Citizen.lk
 

සෙවනැලි නාට්‍ය කළාවෙන් ලාංකීය නාමය ජාත්‍යන්තරයට රැගෙන යන තමාෂා

සෙවනැලි නාට්‍ය කළාවෙන් ලාංකීය නාමය ජාත්‍යන්තරයට රැගෙන යන තමාෂා | Shadow Art Thamasha Jayasuriya
Wed 09 May 2018 3:25 pm
1,062 views

මේ වෙද්දි ලොව පුරා ප්‍රසිද්ධියට පත්ව තිබෙන නාට්‍ය කළාවක් තමයි සෙවනැලි නාට්‍ය කළාව කියන්නේ. විවිධ රටවල්වල මේ දේවල් ප්‍රසිද්ධියට පත් වුණත් අපේ රටේ නම් ඒ තරම් ප්‍රසිද්ධියක් මේ නාට්‍ය කළාවට නෑ, මොකද ඒ අංශයේ කුසලතාවන් තියෙන ගොඩ දෙනෙක් අපේ රටේ නැති නිසා.

ඒ වගේ පසුබිමක් තුළ තමයි 2012 වසරේදී ලංකාවේ මුල්වරට සෙවනැලි නාට්‍ය කළාවට ආරම්භයක් ගෙන දෙමින් තමාෂා ජයසූරිය කරළියට එන්නේ. මේ වෙද්දි ඇයටම වෙන්වුණු කණ්ඩායමක් සමඟින් සෙවනැලි නාට්‍ය කළාව ඉදිරියට අරගෙන ඇය තමන්ගේ හැකියාව ගැන කීවේ මේ විදියට......


තමාෂා සෙවණැලි නාට්‍ය කලාවට යොමු වුණු මුල ගැන කතා කරමු?

2012 දෙසැම්බර් 27 තමයි සෙවණැලි නාට්‍ය කලාව ලංකාවට ගේන්නේ. ඒ වෙනකොට නාට්‍යවල පුංචි පුංචි කොටස්වලට සෙවණැලි නාට්‍ය යොදාගෙන තිබුණා. නමුත් සම්පූර්ණයෙන්ම සෙවණැලි නාට්‍ය ඒ වෙනකොට තිබුණේ නැහැ. රැඟුම්පාලක මණ්ඩලයෙන් මට අනුමැතිය දෙද්දී ඔවුන් කිව්වා සෙවණැලි නාට්‍ය ශෛලියක් ලංකාවේ තිබ්බේ නැහැ කියලා. මම මගේ පළමුවැනි ඩ්‍රාමා එක කළේ ආනන්ද විද්‍යාලයේ කුලරත්න ශාලාවේදී. එදා බොහෝ දෙනෙක් එය නරඹන්න ඇවිත් මම කළ වෙනස අගය කළා.

තමාෂා සෙවණැලි නාට්‍ය කලාව හදාරලාද මේ කටයුත්ත පටන් ගත්තේ?

ගුරුවරයෙක් යටතේ මම මේ කලාව හදාරලා නැහැ. උසස් පෙළ කළාට පස්සේ මේ කලාව ගැන ස්වයං අධ්‍යයනයක් කළා. ලෝකයේ මේ කලාව තියෙන විධිය සහ ලංකාවේ මේ කලාව කරන්න පුළුවන්ද කියලා මම හොයලා බැලුවා. ඊට පස්සේ තමයි මම මේ නිර්මාණය පටන් ගත්තේ. මම ඉගෙන ගත්තේ Science. මගේ උපාධිය තියෙන්නේ BIO Medical Science වලින්. කලාව මගේ ෆැෂන් එක. වෙනස් දෙයක් කරන්න තිබ්බ වුවමනාවට තමයි මම මේ කලාව තෝරාගත්තේ.

තමාෂා මේ කලා කටයුත්තට අතගැහුවේ ලාභ ලබන්න නෙවෙයිද?

කලාව පැත්තට ගියොත් ස්ථාවර වෙන්න අමාරුයි කියලා තමයි ගොඩක් අය කිව්වේ. මුදල් හම්බ කරන පරමාර්ථයෙන් කළොත් ඇත්තටම මට මේක පාඩුයි. නමුත් මාකටින් දැනුමයි නිර්මාණශීලීත්වයයි දෙකම එකතු කර ගත්තොත් මේ කලාව මාකට් කරන්න පුළුවන්. මෙච්චර කල් මම කළේ මේ විෂය අධ්‍යයනය කළ එක. දැන් ඒක ප්‍රේක්ෂකයන් අතරට ගෙනියන්න තමයි මම මහන්සි වෙන්නේ.

මේ වෙනකොට තමාෂා සෙවණැලි නාට්‍ය කීයක් කරලා තියෙනවාද?

පළමුවැනි නාට්‍ය තමයි The Circle of Love. ආදම් සහ ඒවගේ කතාව තමයි මම එයින් ඉදිරිපත් කළේ. 2013දී මම කළා Shadow of love සෙවණැලි නාට්‍ය. දැනට මම සෙවණැලි නාට්‍ය විස්සක් කරලා තියෙනවා


මේ කර්තව්‍ය කරන එක පහසු නැහැ. මේ නිර්මාණ කාර්යය කරද්දී තමාෂාට අභියෝග ඕන තරම් එන්න ඇති?

ඉගෙනීම කඩාකප්පල් වෙයි කියලා හිතලා මුලින් මගේ පවුලෙන් වැඩි කැමැත්තක් තිබ්බේ නෑ මම මේ දේ කරනවට. ඒත් පස්සේ මම මේ කලාවට ආස නිසා පවුලෙන් මට ලොකු උදව්වක් දුන්නා. දැන් මගේ උපාධිය ඉවර නිසා ගැටලුවක් නැහැ. නමුත් මම මුල් කාලයේ නාට්‍ය කලාව කරද්දී පැය දෙකක් විතර වගේ තමයි නිදාගන්න ලැබුණේ. දැන් මට මේ කලාව කරන්න වෙලාව තියෙනවා.

මේ වෙනකොට ලංකාවෙන් පිටටත් තමාෂාගේ හැකියාව ගෙනගිහින් තියෙනවා නේද?

ඔව්. ලෝකයේ සෙවණැලි නාට්‍ය කණ්ඩායම් පහළොවක් තියෙනවා. මගේ කණ්ඩායම ඉන්නේ ‍දොළොස්වැනි තැන. ලෝකෙට ගෙනිච්චට ලංකාවේ ගොඩක් අය මෙහෙම නාට්‍ය ශෛලියක් තියෙනවා කියලා දන්නේ නැහැ.

තමාෂාට ජාත්‍යන්තරයට යන්න අවස්ථාව විවර වුණේ කොහොමද?

මගේ නාට්‍ය වීඩියෝ දැකලා. මට විවිධ අවස්ථා ලැබුණේ සමාජ මාධ්‍යවලින්. මගේ කණ්ඩායම පළමුවැනියටම ගියේ මාලදිවයිනට. ඊට පස්සේ ඩුබායි. ඉන්දියාව වගේ රටවල් කිහිපයකම අපි අපේ ඉදිරිපත් කිරීම් කරලා තියෙනවා. ඉදිරියටත් අපි රටවල් කිහිපයකටම යනවා අපේ ඉදිරිපත් කිරීම් කරන්න.

සෙවණැලි නාට්‍ය කලාවට අලුත් අංගත් එකතු කරගෙන තමාෂා නිර්මාණ කරනවා නේද?

ඔව්. ඇක්රෝබැටික්ස් කියලා අලුත් සංකල්පයක් අපේ නිර්මාණවලට ගෙනත් තියෙනවා. ඒ දේ එක්ක අපි අලුත් වැඩ කිහිපයක්ම කරන්න සැලසුම් කරගෙන තියෙනවා. දැනට ලැබෙන ආරාධනා එක්ක ඒක පිටරටට ගෙනියන්න තමයි ලෑස්ති වෙන්නේ.

මේ සෙවණැලි නාට්‍ය කලාව කොයි තරම් දුර ගෙනියන්නද අදහස?

මම මේ කලාව කරන්න පටන් ගත්තේ 2012 අවුරුද්දෙදි. මට ඕන අවුරුදු 28ට කලින් මේ ගැන හැමෝම දැනුවත් කරලා ස්ථාවර කරන්න. මේ කලාව පාසල්වලට හඳුන්වා දෙන්න හරි පුළුවන් නම් මම කැමැතියි.

තමාෂාගේ කණ්ඩායම ගැන තොරතුරු දැනගන්න ක්‍රමයක් තියෙනවද?

Vitalize කියන්නේ මගේ කණ්ඩායම. මම මේතාක් දුරට එද්දී මගේ කණ්ඩායමේ සහාය මට ගොඩක්ම ලැබුණා. Vitalize අපේ කණ්ඩායමට Fan Page එකක් තියෙනවා. අපේ තොරතුරු Fan Page එක මඟින් දැනගන්න පුළුවන්. Vitalize කියන යූ ටියුබ් චැනල් එක මඟිනුත් අපේ අලුත් සෙවණැලි නාට්‍ය නිර්මාණ බලාගන්න පුළුවන්

මේ ආපු ගමන් මඟේ කලකිරීම් ඇති වුණු තැනුත් තියෙනවා නේද?

වෙන රටවල අය මට පුදුමාකාරයේ සහයෝගයක් දෙනවා. ලංකාවේ වෙන සමහර දේවල් ගැන කලකිරීමක් තියෙන්නේ. මම බලාපොරොත්තු වෙන්නේ සල්ලි නෙවෙයි. මේ කලාව පවත්වාගෙන යන්න සහායක් දෙනවා නම් මම කැමැතියි. කිහිපදෙනෙක් මගේ නිර්මාණ බලලා ඒ වගේ කරන්නත් උත්සාහ දරලා තිබ්බා. මම පිටරට දේවල් බලන් හැදෙද්දී ලංකාවේ අය මාව බලන් හැදෙනවට මම කැමැතියි. මම කරන දේ ඒ විධියටම කොපි කරද්දී නම් හිත රිදෙනවා.

 

Latest News

You may also like

Latest Videos

Hot Video

Johnston claims officials remanded | රිමාන්ඩ් එකට ගත්තු නිලධාරීන්  රැඳවියන් ඉදිරිපිට මාව නිරුවත් කරා - ජොන්ස්ටන් I Video

Citizen of the Week

Citizen.lk - Citizen Of The Week With Popular Writer Saman Edirimunee | සිඳු, දෙවන ඉණිම නාටකයන් ඔබේ හදවතට සමීප කළ තිරය පිටුපස සැඟවුණු මැවුම්කරුවා - සමන් එදිරිමුණිගේ කතාව - Exclusive Video

Popular News