අමුතු අරමුණකින් ලන්ඩනයේ අවමංගල්‍ය පෙරහැරක්

පා-පැදි සහ පා ගමනින් යාමට වැඩි ඉඩක් ඉල්ලා ලන්ඩනයට සිය ගණනක් පා-පැදි කරුවන් එක්ව විරෝධතාවක් පවත්වා ඇත. අශ්වයින් විසින් අදින පැරණි තාලයේ අවමංගල්‍ය රථයක් සහ මිනී පෙට්ටියක් පෙරටු කරගත් ඔවුන් පා-පැදි සහ පාගමන් සඳහා ලන්ඩනය තුල වැඩි ඉඩක් වෙන් වන ව්‍යපෘති වලට වැඩියෙන් මුදල් යොදවන ලෙස ඉල්ලා සිටියි.

2016 වසරේ 100කට අධික පා-පැදි කරුවන් මියගොස් 3,400ක් පමණ තුවාල ලබා ඇත.

ඔවුන් මෙම මිනි පෙට්ටියෙන් සහ අවමංගල්‍ය රථයෙන් රථ වාහන නිසා පෘථිවියේ මානව සංහතියේ අවසානය ළඟ බව ද සංකේතවත් කරයි.

ඔවුන් මෙම උද්ගෝෂණය මහා භාණ්ඩාගාරය තෙක් පාගමනක් ලෙස රැගෙන යාමට උත්සහ කළහ.

නමුත් පොලිසිය ඔවුන්ට ඒ ආසන්න වෙනත් චතුරශ්‍රයක් වෙන් කර දුනි. ඊට හේතුව ඒ වන විටත් භාණ්ඩාගාර ගොඩනැගිල්ල පිහිටි ඩවුනින් වීදියේම පිහිටි අගමැති මන්දිරය ඉදිරියේ ආණ්ඩු විරෝධී උද්ගෝෂණයක් පැවැත්වෙමින් පවතී නිසා වේ.

කෙසේ වෙතත් යුරෝපයේ ඉක්මනින්ම පොසිල ඉන්ධන වාහන භාවිතයෙන් ඉවත්ව යාමට නියමිතයි.