.000Z
February 13 Citizen.lk News) - විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකාව හා ඔස්ට්‍රේලියාව අතර පැවැත්වෙන තරගයේ සියලුම ප්‍රවේශපත් විකිණී අවසන් බව ශ්‍රී ලංකා ක්‍රිකට් ආයතනය සඳහන් කරනවා.

ඒ අනුව, ප්‍රවේශපත් ලබා ගැනීම සඳහා ප්‍රවේශපත් කවුළු වෙත පැමිණීමෙන් වළකින ලෙස ක්‍රිකට් ආයතනය ඉල්ලා සිටිනවා.
### ඉන්දු - පාකිස්ථාන තරගය නැරඹීමට පැමිණෙන පිරිස් පැය 04 කට පෙර පැමිණෙන ලෙස දැනුම්දීමක්
URL: https://www.citizen.lk/a-notice-has-been-issued-to-those-coming-to-watch-the-india-pakistan-match-to-arrive-4-hours-in-advance/
Last updated: 2026-02-13T08:11:50.000Z
February 13 Citizen.lk News) -ඉන්දියාව සහ පාකිස්ථානය අතර පෙබරවාරි 15 වැනි ඉරිදා දින පැවැත්වීමට නියමිත විස්සයි විස්ස තරගාවලිය සඳහා විශේෂ රථවාහන සැලැස්මක් සහ විශේෂ ආරක්ෂක වැඩපිළිවෙළක් ක්‍රියාත්මක කිරීමට සූදානම් බව A notice has been issued to those coming to watch the India-Pakistan match to arrive 4 hours in advance.සඳහන් කරනවා.

කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේ දී පස්වරු 07.00 ට ආරම්භ වීමට නියමිත අදාළ තරගය නැරඹීම සඳහා පැමිණෙන ප්‍රේක්ෂකයන් වෙනුවෙන් ක්‍රීඩාංගණයේ දොරටු පස්වරු 03.00 සිට විවෘත කරන බව පොලිස් මාධ්‍ය ප්‍රකාශකවරයා වැඩිදුරටත් සඳහන් කර තිබෙනවා.
### අමෙරිකාවේ බෞද්ධ හිමිවරුන්ගේ දින 108 ක සාමයේ පා ගමන වොෂින්ටන් නුවරින් අවසන්
URL: https://www.citizen.lk/the-108-day-peace-march-of-buddhist-monks-in-america-ends-in-washington/
Last updated: 2026-02-11T12:39:03.000Z
February 11 Citizen.lk News) - ටෙක්සාස් ප්‍රාන්තයේ සිට වොෂින්ටන් ඩී.සී. දක්වා සැතපුම් 2,000 ක දුෂ්කර පා ගමනක නිරත වූ බෞද්ධ භික්ෂූන් වහන්සේලා පිරිස සිය සංචාරය සාර්ථකව නිමා කර තිබෙනවා.

එහි අරමුණ වූයේ ලෝකයේ සාමය, කරුණාව සහ එකමුතුකම ප්‍රචලිත කිරීම වන අතර මාස හතරක් පුරා පැවති මෙම පා ගමනේදී උන්වහන්සේලාට ඇතැම් අවස්ථාවල හිම මතින් පවා ගමන් කිරීමට සිදුවූ බවයි වාර්තා වන්නේ.

මෙම පා ගමන 2025 ඔක්තෝබර් 26 වන දින ෆෝර්ට්වර්ත් හි Huong Dao විපස්සනා භාවනා මධ්‍යස්ථානයෙන් ආරම්භ වූ අතර, ථේරවාදී බුදුදහම නියෝජනය කරන රටවල් කිහිපයක හිමිවරුන් 19 නමකගෙන් සමන්විත වූ මෙම කණ්ඩායමට ලොව පුරා කාගේත් අවධානය දිනා ගත් ‘ආලෝකා’ නම් වීදි සුනඛයෙක් ද එක්ව තිබුණා.

![](https://www.citizen.lk/content/images/2026/02/2026-02-10T183947Z_1388824826_RC26JJANQ8DJ_RTRMADP_3_USA-MONKS-PEACE-WALK-1024x683.jpg)

![](https://www.citizen.lk/content/images/2026/02/download.png)

![](https://www.citizen.lk/content/images/2026/02/260210-walk-for-peace-vsb1843-f39411.webp)

![](https://www.citizen.lk/content/images/2026/02/1768500546330.webp)

![](https://www.citizen.lk/content/images/2026/02/20251026WalkforPeace1-scaled.webp)

![](https://www.citizen.lk/content/images/2026/02/RSQW2DLYA3H5DL3OU5QCGVY6AI.jpg)
### පසුගිය වසර 05 තුළ කළ ගල් අඟුරු ආනයනයන් පිළිබඳ කෝප් කමිටුවෙන් විමර්ශනයක්
URL: https://www.citizen.lk/cope-committee-investigates-coal-imports-made-in-the-past-5-years/
Last updated: 2026-02-11T12:27:10.000Z
February 11 Citizen.lk News) - කෝප් කමිටුව විසින් පසුගිය වසර පහ තුළ ගල් අඟුරු ආනයන ක්‍රියාවලිය පිළිබඳ විශේෂ විමර්ශනයක් පැවැත්වීමට තීරණය කර තිබෙනවා.

එහි සභාපති පාර්ලිමේන්තු මන්ත්‍රී වෛද්‍ය නිශාන්ත සමරවීර සඳහන් කර ඇත්තේ විගණන වාර්තා ද පදනම් කර ගනිමින් එම විමර්ශනය සිදු කරන බවයි.

ගෙවුණු වසර 05 තුළ ගල් අඟුරු ආනයනය සඳහා ටෙන්ඩර් ක්‍රියාවලියක් අනුගමනය කළේ ද, ඒවා විනිවිද පෙනෙන අයුරින් සිදු කළේ ද යන්න මෙන්ම, ගල් අඟුරු ආනයනය සඳහා සම්බන්ධීකරණය සිදු කළේ කුමන පාර්ශ්ව ද යන්න එහිදී සොයා බැලීමට නියමිත බවයි වැඩිදුරටත් සඳහන් වන්නේ.
### ඉන්දු – පාකිස්ථාන තරගයට රජයේ උපරිම ආරක්ෂාව
URL: https://www.citizen.lk/government-provides-maximum-security-for-india-pakistan-match/
Last updated: 2026-02-11T07:02:31.000Z
T20 ලෝක කුසලාන තරගාවලියේ ඉන්දියා-පාකිස්ථාන තරගය සඳහා ශ්‍රී ලංකාව උපරිම ආරක්ෂාව සහතික කර ඇති බව රජය ප්‍රකාශ කර තිබෙනවා.

ඒ අනුව ලෝක ක්‍රිකට් ඉතිහාසයේ දැවැන්ත තරඟාවලියක් ආරක්ෂිතව හා ගැටලුවකින් තොරව පැවැත්වීම සඳහා වූ සෑම පියවරක්ම ගෙන ඇති බව වැඩිදුරටත් දක්වා තිබෙනවා.
### මගී ගුවන් යානයක් කඩා වැටෙයි
URL: https://www.citizen.lk/somali-passenger-plane-crashes/
Last updated: 2026-02-11T06:49:11.000Z
February 11 Citizen.lk News) - සෝමාලියානු මගී ගුවන් යානයක් තාක්ෂණික දෝෂයකට ලක් වීමෙන් අගනුවර ජාත්‍යන්තර ගුවන්තොටුපොළ අසල වෙරළ තීරයට කඩා වැටී ඇති බව විදෙස් මාධ්‍ය වාර්තා කරනවා.

යානයේ සිටි 55 දෙනෙකුට කිසිදු අනතුරක් සිදුව නොමැති බවත් නියමුවාගේ දක්ෂතාවය හේතුවෙන් මඟීන්ගේ ජීවිත බේරා ගැනීමට හැකි ඇති බව අදාළ ගුවන් සමාගම සඳහන් කරනවා.
### දෙව්නිමෝරි සර්වඥ ධාතූන් වහන්සේ වන්දනාව අවසන්
URL: https://www.citizen.lk/the-veneration-of-the-sacred-relics-of-devnimori-has-concluded/
Last updated: 2026-02-11T06:40:47.000Z
February 11 Citizen.lk News) -ඉන්දියාවේ ඓතිහාසික දෙව්නිමෝරි පුදබිමෙන් වැඩම කෙරුණු සර්වඥ ධාතූන් වහන්සේ වන්දනාව අද (11) පෙරවරු 6.00 වන විට අවසන් වුණු අතර එම සර්වඥ ධාතූන් වහන්සේ අද පෙරවරුවේම යළි ඉන්දියාව බලා වැඩම කරවීමට ද නියමිත වනවා.

ඉන්දීය රජයේ පූර්ණ අනුග්‍රහයෙන් ශ්‍රී සර්වඥ ධාතූන්වහන්සේ පසුගිය 04වැනිදා පස්වරුවේ ඉන්දියාවට අයත් විශේෂිත ගුවන්යානයකින් කටුනායක ජාත්‍යන්තර ගුවන්තොටුපොළට වැඩම කරවනු ලැබූ අතර ඉන්දීය අග්‍රාමාත්‍ය නරේන්ද්‍ර මෝදි මහතාගේ ශ්‍රී ලංකා සංචාරයේදී ජනාධිපති අනුර කුමාර දිසානායක මහතා සමඟ පැවැත් වූ සාකච්ඡාවක ප්‍රතිඵලයක් ලෙස ඉන්දීය අග්‍රාමාත්‍ය නරේන්ද්‍ර මෝදී මහතාගේ මැදිහත්වීමෙන් සහ ඉන්දීය රජයේ පූර්ණ අනුග්‍රහයෙන් මෙම සර්වඥ ධාතූන් වහන්සේ මෙලෙස මෙරටට වැඩමවනු ලැබුවා.
### සමරිසි ප්‍රජාව ඉලක්ක කරගත් සංචාරක ව්‍යාපෘතියකට අනුමැතිය දුන් ලිපිය ඉවත්කරගනියි
URL: https://www.citizen.lk/letter-of-approval-for-tourism-project-targeting-the-gay-community-withdrawn/
Last updated: 2026-02-10T07:25:33.000Z
February 10 Citizen.lk News) -ශ්‍රී ලංකා සංචාරක සංවර්ධන මණ්ඩල සභාපතිවරයා විසින් ශ්‍රී ලංකාව තුළ සමරිසි ප්‍රජාව ඉලක්ක කරගත් සංචාරක ප්‍රවර්ධන ව්‍යාපෘතියක් ක්‍රියාත්මක කිරීමට අනුමැතිය දෙමින් නිකුත් කළ ලිපිය ඉවත් කරගන්නා බව නීතිපතිවරයා අද (10) අභියාචනාධිකරණයට දැනුම් දී තිබෙනවා.

ඒ දේශ හිතෛෂී ජාතික ව්‍යාපාරයේ කැඳවුම්කරු වෛද්‍ය ගුණදාස අමරසේකර, එහි ලේකම් වෛද්‍ය වසන්ත බණ්ඩාර ඇතුළු පිරිසක් විසින් අධිකරණයට පෙත්සමක් ගොනු කිරීමෙන් අනතුරුවයි.
### උස සමන්
URL: https://www.citizen.lk/us-smn/
Last updated: 2026-02-09T10:37:44.000Z
ඊ. එම්. එස්. බී. ඒකනායක කියන්නේ, ශ්‍රී ලංකා පරිපාලන සේවයේ 'උස' චරිතයක්. පේරාදෙණිය විශ්වවිද්‍යාලයෙන් සිය ප්‍රථම උපාධිය සමත් ව 1985 වසරේ දී ශ්‍රී ලංකා පරිපාලන සේවයට එක් වන ඊ. එම්. එස්. බී. (සමන්) ඒකනායක එකි 'උස' ගුණය එදා පටන් ම විදහා පෑ අපූරු නිලධාරීයෙක්.

ඔහු, ඉතා අවංක ය. ගුණ ගරුක ය. අතිදක්ෂ ය. නිර්මාණශීලී ය. නිහතමානී ය. මිත්‍රශීලී ය. මානුෂීය ගුණයෙන් පෝෂිත ය. කාර්යශූර ය.  
  
ඔහු, තීන්දු තීරණ ගැනීමේ දී අභීත ය. මත ප්‍රකාශනයේ දී ඍජු ය. 'උස' සමන් පොදු ජනප්‍රිය චරිතයක් නොවන්නේ ද ඒ නිසා ය.  
  
රාජ්‍ය සේවය පිණිස ම කැප වූ ඔහු තම සේවයේ ගරුත්වයත්, ස්වාමියාගේ ප්‍රතිරූපයත් සැමවිට ආරක්ෂා කිරීමට ම කැප වූ වෘත්තීකයෙකි. බාල හා ලාබ ප්‍රසිද්ධිය උදෙසා තම වෘත්තියමය අභිමානය කිසිවිටෙකත් උගසට නොතැබූ 'උස' නිලධාරියෙකි.

![](https://theleader.lk/images/2023/2026/February/ranil_saman.jpg)

> **එක් වසරක සේවාස්ථ පුහුණුවකින් පසු ඔහුගේ ප්‍රථම රාජකාරි ස්ථානය වුණේ රාජ්‍ය සේවා කොමිෂන් සභාව (සහකාර ලේකම්) යි. 1989 දී ඔහු, යෞවන කටයුතු හා ක්‍රීඩා අමාත්‍යාංශයේ සහකාර ලේකම් තනතුරට පත් වනවා. රනිල් වික්‍රමසිංහ - සමන් ඒකනායක සුසංයෝගයේ මූලාරම්භය එතැනයි.**

සමන්ගේ ඊලඟ රාජකාරි නැවතුම වන්නේ රජයේ ප්‍රවෘත්ති දෙපාර්තමේන්තුව යි. 1992 දී ඔහු, සහකාර ප්‍රවෘත්ති අධ්‍යක්ෂ ධූරයේ වැඩ භාර ගන්නවා. විශ්වවිද්‍යාලයෙන් සමුගැනීමෙන් පසු කෙටි කාලයක් 'ලේක්හවුස්' ආයතනයේ 'Daily News' පුවත්පත වෙනුවෙන් සේවය කළ (1983 - 1985) සමන්ට, රජයේ ප්‍රවෘත්ති දෙපාර්තමේන්තුවේ රාජකාරිය ඉතා ප්‍රියජනක එකක් වෙනවා. දෙපාර්තමේන්තුවේ සෑම කටයුත්තකට ම උද්යෝගශීලිව කැප වෙනවා. රාජකාරීමය වශයෙන් මට සමන් ප්‍රථමයෙන් මුණගැහෙන්නෙත් රජයේ ප්‍රවෘත්ති දෙපාර්තමේන්තුවේ දී යි. ඒ, ජනාධිපති රණසිංහ ප්‍රේමදාස යුගය යි. එම අවධියේ දී රජයේ ප්‍රවෘත්ති දෙපාර්තමේන්තුව සෑම දා ම අවදි වුණේ අලුයම 4.00ට යි.  
  
දිනක්, අලුයම රාජකාරි සඳහා සමන් සහ මම යමින් සිටිය දී, අප ගමන් කළ වාහනය කුඩා ලොරියක් හා ගැටෙනවා. දෙහිවල මංසන්ධියේ දී සිදු වූ මෙම අනතුරෙන් ලොරියේ ගමන්ගත් මත්ස්‍ය වෙළෙඳ සහායකයෙක් දැඩි ලෙස තුවාල ලබනවා. (පසුව ඔහු මිය යනවා). අපගේ වාහනයේ රියදුරු සහ කාර්යාල කාර්ය සහායකත් තුවාල ලබනවා. සමන්ටත්, මටත් සුළු ආපදා ඇති වුණා. අනතුරේ ඉදිරි කටයුතු දෙහිවල පොලීසිය වෙත භාර කරන සමන් මාවත් කැටුව කුලී රථයක ආධාරයෙන් කඩිනමින් කාර්යාලය වෙත පැමිණෙනවා. කිසිදු සිද්ධියක් සිදු නොවුනා සේ නියමිත රාජකාරි ආරම්භ කරනවා. ඒ තමයි සමන් ඒකනායක, එහෙමත් නැත්නම් ඊ. එම්. එස්. බී. ඒකනායක. 'උස' සමන්.

![Saman Ekanayake 1200x675px 01 09 25](https://theleader.lk/images/2023/2026/February/Saman_Ekanayake_1200x675px_01_09_25.jpg)

  
රනිල් වික්‍රමසිංහ, අග්‍රාමාත්‍ය ධූරයට ප්‍රථමවරට පත්වන්නේ 1993 දී යි. නිලධාරීන්ගේ හැකියාව, දක්ෂතාව සහ ධාරිතාව (capacity) නිගමනය කිරීමේ කුසලතාවෙන් පිරිපුන් අග්‍රාමාත්‍යවරයා තම කාර්යාලයේ සහකාර ලේකම් තනතුර සඳහා සමන් ඒකනායක නම් කරනවා. එතැනින් නො නවතින ඔහු, රජයේ ප්‍රවෘත්ති අධ්‍යක්ෂ (සුනන්ද මද්දුමබණ්ඩාර) පෞද්ගලිකවම අමතා, අග්‍රාමාත්‍ය කාර්යාලයේ සේවය සඳහා සමන් ඒකනායක මුදාහරින ලෙස දන්වා සිටිනවා.   
  
> **එතැන් සිට, ඊ. එම්. එස්. බී. ඒකනායක එහෙමත් නැත්නම් සමන් ඒකනායක, අග්‍රාමාත්‍ය ලේකම්, ජනාධිපති ලේකම් දක්වා ම පිය නගනවා. 'හෙට දකින රනිල්' ට යෝධ ශක්තියක් වනවා. ඒ රටේත්, ජනතාවගේත් හිත සුව පිණිස ම යි.**

![saman eka](https://theleader.lk/images/2023/2026/February/saman_eka.jpg)

  
එකසමාන ගුණ සමුදායන් රාශියකින් පිරිපුන් රනිල් - සමන් සුසංයෝගය ඵල දරනවා. එහෙත්, රනිල් වික්‍රමසිංහට මෙන්ම 'උස' සමන්ටත් 'මාංචු' පලඳවනවා...

![Tall saman](https://theleader.lk/images/2023/2026/February/Tall_saman.jpg)
  
  
**සටහන | විජයබණ්ඩාර** 
**Wijayabandara WMK** 
**Digital creator**  
[**wijayabtdm@gmail.com**](mailto:wijayabtdm@gmail.com)
### අද කාලගුණ නිවේදනය
URL: https://www.citizen.lk/weather-forecast/
Last updated: 2026-02-09T07:43:33.000Z
February 09 (Citizen.lk News) - ගාල්ල, මාතර, කළුතර සහ රත්නපුර දිස්ත්‍රික්කවල ප.ව. 2.00 න් පසු ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව සඳහන් කරනවා.

දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණික තත්ත්වයක් පවතින බවයි සඳහන් වන්නේ.

සබරගමුව, මධ්‍යම සහ උතුරු-මැද පළාත්වලත්, බදුල්ල සහ කුරුණෑගල දිස්ත්‍රික්කවලත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් පැවතිය හැකි ය.
### කෑගල්ල ප්‍රාදේශීය ලේකම් කොට්ඨාසයේ අවදානම් සහිත වු නිවාස සදහා ගෙවල් කුලී දිමනා ලබාදිම ආරම්භ කෙරේ
URL: https://www.citizen.lk/house-rental-assistance-for-vulnerable-houses-in-the-kegalle-divisional-secretariat-division-has-commenced/
Last updated: 2026-02-09T07:40:12.000Z
February 09 Citizen.lk News) - පසුගියදා ඇති වූ දිට්වා සුළි කුණාටුවෙන් ආපදාවට පත් වු කෑගල්ල ප්‍රාදේශීය ලේකම් කොට්ඨාසයේ අවදානම් සහිත වූ නිවාස සඳහා ගෙවල් කුලී දීමනා ලබාදීමේ වැඩසටහනක් පසුගියදා (07) කෑගල්ල දිස්ත්‍රික් පාර්ලිමේන්තු මන්ත්‍රීනී සාගරිකා අතාවුද, කෑගල්ල ප්‍රාදේශීය සභාවේ සභාපති සරත් රණසිංහ ඇතුළු ප්‍රාදේශීය දේශපාලන අධිකාරිය සහ කෑගල්ල ප්‍රාදේශීය ලේකම් එම්.එම්.පී ප්‍රියංගනී පෙතන්ගොඩගේ ප්‍රධානත්වයෙන් කාර්යාලීය ශ්‍රවණාගාරයේදී පැවැත්වුණා.
### තැපැල් ගාස්තු අද සිට ඉහළ යයි
URL: https://www.citizen.lk/postal-rates-to-increase-from-today/
Last updated: 2026-02-09T07:19:59.000Z
February 09 (Citizen.lk News) - තැපැල් ගාස්තු සංශෝධනයන් අද (09) සිට ක්‍රියාත්මක කරන බව තැපැල් දෙපාර්තමේන්තුව සඳහන් කරනවා.

ඒ අනුව, මෙතෙක් පැවති සාමාන්‍ය ලිපියක ගාස්තුව රුපියල් 50 සිට 70 දක්වා ඉහළ දමා ඇති අතර ලියාපදිංචි තැපැල් ගාස්තුව වන රුපියල් 60 ක මිලෙහි කිසිදු වෙනසක් සිදුව නොමැත.

සාමාන්‍ය සහ ව්‍යාපාරික ලිපි සේවාවේ මූලික බර පන්තිය ග්‍රෑම් 20 සිට ග්‍රෑම් 30 දක්වා සංශෝධනය කර ඇති අතර පත්‍රිකාවක හෝ පත්‍රිකා කට්ටලයක උපරිම බර ග්‍රෑම් 100 සිට ග්‍රෑම් 120 දක්වා සංශෝධනය කර ඇත.

සාමාන්‍ය/ ව්‍යාපාරික ලිපි සේවාව, තැපැල් පතක් සඳහා ගාස්තු, මුද්‍රිත ද්‍රව්‍ය විවෘත පැකට්ටු/ ලිපි සේවාව, මුද්දර කවර, ටෙලිමේල් සේවාව ඇතුළු සේවා 12 ක ගාස්තු සංශෝධනය කර තිබෙනවා.

අදාළ නිවේදනය පහතින්,

![](https://www.citizen.lk/content/images/2026/02/image.png)
### දුන්ගල්පිටිය ප්‍රදේශයෙන් රිවෝල්වරයක් සොයා ගැනේ
URL: https://www.citizen.lk/a-revolver-was-found-in-the-dungalpitiya-area/
Last updated: 2026-02-08T14:42:05.000Z
February 08 (Citizen.lk News) - මීගමුව, දුන්ගල්පිටිය ප්‍රදේශයේ වෙරළට ඇතුල්වන මාර්ගයක් අසල සඟවා තිබූ රිවෝල්වර ගිනි අවියක් ඊයේ (07) සොයාගෙන ඇත.

ඒ, ශ්‍රී ලංකා යුද්ධ හමුදා බුද්ධි අංශය වෙත ලද තොරතුරක් මත රාජගිරිය පොලිස් විශේෂ කාර්ය බලකාය සමග ඒකාබද්ධව සිදු කළ මෙහෙයුමකින්ය.

එය Belgium Velo-dog Revolver 7.65mm NVSN මාදිලියට අයත් එකක් බව සඳහන් වනවා.

මේ පිළිබඳ වැඩිදුර පරීක්ෂණ ක්‍රියාත්මකයි.
### දෙව්නි මෝරි ධාතූන් වහන්සේ වැඳපුදා ගැනීමට අද සිට අවස්ථාව
URL: https://www.citizen.lk/opportunity-to-worship-the-relics-of-goddess-mori-from-today/
Last updated: 2026-02-05T03:44:09.000Z
February 05 (Citizen.lk News) -ඉන්දියාවේ සිට මෙරටට වැඩම කරවන ලද සර්වඥ ධාතූන් වහන්සේ සියැසින් දැක වැඳපුදා ගැනීමේ අවස්ථාව අද (05) සිට මෙරට ජනතාවට හිමි වනවා.

ඒ අනුව හුනුපිටිය ගංගාරාම විහාරස්ථානයේ තැන්පත් කර ඇති සර්වඥ ධාතූන් වහන්සේ අද (05) අලුයම 6.00 සිට ලබන 11 වන දින පෙරවරු 7.00 දක්වා වැද පුදා ගැනීමටයි කටයුතු සූදානම් කර ඇත්තේ.

ඉන්දියාවේ ගුජරාට් ප්‍රාන්තයේ අරවල්ලි දිස්ත්‍රික්කයේ පිහිටි ඓතිහාසික දෙව්නි මෝරි පුරාවිද්‍යාත්මක ස්ථානයේ 60 දශකයේදී සිදුකරන ලද පුරාවිද්‍යාත්මක කැණීමකින් මෙම ධාතූන් වහන්සේ සොයාගෙන ඇති අතර එම සර්වඥධාතුන් වහන්සේ ඉන්දියාවෙන් පිටත ප්‍රදර්ශනය කරනු ලබන පළමු අවස්ථාව මෙයයි.

![](https://www.citizen.lk/content/images/2026/02/628200304_1483670053129219_7036262315805074591_n.jpg)

![](https://www.citizen.lk/content/images/2026/02/627989208_1483670133129211_7561641232274780855_n.jpg)

![](https://www.citizen.lk/content/images/2026/02/628059688_1483670169795874_4022765986543302996_n.jpg)

![](https://www.citizen.lk/content/images/2026/02/628039777_1483670073129217_7624034646690515325_n.jpg)
### 78 වැනි නිදහස් සංවත්සරයට චීනයෙන් සුබ පැතුම්
URL: https://www.citizen.lk/greetings-from-china-on-the-78th-independence-anniversary/
Last updated: 2026-02-04T13:33:05.000Z
February 04 (Citizen.lk News) - ශ්‍රී ලංකාවේ 78 වැනි නිදහස් සංවත්සරය වෙනුවෙන් චීන ජනාධිපති ෂී ජින් පිං ශ්‍රී ලංකා ජනාධිපති අනුර කුමාර දිසානායක මහතාට සුබ පැතුම් එක්කර තිබෙනවා.

චීනය සහ ශ්‍රී ලංකාව සුහදශීලි මෙන්ම අන්‍යෝන්‍ය ප්‍රතිලාභ සහිත සහයෝගීතාවයක් අනුගමනය කරන හවුල්කරුවන් වන අතර සංවර්ධන සහ පුනර්ජීවන මාවතේ ගමන්කරන සගයන් බව ෂී මහතා සිය පණිවිඩයේ සඳහන් කර ඇත.

2025 ජනවාරි මාසයේදී ජනපති අනුර කුමාර දිසානායක මහතාගේ චීන රාජ්‍ය සංචාරය සිහිපත් කරමින් ෂී පවසා ඇත්තේ, එම සංචාරයේදී ඵලදායී සාකච්ඡා පවත්වා ද්විපාර්ශ්වික සබඳතා වර්ධනය කිරීම සඳහා දෙපාර්ශවයම පුළුල් එකඟතාවයකට පැමිණි බවය.

එමෙන්ම චීන-ශ්‍රී ලංකා සබඳතා වර්ධනයට තමන් විශාල වැදගත්කමක් දක්වන බව ද ෂී සඳහන් කරනවා.

චීන-ශ්‍රී ලංකා උපායමාර්ගික සහයෝගීතා හවුල්කාරිත්වය වර්ධනයට සහ දෙරටේ ජනතාවට වඩා ඉහළ ප්‍රතිලාභ ලබා දීම සඳහා පොදු අනාගතයක් සහිත ප්‍රජාවක් ගොඩනැගීමට අනුර කුමාර දිසානායක ජනාධිපතිවරයා සමඟ ඉදිරියටත් කටයුතු කිරීමට සූදානමින් සිටින බවද චීන ජනපති ෂී වැඩිදුරටත් ප්‍රකාශ කර තිබේ.
### 78 වැනි ජාතික නිදහස් දිනයට ඇමරිකාවෙන් සුබ පැතුම්
URL: https://www.citizen.lk/america-extends-greetings-on-the-78th-national-independence-day/
Last updated: 2026-02-04T13:30:04.000Z
February 04 (Citizen.lk News) - ශ්‍රී ලංකාවේ 78 වැනි ජාතික නිදහස් දිනය නිමිත්තෙන් ශ්‍රී ලාංකික ජනතාවට සුබ පැතුම් එක් කරමින් අමෙරිකා සහ ශ්‍රී ලංකාව අතර සහයෝගීතාවය ක්ෂේත්‍ර කිහිපයක් ඔස්සේ ඉදිරියේදීත් අඛණ්ඩව පවතිනු ඇති බව අමෙරිකා එක්සත් ජනපද රාජ්‍ය ලේකම් මාර්කෝ රුබියෝ මහතා සඳහන් කරනවා.

ඉන්දු-පැසිෆික් කලාපය තුළ පොදු අරමුණු හා අවශ්‍යතා මත පදනම් වූ ශ්‍රී ලංකාව සහ අමෙරිකාව අතර වැඩිදියුණු වෙමින් පවතින හවුල්කාරි වැඩපිළිවෙලක් පිළිබඳවද ඔහු මෙහිදී සදහන් කරනවා.

අමෙරිකා එක්සත් ජනපද රාජ්‍ය ලේකම් මාර්කෝ රුබියෝ පවසා ඇත්තේ, “ශ්‍රී ලංකාවේ ජාතික දිනය සමරන මේ අවස්ථාවේදී එරට ජනතාවට සුබ පැතුම් පිරිනමීම මට මහත් ගෞරවයක්” යනුවෙනි.

එමෙන්ම, “ස්වාධීන, ආරක්ෂිත හා සමෘද්ධිමත් ඉන්දු–පැසිෆික් කලාපයක් සඳහා ඇති පොදු කැපවීම මත, අමෙරිකාව සහ ශ්‍රී ලංකාව අතර අන්‍යෝන්‍ය ගෞරවයෙන් යුත් සබඳතාවක් ගොඩනැගී ඇත” යනුවෙන්ද ඔහු සඳහන් කර සිටියා.

ට්‍රම්ප් පරිපාලන සමයේදී දෙරට අතර සබඳතා තවදුරටත් ශක්තිමත් වූ බව පෙන්වා දුන් රුබියෝ මහතා, ශ්‍රී ලංකාවට බලපෑ දැඩි “දිට්වා” සුළි කුණාටුවෙන් පසු අමෙරිකාව විසින් ලබාදුන් සහායද උදාහරණයක් ලෙස පෙන්වා දී ඇත.

“දිට්වා සුළි කුණාටුවෙන් පසු ශ්‍රී ලාංකික ජනතාවට අමෙරිකාව විසින් ලබාදුන් සහාය මගින් අපගේ හවුල්කාරිත්වය තවදුරටත් ශක්තිමත් වූ බව පෙනී යයි” යනුවෙන් ඔහු කියා සිටියා.
### සාමාන්‍ය පෙළ සිසුන්ට දැනුම්දීමක්
URL: https://www.citizen.lk/notice-to-ordinary-level-students/
Last updated: 2026-02-04T13:24:57.000Z
February 04 (Citizen.lk News) - අපොස සාමාන්‍ය පෙළ 2025 (2026) විභාගයේ ප්‍රවේශපත්‍ර සංශෝධනය කර ගැනීම සම්බන්ධයෙන් විභාග කොමසාරිස් ජනරාල් විසින් දැනුම් දීමක් සිදු කර තිබෙනවා.

පෞද්ගලික අපේක්ෂකයන් විසින් තම ප්‍රවේශපත්‍රවල සංශෝධනයක් තිබේ නම්, [http://www.doenets.lk/](http://www.doenets.lk/?ref=citizen.lk) වෙබ් අඩවියට පිවිස තම ජාතික හැඳුනුම්පත් අංකය ඇතුළත් කර එම සංශෝධනය කරගත යුතු අතර, සංශෝධන සිදු කිරීම 2026 පෙබරවාරි 10 වන දින මධ්‍යම රාත්‍රී 12.00 ට අවසන් කිරීමට නියමිතයි.

මෙවර සාමාන්‍ය පෙළ විභාගය පෙබරවාරි 17 වැනිදා සිට 26 වැනිදා දක්වා දිවයින පුරා මධ්‍යස්ථාන 3,545 කදී පැවැත්වීමට නියමිතව තිබෙනවා.

වැඩි විස්තර සඳහා :

- ක්ෂණික ඇමතුම් අංකය - 1911
- දුරකථන අංකය - 0112784208, 0112784537
- ෆැක්ස් අංකය - 0112784422
- විද්‍යුත් තැපෑල - gceolexamsl@gmail.com
### ජෝන් කීල්ස් හෝල්ඩින්ග්ස් සමූහය, සියලුම ව්‍යාපාරික අංශයන්හි කැපී පෙනෙන වර්ධනයක් සමඟින් තෙවන කාර්තුව සඳහා ශක්තිමත් කාර්ය සාධනයක් අත්කර ගනී
URL: https://www.citizen.lk/john-keells-holdings-group-achieves-strong-performance-for-the-third-quarter-with-notable-growth-across-all-business-segments/
Last updated: 2026-02-04T13:22:08.000Z
February 04 (Citizen.lk) 

- **කණ්ඩායමේ EBITDA (2025/26 තෙවන කාර්තුව): රු. බිලියන 23.76 (පෙර වසරට සාපේක්ෂව +68% ක වර්ධනයක්)**
- **කණ්ඩායමේ බදු පූර්ව ලාභය (2025/26 තෙවන කාර්තුව): රු. බිලියන 12.89 (පෙර වසරට සාපේක්ෂව +113% ක වර්ධනයක්)**
- **කොටස් හිමියන් සතු ශුද්ධ ලාභය (2025/26 තෙවන කාර්තුව): රු. බිලියන 6.48 (පෙර වසරට සාපේක්ෂව +128% ක වර්ධනයක්)**
- **ලාභාංශ: තිරසාර වර්ධනය පිළිබඳ විශ්වාසය තහවුරු කරමින්, අධ්‍යක්ෂ මණ්ඩලය විසින් එක් කොටසකට රු. 0.10 බැගින් වූ දෙවන අතුරු ලාභාංශයක් ප්‍රකාශයට පත් කර ඇත.**

ජෝන් කීල්ස් හෝල්ඩින්ග්ස් පීඑල්සී සමූහය 2025/26 මූල්‍ය වර්ෂයේ තෙවන කාර්තුව සඳහා විශිෂ්ට මූල්‍ය ප්‍රතිඵල වාර්තා කර ඇත. සමූහයේ ඔරොත්තු දීමේ හැකියාව සහ මෙහෙයුම් කාර්යක්ෂමතාව මනාව පිළිබිඹු කරමින් සියලුම ව්‍යාපාරික අංශයන්හි වර්ධනයක් මෙහිදී පෙන්නුම් කරයි. සමාලෝචිත කාර්තුව සඳහා සමූහයේ පොලී, බදු, ක්ෂයවීම් සහ අනුප්‍රමාණනයට පූර්ව ලාභය (EBITDA) රු. බිලියන 23.76 ක් දක්වා ඉහළ ගොස් ඇති අතර, එය පසුගිය වසරේ අදාළ කාලපරිච්ඡේදයේ වාර්තා වූ රු. බිලියන 14.15 හා සැසඳීමේදී 68% ක වර්ධනයකි. 2025/26 මූල්‍ය වර්ෂයේ මුල් මාස නවය සඳහා සමූහයේ සමුච්චිත EBITDA අගය රු. බිලියන 55.10 ක් වන අතර, එය පෙර වසරට සාපේක්ෂව 84% ක කැපී පෙනෙන වර්ධනයකි.

විවේක හා විනෝදාස්වාද (Leisure) සහ ව්‍යාපාරික වෙළඳ (Retail) අංශ මෙම ප්‍රගතිය සඳහා පෙරමුණ ගෙන කටයුතු කළ අතර, එහිදී විවේක හා විනෝදාස්වාද අංශයේ EBITDA අගය 337% ක දැවැන්ත වර්ධනයක් සමඟින් රු. බිලියන 5.02 ක් දක්වා ඉහළ ගියේය (2024/25 තෙවන කාර්තුව: රු. බිලියන 1.15). 'City of Dreams Sri Lanka' සහ 'Cinnamon Life' ව්‍යාපෘතිවල මෙහෙයුම් කටයුතු අඛණ්ඩව වේගවත් වීම සහ එහි පවත්නා වර්ධන වේගය මෙම ජයග්‍රහණයට මූලික විය. මේ අතර, 'කීල්ස්' සුපිරි වෙළඳසැල් ජාලයේ ශක්තිමත් ක්‍රියාකාරීත්වය සහ John Keells CG Auto - JKCG ලබාදුන් සුවිශේෂී දායකත්වය මත, ව්‍යාපාරික වෙළඳ (Retail) අංශය ද EBITDA අගයෙහි 166% ක ආකර්ෂණීය වර්ධනයක් අත්කර ගනිමින් එය රු. බිලියන 7.72 ක් ලෙස වාර්තා කළේය.

ප්‍රවාහන (Transportation) අංශය යටතේ ක්‍රියාත්මක වන ඉන්ධන සැපයුම් ව්‍යාපාරය සහ කොළඹ වරායේ බටහිර ජාත්‍යන්තර පර්යන්තය සාර්ථක මෙහෙයුම් වාර්තා කළ අතර, එම අංශයේ EBITDA අගය 24% කින් ඉහළ ගොස් රු. බිලියන 2.04 ක් විය. පාරිභෝගික ආහාර (Consumer Foods) අංශයේ EBITDA අගය 9% කින් වර්ධනය වී රු. බිලියන 1.42 ක් ලෙස වාර්තා විය. එහිදී පානීය නිෂ්පාදන (Beverages) අංශය අලෙවි පරිමාව අතින් 17% ක වර්ධනයක් සනිටුහන් කළ අතර, පැවැති සුළි කුණාටු තත්ත්වයන් හේතුවෙන් මෙහෙයුම් කටයුතුවලට බාධා එල්ල වුවද, පාරිභෝගික ආහාර (Confectionery) අංශය සුළු අලෙවි පරිමාවක වර්ධනයක් පෙන්නුම් කිරීමට සමත් විය.

සමූහයේ ප්‍රමුඛතම ඒකාබද්ධ සංකීර්ණය වන 'City of Dreams Sri Lanka', සමාලෝචිත කාර්තුව සඳහා රු. බිලියන 1.43 ක ප්‍රථම ධනාත්මක EBITDA අගයක් වාර්තා කරමින් සුවිශේෂී සන්ධිස්ථානයක් සනිටුහන් කළේය. විශේෂයෙන්ම සම්මන්ත්‍රණ සහ උත්සව අංශයේ ශක්තිමත් ක්‍රියාකාරීත්වය හෝටල් කාමර භාවිතය ඉහළ නැංවීමට මහෝපකාරී වූ අතර, දිරිගන්වන සුළු ආහාර පාන සහ කැසිනෝ ව්‍යාපාරික ආදායම් ද සමස්ත ආදායම් වර්ධනයට සක්‍රීය දායකත්වයක් ලබා දුන්නේය. 'City of Dreams Sri Lanka' හි මෙම සාධනීය මූල්‍යමය හැරවුම, සමාලෝචිත කාර්තුව තුළ සමූහයේ සමස්ත කාර්ය සාධනය තවදුරටත් ශක්තිමත් කළේය. මෙම සංකීර්ණයේ සියලුම අංගයන් දැන් මෙහෙයුම් මට්ටමේ පවතින බැවින්, ඉදිරි කාලසීමාව තුළ එහි ක්‍රියාකාරීත්වය තවදුරටත් වර්ධනය වනු ඇතැයි JKH සමූහය අපේක්ෂා කරයි.

මූල්‍ය සේවා (Financial Services) අංශය තවදුරටත් ස්ථාවර ඔරොත්තු දීමේ හැකියාවක් පෙන්නුම් කළ අතර, එහිදී නේෂන්ස් ට්‍රස්ට් බැංකුව ශක්තිමත් ණය වර්ධනයක් වාර්තා කළේය. යුනියන් ඇෂුවරන්ස් ආයතනය සිය “බැංකු රක්ෂණ” ජාලය පුළුල් කිරීම කෙරෙහි අවධානය යොමු කළේය. එමෙන්ම, සිය ව්‍යාපාරික කළඹ වඩාත් කාර්යක්ෂම කිරීමේ අරමුණින් සමූහය විසින් උපායමාර්ගික වත්කම් බැහැර කිරීම් කිහිපයක් සිදු කරන ලද අතර, 'FairFirst Insurance' සමාගමේ සතු සිය කොටස් විකුණා දැමීම ද ඊට ඇතුළත් වේ.

අනාගතය දෙස බලන විට, 'City of Dreams Sri Lanka' සහ කොළඹ වරායේ බටහිර පර්යන්තය වැනි ප්‍රධාන ව්‍යාපෘති මෙහෙයුම් මට්ටමට පැමිණීම සහ ඒවායේ ක්‍රියාකාරීත්වය අඛණ්ඩව වේගවත් වීමත් සමඟ, සිය වර්ධන ප්‍රවේගය තවදුරටත් තිරසාරව පවත්වා ගැනීමට හැකි වනු ඇති බවට සමූහය දැඩි විශ්වාසයකින් පසුවේ. විශේෂයෙන්ම බටහිර පර්යන්ත ව්‍යාපෘතිය මේ වන විටත් සමූහයේ ලාභදායීතාවය ඉහළ නැංවීම සඳහා සාධනීය දායකත්වයක් ලබා දෙමින් පවතී.
### 78 වන ජාතික නිදහස් දිනය වෙනුවෙන් අග්‍රාමාත්‍යතුමියගේ පණිවිඩය
URL: https://www.citizen.lk/prime-ministers-message-on-the-occasion-of-the-78th-national-independence-day/
Last updated: 2026-02-05T05:09:13.000Z
February 04 (Citizen.lk News) - 78 වන ජාතික නිදහස් දිනය සමරන්නේ අලුත් නිදහසක් පිළිබඳ වූ බලාපොරොත්තුවෙනි. සියලු ජනතාව එක් ව ගොඩනැගූ මහජනතාවගේ ආණ්ඩුවක් සමඟ අපි මේ වනවිට අලුත් මඟකට අවතීර්ණ වී සිටිමු.මානුෂීය ගුණාංගවලින් පිරිපුන්, කුසලතා පූර්ණ, බුද්ධිමත් අනාගත පරපුර උදෙසා අප දේශය ගොඩනැගීමේ කාර්යය මේ වනවිට රජය ආරම්භ කර තිබේ. සාරධර්මවලින් පිරි ශ්‍රී ලාංකීය ජාතියක් ගොඩනැගීමට පුද්ගලිකවත්, සාමුහිකවත් ඔබ සැමගේ දායකත්වය මව්බිම වෙනුවෙන් ලබා දිය යුතු කාලය එළැඹ ඇත.

සවිමත් ආර්ථිකමය පදනමක් මත රට ස්ථාවර කිරීම, නව දේශපාලන සංස්කෘතියක් හරහා දේශපාලනය හා දේශපාලනඥයා පිළිබඳ වූ නව පරමාදර්ශයක් වෙනුවෙන් කැපවීම, ජාතිවාදයෙන් හා ආගම්වාදයෙන් තොරව අනෙකා දෙස සමානාත්මතාවයෙන්, ගෞරවනීය හා සහකම්පනීය ලෙස ජනතාව මෙහෙයවීම, ග්‍රාමීය දුප්පත්කම තුරන් කිරීම ඇතුළු ප්‍රමුඛ පරමාර්ථ ඉටුකර ගැනීම වෙනුවෙන් අපි කැපවී සිටිමු.

අවදානමට ලක් වූ හා ලක් විය හැකි කිසිදු පුරවැසියෙක් මඟ නොහැරෙන පරිදි අත්‍යවශ්‍ය සමාජ කණ්ඩායම් වෙත ප්‍රවේශය සහතික කරන සුබසාධන යාන්ත්‍රණ සැකසීමත්, නවීන විද්‍යා හා තාක්ෂණ දියුණුව ඔස්සේ ආර්ථිකය ඩිජිටල්කරණය කිරීමට අවැසි මුල් පියවර තැබීමට කටයුතු කරමින් ලෝකයේ සියලු රටවල් හා ජාතීන් සමඟ වඩා විශ්වසනීය ලෙස ගනුදෙනු කළ හැකි නොබැඳි විදෙස් ප්‍රතිපත්තියක් සහිත රටක් ලෙස ජාත්‍යන්තර ප්‍රජාව ඉදිරියේ ශ්‍රී ලංකාව සන්නාමගත කිරීම කෙරෙහි ද රජයේ අවධානය යොමුව ඇත.

මේ සඳහා පටු දේශපාලන අරමුණු පසෙකලා සමස්ත ජාතියේ උන්නතිය වෙනුවෙන් අපි සියලුදෙනාම අත්වැල් බැඳගත යුතු යුගය ඇරඹී තිබේ. ඒ වෙනුවෙන් සියලු ශ්‍රී ලාංකික ජනතාව වඩා ශක්තිමත්ව හා විශ්වාසයෙන් යුතුව පෙළගැසෙන ලෙසත්, පුනරුද යුගය සඳහා වන සාමුහික ඇරඹුමට එක්වන ලෙසත්, 78 වන ජාතික නිදහස් දිනය සමරන මෙම අවස්ථාවේ දී මුළුමහත් ශ්‍රී ලාංකික ජනතාවට මම ආරාධනා කර සිටිමි.

ආචාර්ය හරිනි අමරසූරිය

ශ්‍රී ලංකා ප්‍රජාතාන්ත්‍රික සමාජවාදී ජනරජයේ අග්‍රාමාත්‍ය

2026 පෙබරවාරි 04 දින.
### හොරණ - කොළඹ බස් වර්ජනය අදත්
URL: https://www.citizen.lk/horana-colombo-bus-strike-continues-today/
Last updated: 2026-02-03T04:33:14.000Z
February 03 (Citizen.lk News) - හොරණ සිට 120 බස් මාර්ගයේ කහතුඩුව පිවිසුමෙන් ඇතුළත් කර පිටකොටුව බලා ධාවනය වන බස් රථයක් සඳහා නව ප්‍රවාහන බලපත්‍රයක් ලබාදීමට එරෙහිව ඊයේ (02) දින උදෑසන මෙම වර්ජනය ආරම්භ කර තිබෙනවා.

ඊට හොරණ - කොළඹ මාර්ගයේ සුඛෝපභෝගී බස් රථ සහ සාමාන්‍ය සේවා පෞද්ගලික බස් රථ සහයෝගය දක්වා තිබෙන අතර වර්ජනය අද (03) අඛණ්ඩව දෙවන දිනටත් ක්‍රියාත්මක කෙරෙන බවයි වාර්තා වන්නේ.
### බණ්ඩාර රඹුක්වැල්ල අත්අඩංගුවට
URL: https://www.citizen.lk/bandara-rambukwella-arrested/
Last updated: 2026-02-03T04:26:07.000Z
February 03 (Citizen.lk News) -හිටපු පාර්ලිමේන්තු මන්ත්‍රී කෙහෙළිය රඹුක්වැල්ලගේ ඥාති සහෝදරයෙක් වන බණ්ඩාර රඹුක්වැල්ල අද (03) අත්අඩංගුවට ගෙන තිබෙනවා.

ඒ මුදල් විශුද්ධිකරන චෝදනා මතයි කෙහෙළිය රඹුක්වැල්ලගේ ඥාති සහෝදරයා වන බණ්ඩාර රඹුක්වැල්ල අල්ලස් හෝ දූෂණ චෝදනා විමර්ශන කොමිසම විසින් අත්අඩංගුවට ගෙන තිබෙන්නේ.
### ශිරන්ති  FCIDයට - නාමල්  CIDයට
URL: https://www.citizen.lk/shiranthi-to-fcid-namal-to-cid/
Last updated: 2026-02-03T04:17:39.000Z
February 03 (Citizen.lk News) - හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂට අද (03) දිනයේ පොලිස් මූල්‍ය අපරාධ කොට්ඨාශය හමුවේ පෙනී සිටින ලෙස දැනුම් දී තිබෙනවා.

අද පෙරවරු 9.30ට පොලිස් මූල්‍ය අපරාධ කොට්ඨාශය හමුවේ පෙනී සිටින ලෙස අදාළ දැනුම්දීම සිදුකර ඇති බවයි වාර්තා වන්නේ.

එසේම ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂටද අද දිනයේ අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දැනුම් දී තිබෙනවා.
### ඉන්දියාව සමඟ තරගය ක්‍රීඩා නොකිරීමට පාකිස්තානයේ තීරණයක්
URL: https://www.citizen.lk/pakistan-decides-not-to-play-match-with-india/
Last updated: 2026-02-02T05:33:26.000Z
February 02 (Citizen.lk News) - 2026 පන්දුවාර විස්සයි විස්ස ලෝක කුසලාන ක්‍රිකට් තරගාවලියට සහභාගී වීම සඳහා පාකිස්තාන කණ්ඩායමට අනුමැතිය ලබා දුන් බව පාකිස්තාන රජය නිල වශයෙන් ප්‍රකාශයට පත් කර තිබෙනවා.

එහෙත් පෙබරවාරි 15 වන දා පැවැත්වීමට නියමිත ඉන්දියාව සමඟ පැවැත්වෙන තරගයට පාකිස්තානය ක්‍රීඩා නොකරන බවට පාකිස්තාන රජය විසින් නිවේදනයක් නිකුත් කරමින් වැඩිදුරටත් දක්වා තිබෙනවා.
### ඉන්දීය අගමැති මෝදිගේ ආණ්ඩුවේ 13 වැනි අයවැයෙන් ශ්‍රී ලංකාව වෙනුවෙන් ඉන්දීය රුපියල් බිලියන 04ක් වෙන් කෙරේ
URL: https://www.citizen.lk/indian-prime-minister-modis-governments-13th-budget-allocates-4-billion-indian-rupees-for-sri-lanka/
Last updated: 2026-02-02T05:21:44.000Z
February 02 (Citizen.lk News) - ඉන්දියානු රජය විසින් 2026/27 මූල්‍ය වර්ෂයට අදාළ අයවැය මගින් ශ්‍රී ලංකාව සඳහා ඉන්දියානු රුපියල් බිලියන 04ක ප්‍රදාන සහ ණය ආධාර වෙන් කර තිබෙනවා.

ඉන්දීය මුදල් අමාත්‍ය නිර්මලා සීතාරාමන් මහත්මිය විසින් එරට පාර්ලිමේන්තුවට ඉදිරිපත් කළ අයවැය වාර්තාවේ ඉන්දීය රජයේ අයවැය තුළ අසල් වැසි රටවල් සදහා ආධාර මුදල් ලෙස රුපියල් කෝටි 5686 ක් වෙන් කර තිබෙන අතර, ඉන් ලංකාව වෙනුවෙන් වෙන්කර ඇති මුදල රුපියල් කෝටි හාරසියයකි.
### ඉන්දියාවේ සිට වැඩම කරවනු ලබන සර්වඥ ධාතූන් වහන්සේ ප්‍රදර්ශනයට රථ වාහන සැලැස්මක්
URL: https://www.citizen.lk/a-traffic-plan-for-the-exhibition-of-the-sacred-relics-brought-from-india/
Last updated: 2026-02-02T05:03:11.000Z
February 02 (Citizen.lk News) - එළැඹෙන 04වනදා ඉන්දියාවේ සිට වැඩම කරවන සර්වඥ ධාතූන් වහන්සේ මහජනතාවට වන්දනාමාන කිරීම සඳහා 05වනදා උදෑසන 06.00 සිට 11වනදා පෙරවරු 07.00 දක්වා හුණුපිටිය ගංගාරාම විහාරස්ථානයේදී ප්‍රදර්ශනය කිරීමට නියමිත වනවා.

ඒ අනුව එම කාල සීමාව තුල ගංගාරාම විහාරස්ථානය අවට ප්‍රදේශයේ විශේෂ ආරක්ෂක වැඩපිලිවෙලක් හා රථවාහන සැලැස්මක් ක්‍රියාත්මක කරනු ලබන බව පොලීසිය දැනුම් දී තිබෙනවා.

එසේම මෙම ශ්‍රී සර්වඥ ධාතූ ප්‍රදර්ශනය පැය 24 පුරාම ක්‍රියාත්මක වන බැවින් පැමිණෙන බැතිමතුන්ගේ අරක්ෂාව සඳහා ශ්‍රී ලංකා පොලීසිය ක්‍රියාත්මක කරනු ලබන ආරක්ෂක වැඩපිලිවෙලට පූර්ණ සහයෝගය ලබාදෙන ලෙසට පොලීසිය ඉල්ලීම් කරන අතර ගැටකපන්නන්, සොරුන් වැනි අපරාධකරුවන් එම ප්‍රදේශය ආශ්‍රිතව ගැවසිය හැකි බැවින් තම මුදල් පසුම්බි, රන් ආභරණ ඇතුළු පුද්ගලික දේපළ සම්බන්ධයෙන් අවධානයෙන් හා විමසිලිමත්ව කටයුතු කරන ලෙසත් ජංගම දුරකථන, ගමන් මළු, ජැකට් සහ විද්‍යුත් උපකරණ යන ආදිය සර්වඥ ධාතූ ප්‍රර්දර්ශන කුටිය තුලට රැගෙන නොයායුතු බවත් දැනුම් දී තිබෙනවා..

තවද රථවාහන ගාල් කිරීමට නියමිත ස්ථාන හා රථගාල් වල පමණක් නැවැත්වීම හා නවතා තැබීමට කටයුතු කරන ලෙස වැඩිදුරටත් දැනුම් දී තිබෙනවා.

මීට අදාළ මාර්ග සිතියම පහතින්,

![](https://www.citizen.lk/content/images/2026/02/1--1-.jpg)

![](https://www.citizen.lk/content/images/2026/02/2.jpg)

![](https://www.citizen.lk/content/images/2026/02/3.jpg)
### සයිබර් අපරාධ තුරන් කිරීමට චීන‍යේ සහය
URL: https://www.citizen.lk/chinas-support-to-eradicate-cybercrime/
Last updated: 2026-01-30T06:50:47.000Z
January 30 (Citizen.lk News) - සයිබර් අපරාධ තුරන් කිරීම සඳහා වන ජාත්‍යන්තර නීති බලාත්මක කිරීමේ සහයෝගිතා අඛණ්ඩව තහවුරු කරන බව අන්තර්ජාතික සයිබර් අපරාධ සම්බන්ධයෙන් මාධ්‍යවේදීන් නැඟූ ප්‍රශ්නවලට පිළිතුරු දෙමින් චීන විදේශ අමාත්‍යාංශ ප්‍රකාශක Guo Jiakun මහතා ප්‍රකාශ කර තිබෙනවා.

ඒ අනුව සයිබර් සූදුව හා වංචා කිරීම යන අපරාධ පොදුවේ තුරන් කිරීමෙන් ජනතාවගේ දේපොළ හා ජිවිතවල සුරක්ෂිතභාවය මෙන්ම කලාපීය රටවල් අතර පවතින නිසි හුවමාරු පටිපාටිය සුරක්ෂිත කිරීමේදී කැපීපෙනෙන ප්‍රතිඵල ලබා ගැනීමට චීනය මේ වනවිට සමත්ව ඇති බව එරට විදේශ අමාත්‍යාංශය ප්‍රකාශ කර තිබෙනවා.
### රනිල්,රජයේ වෛද්‍ය නිලධාරින්ගේ සංගමයට පැවරූ ඉඩමක් රජයට නැවත පවරාගැනේ
URL: https://www.citizen.lk/land-transferred-to-the-government-medical-officers-association-by-ranil-is-returned-to-the-government/
Last updated: 2026-01-30T06:31:55.000Z
January 30 (Citizen.lk News) - රනිල් වික්‍රමසිංහ පාලන කාලයේ වැවිලි කර්මාන්ත අමාත්‍යංශයේ විහාරගල වතුයායට අයත් අක්කර පහක ඉඩමක් බදු පදනම යටතේ රජ⁣යේ වෛද්‍ය නිලධාරින්ගේ සංගමයට නිවාඩු නිකේතනයක් ඉදි කිරීම සඳහා පවරා තිබෙනවා.

මෙම ඉඩම පවරාදීම නියමිත පටිපාටියෙන් තොරව හා බදු කොන්දේසි කඩකිරීම හේතුවෙන් මෙලෙස එම ඉඩම නැවත රජයට පවරා ගෙන තිබෙනවා.
### බලකොටු සහ වෙළෙඳ ගිවිසුම්
URL: https://www.citizen.lk/fortifications-and-trade-agreements/
Last updated: 2026-01-30T06:31:12.000Z
**දුප්පත් මෙක්සිකෝව. දෙවියන්ගෙන් බොහෝ දුරස්ය, එක්සත් ජනපදයට ඉතා සමීපය - මෙක්සිකෝවේ පාලක පෝර්ෆිරියෝ ඩයස් (1876-1911)**

වෙළෙඳ ගිවිසුම් කෙරෙහි මගේ උනන්දුව ඇති වූයේ 1982-1985 කාලයේ දී කැනඩාවේ මගේ ආචාර්ය උපාධිය සඳහා වැඩ කරමින් සිටිය දී ය. 1970 ගණන්වල ශ්‍රී ලංකාව මෙන්ම මුළු තුන්වන ලෝකයම වෙලාගත් ආරක්ෂණවාදී/රාජ්‍ය කේන්ද්‍රීය කතිකාව තුළ ගිලී සිටි මට, වඩාත් බලවත් හා බෙහෙවින් විශාල එක්සත් ජනපදය සමඟ ද්විපාර්ශ්වික ගිවිසුමකට ඇතුළු වීමට යත්න දරමින් සිටි කැනේඩියානු රජයේ ක්‍රියා කලාපය තේරුම් ගැනීමට අමාරු විය.  
  
1987 දී අත්සන් කරන ලද කැනඩා-ඇමරිකානු නිදහස් වෙළෙඳ ගිවිසුම (CUFTA) සේවා වෙළෙඳාම ආවරණය කළ පළමු ගිවිසුම විය. විශ්ව විද්‍යාල තුල මුල් බැස ගෙන් තිබු සංස්කෘතික ආරක්ෂණවාදය සැලකිල්ලට ගත් විට, සේවා වෙළෙඳ ගිවිසුමකට ඇතුළත් කිරීම ගැනද මම පුදුමයට පත් වීමි. සේවා වෙළෙඳාම පිළිබඳ මගේ පළමු ශාස්ත්‍රීය ලිපියක (1993) මම මෙසේ ප්‍රකාශ කළෙමි: “සේවාවල නිදහස් වෙළෙඳාම අධ්‍යයනය කිරීම සඳහා ඇති එකම 'පරීක්ෂණාගාරය' කැනඩා-ඇමරිකානු නිදහස් වෙළෙඳ ගිවිසුම යි... නිදහස් වෙළෙඳ විධිවිධාන සහ ශ්‍රම අපනයන ඇතුළු විවිධ ආකාරයේ ඒකාබද්ධ ක්‍රියාවලීන් හැඩගැස්වීමට උත්සාහ කරන වෙනත් රටවලට ද එමගින් ජනනය වන දැනුම ප්‍රයෝජනවත් වනු ඇත.”

![](https://theleader.lk/images/2023/2026/January/56003d5b-0a71-405a-8a17-f397815e78a0.jpg)

***1992 ඔක්තෝබර් 7 වන දින ටෙක්සාස්හි සැන් ඇන්ටෝනියෝ හි දී NAFTA ගිවිසුම අත්සන් තැබුණි**.

  
CUFTA, NAFTA බවට පත් වූ අතර, පසුව එය නැවත සාකච්ඡා කර ට්‍රම්ප්ගේ පළමු ධුර කාලය තුළ USMCA ලෙස නම් කරන ලදී. මෙය 2025 දී ජනාධිපති ට්‍රම්ප් විසින් කැනඩාව සහ මෙක්සිකෝව මත එල්ල කරන ලද පීඩනයේ බලය මොට කිරීමට උපකාරී විය. ඔහු දැවැන්ත තීරුබදු නිවේදනය කළ නමුත් ගිවිසුමෙන් ආවරණය කරන ලද භාණ්ඩ සහ සේවා වලට ට ඒවා අදාළ නොවන බව දැන ගත්තේය. මෙය බලවත් හවුල්කරු විසින් කුඩා හවුල්කරුවන්ට (කැනඩාවට සහ මෙක්සිකෝවට) හිරිහැර කිරීමෙන් ආරක්ෂා කිරීම යන වෙළෙඳ ගිවිසුම් සඳහා වන කේන්ද්‍රීය සාධාරණීකරණය තහවුරු කිරීමක් විය:

> **USMCA ගිවිසුම 2026 ජූලි මාසයේ දී සමාලෝචනය කිරීමට නියමිත ය. කැනඩාවට සහ මෙක්සිකෝවට හානිකර විධිවිධාන ඇතුළත් කිරීමට ට්‍රම්ප් උත්සාහ කිරීමට ඉඩ ඇත. කැනඩාව සහ මෙක්සිකෝව එය පසුබස්වා අන්‍යෝන්‍ය වශයෙන් සතුටුදායක ගිවිසුමකට එළඹෙනු ඇත්ද? නැතහොත් ඔවුන් ඉවත්ව යනු ඇත්ද? දෙවැන්න සිදුවන්නේ නම්, ඔවුන්ට කිසිදු ආරක්ෂාවක් නොමැතිව ට්‍රම්ප්ගේ අස්ථාවරත්වයට යටත්වීමට සිදුවනු ඇත. මේ දිනවල කැනේඩියානු අගමැති කාර්නිගේ මනසෙහි තිබිය යුතු ගැටළු මේවා ය.**

![tc3465](https://theleader.lk/images/2023/2026/January/tc3465.JPG)

## **බලකොටුව හෝ වෙළෙඳ විවිධාංගීකරණය**

**කාර්නිගේ චින්තනය පිළිබඳ ඉඟි ඩාවෝස් හි ඔහුගේ ප්‍රශංසනීය කතාවෙන්:**  
  
\* බොහෝ රටවල් පොදු නිගමනවලට එළඹෙමින් සිටියි - එනම්, බලශක්තිය, ආහාර, තීරණාත්මක ඛනිජ ලවණ, මූල්‍ය හා සැපයුම් දාමවල උපායමාර්ගික ස්වාධීනත්වයක් වර්ධනය කළ යුතු බවය.

> **මේ ආවේගය තේරුම් ගත හැකි ය. තමන්ව ම පෝෂණය කර ගැනීමට, ඉන්ධන ලබා ගැනීමට හෝ ආරක්ෂා කර ගැනීමට නොහැකි රටකට ඇත්තේ විකල්ප කිහිපයක් පමණකි. නීති තවදුරටත් ඔබව ආරක්ෂා නොකරන විට, ඔබ ඔබව ආරක්ෂා කර ගත යුතු වෙයි.**

නමුත් මෙය කොතැනට අප ගෙන යයි ද යන්න පිළිබඳව අපි පැහැදිලිව විමසා බලමු. බලකොටුවලින් පිරුණු ලෝකයක් දුප්පත්, බොහෝ සේ බිඳෙන සුළු සහ අඩු තිරසාර බවකින් යුතු වනු ඇත.

![](https://www.citizen.lk/content/images/2026/01/carni.jpg)

***කැනේඩියානු අගමැති කාර්නි**

  
\* අපි තවදුරටත් අපගේ වටිනාකම්වල ශක්තිය මත පමණක් විශ්වාසය තබනවා වෙනුවට, අපගේ ශක්තියේ වටිනාකම මත ද විශ්වාසය තබමු.  
අපි ඒ ශක්තිය රට තුළ ගොඩනඟමින් සිටිමු.  
  
\* මගේ රජය බලයට පත් වූ දා සිට, අපි ආදායම්, ප්‍රාග්ධන ලාභ සහ ව්‍යාපාර ආයෝජන සඳහා වන බදු අඩු කර ඇත්තෙමු. අන්තර් පළාත් වෙළෙඳාම සඳහා ඇති සියලු ම ෆෙඩරල් බාධක අපි ඉවත් කර ඇත්තෙමු. බලශක්තිය, කෘතිම බුද්ධිය, තීරණාත්මක ඛනිජ ලවණ, නව වෙළෙඳ කොරිඩෝ සහ ඉන් ඔබ්බට ද යමින් ඩොලර් ට්‍රිලියනයක ආයෝජනයක් සඳහා අපි වේගයෙන් ක්‍රියා කරමින් සිටිමු..

> **අපි අපගේ ආරක්ෂක වියදම් මේ දශකය අවසන් වන විට දෙගුණ කරමින් සිටින අතර අපගේ දේශීය කර්මාන්ත ශක්තිමත් වන අයුරින් අපි එසේ කරන්නෙමු. අපගේ විදේශ වෙළෙඳාම වේගයෙන් විවිධාංගීකරණය කරන්නෙමු. යුරෝපීය ආරක්ෂක ප්‍රසම්පාදන විධිවිධාන වන SAFE හා සම්බන්ධ වීම ඇතුළුව, යුරෝපා සංගමය සමඟ පුළුල් උපායමාර්ගික හවුල්කාරිත්වයකට අපි එකඟ වී ඇත්තෙමු.**

\* අපි මාස හයක් තුළ මහාද්වීප හතරක වෙළෙඳ සහ ආරක්ෂක ගිවිසුම් 12 ක් අත්සන් කර ඇත්තෙමු  
  
\* පසුගිය දින කිහිපය තුළ අපි චීනය සහ කටාර් සමඟ නව උපායමාර්ගික හවුල්කාරිත්වයන් ඇති කර ගත්තෙමු.  
  
**\* අපි ඉන්දියාව, ආසියාන්, තායිලන්තය, පිලිපීනය සහ මර්කෝසූර් සමඟ නිදහස් වෙළෙඳ ගිවිසුම් සාකච්ඡා කරමින් සිටිමු.**

  
කැනඩාව බලකොටු ප්‍රවේශය අනුගමනය නොකරයි. එහි අවධානය යොමු වී ඇත්තේ නිදහස් වෙළෙඳ ගිවිසුම් හරහා වෙළෙඳ පොළ විවිධාංගීකරණය කෙරෙහි ය. කැනඩාවේ කාර්මික ප්‍රදේශ එක්සත් ජනපද වෙළෙඳපොළට ඉතා ආසන්නව සහ ආසියානු සහ යුරෝපීය වෙළෙඳපොළවලින් බොහෝ දුරින් පිහිටා ඇති නිසාත්, වෙළෙඳ විවිධාංගීකරණය පහසු නැත.

> **කැනඩාව මෙන් ම ශ්‍රී ලංකාව ද ට්‍රම්ප්ගේ හිරිහැරවලට ලක්ව ඇත. තවමත් හෙළි නොකළ සහන ලබා දීමෙන් පසු අපට දරාගත හැකි සියයට 20 ක තීරුබදු ප්‍රමාණයක් සාකච්ඡා කර ඇතැයි සිතූ අපි නැවතත් ඉරානය සමඟ වෙළඳාම් කිරීම ගැන තර්ජනයට ලක්ව සිටිමු. අපගේ තේරීම් කැනඩාව මුහුණ දෙන තේරීම්වලට වඩා වෙනස් නොවේ.**

## **ගිවිසුම් අවශ්‍ය ඇයි?**

![ind sl20983r](https://theleader.lk/images/2023/2026/January/ind_sl20983r.JPG)

  
විදේශ වෙළෙඳාමේ නියැලෙන්නේ රජයයන් නොව පෞද්ගලික සමාගම් ය. කැනඩාව, ඉන්දියාව සහ ශ්‍රී ලංකාව යන රටවල ආර්ථික ක්‍රියාකාරීන්ට රාජ්‍යයෙන් යම් ප්‍රමාණයක ස්වාධීනත්වයක් ඇති බැවින්, උපායමාර්ගික අරමුණු සපුරාලීම සඳහා දේශපාලන බලධාරීන් විසින් නියම කරන පරිදි ආයෝජනය කිරීම හෝ වෙළෙඳාමේ යෙදීම සමාගම් සිදු නොකරනු ඇත.  
  
2002 දී ත්‍රිකුණාමලයේ තෙල් ටැංකි බාර ගැනීමට ඉන්දියාවේ අර්ධ වශයෙන් රාජ්‍ය හිමිකාරීත්වය දරන IOC සමාගම දැක්වූ උකටලී බව මගේ මතකයේ ඇත. ඔවුන් තම රජයේ උපදෙස් වලට කීකරු වූයේ ටැංකි ඉන්ධන බෙදා හැරීමේ ව්‍යාපාරයක් සමඟ එකතු කළ විට පමණකි.  
  
පෞද්ගලික ආයතන අවදානම් ගනු ඇති නමුත් පරිපාලනමය වශයෙන් අත්පත් කර ගැනීමේ අවදානම් අඩු කර ගැනීමට ඒවා කැමැත්තක් දක්වයි. ද්විපාර්ශ්වික හෝ වෙනත් වෙළෙඳ සහ ආයෝජන ගිවිසුම් මගින් රාජ්‍ය ක්‍රියාමාර්ගවලින් ගලා එන අවදානම් අඩු කරයි.

> **"ගනුදෙනු සංස්කෘතියේ" (“deal culture”) ගිලී සිටින ආර්ථික ක්‍රියාකාරීන් නීත්‍යානුකූල බැඳීම් ඇති වෙළෙඳ සහ ආයෝජන ගිවිසුම් වලට කැමති නැත. ඔවුන් කැමති වන්නේ හිතවත් කම් ඇති දේශපාලනඥයින් සහ නිලධාරීන් හරහා ඇති කර ගන්නා ගනුදෙනු (ඩීල්) වලට ය. ඔවුන්ගේ විරෝධය මෙම භාෂාවේ වචන වලින් ප්‍රකාශ නොවන අතර ජාතික ස්වෛරීභාවය පිළිබඳ වාචාලකමෙන් ආවරණය කොට ඇත.**

![1632046205898](https://theleader.lk/images/2023/2026/January/1632046205898.jpg)

ශ්‍රී ලංකාවේ විදුලි සංදේශ සහ තොරතුරු තාක්ෂණ කර්මාන්තවල විදේශීය වෘත්තිකයන්ගේ රැකියා සඳහා සහ ආයෝජනය සඳහා අවසර ලබා දී තිබුණේ GATS+ අනුව හෝ නීතිමය බැඳීම්වලට වඩා නිදහස් ලෙස ය. යෝජිත ඉන්දියා-ශ්‍රී ලංකා ගිවිසුමේ තොරතුරු තාක්ෂණ අංශයේ කැපවීම්වලට එරෙහි ප්‍රමුඛ විරුද්ධවාදියෙකුට මම මෙය පෙන්වා දුන්නෙමි. ඔහුගේ ප්‍රතිචාරය වූයේ ඒකපාර්ශ්වික නිදහස්කරණය ඉවත් කර ගත හැකි බව වන නමුත් ගිවිසුම් මට්ටමේ ද්විපාර්ශ්වික එකඟතා සම්බන්ධයෙන් තත්ත්වය එසේ නොවේ.මේ අනුව බාහිර ආයෝජකයා හෝ වෙළෙන්දා තම ව්‍යාපාර අවස්ථාවට හානි කරන නීති වෙනස් කිරීමේ අවදානමට නිරාවරණය වේ. මෙය අවම කළ හැක්කේ ඩීල්කරුවෙකු සමඟ හවුල් වීමෙන් පමණි.

##   
**කළ යුතු දේ**

> **ශ්‍රී ලංකාවට තවදුරටත් එක්සත් ජනපදය විශ්වාසදායක වෙළෙඳ හවුල්කරුවෙකු ලෙස සැලකිය නොහැකිය. අපනයනකරුවන්ගේ සහ රටේ අවශ්‍යතා සඳහා වෙළෙඳපොළ සහ අපනයන විවිධාංගීකරණය කිරීම අවශ්‍ය වේ. අප ඇමරිකා එක්සත් ජනපදයට විකුණන්නේ නැතැයි එයින් අදහස් නොවන නමුත් අපට එම වෙළෙඳපොළ මත රැඳී සිටිය නොහැකිය. විවිධාංගීකරණය කිරීමට ඇති එක ම මාර්ගය ආසියාවේ වෙළෙඳ සාකච්ඡා වේගවත් කිරීම යි. ආනයන සඳහා පැරා තීරු බදු අඩු කිරීම හෝ ඉවත් කිරීම සහ ආනයනය සහ අපනයනය පහසු කිරීම අවශ්‍ය වෙයි.**

---

**මහාචාර්ය රොහාන් සමරජීව)**  
දේශපාලන හා සමාජ ක්‍රියාකාරික   
[rohan@lirneasia.net](mailto:rohan@lirneasia.net)  
  
Chair, LIRNEasia ([www.lirneasia.net](http://www.lirneasia.net/?ref=citizen.lk))  
Twitter: @samarajiva  
  
[https://www.linkedin.com/in/](https://www.linkedin.com/in/?ref=citizen.lk)rohan-samarajiva-39199918/  
Most recent publication: [https://journals.sagepub.com/](https://journals.sagepub.com/?ref=citizen.lk)doi/full/10.1177/14614448221143428  
Most recent book: [https://www.idrc.ca/en/book/](https://www.idrc.ca/en/book/?ref=citizen.lk)infocus-information-lives-poor-fighting-poverty-technology
### අද සිට නිදහස් දින සැමරුම වෙනුවෙන් විශේෂ රථවාහන සැලැස්මක්
URL: https://www.citizen.lk/special-traffic-plan-for-independence-day-celebrations-from-today/
Last updated: 2026-01-30T05:58:00.000Z
January 30 (Citizen.lk News) - පෙබරවාරි 04 වැනිදා නිදහස් චතුරශ්‍ර පරිශ්‍රයේදී පැවැත්වීමට නියමිත 78 වන ජාතික නිදහස් දින සැමරුම් උත්සවයට සමගාමීව පැවැත්වෙන පූර්ව පෙරහුරු වැඩසටහන් අද (30) සිට පෙබරවාරි 02 වැනිදා දක්වා පැවැත්වෙනවා.

ඒ අනුව කොළඹ ප්‍රදේශයේ රථවාහන ගමනාගමනය සීමා කිරීම, විකල්ප මාර්ග භාවිතා කිරීම පිළිබඳව විශේෂ රථවාහන සැළැස්මක් ක්‍රියාත්මක කිරීමට සැලසුම් කර ඇති බව පොලිසිය සඳහන් කරනවා.

අද, හෙට, පෙබරවාරි 02 වැනිදා පෙරහුරු පුහුණුවීමේ කටයුතු සඳහා පෙරවරු 07.45 සිට පස්වරු 01.30 දක්වාත්, පූර්ණ පෙරහුරුව පැවැත්වෙන පෙබරවාරු 01 වැනිදා පෙරවරු 05.00 සිට පස්වරු 01.30 දක්වා සහ පෙබරවාරි 04 වැනිදා පෙරවරු 05.00 සිට නිදහස් දින උත්සවය අවසන් වන තුරු අවස්ථානුකූලව රථවාහන ගමනාගමනය සීමා කෙරෙන බව වැඩිදුරටත් සඳහන්.

![](https://www.citizen.lk/content/images/2026/01/623398962_1473275747692289_2692612026562394820_n.jpg)

![](https://www.citizen.lk/content/images/2026/01/623388163_1473275741025623_4424645997105141662_n.jpg)
### ලෝක විවාහක රූ රැජින තරඟයේ තෙවන ස්ථානය ශ්‍රී ලංකාවට
URL: https://www.citizen.lk/sri-lanka-wins-third-place-in-the-miss-world-married-beauty-pageant/
Last updated: 2026-01-30T05:39:02.000Z
January 30 (Citizen.lk News) - 41වන ලෝක විවාහක රූ රැජින තරගය පසුගියදා අමෙරිකාවේදී ලෝකයේ රටවල් 60කට අධික රූ රැජිනියන් පිරිසකගේ සහභාගීත්වයෙන් පවැත්වුණා.

තරගයේ කිරුළ හිමිකරගැනීමට තායිලන්තය සමත් වූ අතර අවසන් තිදෙනා අතරට පැමිණීමට ශ්‍රී ලංකාව නියෝජනය කරමින් සහභාගී වූ සබීනා යූසෆ් සමත්වූ අතර, ඇය එහි තෙවන ස්ථානය හිමිකරගෙන තිබෙනවා.
### නිපා පැතිරීමේ අවදානම අවමයි - සෞඛ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ
URL: https://www.citizen.lk/the-risk-of-nipah-spreading-is-minimal-secretary-to-the-ministry-of-health-specialist-dr-anil-jasinghe/
Last updated: 2026-01-30T05:28:39.000Z
January 30 (Citizen.lk News) - ඉන්දියාවේ බටහිර බෙංගාල ප්‍රාන්තයෙන්, මෑත කාලයේදී නිපා වෛරස රෝගීන් කිහිප දෙනකු හඳුනාගැනීම සමග සම්බන්ධයෙන් ලෝක සෞඛ්‍ය සංවිධානය (WHO) විසින් අන්තර්ජාතික සංචරණ සීමා පැනවීම නිර්දේශ කර නොමැති බවත් වර්තමානයේදී ශ්‍රී ලංකාවට රෝගය පැතිරීමේ අවදානම ඉතා අවම මට්ටමක පවතින බවත් සෞඛ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ සඳහන් කරනවා.

නිපා වෛරසය සත්ත්වයන් අතර, විශේෂයෙන්ම පලතුරු වවුලන් අතර දක්නට ලැබෙන අතර වෛරසය ආසාදනය වූ පුද්ගලයෙකුගෙන් රෝග ලක්ෂණ මතු වීමට සාමාන්‍යයෙන් දින 4ත් 14ත් අතර කාලයක් ගතවන බවයි වාර්තා වන්නේ.

තද උණ සහ හිසරදය,කැස්ස සහ හුස්ම ගැනීමේ අපහසුව,නිදිමත ගතිය සහ වමනය,තදබල ලෙස රෝගය උත්සන්න වූ විට මොළය ඉදිමීම (Encephalitis) නිසා සිහි නැති වීම හෝ වලිප්පුව ඇති වීම මූලික රෝග ලක්ෂණ වනවා.
### ඉන්දියාවේ දරුවන්ටත් සමාජ මාධ්‍ය තහනම් වෙයිද?
URL: https://www.citizen.lk/will-social-media-be-banned-for-children-in-india/
Last updated: 2026-01-30T05:19:25.000Z
January 30 (Citizen.lk News) - ඉන්දියාවේ දරුවන් සමාජ මාධ්‍ය වෙත ප්‍රවේශ වීම පාලනය කිරීමට වයස් සීමාවන් හඳුන්වා දීමට එරට රජයේ අවධානය යොමු කල යුතු බව එරට ප්‍රධාන ආර්ථික උපදේශක වී. ආනන්ත නාගේස්වරන් මහතා ප්‍රකාශ කර තිබෙනවා.

ඒ අනුව “ඩිජිටල් ඇබ්බැහිභාවය” පාලනය කිරීම සඳහා වයස් පදනම් සීමා හඳුන්වා දිය යුතු බවයි ඔහු සඳහන් කර ඇත්තේ.

කුඩා වයස් සීමාවල දරුවන් සමාජ මාධ්‍යට ඇබ්බැහි වී භාවිතය වැඩි අවදානමක් පවතින බවත් ඔවුන් සමාජ මාධ්‍ය වෙත පිවිසීමේදී එලෙස පිවිසෙන අයගේ වයස් සීමා හඳුනාගැනීමට හා එම වයසට ගැළපෙන වීඩියෝ සහ අනෙකුත් දෑ ප්‍රදර්ශනය කරවීමේ වගකීම සමාජ මාධ්‍ය වේදිකාවලට පැවරිය යුතු බවත් වැඩිදුරටත් අවධාරණය කර තිබෙන බවයි වාර්තා වන්නේ.

සමාජ මාධ්‍ය වෙත පිවිසීමේදී එලෙස පිවිසෙන අයගේ වයස් සීමා හඳුනාගැනීමට හා එම වයසට ගැළපෙන වීඩියෝ සහ අනෙකුත් දෑ ප්‍රදර්ශනය කරවීමේ වගකීම සමාජ මාධ්‍ය වේදිකාවලට පැවරිය යුතු බවද ඔහු අවධාරණය කර ඇත.
### වගා හානි සඳහා හිමිවන රක්ෂණාවරණ සම්බන්ධයෙන් දැනුම්දීමක්
URL: https://www.citizen.lk/notice-regarding-insurance-coverage-for-crop/
Last updated: 2026-01-29T10:32:53.000Z
January 29 (Citizen.lk News) - 2026 පෙබරවාරි මාසයේ සිට ක්‍රියාත්මක වන පරිදි කෘෂිකර්ම, පශු සම්පත්, ඉඩම් හා වාරිමාර්ග අමාත්‍යාංශය යටතේ ඇති කෘෂිකාර්මික හා ගොවිජන රක්ෂණ මණ්ඩලය විසින් ගොවි ජනතාව වෙනුවෙන් රක්ෂණ මාසයක් ප්‍රකාශයට පත් කර තිබෙනවා.

මේ සම්බන්ධයෙන් නිකුත් කළ නිවේදනය:

![](https://www.citizen.lk/content/images/2026/01/image-4.png)

##
### රන් මිල තවත් ඉහළට
URL: https://www.citizen.lk/gold-prices-rise-further/
Last updated: 2026-01-29T10:26:59.000Z
January 29 (Citizen.lk News) - ලෝක වෙළඳපොළේ රන් මිල ඉහළ යාමට සාපේක්ෂව මෙරට රන් පවුමක මිල ද ඉහළ ගොස් තිබෙනවා. 

ඒ අනුව, කැරට් 24 රන් පවුමක මිල රුපියල් 15,000කින් ඉහළ ගොස් ඇත.

කැරට් 24ක රන් පවුමක් 420,000ක් මේ වනවිට රුපියල් වන අතර කැරට් 22ක පවුමක මිල රුපියල් 386,400ක් වේ. 

ලෝක වෙළඳපොළේ රන් අවුන්සයක මිල මේ වනවිට අමෙරිකානු ඩොලර් 5,500 සීමාව පසුකර ඇත.
### ඉතිහාසයේ පළමුවරට කැන්ටබරියේ අගරදගුරු තනතුර කාන්තාවක් තේරී පත් වෙයි
URL: https://www.citizen.lk/for-the-first-time-in-history-a-woman-has-been-elected-as-archbishop-of-canterbury/
Last updated: 2026-01-29T10:23:10.000Z
January 29 (Citizen.lk News) - එංගලන්ත පල්ලිය මෙහෙයවීමේ වගකීම එනම් කැන්ටබරියේ අගරදගුරු තනතුර අද (29) ඉතිහාසයේ පළමුවරට කාන්තාවක් වෙත පැවරුණි.

ඒ 63 හැවිරිදි සේරා මුලාලේ බිෂොප්වරිය එම තනතුරේ දිවුරුම්දීමත් සමගිනි.

වසර 1, 400කට පසු කැන්ටබරියේ අගරදගුරු ධුරයට සුදුසුකම් ලැබූ පළමු කාන්තාව ඇය වීම විශේෂත්වයක්.

බ්‍රිතාන්‍ය රාජාභිෂේකයක් සිදුවන අවස්ථාවල කිරුළ පැළඳවීම වැනි භාරදූර්ය කාර්යන් සිදුකරන කැන්ටබරි අගරදගුරු තනතුර කාන්තාවක් වෙත හිමිවීම ඓතිහාසික අවස්ථාවක් ලෙස සැලකෙනවා.

එමෙන්ම ගෝලීය ඇන්ග්ලිකන් කතෝලිකයින්ගේ ආධ්‍යාත්මික නායකයා වන්නේ ද කැන්ටබරියේ අගරදගුරුවරයාය.
### පළමු ශ්‍රේණියේ නව අධ්‍යාපන ප්‍රතිසංස්කරණ අද සිට
URL: https://www.citizen.lk/new-education-reforms-for-grade-1-from-today/
Last updated: 2026-01-29T08:33:36.000Z
January 29 (Citizen.lk News) - පළමු ශ්‍රේණිය සඳහා නව අධ්‍යාපන ප්‍රතිසංස්කරණ හඳුන්වාදීම අද (29) ජාතික උත්සවය අග්‍රාමාත්‍ය, අධ්‍යාපන, උසස් අධ්‍යාපන හා වෘත්තීය අධ්‍යාපන ඇමැති ආචාර්ය හරිනි අමරසූරියගේ ප්‍රධානත්වයෙන් සිදුව තිබෙනවා.

ඒ අතුරුගිරිය බප/ජය/ ගුණසේකර විද්‍යාලයේදී වන අතර මේ වසරේ 06 ශ්‍රේණියට ඇතුළත් වන සිසු දරුවන්ද නව අධ්‍යාපන ප්‍රතිසංස්කරණ යටතට ගැනීමට අදාළ සැලසුමක් මේ වන විට සකස් කරමින් සිටින බව අග්‍රාමාත්‍ය ආචාර්ය හරිනි අමරසූරිය එහිදී වැඩිදුරටත් සඳහන් කර තිබෙනවා.
### කටුනායක ගුවන් තොටුපළේ E-Gate පද්ධතිය විවෘත වේ
URL: https://www.citizen.lk/e-gate-system-opens-at-katunayake-airport/
Last updated: 2026-01-29T08:33:58.000Z
January 29 (Citizen.lk News) - කටුනායක ගුවන්තොටුපොළේ පැමිණීමේ පර්යන්තයේ ස්ථාපිත කළ ස්වයංක්‍රීය දේශසීමා පාලන පද්ධතිය (Automated Border Control / E-Gate System) විවෘත කර තිබෙනවා.

මෙම ව්‍යාපෘතිය සංක්‍රමණය සඳහා වූ ජාත්‍යන්තර සංවිධානය (I.O.M.) විසින් ක්‍රියාත්මක කළ අතර මෙරට පළමු E-Gate පාලන පද්ධතියද වනවා.

ජපාන රජයේ අරමුදල් සහාය ඇතිව, ඇමෙරිකානු ඩොලර් මිලියන 8.4 ක වටිනාකමකින් ඉදි කළ මෙම ගේට්ටු පහසුකම යටතේ, බෝවන රෝග හඳුනා ගැනීම වැනි පහසුකම් ගණනාවක් ද ඇතුළත් අතර, මෙම පහසුකම යටතේ ගුවන්තොටුපොළේ කාර්යක්ෂමතාව ද ඉහළ නැංවීමේ හැකියාව පවතින බව වාර්තා වනවා.

ඒ අනුව කටුනායක ගුවන්තොටුපොළ වෙත පැමිණෙන මගීන්ට තත්පර 40 ක් වැනි කෙටි කාලයක් තුළ සිය නිශ්කාශන කටයුතු නිම කිරීමට හැකියාව පවතින බවද සඳහන් වනවා.
### රොහාන් ඕලුගල වලාන මධ්‍යම දූෂණ මර්දන ඒකකයේ අධ්‍යක්ෂවරයා ලෙස පත් කෙරේ
URL: https://www.citizen.lk/rohan-olugala-walana-appointed-as-director-of-the-central-anti-corruption-unit/
Last updated: 2026-01-29T08:08:42.000Z
January 29 (Citizen.lk News) - සහකාර පොලිස් අධිකාරී රොහාන් ඕලුගල වලාන මධ්‍යම දූෂණ මර්දන ඒකකයේ අධ්‍යක්ෂවරයා ලෙස පත් කර තිබෙනවා.

ඒ අනුව දැනට දරණ තණතුරට අමතරව විශේෂ කාර්ය බළකායට අනුයුක්තව මුලු දිවයිනම ආවර්ණය වන පරිදි නීතිවිරෝධී මත්ද්‍රව්‍ය අත්අඩංගුවට ගැනීම හා සංවිධානාත්මක අපරාධ වැලක්වීමේ ඒකකයේ අධ්‍යක්ෂවරයා ලෙසද කටයුතු කරන බව වැඩිදුරටත් සඳහන් වනවා.
### හදිසි ආපදා තත්ත්වයකදී සහාය වීමට ගුරුවරුන්ට විශේෂ මාර්ගෝපදේශ මාලාවක්
URL: https://www.citizen.lk/a-special-set-of-guidelines-for-teachers-to-assist-in-an-emergency-disaster-situation/
Last updated: 2026-01-29T07:57:20.000Z
January 29 (Citizen.lk News) - ජාතික ළමා ආරක්ෂණ අධිකාරිය විසින් හදිසි ආපදා තත්ත්වයකදී ළමුන්ට සහාය වීම සඳහා ගුරුවරුන් වෙත මාර්ගෝපදේශ මාලාවක් නිකුත් කර තිබෙනවා.

පාසල් ළමුන් නිල ඇඳුම්, සපත්තු සහ වෙනත් පාසල් උපකරණ නොමැතිව පැමිණිය ද ළමුන් වෙනස් කොට නොසැලකීම, ළමුන් සඳහා සවන් දීම, පාසල තුළ ආරක්ෂාව හා රැකවරණය ලැබිය හැකි ස්ථානයක් බවට පත් කිරීම, ළමුන්ට අනාගතය පිළිබඳ සුබවාදී බලාපොරොත්තු ලබාදීම, ළමුන් සඳහා සහකම්පනයෙන් යුතුව ක්‍රියා කිරීම ආදිය කළ යුතු දේ ලෙස ජාතික ළමා ආරක්ෂණ අධිකාරිය නිකුත් කළ මාර්ගෝපදේශ මාලාවේ ඇතුළත් වන බවයි වාර්තා වන්නේ.
### හේලීස් මොබිලිටි වෙතින් ශ්‍රී ලංකාවේ මෝටර් රථ ක්ෂේත්‍රයට සුඛෝපභෝගී විප්ලවයක්:OMODA සහ JAECOO රථ වාහන මෙරට මාවත්වලට
URL: https://www.citizen.lk/hayleys-mobility-brings-a-luxury-revolution-to-sri-lankas-automotive-sector/
Last updated: 2026-01-29T05:36:38.000Z
January 29 (Citizen.lk News) - ශ්‍රී ලංකාවේ මෝටර් රථ වෙළඳපොළ තුළ වසර කිහිපයක සිට පැවති නිහඬ බව බිඳ දමමින්, අනාගතවාදී ප්‍රවාහන විසඳුම් සඳහා වන නව යුගයක් පසුගියදා උදා විය.

  
ඒ, වසර 148ක අභිමානවත් උරුමයක් ඇති හේලීස් සමූහයේ (Hayleys PLC) අනුබද්ධිත හේලීස් මොබිලිටි ආයතනය, ලොව ප්‍රමුඛතම ඔමෝඩා සහ ජේකූ (OMODA & JAECOO) සුඛෝපභෝගී රථ වාහන පෙළ කොළඹ කිංග්ස්බරි හෝටලයේදී නිල වශයෙන් එළිදැක්වීමත් සමඟය.  
  
වර්තමානයේ ශ්‍රී ලාංකික පාරිභෝගිකයා පරිසර හිතකාමී මෙන්ම අධි-තාක්ෂණික විද්‍යුත් වාහන (EV) කෙරෙහි දක්වන උනන්දුව පෙර නොවූ විරූ ලෙස ඉහළ ගොස් ඇත. ඉන්ධන මත පවතින යැපීම අවම කරමින්, ඉහළ කාර්යසාධනයක් සහ නවීන විලාසිතා ඇසිරි කළ රථයක් හිමිකර ගැනීම නාගරික වෘත්තීයවේදීන්ගේ මෙන්ම ව්‍යාපාරිකයින්ගේද සිහිනයක් වී තිබේ. මෙම අවශ්‍යතාවය මැනවින් හඳුනාගත් හේලීස් මොබිලිටි, චීනයේ අංක එකේ මෝටර් රථ අපනයනකරු වන 'Chery' සමාගම සමඟ අත්වැල් බැඳගනිමින් JAECOO සන්නාමයේ J7 PHEV, J6 සහ OMODA සන්නාමයේ E5 වැනි අතිනවීන මාදිලි රැසක් මෙරටට හඳුන්වා දී ඇත.  
  
වර්තමාන මෝටර් රථ වෙළඳපොළ තුළ විද්‍යුත් වාහන සන්නාම රැසක් අතර දැඩි තරඟකාරීත්වයක් පැවතියද, හේලීස් සතුව ඇති සුවිශේෂී වාසිය වන්නේ ඔවුන් සතු දැවැන්ත ව්‍යාපාරික ශක්තිය සහ විශ්වාසනීයත්වයයි. හුදෙක් වාහනයක් අලෙවි කිරීමෙන් ඔබ්බට ගොස්, StarCharge වැනි ගෝලීය සමාගම් සමඟ එක්ව දිවයින පුරා ආරෝපණ මධ්‍යස්ථාන ජාලයක් ගොඩනැගීමටත්, නිෂ්පාදකයාගේ සෘජු සහාය සහිතව අලෙවියෙන් පසු විශිෂ්ට සේවාවක් සැපයීමටත් හේලීස් සමූහය සතු හැකියාව අනෙකුත් තරඟකරුවන්ට වඩා ඔවුන්ව ඉදිරියෙන් තබයි.  
  
හේලීස් ෆෙන්ටන්ස් හි කළමනාකාර අධ්‍යක්ෂ හසිත් ප්‍රේමතිලක පවසන්නේ ලෝකයේ දියුණුම රටවල් පිළිගත් මෙම OJ රථ වාහන, ශ්‍රී ලංකාවේ ප්‍රවාහන ක්ෂේත්‍රය වඩාත් තිරසාර සහ නවීන තාක්ෂණය කරා යොමු කරවන බවයි.  
  
පාරිභෝගිකයාගේ ආරක්ෂාව සහ විශ්වාසය තහවුරු කරමින්, නිෂ්පාදිත රටෙන්ම ගෙන්වූ අමතර කොටස් සහ පැය 24 පුරා ක්‍රියාත්මක සහායක සේවාවන් සමඟින් හේලීස් මොබිලිටි සැබවින්ම ශ්‍රී ලංකාවේ රිය ධාවන අත්දැකීම නව මානයකට ඔසවා තබා ඇතැයි ඔහු පවසයි.  
  
වැඩිදුර තොරතුරු සඳහා 0112 222 222 යන අංකයෙන් හේලීස් මොබිලිටි විශේෂඥ කණ්ඩායම අමතන්න. නැතිනම් [Hayleys Mobility](https://www.hayleysmobility.com/?ref=citizen.lk) හෝ [Omoda Jaecoo](https://omodajaecoo.com.lk/?ref=citizen.lk) යන වෙබ් අඩවි වෙත පිවිසෙන්න.
### ගුවන් තොටුපළ සමාගමේ සභාපති හර්ෂ අබේවික්‍රම ඉල්ලා අස්වීමට හේතුව ඔබ දැනුවත් ද ?
URL: https://www.citizen.lk/are-you-aware-of-the-reason-for-the-resignation-of-airports-corporation-chairman-harsha-abeywickrama/
Last updated: 2026-01-28T09:52:13.000Z
**ආරක්ෂක රෙගුලාසි සම්බන්ධයෙන් අමාත්‍යවරයා සමඟ මතභේදයක්: ගුවන් තොටුපළ සභාපති හර්ෂ අබේවික්‍රම ධුරයෙන් ඉල්ලා අස්වෙයි**

  
ශ්‍රී ලංකා ගුවන් තොටුපළ සහ ගුවන් සේවා සමාගමේ සභාපති, විශ්‍රාමික එයාර් චීෆ් මාර්ෂල් හර්ෂ අබේවික්‍රම සිය ධුරයෙන් ඉල්ලා අස්වී තිබේ.  
  
විෂය භාර අමාත්‍යවරයා විසින් ලබාදුන් නියෝගයක් ක්‍රියාත්මක කිරීම ප්‍රතික්ෂේප කිරීම හේතුවෙන් ඇති වූ මතභේදාත්මක තත්ත්වයක් මත ඔහු මෙම තීරණය ගෙන ඇති බව වාර්තා වේ.  
  
ගුවන් තොටුපළේ අතිසංවේදී ආරක්ෂිත කලාප (Sterile Areas) වෙත ඇතුළුවීම සඳහා නායක හිමිනමකට ස්ථිර ගුවන් තොටුපළ කාර්ය මණ්ඩල අවසර පත්‍රයක් නිකුත් කරන ලෙස අමාත්‍යවරයා සභාපතිවරයාට නියෝග කර ඇත. එහෙත්, ජාත්‍යන්තර සිවිල් ගුවන් සේවා සංවිධානයේ (ICAO) ජාත්‍යන්තර ආරක්ෂක ප්‍රමිතීන්ට අනුව එවැනි අවසර පත්‍රයක් නිකුත් කිරීම රෙගුලාසි උල්ලංඝනය කිරීමක් බව පවසමින් සභාපතිවරයා එම නියෝගය ඉටුකිරීම සෘජුවම ප්‍රතික්ෂේප කර තිබේ.

![WhatsApp Image 2026 01 28 at 2.13.29 PM](https://theleader.lk/images/2023/2026/January/WhatsApp_Image_2026-01-28_at_2.13.29_PM.jpeg)

  
ආරක්ෂක පටිපාටි සම්බන්ධයෙන් ඇති වූ මෙම එකඟ නොවීම හමුවේ හර්ෂ අබේවික්‍රම සිය ඉල්ලා අස්වීමේ ලිපිය භාර දී ඇති අතර, ඒ අනුව ගුවන් සේවා අමාත්‍යාංශයේ ලේකම් ඩබ්ලිව්.ඩබ්ලිව්.එස්. මංගල ගුවන් තොටුපළ සහ ගුවන් සේවා සමාගමේ වැඩබලන සභාපතිවරයා ලෙස වහාම ක්‍රියාත්මක වන පරිදි පත් කර ඇත.

![WhatsApp Image 2026 01 28 at 2.13.30 PM](https://theleader.lk/images/2023/2026/January/WhatsApp_Image_2026-01-28_at_2.13.30_PM.jpeg)

  
මෙම සිදුවීමත් සමඟ, ජාත්‍යන්තර ආරක්ෂක ප්‍රමිතීන් පවත්වාගෙන යාම සහ දේශපාලන අධිකාරියේ මැදිහත්වීම් අතර පවතින ගැටුම්කාරී ස්වභාවය පිළිබඳව ක්ෂේත්‍රය තුළ දැඩි කතාබහක් නිර්මාණය වී තිබේ.  
  
හර්ෂ අබේවික්‍රම යනු ශ්‍රී ලංකා ගුවන් හමුදාවේ හිටපු අණදෙන නිලධාරියෙකු වන අතර වෘත්තීය ගරුත්වය සහ ආරක්ෂක රෙගුලාසි සම්බන්ධයෙන් දැඩිව පෙනී සිටින නිලධාරියෙකු ලෙස ප්‍රකටය.
### ගුවන් අනතුරකින් මහාරාෂ්ට්‍රයේ නියෝජ්‍ය මහ ඇමති ජිවිතක්‍ෂයට
URL: https://www.citizen.lk/maharashtra-deputy-chief-minister-dies-in-plane-crash/
Last updated: 2026-01-28T07:31:22.000Z
January 28 (Citizen.lk News) - ඉන්දියාවේ, මහාරාෂ්ට්‍ර ප්‍රාන්තයේ නියෝජ්‍ය ප්‍රධාන අමාත්‍ය අජිත් පවර් මහතා ගමන් කළ ගුවන් යානය අනතුරකට ලක්ව ඇති බව ඉන්දීය මාධ්‍ය වාර්තා කරනවා.

එම අනතුරින් නියෝජ්‍ය ප්‍රධාන අමාත්‍යවරයා ඇතුළු 06 දෙනෙකු ජීවිතක්ෂයට පත්ව ඇත.

ගුවන් යානය මහාරාෂ්ට්‍රයේ බරමති ප්‍රදේශයේ ගුවන් තොටුපොළක් ආසන්නයේ ගොඩබැසීමේදී මෙම අනතුර සිදුව ඇත.

නියෝජ්‍ය ප්‍රධාන අමාත්‍යවරයා අද (28) බරමතිහි පැවැත්වීමට නියමිත මහජන හමුවකට සහභාගී වීම සඳහා උදෑසන මුම්බායි නුවරින් පිටත්ව තිබූ බවයි විදෙස් මාධ්‍ය වාර්තා කරන්නේ.

ගුවන් අනතුර සිදුවූ ස්ථානයට ආරක්ෂක සහ හදිසි සහන සේවා කණ්ඩායම් වහාම අනතුර සිදුවූ ස්ථානයට යොමු කර ඇත.
### IMF නියෝජිත කණ්ඩායම ශ්‍රී ලංකා සංචාරය අවසන් කරයි
URL: https://www.citizen.lk/imf-delegation-concludes-visit-to-sri-lanka/
Last updated: 2026-01-28T07:24:25.000Z
January 28 (Citizen.lk News) - 'දිට්වා' සුළි කුණාටුවෙන් සිදුවු හානිය පිළිබඳව අධ්‍යයනය කිරීම සහ ඒ සම්බන්ධයෙන් බලධාරීන් සමග සාකච්ඡා කිරීමේ අරමුණින් මෙරටට පැමිණි IMF කණ්ඩායම සිදුකළ සංචාරය මේ වනවිට අවසන් කර ඇත.

මෙම කණ්ඩායම පසුගිය ජනවාරි 22 වනදා දිවයිනට පැමිණ තිබුණා

සංචාරය අතරතුර IMF කණ්ඩායම ජනාධිපති අනුර කුමාර දිසානායක, අග්‍රාමාත්‍ය ආචාර්ය හරිනි අමරසූරිය, කම්කරු අමාත්‍ය හා මුදල් සහ සැලසුම් නියෝජ්‍ය අමාත්‍ය ආචාර්ය අනිල් ජයන්ත, ශ්‍රී ලංකා මහ බැංකු අධිපති ආචාර්ය පී. නන්දලාල් වීරසිංහ, භාණ්ඩාගාර ලේකම් ආචාර්ය හර්ෂණ සූරියප්පෙරුම, ජනාධිපතිගේ ජ්‍යෙෂ්ඨ ආර්ථික උපදේශක දුමින්ද හුලංගමුව ඇතුළු රජයේ සහ මහ බැංකුවේ ජ්‍යෙෂ්ඨ නිලධාරීන් හමුවී සාකච්ඡා පවත්වා ඇත.

මෙම IMF කණ්ඩායම, රාජ්‍ය ආයතන, පෞද්ගලික අංශ, සිවිල් සමාජ සංවිධාන සහ පර්ශව රැසක් සමඟ 'දිට්වා' සුළි කුණාටුවෙන් ඇති වූ ආර්ථික හා සමාජ බලපෑම් පිළිබඳ සාකච්ඡා කළ බව වාර්තා වනවා.

> මෙහිදී Evan Papageorgiou සඳහන් කළේ, මෙම සංචාරය අතරතුර කණ්ඩායම යටිතල පහසුකම් හා ජීවනෝපායන්ට සිදු වූ හානි, ස්වභාවික විපත්ති සඳහා රාජ්‍ය මට්ටමින් ගන්නා මූල්‍ය ප්‍රතිචාර, මුදල් ප්‍රතිපත්තිය හා මූල්‍ය පද්ධතියේ ස්ථාවරත්වය පිළිබඳව විස්තීර්ණ සාකච්ඡා සිදුකළ බවයි.

එමෙන්ම, බලධාරීන්ගේ ඉදිරි ප්‍රතිපත්තිමය අරමුණු, මූල්‍ය අවශ්‍යතා, සහ Extended Fund Facility (EFF) වැඩසටහන යටතේ ශ්‍රී ලංකා නැවත ගොඩනැගීම සහ පුනරුත්ථාපන කටයුතු සඳහා IMF විසින් ලබා දිය හැකි සහාය පිළිබඳ තොරතුරු හුවමාරු කර ගෙන ඇත.

> Papageorgiou තවදුරටත් සඳහන් කළේ, ශ්‍රී ලංකාව යළි ගොඩනැගීමේදී මූල්‍ය සහ ණය ස්ථාවරත්වයේ ලබාගත් ප්‍රගතිය ආරක්ෂා කිරීම, රාජ්‍ය ආයෝජන කළමනාකරණය ශක්තිමත් කිරීම, ව්‍යාපෘති ප්‍රමුඛතා යළි සකස් කිරීම සහ ක්‍රියාත්මක කිරීම, හා සාමජික ආරක්ෂණ ජාල ශක්තිමත් කිරීම සඳහා රජය කැපවී සිටින බවයි.

ශ්‍රී ලංකාවට ලබාදෙන විස්තීර්ණ අරමුදල් පහසුකමේ පස් වැනි සමාලෝචනය සඳහා ආර්ථික ප්‍රතිපත්ති පිළිබඳ සාකච්ඡා නැවත ආරම්භ කිරීමට හැකි ඉක්මනින් IMF කණ්ඩායමක් යළි දිවයිනට එවීමට සැලසුම් කර ඇත. 

IMF පවසන්නේ, සාර්ව ආර්ථික ස්ථාවරත්වය ආරක්ෂා කිරීමට සහ ඔරොත්තු දීමේ හැකියාව සහ තිරසාර වර්ධනය ප්‍රවර්ධනය කිරීමට දරන උත්සාහයන්හිදී ශ්‍රී ලංකාව සමඟ IMF සහයෝගීතාවය සහ රටට සහාය වීමට ඇති සූදානම යළි තහවුරු කරන බවයි.
### අද සිට විවෘත වෙන කටුනායක ඉලෙක්ට්‍රොණික ගේට්ටු
URL: https://www.citizen.lk/electronic-gates-at-the-arrivals-terminal-at-katunayake-airport/
Last updated: 2026-01-28T05:20:30.000Z
January 28 (Citizen.lk News) - කටුනායක ගුවන් තොටුපොළේ පැමිණීමේ පර්යන්තයේ ඉලෙක්ට්‍රොණික ගේට්ටු අද (28) සිට නිල වශයෙන් විවෘත කරන බව ආගමන හා විගමන දෙපාර්තමේන්තුව සඳහන් කරනවා.

එහි ප්‍රධාන ආගමන විගමන නිලධාරි ජූඩ් ප්‍රනාන්දු පැවසුවේ, ඉලෙක්ට්‍රොණික ගේට්ටු හතරක් මෙලෙස විවෘත වන බවයි.

ජපාන රජයේ අධාර මත මෙම “ඊ ගේට්” ව්‍යාපෘතිය ක්‍රියාත්මක කර අති බව සඳහන් වනවා.

මෙමඟින් ගුවන් තොටුපලේ කාර්යක්ෂමතාවය ඉහළ නැංවීමේ හැකියාව පවතින බවඳ ප්‍රධාන ආගමන විගමන නිලධාරි ජූඩ් ප්‍රනාන්දු සඳහන් කර සිටියා.
### ශ්‍රී ලංකාව අවට රටවල් රැසක පැතිරෙන මාරාන්තික නීපා වෛරසය කුමක් ද?
URL: https://www.citizen.lk/what-is-the-deadly-nipah-virus-that-is-spreading-in-many-countries-around-sri-lanka/
Last updated: 2026-01-28T05:13:45.000Z
January 28 (Citizen.lk News) - ඉන්දියාවේ බටහිර බෙංගාල ප්‍රාන්තය පුරා පැතිර ගිය වසංගතයකින් පසු නීපා වෛරසය රට පුරා පැතිරීම සීමා කිරීමට බලධාරීහු දැඩි වෙහෙසක් දරමින් සිටිති.

මෙම මස මුලදී සෞඛ්‍ය සේවකයින් දෙදෙනෙකුට වෛරසය ආසාදනය වීමෙන් රෝහල්ගතව ප්‍රතිකාර ලැබීමෙන් අනතුරුව පුද්ගලයින් 110ක් පමණ නිරෝධායනයට යොමු කර ඇත. ඔවුන් වෛරසය ආසාදිත බවට තහවුරු කරන ලද රෝගීන් සමග සම්බන්ධතා පවත්වා තිබූ නමුත් පසුව කළ පරීක්ෂා කිරීමේදී ඔවුන් ආසාදිතයින් නොවන බව තහවුරු වී තිබේ.

බොහෝවිට මාරාන්තික වන වෛරසය සතුන්ගෙන් මිනිසුන්ට පැතිර යාමේ හැකියාවක් පවතින අතර ඒ සඳහා ප්‍රතිකාර කිරීම සඳහා දැනට එන්නතක් හෝ වෙනත් ඖෂධයක් නොමැත. ගෝලීය වසංගත තත්ත්වයක් ඇති වීමට පවතින හැකියාව හේතුවෙන්, ලෝක සෞඛ්‍ය සංවිධානය මෙය ඉබෝලා, සිකා සහ කොවිඩ්-19 සමග පර්යේෂණ සඳහා ප්‍රමුඛ රෝගයක් ලෙස ලැයිස්තුගත කර ඇත.

## වෛරසය කොපමණ අනතුරුදායක ද? එහි රෝග ලක්ෂණ මොනවා ද?

නීපා වෛරසය පැතිරෙන්නේ කෙසේ ද?

ලෝක සෞඛ්‍ය සංවිධානයට අනුව, නීපා වෛරසය යනු සතුන්ගෙන් මිනිසුන්ට පැතිර යන "සත්ත්වජනිත රෝගයක්" වන අතර, මෙය ඌරන් සහ වවුලන් වැනි සතුන්ගෙන් මිනිසුන්ට සම්ප්‍රේෂණය වීමේ හැකියාව පවතී.

එමෙන් ම, දූෂිත ආහාර මගින් සහ ආසාදිත පුද්ගලයෙකු සමග ඍජු සම්බන්ධතා පැවැත්වීම මගින් ද මෙය පැතිර යා හැක. ආසියාවේ ඇතැම් ප්‍රදේශවලින්, විශේෂයෙන් බංග්ලාදේශය සහ ඉන්දියාව තුළ සෑම වසරක ම පාහේ මෙම වසංගත තත්ත්වයන් වාර්තා වේ.

මීට පෙර වාර්තා වූ බොහෝ ආසාදන සඳහා ප්‍රධාන හේතුව වූයේ, වෛරසය ආසාදිත වවුලන්ගේ මුත්‍රා හෝ කෙළවලින් දූෂිත වූ පලතුරු හෝ පලතුරු නිෂ්පාදන පරිභෝජනය කිරීම ය.

## රෝග ලක්ෂණ මොනවා ද?

![Nipah](https://ichef.bbci.co.uk/ace/ws/640/cpsprodpb/02bd/live/ce11b880-fb62-11f0-b385-5f48925de19a.jpg.webp)

වෛරසය මිනිසුන්ට ආසාදනය වූ විට රෝග ලක්ෂණ පෙන්නුම් නොකරන උග්‍ර ශ්වසන ආසාදන (මෘදු, දරුණු) සහ මාරාන්තික එන්සෙෆලයිටිස් (මොළය ඉදිමීම) දක්වා විහිදේ. ආසාදිත පුද්ගලයින් බොහෝවිට පළමුව උණ, හිසරදය, මයිල්ජියා (මාංශ පේශි වේදනාව), වමනය සහ උගුරේ වේදනාව ඇතුළු රෝග ලක්ෂණ පෙන්නුම් කරයි.

ඉන් අනතුරුව කරකැවිල්ල, නිදිබර ගතිය, සිහිමද ස්වභාවය සහ උග්‍ර එන්සෆලයිටිස් තත්ත්වයක් පෙන්නුම් කරන ස්නායු රෝග ලක්ෂණ ඇති විය හැක.

ඇතැම් පුද්ගලයින්ට අසාමාන්‍ය නියුමෝනියාව සහ උග්‍ර ශ්වසන අපහසුතා ඇතුළු දරුණු ශ්වසන ගැටලු ද මතුවීමේ හැකියාව පවතී. මොළයේ දැවිල්ල ඇති කරන තත්ත්වයක් වන එන්සෆලයිටිස් සහ දරුණු අවස්ථාවලදී අපස්මාරය තත්ත්වයන් ඇති වන අතර පැය 24 සිට 48 දක්වා කාලය තුළ කෝමා තත්ත්වයට පත්විය හැකි ය.

ආසාදනය වීමට ගත වන කාලය ( වෛරසයට නිරාවරණය වීමේ සිට රෝග ලක්ෂණ පහළවීම දක්වා) දින 4 සිට 14 දක්වා යැයි විශ්වාස කෙරේ. කෙසේ වෙතත් දින 45ක් තරම් දිගු ආසාදන කාලයක් ද වාර්තා වී ඇත.

නීපා වෛරසය ආසාදිතවූවන්ගෙන් 75%ක් දක්වා මිය ගොස් තිබේ.

## එන්නතක් තිබේ ද?

මෙම රෝගයට එන්නතක් හෝ නිශ්චිත ප්‍රතිකාරයක් නොමැත. රෝග ලක්ෂණ මතුවීම පාලනය කිරීම සහ ආධාරක සත්කාර ලබා දීම පමණක් සිදු කෙරේ.

පළමු නීපා වසංගතය මැලේසියාවේ පුද්ගලයින් 100 දෙනෙකුට වැඩි පිරිසකට ජීවිත අහිමි කළ අතර, වෛරසය පාලනය කිරීමේ උත්සහයක් ලෙස ඌරන් මිලියනයක් මරා දමන ලදී. 1999 වසරේදී වෛරසය මුලින් ම සොයාගත් ගම්මානය අනුව එය නම් කර ඇත.

මැලේසියාවෙන් ආනයනය කරන ලද ඌරන් සමග සම්බන්ධ වූ ඝාතකාගාර සේවකයින්ගෙන් සිංගප්පූරුවට ද එය පැතිර ගිය අතර ආසාදිතයින් 11 දෙනෙකු සහ එක් මරණයක් වාර්තා විය.

මෑත වසරවලදී බංග්ලාදේශය ඉන් දැඩි ලෙස පීඩාවට පත්ව ඇති අතර 2001 වසරේ සිට පුද්ගලයින් 100කට වැඩි පිරිසක් නීපා රෝගයෙන් මිය ‍යමින් සිටිති. කලින් කලට ඉන්දියාවෙන් ද රෝගය හඳුනා ගැනේ.

දකුණු ඉන්දියාවේ කේරළ ප්‍රාන්තයෙන් 2023 සහ 2018 වසරවලදී රෝගීන් වාර්තා වී ඇත.

පුළුල් පරීක්ෂණ සහ රෝගීන් සමග සම්බන්ධ වූ පුද්ගලයින් දැඩි ලෙස හුදෙකලා කිරීම මගින් පෙර පැවති වසංගත තත්ත්වය සති කිහිපයක් ඇතුළත සාර්ථකව කළමනාකරණය කිරීමට ප්‍රාන්තය සමත් විය.

ලෝක සෞඛ්‍ය සංවිධානයට අනුව ආසාදනය වීමේ අවදානමක් පවතින අනෙකුත් රටවල් අතර කාම්බෝජය, ඝානාව, ඉන්දුනීසියාව, මැඩගස්කරය, පිලිපීනය සහ තායිලන්තය වන අතර මෙම රටවල සිටින වවුලන් තුළ වෛරසය පවතින බවට සාක්ෂි හමුවී ඇත.
### අම්බලන්ගොඩ වෙඩි තැබීමකින් පුද්ගලයෙක් මරුට
URL: https://www.citizen.lk/one-person-killed-in-ambalangoda-shooting/
Last updated: 2026-01-28T03:20:47.000Z
January 28 (Citizen.lk News) - අම්බලන්ගොඩ ගලගොඩ සුනාමිවත්ත ප්‍රදේශයේ පිහිටි නිවසක සාදයක් අතරතුර සිදු වූ වෙඩි තැබීමකින් පුද්ගලයෙක් මිය ගොස් තිබෙනවා.

නාඳුනන පුද්ගලයන් දෙදෙනෙක් විසින් මෙම වෙඩි තැබීම සිදු කර ඇති අතර වෙඩි වැදීමෙන් තුවාල ලැබූ පුද්ගලයා බලපිටිය රෝහලට ඇතුළත් කිරීමෙන් අනතුරුව මිය ගොස් ඇත.

මෙලෙස මිය ගොස් ඇත්තේ අවුරුදු 28 ක් වූ ගලගොඩ ප්‍රදේශයේ පදිංචිකරුවෙක් වන අතර සිද්ධිය සම්බන්ධයෙන් වැඩිදුර විමර්ශන ක්‍රියාත්මක වනවා.
### පාකිස්තාන අගමැතිගේ කර්මාන්ත සහ නිෂ්පාදන සහකාරවරයා දිවයිනට පැමිණෙයි
URL: https://www.citizen.lk/pakistan-prime-ministers-industries-and-production-assistant-visits-the-island/
Last updated: 2026-01-28T03:19:04.000Z
January 28 (Citizen.lk News) - පාකිස්තාන - ශ්‍රී ලංකා ඒකාබද්ධ ආර්ථික කොමිසමේ 13 වන සැසිවාරයට සහභාගී වීම සඳහා පාකිස්තාන අග්‍රාමාත්‍යවරයාගේ කර්මාන්ත සහ නිෂ්පාදන පිළිබඳ විශේෂ සහකාර හරූන් අක්තාර් ඛාන් තෙදින නිල සංචාරයක් සඳහා දිවයිනට පැමිණ තිබෙනවා.

මෙම සැසිවාරය ශ්‍රී ලංකාවේ වෙළෙඳ , වාණිජ , ආහාර සුරක්ෂිතතා සහ සමූපකාර සංවර්ධන අමාත්‍යංශය විසින් සංවිධානය කර ඇති බව සඳහන් වනවා.

පාකිස්තාන අග්‍රාමාත්‍යවරයාගේ විශේෂ සහකාර හරූන් අක්තාර් ඛාන් සමඟ දූත පිරිස ලෙස තවත් එරට උසස් නිලධාරීන් 05 දෙනෙකු ද දිවයිනට පැමිණ ඇත.
### පෞද්ගලික හේතුවක් මත අද දිනයේ පොලිස් මූල්‍ය අපරාධ කොට්ඨාශය වෙත පැමිණීමට නොහැකියි - ශිරන්ති රාජපක්ෂ
URL: https://www.citizen.lk/unable-to-attend-police-financial-crimes-division-today-due-to-personal-reasons-shiranti-rajapakse/
Last updated: 2026-01-27T08:34:44.000Z
January 27 (Citizen.lk News) - පෞද්ගලික හේතුවක් මත අද දිනයේ පොලිස් මූල්‍ය අපරාධ කොට්ඨාශය හමුවේ පෙනී සිටීමට නොහැකි බවට ශිරන්ති රාජපක්ෂ නීතීඥයෙකු මාර්ගයෙන් පොලිස් මූල්‍ය අපරාධ කොට්ඨාශය වෙත ලිඛිතව අදාළ දැනුම් දී තිබෙනවා.

'සිරිලිය' නමින් පවත්වාගෙන ගිය ගිණුමේ මූල්‍ය අක්‍රමිකතා සම්බන්ධයෙන් සිදුකරන විමර්ශනවලට අදාළව ප්‍රකාශයක් ලබාදීම සඳහා අද පෙ.ව 9.00ට පොලිස් මූල්‍ය අපරාධ කොට්ඨාශය හමුවේ පෙනී සිටින ලෙස පසුගිය සිකුරාදා දිනයේ දැනුම්දීමක් සිදුකර තිබුණු අතර පෞද්ගලික හේතුවක් මත අද දිනයේ පොලිස් මූල්‍ය අපරාධ කොට්ඨාශය වෙත පැමිණීමට නොහැකි බවත් ඒ සඳහා සති දෙකකින් පසු දිනයක් ලබාදෙන ලෙසත් ඉල්ලීම් කර ඇති බවයි වාර්තා වන්නේ.
### රජයේ විකිරණ විද්‍යා තාක්ෂණවේදීන් හෙට වැඩවර්ජනයක
URL: https://www.citizen.lk/government-radiology-technicians-on-strike-tomorrow/
Last updated: 2026-01-27T08:31:52.000Z
January 27 (Citizen.lk News) - රජයේ විකිරණ විද්‍යා තාක්ෂණවේදීන්ගේ සංගමය හෙට (28) උදෑසන 8 සිට දිවයින පුරා රෝහල්වල අඛණ්ඩ වැඩවර්ජනයකට යොමු වීමට තීරණය කර තිබෙනවා.

එම සංගමයේ සභාපති, චානක ධර්මවික්‍රම සඳහන් කලේ, මෙම වෘත්තීය ක්‍රියාමාර්ගය පැවැත්වෙන කාලය තුළ, විකිරණ පරීක්ෂණ, CT පරීක්ෂණ, MRI පරීක්ෂණ, mammogram පරීක්ෂණ හා ශල්‍යාගාරවල විකිරණ භාවිත කරමින් සිදුකරනු ලබන සැත්කම් සියල්ල හෙට දිනයේ අඬාල වීමට නියමිත බවයි.

මෙය අඛණ්ඩව සිදුකිරීමට සිදුවුයේ පසුගිය 21 වන දින දියත් කළ එක්දින වැඩවර්ජනයට නිසි විසඳුමක් නොලැබීම හේතුවෙන් මෙම තීරණය ගත් බවද ඔහු සඳහන් කර සිටියා.

මාළිගාවත්ත රෝහලේ සුදුසුකම් නොලත් පුද්ගලයින් විසින් රෝගීන්ගේ විකිරණ පරීක්ෂණ සිදුකිරීමට විරෝධය පළ කරමින් රජය විකිරණ විද්‍යා තාක්ෂණවේදීන්ගේ සංගමය මෙම වෘත්තීය සමිති ක්‍රියාමාර්ගය ගනු ලැබීය.
### පෞද්ගලික හේතුවක් මත අද දිනයේ පොලිස් මූල්‍ය අපරාධ කොට්ඨාශය වෙත පැමිණීමට නොහැකියි - ශිරන්ති රාජපක්ෂ
URL: https://www.citizen.lk/unable-to-attend-the-police-financial-crimes-division-today-due-to-personal-reasons-shiranthi-rajapaksa/
Last updated: 2026-01-27T04:35:35.000Z
January 27 (Citizen.lk News) - පෞද්ගලික හේතුවක් මත අද දිනයේ පොලිස් මූල්‍ය අපරාධ කොට්ඨාශය හමුවේ පෙනී සිටීමට නොහැකි බවට ශිරන්ති රාජපක්ෂ නීතීඥයෙකු මාර්ගයෙන් පොලිස් මූල්‍ය අපරාධ කොට්ඨාශය වෙත ලිඛිතව අදාළ දැනුම් දී තිබෙනවා.

'සිරිලිය' නමින් පවත්වාගෙන ගිය ගිණුමේ මූල්‍ය අක්‍රමිකතා සම්බන්ධයෙන් සිදුකරන විමර්ශනවලට අදාළව ප්‍රකාශයක් ලබාදීම සඳහා අද පෙ.ව 9.00ට පොලිස් මූල්‍ය අපරාධ කොට්ඨාශය හමුවේ පෙනී සිටින ලෙස පසුගිය සිකුරාදා දිනයේ දැනුම්දීමක් සිදුකර තිබුණු අතර පෞද්ගලික හේතුවක් මත අද දිනයේ පොලිස් මූල්‍ය අපරාධ කොට්ඨාශය වෙත පැමිණීමට නොහැකි බවත් ඒ සඳහා සති දෙකකින් පසු දිනයක් ලබාදෙන ලෙසත් ඉල්ලීම් කර ඇති බවයි වාර්තා වන්නේ.
### 2025 පළමු අර්ධ වර්ෂය සඳහා සාමාජික ගිණුම් ප්‍රකාශ නිකුත් කරයි
URL: https://www.citizen.lk/member-account-statements-for-the-first-half-of-2025-are-released/
Last updated: 2026-01-28T07:46:49.000Z
January 27 (Citizen.lk News) - 2025 පළමු අර්ධ වර්ෂය සඳහා සාමාජික ගිණුම් ප්‍රකාශ මේ වන විට නිකුත් කර ඇති බව ශ්‍රී ලංකා මහ බැංකුව සඳහන් කරනවා.

එම ගිණුම් ප්‍රකාශ තැපැල් මගින් අදාල සේවායතන වෙත යොමු කර ඇති බවත්, ඔබගේ ගිණුම් ප්‍රකාශය ඔබගේ සේවාදායකයාගෙන් ලබාගන්නා ලෙසත් ශ්‍රී ලංකා මහ බැංකුව EPF සමාජිකයන් හට අවධාරණය කර සිටිනවා.

![](http://s3.amazonaws.com/bizsinhala/wp-content/uploads/2026/01/27165514/621563450_1299847145510946_5731990877885700133_n-1-e1769513125506.jpg)
### මෙරට රන් මිලත් ඉහළට
URL: https://www.citizen.lk/gold-prices-in-the-country-also-rise/
Last updated: 2026-01-26T10:47:43.000Z
January 26 (Citizen.lk News) - ලෝක වෙළෙඳපොළේ රන් මිලට සාපේක්ෂව මෙරට රන් මිල ඉහළ ගොස් තිබෙනවා.

ඒ අනුව, අද උදෑසන වන විට මෙරට කැරට් 24 රන් පවුමක මිල පෙර දිනයට සාපේක්ෂව රු. 12,000 කින් ඉහළ ගොස්, රුපියල් 397,000 ක් ලෙසින් වාර්තා වී ඇති බව කොළඹ හෙට්ටි වීදියේ රන් වෙළෙඳපොළ සඳහන් කරනවා.

වැඩිදුරටත් සඳහන් වන්නේ කැරට් 22 ක රන් පවුමක මිල රුපියල් 362,200 ක් ලෙසින් සටහන් වී ඇති බවයි.
### මෙරටට පැමිණෙන විදෙස් ආයෝජකයන්ට වසර 15 ක් දක්වා බදු සහන
URL: https://www.citizen.lk/tax-breaks-for-up-to-15-years-for-foreign-investors-coming-to-sri-lanka/
Last updated: 2026-01-26T10:42:33.000Z
January 26 (Citizen.lk News) - එක්සත් අරාබි එමීර් රාජ්‍යයේ (UAE) ආයෝජකයන් ආකර්ෂණය කර ගැනීම සඳහා වසර 15 ක් දක්වා දීර්ඝ බදු සහන ලබා දීමට සහ කොළඹ වරාය නගරය කලාපීය මූල්‍ය මධ්‍යස්ථානයක් ලෙස ප්‍රවර්ධනය කිරීමට ශ්‍රී ලංකා රජය පියවර ගෙන ඇති බව Gulf පුවත් සේවය වාර්තා කරනවා.

ඒ අනුව නව ආයෝජන ප්‍රවර්ධන පනත යටතේ ඇතැම් ආයෝජන සඳහා වසර 15 ක් දක්වා බදු සහන ලබාදීමට රජය සූදානම් බවත්, ශ්‍රී ලංකාවේ මධ්‍යස්ථ විදේශ ප්‍රතිපත්තිය හේතුවෙන් චීනය, ඇමෙරිකාව, ඉන්දියාව සහ මැද පෙරදිග ඇතුළු ඕනෑම රටක් සමඟ නිදහසේ ගනුදෙනු කිරීමට ආයෝජකයන්ට අවස්ථාව පවතින බව ඩුබායි හි පැවැති "Invest Sri Lanka" ආයෝජක සමුළුවට සමගාමීව Gulf පුවත් සේවය සමඟ අදහස් දක්වමින් කර්මාන්ත හා ව්‍යවසායකත්ව සංවර්ධන නියෝජ්‍ය අමාත්‍ය චතුරංග අබේසිංහ සඳහන් කර තිබෙනවා.
### GMOA අඛණ්ඩ වෘත්තීය ක්‍රියාමාර්ගයක
URL: https://www.citizen.lk/gmoa-continues-industrial-action/
Last updated: 2026-01-26T05:47:08.000Z
January 26 (Citizen.lk News) - අද (26) පෙරවරු 8.00 සිට අඛණ්ඩ වෘත්තීය සමිති ක්‍රියාමාර්ගයක නිරත වන බව රජයේ වෛද්‍ය නිලධාරීන්ගේ සංගමය සඳහන් කරනවා.

එම සංගමයේ මාධ්‍ය ප්‍රකාශක වෛද්‍ය චමිල් විජේසිංහ සඳහන් කළේ, වෘත්තීය සමිති ක්‍රියාමාර්ග 05ක් ඔස්සේ වර්ජනය ක්‍රියාත්මක කරන බවයි.

ඒ අනුව,

- සායන හා බාහිර රෝගී ප්‍රතිකාර ඒකක තුළ නොමැති ඖෂධ පිටත ඔසුසැල්වලින් මිලදී ගැනීමට තුන්ඩු නිකුත් නොකිරීම
- රෝහල් පද්ධතිය තුළ නැති රසායනාගාර පරීක්ෂණ, පිටත රසායනාගාරවලින් හා පිටත පෞද්ගලික රෝහල්වලින් සිදු කර ගැනීමට තුණ්ඩු නැත්නම් නිර්දේශ නිකුත් නොකිරීම.
- දැනට අනුමත වෛද්‍යවරු සංඛ්‍යාව සැපයීමට නොහැකි නම් සහ අනුමත වෛද්‍යවරු සංඛ්‍යාවක් අනුමත කරගෙන නොමැති නම් රෝහල් පද්ධතිය තුළ නව ඒකක ආරම්භ කිරීමට අවස්ථාව ලබා නොදීම.
- සමහර අවස්ථාවන්වල දේශපාලනික වුවමනාවට හා දේශපාලනික අවශ්‍යතාවයන් මත පවත්වන යම් යම් සායන සහ සෞඛ්‍ය කඳවුරුවලට සහයෝගය නොදැක්වීම.
- යම් රෝහලක, සායනයක සහ බාහිර ප්‍රතිකාර ඒකකවල රෝගියා පරීක්ෂා කිරීමේදී වෛද්‍යවරයාට සහයට, සහයක නිලධාරියෙක් ලබා නොදෙන්නේ නම් වෛද්‍යවරු ඒ ස්ථානවල රාජකාරීවලින් ඉවත් වීම.

යන ක්‍රියාමාර්ග 05ක් යටතේ මෙම වෘත්තීය සමිති ක්‍රියාමාර්ගය සිදු කිරීමට නියමිතයි.
### IFC වෙතින් ශ්‍රී ලංකාවට අමෙරිකානු ඩොලර් මිලියන 166 ක අයෝජනයක්
URL: https://www.citizen.lk/ifc-invests-us-166-million-in-sri-lanka/
Last updated: 2026-01-25T14:40:31.000Z
January 25 (Citizen.lk News) - ජාත්‍යන්තර මූල්‍ය සංස්ථාව විසින් කුඩා හා මධ්‍ය පරිමාණ ව්‍යවසායන්ගේ මූල්‍ය ප්‍රවේශය පුළුල් කිරීම සඳහාත් තිරසාර වර්ධනය දක්වා අමෙරිකානු ඩොලර් මිලියන 166 ක වැඩසටහනක් නිවේදනය කර තිබෙනවා.

මෙහි අරමුණ වශයෙන් කාන්තාවන් සතු ව්‍යාපාර සහ කෘෂි ව්‍යාපාර අංශය සවිබල ගැන්වීම කෙරෙහි අවධානය යොමු කරමින් කුඩා හා මධ්‍ය පරිමාණ ව්‍යවසායකාවන් සඳහා මූල්‍ය ප්‍රවේශය පුළුල් කිරීම වන බව සඳහන් වනවා.
### රතු නිවේදන සහිත සංවිධානාත්මක අපරාධකරුවෙක්  රැගෙන එයි
URL: https://www.citizen.lk/an-organized-criminal-with-red-notices-is-brought-in/
Last updated: 2026-01-25T14:25:55.000Z
January 25 (Citizen.lk News) -රතු නිවේදන නිකුත් කර තිබූ, සැඟව සිටි සංවිධානාත්මක අපරාධකරුවෙකු ඉන්දියාවේ සිට මෙරටට රැගෙන විත් තිබෙනවා.

අවුරුදු 34 ක් වූ කෙසෙල්වත්ත ප්‍රදේශයේ පදිංචිකරුවෙක් වන සැකකරු රැගෙන ඒමෙන් පසු කටුනායක ගුවන් තොටුපොළේදී අපරාධ පරීක්ෂණ දෙපාර්තමේන්තුවේ නිලධාරීන් විසින් සිය භාරයට විමර්ශන සඳහා කෙසෙල්වත්ත පොලිසිය වෙත භාර දී තිබෙනවා.

සැකකරුට එරෙහිව මනුෂ්‍ය ඝාතන, කොල්ලකෑම් සහ මත්ද්‍රව්‍ය සන්තකයේ තබා ගැනීම පිළිබඳ ව චෝදනා එල්ල වී ඇති බවයි පොලිසිය වාර්තා කරන්නේ.
### ඉන්දීය වෙරළාරක්ෂක නෞකාවන් දෙකක් කොළඹ වරායට
URL: https://www.citizen.lk/two-indian-coast-guard-ships-arrive-at-colombo-port/
Last updated: 2026-01-25T14:20:44.000Z
January 25 (Citizen.lk News) -ඉන්දීය වෙරළාරක්ෂක නෞකාවන් වන වරහා සහ අතුල්යා කොළඹ වරායට නිල සංචාරයක් සඳහා පැමිණ තිබෙනවා.

ඒ අනුව නාවික සම්ප්‍රදායන්ට අනුකූලව නාවික හමුදාව විසින් පිළිගෙන ඇති අතර මෙම නෞකා ශ්‍රී ලංකා වෙරළාරක්ෂක බලකාය සමඟ අභ්‍යාසවලට සහභාගී වීමට නියමිත බවයි සඳහන් වන්නේ.
### ගාසා සාම මණ්ඩලය ජාත්‍යන්තර සංවිධානයක් කිරීමේ ප්‍රඥාප්තියට ලෝක නායකයන් අත්සන් තබයි.
URL: https://www.citizen.lk/world-leaders-sign-the-charter-to-make-the-gaza-peace-council-an-international-organization/
Last updated: 2026-01-23T07:40:21.000Z
January 23 (Citizen.lk News) - ගාසා සාම මණ්ඩලය, නිල ජාත්‍යන්තර සංවිධානයක් ලෙස නම් කිරීමේ ප්‍රඥප්තියට ඇමරිකානු ජනාධිපති ඩොනල්ඩ් ට්‍රම්ප් ඇතුළු රාජ්‍ය නායකයින් ඊයේ (22) අත්සන් තබා තිබෙනවා.

ඒ ස්විට්සර්ලන්තයේ, ඩාවෝස්හිදී පැවැත්වෙන ලෝක ආර්ථික සමුළුවට සමගාමීව පැවති විශේෂ උත්සවයකදී ය.

ගාසා තීරයේ ප්‍රතිසංස්කරණය සහ පාලනය අධීක්ෂණය කිරීම සඳහා මෙම ගාසා සාම මණ්ඩලය පිහිටුවන බවයි සඳහන් වන්නේ.

තුර්කිය, පාකිස්තානය සහ කටාර් ඇතුළු රටවල් 19 ක ඉහළම නායකයින් මෙම ප්‍රඥප්තිය අත්සන් කිරීමට එක්ව සිටියා.

කෙසේ වෙතත්, මෙහි ඇති මතභේදාත්මක කරුණ වන්නේ, එහි ස්ථිර සමාජිකත්වය ලබාගැනීම සදහා රටවල් විසින් ඇමරිකානු ඩොලර් බිලියනයක් ගෙවිය යුතු බවට වන කොන්දේසියයි.

එම කොන්දේසිය හේතුවෙන් චීනය, ඉන්දියාව ඇතුළු බොහෝ රටවල් මෙම සාම මණ්ඩලයට එක්වීම සම්බන්ධයෙන් තවමත් තීරණයක් ගෙන නොමැති බවයි වාර්තා වන්නේ.
### හිටපු මුදල් ලේකම් හා ජනපති අතර හමුවක්
URL: https://www.citizen.lk/a-meeting-between-the-former-finance-secretary-and-president/
Last updated: 2026-01-23T07:24:50.000Z
January 23 (Citizen.lk News) - හිටපු භාණ්ඩාගාර ලේකම් මහින්ද සිරිවර්ධන මහතා ඊයේ (22) ජනාධිපති අනුර කුමාර දිසානායක හමු වී තිබෙනවා.

X සටහනක් තබමින් මහින්ද සිරිවර්ධන සඳහන් කරන්නේ, ජනාධිපති අනුර කුමාර දිසානායක සමඟින් ශ්‍රී ලංකාවේ ආර්ථිකය සම්බන්ධයෙන් ඵලදායී සාකච්ඡාවක නිරත වීමට හැකි වූ බවයි. 

එහිදී ශ්‍රී ලංකා ආර්ථිකයේ ඔරොත්තු දීමේ හැකියාව සහ තිරසාර වර්ධනය ශක්තිමත් කිරීම සඳහා ආසියානු සංවර්ධන බැංකුවේ සහාය ඇතුළුව අභියෝග, අවස්ථා සහ ඉදිරි මාර්ග පිළිබඳව අදහස් හුවමාරු කර ගත් බව ඔහු වැඩිදුරටත් සඳහන් කර සිටියා.
### ජොන්ස්ටන් ඇතුළු පිරිස යළි රිමාන්ඩ්
URL: https://www.citizen.lk/johnston-and-others-remanded-again/
Last updated: 2026-01-23T07:02:13.000Z
January 23 (Citizen.lk News) - අත්අඩංගුවට ගෙන රක්ෂිත බන්ධනාගාර ගත කර සිටි හිටපු අමාත්‍ය ජොන්ස්ටන් ප්‍රනාන්දු ඇතුළු සැකකරුවන් 5 දෙනෙකු යළි රක්ෂිත බන්ධනාගාර ගත කිරීමට අධිකරණය නියෝග කර තිබෙනවා.

ඒ එම සැකකරුවන්ට එරෙහිව පැවැති නඩුව අද (23) කැඳවූ අවස්ථාවේදීය.

ඒ අනුව, එම සැකකරුවන් එළැඹෙන 30 වැනිදා දක්වා රක්ෂිත බන්ධනාගාර ගත කිරීමට මහේස්ත්‍රාත්වරයා මෙහිදී නියෝග කර සිටියා.

ජොන්ස්ටන් ප්‍රනාන්දු සමූපකාර සහ අභ්‍යන්තර වෙළෙඳ කටයුතු අමාත්‍යවරයා ලෙස සිටියදී සතොස ආයතනයේ ලොරි රථයක් අවභාවිත කිරීමේ සිද්ධියට අදාළව ගොනු කෙරෙනු නඩුවක් මත පසුගිය 05 වැනිදා මූල්‍ය අපාරාධ විමර්ශන කොට්ඨාසය මගින් අත්අඩංගුවට ගෙන වත්තල අධිකරණයට ඉදිරිපත් කර තිබුණා.

එහිදී වත්තල මහේස්ත්‍රාත් අධිකරණය නියෝග කළේ සැකකරු ඇතුළු පිරිස රක්ෂිත බන්ධනාගාරගත කිරීමටය.
### මාතලේ රේස් පැද්ද අයට වැඩ වරදී
URL: https://www.citizen.lk/matale-race-cyclists-face-work-ban/
Last updated: 2026-01-23T07:00:01.000Z
January 23 (Citizen.lk News) - මාතලේ නගරයේ සංඝමිත්තා පෙදෙසේ ඉහළ එන්ජින් ධාරිතාවෙන් යුත් යතුරු පැදි ධාවනය කරමින් රේස් පැද්ද පුද්ගලයින් සමඟ යතුරුපැදි දහයක් අත්අඩංගුවට ගත් බව මාතලේ පොලිසිය සඳහන් කරනවා.

එම යතුරුපැදි අතර ව්‍යාජ ලෙස අංක තහඩු වෙනස්කර ධාවනය කළ යතුරු පැදියක්ද මේ අතර වන බව පොලිසිය වැඩිදුරටත් සඳහන් කර සිටියා.

යතුරුපැදී ධාවනය කළ පුද්ගලයින් වයස අවුරුදු 18 ත් 23 අතර තරුණයින් බවයි පොලීසිය සඳහන් කරන්නේ.

අදාළ සැකකරුවන් මාතලේ අධිකරණය වෙත ඉදිරිපත් කිරීමට නියමිතය.
### ප්‍රවීණ බොලිවුඩ් ගායිකා අනුරාධා පෞද්වාල් ජවිපෙ  ටිල්වින් හමුවෙයි
URL: https://www.citizen.lk/veteran-bollywood-singer-anuradha-paudwal-meets-jvp-leader/
Last updated: 2026-01-22T10:57:20.000Z
January 22 (Citizen.lk News) - මේ දිනවල ශ්‍රී ලංකාවේ සංචාරයක නිරත පද්ම ශ්‍රී සම්මානලාභී, ප්‍රවීණ බොලිවුඩ් ගායිකා අනුරාධා පෞද්වාල් (Anuradha Paudwal) අද (21) පැලවත්ත ජනතා විමුක්ති පෙරමුණේ ප්‍රධාන කාර්යාලයේ දී ජවිපෙ ප්‍රධාන ලේකම් ටිල්වින් සිල්වා හමුව තිබෙනවා.

මේ අවස්ථාවට ජනතා විමුක්ති පෙරමුණේ මධ්‍යම කාරක සභික සෞඛ්‍ය හා ජනමාධ්‍ය අමාත්‍ය නලින්ද ජයතිස්ස ද එක් වී සිටි අතර ඉන්දීය මහකොමසාරිස් කාර්යාලයේ පළමු ලේකම් රෝෂ්ණි තොම්සන් (Roshni Thomson), විවේකානන්ද සංස්කෘතික මධ්‍යස්ථානයේ අධ්‍යක්ෂ, මහාචාර්ය අංකුරන් දත්ත (Ankuran Dutta) ඇතුළු පිරිසක් සම්බන්ධ වී සිටියා.
### 2025 දී මෙරටින් ලාදුරු රෝගීන් 1282 ක්
URL: https://www.citizen.lk/1282-leprosy-patients-in-the-country-in-2025/
Last updated: 2026-01-22T10:51:28.000Z
January 22 (Citizen.lk News) - 2025 වසරේදී මෙරටින් ලාදුරු රෝගීන් 1,282 දෙනෙකු වාර්තා වී ඇති බව, ජාතික ලාදුරු මර්දන ව්‍යාපාරයේ අධ්‍යක්ෂ, ප්‍රජා සෞඛ්‍ය විශේෂඥ, වෛද්‍ය යසෝමා වීරසේකර සඳහන් කරනවා.

සෞඛ්‍ය ප්‍රවර්ධන කාර්යාංශයේ පැවති මාධ්‍ය සාකච්ඡාවකට එක් වෙමින් ඇය සඳහන් කළේ, ඒ අතරින් 10% ක් පමණ, එනම් රෝගීන් 123 ක් වයස අවුරුදු 15 ට අඩු පාසල් දරුවන් බවයි.

එසේම, නව රෝගීන් වාර්තා වන විටත් එයින් 8% ක් පමණ ආබාධිත තත්ත්වයට ලක්ව අවසන් බව ද වෛද්‍යවරිය ප්‍රකාශ කර සිටියා.

රෝගීන්ට අවශ්‍ය ප්‍රතිකාර ලබා දීමට රජයේ රෝහල්වල නොමිලේ ප්‍රතිකාර ක්‍රම සියල්ල ස්ථාපිත කර ඇති බවත්, රෝගීන් රජයේ රෝහල්වලට හෝ මහජන සෞඛ්‍ය පරීක්ෂක නිලධාරීන් වෙත යොමු වීමේ ගැටලුවක් ඇති බවයි විශේෂඥ වෛද්‍ය යසෝමා වීරසේකර වැඩිදුරටත් සඳහන් කර සිටියේ.
### SL vs ENG 1st ODI: කාසියේ වාසිය ශ්‍රී ලංකාවට
URL: https://www.citizen.lk/sl-vs-eng-1st-odi-kaasiyee-vaasiy-shrii-lnkaavtt/
Last updated: 2026-01-22T10:39:37.000Z
January 22 (Citizen.lk News)- සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර පළමු එක්දින තරගය අද (22) පැවැත්වෙනවා.

තරගයේ කාසියේ වාසිය දිනා ගැනීමට ශ්‍රී ලංකා කණ්ඩායම සමත් වූ අතර ඔවුන් පළමුවෙන් පන්දුවට පහරදීමට තීරණය කර තිබෙනවා.
### මත්ද්‍රව්‍ය භාවිතා කර බස් රථ ධාවනය කරන රියදුරන් සෙවීමට ජංගම රසායනාගාරයක්
URL: https://www.citizen.lk/a-mobile-laboratory-to-detect-bus-drivers-who-use-drugs/
Last updated: 2026-01-22T04:46:04.000Z
January 22 (Citizen.lk News) - මත්ද්‍රව්‍ය භාවිත කර රිය ධාවනයේ යෙදෙන මගී බස් රථ රියදුරන් සහ රිය සහායකයන් හඳුනා ගැනීම සඳහා ජංගම රසායනාගාරයක් (Mobile Lab) සේවයේ යෙදවීම ඊයේ (21) දින කොළඹ බැස්ටියන් මාවත පෞද්ගලික බස් නැවතුම්පොළේ දී නිල වශයෙන් ආරම්භ කළ බව පොලීසිය සඳහන් කරනවා.

මෙම ජංගම රසායනාගාර සේවාව මඟින් විනාඩි කිහිපයක් තුළ රියදුරන් විසින් දින 14 ක් ඇතුළත භාවිතා කළ මත්ද්‍රව්‍ය වර්ග හතරක් සම්බන්ධ වාර්තාවක් ලබා ගත හැකි බවයි පොලීසිය සඳහන් කළේ.

මෙම ජංගම රසායනාගාර සේවාව මඟින් මත්ද්‍රව්‍ය භාවිතා කර ඇති බවට හඳුනා ගන්නා රියදුරන් අධිකරණයට ඉදිරිපත් කර, එම රියදුරන්ගේ රියදුරු බලපත්‍ර අහෝසි කිරීම දක්වා වූ නීතිමය ක්‍රියාමාර්ග ගැනීමට කටයුතු කරන බවයි සඳහන් වන්නේ.

රථවාහන මූලස්ථානයේ නිලධාරීන් විසින් මෙම ජංගම රසායනාගාර සේවාව මඟින් පරීක්ෂණය සඳහා යොමු කළ කෙටි දුර හා දුර ගමන් සේවා බස් රථ රියදුරන් 59 දෙනෙකු අතුරින් රියදුරන් 08 දෙනෙකු ගංජා භාවිතා කර ඇති බවට හා දෙදෙනෙකු හෙරොයින් හා අයිස් මත්ද්‍රව්‍ය භාවිතා කර ඇති බවට හඳුනාගෙන ඇති බවයි වැඩිදුරටත් සඳහන් වන්නේ.
### IMF නියෝජිත කණ්ඩායමක් අද දිවයිනට
URL: https://www.citizen.lk/an-imf-delegation-arrives-in-the-island-today/
Last updated: 2026-01-22T04:41:57.000Z
January 22 (Citizen.lk News)- ජාත්‍යන්තර මූල්‍ය අරමුදලේ නියෝජිතයින් පිරිසක් අද (22) දිවයිනට පැමිණීමට නියමිතව තිබෙනවා.

දිට්වා සුළි කුණාටුවෙන් සිදුවු හානිය පිළිබඳව අධ්‍යයනය කිරීම සහ ඒ සම්බන්ධයෙන් බලධාරීන් සමග සාකච්ඡා කිරීමේ අරමුණින් අදාළ නියෝජිතයින් පිරිස මෙරටට පැමිණීමට නියමිත බව ජාත්‍යන්තර මූල්‍ය අරමුදල සඳහන් කර සිටියා.

අද දිනයේ දිවයිනට පැමිණෙන එම නියෝජිතයින් ලබන 28 වන දින දක්වා මෙරට රැඳී සිටීමට නියමිතව තිබෙනවා.

දිට්වා සුළි කුණාටුවෙන් ඇති වූ ආර්ථික හා මානුෂික අභියෝග පිළිබඳ ශ්‍රී ලංකාව කටයුතු කර ඇති ආකාරය පිළිබඳව සොයාබැලීම සහ එමඟින් යටිතල පහසුකම්, ජීවනෝපායන් සහ ආර්ථික ස්ථාවරත්වයන් කෙරෙහි සිදුව ඇති බලපෑම් අවබෝධ කරගැනීම මෙම නියෝජිත කණ්ඩායමේ අරමුණ වී ඇති බව සඳහන්ය.

ඊට අමතරව ජාත්‍යන්තර මූල්‍ය අරමුදල විසින් ශ්‍රී ලංකාවට ලබාදෙන විස්තීර්ණ අරමුදල් පහසුකමේ පස් වැනි සමාලෝචනය මේ වන විට අවසන් කර ඇති අතර ඊට අනුමැතිය ලබාදීම පිළිබඳව ද මෙම සංචාරයේ දී අවධානය යොමුවනු ඇති බව වාර්තා වනවා.
### ICC T20 ලෝක කුසලානය මෙරට ප්‍රදර්ශනය කිරීමේ සංචාරය  නිල වශයෙන් ඇරඹේ
URL: https://www.citizen.lk/icc-t20-world-cup-exhibition-tour-officially-begins-in-sri-lanka/
Last updated: 2026-01-22T02:48:31.000Z
January 22 (Citizen.lk News) - 2026 වසරේ ඉන්දියාව සහ ශ්‍රී ලංකාව විසින් සම-සත්කාරකත්වය දරනු ලබන ICC පන්දුවාර විස්සයි-20 ලෝක කුසලාන ක්‍රිකට් තරගාවලියේ කුසලානය මෙරට ප්‍රදර්ශනය කරමින් සංචාරය නිල වශයෙන් ආරම්භ කිරීම ජනාධිපති අනුර කුමාර දිසානායකගේ ප්‍රධානත්වයෙන් සිදුව තිබෙනවා.

21 සිට 24 දක්වා දින හතරක් දිවයිනේ ප්‍රධාන නගර කිහිපයකදී මෙය ප්‍රදර්ශනය කෙරෙන අතර, කොළඹ ආර්. ප්‍රේමදාස අන්තර්ජාතික ක්‍රීඩාංගණයේදී පැවැත්වෙන ශ්‍රී ලංකා– එංගලන්ත එක්දින තරගය අතරතුරදී ක්‍රීඩාලෝලීන්ට මෙම රන් කුසලානය සමීපව දැකබලා ගැනීමට අවස්ථාව හිමි වන අතර අනතුරුව, මහනුවර, දඹුල්ල සහ යාපනය යන නගර කරා ද කුසලානය රැගෙන යාමට සැලසුම් කර තිබෙනවා.
### කොළඹ අක්ෂි රෝහලේ වෛද්‍යවරුන් වර්ජනයක
URL: https://www.citizen.lk/doctors-at-colombo-eye-hospital-on-strike/
Last updated: 2026-01-22T02:42:39.000Z
January 22 (Citizen.lk News) - කොළඹ ජාතික අක්ෂි රෝහලේ ද වෛද්‍යවරුන් අද උදෑසන 8.00 සිට හෙට උදෑසන 8.00 දක්වා සංකේත වර්ජනයක නිරතවීමට නියමිත බව වාර්තා වනවා.

රෝහලේ වැඩබලන අධ්‍යක්ෂවරයාගේ ක්‍රියාකලාපයට එරෙහිව මෙම වර්ජනය ක්‍රියාත්මක වන බව තවදුරටත් සඳහන් වනවා.
### IMF නියෝජිත කණ්ඩායම අද මෙරටට
URL: https://www.citizen.lk/imf-delegation-arrives-in-sri-lanka-today/
Last updated: 2026-01-22T02:39:09.000Z
January 22 (Citizen.lk News) - දිට්වා සුළි කුණාටුවෙන් සිදුවු හානිය පිළිබඳව අධ්‍යයනය කිරීම සහ ඒ සම්බන්ධයෙන් බලධාරීන් සමග සාකච්ඡා කිරීමේ අරමුණින් අදාළ නියෝජිතයින් පිරිස මෙරටට පැමිණීමට නියමිත වනවා.

අද දිනයේ දිවයිනට පැමිණෙන එම නියෝජිතයින් ලබන 28 වන දින දක්වා මෙරට රැඳී සිටින අතර දිට්වා සුළි කුණාටුවෙන් ඇති වූ ආර්ථික හා මානුෂික අභියෝග පිළිබඳ ශ්‍රී ලංකාව කටයුතු කර ඇති ආකාරය පිළිබඳව සොයාබැලීම සහ එමඟින් යටිතල පහසුකම්, ජීවනෝපායන් සහ ආර්ථික ස්ථාවරත්වයන් කෙරෙහි සිදුව ඇති බලපෑම් අවබෝධ කරගැනීම මෙම නියෝජිත කණ්ඩායමේ අරමුණ වී ඇති බවයි වාර්තා වන්නේ.
### බංග්ලාදේශය T20 ලෝක කුසලානයෙන් ඉවතට
URL: https://www.citizen.lk/bnglaadeeshy-t20-look-kuslaanyen-ivttt/
Last updated: 2026-01-22T10:43:42.000Z
January 21, (Citizen.lk News) - විස්සයි20 ලෝක කුසලාන ක්‍රිකට් තරගාවලිය ඉන්දියාවේ දී හැර වෙනත් රටකදී ක්‍රීඩා කිරීමට අවසර නොදෙන බව ජාත්‍යන්තර ක්‍රිකට් කවුන්සිලය (ICC) බංග්ලාදේශ ක්‍රිකට් ආයතනයට අද (21) නිල වශයෙන් දැනුම් දී තිබෙනවා.

ඒ අනුව, බංග්ලාදේශ කණ්ඩායම ඉන්දියාවට නොයන්නේ නම්, ඔවුන් වෙනුවට වෙනත් කණ්ඩායමක් ආදේශ කිරීමට ICCය තීරණය කර ඇති බව වාර්තා වන්නේ

මේ සම්බන්ධයෙන් බංග්ලාදේශ රජයටද දැනුම් දී ඇති බව සඳහන්ය.

බංග්ලාදේශය ඉන්දියාවට යාම ප්‍රතික්ෂේප කිරීම සම්බන්ධයෙන් සාකච්ඡා කිරීම සඳහා ICC පූර්ණ සාමාජික රටවල අධ්‍යක්ෂවරුන්ගේ සහභාගිත්යෙන් අද පැවති තීරණාත්මක සාකච්ඡාවේ දී මෙම තීරණය ගෙන ඇති බව වාර්තා වනවා.

අදාළ රැස්වීමෙන් පසු ඡන්දයක් පවත්වා ඇති අතර, එහිදී ආදේශකයෙකු පත් කිරීමට බොහෝ දෙනෙකු පක්ෂව ඡන්දය ලබාදී ඇති බව වාර්තා වනවා.

කෙසේ නමුත් ඉන්දියාවේ ක්‍රීඩා කිරීම පිළිබඳ තම ස්ථාවරය දැනුම්දීමට ICCය බංග්ලාදේශ ක්‍රිකට් ආයතනට තවත් එක් දිනයක් ලබා දී ඇති බවයි සඳහන් වන්නේ.

ඒ අනුව, බංග්ලාදේශය සිය තීරණය වෙනස් නොකරන්නේ නම්, බංග්ලාදේශය වෙනුවට ස්කොට්ලන්තය 'C' කාණ්ඩයේ තරග කිරීමට නියමිතය.
### ශ්‍රී ලංකාවේ ආර්ථිකයට සහාය දැක්වීම IMF යළි තහවුරු කරයි
URL: https://www.citizen.lk/imf-reaffirms-support-for-sri-lankas-economy/
Last updated: 2026-01-21T09:34:09.000Z
January 21 (Citizen.lk News) - ශ්‍රී ලංකාවේ ආර්ථිකය ප්‍රකෘතිමත් කරලීමේ ක්‍රියාවලිය සඳහා තම අඛණ්ඩ සහාය ලබාදෙන බව ජාත්‍යන්තර මූල්‍ය අරමුදල යළි තහවුරු කර තිබෙනවා.

ජාත්‍යන්තර මූල්‍ය අරමුදලේ කළමනාකාර අධ්‍යක්ෂ ක්‍රිස්ටලිනා ජෝර්ජියේවා සහ අග්‍රාමාත්‍ය ආචාර්ය හරිනි අමරසූරිය අතර පැවැති හමුවකදී මේ බව සඳහන් කර ඇත.

මෙම හමුව ස්විට්සර්ලන්තයේ ඩාවෝස් නගරයේ පැවැත්වෙන 2026 ලෝක ආර්ථික සමුළුවට සමගාමීව පවත්වා ඇති බවයි අග්‍රමාත්‍ය මාධ්‍ය අංශය වැඩිදුරටත් සඳහන් කළේ.
### අලුයම අවම උෂ්ණත්වය නුවරඑළියට
URL: https://www.citizen.lk/minimum-temperature-in-nuwara-eliya-this-morning/
Last updated: 2026-01-21T09:22:21.000Z
January 21 (Citizen.lk News) - අද (21) අලුයම් කාලයේදී දිවයිනේ අවම උෂ්ණත්වය සෙල්සියස් අංශක 7.4ක් ලෙස නුවරඑළිය කාලගුණ මධ්‍යස්ථානයෙන් වාර්තා වී ඇති බව කාලගුණවිද්‍යා දෙපාර්තමේන්තුව සඳහන් කරනවා.

බණ්ඩාරවෙල ප්‍රදේශයේ අද අලුයම සටහන් වූ අවම උෂ්ණත්වය සෙල්සියස් අංශක 11.5ක් බවත්, බදුල්ල ප්‍රදේශයේ අවම උෂ්ණත්වය සෙල්සියස් අංශක 15.2ක් ලෙසත් වාර්තා වී තිබෙනවා.
### 2026දී සාත්තු සේවය සඳහා ශ්‍රී ලාංකිකයින් 1000 ක් යොමු කිරීමට සැලසුම්
URL: https://www.citizen.lk/plans-to-send-1-000-sri-lankans-to-nursing-jobs-in-2026/
Last updated: 2026-01-21T09:20:38.000Z
January 21 (Citizen.lk News) - ශ්‍රී ලංකා රජය සහ ඊශ්‍රායල් රජය අතර ඇති කරගත් අවබෝධතා ගිවිසුමක් අනුව මෙම වසරේදී ඊශ්‍රායලයේ නිවාස පාදක සාත්තු සේවා රැකියා සඳහා ශ්‍රී ලාංකිකයින් දහසක් යොමු කිරීමට ශ්‍රී ලංකා විදේශ සේවා නියුක්ති කාර්යාංශය සැලසුම් කර තිබෙනවා.

ශ්‍රී ලංකා විදේශ සේවා නියුක්ති කාර්යාංශයේ හෝ කාර්යාංශයේ ලියාපදිංචි පුහුණු ආයතනයක සාත්තු සේවා පුහුණු පාඨමාලාවක් හදාරා, NVQ III සහතිකය ලබා ඇති හෝ, හෙද වෘත්තියේ මාස 11 ට නොඅඩු පළපුරුද්දක් ඇති, වයස අවුරුදු 25 - 45 අතර, අ.පො.ස. සාමාන්‍ය පෙළ විභාගයට පෙනී සිටි පුද්ගලයින්ට මෙම රැකියා සඳහා අයදුම් කළ හැකි බවයි එම කාර්යාංශය සඳහන් කරන්නේ.

තෝරා ගනු ලබන රැකියාලාභීන්ට වසර පහක වලංගු වීසා කාලයක් හිමිවන අතර, මාසයකට රුපියල් ලක්ෂ 06 ට අධික වැටුපක් උපයා ගැනීමේ අවස්ථාව ද ලැබෙන බව සඳහන් වනවා.
### ධීවරයින්ට ඉහළ විශ්‍රාම වැටුප් ප්‍රතිලාභ ක්‍රමයක්
URL: https://www.citizen.lk/a-higher-pension-benefit-system-for-fishermen/
Last updated: 2026-01-21T09:18:20.000Z
January 21 (Citizen.lk News) - ධීවරයින් සඳහා ඉහළ විශ්‍රාම වැටුප් ප්‍රතිලාභ ක්‍රමයක් ධීවර හා ජලජ සම්පත් දෙපාර්තමේන්තුව සහ කෘෂිකාර්මික හා ගොවිජන රක්ෂණ මණ්ඩලය මඟින් හඳුන්වා දී තිබෙනවා.

ධීවරයින්ගේ ක්‍රය ශක්තිය අනුව ඔවුන්ගේ අභිමතය මත විශ්‍රාම වැටුප් යෝජනා ක්‍රම හඳුන්වා දී තිබීම මෙහිදී විශේෂ වනවා.

එහිදී රු 5,000, රු 10,000, රු 15,000, රු 20,000, රු 25,000 හෝ ඊට වැඩි ආදි වශයෙන් අභිමතය පරිදි වයස අවුරුදු 60න් පසුව මාසිකව ලබාගත හැකි ඕනෑම විශ්‍රාම වැටුප් යෝජනා ක්‍රමයකට දායකවිය හැකි අතර වයස අවුරුදු 60න් පසුව එළැඹෙන එක් එක් වයස් සීමාවන් තුළ විශ්‍රාම වැටුප් වැඩිවීමක්ද සිදුවේ.
### ප්‍රංශ වයින් සඳහා සියයට 200ක තීරුබදු පනවයිද?
URL: https://www.citizen.lk/will-a-200-percent-tariff-be-imposed-on-french-wine/
Last updated: 2026-01-21T04:39:34.000Z
January 21 (Citizen.lk News) - අමෙරිකානු ජනාධිපති ඩොනල්ඩ් ට්‍රම්ප් විසින් ප්‍රංශ වයින් සහ ෂැම්පේන් සඳහා 200% තීරුබදු පනවන බවට තර්ජනය කර තිබෙනවා.

ගෝලීය ගැටුම් විසඳීම අරමුණු කරගත් ජනපති ට්‍රම්ප්ගේ සාම මණ්ඩලයට ප්‍රංශ ජනාධිපති එමානුවෙල් මැක්‍රොන් ගේ සහාය ලබා ගැනීමට සිදුකරන උත්සහයක් බවට විදෙස් මාධ්‍ය වාර්තා කරනවා.

තමන්ට සහාය දක්වන බවට කළ ආරාධනය, ප්‍රංශ ජනාධිපතිවරයා විසින් ප්‍රතික්ෂේප කිරීමත් සමඟ ට්‍රම්ප් විසින් මේ බව පවසා ඇති බව විදෙස් මාධ්‍ය පවසනවා.
### රු.කෝටි 90ක අයිස් සමග පුද්ගලයෙකු අත්අඩංගුවට
URL: https://www.citizen.lk/person-arrested-with-ice-worth-rs-900-million/
Last updated: 2026-01-21T04:30:32.000Z
January 21 (Citizen.lk News) - අයිස් මත්ද්‍රව්‍ය කිලෝ ග්‍රෑම් 61 ග්‍රෑම් 838ක ප්‍රමාණයක් සමග පුද්ගලයකු නිට්ටඹුව ප්‍රදේශයේදී පොලිස් විශේෂ කාර්ය බළකා නිලධාරීන් විසින් අත්අඩංගුවට ගෙන තිබෙනවා.

නිට්ටඹුව අරලිය පටුමග, පින්නගොල්ල වත්ත, ප්‍රදේශයේ සිදුකළ වැටලීමකදී මෙම මත්ද්‍රව්‍ය සොයාගෙන ඇති අතර එහිදී වටිනාකම රුපියල් කෝටි 90කට අධික අයිස් මත්ද්‍රව්‍ය තොගයක් ත්‍රීරෝද රථයකින් ප්‍රවාහනය කරමින් සිටි අදාළ පුද්ගලයා අත්අඩංගුවට ගෙන තිබෙනවා.
### පාසල් අද ඇරඹේ
URL: https://www.citizen.lk/schools-start-today/
Last updated: 2026-01-21T04:24:59.000Z
January 21 (Citizen.lk News) -2026 අධ්‍යයන වර්ෂයේ පළමු පාසල් වාරයේ දෙවන අදියර රජයේ හා රජයේ අනුමත පෞද්ගලික පාසල්වලට අද (21) ආරම්භ වනවා.

පළමු පාසල් වාරයේ පළමු අදියර පසුගිය 5 වැනිදා සිට 9 වැනිදා දක්වා ක්‍රියාත්මක වූ අතර, ‘දිට්වා‘ සුළි කුණාටුවත් සමග උසස් පෙළ විභාගයේ කල්දැමුණු විෂයන්වලට අදාළ විභාග පැවැත්වීම හේතුවෙන් පසුගිය 10 වැනිදා සිට ඊයේ දක්වා පාසල් නිවාඩු ලබාදී තිබුණා.

ඒ අනුව අද ආරම්භ වන පළමු පාසල් වාරයේ දෙවන අදියර පෙබරවාරි මස 13 වැනිදා දක්වා ක්‍රියාත්මක වන බව අධ්‍යාපන අමාත්‍යංශය වැඩිදුරටත් සඳහන් කරනවා.
### T20 ලෝක කුසලානය රටවටා සංචාරය හෙටින්
URL: https://www.citizen.lk/t20-world-cup-tour-begins-tomorrow/
Last updated: 2026-01-20T09:03:58.000Z
January 20 (Citizen.lk News) - ICC T20 ලෝක කුසලානයේදී පිරිනමන කුසලානය මෙරට තුළ ප්‍රදර්ශනය කිරීමේ සංචාරය ජනවාරි 21 සිට 24 දක්වා සිදුකිරීමට නියමිතව වන අතර ජනාධිපති අනුර කුමාර දිසානායක විසින් එම සංචාරය නිල වශයෙන් දියත් කිරීමට නියමිත වනවා.

මෙරටදී ලෝක කුසලානය රට පුරා ප්‍රධාන ස්ථාන කිහිපයක ප්‍රදර්ශනය කෙරෙන අතර, ඒ අනුව 2026 ICC T20 ලෝක කුසලාන තරගාවලියට පෙර රසිකයින්ට මෙම සුවිශේෂී කුසලානය නැරඹීමට අවස්ථාව හිමි වනවා.

කොළඹ ආර්. ප්‍රේමදාස ක්‍රීඩාංගණයේ පැවැත්වෙන ශ්‍රී ලංකාව සහ එංගලන්තය අතර එක්දින තරගය අවස්ථාවේ එම කුසලානය ප්‍රදර්ශනය කිරීමට තීරණය කර ඇති අතර ICC T20 ලෝක කුසලානය රට වටා කරන ජාතික සංචාරයේ දී මහනුවර, දඹුල්ල සහ යාපනය ඇතුළු ප්‍රධාන නගර වෙත ද ගමන් කිරීමට නියමිතයි.
### එංගලන්ත ක්‍රිකට් කණ්ඩායමට රාත්‍රී 12න් පසු ඇඳිරි නීති
URL: https://www.citizen.lk/curfew-for-england-cricket-team-after-12-midnight/
Last updated: 2026-01-20T09:03:33.000Z
January 20 (Citizen.lk News) - ශ්‍රී ලංකාවේ සංචාරයක නිරත එංගලන්ත ක්‍රිකට් ක්‍රීඩකයින් සඳහා මධ්‍යම රාත්‍රී 12න් පසු ක්‍රියාත්මක වන පරිදි විශේෂ ඇඳිරි නීතියක් පැනවීමට එංගලන්ත ක්‍රිකට් කළමනාකාරීත්වය පියවර ගෙන තිබෙනවා.

ඊට හේතුව වන්නේ පසුගිය 'අළු බඳුන' (Ashes) තරගාවලියේදී සහ නවසීලන්ත සංචාරයේදී ක්‍රීඩකයින්ගේ විනය සම්බන්ධයෙන් මතු වූ ගැටලුකාරී තත්ත්වයන් මත බවයි විදෙස් මාධ්‍ය වාර්තා කරන්නේ.

ඒ අනුව, ක්‍රීඩකයින් සෑම දිනකම මධ්‍යම රාත්‍රී 12 වන විට නැවත සිය හෝටලය වෙත පැමිණිය යුතු බවත්, කණ්ඩායම් කළමනාකාරීත්වයේ පූර්ව අනුමැතියකින් තොරව කිසිදු ක්‍රීඩකයෙකුට ඉන් බැහැරව සිටීමට අවසර නොලැබෙන බවටත් කොන්දේසි ඇතුලත් බව වාර්තා වනවා.
### නොරොච්චෝලේ ජනන යන්ත්‍ර සියල්ල යථා තත්ත්වයට
URL: https://www.citizen.lk/all-generators-in-norochcholai-restored-to-normal/
Last updated: 2026-01-20T08:45:35.000Z
January 20 (Citizen.lk News) - අලුත්වැඩියා කටයුතු හේතුවෙන් තාවකාලිකව ක්‍රියාවිරහිත කර තිබු නොරොච්චෝලේ ලක්විජය බලාගාරයේ ජනන යන්ත්‍ර සියල්ල යළි යථා තත්ත්වයට පත් කර තිබෙනවා.

ඒ අනුව ජනන යන්ත්‍ර තුනම මේ වන විට ජාතික විදුලි බල පද්ධතියට සම්බන්ධ කර ඇති අතර මෙගාවොට් 900ක විදුලි ධාරිතාවක් මෙලෙස පද්ධතියට එක්කර තිබෙනවා.

පසුගිය නොවැම්බර් 03වන දින සාමාන්‍ය නඩත්තු කටයුත්තක් හේතුවෙන් ලක්විජය ගල්අගුරු බලාගාරයේ එක් ජනන යන්ත්‍රයක් ක්‍රියාවිරහිත කර තිබු අතර දෙසැම්බර් මස 20වන දින තවත් ජනන යන්ත්‍රයක් හදිසියේ ඇති වූ දෝෂයක් හේතුවෙන් අක්‍රීය විය.

එම ජනන යන්ත්‍ර දෙකම මේ වන විට අලුත්වැඩියා කටයුතු කිරීමෙන් අනතුරුව සක්‍රීය තත්ත්වයෙන් පවතින බව ලංකා විදුලි බල මණ්ඩලය වැඩිදුරටත් සඳහන් කරනවා.
### දුම්රිය ස්ථානාධිපතිවරු වෘත්තීය ක්‍රියාමාර්ගයකට සැරසෙයි
URL: https://www.citizen.lk/railway-station-masters-prepare-for-trade-union-action/
Last updated: 2026-01-20T08:43:29.000Z
January 20 (Citizen.lk News) - ඉල්ලීම් කිහිපයක් මුල්කර ගනිමින් ක්ෂණික වෘත්තීය ක්‍රියාමාර්ගයකට අවතීර්ණය වන බව ශ්‍රී ලංකා දුම්රිය ස්ථානාධිපති සංගමය දැනුම් දී තිබෙනවා.

මේ සම්බන්ධයෙන් නිවේදනයක් නිකුත් කරමින් ඔවුන් පවසන්නේ නව සංශෝධනයන් ඇතුලත් දුම්රිය ස්ථානාධිපති සේවයේ බඳවා ගැනීමේ පටිපාටියේ පිටපත් 05, රාජ්‍ය සේවා කොමිෂන් සභාවේ ලේකම්ගේ අත්සනට ඉදිරිපත් කිරීම ප්‍රමාද කිරීම හා එම බඳවා ගැනීමේ පටිපාටියට අදාළ අන්තකාලීන විධිවිධාන සඳහා නිර්දේශ ඉදිරිපත් කිරීම දිගින් දිගටම ප්‍රමාද කිරීම හේතුවෙන් මෙම ක්ෂණික වෘත්තීය ක්‍රියාමාර්ගයට අවතීර්ණය වීමට තීරණය කළ බවය.

අදාළ ගැටලු සම්බන්ධයෙන් ජනාධිපතිවරයා ඇතුළු වගකිව යුතු බලධාරීන් වෙත පසුගිය 09 වනදා ලිඛිතව දැනුවත් කළ බවත් නමුත් මේ දක්වා ඊට අදාළ විසඳුම් ලබාදීමට අපොහොසත් වීම හේතුවෙන් එළැඹෙන 23 වනදායින් පසුව ශ්‍රී ලංකා දුම්රිය ස්ථානාධිපති සංගමය වෘත්තීය ක්‍රියාමාර්ගයකට යොමු වන බව වැඩිදුරටත් දැනුම් දී තිබෙනවා.
### 2026 වසරේ මුල් දින 15 තුළ සංචාරකයින් 131,898 ක් දිවයිනට
URL: https://www.citizen.lk/131-898-tourists-visited-the-island-in-the-first-15-days-of-2026/
Last updated: 2026-01-20T08:23:11.000Z
2026 වසරේ ගත වූ පළමු දින 15 තුළ 131,898 ක සංචාරකයින් පිරිසක් මෙරටට පැමිණ ඇති බව ශ්‍රී ලංකා සංචාරක සංවර්ධන අධිකාරිය සඳහන් කරනවා.

ඒ අනුව, ජනවාරි 12 වන දා වන විට මෙම වසරේ සංචාරක පැමිණීම 100,000 සීමාව ඉක්මවීමට සමත් වී ඇති බවයි එම අධිකාරිය සඳහන් කරන්නේ.

ඉන්දියාව, රුසියාව, එක්සත් රාජධානිය, ජර්මනිය, ප්‍රංශය යන රටවලින් වැඩි ම සංචාරකයින් පිරිසක් දිවයිනට පැමිණ ඇති බවයි ශ්‍රී ලංකා සංචාරක සංවර්ධන අධිකාරිය වැඩිදුරටත් ප්‍රකාශ කළේ.

![](https://www.citizen.lk/content/images/2026/01/image.png)

![](https://www.citizen.lk/content/images/2026/01/image-1.png)

![](https://www.citizen.lk/content/images/2026/01/image-2.png)
### පෞද්ගලික අංශයේ අවම වැටුප ඉහළට
URL: https://www.citizen.lk/minimum-wage-in-the-private-sector-increased/
Last updated: 2026-01-20T08:08:36.000Z
January 20 (Citizen.lk News) - ජනවාරි මස 1 වන දා සිට ක්‍රියාත්මක වන පරිදි පෞද්ගලික අංශයේ අවම වැටුප රු 3,000කින් වැඩි කර තිබේ.

නිවේදනයක් නිකුත් කරමින් කම්කරු කොමසාරිස් ජනරාල්, එච්. එම්. ඩී. එන්. කේ. වටලියද්ද සඳහන් කර ඇත්තේ, ඒ අනුව අවම වැටුප රු 27,000 සිට රු 30,000 දක්වා ඉහළ යන බවය.

2025 අංක 11 දරන සේවකයන්ගේ ජාතික අවම වේතන සංශෝධන පනතේ විධිවිධාන අනුව මෙම වැටුප් වැඩිකිරීම සිදුකර ඇත.

මෙම සංශෝධන පනත නිසිලෙස ක්‍රියාත්මක කිරීමේදී, අතරමැදියෙකු හෝ කොන්ත්‍රාත්කරුවකු හරහා යම් කර්මාන්තයක හෝ සේවාවක සේවයේ යොදවා ගනු ලබන සේවකයකු සම්බන්ධයෙන් ආසන්නතම සේවායෝජකයා මෙන්ම අවසාන සේවායෝජකයා ද ඇතුළුව සෑම සේවායෝජකයකුම එකී පනතේ නියමයන් ‍ප්‍රකාරව බැඳී සිටින බවද කම්කරු කොමසාරිස් ජනරාල්වරිය සඳහන් කර තිබේ.

එසේම, සංශෝධිත පනතේ 4 වන වගන්තිය ප්‍රකාරව අයවැය සහන දීමනාවන් එකතු කිරීම හැරුණු කොට සේවකයෙකු විසින් 2025.03.31 දින වන විට ලබමින් සිටි වෙනත් කිසිම දීමනාවක් අවම වේතනය සඳහා හිලවු කිරීමට යොදා නොගත යුතුය බවද අදාළ නිවේදනය දැක්වේ.

මෙම වැටුප් වැඩි කිරීම අනුව සේවක අර්ථසාධක අරමුදල්, සේවා නියුක්තිකයන්ගේ භාර අරමුදල්, අතිකාල, පාරිතෝෂික, ප්‍රසූතිකාධාර ගෙවීම් සහ නිවාඩු දින ගෙවීම් යනාදී සියලු ව්‍යවස්ථාපිත ගෙවීම් සඳහා අදාළ කර ගැනීමේ වගකීම සේවායෝජකයන් වෙත පැවරෙනු ඇත.

යම් හෙයකින්, නිසි පරිදි ගෙවීම් නොකරන සේවායෝජකයන් වෙතොත් ඒ සම්බන්ධයෙන් වන පැමිණිලි cms.labourdept.gov.lk ඔස්සේ කම්කරු දෙපාර්තමේන්තුවේ පැමිණිලි කළමනාකරණ පද්ධතියට ඇතුළත් කිරීම හෝ ළඟම පිහිටි කම්කරු කාර්යාලයට ලිඛිතව ඉදිරිපත් කළ හැකි වේ.
### මහජන බැංකුව නව වසරේ වැඩ අරඹයි
URL: https://www.citizen.lk/peoples-bank-begins-work-in-the-new-year/
Last updated: 2026-01-20T08:01:36.000Z
January 20 (Citizen.lk News) - මහජන බැංකු කාර්ය මණ්ඩලය 2026 ජනවාරි 01 වැනිදා කොළඹ 02, People’s Tower හිදි විශේෂ උත්සවයකින් රාජ්‍ය සේවයේ ප‍්‍රතිඥාව ලබාදෙමින් නව වසරේ වැඩ ආරම්භ කර තිබෙනවා.

මෙහිදි මහජන බැංකුවේ සභාපති මහාචාර්ය නාරද ප්‍රනාන්දු සහ ප‍්‍රධාන විධායක නිලධාරි/ සාමාන්‍යාධිකාරි ක්ලයිව් ෆොන්සේකා යන මහත්වරු කාර්ය මණ්ඩලය ඇමතූ අතර මෙදින සෙත් පිරිත් සඡ්ඡායනයක් ඇතුළුව සර්ව ආගමික වැඩසටහනක් ද පවත්වා තිබෙනවා.

මේ අවස්ථාවට මහජන බැංකුවේ ආයතනික හා විධායක කළමනාකාරිත්වය, වෘත්තිය සමිති නියෝජිතයන්, ආගමික සංවිධාන හා අනෙකුත් ස්වේච්ඡා සංවිධානවල නියෝජිතයෝ හා කාර්ය මණ්ඩලය සහභාගී වී තිබෙනවා.

එසේම මීට සමගාමීව දිවයින පුරා පිහිටි මහජන බැංකුවේ ශාඛාවලදීද විශේෂ උත්සව පැවති අතර, එහි කාර්ය මණ්ඩලද රාජ්‍ය සේවයේ ප‍්‍රතිඥාව ලබාදෙන ලදී.

![](https://www.citizen.lk/content/images/2026/01/555555555.jpg)

![](https://www.citizen.lk/content/images/2026/01/00000000.jpg)

![](https://www.citizen.lk/content/images/2026/01/3333333333.jpg)

![](https://www.citizen.lk/content/images/2026/01/1111111111111.jpg)
### හේලීස් සමාගම සුවිශේෂී OMODA සහ JAECOO EV සහ Hybrids සමඟින් 'Mobility' ක්ෂේත්‍රයට පිවිසෙයි
URL: https://www.citizen.lk/hayleys-enters-the-mobility-sector-with-exclusive-omoda-and-jaecoo-evs-and-hybrids/
Last updated: 2026-01-20T07:57:45.000Z
January 20 (Citizen.lk News) - හේලීස් ෆෙන්ටන්ස් ලිමිටඩ් යටතේ නවතම ව්‍යාපාරයක් වන හේලීස් මොබිලිටි, චෙරි ඔටෝමොබයිල් සමාගමේ ප්‍රමුඛතම NEV සන්නාමය වන OMODA සහ JAECOO ඔටෝමොබයිල් සමාගම සමඟ සුවිශේෂී බෙදාහැරීමේ හවුල්කාරිත්වයක් හරහා නිල වශයෙන් විදුලි සහ දෙමුහුන් වාහන වෙළඳපොළට පිවිස තිබෙනවා.

මෙම ගිවිසුම මගින් OMODA සහ JAECO සඳහා ශ්‍රී ලංකාවේ Hayleys Mobility සමාගමට පූර්ණ ෆ්‍රැන්චයිස් අයිතිය ලබා දේ. චෙරි වසර 22 කට වැඩි කාලයක් චීනයේ මගී වාහන අපනයනයේ ප්‍රමුඛයාද වනවා.

මෙම ව්‍යාපාරය ශ්‍රී ලංකාවේ ප්‍රමුඛතම කාර්යසාධනයක් සහිත පොදු ලැයිස්තුගත සමාගමක් වන හේලීස්, ඊළඟ පරම්පරාවේ ප්‍රවාහන විසඳුම් බවට පෙන්නුම් කරන අතර එය තිරසාර නවෝත්පාදනය, පරිසර හිතකාමී ව්‍යාපාර සහ ඉංජිනේරු විශිෂ්ටත්වය සඳහාද ඉවහල් වනවා.

පළමු මාදිලි පෙළට OMODA E5, JAECOO J6 සහ JAECOO J7 ඇතුළත් වන අතර, නාගරික, වාරික සහ මාර්ගයෙන් පිටත අවශ්‍යතා සපුරාලමින් දෙමුහුන් සහ අනෙකුත් කාණ්ඩවලට සකස් වේ.

සීමාසහිත චෙරි ඔටෝමොබයිල් සමාගමේ උප සභාපති චෙන් චුන්කිං මහතා විසින් “හේලීස් මොබිලිටි සමඟ අපගේ සහයෝගිතාවය ශ්‍රී ලංකාව තුළට උපායමාර්ගික ව්‍යාප්තියක් සනිටුහන් කරනවා.විදුලි වාහන සඳහා ඇති වේගවත් වන ඉල්ලුමට සරිලන ලෙසත් සහ ලෝක මට්ටමේ, තරඟකාරී සහ ගෝලීය වශයෙන් බලගතු නිෂ්පාදනයක් හඳුන්වා දීමටත් අපි බලාපොරොත්තු වනවා.”යනුවෙන් වැඩිදුරටත් අදහස් දක්වා තිබෙනවා.

විශ්වාසය, නවෝත්පාදනය සහ වගකිවයුතු නායකත්වයේ උරුමයකින් පිටුබලය ලබන හේලීස් මොබිලිටි, නිෂ්පාදකයින්ගේ සහතික කළ සහාය, නියාමන විනිවිදභාවය සහ හේලීස් සමූහයේ සහතිකය මගින් සහාය ලබන විශ්වාසදායක, අනාගතයට සූදානම් EV සහ හයිබ්‍රිඩ් අත්විඳීමට ශ්‍රී ලාංකික මෝටර් රථ හිමියන්ට ආරාධනා කරනවා.
### නාමල්ගෙන් අධිකරණයට මෝසමක්
URL: https://www.citizen.lk/namal-files-a-motion-to-the-court/
Last updated: 2026-01-20T04:34:53.000Z
January 20 (Citizen.lk News) - 2017 වසරේ හම්බන්තොට ජාත්‍යන්තර වරාය, මත්තල ගුවන් තොටුපළ පෞද්ගලීකරණයට එරෙහිව පැවති විරෝධතාවයකදී පොදු දේපලට සිදුවූ හානි සම්බන්ධව පාර්ලිමේන්තු මන්ත්‍රී නාමල් රාජපක්ෂට සහ තවත් පිරිසකට එරෙහිව ගොනුකර ඇති එම නඩුව ලබන 26 වැනිදා කැඳවීමටයි නියමිතව තිබෙන අතර ඒ සඳහා පැමිණීමට නොහැකි බව දන්වමින් පාර්ලිමේන්තු මන්ත්‍රී නාමල් රාජපක්ෂ විසින් අධිකරණයට මෝසමක් ඉදිරිපත් කර තිබෙනවා.

ඒ ජනවාරි 26 වනදා ඉන්දියාවේදී පැවැත්වෙන උත්සවයක් වෙනුවෙන් ලැබී ඇති ආරාධනාව මත එදින අධිකරණයේ පෙනී සිටීමට නොහැකි බව දන්වා නාමල් රාජපක්ෂ පාර්ලිමේන්තු මන්ත්‍රීවරයා විසින් සිය නීතිඥවරු මාර්ගයෙන් මෙම මෝසම ඉදිරිපත් කර තිබෙන බවයි වාර්තා වන්නේ.
### ඉන්දියාවෙන් වැඩමකරන සර්වඥ ධාතූන් වහන්සේලා ප්‍රදර්ශනය කොළඹදී
URL: https://www.citizen.lk/exhibition-of-sacred-relics-from-india-in-colombo/
Last updated: 2026-01-20T04:20:46.000Z
January 20 (Citizen.lk News) -ඉන්දියාවෙන් වැඩමකරවන සර්වඥ ධාතූන් වහන්සේලා ප්‍රදර්ශනය කිරීම සම්බන්ධයෙන් විශේෂ සාකච්ඡාවක් ජනවාරි 21 වැනි දින ජනාධිපති අනුර කුමාර දිසානායකගේ ප්‍රධානත්වයෙන් පැවැත්වීමට නියමිත වනවා.

රාජ්‍ය අනුග්‍රහය මත සර්වඥ ධාතූන් වහන්සේලා ප්‍රදර්ශනය සංවිධානය කිරීම සඳහා වන සූදානම සමාලෝචනය කිරීමට සහ විහාරස්ථාන පරිශ්‍රය පරීක්ෂා කිරීම කොළඹ ගංගාරාම විහාරස්ථානයේදී සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්සගේ සහභාගීත්වයෙන් සිදුව ඇති අතර මෙම ප්‍රදර්ශනය 2026 පෙබරවාරි 04 සිට පෙබරවාරි 11 දක්වා පැවැත්වීමට නියමිත බවත්,නිදහස් දිනයෙන් පසු ගංගාරාම විහාරස්ථානයේදී සර්වඥ ධාතු ප්‍රදර්ශනය ආරම්භ වන බවත් එය දින හතක් පුරා පැවැත්වීමට සැලසුම් කර ඇති බවත් අමාත්‍යවරයා ප්‍රකාශ කර තිබෙනවා.
### ඉන්දියාව පරිත්‍යාග කළ වාහන නිසා යුද හමුදාවට වාර්ෂික ඉතිරිය රු. මිලියන 18ක්
URL: https://www.citizen.lk/the-army-saves-rs-18-million-annually-due-to-vehicles-donated-by-india/
Last updated: 2026-01-20T04:16:55.000Z
January 20 (Citizen.lk News) ඉන්දීය හමුදාව විසින් පරිත්‍යාග කරන ලද නව SUV රථ 20ක් හඳුන්වාදීමෙන් පසු ශ්‍රී ලංකා හමුදාවට වාර්ෂිකව රුපියල් මිලියන 18ක් පමණ ඉතිරි කර ගැනීමට හැකි වී තිබෙනවා.

ඉන්දීය හමුදා ප්‍රධානී ජෙනරාල් උපේන්ද්‍ර ද්විවේදි මෙරට කළ සංචාරයේදී මෙම වාහන නිල වශයෙන් භාර දුන් අතර හඳුන්වාදුන් ජීප් රථ පරිපාලන හා ක්ෂේත්‍ර මෙහෙයුම් සඳහා යොදා ගැනෙන බවයි වාර්තා වන්නේ.

මෙම නව වාහන තම බලඇණියට එකතු කිරීමත් සමඟ, හමුදාව කුලියට ගත් වාහන ක්‍රමයෙන් ඉවත්කර ඇති අතර, එහි ප්‍රතිඵලයක් ලෙස මාසිකව රුපියල් මිලියන 1.5ක ඉතිරියක් සහ රජයේ වියදම්වලින් වාර්ෂිකව රුපියල් මිලියන 18 ඉක්මවන ඉතිරියක් ලැබෙන බව වැඩිදුරටත් වාර්තා වනවා.
### පඩු­ක­රඳ ගස ඉවත් නොකි­රී­ම නිසා රු මිලි­යන 980ක් වන්දි­යක් ඉල්ලයි
URL: https://www.citizen.lk/980-million-in-compensation-sought-for-failure-to-remove-the-padukaran-tree/
Last updated: 2026-01-20T08:09:22.000Z
January 18 (Citizen.lk News) -මධ්‍යම අධි­වේගි මාර්ගය ඉදි කිරී­මේදී ගම්පහ දාර­ළුව දුම්රිය ස්ථානය ආස­න්නයේ තිබූ පඩු­ක­රඳ ගස ඉවත් නොකි­රී­ම නිසාවෙන් ඉදි­කි­රීම් ප්‍රමා­දය නිසා වූ පාඩුව වෙනුවෙන් අදාළ චීන සමා­ගම රු මිලි­යන 980ක් වන්දි­යක් ලෙස ඉල්ලා තිබෙනවා.

මධ්‍යම අධි­වේගි මාර්ග ව්‍යාපෘ­තියේ අධ්‍යක්ෂ ඉංජි­නේරු ආර්.එම්.ජේ.එන්. රත්නා­යක සඳහන් කරන්නේ මේ මාර්ගය ඉදි කිරීම ප්‍රමාද වූ නිසා චීන සමා­ග­මට ගෙවිය යුතු සම්පූර්ණ වන්දි මුදල තව­මත් ගණන් බලා නැති අතර පඬු­ක­රඳ ගස නිසි වේලා­වට ඉවත් කිරී­මට නොහැකි වීමෙන් පම­ණක් මෙසේ රු. මිලි­යන 1000කට ආසන්න මුද­ලක් රටට අහිමි වූ බවයි.
### සජබ කෘත්‍යාධිකාරී මණ්ඩලය සඳහා තරුණ නියෝජිතයින්ට අවස්ථාව
URL: https://www.citizen.lk/opportunity-for-young-representatives-for-the-sjb-working-committee/
Last updated: 2026-01-17T13:55:17.000Z
January 17 (Citizen.lk News) - සමගි ජන බලවේගයේ කෘත්‍යාධිකාරී මණ්ඩලය සඳහා නවක සාමාජිකයන් පත් කිරීමේ දී තරුණ ප්‍රජාවට අවස්ථාව ලබාදීමට පක්ෂ නායක සජිත් ප්‍රේමදාස කටයුතු කර තිබෙනවා.

ඒ අනුව සමගි ජන බලවේගයේ කෘත්‍යාධිකාරී මණ්ඩලය සඳහා නවක සාමාජිකයන් ලෙස ගම්පහ ආසන සංවිධායක වරුණ රාජපක්ෂ, තෙල්දෙණිය ආසන සංවිධායක මහේෂ් සේනානායක, හොරණ ආසන සංවිධායක චරිත් අබේසිංහ, රත්මලාන ආසන සංවිධායක වෛද්‍ය චමල් සංජීව සහ සංජීව ධම්මික යන අය පත්කර තිබෙනවා.

එසේම ඔවුන් විසින් සමගි ජන බලවේගයේ වැඩපිළිවෙල සඳහා විශාල දායකත්වයක් ලබාදීම සහ අඛණ්ඩව මාලිමා ආණ්ඩුවේ අඩුපාඩු පෙන්වා දෙමින් ජාතික දේශපාලනය තුළ සමාජ මතවාද ගොඩනැගීමටත් සුවිශේෂී දායකත්වයක්ද ලබාදී තිබෙන බව සඳහන් වනවා.

![](https://www.citizen.lk/content/images/2026/01/WhatsApp_Image_2026-01-16_at_3.56.52_PM.jpeg)

![](https://www.citizen.lk/content/images/2026/01/Sajith_SJB_260116-1.jpg)

![](https://www.citizen.lk/content/images/2026/01/WhatsApp_Image_2026-01-16_at_3.56.52_PM_1.jpeg)

![](https://www.citizen.lk/content/images/2026/01/WhatsApp_Image_2026-01-16_at_3.56.51_PM_1.jpeg)

![](https://www.citizen.lk/content/images/2026/01/WhatsApp_Image_2026-01-16_at_3.56.50_PM.jpeg)
### සිවුරු පෙරවූ පඬු­ක­රඳ ගහේ වන්දිය මිලි­යන 980ක් !
URL: https://www.citizen.lk/sivuru-pervuu-pnnddukrnd-ghee-vndiy-miliyn-980k/
Last updated: 2026-01-20T08:00:57.000Z
මධ්‍යම අධි­වේගි මාර්ගය ඉදි කිරී­මේදී ගම්පහ දාර­ළුව දුම්රිය ස්ථානය ආස­න්නයේ තිබූ පඩු­ක­රඳ ගස ඉවත් නොකි­රී­මෙන් මධ්‍යම අධි­වේගි මාර්ගය ඉදි කිරී­මේදී ගම්පහ දාර­ළුව දුම්රිය ස්ථානය ආස­න්නයේ තිබූ පඩු­ක­රඳ ගස ඉවත් නොකි­රී­මෙන්

තම ඉදි­කි­රීම් ප්‍රමා­දය නිසා වූ පාඩුව වෙනුවෙන් අදාළ චීන සමා­ගම රු මිලි­යන 980ක් වන්දි­යක් ලෙස ඉල්ලා ඇතැයි මධ්‍යම අධි­වේගි මාර්ග ව්‍යාපෘ­තියේ අධ්‍යක්ෂ ඉංජි­නේරු ආර්.එම්.ජේ.එන්. රත්නා­යක කීය.  
  
මේ මාර්ගය ඉදි කිරීම ප්‍රමාද වූ නිසා චීන සමා­ග­මට ගෙවිය යුතු සම්පූර්ණ වන්දි මුදල තව­මත් ගණන් බලා නැති බව පැවසූ ව්‍යාපෘ­තියේ අධ්‍ය­ක්ෂ­ව­රයා පෙන්වා දුන්නේ මේ වන විට එම වන්දි මුදල් ගණ­නය කර­මින් තිබෙන බවයි.  
  
 පඬු­ක­රඳ ගස නිසි වේලා­වට ඉවත් කිරී­මට නොහැකි වීමෙන් පම­ණක් මෙසේ රු. මිලි­යන 1000කට ආසන්න මුද­ලක් රටට අහිමි වූ බවත්, එමෙන්ම 2022 වසරේ අප්‍රේල් සිට 2025 සැප්තැ­ම්බර් දක්වා කිසිදු ඉදි කිරී­මක් නොවූ හෙයින් මෙරට ගබඩා කිහි­ප­යක ගාල් කර හා ස්ථාපිත කර තිබූ චීන සමා­ගමේ යන්ත්‍ර සූත්‍ර වාහන ඇතුළු බොහෝ දේ යළි භාවි­ත­යට සකස් කිරී­මට ඔවුන්ට මාස 3ක පමණ කාල­යක් ඉල්ලා සිටි බවත් ඔහු වැඩි දුරටත් කියා සිටියේය.  
  
**පඬු කරඳ ගස පැවිදි කරයි**

![cvbdgdf](https://theleader.lk/images/2023/2026/January/cvbdgdf.jpg)

මධ්‍යම අධිවේගී මාර්ගය ඉදිකිරීමේ දී ඉවත් කිරීමට නියමිතව තිබු ශ්‍රී ලංකාවට ආවේණික ආරක්ෂිත ශාකයක් වන කෲඩියා සෙලනිකා හෙවත් පඬුකරද ගස ආරක්ෂා කිරීමේ අරමුණින් මහා සංඝරත්නය 2021 පෙබරවාරි 10 එහි ගොස් සෙත් පිරිත් දේශනා කර චීවරයක් පළඳා පැවිදි කර සාංඝික දේපළක් බවට පත්කළහ.  
  
ජාතික භික්ෂු පෙරමුණ හා පුරාවස්තු සුරකීමේ සංවිධානයට සම්බන්ධ මහා සංඝයා වහන්සේලා පිරිසක් ගස පිහිටි ස්ථානයට එදින වැඩම කළ අතර එහිදී ආගමික වතාවත් සිද්ධ කළහ. අනතුරුව සංඝයා වහන්සේලා ගස වටා චීවරයක් පළඳා පිරිත් නූල් බැඳ පඬුකරඳ ගස සාංඝික දේපළක් බවට පත්කළහ.  
  
මෙහිදී අනුශාසනාවක් කළ ජාතික භික්ෂු පෙරමුණේ විධායක සභික තංගල්ලේ නාරද හිමියෝ සඳහන් කළේ රටක පාලකයින් පත් කරගනු ලබන්නේ ජනතාව සහ පරිසරය ආරක්ෂා කර ගැනීමට වුවත්, වර්තමානයේ ආණ්ඩුවෙන් රටත් පරිසරයත් බේරා ගැනීමට සිදුවන තත්ත්වයක් උදා වී ඇති බවයි. මෙම ශාකයේ තවත් ගස් කිහිපයක් ඇති බවට රජය ප්‍රකාශ කරමින් ගස විනාශ කිරීමට උත්සාහ ගත්තත් ටේත් ලෝකයේත් බෝධි වෘක්ෂ ගණනාවක් තිබෙන සමයක ශ්‍රී මහා බෝධිය ඉවත් කිරීමට කිසිවෙකු සූදානම් නැති බව නාරද හිමියෝ මෙහිදී අවධාරණය කළහ.  
  
මෙම ගස සාංඝික කර චීවරයක් පළන්දන ලද්දේ ආණ්ඩුවෙන් ගස ආරක්ෂා කර ගැනීමේ උත්සාහයක් වශයෙන් බවද උන්වහන්සේ සඳහන් කළහ.  
  
පුරාවස්තු සුරැකීමේ සංවිධානයේ සභාපති උඩස්ගිරියේ සමිත හිමියෝ මෙහිදී ප්‍රකාශ කළේ, ජනාධිපතිවරයා කොන්ද කෙලින් තියාගෙන පොදු දේපල රැක ගැනීමට බිය නොවිය යුතු බව රාජ්‍ය සේවකයින්ට පවසා ඇති වුවත්, අද එසේ කරන රාජ්‍ය සේවකයින් ආරක්ෂා කිරීමට පියවර නොගන්නා බවයි. අපට පමණක් නොව පරිසරය ආරක්ෂා කරගැනීමට වැදි නායකයාටත් ආණ්ඩුව සමඟ නඩු කියන්නට සිදුවීම කනගාටුවට කරුණක් බව ද සමිත හිමියෝ සඳහන් කළහ.ගස් කොළකොළන් පැළ කිරීමට වවුලන්ගෙන් විශාල සේවාවක් සිදු වුවත් අද ආණ්ඩුව වවුලන් කරන සේවාවවත් පරිසරය වෙනුවෙන් නොකරන බවට සමිත හිමියෝ මෙහි දී චෝදනා කළහ.  
  
ජාතික භික්ෂු පෙරමුණේ සාමාජිකයින් වන හෝමාගම ආනන්ද, තලහගම ඥානසිරි, අත්තයාල විජිත යන හිමිවරුන් ද ගම්පහ දිස්ත්‍රික් සමාජවාදී තරුණ සංගමයේ හා මුතුරාජවෙල අභය භූමිය රැක ගැනීමේ සංවිධාන නියෝජිතවරු ද මේ අවස්ථාවට එක්ව සිටියහ.
### නිර්ප්‍රභූ අරගලකරුවා සමග හිටගමු!
URL: https://www.citizen.lk/lets-stand-with-the-noble-struggler/
Last updated: 2026-01-19T10:56:38.000Z
මෑතක දියත උයන ආසන්නයේ පුද්ගලයෙක් මෝටර් බයිසිකලේක නැගලා SUV වාහනවල කණ්ණාඩි බිඳිමින් ගියා.

ඒ පුද්ගලයාව පොලිසිය විසින් අත්අඩංගුවට ගත්තා. තමන්ට ලබාගත නොහැකි වාහනයක තවත් කෙනෙකු යන එක ගැන වෛරයෙන් ඒ ක්‍රියාව සිදුකළ බව පුද්ගලයා පවසා තිබුන.  
  
‘නිර්ප්‍රභූ වීරයෙක්!’ මං ඒ පුද්ගලයා වෙනුවෙන් පෝස්ට් එකක් ෂෙයාර් කළා.

![chintha98y397y3r](https://theleader.lk/images/2023/2026/January/chintha98y397y3r.JPG)

  
මේ වාහනවල කණ්ණාඩි බිඳිමින් යන පුද්ගලයා කියන්නෙ නිකංම සිදුවීමක් නෙමෙයි. මේක මෙටාෆර් එකක්. නැත්නම් රූපකාර්ථයක්. සංකේතාත්මක ප්‍රචන්ඩත්වයක්.  
  
මගේ අදහස මාලිමාව බලයට ගෙන ඒමේ යාන්ත්‍රණය විදිහට වැඩ කලේ මේ ප්‍රචන්ඩත්වය කියන එකයි. නමුත් තමන් විශ්වාස තැබූ ආණ්ඩුව විසින් තමන් අපේක්ෂා කළ පරිදි ‘ඇති හැකි’ අයවලුන්ට රිදවීම නොකරන නිසා නැවත ඒ ප්‍රචන්ඩකාරී තෘප්තිය හුදකලාව ලබාගැනීමට ජනතාවට සිද්ද වෙලා තියෙනවා.  
  
SUV එකක් කියන්නෙ මොකක්ද? ඒක එක්තරා විදිහක පාංතික සංකේතයක්. ආර්ථික අසමනාතාවයේ ලකුණක්. මෝටර් බයිසිකලයේ පොල්ලක් අරන් පන්නන පුද්ගලයා අසාර්ථක වෙද්දි, සාර්ථක වූවෙකුගේ සළකුණක්. ‘මට කිසිදා ලබාගත නොහැකි සතුටක් මේ පුද්ගලයා ලබමින් සිටී’ යන වේදනාව මතු කරන ජංගම සංකේතයක්. ඒක හරියට ඇවිදන බිල්බෝර්ඩ් එකක් වගේ.

> **කණ්ණාඩි බිඳීම කියන්නෙත් ගැඹුරු මානසික කතාවක් හෙලි කරන තැනක්. මේ කණ්ණාඩිය ඇතුලෙන් බැලුවම වාහනය අයිති පුද්ගලයාට දැනෙන්නෙ ආඩම්බරයක්. නමුත් මේ කණ්ණාඩියෙන් බැලුවම ‘පොල්ලක් අරන් ලුහුබඳින පුද්ගලයාට දැනෙන්නෙ ලැජ්ජාවක්. තමන් අසමත් යැයි හැගීමක්. එකම කණ්ණාඩිය දෙන්නව පරාවර්තනය කරන්නෙ ආකාර දෙකකට. මේ පුද්ගලයා කරන්නෙ ඒ කණ්ණාඩිය කුඩු කිරීමයි.**

අපේ රැඩිකල් වාමාංශිකයන්ගේ අර්ථය අනුව ඒක අරගලකාරී ක්‍රියාවක් වෙන්න බොහෝ ඉඩකඩ තියෙනවා. මේ කුඩු කරන්නේ අයුක්තියේ කණ්ණාඩියයි කියල අපිට ඕන නම් ලියන්න පුළුවන්.  
  
තවත් ගැඹුරට කියෙව්වොත් මේ පුද්ගලයාට දැනෙන්නෙ ආර්ථික ක්‍රමය ගැන අවුලක්. විරැකියාව ගැන, තමන්ගේ ණය ගැන, ජීවිතය ගැන අවුලක්. ඒත් මේවා ඒ පුද්ගලයාගේ අතට අහුවෙන දේවල් නෙමෙයි. එයාට මේ සියල්ල අර වාහනයේ කණ්ණාඩිය ඇතුලෙන් පේන්න ගන්නවා. හරියට එක කාලයක හඳුන්නෙත්තිට සජිත්ගෙ බත්මුලෙන් පංති පරතරය පේන්න ගත්තා වගේ.  
  
මේ තත්වයට එරෙහි ප්‍රචන්ඩත්වය සාධාරණීකරනය වෙන විපරීත සදාචාරයකුත් පවතිනවා. ඒක පත්තියං වුනු එකක්. මේ වගේ වාහනයක් ගත්ත අය දූෂිතයි, මේ අය කුඩු ව්‍යාපාර කරනවා ඇති, මොවුන් අපෙන් සූරාකෑ ශ්‍රමයෙන් තමයි මේ සුඛ විහරණය විඳින්නෙ. මේ තමයි අපි එරෙහි විය යුතු අයුක්තිය, අසමානතාවය.. මේ දේවල් අපිට ජවිපෙ දේශපාලන වේදිකාවලින් නිතර ඇහිලා තියෙනවා. එතකොට ඒ වේදිකා ඉදිරියේ ඉන්න ඇත්තෙ මේ පොල්ල අරන් යන ප්‍රචන්ඩ අරගලකරුවා වගේ අය කියල අපිට හිතන්න පුළුවන්.

![v5e45nth](https://theleader.lk/images/2023/2026/January/v5e45nth.JPG)

  
මේ පහුගිය කාලය පුර‍ාවට අපේ ක්ෂනික මෝචන ප්‍රගතිශීලීන් විසින් උඩ දමන ලද නිර්ප්‍රභූ වීරයෙක් කියල මං කියන්නෙ ඒකයි. මේ කැරලි ගහන්නෙ නිර්ප්‍රභූත්වයයි. නිර්ප්‍රභූත්වය කියන්නෙ ශිෂ්ට හෝ තාර්කික ආවේගයක් නෙමෙයි. අපි එය ශිෂ්ට කළ යුතුයි කියල පෙනී හිටියට මාලිමා පාක්ෂිකයන් මේ අරගලකරුවා වෙනුවෙන් පෙනී ඉන්න ඕන හරිනම්. SUV වල කණ්ණාඩි කැඩුවට ඩබල් කැබ්වල කණ්ණාඩි කඩන එකක් නෑ කියල අපි උපකල්පනය කරමු.  
  
![Chinthana D](https://theleader.lk/images/News/2021/Writers/Chinthana-D.jpg)

**(සටහන | චින්තන ධර්මදාස)**  
දේශපාලන හා සමාජ විශ්ලේෂක  
අධ්‍යක්ෂ - faculty of Sex
### බත්තරමුල්ලේ දී වාහනවලට හානි කළ පුද්ගලයා රිමාන්ඩ්
URL: https://www.citizen.lk/man-who-damaged-vehicles-in-battaramulla-remanded/
Last updated: 2026-01-14T06:41:55.000Z
January 14 (Citizen.lk News) - බත්තරමුල්ල දියත උයන සහ ඇතුල්කෝට්ටේ ප්‍රධාන මාර්ගයේදී යතුරුපැදියකින් ගමන් කරමින් මෝටර් රථ හතරකට තියුණු ආයුධයකින් පහර දුන් සිද්ධියට අදාළව අත්අඩංගුවට ගත් සැකකරු ලබන 22 වැනිදා දක්වා රක්ෂිත බන්ධනාගාරගත කරන ලෙස නියෝග කර තිබෙනවා.

එම පුද්ගලයා රාගම ප්‍රදේශයේ පදිංචි 29 හැවිරිදි තරුණයෙක් වන බවත්, ඔහු තදින්ම මත්ද්‍රව්‍යවලට ඇබ්බැහි වී සිටින අයකු බවත් සඳහන් වනවා.
### අමරකීර්ති අතුකෝරළ ඝාතන නඩුවේ තීන්දුව පෙබරවාරියේ
URL: https://www.citizen.lk/verdict-in-amarakeerthi-athukorala-murder-case-to-be-announced-in-february/
Last updated: 2026-01-14T06:41:29.000Z
January 14 (Citizen.lk News) - හිටපු පාර්ලිමේන්තු මන්ත්‍රී අමරකීර්ති අතුකෝරළ ඝාතන නඩුවේ තීන්දු ප්‍රකාශය පෙබරවාරි 11 වනදින දක්වා කල්තැබීමට ගම්පහ ස්ථීර ත්‍රිපුද්ගල මහාධිකරණ විනිසුරු මඩුල්ල තීරණය කර තිබෙනවා.

අරගලය සමයේ 2022 මැයි මස 9 වන දින නිට්ටඹුව ප්‍රදේශයේදී ඇතිවූ වෙඩි තැබීමක් හේතුවෙනුයි එවකට පාර්ලිමේන්තු මන්ත්‍රීවරයෙකු වූ අමරකීර්ති අතුකෝරළ මහතා ජීවිතක්ෂයට පත්වූයේ.
### විමල්ට වරෙන්තු නිකුත් කෙරේ
URL: https://www.citizen.lk/warrant-issued-for-wimal/
Last updated: 2026-01-14T06:23:59.000Z
January 14 (Citizen.lk News) - නීතිවිරෝධී ලෙස රුපියල් මිලියන 75කට අධික වත්කම් උපයා ගැනීමේ චෝදනා සම්බන්ධයෙන් අල්ලස් කොමිසම විසින් ගොනුකර ඇති නඩුවට පෙනී නොසිටීම හේතුවෙන් එහි විත්තිකරු ලෙස නම් කර තිබු හිටපු ඇමති විමල් වීරවංශ අත්අඩංගුවට ගෙන අධිකරණයට ඉදිරිපත් කරන ලෙස දන්වා කොළඹ මහාධිකරණය වරෙන්තු නිකුත් කර තිබෙනවා.
### ඉන්දීය ධීවරයින් පිරිසක් නාවික හමුදා භාරයට
URL: https://www.citizen.lk/a-group-of-indian-fishermen-taken-into-custody-by-the-navy/
Last updated: 2026-01-13T05:50:24.000Z
January 13 (Citizen.lk News) - මෙරට මුහුදු සීමා උල්ලංඝනය කරමින් නීති විරෝධීව මසුන් ඇල්ලු ඉන්දීය ධීවරයින් පිරිසක් අද (13) අලුයම ඩෙල්ෆ්ට් මුහුදු තීරයේදී ශ්‍රී ලංකා නාවික හමුදාව විසින් අත්අඩංගුවට ගෙන තිබෙනවා.

මෙරට මුහුදු සීමා නීති උල්ලංඝනය කරමින් මසුන් ඇල්ලීමේ චෝදනාව මත මෙම ඉන්දීය ධීවරයින් දසදෙනා සහ ඔවුන්ගේ යාත්‍රාව මෙලෙස අත්අඩංගුවට ගෙන තිබෙන බවයි සඳහන් වන්නේ.
### අමෙරිකානු තානාපති ජූලි චන්ග් ජනපති හමු වෙයි
URL: https://www.citizen.lk/us-ambassador-julie-chang-meets-with-president/
Last updated: 2026-01-13T05:44:29.000Z
මෙරට අමෙරිකා එක්සත් ජනපද තානාපති ලෙස සිය රාජ්‍යතාන්ත්‍රික සේවය අවසන් කරමින්, දිවයිනෙන් පිටව යාමට නියමිත ජූලි චන්ග් මහත්මිය ජනාධිපති අනුර කුමාර දිසානායක හමුව තිබෙනවා.

දිට්වා සුළි කුණාටුවෙන් පීඩාවට පත් ජනතාවට කඩිනම් සහන සැලසීම වෙනුවෙන් එක්සත් ජනපදය සමඟ සම්බන්ධ වෙමින් ඇය ඉටු කළ කාර්යභාරය වෙනුවෙන් සහ සිය ධුර කාලය තුළ එක්සත් ජනපදය සහ ශ්‍රී ලංකාව අතර සබඳතා ශක්තිමත් කිරීම සඳහා දැරූ අඛණ්ඩ උත්සාහය මෙහිදී ජනාධිපතිවරයාගේ පැසසුමට ලක් ව තිබෙනවා.
### පේරු රාජ්‍යයේ භූ කම්පනයක්
URL: https://www.citizen.lk/an-earthquake-in-peru/
Last updated: 2026-01-08T11:06:21.000Z
පේරු රාජ්‍යයේ රික්ටර් මාපකයේ 5.5ක ප්‍රබලත්වයෙන් යුත් භූ කම්පනයක් සිදුව ඇති බව විදෙස් මාධ්‍ය වාර්තා කර තිබෙනවා.

එය එරට වේලාවෙන් අද අලුයම 12.01ට පමණ හටගෙන ඇති අතර, භූ කම්පනය කිලෝමීටර් 107ක පමණ ගැඹුරකින් යුත් ප්‍රදේශයක හටගෙන ඇති බව අමෙරිකානු භූ විද්‍යා සමීක්ෂණ ආයතනය සදහන් කරනවා.

මෙම කම්පනය පේරු ආසන්නයේ පිහිටි ඉක්වදෝරයටද දැනී ඇති බව සඳහන් වන්නේ.
### ඩොලරය රුපියල් 310 ඉක්මවයි
URL: https://www.citizen.lk/dollar-exceeds-310-rupees/
Last updated: 2026-01-08T08:56:27.000Z
එක්සත් ජනපද ඩොලරයේ නිරූපිත එතැන් විනිමය අනුපාතිකය ඊයේ (07) දිනයේදී රු. 310.02 ක් ලෙසින් වාර්තා වී ඇති අතර 2024 පෙබරවාරි 29 දිනෙන් පසුව ඩොලරයේ මධ්‍ය අගය මෙලෙස රු. 310 සීමාව ඉක්මවා ගිය පළමු අවස්ථාවද මෙය බව ශ්‍රී ලංකා මහ බැංකුව සඳහන් කරනවා.
### ගණේමුල්ල සංජීව ඝාතන සිද්ධියට අදාළ සැකකරුවන් රක්ෂිත බන්ධනාගාරයට
URL: https://www.citizen.lk/suspects-in-ganemulla-sanjeewa-murder-case-remanded-in-custody/
Last updated: 2026-01-08T08:48:04.000Z
ගණේමුල්ල සංජීව ඝාතන සිද්ධියේ ප්‍රධාන සැකකාරිය වන ඉෂාරා සෙව්වන්දි නැමැත්තියට ආධාර හා නවාතැන් පහසුකම් සැපයීම සම්බන්ධයෙන් අත්අඩංගුවට ගෙන රැඳවුම් භාරයේ සිටි නන්ද කුමාර් තක්ෂි සහ තවත් සැකකරුවෙකු ජනවාරි 09 වැනිදා දක්වා රක්ෂිත බන්ධනාගාර ගත කිරීමට කොළඹ මහෙස්ත්‍රාත් අධිකරණය ඊයේ (07) නියෝග කර ඇත.
### ශ්‍රී ලංකාව–යුරෝපා සංගමය අතර යුරෝ මිලියන 08ක ප්‍රදාන ගිවිසුමක්
URL: https://www.citizen.lk/sri-lanka-european-union-sign-eu8-million-grant-agreement/
Last updated: 2026-01-08T08:39:47.000Z
ශ්‍රී ලංකා රජය සහ යුරෝපා සංගමය අතර යුරෝ මිලියන 08ක ප්‍රදාන ගිවිසුමක් අත්සන් කර ඇති බව මුදල් අමාත්‍යාංශය සඳහන් කරනවා.

“කෘෂි හරිත මුලපිරීම” ව්‍යාපෘතිය ක්‍රියාත්මක කිරීම සඳහා මෙම ගිවිසුම අත්සන් කර ඇති අතර, එම ව්‍යාපෘතිය සඳහා අවශ්‍ය මුදල් සම්පූර්ණයෙන්ම යුරෝපා සංගමය විසින් සපයනු ලබනු ඇති.
### ජනවාරි මාසයට ලිට්‍රෝ ගෑස් මිලේ වෙනසක් නෑ
URL: https://www.citizen.lk/no-change-in-the-price-of-a-liter-of-gas-for-the-month-of-january/
Last updated: 2026-01-08T08:31:59.000Z
ජනවාරි මාසයට අදාළව ලිට්‍රෝ ගෑස් මිල සංශෝධනයක් සිදුනොකිරීමට ලිට්‍රෝ ගෑස් සමාගම තීරණය කර ඇත.

ඒ අනුව, කිලෝග්‍රෑම් 12.5 ගෑස් සිලින්ඩරයක මිල රු. 3,690ක් ලෙසත්, කිලෝග්‍රෑම් 5ක් රු. 1,482ක් සහ කිලෝග්‍රෑම් 2.3ක් රු. 694ක් ලෙසත් මෙම මාසය පුරා නොවෙනස්ව පවතිනු ඇත.
### උසස් පෙළ විභාගයේ ඉතිරි විෂයන් පිළිබඳ දැනුම්දීමක්
URL: https://www.citizen.lk/notification-regarding-the-remaining-subjects-of-the-advanced-level-examination/
Last updated: 2026-01-08T08:28:48.000Z
දිට්වා හේතුවෙන් කල්දැමුණු අධ්‍යයන පොදු සහතික පත්‍ර උසස් පෙළ විභාගයේ ඉතිරි විෂයන් එළැඹෙන 12 වැනිදා සිට යළි ආරම්භ වී ජනවාරි 20 දක්වා පැවැත්වෙන බව විභාග කොමසාරිස් ජනරාල් ඉන්දිකා කුමාරි ලියනගේ සඳහන් කරනවා.
### දිට්වා සුළි කුණාටුව පිළිබඳ “ජාතික දෘශ්‍ය වාර්තාව” සඳහා ඡායාරූප එක් කිරීමට වෘත්තීය, ආධුනික ඡායාරූප ශිල්පීන්ට සහ මහජනතාවට විවෘත ආරාධනයක්
URL: https://www.citizen.lk/an-open-invitation-to-professional-amateur-photographers-and-the-public-to-contribute-photos-for-the-national-visual-report-on-cyclone-ditva/
Last updated: 2026-01-08T04:45:46.000Z
දිට්වා සුළි කුණාටුවෙන් ශ්‍රී ලංකාවට සිදු වූ බලපෑම සහ යළි ගොඩනැඟීමේ ක්‍රියාවලිය පිළිබඳ ජාතික දෘශ්‍ය වාර්තාවක් සකස් කිරීමට ජනාධිපති ශය සහ ක්ලීන් ශ්‍රී ලංකා ලේකම් කාර්යාලය එක්ව කටයුතු යොදා තිබෙන අතර මේ සඳහා ඡායාරූප ඉදිරිපත් කරන ලෙස ජනාධිපති මාධ්‍ය අංශය, වෘත්තීය සහ ආධුනික ඡායාරූප ශිල්පීන්ට මෙන්ම මහජනතාවටද ආරාධනා කර සිටී.

ශ්‍රී ලංකාවේ ඓතිහාසික සිදුවීම් ඇතුළත් ඡායාරූප ලේඛනගත කිරීම සහ සංරක්ෂණය කිරීම සඳහා වන රජයේ වැඩපිළිවෙළ යටතේ මෙම ඡායාරූප එක්රැස් කිරීම සිදු කෙරේ.

මෙම ජාතික දෘශ්‍ය වාර්තා ප්‍රදර්ශනය, 2026 පෙබරවාරි 13 වන දා සිට 17 වන දා දක්වා කොළඹ නෙළුම් කුලුන පරිශ්‍රයේදී පැවැත්වීමට නියමිතය.

දිට්වා සුළි කුණාටුව සහ ඉන් ඇති වූ ව්‍යසන තත්ත්වය හමුවේ ජන ජීවිතයට සිදු වූ බලපෑම, අවතැන් වීම්, පීඩාවට පත් වූවන්ට කඩිනම් සහන සැලසීමේ වැඩපිළිවෙළ සහ යථා තත්ත්වයට පත් වීමේ සාමූහික උත්සාහයන්, මානුෂීය ආධාර, ජන ජීවිතය යළි ගොඩනැංවීම ආදිය පිළිබිඹු වන ඡායාරූප මේ සඳහා ඉදිරිපත් කළ හැකිය.

මාධ්‍ය අංශයේ විශේෂ කමිටුවක් විසින් මේ සඳහා සුදුසු ඡායාරූප තෝරා ගනු ලැබේ.

මෙසේ තෝරා ගන්නා ලද ඡායාරූප, ජාතික දෘශ්‍ය වාර්තා ප්‍රදර්ශනයේදී මහජන ප්‍රදර්ශනයට ඉදිරිපත් කෙරෙන අතර, නිල ඡායාරූප ග්‍රන්ථයෙහිද ඇතුළත් කෙරේ. එසේම, එම ඡායාරූප, නිර්මාණ අයිතිය පිළිබඳ තොරතුරුද සමඟ මාර්ගගත දෘශ්‍ය ලේඛනාගාරයක ප්‍රදර්ශනය කිරීම සිදු කරනු ලැබේ.

2026 ජනවාරි 16 දිනට පෙර, පහත සඳහන් මාර්ග ඔස්සේ ඡායාරූප ඉදිරිපත් කළ හැකි ය.

• +94 71 985 9461 WhatsApp අංකය

- www.regeneration.gov.lk වෙබ් අඩවිය
- pmdphotoal@gmail.com විද්‍යුත් තැපෑල

එසේ නොමැති නම්, පහත ලිපිනය වෙත ගෙනැවිත් භාර දිය යුතුයි.  
ඡායාරූප ඒකකය,  
ජනාධිපති මාධ්‍ය අංශය,  
4 වන මහල,  
ස්ටෑන්ඩර්ඩ් චාර්ටඩ් ගොඩනැගිල්ල,  
ජනාධිපති මාවත,  
කොළඹ 01,

එමෙන්ම ඉදිරිපත් කරන සෑම ඡායාරූපයක් සමඟම,

- ඡායාරූප ශිල්පියාගේ නම
- ස්ථානය (දිස්ත්‍රික්කය/නගරය/ගම)
- දිනය හෝ ආසන්න දිනය
- ඡායාරූපයේ දැක්වෙන දේ පිළිබඳ කෙටි විස්තරයක් ඉදිරිපත් කළ යුතුය.

මෙම ඡායාරූප ඉදිරිපත් කිරීමේදී, බලපෑමට ලක් වූ පුද්ගලයින්ට සහ ප්‍රජාවන්ට අගෞරවයක් හෝ අගතියක් නොවන පරිදි කටයුතු කරන ලෙසත්, විශේෂයෙන්ම, ජීවිත අහිමි වීම, තුවාල වීම හෝ දරුවන් සම්බන්ධයෙන් ඡායාරූප ඉදිරිපත් කිරීමේදී අදාළ පාර්ශ්වයන්ගේ කැමැත්ත සහිතව, මානව ගරුත්වය පෙරටු කර, වගකීමකින් යුතුව කටයුතු කරන ලෙසත් ජනාධිපති මාධ්‍ය අංශය, ඡායාරූප ඉදිරිපත් කිරීමට අපේක්ෂා කරන සියලු දෙනාගෙන් ඉල්ලා සිටී.

*ජනාධිපති මාධ්‍ය අංශය*
### රජයේ රෝහල් වල ආහාර පිළිගැන්වීමේ වෙනසක්: නියමු ව්‍යාපෘතිය මහරගම අපේක්ෂා රෝහලෙන් ඇරඹෙයි
URL: https://www.citizen.lk/change-in-food-service-in-government-hospitals-pilot-project-begins-at-apeksha-hospital-maharagama/
Last updated: 2026-01-08T11:10:20.000Z
Citizen News , කොළඹ (ජනවාරි 07) – මෙරට රජයේ රෝහල් පද්ධතිය තුළ රෝගීන් සඳහා ලබාදෙන ආහාර පාන වඩාත් ගුණාත්මක, පෝෂදායී සහ විධිමත් ලෙස ලබාදීමේ විශේෂ නියමු ව්‍යාපෘතියක් ඊයේ (06) දින මහරගම අපේක්ෂා රෝහල කේන්ද්‍ර කරගනිමින් ආරම්භ විය.

රජයේ “පොහොසත් රටක් - ලස්සන ජීවිතයක්” ප්‍රතිපත්ති ප්‍රකාශයට අනුව සෞඛ්‍ය ක්ෂේත්‍රයේ සිදුකිරීමට නියමිත ප්‍රතිසංස්කරණවල එක් පියවරක් ලෙස මෙම වැඩපිළිවෙළ ක්‍රියාවට නැංවේ.

මෙම නව ව්‍යාපෘතිය යටතේ රෝගී සත්කාරක සේවාවන්හි ප්‍රමිතිය ඉහළ නැංවීම සඳහා හඳුන්වා දී ඇති ප්‍රධාන වෙනස්කම් මෙසේය:

වෙන් කරන ලද ආහාර පිඟාන (Partitioned Plates): මීට පෙර පැවති සියලු ආහාර වර්ග එකට මිශ්‍ර කර පිළිගැන්වීමේ ක්‍රමය වෙනුවට, බත් සහ වෑංජන වෙන් වෙන් වශයෙන් පිරිසිදුව පිළිගැන්විය හැකි පරිදි සකස් කළ නව ආහාර පිඟාන් හඳුන්වා දී ඇත. මෙහි ප්‍රධාන අරමුණ වන්නේ රෝගියාගේ ආහාර රුචිය වර්ධනය කරමින් මානසික තෘප්තිය ඉහළ නැංවීමයි.

ආහාරපාන දෙපාර්තමේන්තුවක් ස්ථාපනය කිරීම: රෝහල් මුළුතැන්ගෙය යන්න නවීකරණය කරමින් ‘ආහාරපාන දෙපාර්තමේන්තුවක්’ (Catering Department) ලෙස පවත්වාගෙන යාම ආරම්භ කර ඇත. තරු පන්තියේ හෝටල් පුහුණුව ලැබූ කාර්ය මණ්ඩලයක් සහ වෘත්තීය මට්ටමේ ආහාර පිසින්නන් (Chefs) යොදා ගනිමින් ඉහළ සෞඛ්‍යාරක්ෂිත ප්‍රමිතියක් මෙහිදී සහතික කෙරේ.

දිනපතා වෙනස් වන මෙනු පත (Rotating Menu): රෝගීන්ගේ පෝෂණ අවශ්‍යතා සපුරාලන අතරම, දිනපතා වෙනස් වන විවිධත්වයකින් යුත් ආහාර වේලක් ලබාදීමට කටයුතු යොදා ඇත.

රෝහල් පරිසරය තුළ රෝගියෙකුගේ සුව වීම කෙරෙහි පෝෂණය මෙන්ම මානසික තත්ත්වයද දැඩිව බලපාන බව සෞඛ්‍ය අංශ පෙන්වා දෙයි. මෙම නව ක්‍රමවේදය හරහා රෝගියාට ගරුත්වයක් සහිත සේවාවක් ලබාදීම මගින් ඔවුන්ගේ සුව වීමේ ක්‍රියාවලිය කඩිනම් කිරීම රජයේ අපේක්ෂාවයි.

මෙම නියමු ව්‍යාපෘතියේ සාර්ථකත්වය අධ්‍යයනය කිරීමෙන් අනතුරුව, ඉදිරියේදී දිවයිනේ සියලුම ප්‍රධාන රෝහල් කරා මෙම වැඩපිළිවෙළ ව්‍යාප්ත කිරීමට සෞඛ්‍ය අමාත්‍යාංශය සැලසුම් කර ඇත.
### සාම්ප්‍රදායික තැපැල් සේවය අවසන්
URL: https://www.citizen.lk/denmark-has-stopped-traditional-postal-service/
Last updated: 2026-01-01T08:34:12.000Z
ඩිජිටල් සන්නිවේදනය හමුවේ සාම්ප්‍රදායික තැපැල් භාවිතය අවම වීම හේතුවෙන් ඩෙන්මාර්කය 2025 වසර අවසානයේ සිට රට පුරා තැපැල් සේවාව අවසන් කිරීමට කටයුතු කර තිබෙනවා.

වසර 400ක් පැරණි ඩෙන්මාර්කයේ ජාතික තැපැල් සේවය වන 'PostNord' එරට තුළ තැපැල් ලිපි බෙදා හැරීම සම්පූර්ණයෙන්ම නවතා තිබෙන අතර ඒ වෙනුවට එරට තුළ අන්තර්ජාලය හරහා පාර්සල් සේවා බෙදාහැරීම් වැඩිදියුණු කර සිය ආයතනයේ ලාභ උපරිම කරගැනීමට ඔවුන් සැලසුම්කර තිබෙනවා.

ඒ අනුව ඩෙන්මාර්කය පොදු ලිපි බෙදාහැරීම සම්පූර්ණයෙන්ම ඉවත් කළ පළමු ප්‍රධාන රට වන බව විදෙස් මාධ්‍ය වාර්තා කරනවා.
### ඔඩපණ ක්‍රියාත්මක කිරීමට පියවර
URL: https://www.citizen.lk/steps-to-implement-the-odapana/
Last updated: 2026-01-01T08:19:36.000Z
2025/26 මහ කන්නයේ වී අස්වනු මිලදී ගැනීමට සුළු හා මධ්‍ය පරිමාණ වී මෝල් හිමියන් සහ සමුපකාර සමිති වෙත සහනදායී පොළී අනුපාතයක් යටතේ ඔඩපණ ණය යෝජනා ක්‍රමයක් ක්‍රියාත්මක කිරීමට නියමිත බව කෘෂිකර්ම අමාත්‍යාංශය සඳහන් කරනවා.

ඒ අනුව රාජ්‍ය ආයතනයකින් ලබා ගත් වලංගු ව්‍යාපාර ලියාපදිංචි සහතිකයක් හා වී අලෙවි මණ්ඩලය විසින් නිකුත් කරන ලද බලපත්‍රයක් සියලු ණය ඉල්ලුම්කරුවන් සතුව පැවතිය යුතු අතර මෙම ණය යෝජනා ක්‍රමයේ ඉලක්කගත කණ්ඩායම් වශයෙන් උපරිම දෛනික වී කෙටීමේ ධාරිතාව මෙට්‍රික් ටොන් 25 කට යටත් වන සුළු හා මධ්‍ය පරිමාණ වී මෝල් හිමියන් සහ සමුපකාර සමිති වනවා.

මෙම ක්‍රමය යටතේ, ඔවුන්ට 7% ක වාර්ෂික පොළී අනුපාතයකට රුපියල් මිලියන 50 ක් දක්වා ණය මුදලක් ලබා ගත හැකි අතර, අදාළ ණය මුදල දින 180 ක් තුළ ගෙවා අවසන් කළ යුතු වනවා.

මෙහිදී බැංකු හරහා 2025/26 මහ කන්නය සඳහා නිදහස් කිරීමට අපේක්ෂා කරන මුළු ණය ප්‍රමාණය රුපියල් මිලියන 10,000 ක් පමණ වන බව වැඩිදුරටත් සඳහන් වනවා.
### පාසල් උපකරණ සඳහා දීමනාව බැංකුගත කෙරේ
URL: https://www.citizen.lk/school-equipment-allowance-will-be-banked/
Last updated: 2026-01-01T07:57:23.000Z
2026 වසරට පාසල් උපකරණ මිලදී ගැනීමේ රුපියල් 6000 දීමනාව බැංකුගත කර ඇති බව මුදල් අමාත්‍යංශය සඳහන් කර තිබෙනවා.

අද (01) සිට එම දීමනාව පාසල් දරුවන්ගේ දෙමාපියන්ට ලබා ගැනීමේ හැකියාව පවතින බව මුදල් , ක්‍රම සම්පාදන සහ ආර්ථික අමාත්‍ය අනිල් ජයන්ත පවසනවා.
### 'Rebuilding Sri Lanka' ජනාධිපති කාර්ය සාධක බළකාය
URL: https://www.citizen.lk/rebuilding-sri-lanka-presidential-task-force/
Last updated: 2025-12-31T17:55:56.000Z
'දිට්වා' සුළි කුණාටුවෙන් පසු ආපදා ප්‍රතිසාධනය, පුනරුත්ථාපනය සහ ප්‍රතිසංස්කරණ කටයුතු සම්බන්ධීකරණය කිරීම සඳහා ජනාධිපති අනුර කුමාර දිසානායක විසින් අද (31) අති විශේෂ ගැසට් නිවේදනයක් නිකුත් කරමින් 'Rebuilding Sri Lanka' ජනාධිපති කාර්ය සාධක බළකාය ස්ථාපිත කර තිබෙනවා.

ජනාධිපති කාර්ය සාධක බළකාය

1\. හරිනි අමරසූරිය(අග්‍රාමාත්‍ය සහ අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය)

2\. එච්.එම්. විජිත හේරත්(විදේශ කටයුතු, විදේශ රැකියා සහ සංචාරක අමාත්‍ය)

3\. ඒ.එච්.එම්.එච්. අබයරත්න(රාජ්‍ය පරිපාලන, පළාත් සභා සහ පළාත් පාලන අමාත්‍ය)

4\. කේ.ඩී. ලාල් කාන්ත(කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය)

5\. උපාලි පන්නිලගේ(ග්‍රාමීය සංවර්ධන, සමාජ ආරක්ෂණ සහ ප්‍රජා සවිබලගැන්වීම් අමාත්‍ය)

6\. සුනිල් හඳුන්නෙත්ති(කර්මාන්ත සහ ව්‍යවසායකත්ව සංවර්ධන අමාත්‍ය)

7\. බිමල් රත්නායක(ප්‍රවාහන, මහාමාර්ග සහ නාගරික සංවර්ධන අමාත්‍ය)

8\. නලින්ද ජයතිස්ස(සෞඛ්‍ය සහ ජනමාධ්‍ය අමාත්‍ය)

9\. අනිල් ජයන්ත ප්‍රනාන්දු(කම්කරු අමාත්‍ය සහ මුදල් සහ ක්‍රම සම්පාදන නියෝජ්‍ය අමාත්‍ය)

10\. පටබැඳිගේ ධම්මික(පරිසර අමාත්‍ය)

11\. සුසිල් රණසිංහ(නිවාස, ඉදිකිරීම් සහ ජල සම්පාදන අමාත්‍ය)

12\. හනීෆ් යුසුෆ්(ආණ්ඩුකාරවර, බස්නාහිර පළාත)

13\. අරුණ ජයසේකර(ආරක්ෂක නියෝජ්‍ය අමාත්‍ය)

14\. ආචාර්ය එන්.එස්. කුමානායක(ජනාධිපති ලේකම්)

15\. ආචාර්ය හර්ෂණ සූරියප්පෙරුම(ලේකම්, මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය)

16\. එච්.එස්.එස්. තුයියකොන්තා(ලේකම්, ආරක්ෂක අමාත්‍යාංශය)

17\. බී.කේ. ප්‍රභාත් චන්ද්‍රකීර්ති(අත්‍යාවශ්‍ය සේවා කොමසාරිස් ජනරාල් සහ ලේකම්, වැවිලි සහ ප්‍රජා යටිතල පහසුකම් අමාත්‍යාංශය)

18\. ආචාර්ය හාන්ස් විජේසූරිය(ජනාධිපති ජ්‍යෙෂ්ඨ උපදේශක)

19\. එච්.එස්.කේ.ජේ. බණ්ඩාර(රජයේ ප්‍රවෘත්ති අධ්‍යක්ෂ ජනරාල්)

20\. රෝහණ හෙට්ටිආරච්චි

21\. මර්ලමති ගංගාදරන්

22\. ජනාධිපති නීතිඥ උපුල් කුමාරප්පෙරුම

23\. සමන්තා ද සිල්වා

24\. මන්දනා ඉස්මයිල්

25\. පරාක්‍රම දිසානායක
### ජොන්ස්ටන්ගේ පුත් රිමාන්ඩ්
URL: https://www.citizen.lk/johnstons-son-remanded/
Last updated: 2025-12-31T09:44:21.000Z
හිටපු අමාත්‍ය ජොන්ස්ටන් ප්‍රනාන්දුගේ පුත්‍රයා වන ජොහාන් ප්‍රනාන්දු රක්ෂිත බන්ධනාගාර ගත කර තිබෙනවා.

ඒ ජොන්ස්ටන් ප්‍රනාන්දු වෙළඳ අමාත්‍යවරයා ලෙස කටයුතු කළ සමයේ සතොසට අයත් ලොරි රථයක් ජොහාන් ප්‍රනාන්දු අවභාවිත කරමින් රජයට මූල්‍ය පාඩුවක් සිදුකළ බවට එල්ල වන චෝදනාවකට අදාළවයි.

පොලිස් මූල්‍ය අපරාධ කොට්ඨාසය විසින් අත්අඩංගුවට ගෙන අධිකරණය වෙත ඉදිරිපත් කිරීමෙන් පසු, ලබන ජනවාරි 09 වනදා දක්වා රක්ෂිත බන්ධනාගර ගත කිරීමට නියෝග කර තිබෙනවා.
### තාවි සමරවීර ලෝක ශ්‍රේණිගත කිරීම්වල පළමු වන ස්ථානයට
URL: https://www.citizen.lk/thawi-samaraweera-reaches-number-one-in-world-rankings/
Last updated: 2025-12-31T09:29:44.000Z
අවුරුදු 11න් පහළ පිරිමි මේස පන්දු ලෝක ශ්‍රේණිගත කිරීම්වල පළමු වන ස්ථානය ලබා ගැනීමට ශ්‍රී ලංකාවේ තාවි සමරවීර සමත්වී තිබෙනවා.

ඉතාලියේදී පැවති ලෝක කනිෂ්ඨ මේස පන්දු ශ්‍රේණිගත කිරීමේ තරගාවලියෙන් තාවි සමරවීර අවුරුදු 11න් පහළ මේසපන්දු ශ්‍රේණිගත කිරීමේ තරගාවලියේදී රන් පදක්කම දිනා ගැනීමට සමත්වී තිබෙනවා.

එය ශ්‍රී ලංකා මේස පන්දු ඉතිහාසයේ ක්‍රීඩකයෙකු වාර්තා කළ ඉහළම දක්ෂතාවද වනවා.
### රජරට විශ්වවිද්‍යාලයේ වැඩවර්ජනයක්
URL: https://www.citizen.lk/a-strike-at-rajarata-university/
Last updated: 2025-12-30T07:18:33.000Z
විශ්වවිද්‍යාල පනත වෙනස් කිරීම සඳහා කෙටුම්පතක් පාර්ලිමේන්තුවට යොමුකර ඇති මොහොතක, එය සම්මත වීමට පෙර විශ්වවිද්‍යාල ප්‍රතිපාදන කොම්සම් සභාවේ අනුමැතිය ඊට ලැබීමට විරෝධය පළ කරමින් මෙලෙස වැඩවර්ජනයක නිරත වන බව රජරට විශ්වවිද්‍යාලයේ ආචාර්යය සංගමයේ සභාපති මහාචාර්යය නාලක ගීකියනගේ සඳහන් කර තිබෙනවා.

ඒ අනුව එම පනත සම්මත වීමෙන් පසු ක්‍රියාවට නැංවීම සිදුකළද, ඊට පෙර ක්‍රියාවට නැංවීම විශ්වවිද්‍යාලයේ ස්වාධීනත්වයට බලපෑම් කිරීමක් වන බව වැඩිදුරටත් දක්වා තිබෙනවා.
### මාලිමාවේ සභාපති පහර දී ව්‍යාපාරිකයෙකු රෝහලේ
URL: https://www.citizen.lk/businessman-hospitalized-after-being-attacked-by-npp-chairman/
Last updated: 2025-12-30T07:17:08.000Z
නාවලපිටිය, ගඟ ඉහළ කෝරළය ප්‍රාදේශීය සභාවේ සභාපතිවරයා ඇතුළු කණ්ඩායමක් තමන්ට පහර දුන් බවට ව්‍යාපාරිකයෙකු විසින් කරන ලද පැමිණිල්ලක් සම්බන්ධයෙන් නාවලපිටිය පොලිසිය විමර්ශන ආරම්භ කර තිබෙනවා.

පොලිසියට ප්‍රකාශයක් ලබා දෙමින් අදාළ ව්‍යාපාරිකයා සඳහන් කර ඇත්තේ, පසුගිය 28 වැනිදා රාත්‍රී 11.30 ට පමණ සිය වෙළඳසැල වසා නිවස බලා යමින් සිටියදී මෙම ප්‍රහාරයට මුහුණ දීමට සිදු වූ බවයි.

දේශපාලන කාරණාවක් මුල් කරගනිමින් ඇති වූ බහින්බස් වීමක් අවසානයේ, සභාපතිවරයා ඇතුළු පිරිසක් තම මග අවහිර කර පහර දුන් බවයි ඔහු වැඩිදුරටත් කියා සිටින්නේ.

තුවාල ලැබූ පුද්ගලයා මුලින් නාවලපිටිය රෝහලට ඇතුළත් කර ඇති අතර, පසුව වැඩිදුර ප්‍රතිකාර සඳහා ගම්පොළ ශික්ෂණ රෝහල වෙත මාරු කර යවා ඇත.

කෙසේනමුත් මේ සම්බන්ධයෙන් අදහස් දක්වමින්, ගඟ ඉහළ කෝරළේ ප්‍රාදේශීය සභා සභාපති ඉන්දික ගුණසේකර සඳහන් කරන්නේ, තමන් කිසිදු පහරදීමකට සම්බන්ධ නොවූ බවත්, චෝදනාව තරයේ ප්‍රතික්ෂේප කරන බවත් ය.

සිද්ධිය සම්බන්ධයෙන් පුළුල් පරීක්ෂණ ක්‍රියාත්මකයි.
### ඖෂධවල ප්‍රමිතිය පරීක්ෂා කිරීමේ වැඩපිළිවෙළක්
URL: https://www.citizen.lk/a-program-to-test-the-quality-of-medicines/
Last updated: 2025-12-30T06:43:26.000Z
රෝහල් හා ඔසුසැල්වලට ඖෂධ නිකුත් කිරීමෙන් අනතුරුව ඒවායේ ප්‍රමිතිය පරීක්ෂා කිරීමේ වැඩපිළිවෙළක් ආරම්භ කර ඇති බව සෞඛ්‍ය අමාත්‍යාංශය සඳහන් කරනවා.

ඒ අනුව ඒ සඳහා විද්‍යා හා තාක්ෂණ අමාත්‍යාංශය සතුව ඇති පරීක්ෂණාගාර යොදා ගැනීමට කටයුතු කරන බවත් ඖෂධවල ගුණාත්මකභාවය ඉහළ නැංවීමේ අරමුණින් මෙම වැඩපිළිවෙළ ක්‍රියාත්මක වන බවත් වැඩිදුරටත් ප්‍රකාශ කර තිබෙනවා.
### කොළඹට හෙට විශේෂ රථවාහන සැලැස්මක්
URL: https://www.citizen.lk/special-traffic-plan-for-colombo-tomorrow/
Last updated: 2025-12-30T06:16:19.000Z
2026 නව වසර සැමරීමට හෙට (31) කොළඹ නගරය වෙත පිට පළාත් වලින් විශාල ජනතාවක් සහ රථවාහන ප්‍රමාණයක් කොළඹ නගරය වෙත පැමිණීම හේතුවෙන් විශේෂ රථවාහන සැලැස්මක් ක්‍රියාත්මක කිරීමට තීරණය කර තිබෙනවා.

ඒ අනුව විශේෂයෙන් කොළඹ නගරයේ කොටුව, පිටකොටුව, කොම්පඤ්ඤ වීදිය, මරදාන, කොල්ලුපිටිය, බම්බලපිටිය හා කුරුඳුවත්ත යන පොලිස් වසම්වල මෙසේ අධික රථවාහන තදබදයක් ඇති විය හැකි බවට අපේක්ෂා කරන බව දක්වා තිබෙනවා.

අදාළ රථවාහන සැලැස්ම ක්‍රියාත්මක වන ආකාරය ඇතුළත් මාර්ග සිතියම් සහ රථවාහන ගාල් කිරීම් ඇති ස්ථාන මෙසේය.

![](https://www.citizen.lk/content/images/2025/12/WhatsApp-Image-2025-12-30-at-11.32.33-AM.jpeg)

![](https://www.citizen.lk/content/images/2025/12/WhatsApp-Image-2025-12-30-at-11.32.33-AM--1-.jpeg)

![](https://www.citizen.lk/content/images/2025/12/WhatsApp-Image-2025-12-30-at-11.32.33-AM--2-.jpeg)

![](https://www.citizen.lk/content/images/2025/12/WhatsApp-Image-2025-12-30-at-11.32.34-AM.jpeg)
### වැඩ වරද්දගත්තොත් අපරාධ නීතිය යටතේත් දඬුවම්
URL: https://www.citizen.lk/if-you-commit-a-crime-you-will-be-punished-under-criminal-law/
Last updated: 2025-12-29T09:25:52.000Z
රථවාහන පාලන හා මාර්ග ආරක්ෂාව භාර නියෝජ්‍ය පොලිස්පති ඩබ්ලිව්. ජී. ජේ. සේනාධිර මහතා විසින් සඳහන් කර තිබෙන්නේ ඉදිරියේදී බීමත්ව සහ අපරික්ෂාකාරීව රිය ධාවනය කළහොත් රථවාහන නීතියට අමතරව අපරාධ නීතිය යටතේ කටයුතු කරන බවයි.

ගිය වසරට සාපේක්ෂව මෙම වසරේදී මාර්ග අනතුරු සංඛ්‍යාවේ වර්ධනයක් ඇති බවත් ඊට ප්‍රධාන වශයෙන් හේතුවී ඇත්තේ මත්ද්‍රව්‍ය භාවිතය සහ මත්පැන් භාවිත බව නියෝජ්‍ය පොලිස්පතිවරයා සඳහන් කර තිබෙනවා.

ඒ අනුව ඉදිරියේදී එවැනි රිය අනතුරු සඳහා රථවාහන නීතියට අමතරව අපරාධ නීතිය යටතේත් කටයුතු කිරීමට පොලිස්පතිවරයා විසින් නියෝග ලබා දී ඇති බව වැඩිදුරටත් දක්වා තිබෙනවා.
### වෙසක් පෝය වෙනස් වෙයිද?
URL: https://www.citizen.lk/will-vesak-poya-change/
Last updated: 2025-12-29T09:03:06.000Z
2026 වසරේ වෙසක් පුන් පොහොය යෙදී ඇති දිනය සංශෝධනය කරන ලෙස දන්වමින් ත්‍රෛනිකායික මහානායක හිමිවරුන් විසින් ජනාධිපති අනුර කුමාර දිසානායක මහතා වෙත ලිපියක් යොමු කර තිබෙනවා.

ඒ රාජ්‍ය පරිපාලන අමාත්‍යාංශය මගින් ප්‍රකාශිත දින දර්ශනයට අනුව ලබන වසරේ මැයි මස 01 දින වෙසන් පුන් පොහෝ දිනය ලෙස ප්‍රකාශයට පත්කර තිබෙන දිනයේදී විසා නැකත නොයෙදෙන බැවින් වෙසක් පොහෝ දිනය මැයි මස 30 වැනිදාට යොදා ගැනීම සුදුසු වන බව දැනුම්දෙමිනි.

ඒ අනුව ලබන වසරේ මැයි 30 වැනි දිනය වෙසක් පුර පසළොස්වක පොහෝ දිනය ලෙස ප්‍රකාශයට පත් කිරීම සුදුසු බවත් වෙසක් පොහෝ දිනය හා සබැඳි ආගමික කර්තව්‍යන් හා රාජ්‍ය උත්සව එම මැයි මස 30 වැනි දින යොදා ගැනීමට අදාළ රාජ්‍ය නිලදාරීන් වෙත උපදෙස් ලබා දෙන ලෙසත් මහානායක ස්වාමින්වහන්සේලා විසින් නිකුත් කළ අදාල ලිපියේ වැඩිදුරටත් සඳහන් වනවා.
### පේරාදෙණිය කළු පාලම අලුත්වැඩියා කටයුතු ආරම්භ වෙයි
URL: https://www.citizen.lk/repair-work-on-the-peradeniya-black-bridge-begins/
Last updated: 2025-12-29T07:35:07.000Z
දිට්වා සුළි කුණාටුව සමඟ හටගත් ගංවතුරෙන් දැඩි ලෙස හානි වූ පේරාදෙණිය කළු පාලම අලුත්වැඩියා කටයුතු මේ වන විට ආරම්භ කර තිබෙනවා.

මේ සම්බන්ධයෙන් අදහස් දක්වමින් ඉදිකිරීම් භාර ප්‍රධාන ඉංජිනේරු අනුර සේමසිංහ සඳහන් කළේ, අප්‍රේල් 28 වන විට මෙහි ඉදිකිරීම් නිම කරවා භාර දීමට සැලසුම් කර ඇති බවයි.

මෙහි ප්‍රතිසංස්කරණ කටයුතු සඳහා රුපියල් මිලියන 238 ක මුදලක් ඇස්තමේන්තු කර ඇති බවත්, මෙය 100% ක් දේශීය ඉංජිනේරුවන්ගේ සහයෙන් සිදු වන බවයි ඔහු වැඩිදුරටත් ප්‍රකාශ කළේ.
### ධම්මික ප්‍රසාද්ට අමෙරිකාවේ ක්‍රිකට් තනතුරක්
URL: https://www.citizen.lk/dhammika-prasad-gets-a-cricket-position-in-america/
Last updated: 2025-12-29T07:29:16.000Z
ශ්‍රී ලංකා හිටපු වේග පන්දු යවන ක්‍රීඩක ධම්මික ප්‍රසාද් අමෙරිකා ජාතික ක්‍රිකට් කණ්ඩායමේ වේග පන්දු පුහුණුකරු හා සහකාර පුහුණුකරු ලෙස පත් කර තිබෙනවා.

ඒ එළැඹෙන 20-20 ලෝක කුසාලන තරගාවලිය වෙනුවෙන්.
### ආසියාවේ සංචාරය කිරීමේ හොඳම ස්ථාන අතරට ශ්‍රී ලංකාවත් ඇතුළත් වෙයි
URL: https://www.citizen.lk/sri-lanka-is-among-the-best-places-to-visit-in-asia/
Last updated: 2025-12-29T07:09:27.000Z
අමෙරිකා එක්සත් ජනපදයේ 'U.S. News & World Report' වාර්තාවට අනුව 2026 ආසියාවේ සංචාරය කිරීමට හොඳම ස්ථාන අතර 5 වන ස්ථානයට ශ්‍රී ලංකාව පත්ව තිබෙනවා.

ප්‍රවේශ වීමේ පහසුව, දේශීය මිල ගණන්, ආකර්ෂණීය ස්ථාන, සංස්කෘතිය සහ සංචාරකයින්ගේ ප්‍රසාදය යන කරුණු කෙරෙහි අවධානය යොමු කරමින් මෙම ශ්‍රේණිගත කිරීම් සිදු කර ඇත.

මෙම ලැයිස්තුවේ පළමු ස්ථානය ජපානයේ ෆුජි කන්දට හිමිව ඇති අතර පිලිපීනයේ පලවාන්, ටෝකියෝ සහ දකුණු කොරියාවේ සෝල් යන ස්ථාන පළමු ස්ථාන 4 හිමිකරගෙන තිබෙනවා.
### හිටපු අමාත්‍යවරයෙකු රිමාන්ඩ්
URL: https://www.citizen.lk/former-minister-remanded/
Last updated: 2025-12-29T06:25:26.000Z
අපරාධ පරීක්ෂණ දෙපාර්තමේන්තුව මඟින් අත්අඩංගුවට ගත් හිටපු අමාත්‍ය ඩග්ලස් දේවානන්දා ජනවාරි 09 වන දා දක්වා රක්ෂිත බන්ධනාගාරගත කිරීමට ගම්පහ මහෙස්ත්‍රාත් අධිකරණය නියෝග කර තිබෙනවා.

හිටපු අමාත්‍යවරයා ඊයේ (28) ගම්පහ අතිරේක මහෙස්ත්‍රාත් පද්මා අමරතුංග හමුවට ඉදිරිපත් කිරීමෙන් අනතුරුව මෙම නියෝගය ලබා දී ඇත.

2001 වසරේදී ඔහුගේ පෞද්ගලික පරිහරණය සඳහා යුද හමුදාවෙන් ලබා දුන් ගිනිඅවියක්, 2019 වසරේදී සංවිධානාත්මක අපරාධකරුවෙකු වන මාකඳුරේ මදුෂ්ගෙන් සිදු කළ ප්‍රශ්න කිරීමේදී සොයා ගැනීමේ සිද්ධියකට අදාළව සිදු කරන විමර්ශනවලට අදාළව පසුගිය 26 වන දා ඔහු අත්අඩංගුවට ගෙන තිබුණා.
### රේගුවට ඉතිහාසගත ආදායමක්
URL: https://www.citizen.lk/historic-revenue-for-customs/
Last updated: 2025-12-29T05:46:33.000Z
වසරේ ගතවූ කාලය තුළ රුපියල් බිලියන 2,497ක වාර්තාගත ආදායමක් උපයා ඇති බව ශ්‍රී ලංකා රේගුව සඳහන් කරනවා.

2025 වසර සඳහා මුදල් අමාත්‍යංශය මගින් රේගුවට ලබා දී තිබූ ආදායම් ඉලක්කය රුපියල් බිලියන 2115ක් වන බවත්, නොවැම්බර් මාසය වනවිට එම ආදායම ඉක්මවා යෑමට හැකි වූ බවත් රේගු මාධ්‍ය ප්‍රකාශක රේගු අධ්‍යක්ෂ චන්දන පුංචිහේවා සඳහන් කර සිටිනවා.

නොවැම්බර් මාසය වනවිට මෙම ආදායම රුපියල් බිලියන 2115 සිට රුපියල් බිලියන 2231ක් දක්වා සංශෝධන කරනු ලැබූ බවද එහිදී ඔහු සඳහන් කර සිටියා.

එම සංශෝධිත ඉලක්කයද මේ වනවිට ඉක්මවා ගොස් ඇති බවත්, රේගුව තුළ ගෙන තිබු විවිධ ක්‍රියාමාර්ග හේතුවෙන් මෙම ඉහළ ආදායම උපයා ගැනීමට හැකිවු බවත් ඔහු මාධ්‍ය වෙත අදහස් දක්වමින් සඳහන් කර සිටියා.
### පෙට්‍රල් බෝම්බ ප්‍රහාරක පිරිසක් දැලේ
URL: https://www.citizen.lk/petrol-bomb-attackers-arrested/
Last updated: 2025-12-27T08:10:57.000Z
සීදුව ප්‍රදේශයේ සමාජ ශාලාවකට පෙට්‍රල් බෝම්බ ප්‍රහාරයක් එල්ල කිරීමට සූදානමින් සිටි බවට කියන පිරිසක් බස්නාහිර පළාත උතුර අපරාධ කොට්ඨාසය විසින් සිදුකළ වැටලීමකදී අත්අඩංගුවට ගෙන තිබෙනවා.

ඒ අනුව වැටලීමේදී සැකකරුවන් 06ක් සහ පෙට්‍රල් බෝම්බ 06ක් අත්අඩංගුවට ගෙන ඇති අතර එම සැකකරුවන් එම ආයතනයේම කළමනාකරු, ව්‍යාපාරිකයෙකු, ත්‍රිරෝද රථ රියදුරන් තිදෙනෙකු හා තවත් පුද්ග⁣ලයෙකු වන බව සඳහන් වනවා.
### වසර 116කට පසු 'අළු බඳුන'ත් අලුත් වෙයි
URL: https://www.citizen.lk/breaks-116-year-ashes-record/
Last updated: 2025-12-27T07:43:42.000Z
'අළු බඳුන' ටෙස්ට් ක්‍රිකට් තරගාවලියේ ඊයේ (27) ආරම්භ වූ සිව්වන තරගයේ දී කණ්ඩායම් දෙකෙහිම පිතිකරුවන් පළමු ඉනිමේදී දැවීගොස් ඇති අතර, ඒ අනුව පළමු දිනයේ දී පමණක් කඩුලු 20ක් බිඳවැටී තිබෙනවා.

ඒ අනුව 'අළු බඳුන' තරග ඉතිහාසයේ පළමු දිනයේදී කඩුලු 20ම බිඳවැටී ඇත්තේ වසර 116කට පසුව වන අතර අවසන්වරට මෙවන්නක් සිදුව ඇත්තේ 1909 වසරේ ඔස්ට්‍රේලියාවේ පර්ත්හිදී පැවති තරඟයකදී බව ක්‍රිකට් වාර්තා සඳහන් කර තිබෙනවා.
### පැෆ්රල් සංවිධානයෙන් නිවේදනයක්
URL: https://www.citizen.lk/an-announcement-from-the-paffrel-organization/
Last updated: 2025-12-27T07:23:59.000Z
නිදහස් හා සාධාරණ මැතිවරණ සඳහා වූ ජනතා ක්‍රියාමාර්ගය හෙවත් පැෆ්රල් සංවිධානය නිවේදනය කර තිබෙන්නේ 2026 වර්ෂය සඳහා ඡන්දදායක සංගණන කටයුතු 2026 පෙබරවාරි 01 වැනිදා ආරම්භ කිරීමට නියමිත බවයි.

නිවේදනයක් නිකුත් කරමින් එම සංවිධානය සඳහන් කරන්නේ පෙර වසරවල මෙන් සංගණන නිලධාරීන් සෑම නිවසකටම නොපැමිණෙන බවයි.

ඒ අනුව අලුතින් එකතු කරන ලද සහ ඉවත් කරන ලද නම් ඇතුළත් A සහ Aa ලැයිස්තු යාවත්කාලීන කිරීමට අදාළ නිවාස සඳහා පමණක් ඔවුන් සංචාරය කරනු ලබන බවයි සඳහන් වන්නේ.
### සිරකරුවන්ට නත්තල් නැද්ද?
URL: https://www.citizen.lk/dont-prisoners-have-christmas/
Last updated: 2025-12-27T06:50:09.000Z
බන්ධනාගාර දෙපාර්තමේන්තුව විසින් නත්තල් දිනය වෙනුවෙන් සිරකරුවන් නිදහස් කිරීමක් ඉදිරියේදී සිදුකිරීමට බලාපො⁣රොත්තු වන බව දක්වා තිබෙනවා.

ඉතිහාසයේ පළමු වරට මෙවර නත්තල් දිනය වෙනුවෙන් සිරකරුවන් නිදහස් කිරීමක් නොවූ අතර නිදහස් කළ යුතු රැඳවියන්ගේ ලැයිස්තුව විෂය භාර අමාත්‍යාංශය වෙත ලබා දී ඇති බවයි වාර්තා වන්නේ.

කෙසේවෙතත් සිරකරුවන් සම්බන්ධයෙන් තවත් වාර්තා කිහිපයක් ඉල්ලා ඇති අතර, ඒවා ලබාදීමට මේ වනවිට පියවර ගනිමින් සිටින බවත් ඉදිරියේදී නත්තල් දිනය වෙනුවෙන් බන්ධනාගාර රැඳවියන් නිදහස් කිරීම සිදු කරනු ඇති බවද සඳහන් වනවා.
### මහනුවරට බෝම්බ බියක්
URL: https://www.citizen.lk/bomb-scare-in-kandy/
Last updated: 2025-12-26T07:00:15.000Z
බෝම්බ බියක් හේතුවෙන් මහනුවර දිස්ත්‍රික් ලේකම් කාර්යාලය (කච්චේරිය) තුළ මේ වන විට විශේෂ සෝදිසි මෙහෙයුමක් ආරම්භ කර තිබෙනවා.

​ආරක්ෂක අංශ විසින් එම පරිශ්‍රය දැඩි පරීක්ෂාවට ලක් කරමින් පවතින අතර, සේවකයින් සහ ජනතාව ඉවත් කිරීමට පියවර ගෙන ඇති බවයි වාර්තා වන්නේ.
### රාජ්‍ය රූපවාහිනී සම්මාන උළෙලේ හොඳම ටෙලි නාට්‍ය අධ්‍යක්ෂණය සමීර බණ්ඩාර කපුකොටුවට
URL: https://www.citizen.lk/sameera-bandara-kapukotuwa-wins-best-teledrama-direction-at-the-state-television-awards/
Last updated: 2025-12-26T06:49:05.000Z
2025 රාජ්‍ය රූපවාහිනි සම්මාන උළෙල පසුගිය 23 වැනිදා ජාතික කෞතුකාගාර ශ්‍රවණාගාරයේ දී බුද්ධශාසන, ආගමික සහ සංස්කෘතික කටයුතු පිළිබඳ අමාත්‍ය ආචාර්ය හිනිදුම සුනිල් සෙනෙවිගේ ප්‍රධානත්වයෙන් පැවැත්වුණා .

එහිදී 2025 වසරේ රූපවාහිනී වැඩසටහන් සහ නාට්‍ය ක්ෂේත්‍රයට අදාළව මෙහිදී සම්මාන පිරිනැමුණු අතර ජාතික රූපවාහිනියේ විකාශය වූ "අපි" ටෙලි නාට්‍ය සම්මාන 11කට නිර්දේශ වී සම්මාන හතක් ලබා තිබෙනවා.

ඒ අනුව,

- හොඳම ටෙලි නාට්‍ය අධ්‍යක්ෂණය - සමීර බණ්ඩාර කපුකොටුව
- හොඳම ටෙලි නාට්‍ය කැමරා අධ්‍යක්ෂණය - සිසිකිරණ පරණවිතාන
- හොඳම සංස්කරණය - ශාන් අල්විස්
- හොඳම සංගීත අධ්‍යක්ෂණය - මිලින්ද තෙන්නකෝන්
- හොඳම ශබ්ද පරිපාලනය - විශ්ව ද සිල්වා
- හොඳම නිළිය - උමාලි තිලකරත්න
- හොඳම සහය නළුවා - චම්පික ප්‍රියදර්ශන
- හොඳම තිර රචනය - සමීර බණ්ඩාර කපුකොටුව (නිර්දේශිත)
- හොඳම ටෙලි නාට්‍ය නළුවා - හසිත වැන්දබෝනා (නිර්දේශිත)
- හොඳම කලා අධ්‍යක්ෂණය - අශෝක් වාස් (නිර්දේශිත)
- හොඳම අංගරචනය - ලසිත අමරබන්දු (නිර්දේශිත)

'අපි' ප්‍රාසාංගික ටෙලිනාට්‍ය විශේෂ හැකියා සහිත මිනිසුන්ගෙ ජීවත තේමා කරගනිමින් නිර්මාණය කර තිබීමද මෙහි විශේෂත්වයක් වනවා.

![](https://www.citizen.lk/content/images/2025/12/WhatsApp-Image-2025-12-26-at-11.53.34-AM.jpeg)

![](https://www.citizen.lk/content/images/2025/12/WhatsApp-Image-2025-12-26-at-11.53.30-AM.jpeg)

![](https://www.citizen.lk/content/images/2025/12/WhatsApp-Image-2025-12-26-at-11.53.33-AM.jpeg)

![](https://www.citizen.lk/content/images/2025/12/WhatsApp-Image-2025-12-26-at-11.53.35-AM.jpeg)

![](https://www.citizen.lk/content/images/2025/12/WhatsApp-Image-2025-12-26-at-11.53.24-AM.jpeg)

![](https://www.citizen.lk/content/images/2025/12/WhatsApp-Image-2025-12-26-at-11.53.37-AM.jpg)
### ෆරාහ් රුමි ස්විට්සර්ලන්ත ජාතික කවුන්සිලයට
URL: https://www.citizen.lk/farah-rumi-to-the-swiss-national-council/
Last updated: 2025-12-23T07:32:03.000Z
ශ්‍රී ලංකාවේ උපන්, හෙදියක් සහ වෛද්‍ය විශේෂඥවරියක් වන ෆරාහ් රුමි, ස්විට්සර්ලන්ත ජාතික කවුන්සිලයේ දෙවන උප සභාපතිනිය ලෙස තේරී පත් වී තිබෙනවා.

ඒ අනුව ඇය ස්විට්සර්ලන්ත ෆෙඩරල් පාර්ලිමේන්තුවේ පළමු ශ්‍රී ලාංකික සම්භවයක් ඇති සාමාජිකාව බවටද පත්වනවා.

සමාජ ප්‍රජාතන්ත්‍රවාදී පක්ෂයේ සාමාජිකාවක් වන රුමි සෞඛ්‍ය, සමාජ ප්‍රතිපත්ති, විදේශ කටයුතු සහ සමාන අවස්ථා කෙරෙහි අවධානය යොමු කරන අතර ලබන වසරේ මුලදී ඇය ශ්‍රී ලංකාවට පැමිණීමට නියමිත බව සඳහන් වනවා.

![](https://www.citizen.lk/content/images/2025/12/605113226_1380859344053960_2142787352820160726_n--1--1.jpg)

![](https://www.citizen.lk/content/images/2025/12/605068009_1380859407387287_3145167775806657681_n-2.jpg)

![](https://www.citizen.lk/content/images/2025/12/601378419_1380859374053957_63213715416448688_n-1.jpg)

![](https://www.citizen.lk/content/images/2025/12/602335981_1380859397387288_5740961372084212848_n-2.jpg)

![](https://www.citizen.lk/content/images/2025/12/602332990_1380859457387282_932733059059456325_n-1.jpg)

![](https://www.citizen.lk/content/images/2025/12/603850271_1380859447387283_7185750319781955690_n-2.jpg)
### ජයිශංකර් අද ජනපති හමුවෙයි
URL: https://www.citizen.lk/s-jaishankar-to-meet-president-anura-kumara-today/
Last updated: 2025-12-23T04:39:45.000Z
දිවයිනට පැමිණ සිටින ඉන්දීය විදේශ කටයුතු අමාත්‍ය ආචාර්ය එස්. ජයිශංකර් ජනාධිපති අනුර කුමාර දිසානායක හමුවීමට නියමිතව තිබෙනවා.

විදේශ කටයුතු අමාත්‍යංශය සඳහන් කළේ, අද (23) පෙරවරුවේ මෙම හමුව පැවැත්වෙන බවයි.ඉන්දීය විදේශ කටයුතු අමාත්‍ය ආචාර්ය එස්. ජයිශංකර් ඊයේ (22) පස්වරුවේ ඉන්දීය ගුවන් හමුදාවට අයත් විශේෂ යානයකින් මෙරටට පැමිණීයා.

ඉන්දීය අග්‍රාමාත්‍ය නරේන්ද්‍ර මෝදිගේ විශේෂ නියෝජිතයෙකු ලෙස එස්. ජයිශංකර් මෙම සංචාරය සිදුකරන බවයි ඉන්දීය විදේශ කටයුතු අමාත්‍යංශ සඳහන් කර ඇත්තේ.

දිට්වා සුළි කුණාටුවෙන් බලපෑම් එල්ල වූ ශ්‍රී ලංකාවට ඉන්දීය රජයේ සහයෝගය තවදුරටත් තහවුරු කිරීම ඉන්දීය විදේශ අමාත්‍යවරයාගේ සංචාරයේ අරමුණ වී ඇති බව සඳහන් වනවා.

විදේශ කටයුතු අමාත්‍යංශය වැඩිදුරටත් සඳහන් කළේ, ඉන්දීය විදේශ කටයුතු අමාත්‍ය ආචාර්ය එස්. ජයිශංකර් සංචාරය නිමාකර අද පස්වරුවේ දිවයිනෙන් පිටත්ව යාමට නියමිත බවයි.
### කැලණි විහාරය අවට රථවාහන ගමනාගමනය සීමා කිරීමක්
URL: https://www.citizen.lk/traffic-restrictions-around-kelaniya-temple/
Last updated: 2025-12-23T04:07:24.000Z
කැලණිය රජමහා විහාරස්ථානය මඟින් වාර්ෂිකව පවත්වනු ලබන දුරුතු මහා උත්සවයට සමගාමීව පවත්වනු ලබන හෙලේනා බාලිකා විද්‍යාලයේ පෙරහැර හේතුවෙන් අද (23) දින පස්වරු 3 සිට රථවාහන ගමනාගමනය සීමා කර තිබෙනවා.

නිවේදනයක් නිකුත් කරමින් පොලීසිය සඳහන් කර ඇත්තේ, පෙරහැර හෙලේනා ප්‍රාථමික විද්‍යාලය අසලින් ආරම්භ වී ගල්බොරැල්ල, වලන්කඩ හන්දිය අසලින් මාවතට පිවිස බියගම මාර්ගය ඔස්සේ කැලණිසිරි වටරවුම අසලින් කැලණි රජමහා විහාරස්ථානයේ ප්‍රධාන වාහල්කඩින් ඇතුළු වීමට නියමිත බවයි.

ඒ අනුව අද පෙරහැර අවසන් වන තුරු පහත සඳහන් මාර්ගයන්වල ගමනාගමනය සීමා කරන අතර රථවාහන සැලැස්ම පහතින්.

- **කිරිබත්ගොඩ ටයර් හන්දිය දෙසින් පැමිණෙන සියලූම වාහන නුන්ගන්ගොඩ හන්දියෙන් තොරණ හන්දිය දෙසට යොමු කිරීම.**
- **බියගම මාර්ගයේ ගමන් ගන්නා සියලූම වාහන කැලණිය රජමහා විහරස්ථානයේ බියගම පාර වාහල්කඩ අසලින් ගඟවේල්ල මාර්ගය ඔස්සේ කැලණිසිරි වටරවුමට යොමුකිරීම.**
- **පෑලියගොඩ දෙස සිට බියගම දෙසට පැමිණෙන සියළුම වාහන කැලණිසිරි වටරවුම ඔස්සේ කැලණි රජමහා විහාරස්ථානයේ ගඟවේල්ල මාර්ගයේ බියගම පාර වාහල්කඩ දෙසට යොමු කිරීම.**
- **පෙරහර ගමන් ගන්නා කැලණි සිරි වටරවුම විහාර මාවත කොටස සම්පූර්ණයෙන් වසා තබා ඇත.**
- **පෙරහර පෙර කොටස විහාර මාවත හන්දිය වෙත ගමන් කරන තෙක් මුල්ලේරියා - බියගම මාර්ගයේ බියගම දෙසට ගමන් ගන්නා රථවාහන පිටවීම සඳහා පමණක් යොමු කිරීම.**
- **බියගම මාර්ගයේ පැමිණෙන සියලූම වාහන කැලණි රජමහා විහාරයේ බියගම පාර වාහල්කඩ අසලින් ගඟවේල්ල මාර්ගය ඔස්සේ කැලණිසිරි වටරවුමට යොමු කිරීම.**
- **පෙරහර අවසානේ වලන්කඩ අසලින් විහාර මාවත වෙත සම්පූර්ණ කොටස ඇතුළුවීමත් සමඟ තුන්ගන්ගොඩ දෙසින් බියගම දෙසට ධාවනය කරනු ලබන වාහන රථවාහන නිලධාරීන්ගේ අධීක්ෂණය යටතේ නිදහස් කිරීම හා බියගම දෙසින් වරාගොඩ මාර්ගයට පිවිසීමට නිදහස් කිරීම.**
- **පෙරහර කැලණිසිරි වටරවුම ආසන්නයට පැමිණෙනවාත් සමඟ බියගම පාර වාහල්කඩ ඔස්සේ රථවාහන ඇතුළුවීම නතර කර සාමාන්‍ය පරිදි මාර්ගය සකස් කිරීම.**
- **බියගම මාර්ගයේ පැමිණෙන රථවාහන බස් නැවතුම්පොළ අසලින් හෝ විහාර මාවත හන්දිය හරහා වරාගොඩ දෙසට යොමු කිරීම.**
- **පෑලියගොඩ පට්ටිය හන්දිය, නුවර පාර, පට්ටිය හන්දිය අසලින් වරාගොඩ මාර්ගයට පිවිසෙන වාහන තොරණ හන්දිය දෙසින් යොමු කිරීම.**
### අරමුණට ගැළපෙන ආපදා කළමනාකරණ පනතක්
URL: https://www.citizen.lk/a-disaster-management-act-that-is-fit-for-purpose-professor-rohan-samarajeewa/
Last updated: 2025-12-23T03:32:32.000Z
වත්මන් ආපදා කළමනාකරණ පනත දෝෂ සහිත බවට ජනාධිපතිවරයා කළ ප්‍රකාශය, වගකිව යුතු අමාත්‍යවරයා ලෙස ආපදා අවදානම අවම කිරීම සම්බන්ධයෙන් ඔහු කළ අතපසුවීම්වලින් අවධානය වෙනතකට යොමු කිරීමට මවාපෑමක් විය හැකිය. නමුත් ඔහු කරුණු වශයෙන් වැරදි නැත.

කළ යුතු අනෙක් සියල්ලට අමතරව, නව නීතියක් සංවර්ධනය කිරීම පිළිබඳ සාකච්ඡාව දැන් ආරම්භ කිරීම වැදගත් වේ.

![](https://www.theleader.lk/images/2023/2025/December/ts122005.jpg)

2004 සුනාමියෙන් පසු ශ්‍රී ලංකාවේ සියලුම ආපදා අවදානම් අවම කිරීමේ/කළමනාකරණ (DRR/DRM) ක්‍රියාකාරකම් සඳහා අරමුදල් සැපයීමට බාහිර පාර්ශවයන් පොළඹවා ගැනීමේ අරමුණින් සහ එම ව්‍යසනයෙන් මාසයක් ඇතුළත 2005 ජනවාරි මාසයේ ජපානයේ හියෝගෝ හි අහම්බෙන් කාලෝචිත ලෙස පවත්වන ලද ආපදා අවම කිරීම පිළිබඳ ලෝක සමුළුව සඳහා අධික කඩිමුඩියේ 2005 දී බලාත්මක කිරීමේ සිදුවීම වර්තමාන නීතියේ අසම්පූර්ණකම් වලට හේතු විය. කෙටුම්පත බැලීමට සහ අදහස් දැක්වීමට කිසිවෙකුට අවස්ථාව නොලැබිණි. එය හදිසි පනත් කෙටුම්පතක් ලෙස හඳුන්වා දුන් අතර, එමඟින් ශ්‍රේෂ්ඨාධිකරණය ඉදිරියේ විමසීමට ඇති සීමිත අවස්ථාව පවා වළක්වා ගන්නා ලදී.  
  
**ඕනෑවට වඩා භාර ගැනීම**

> **සුනාමියට පෙර ආපදා සහන සේවා සිදු කරන ලද්දේ දිසාපතිවරුන් විසිනි. 1978 දී නැගෙනහිර වෙරළ තීරයට මාරාන්තික සුළි කුණාටුවක් බලපෑවේය (මරණ සංඛ්‍යාව 900 කට අධික යැයි තක්සේරු කොට ඇති අතර, කුණාටු රළ වෙරළේ සිට කිලෝමීටර 1.5 ක් දක්වා ඉහළ ගොස් ගොඩනැගිලි 250,000 කට හානි සිදුවී තිබේ). කාලගුණ විද්‍යා දෙපාර්තමේන්තුව සහ එවකට රටේ එකම විද්‍යුත් මාධ්‍යය වූ ශ්‍රී ලංකා ගුවන් විදුලි සංස්ථාව හරහා ලැබුණු චන්ද්‍රිකා පාදක උපද්‍රව තොරතුරු මත පදනම්ව, මඩකලපුව දිසාපති ඇන්තනිමුත්තු මහතා, ජනතාව අනතුරුවලින් ඈත් කිරීමට වීරෝදාර උත්සාහයක් මෙහෙයවීය. 1999 දී, විදුලි සංදේශ නියාමන කොමිෂන් සභාව, ආපදාවන්ට මුහුණ දීමට ඔවුන්ගේ ජාලවලට ඔරොත්තු දීමේ හැකියාව ලබා දීම සඳහා විදුලි සංදේශ ක්‍රියාකරුවන් සමඟ කටයුතු කළේය. සමාජ සේවා අමාත්‍යාංශය යටතේ වූ ඒකකයක් හරහා බලපෑමට ලක් වූ පුද්ගලයින් සඳහා ගෙවීම් සිදුකරනු ලැබීය.**

![141218155827 02 indian ocean tsunami 2004](https://www.theleader.lk/images/2023/2025/December/141218155827-02-indian-ocean-tsunami-2004.jpg)

 බහු උපද්‍රව අවදානම් අවම කිරීම සඳහා ඒකාබද්ධ ප්‍රවේශයක් නොමැති නමුත්, සෑම ව්‍යසනයක් ම අනාගත ව්‍යසන අවදානම් අඩු කිරීම සඳහා ඉගෙනුම් නිපදවනු ඇති ආපදා අවදානම් අවම කිරීමේ/කළමනාකරණ (DRR/DRM) ක්‍රියාවලිය චක්‍රයක් බව හෝ සර්පිලාකාරයක් බව අවබෝධ වී නොතිබිණි. බැංකොක්හි ආසියානු ආපදා සූදානම මධ්‍යස්ථානය මගින් පුහුණුව ලැබූ රාජ්‍ය නිලධාරීන් 100 කට අධික සංඛ්‍යාවකගේ දැනුම සහ හ්යෝගෝ රාමුව (පසුව සෙන්ඩායි රාමුව බවට පත් විය) පදනම් කරගෙන 2005 පනත මගින් බහු උපද්‍රව සඳහා ඒකාබද්ධ ප්‍රවේශයක් අනුගමනය කිරීමට දායක විය. කෙසේ වෙතත්, කෙටුම්පත්කරුවෝ ප්‍රමාණවත් සම්පත් සහ ක්‍රියාත්මක කළ හැකි ආයතනික ව්‍යුහයක් ලබා නොදී තනි මධ්‍යම රජයේ ආයතනයක් මත ඕනෑවට වඩා කාර්යයන් පැටවීමේ දී වැරදි කළහ.  
  
**සහන**

![13232917 1537649026543648 264178810209932633 n](https://www.theleader.lk/images/2023/2025/December/13232917_1537649026543648_264178810209932633_n.jpg)

  
ආපදාවන්ට ලක්වූවන්ට සහන සැලසීමේ දී ප්‍රාදේශීය ක්‍රියාකාරීන්ගේ කාර්යක්ෂමතාව අපි නැවත නැවතත් දැක ඇත්තෙමු. 2016 කැලණි ගංවතුරෙන් පසුව දක්නට ලැබුණු පරිදි කොළඹ ඇති වූ ව්‍යසනවල දී පවා මෙය මධ්‍යම රජයට හැසිරවිය හැකි දෙයක් නොවේ. දිස්ත්‍රික් බලධාරීන් (2005 පනතට පෙර මෙන්), පළාත් පාලන යාන්ත්‍රණ සහ ප්‍රාදේශීය සහ අධි-ප්‍රාදේශීය විධිමත් සහ අවිධිමත් සංවිධාන මේ සඳහා වඩාත් සුදුසු ය. 2005 පනත මගින් දිස්ත්‍රික් ආපදා කළමනාකරණ කමිටු හරහා මෙය විසඳීමට උත්සාහ කළ නමුත් එය අකාර්යක්ෂම විය.  
  
පෙර සිටි දිසාපතිවරුන් කොළඹින් ඇණවුම් හෝ සම්පත් බලාපොරොත්තුවෙන් සිටියේ නැත. ඔවුහු විවිධ බාධක මැද වැඩ කළ අතර කාර්යය ඉටු කිරීම සඳහා ඔවුන්ගේ අභිමතය භාවිතා කළහ. මධ්‍යම රජයට උපරිම වශයෙන් කළ හැක්කේ දිස්ත්‍රික් ලේකම්වරුන්ගේ ඉල්ලීම්වලට ප්‍රතිචාර දක්වන ලෙස සන්නද්ධ හමුදාවන්ට නියෝග කිරීමයි. මෙය කළ හැක්කේ කලාපයක් (1978 දී මඩකලපුව වැනි) හෝ කලාප (2025 දී දිස්ත්‍රික්ක 25 න් 22 ක්) සඳහා ආපදා තත්ත්වයක් ප්‍රකාශයට පත් කිරීමෙනි.  
  
**ප්‍රතිසාධනය**

![ditwah r 1](https://www.theleader.lk/images/2023/2025/December/ditwah_r_1.JPG)

  
මධ්‍යම රජය අවශ්‍ය වන්නේ මෙතැන දී ය. හානියට පත් යටිතල පහසුකම් අලුත්වැඩියා කිරීම, ජීවත්වීමට සුදුසු නිවාස වෙත ජනතාවට නැවත යාමට උපකාර කිරීම, කුඩා ව්‍යාපාර නැවත ආරම්භ කිරීම යනාදිය සඳහා අවශ්‍ය අරමුදල් රැස් කිරීම ආදියට මධ්‍යම රජය වඩාත් සුදුසුය. මේ සම්බන්ධයෙන්, ටිරාන් අලස් විසින් මෙහෙයවන ලද පශ්චාත් සුනාමි ප්‍රතිසංස්කරණ සහ සංවර්ධන ඒජන්සියේ (RADA) පාඩම් ක්‍රියාත්මක කළ යුතුය. රුපියල් මිලියන 200 ක මහජන මුදල් අයථා ලෙස පරිහරණය කිරීම සම්බන්ධයෙන් අලස් මහතා, එමිල් කාන්තන් (එල්ටීටීඊ අරමුදල් රැස් කරන්නෙකු යැයි කියනු ලැබේ) සහ තවත් දෙදෙනෙකුට එරෙහිව 2016 දී අධිචෝදනා ගොනු කරන ලදී. 2020 දී ගෝඨාභය රාජපක්ෂ රජය යටතේ නීතිපතිවරයා විසින් අධිචෝදනා පත්‍ර ඉල්ලා අස්කර ගන්නා ලදී.

> **2005 පනත මගින් නිර්මාණය කරන ලද අරමුදල හෝ 1993 පනතක් යටතේ පිහිටවු ප්‍රතිසංස්කරණ සහ පුනරුත්ථාපන අරමුදල, ප්‍රධාන සංස්ථා සහ විදේශගත ශ්‍රී ලාංකිකයන් වැනි අනෙකුත් ආයතන විසින් කරන ලද පරිත්‍යාග සඳහා තැන්පතු ස්ථානයක් ලෙස භාවිතා කළ හැකිය. විදේශීය රජයන්ගෙන් ලැබෙන දායකත්වයන් වඩාත් හොඳින් හසුරුවන්නේ විදේශ සම්පත් දෙපාර්තමේන්තුව සහ ඒකාබද්ධ අරමුදලය.1993 සහ 2005 පනත් යටතේ පිහිටුවන ලද මණ්ඩල සමඟ මෙම සියලු සම්පත් පාර්ලිමේන්තු අධීක්ෂණයට යටත් විය යුතුය.**

ලබාගත් අරමුදල් දිස්ත්‍රික්කවලට බෙදා හැරීමේ කාර්යය මුදල් කොමිසමට හෝ 2005 පනත මගින් නිර්මාණය කරන ලද (ප්‍රතිසංස්කරණය කරන ලද) ආපදා කළමනාකරණ කවුන්සිලයට පැවරිය හැකිය.

![591049847 1155586126751774 1955339134971028287 n](https://www.theleader.lk/images/2023/2025/December/591049847_1155586126751774_1955339134971028287_n.jpg)

  
ක්‍රියාකාරී වෙළඳපොළක් නොමැති විට සහන සහ ප්‍රතිසාධනය යන දෙකට ම සැපයුම සහ ඉල්ලුම ගැළපීම අවශ්‍ය වේ.සහන සැලසීමේ දී, අවතැන් වූවන්ගේ නිශ්චිත සංඛ්‍යාව අනුව නිශ්චිත ස්ථානවල ඉල්ලුමට පිසූ ආහාර සැපයුම ගැළපීම අවශ්‍ය වේ. ප්‍රතිසාධනයේ දී , පස් කපන උපකරණවල ආසන්නතම ප්‍රභවයන් පිළිබඳ තොරතුරු අවශ්‍ය වේ. මේ සඳහා මෘදුකාංග කට්ටලයක් වන සහන, සුනාමියෙන් පසු ශ්‍රී ලාංකික ස්වේච්ඡා සේවකයන් විසින් සංවර්ධනය කරන ලදී. එය අමෙරිකාවේ මෑන්හැටන් සහ අනෙකුත් ස්ථානවල යොදාගෙන ඇති නමුත් ආපදා කළමනාකරණ මධ්‍යස්ථානය (DMC) යොදාගෙන නැත.  
  
සහන මෘදුකාංග කට්ටලය හෝ ඒ හා සමාන පද්ධති මධ්‍යගතව යොදා ගැනීම අවශ්‍ය නොවේ. ආපදා නොවන කාලවල දී දත්ත සමුදායන් පිරවීම සහ ආපදා අවස්ථාවන්හි දී ඒවා භාවිතා කිරීම සඳහා වඩාත් සුදුස්සන් වන්නේ දිස්ත්‍රික් බලධාරීන් ය.  
  
**පූර්ව අනතුරු ඇඟවීම සහ සූදානම**

![proery](https://www.theleader.lk/images/2023/2025/December/proery.JPG)

  
බහු-උපද්‍රව ප්‍රවේශයේ දී, උපද්‍රව නිරීක්ෂණය කිරීමේ කාර්යය ආන්තික කාලගුණික සිදුවීම් සහ සුනාමි සඳහා නම් කාලගුණ විද්‍යා දෙපාර්තමේන්තුව වැනි විශේෂඥ ආයතන වෙත පැවරී ඇත. නමුත් නිසි කලට ආපදා අනතුරු ඇඟවීම් අසම්පූර්ණ තොරතුරු මත පදනම් වන බැවින්, විද්‍යාඥයින් විසින් අනතුරු ඇඟවීම් නිකුත් කරනු ලැබීම සුදුසු නොවේ. එවන් තීරණ දේශපාලන බලධාරීන් විසින් ගනු ලැබිය යුතු අතර, පූර්ව අනතුරු ඇඟවීමේ මධ්‍යස්ථානයක් විසින් පැහැදිලි සහ අධිකාරී භාෂාවක් භාවිතා කරමින් නිවේදන නිකුත් කළ යුතුය.

> **කාලගුණ විද්‍යා හා වාරිමාර්ග දෙපාර්තමේන්තු සිංහල සහ ඉංග්‍රීසි භාෂාවෙන් පමණක් අනතුරු ඇඟවීම් නිකුත් කිරීමෙන් දැකිය හැකි පරිදි, ආපදා කළමනාකරණ මධ්‍යස්ථානයේ ස්ථාපිත කරන ලද පූර්ව අනතුරු ඇඟවීමේ මධ්‍යස්ථානය 2025 දී අසාර්ථක විය. ජාත්‍යන්තරව පිළිගත් පොදු අනතුරු ඇඟවීමේ ප්‍රොටෝකෝලයට (CAP) ඔවුන් අනුගත කිරීමට ගත් උත්සාහයන් අසාර්ථක විය. එය යොදවා තිබුණේ නම්, පරිවර්තකයන්ගේ භාවිතයකින් තොරව, දෙමළ භාෂාවට වඩා වැඩි භාෂා ගණනකට පරිවර්තන සිදු කළ හැකිව තිබිණි.**

ප්‍රධාන ආපදා පිළිබඳ අනතුරු ඇඟවීම් මධ්‍යම රජය විසින් නිකුත් කිරීම වඩාත් සුදුසු ය. නමුත් ප්‍රාදේශීයකරණය වූ උපද්‍රව සම්බන්ධයෙන්, මධ්‍යම රජයේ ජාතික ගොඩනැගිලි පර්යේෂණ ආයතනය (NBRI) විසින් නිකුත් කරනු ලබන, ක්‍රියාමාර්ග ගත නොහැකි, දිස්ත්‍රික් මට්ටමින් කරන නායයෑම් අනතුරු ඇඟවීම්වලට වඩා දිස්ත්‍රික් සහ පහළ බලධාරීන්ට හොඳින් කටයුතු කළ හැකිය.  
  
අභ්‍යාස ඇතුළු සූදානම් කිරීමේ ක්‍රියාකාරකම් කළ හැක්කේ ප්‍රජා මට්ටමින් පමණකි.  
  
**අවම කිරීම**

![44116 ](https://www.theleader.lk/images/2023/2025/December/44116-.jpg)

  
මෙහි දී, ආපදාවකින් පසු එක් එක් ආපදා අවදානම් අවම කිරීමේ/කළමනාකරණ (DRR/DRM) ක්‍රියාකාරකම්වල කාර්ය සාධනය තක්සේරු කිරීම සඳහා කාර්ය සාධක බලකායන් පිහිටුවීමෙන් සහ උපදේශකයින් යෙදවීමෙන් මධ්‍යම ආයතනයට ප්‍රයෝජනවත් කාර්යභාරයක් ඉටු කළ හැකිය. මෙම සමාලෝචන මත පදනම්ව, ඊළඟ වතාවේ අවදානම් අඩු කිරීම සඳහා පියවර සකස් කිරීම සඳහා උපජාතික ආයතන සමඟ කටයුතු කළ හැකිය. වාර්තා පමණක් ප්‍රයෝජනවත් නොවේ. ඒවායේ සොයාගැනීම් අදාළ වගකීම් ඇති අය විසින් අභ්‍යන්තරීකරණය කළ යුතුය.  
  
**ආයතනික නිර්මාණය**

> **ජනාධිපතිවරයාගේ ප්‍රධානත්වයෙන් යුත් අග්‍රාමාත්‍යවරයා ඇතුළු අමාත්‍යවරුන් 20 දෙනෙකු සහ සියලුම මහ ඇමතිවරුන් සහ විපක්ෂ මන්ත්‍රීවරුන් පස් දෙනෙකු (3 වන වගන්තිය) ඇතුළත් අවලස්සන ආපදා කළමනාකරණ කවුන්සිලයක් වසරකට සිව් වතාවක් රැස්විය යුතු වීම (5 වන වගන්තිය) 2005 පනතේ ප්‍රධාන අඩුපාඩු අතරට ඇතුළත් වෙයි. එහි අනෙක් ප්‍රධාන දෝෂය වූයේ බාහිරව අරමුදල් සපයන ව්‍යාපෘති මත අධික ලෙස රඳා පැවතීමේ ආකෘතිය යි.**

![1764263691 anura L](https://www.theleader.lk/images/2023/2025/December/1764263691-anura_L.jpg)

 සුළි කුණාටුවට පෙර කවුන්සිලයේ අවසාන රැස්වීම 14 වැන්න වීම (නීතිය අනුගමනය කර තිබුණේ නම් එය විය යුතුව තිබූ ලෙස 100 වැන්නය) මගින් සැලසුම්වල අසාර්ථකත්වය සනාථ වේ. 4(ඈ) වගන්තිය මගින් නියම කර ඇති පරිදි, ඕනෑම ව්‍යසනයක දී හදිසි ප්‍රතිචාර දැක්වීම, ප්‍රතිසාධනය, සහන, පුනරුත්ථාපනය සහ ප්‍රතිසංස්කරණය සඳහා පහසුකම් සැලසීමට මෙම දැවැන්ත කවුන්සිලයට නොහැකි බව පැහැදිලි විය යුතුව තිබිණි.

> **2005 පනතේ කතුවරුන්ගේ කෑදර අභිප්‍රාය 17 වන වගන්තියෙන් පැහැදිලි වේ. එය එහි ආපදා කළමනාකරණ මධ්‍යස්ථානයේ ක්‍රියාකාරකම් සඳහා අරමුදල් සපයන මූලාශ්‍ර දක්වා ඇති 17 වන වගන්තියෙන් පැහැදිලි වෙයි : ඒ "(අ) කවුන්සිලයේ ආරම්භක ප්‍රාග්ධනය ලෙස ඒකාබද්ධ අරමුදලෙන් ලැබෙන මුදල්; (ආ) කවුන්සිලය එහි කාර්යයන් ඉටු කිරීමේ දී ලැබිය හැකි සියලු මුදල්; සහ (ඇ) ශ්‍රී ලංකාව තුළ හෝ ඉන් පිටත ඕනෑම නීත්‍යානුකූල මූලාශ්‍රයකින් ණය, පරිත්‍යාග, තෑගි හෝ ප්‍රදාන ලෙස කවුන්සිලයට ලැබිය හැකි සියලු මුදල්." වශයෙනි. 17(අ) වගන්තිය යටතේ ආරම්භක ප්‍රාග්ධනය 2005 දී රුපියල් මිලියන 10 ක් වූ අතර එය වැටුප් සඳහා පවා ප්‍රමාණවත් නොවීය. විදේශීය පරිත්‍යාගශීලීන් ශ්‍රී ලංකාවේ අවදානම් අවම කිරීමේ/කළමනාකරණ (DRR/DRM) ක්‍රියාකාරකම් සඳහා සම්පූර්ණයෙන් ම අරමුදල් සපයනු ඇතැයි ඔවුන් වැරදි ලෙස කල්පනා කළහ.**

පනතේ නිතිපතා විසර්ජන සඳහා විධිවිධාන නොමැත. එහෙත්, සෑම වසරක ම මුදල් වෙන් කරනු ලැබේ. නමුත් ප්‍රමාණවත් නැත.  

![rohan 1](https://www.theleader.lk/images/2023/2025/December/rohan_1.JPG)

  
අනතුරු අවදානම් සිතියම් වැනි ආපදා කළමනාකරණ මධ්‍යස්ථානයේ වසර 15 කට පමණ පෙර සකස් කරන ලද බොහෝ ප්‍රයෝජනවත් නිමැවුම් නිපදවා ඇත්තේ විදේශ අරමුදල් සහිත ව්‍යාපෘති මගිනි. ව්‍යාපෘති සම්බන්ධයෙන් සිදුවන ආකාරයට, අඛණ්ඩතාවයක් සහ පසු විපරමක් නොමැත. එම සිතියම් කෙටියෙන් සාකච්ඡා කරන ලද අතර, මා ඇතුළු පිටස්තර පුද්ගලයින් කිහිප දෙනෙකු විසින් දැක ඇති ඒවා, පසුව වළලනු ලැබීය. කොත්මලේ වේල්ල කැඩී යාමකින් ඇතිවිය හැකි ගංවතුර තත්ත්වය සිතියම්ගත කිරීමෙන් පුරෝකථනය කර ඇති පරිදි, කොත්මලේ වේල්ල විවෘත කිරීමෙන් සිදුවු හානිය පරීක්ෂා කිරීම තවමත් අධ්‍යාපනික වනු ඇත.  
  
**කළ යුත්තේ කුමක්ද?**

![National Disaster Management Council 2025.11.28 1](https://www.theleader.lk/images/2023/2025/December/National-Disaster-Management-Council-2025.11.28-1.jpg)

  
බලගතු උප සභාපති තනතුරක් සහිත, අරමුණට ගැළපෙන, කුඩා කවුන්සිලයකට, ආපදා සූදානම් වීමේ සැලසුම් අනුමත කිරීම සහ මූල්‍ය වියදම් අධීක්ෂණය කිරීම වැනි කාලයට සංවේදී නොවන කාර්යයන් සඳහා වගකිම ලබාදිය යුතුය. ජනාධිපතිවරයා සභාපතිවරයා විය යුතු නමුත් සියලු ම රැස්වීම්වලට සහභාගී වීමට අපේක්ෂා නොකළ යුතු ය. උප සභාපතිවරයා සහ ජනාධිපති ලේකම්වරයා සම සභාපතිවරුන් ලෙස කටයුතු කරන කුඩා විධායක කමිටුවක්, මහජන අනතුරු ඇඟවීම් නිකුත් කිරීම සහ ආපදා තත්වයක් ප්‍රකාශ කිරීම වැනි කාල සංවේදී තීරණ සඳහා වගකිව යුතුය.  
  
මෙහෙයුම් කාර්යයන් දිස්ත්‍රික් ලේකම්වරයා යටතේ දිස්ත්‍රික් මට්ටමේ ඒකක වෙත පවරනු ලබන අතර, ඔවුන්ට පළාත් පාලන මට්ටමට කාර්යයන් පැවරීමට සහ රාජ්‍ය නොවන සංවිධානවල ක්‍රියාකාරකම් සම්බන්ධීකරණය කිරීමට බලය හිමි වෙයි.  
  
ආපදා අවදානම් අවම කිරීමේ/කළමනාකරණ (DRR/DRM) ක්‍රියාකාරකම් සඳහා ප්‍රමාණවත් වන පරිදි මධ්‍යම රජයෙන් සහ පළාත් සභා අයවැයෙන් නිතිපතා සැලැස්ම මත පදනම් වූ අරමුදල් වෙන් කිරීම සහ විවිධ මට්ටම්වල කැපවූ විශේෂිත පුද්ගලයින් යෙදවීම අවශ්‍ය වේ. වර්තමානයේ මෙන් නොව ඕනෑ ම ව්‍යාපෘතියක් සමස්ත මෙහෙයුම් සැලසුම් සමඟ ඒකාබද්ධ කළ යුතු ය.  
  
![](https://www.citizen.lk/content/images/2025/12/rohan_samarajeewa.jpg)

****(සටහන | මහාචාර්ය රොහාන් සමරජීව)** දේශපාලන හා සමාජ ක්‍රියාකාරික [rohan@lirneasia.net](mailto:rohan@lirneasia.net) Chair, LIRNEasia ([www.lirneasia.net](http://www.lirneasia.net/?ref=citizen.lk)) Twitter: @samarajiva
### උතුරු දුම්රිය මාර්ගය සම්පූර්ණයෙන් ධාවනයට විවෘතයි
URL: https://www.citizen.lk/northern-railway-line-fully-open-for-traffic/
Last updated: 2025-12-22T10:45:03.000Z
අනිද්දා (24) සිට උතුරු දුම්රිය මාර්ගයේ කොළඹ කොටුව සිට කන්කසන්තුරය දක්වා යාල්දේවී දුම්රිය පහත පරිදි ධාවනයට සැලසුම් කර තිබෙනවා.

![](https://www.citizen.lk/content/images/2025/12/WhatsApp-Image-2025-12-22-at-4.04.09-PM-1.jpeg)

![](https://www.citizen.lk/content/images/2025/12/WhatsApp-Image-2025-12-22-at-4.04.09-PM--1-.jpeg)
### 2025 මාස 11ක දී ඩොලර් බිලියන 15.77ක අපනයන ආදායමක්
URL: https://www.citizen.lk/export-revenue-of-15-77-billion-in-11-months-of-2025/
Last updated: 2025-12-22T10:16:37.000Z
2025 ජනවාරි සිට නොවැම්බර් දක්වා කාලය තුළ ශ්‍රී ලංකාවේ අපනයන අංශය 5.8%ක වාර්ෂික වර්ධනයක් වාර්තා කර තිබෙනවා.

ශ්‍රී ලංකා රේගුවේ දත්තවලට අනුව, සහ ශ්‍රී ලංකා අපනයන සංවර්ධන මණ්ඩලය විසින් ඇස්තමේන්තුගත මැණික් හා ස්වර්ණාභරණ සහ ඛණිජ තෙල් නිෂ්පාදන සඳහා වූ අපනයන ආදායමත් එක්ව ඩොලර් මිලියන 15776.36 ක් බව අපනයන සංවර්ධන මණ්ඩලයේ සභාපති සහ ප්‍රධාන විධායක නිලධාරි මංගල විජේසිංහ සඳහන් කර සිටියා.

2025 නොවැම්බර් මාසයේදී වෙළද භාණ්ඩ සහ සේවා යන අංශයන්හි මුළු අපනයන ආදායම ඇමරිකානු ඩොලර් මිලියන 1364.52 කි.

එය 2024 නොවැම්බර් මාසයට සාපේක්ෂව 5.56% වාර්ෂික වර්ධනයකි.

මේ පිළිබදව අදහස් දක්වමින් අපනයන සංවර්ධන මණ්ඩලයේ (EDB) සභාපති සහ ප්‍රධාන විධායක නිලධාරි මංගල විජේසිංහ ප්‍රකාශ කළේ, 2025 ජනවාරි සිට නොවැම්බර් කාලය තුල ශ්‍රී ලංකාවේ අපනයන ආදායම ඇමරිකානු ඩොලර් මිලියන 15776.36 ක් වූ බවත්, එය වාර්ෂිකව ශක්තිමත් වර්ධනයක් පිළිඹිබු කරන බවත්ය.

ප්‍රධාන වෙළඳපොළවල් යථා තත්ත්වයට පත්වීම, තිරසාර නිෂ්පාදන ධාරිතාව සහ අපනයන සංවර්ධන උපාය මාර්ග ඵලදායී ලෙස ක්‍රියාත්මක කිරීම මගින් ශ්‍රී ලංකාවේ අපනයන අංශයේ ශක්තිමත්භාවය සහ තරඟකාරිත්වය අවධාරණය කරන බවත් ඔහු සඳහන් කර සිටියා.
### පේරාදෙණිය විශ්ව විද්‍යාලයේ පීඨ 05 ක අධ්‍යයන කටයුතු ඇරඹේ
URL: https://www.citizen.lk/academic-activities-commence-in-5-faculties-of-the-university-of-peradeniya/
Last updated: 2025-12-22T09:12:17.000Z
පැවති අයහපත් කාලගුණය හේතුවෙන් අධ්‍යයන කටයුතු තාවකාලිකව නතර කර තිබූ පේරාදෙණිය විශ්ව විද්‍යාලයේ පීඨ 05 ක අධ්‍යයන කටයුතු දෙසැම්බර් 29 වැනිදා යළි ආරම්භ කිරීමට සැලසුම් කර තිබෙනවා.

එම විශ්ව විද්‍යාලයේ උපකුලපති මහාචාර්ය ඩබ්ලිව්.එම්.ටී. මධුජිත් සඳහන් කරන්නේ ඒ අනුව දෙසැම්බර් 29 වැනිදා කෘෂිකර්ම පීඨය, පශු වෛද්‍ය පීඨය සහ දන්ත වෛද්‍ය පීඨයේ අධ්‍යන කටයුතු ආරම්භ කිරීමට නියමිත බවයි.

ජනවාරි 05 වැනිදා ශාස්ත්‍ර පීඨය හා විද්‍යා පීඨය ආරම්භ කිරීමට සැලසුම් කර ඇති බවත්, ඉතිරිව ඇති කළමනාකරණ පීඨයේ එක් ගොඩනැගිල්ලක් අවදානම් තත්ත්වයක පවතින බවත්, ඒ සම්බන්ධයෙන් අවධානය යොමු කිරීමෙන් අනතුරුව තීරණයක් ගන්නා බව වැඩිදුරටත් ප්‍රකාශ කර තිබෙනවා.
### ආපදාවට ලක් වූ නිවාස වෙනුවට, නිවාස සංකීර්ණ ස්ථාපිත කරයිද?
URL: https://www.citizen.lk/will-housing-complexes-be-established-to-replace-the-damaged-houses/
Last updated: 2025-12-22T09:01:13.000Z
"දිට්වා" සුළි කුණාටුවෙන් විනාශ වූ නිවාස සඳහා නිවාස සංකීර්ණ ස්ථාපිත කරදීමට සැලසුම් කරමින් සිටින බව නිවාස, ඉදිකිරීම් සහ ජල සම්පාදන අමාත්‍ය සුසිල් රණසිංහ සඳහන් කරනවා.

දිස්ත්‍රික් ලේකම්වරුන් හරහා විකල්ප ඉඩම් හඳුනාගෙන එම බොහෝමයක් තැන්වල නිවාස සංකීර්ණ ස්ථාපිත කිරීමට සැලසුම් කර ඇති බවද අමාත්‍යවරයා ප්‍රකාශ කර තිබෙනවා.

නිවාස සංකීර්ණ සඳහා මූලික සැලසුම් සකස් කරමින් සිටින අතර කෙටි කාලයක් තුළ මෙම ආපදාවෙන් හානි වූ නිවාසවල ජීවත් වූ පවුල් සහ ඔවුන්ගේ ජීවිත යථාවත් කිරීමට අපේක්ෂා කරන බවයි අමාත්‍ය සුසිල් රණසිංහ වැඩිදුරටත් සඳහන් කර තිබෙන්නේ.
### නායයාම් ආශ්‍රිත පාසල් හඳුනාගෙන, ඒවා වෙනත් සුදුසු ස්ථානයක ස්ථානගත කිරීම කෙරෙහි රජයේ අවධානය යොමු වෙයි
URL: https://www.citizen.lk/governments-attention-is-focused-on-identifying-landslide-affected-schools-and-relocating-them-to-other-suitable-locations/
Last updated: 2025-12-22T08:23:24.000Z
නායයාම් ආශ්‍රිත පාසල් නැවත එම ස්ථානවලම විවෘත කිරීම අතිශය අනතුරුදායක බැවින් එවැනි පාසල් හඳුනාගෙන, විද්‍යාත්මක පදනම මත සුදුසු ස්ථානයක ස්ථානගත කිරීම කෙරෙහි රජය අවධානය යොමු කරමින් තිබෙන බව අග්‍රාමාත්‍ය ආචාර්ය හරිනි අමරසූරිය සඳහන් කර තිබෙනවා.

‍අග්‍රාමාත්‍යවරිය හා UNICEF සංවිධානයේ නියෝජිතයන් පිරිස අතර සිදු වූ හමුවකදී, අග්‍රාමාත්‍යවරිය විසින් UNICEF සංවිධානයේ නියෝජිතයන් වෙත මෙම දැනුම්දීම සිදු කර ඇත.

ස්වාභාවික ව්‍යසනය සිදු වූ මොහොතේ සිට මේ දක්වාම විපතට පත් ශිෂ්‍ය ප්‍රජාව ආරක්ෂා කර ගැනීමත්, හානියට පත් වූ පාසල් පද්ධතිය යළි නගා සිටුවීමත් සඳහා රජය ක්‍රියා කරමින් සිටින ආකාරය පිළිබඳව සහ ඊට ඇති අභියෝග පිළිබඳව අග්‍රාමාත්‍යවරිය විසින් මෙහිදී කරුණු පැහැදිලි කර දී තිබෙනවා.

විපතට පත් පාසල් සිසුන් වෙත මුදල් සහන සලසමින්, දෙමව්පියන්ට අමතර බරක් නොවී නැවත දරුවන් පාසල් වෙත යැවීමට අවශ්‍ය කටයුතු සලසා ඇති බවත්, දරුවන්ට, නිවසට පසු ආරක්ෂිතම ස්ථානය පාසල බැවින් එහිදී ඔවුන්ගේ මානසික සෞඛ්‍ය සාධනීය මට්ටමකට පත් කිරීමට හැකි වනු ඇතැයි අපේක්ෂා කරන බවයි අග්‍රාමාත්‍යවරිය වැඩිදුරටත් ප්‍රකාශ කර ඇත්තේ.
### උත්සව සමය වෙනුවෙන් විශේෂ මෙහෙයුම් මැදිරියක්
URL: https://www.citizen.lk/a-special-operations-room-for-the-festive-season/
Last updated: 2025-12-22T08:12:48.000Z
එළඹෙන උත්සව සමය තුළ මහජන ආරක්‍ෂාව සහ සාමය තහවුරු කිරීම සඳහා යුද හමුදා මූලස්ථානය කේන්ද්‍ර කර ගනිමින් මෙහෙයුම් මැදිරියක් ස්ථාපිත කිරීමට ආරක්‍ෂක ලේකම්වරයා උපදෙස් ලබා දී ඇති බව ආරක්ෂක අමාත්‍යාංශය සඳහන් කර තිබෙනවා.

යාවත්කාලීන වන තොරතුරු හුවමාරුව ශක්තිමත් කිරීම, කාලෝචිත තීරණ ගැනීම සහ සියලුම ආරක්‍ෂක අංශවල මෙහෙයුම් සූදානම ඉහළ නැංවීම සඳහා මෙම පියවර ගෙන ඇති අතර, මෙම යාන්ත්‍රණය හරහා උත්සව සමය පුරා මහජන ජීවිත සුරක්‍ෂිත කිරීමටත්, රජයේ සහ පෞද්ගලික දේපළ ආරක්‍ෂා කිරීමටත් බලධාරීන්ට වඩාත් හොඳින් අවස්ථාව සැලසෙන බව වැඩිදුරටත් සඳහන් කර තිබෙනවා.
### ඉන්දීය විදේශ ඇමති අද දිවයිනට
URL: https://www.citizen.lk/indian-foreign-minister-to-visit-the-island-today/
Last updated: 2025-12-22T07:07:43.000Z
ඉන්දීය විදේශ කටයුතු ඇමැති ආචාර්ය සුබ්‍රමණියම් ජයශංකර් අද (22) මෙරටට පැමිණීමට නියමිතව තිබෙනවා.

ඉන්දීය විදේශ කටයුතු ඇමැතිවරයා මෙරට රැඳී සිටින කාලයේදී ජනාධිපති අනුර කුමාර දිසානායක, අගමැතිනි ආචාර්ය හරිනි අමරසූරිය සහ විදේශ කටයුතු, විදේශ රැකියා හා සංචාරක ඇමැති විජිත හේරත් හමුවී සාකච්ඡා පැවැත්වීමට නියමිතව ඇති බව වාර්තා වනවා.

ආපදා තත්වයෙන් පසු ශ්‍රී ලංකාව යථා තත්ත්වයට පත් කිරීම වෙනුවෙන් ක්‍රියාත්මක කෙරෙන පශ්චාත් ආපදා ප්‍රතිසාධන සැලැස්ම සඳහා සහාය දැක්වීම ඉන්දීය විදේශ ඇමැතිවරයාගේ සංචාරයේ අරමුණ වන බව වැඩිදුරටත් සඳහන් වනවා.
### රුපියල් 25,000 ක දීමනාව ආපදාවට පත් ජනතාවගෙන් 69.56% කට බෙදා අවසන් -ජාතික ආපදා සහන සේවා මධ්‍යස්ථානයේ සහකාර ලේකම්
URL: https://www.citizen.lk/the-rs-25-000-allowance-has-been-distributed-to-69-56-of-the-affected-people/
Last updated: 2025-12-22T08:34:29.000Z
දිට්වා සුළි කුණාටුවෙන් පසු පවුල් නැවත පදිංචි වීම සඳහා අවශ්‍ය මූලික කටයුතු සිදු කර ගැනීම සඳහා ලබාදෙන රුපියල් 25,000 ක දීමනාව ආපදාවට පත් පිරිසෙන් 69.56% ක ප්‍රමාණයකට බෙදා හැර අවසන් බව ජාතික ආපදා සහන සේවා මධ්‍යස්ථානයේ සහකාර ලේකම් ජයතිස්ස මුණසිංහ සඳහන් කරනවා.

ඒ අනුව, මේ වන විට ගෙවීමට ඇති සුදුසු නිවාස සංඛ්‍යාව 469,457 ක් ලෙස ගණනය වී ඇති බවත්, මේ වන විට එම නිවාස අතුරින් නිවාස 299,513 කට එම මුදල ගෙවා අවසන් බවද ඔහු සඳහන් කර සිටියා.

මෙම ආපදාවට පත්වූවන්ට අවශ්‍ය දීමනා ලබාදීම සඳහා රජය විසින් රුපියල් බිලියන 7,487 ක වැය බරක් දරා ඇති බවයි ජාතික ආපදා සහන සේවා මධ්‍යස්ථානයේ සහකාර ලේකම් ජයතිස්ස මුණසිංහ වැඩිදුරටත් සඳහන් කර සිටියා.
### ඔන්ඩන්සෙට්‍රෝන් ඖෂධ සිද්ධිය පිළිබඳ විමර්ශනය කිරීම සඳහා විශේෂඥ කමිටුවක්
URL: https://www.citizen.lk/expert-committee-to-investigate-ondansetron-drug-incident/
Last updated: 2025-12-22T08:31:03.000Z
මෙරට තුළ ආන්දෝලනයට තුඩුදුන් ඔන්ඩන්සෙට්‍රෝන් ඖෂධය භාවිතා කිරීම තාවකාලිකව අත්හිටුවා ඇති අතර, ඒ සම්බන්ධයෙන් වැඩිදුර විමර්ශන සිදු කිරීම සඳහා සාමාජිකයින් හත් දෙනෙකුගෙන් යුත් විශේෂඥ කමිටුවක් පත් කර ඇති බව සෞඛ්‍ය අමාත්‍යාංශය සඳහන් කරනවා.

ඔන්ඩන්සෙට්‍රෝන් ඖෂධය භාවිතයෙන් පසු මරණ දෙකක් වාර්තාවීම මෙන්ම, එම ඖෂධයට සම්බන්ධ සංකූලතා තක්සේරු කිරීම ද කමිටුව විසින් සිදු කරනු ඇති බවයි සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි සඳහන් කර සිටියේ.

මේ වන විට රට පුරා පුද්ගලයින් 200,000 කට ආසන්න සංඛ්‍යාවක් ඔන්ඩන්සෙට්‍රෝන් භාවිතා කර ඇති බවද සෞඛ්‍ය නියෝජ්‍ය අමාත්‍යවරයා සඳහන් කර සිටියා.