ටජිකිස්ථාන බන්ධනාගාරය තුළ අයිඑස් සිරකරුවෝ කැරළි ගසයි.

0
213

ටජිකිස්ථානයේ බන්ධනාගාරයක අයිඑස්අයිඑස් සිරකරුවන් පිරිසක් විසින් ආරම්භ කළ කැරැල්ලක් හේතුවෙන් බන්ධනාගාර ආරක්ෂකයන් තිදෙනකු සහ රැඳවියන් 29දෙනකු මියගොස් තිබෙනවා.

මෙම බන්ධනාගාරයේ අධි ආරක්ෂිත රැකවරණ මධ්‍යයේ සිරකරුවන් රඳවා සිටි බව බලධාරීන් සඳහන් කළා.

අයිඑස් ත්‍රස්තයන් පිහිවලින් ඇණ බන්ධානාගාර රැකවලුන් තිදෙනා සහ රැඳවියන් පස්දෙනකු මරාදැමූ බවත් කැරැල්ල මැඩපැවැත්වීමට යෑමේදී ආරක්ෂක අංශ විසින් සන්නද්ධ රැඳවියන් 24දෙනකු මරාදමා ඇති බවත් වාර්තා වෙනවා.

ආරක්ෂක අංශ පවසන්නේ මේ වනවිට බන්ධනාගාරයේ තත්ත්වය සම්පූර්ණයෙන්ම පාලනය කර ඇති බවයි.

රැඳවියන් 1500ක් පමණ වෙසෙන මෙම බන්ධනාගාරය දුෂාන්බේ අගනුවරින් කිලෝමීටර් 10ක් දුරින් පිහිටි පිහිටි වක්ඩැට් නගරයේ පිහිටා තිබෙනවා.