Citizen.lk
 

ඇමති අර්ජුණ ගාලු ක්‍රිකට් පිටිය රැක ගැනිමේ සටනට එක්වන ලකුණු

ඇමති අර්ජුණ ගාලු ක්‍රිකට් පිටිය රැක ගැනිමේ සටනට එක්වන ලකුණු | Minister Arjuna to join Galle defeating
Thu 19 July 2018 3:53 pm
294 views

ලෝක උරුමයද ආරක්ෂා කරගනිමින් ගාල්ල ජාත්‍යන්තර ක්‍රිකට් ක්‍රීඩාංගණය ඉදිරියටත් පවත්වාගෙන යාම සඳහා සුදසු වැඩපිළිවෙලක් සැකසීම ක්‍රීඩා අමාත්‍යරවයාගේ සහ ක්‍රිකට් පාලක මණ්ඩලයේ වගකීම බව හිටපු ටෙස්ට් ක්‍රිකට් නායක අමාත්‍ය අර්ජුන රණතුංග මහතා පවසනවා.

ක්‍රිකට් පරිපාලනයේ සහ පසුගිය ආණ්ඩුවේ දුර්වලතා ගාල්ල ජාත්‍යන්තර ක්‍රිකට් ක්‍රීඩාංගණයේ වත්මන් අර්බුදයට හේතු වී ඇති බවයි අද (19) පැවති මාධ්‍ය හමුවකට එක්වෙමින් අමාත්‍යවරයා කියා සිටියේ.

එහිදී වැඩිදුරටත් අදහස් දැක්වූ අමාත්‍ය අර්ජුන රණතුංග මහතා කියා සිටියේ, අනවසර ඉඳිකිරීමකට මහින්ද රාජපක්ෂ යන නම යෙදීමට යාමෙන් මෙම අර්බුදය ඇති වූ බවයි.

මෙහිදී වැඩිදුරටත් අදහස් දැක්වු අමාත්‍යවරයා මෙසේ පැවසීය.

“ගාලු ජාත්‍යන්තර ක්‍රිකට් ක්‍රීඩාංගණය ගැන ප්‍රශ්න ඇති වුණේ අද ඊයේක නෙමෙයි. මම ක්‍රිකට් සභාපති ලෙස සිටින කාලයේදීත් මෙවැනි ප්‍රශ්නයක් පැමිණියා. විශේෂයෙන්ම ගාල්ල ජාත්‍යන්තර ක්‍රිකට් ක්‍රීඩාංගණයේ දිවා රාත්‍රි එක්දින තරග පැවැත්වීමේ අපේක්ෂාවෙන් විදුලි ආලෝක පද්ධතියක් ස්ථාපිත කිරීමේදී ලෝක උරුමයෙන් ගාලු නගරය ඉවත් කිරීමේ අවධානමක් මතු වුණා.

ඒ අනුව අපි එය නතර කළා. හොඳට මතක තියා ගන්න. මේ ක්‍රීඩාංගණය ශ්‍රී ලංකාවට ඉතා වැදගත්. ශ්‍රී ලංකා කණ්ඩායම පහසුවෙන්ම ටෙස්ට් තරග ජයග්‍රහණය කරන්නේ මේ ක්‍රීඩාංගණයේදී. අපේ කාලේත් එහෙමයි. අද දකුණු අප්‍රිකා කණ්ඩායම එරෙහිවත් ශ්‍රී ලංකා කණ්ඩායම විශිෂ්ට ජයග්‍රහණයක් ලබා ගත්තේ මේ ක්‍රීඩාංගණයේදී. ඒනිසා අපි ගාල්ල ක්‍රීඩාංගණය ආරක්ෂා කර ගැනීමට මේ ප්‍රශ්නය දෙස වඩාත් විවෘත මනසකින් බැලීම කළ යුතු වනවා.

මම දන්න විදියට ගාල්ල ක්‍රීඩාංගණයේ අද දකින ප්‍රශ්නය ප්‍රශ්නයට මූලික හේතුව ඇති වුණේ පසුගිය ආණ්ඩු සමයේදී. ඒ කාලේ ලෝක උරුමයක් ලෙස ආරක්ෂා වීමට එහි අලුතින් ගොඩනැගිලි සෑදීම නොකළ යුතු බවට තීරණයක් තිබුණා. නමුත් මොකද වුණේ. පසුගිය ආණ්ඩු සමයේදී මෙතැන අනවසර ගොඩනැගිල්ලක් හැදුවා. විශාල බිල්ඩිමක් හැදුවා.

ඒක කඩන්න කිව්වම මහින්ද රාජපක්ෂ පෙවිලියන් කියලා ගොඩනැගිල්ල නම් කළා. ඊට පස්සේ කැඩුණේ නැහැ. මේ රටේ අනවශ්‍ය ඉදිකිරීමක් හදලා කඩන්න හදනකොට අර නම තියෙන නිසා කැඩුවේ නැහැ. මෙන්න මෙතන තමයි වැරැද්ද.

මම නම් කියන්නේ ප්‍රශ්නයට හේතුව අනවසර ඉදිකිරීමක් නම් සාකච්ඡා මාර්ගයෙන් එකඟතාවයකට පත්ව මේ ගොඩනැගිල්ල ඉවත් කළොත් ගාල්ල ක්‍රීඩාංගණය දිගටම තියාගන්න පුළුවන් වෙයි.

ඕනනම් ගාල්ල ක්‍රීඩාංගණයේ වසරකට ටෙස්ට් තරග දෙක තුනක් ක්‍රීඩා කරයි. මේ තරග ක්‍රීඩා කරන්න අපිට ලොකු ස්ථීර ක්‍රීඩාගාර අවශ්‍ය නැහැ. අපිට ස්ථීර නොවන ඉඳිකිරීම් සමඟ ගාල්ල ජාත්‍යන්තර ක්‍රීඩාංගණය ඉදිරියට ගෙනියන්න පුළුවන්.

එවැනි විසදුමකට නොයෙන්නේ වෙනත් බලවේග නිසාද කියලත් මම දන්නේ නැහැ. සාමාන්‍යයෙන් එවැනි බලවේග තියෙන්න පුළුවන්නේ. අපේ දඟ පන්දු යවන්නන්ට හොඳම ක්‍රීඩාංගනණ මේ ගාල්ල ක්‍රීඩාංගණය. ගාල්ල සහ මොරටුව ක්‍රීඩාංගණය තමයි අපිට තරග දිනන්න තියෙන හොඳම ක්‍රීඩාංගණය.

ඒ අතරේ ගාල්ල ක්‍රීඩාංගණය විනාශ කරලා ක්‍රිකට් නැති කරන්න වෙනම බලවේගයක් තියෙනවද කියලා මම දන්නේ නැහැ. මේ සියල්ල තේරුම් ගෙන ගාල්ල ජාත්‍යන්තර ක්‍රීඩාංගණය ආරක්ෂා කරගන්න ක්‍රමවේදයක් සැකසීමට අද පරිපාලනය කරන කිසිම කෙනෙක්ට මොලයක් නෑ කියන එක තමයි මට අවසාන වශයෙන් කියන්න තියෙන්නේ.“

Latest News

( 6 views)

You may also like

Latest Videos

Hot Video

shelida 200 sri lanka | මීටර් 200 න් ලොව හොඳම 10 අතරට ආසියාවේ අංක එක ශෙලින්ඩා ජැන්සන්

Citizen of the Week

Citizen.lk - Citizen Of The Week With Popular Writer Saman Edirimunee | සිඳු, දෙවන ඉණිම නාටකයන් ඔබේ හදවතට සමීප කළ තිරය පිටුපස සැඟවුණු මැවුම්කරුවා - සමන් එදිරිමුණිගේ කතාව - Exclusive Video

Popular News