Citizen.lk
 

ගාල්ලට වෙන්න යන දේ ගැන රංගන හේරත් කතා කරයි - VIDEO

ගාල්ලට වෙන්න යන දේ ගැන රංගන හේරත් කතා කරයි - VIDEO | Rangana Herath speaks about what's going to happen to Galle
Thu 19 July 2018 4:24 pm
333 views

ගාල්ල ක්‍රිකට් ක්‍රීඩාංගණයට සිදුවීමට යන දේ දැනගැනීමෙන් තමන් කනගාටුවට පත්වූ බවත්, එම ක්‍රීඩාංගණයේ තමන්ටද කඩුලු සියය සම්පූර්ණ කිරීමට ඇත්තේ තවත් එක් කඩුල්ලක් පමණක් බවයි රංගන හේරත් පවසනවා.

ශ්‍රී ලංකා කණ්ඩායම හා සංචාරක දකුණු අප්‍රිකානු කණ්ඩායම අතර කොළඹ එස්.එස්.සී. ක්‍රීඩාංගණයේදී හෙට (20) ආරම්භ වන දෙවැනි අවසන් ටෙස්ට් ක්‍රිකට් තරගය පිළිබඳව අද (19) පැවති මාධ්‍ය හමුවේදී රංගන හේරත් මේ බව පවසා සිටියා.

ගාල්ල ජාත්‍යන්තර ක්‍රිකට් ක්‍රීඩාංගණය කඩා ඉවත් කිරීමට ගෙන ඇති තීරණය ගැන තමන්ගේ අදහස් කුමක් දැයි රංගනගෙන් විමසා සිටි අතර, ඊට පිළිතුරු දෙමින් රංගන මේ බව පවසා සිටියේ,

“ ක්‍රිකට් ක්‍රීඩකයෙකු ලෙස මේ ගැන දැනගන්න ලැබුණාම මම ගොඩක් කනස්සල්ලට පත් වුණා. මම පෞද්ගලිකව කනගාටුවෙනවා ගාලු ක්‍රීඩාංගණයට ඒ වගේ අවස්ථාවක් උදා වුණොත්. ගාලු ක්‍රීඩාංගණයේ කඩුලු සීයක් දවාගන්න මට තව තියෙන්නෙත් එක් කඩුල්ලයි.“

හෙට ආරම්භ වන තරගය පිළිබඳව මෙහිදී අදහස් දැක්වූ රංගන,

“පළමු තරගය ජයග්‍රහණ කළ නිසා කණ්ඩායමේ මානසිකත්වය ගොඩක් හොඳයි. ඒ මානසිකත්වය තමයි අපිට ගොඩක් වැදගත් වන්නේ. කණ්ඩායමේ සෑම ක්‍රීඩකයෙකුම ලැබූ ජයග්‍රහණයට එකතු වුණා. විශේෂයෙන් දිමුත් කරුණාරත්න, ඩිල්රුවන් පෙරේරා, සුරංග ලක්මාල් වගේම අනෙක් ක්‍රීඩකයොත් සෑම අතකින්ම එකතු වුණා. ඒ නිසා මම හිතනවා ජයග්‍රාහී මානසිකත්වය මේ තරගයට උදව් වේවි කියලා.

හෙට තරගයට ක්‍රීඩා කරන කණ්ඩායම තවම තීරණය කර නැහැ. අද හවස තමයි ගොඩක් දුරට කණ්ඩාය ගැන තීරණයක් ගන්නේ. කෙසේ නමුත් දකුණු අප්‍රිකාවට එරෙහිව ටෙස්ට් තරගාවලියක් ජයග්‍රහණය කරන එක ගොඩක් වැදගත්. විශේෂයෙන් අපේ රටේදී තරගාවලියක් ජයග්‍රහණය කරන එක. ඒ වගේම ඔවුන් ශ්‍රේණිගත කිරීම්වල ඉදිරියෙන් ඉන්න කණ්ඩායමක්. මේ සියල්ල නිසා මේ තරගයත් ජයග්‍රහණය කර, තරගාවලිය ජයගැනීමට අපට වැදගත්“ යැයි ප්‍රකාශ කළා.

Latest News

You may also like

Latest Videos

Hot Video

Nedungamuwa Raja Arrive to Kandy | නැදුන්ගමුවේ රාජා මහනුවරට පැමිණෙයි

Citizen of the Week

Citizen.lk - Citizen Of The Week With Popular Writer Saman Edirimunee | සිඳු, දෙවන ඉණිම නාටකයන් ඔබේ හදවතට සමීප කළ තිරය පිටුපස සැඟවුණු මැවුම්කරුවා - සමන් එදිරිමුණිගේ කතාව - Exclusive Video

Popular News