Citizen.lk
 

මහනුවර ඇසළ පෙරහැර කාල සීමාව තුළ මස් මාංශ සහ සුරාසල් වැසේ

මහනුවර ඇසළ පෙරහැර කාල සීමාව තුළ මස් මාංශ සහ සුරාසල් වැසේ | During the Kandy Esala Perahera, meat and liquors are closed
Thu 16 August 2018 9:56 am
93 views

2018 මහනුවර ඇසළ පෙරහැර ක්‍රියාත්මක වන කාල වකවානුව මහනුවර නගර සීමාව තුළ පිහිටි මස් මාංශ වෙළඳසැල් සහ සුරාසල් වසා දැමීමට පෙරහැර සංවිධායක කමිටුව විසින් ඒකමතිකව තීරණය කොට තිබෙනවා.

මහනුවර ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා ඇතුළු පිරිසකගේ ප්‍රධානත්වයෙන් මහනුවර දිස්ත්‍රික් ලේකම් එච්.එම්.පී හිටිසේකර මහතාගේ සංවිධායකත්වයෙන් පැවති පෙරහැර සංවිධාන කමිටුවේදී මෙම තීරණය ගෙන ති‍බෙන අතර, ප්‍රථම කුඹල් පෙරහැර ආරම්භ කෙරෙන අද දින (16) වැනි දින සිට පෙරහැර සමාප්ති උත්සවය පවත්වන කාල සීමා දක්වා (26 දක්වා) මහනුවර නගර සීමාව තුළ පවත්වාගෙන යන සියළු මස් කඩ මේ අනුව වසා තැබෙන අතර මහනුවර නගර සීමාවේ මාළු වෙළඳ සැල් ආගොස්තු 24 සිට 26 දක්වා වසා තැබෙනවා.

පෙරහැර කාල සීමාව තුළ පෙරහැර නැරඹීම සඳහා පැමිණෙන බැතිමතුන්ගේ පාරිභෝගික අයිතින් ආරක්ෂා කර දීම සඳහා පාරිභෝගික සේවා අධිකාරියේ විශේෂ වැටලීම් අංශයක් යෙදවීමටද කටයුතු යොදා ඇති අතර, ඒ පිළිබඳ පැමිණිලි වෙතොත් මහනුවර දිස්ත්‍රික් ලේකම් කාර්යාලයේ පාරිභෝගික සේවා අධිකාරියේ දිස්ත්‍රික් කාර්යාලයට ඔබට පැමිණිලි කළ හැකියි.

පෙරහැර කාල සීමාව තුළ පෙරහැර නැරඹීම සඳහා පැමිණෙන බැතිමතුන් වෙනුවෙන් ගමනා ගමන මණ්ඩලය බස් රථ 700 ක් පමණ යෙදවීමට කටයුතු යොදා ඇති අතර, පෞද්ගලික බස් රථ 400 ක් පමණ යෙදවීමට ප්‍රවාහන අධිකාරිය කටයුතු යොදා ඇති බවත් රන්දෝලි පෙරහැර ආරම්භ වීමත් සමග මාතලේ සහ නාවලපිටිය දක්වා අවශ්‍යතාවය අනුව දුම්රිය යෙදවීමට කටයුතු යොදන බවයි.

2018 අගෝස්තු 12 වැනි දින කප් සිටුවීමත් සමග ආරම්භ කළ මහනුවර ඇසළ පෙරහැර 26 වැනි දින පැවැත්වෙන දවල් පෙරහැරින් පසු අවසන් වීමට නියමිතයි.

Latest News

You may also like

Latest Videos

Hot Video

Lasith Malinga Speech Before Asia Cup Trophy  | ගල් උඩත් ගස් පැලවෙනවා, හැබැයි ටිකක් කල් යනවා - මාලිංග

Citizen of the Week

Citizen.lk - Citizen Of The Week With Popular Writer Saman Edirimunee | සිඳු, දෙවන ඉණිම නාටකයන් ඔබේ හදවතට සමීප කළ තිරය පිටුපස සැඟවුණු මැවුම්කරුවා - සමන් එදිරිමුණිගේ කතාව - Exclusive Video

Popular News