Citizen.lk
 

සේවකයකුගේ වැරද්දෙන් හවායි දූපතට ගිය මිසයිල අනතුරු ඇගවීමේ පණිවිඩය නිසා හවායි දූපතේ ඇති වූ කලබලය - Photos

සේවකයකුගේ වැරද්දෙන් හවායි දූපතට ගිය මිසයිල අනතුරු ඇගවීමේ පණිවිඩය නිසා හවායි දූපතේ ඇති වූ කලබලය  -  Photos   | Hawaii Panics After Alert About Incoming Missile Is Sent in Error
Sun 14 January 2018 9:30 am
1,045 views

ඇමෙරිකා එක්සත් ජනපදයේ හවායි දූපත වෙත ලැබුණු මිසයිල අනතුරු ඇඟවීමේ කෙටි පණිවුඩයක් නිසා බොහෝ දෙනෙකු දැඩි කලබලයකට පත්ව තිබූ බව විදෙස් වාර්තා පවසයි.සෙනසුරාදා උදය කාලයේදී ලැබුණු මෙම පණිවුඩය වැරදීමකින් එවූ පණිවුඩයක් බව දැනුම්දෙන තුරු බොහෝදෙනා තැති ගැන්මකින් පසුවී තිබුණි.

ජංගම දුරකථන වෙත කෙටි පණිවුඩයක් ලෙස ලැබුණු එහි කියවී තිබුණේ, "හවායි වෙත බැලස්ටික් මිසයිල අවදානමක් පවතින බැවින්, හැකි ඉක්මණින් ආරක්ෂිත පියවර ගන්න. මෙය පුහුණු සරඹයක් නොවෙයි." යනුවෙනි.

ප්‍රාන්ත ආණ්ඩුකාර ඩේවිඩ් ඉග් පවසා සිටියේ සේවකයෙකු විසින් වැරදි බොත්තමක් එබීමෙන් මෙම පණිවුඩය ලැබී ඇති බවයි. මේ සම්බන්ධයෙන් සම්පූර්ණ පරීක්ෂණයක් සිදුකරන බව ඇමෙරිකානු රජය අවධාරණය කර තිබේ.

හවායි දූපත් කලාපය උතුරු කොරියානු මිසයිල අවදානම වැඩිම කලාපයක් ලෙස සැලකෙන බැවින් පෙර දැනුම්දීමේ අනතුරු ඇඟවීමේ පද්ධතියක් එහි ස්ථාපිත කර තිබේ.එමෙන්ම, පසුගිය දෙසැම්බර් මාසයේදී එම දූපත තුළ න්‍යෂ්ටික ප්‍රහාර සයිරන් අනතුරු ඇඟවීමේ නලාව පෙර පුහුණුවක් වෙනුවෙන් නාද කරනු ලැබූ අතර, එය සීතල යුද්ධයෙන් පසුව එම නලාව හැඬවූ ප්‍රථම අවස්ථාව බවද කියවුණි.

Latest News

You may also like

Latest Videos

Hot Video

P.M. Ranil Wickramasinghe Speaks About Bond Scam | බැදුම්කරය ගැන අගමැතිගෙත් අලුත් කතාවක්

Citizen of the Week

Citizen.lk - Citizen Of The Week With Popular Writer Saman Edirimunee | සිඳු, දෙවන ඉණිම නාටකයන් ඔබේ හදවතට සමීප කළ තිරය පිටුපස සැඟවුණු මැවුම්කරුවා - සමන් එදිරිමුණිගේ කතාව - Exclusive Video

Popular News