මැතිවරණවලට ඉදිරිපත් වෙන ලකුණ ගැන තීරණයක් ගන්නවා

0
133

ඉදිරියේ පැවැත්වෙන මැතිවරණ සඳහා ඉදිරිපත් වෙන සන්ධානය කුමක්වුවත්, මැතිවරණ සලකුණ ලෙස පොහොට්ටුව යොදාගත යුතු බවද එම සංසදයේ සභාපති උදේනි අතුකෝරල මහතා එහිදී ඉල්ලීමක් කළේය. 

මෙම යෝජනාව සමස්ත ලංකා පළාත් පාලන ආයතන සංසදයේ විධායක සභාව සම්මත කර ඇතැයිද හෙතෙම බැසිල් රාජපක්ෂ මහතාට අද(18) සන්දේශය බාරදෙමින් සඳහන් කළේය. 

සන්දේශය බාරගැනීමෙන් අනතුරුව අදහස් දැක්වූ ශී‍්‍ර ලංකා පොදුජන පෙරමුනේ නිර්මාතෘ බැසිල් රාජපක්ෂ මහතා මෙසේ පැවසීය.

“මේ වෙද්දි ශී‍්‍ර ලංකා පොදුජන පෙරමුණට සම්බන්ධ විවිධ සංවිධාන මඟින් මේ යෝජනාව ඉදිරිපත් කර තිබෙනවා. ඒ වගේම දිස්ති‍්‍රක්ක සංවිධාන මගින් පවා මේ යෝජනාව ඉදිරිපත් කරලා තියෙනවා. 

මේ සියලූ යෝජනා අපේ පරමාදර්ශි නායක මහින්ද රාජපක්ෂ මහතා සහ අපිත් එක්ක තරග කරන සහෝදර පක්ෂ සමඟ සාකච්ඡා කරලා සුදුසු තින්දුවක් ගනියි. 

පළාත් පාලන ආයතන ජයගත් ඔබගෙන් මේ  ඉල්ලිම ඉදිරිපත්වීම ගැන සතුටුයි. අපේ නායකතුමාට හොඳ තින්දුවක් ගන්න සලස්වමු.

මගේ පෞද්ගලික තීරණයත් ඒකයි. අපි අභ්‍යන්තර ප‍්‍රජාතන්ත‍්‍රවාදයට ගරු කරන පක්ෂයක විදියට අපේ සහෝදර පක්ෂ අමතක කරන්නත් බැහැ. 

ගියවරත් පළාත් පාලන ආයතන මැතිවරණයට අපේ සහෝදර පක්ෂ එක්කයි ඉදිරිපත්වුනේ. ඒ පක්ෂවලට සභාපතිකම් නගරාධිපතිකම් පවා දුන්නා. ඒ අයත් පොහොට්ටුවේ අගය ගැන දන්නවා. ඉදිරියේදී මේ සම්බන්ධයෙන් සාධාරණ හොද තීන්දුවක් ගන්නවා. 

LEAVE A REPLY

Please enter your comment!
Please enter your name here