බ්‍රිතාන්‍ය නියෝජිතයින් වවුනියාවේ සංචාරයක

0
140

ඊයේ(04) බ්‍රිතාන්‍ය පාර්ලිමේන්තුව නියෝජනය කරන පාර්ලිමේන්තු මන්ත්‍රීවරුන් දෙදෙනෙකු වවුනියාවේ සංචාරයක නිරතවිය. වවුනියාව ඇතුළු උතුරු පළාතේ වර්තමාන තත්වය නිරීක්ෂණය කිරීම වෙනුවෙන් අදාළ පිරිස පැමිණ සිටි අතර, පැමිණි නියෝජිතයින් වවුනියාව දිස්ත්‍රික් ලේකම් අයි.එම්.හනීෆා මහතා සමඟ උතුරු පළාතේ වර්තමාන තත්වය සම්බන්ධයෙන් සාකච්ජාවක් පැවැත්වූහ.

බ්‍රිතාන්‍යයේ පාර්ලිමේන්තු නියෝජිත විලියම් ටාර්ටුවත් මහතා හා ජියෝප්රින් ඕට්රන් මහතා ඇතුළු නියෝජිතයින් වවුනියාව සිදම්බරනගර් ප්‍රදේශයේ යුද්ධයෙන් අවතැන් ජනතාව පදිංචි වී සිටින අයුරු නිරීක්ෂණයටද එක්විය.

යුද්ධයෙන් අනතුරුව උතුරු පළාතේ නැවත පදිංචිවූවන්ගේ තත්වය නිරීක්ෂණය හා පශ්චාත් යුධ සමයේ මෙරට ක්‍රියාකාරකම් නිරීක්ෂණය අදාළ පිරිසගේ අරමුණ වී තිබේ. බ්‍රිතාන්‍ය රජයේ අධාර යටතේ යුද්ධයෙන් අවතැන්ව නැවත පදිංචි වූවන්ගේ ජන ජිවිත යථා තත්වයට පත්කිරීමේ වැඩසටහන් රැසක් ක්‍රියාත්මක අතර, අදාළ වැඩසටහන්වල ප්‍රගතිය නිරීක්ෂණය කිරීමද අදාළ නියෝජිතයින් සිදුකරනු ලැබීය.

සාකච්ඡාවන් වෙනුවෙන් වවුනියාව ප්‍රාදේශීය ලේකම්වරුන්, වවුනියාව රාජ්‍ය ආයතන ප්‍රධානීන් ඇතුළු පිරිසක් එක්ව සිටියහ.